Dolores By Felony Heartfillia Renthlei

Story tawi te te emaw luanliamna emaw post na
Jaredmommy Lrs
Posts: 2
Joined: April 30th, 2020, 10:44 pm

Dolores By Felony Heartfillia Renthlei

Unread post by Jaredmommy Lrs » October 3rd, 2020, 11:59 pm

Thuhma: In duh ang Story pawh ni lo mai thei a. Mahse,hmeichhe naupang/tleirawl chan ah hian in chanin min lo chhiar sak ula,nangmah ni tawn ang ah khan dahin hmeichhe naupang dinhmun hi in hriatthiam pui theih ngei ka beisei.A taka thleng ngei lai zeh tel a ni bawk mahni nun theuh enlet nan hmang theuh ang u aw.(thuhma neih dan pawh ka thiam lo,,min lo chhiar rem sak naw naw mai ru)

Kum 2003 a min bosalsan ta ka pa thihcham puala ka ziah a nia,he ka thu ziak fahrah te hi Ka pa tan ka hlan bawk e. Thinlung leh tih takzetin min lo chhiar sak ve theuh dawn nia u aw.

Dolores By Felony Heartfillia Renthlei


VOLUME--1

Thinrim awrawl tih hriat lutuk au tawn tawn vang chuan ka harh hlawl a,ka awmna chu room chhung a ni tih a thim mup danah chuan ka hre chawpchilh nghal. Thawm lo chhuak chu ka ngaithla kar a ka nu leh pa thawm a ni. Sitting room atanga lo chhuak a ni Nu leh Pa thinrim tak a in hau ta chu mutthilh theih tawh ni bik hek lo le an mahni pawh tum chuan sitting room lam chu ka pan phei chhat chhat a,ka nu chu thutthleng sei a ka nau mu bam ke lamah chuan a thu kun lam mai a. Ka pa chu chhuatlai ah chuan ka nu en ngur chungin a ding to mai a,bang a sana in tar chu ka melh zeuh a dar 12:00am a lo kawk va tawh.

‘’ Inthen ila tha ber” ka pa chuan a ti nget bur a. Ka nu chu a ngawi reng.
‘’Zanin chu hetah i la awm thei ang mahse ,naktuk ah chuan he in chhung ah hian ka hmu tawh tur che ni lo’’ a ti leh hrawk a. Ka nu rawn in sut hraih dan ah chuan a tap a ni tih ka hre thei a fate pahnih hi min ngaihtuah lutuk dawn tih hi ka hria ni. Zanin hi eng nge thleng ta hi ka nu leh pa inthen an tum tak mai le ! Nilo .......ka mumang nise harhchhuah ka chak takzet.

“Chhuak tur a min duh viau te chuan ka chhuak khawp ang. Hre rawh inchhir in ngaihdam min rawn dilin lo kir leh turin min ngen lawm lawm mahla,ka lo kir tawh ngai lo ang tih hi hre reng ang che.” ka nu chuan ka ti hlak a.
“Lungngai suh lo kir leh tur chuan ka ti ngai hauh lo ang che” ka pa chuan a ti let a. ‘’Naupang pawh i rawn ngaihsak vak a ngai lo ang’’ ka pa bawk chuan a ti leh a.Hei chu a la thinrim vang mai mai a sawi a nih kha ring nghet bur.

“Ka fate an nia ngaihsak tur in dikna ka nei”

“Sawi tam a ngai lo naktuk ah i chhuak anga,i rawn ngaihven zui pawh a ngai tawh lo,ka enkawl ve thei” tih leh room a luh a rual a. Ka nu hmel ngui riai leh a tahna avang a a mit sen deuh ram ka hmuh chuan ka thawk a pik in ka tah hi a chhuak ut ut,ka thutna atang tho in ka nu kiangah chuan ka in sawn phei a,sawi tur ka ngah lutuk mahse,engmah ka sawi thei lo ka ka hi a chih tlat in chhuahsan lo tura ngen pawh ka duh mahse ka thei thlawt lo. ka nu chuan ka awmdan chu a hrethiam a niang chu ka kut ah a chelh a,ka nau muhil chu a melh zeuh bawk a,a aw a thian kharh a “Bawihi ka awm loh san hun ah che pawh i nau leh i pa hi thlah thlam ngai lo la,i theih tawp tak meuhin chhawmdawl ang che. Nangpawh hei i nula mai dawn a,i nun uluk chho viau ang che. Ngaihzawng,mipat hmeichhiatna ah hian fimkhur hle ang che,vawikhat daisual tawh chuan a hnu leh hi a awlsam tih hria la,tha lo tih i hriat reng chu ti lui ngai suh ang che. Tuna nuam tih zawng a tlan ai chuan in nakin hun ngaihtuah chungin hmalam pan la,miin i hnunglam a an nuih che a an sawi zui turin rawn awm hauh suh ang che. A vuak let chu nangmah bawk in i tuar leh dawn si a” thawk a la hak a,a tah na avangin a aw pawh a la lawi rat mai.Kum naupang te mah ila a thu min hrilh chu a puitling lutuk,ka ngaihtuah thlen phak miah loh a ni.

“I hma a tih tur awm apiang tha tak in hlen chhuak la,harsatna i tawhin beidawng mai lo la,fuih tur chein i nu hi i kiangah ka awm thei lo pawh a ni thei mahse,englai mah a ensan lo tu che dinhmun chhe ber a i din lai leh i hlim lai ber pawh a i kiang a awm reng Pathian a awm reng tih hria la rawn beidawng ngai suh ang che. I nun uluk la,i phak ang tawk in kohhran bel bawk ang che. Hlawhtlinna i chan theih nan theih tawp chhuah la,theih tawp chhuah a bei thin te hian a nia malsawmna dawng thin ni. I puitling anga thil awmzia chu la sawi ngai loin i rawn la hrethiam mai ang ”a ti dam dap a,ka mittui tlak lai pawh ka hre lo ka nu chuan min kuah vang vang a.




Lalrinmawii ka ni a,Bawihi tiin min ko mai thin,unau pahnih niin a upa zawk ka ni ka nau chu Lalruatpuia a ni ka pa chu Lalnunpuia a ni a,ka nu chu Zonunsangi a ni. Tunah hian kum 18 na ka hmang mek a,kum 4 liam ta khan ka nu leh pa te inthen in ka pa in min enkawl a,an inthen kum 4 na class 10 ka zir kumin ka pa hian min thihsan a. Champhai District a thingtlang khaw pakhat ah kan khawsa ve mek ka pa awm tak loh atang ka pi te bulah kan uanu in kan cheng a..Tunah hian class 12 Govt G.M Higher Secondary School champhai ah ka zir mek a,zirna lam ah chuan ka hnu fual lem lo ,ka thiam ve viau. Hmeichhe tawng duh ve tak ka ni mahse ka zak zum viau thung,zaidam han tih hluai tur ka ni lo a thinchhe tak pawh ka ni chuang lo a hun a zirin a ni mai ang chu! Ka rilru hi a no in a na hma hle thung; khawtlang leh kohhran thil ah pawh ka phak ang tawk in ka in hmang ve thin. Tunah hian ka cousin ka pa u fanu te in ah ka zir na vangin ka awm a ni.Ka nu leh pa inthen hian kum 13 chauh a upa ka la ni kum 4 hma lama ka zia leh nunphung kha ka hlauh nasa hle! ka hun tawn hian min pawt chau lutuk thil pakhat! ka hriat chhuah theih loh chu ka nu leh pa kha engvanga inthen nge an nih tih a ni

KUM 6 HMALAM
FLASHBACK
Ka nu leh pa inthen na pawh kum 4 a lo tling ta der mai khatia nu tel lo a kan khawsa kha hrehawm ka ti em em a,ka rilru la puitlin loh zia min hriat fiah tir hle bawk. Rilru puitling tak tur pawn ka kum pawn a la pha bik em em chuang lo,nu dinhmun kha naupang te si ka chelh kha a nia,ka pa leh ka nau enkawl tu ka nih vangin nuam ka tih leh ka chak zawng tam tak pawh ka tih loh phah nasa bawk. Ka pa hi mi zaidam leh rilru tha tawp hi a ni a,a thil phal bawk mi ngaihnat pawh a hlawh viau zel pa ti ti thiam tak a ni bawk mahse,buaina chu a zu in nasa lutuk hi ni; a in loh chuan a in lo vang vang a,a in leh chiah hian a birh tlut zel hi a buaithlak lai ber a ni. Ka nu nen an in neih lai pawh khan a in tho a chu tianga nasa hian a in lo. Mahni taksa chhe khawp khan a in ngai lo a ni a, tun ah chuan engkim a danglam zo tawh ka nu nen an in thenna kha a tuar deuh pawh a ni ngei ang.
Thingtlang ah chuan lo (thlawhhma) neih ngawt lo chu in chawm na tur awm hek lo. Lo(thlawhhma) zim te hi ka nei ve thin a, kum naupang te ni si khan kan dinhmun in a zir loh vangin kan thian te ai pawn ka thawk nasa. School chawlh te hi feh nan ka hun tam zawk chu ka hmang thin. LO hnai neih tum phei chuan school ban hma te hian ka feh leh thin; ka nau chu a la naupang a eng ti tak tak mah in a la chhawr tlak si lo. Ka pa chuan zu a nasa in a taksa chak tawh lo nen rim tak in hna a la thawh tho a ngai si a ka khawngaih thei hle ,hei hian tum ruhna min pe thin lehkha tha deuh in ka zir anga,ka phak tawk hna te ka chelh anga chutih hunah chuan ka duat thei dawn tih ka hriat vangin ka zirlai ah ka in sawr bing thin.

Ka pa hi zu in nasa viau mahse,ka zirna hi a ngai pawimawh em em a,lehkha zir dan tur te min hrilh thlap thin. Ka hmuh lain rui in chahthlak chang nei mahse ka zahna a bo chuang lo. Midangin an pa te kohhran a mi pawimawh tak tak te an zah ang hian miin zu heh an tih ka pa hi ka zah ve tho. Ka tan chuan ka lei PATHIAN ka neih chhun a ni tlat a, theih tawp a ka nawm theih nan a hrehawm nasa tak tuar a ni ve tho. A ruih hian mi pawisawi zawng in awm ngai lo mahse a len chhuah hi chuan ka ngaih hi tha ngai lo ruih tawh chuan rilru a lo fim tawh si lo a,harhfim lai a kan tih duh loh tam tak hi tih a awl thin si a ka hlauthawng thin. A nih loh pawhin khawi emaw laiah a lo tlu a ngem tih ngaihtuah reng rengin ka awm thin. A ruih tawh hi chuan rilru nuam hian ka awm khat hle bawk a len chhuah loh a in a awm hi chuan ka ngaih a tha thung.

Ka nu pawh ka pa nen an in then khan an khuaah a haw a,phone hian kan in be ve deuh reng. Ka ngai thin in min lo biak pawh hian rilru no tih takah tah khum chang pawh ka nghah!





Khum a ka pa phone dah chu a rawn nghawr dar dar a,ka nu a lo ni a phur em em in ka la nghal a!eng eng emaw kan sawi luam a, “ lehkha zir tha la,tuna i hrehawm kha nakina i nawm na tur a ni tih hria la” a ti leh hram “ tunlai i pa zun a in nasa em” ka nu bawk chuan a ti leh a.

“ Tunlai tak chu a in rih lo,a in loh hi chuan a in lo vang vang a,a in leh chiah hian chin tawk a hre lo thin a”
“ Nu lo zin la,kan in hmuh loh na a rei tawh sia kei ni kan lo zin thei silo a”
“ Remchangah lo zin ka tum dawn nia. kan buai ve thei lutuk a zin chhuah hi a harsa ve lutuk a,nangmah ni zawk lo zin thei ula chu ka tikhawp mai i pi leh put e pawn an ngai ve che u si “ ka nu chuan a ti duah a, Mama chanchin te min zawt leh duah a,darkar chan ve dawn kan in biak hnu chuan kan in biakna chu kan ti tawp a.

Tunah hian kum 16 niin class 10 kan khaw HIGH SCHOOL ah ka kal mek board exam hmachhawn tur ka nih vangin lehkha zir lam pawh ka phak ang tawh chuan ka bei ve nasa! ka pa pawhin min tha hnem ngaih pui khawp mai; zan min menpui tum pawh anei nual mai. Class 10 ka nih tak hian a ni NU te hlut zia ka hriat leh zual a nu tel lo nun hrehawm zia ka hmachhawn belh leh ni! School ah hian parents meet tih te leh thildang eng eng emaw nu leh pa kal ngaihna hi a tam thei sia,ka classmate te chu an nu te an hruai a kei chuan ka pa ka hruai thin. Ka nu hman remchan loh vang a ka pa hruai ni ila a hrehawm na engmah a awm lo mahse,chutiang ni lo in ka nu awm loh vanga hruai ka nih na chuan rual min ti awt a ni. A ruka mittui tlak chang pawh ka nghah thin a tawng ve lo tan chuan ho lam ang deuh pawh in a lang pawh a nithei, mahse hmeichhe naupang te mai tawrh a tan chuan thil hrehawm lutuk a ni asin.

Tawng duh viau e tilo hian ka thian te bulah hian thil hi ka sawi zen zen ngai lo. Ka pa chhungkhat laina te chunga ka vui ve na,ka hun harsa ve tak te pawh ka hrilh ngai lo ka rin zawh loh vang pawh ni lo nge ka lo ring zo lo deuh ni zawk dawn! thu lian tham sawi nan chuan ka rilru a hah a ka thinrim chang chuan Pen leh Lehkhapuan la in ka nun buai chuar deuh chu ka ziak thin ka thawl hawk phah ve thin. Ka rilru dam hnu ah pawt sawm vek in emaw ka hal leh mai thin. Ka pa chuan smart phone tlawm te man min lei sak ve a,mi te ta pha lo mahse ka lawm em em tho a

Hun chu a kal beuh beuh a,kar loh ah first term exam pawh kan thleng leh ta mai dawn. ka pa pawh in min fuih phur dan a thiam viau,ka nu pawhin phone atang tha taka zir turin min rawn chah deuh mawlh mawlh reng. Class khat ah pawh a thiam thei pawl ka nih vang in teacher te pawhin min fak thei viau kan chhungkaw dinhmun an hrechiang bawk a,ka phak ang tawk a ka pa ka puih a ka buai theih zia te an hria a,chuti chunga pakhat na dinhmun ka hauh theih thin chu ka classmate te bulah en tawn tur ten an ti thin mahse,chuti zawng a an sawi a,min fak chuan nuam ka ti lo ka in thlahrung thin.
Ka pa hian zu a in vang hian a thian te zuin ve tho kan in a lo chuan luh chang an ngah si a, mi thenkhatin zu zuar chhuah a min chhuah tawk lah bo lo rilru hi a va hah duh tak em! ‘’ zu zuar lo se chu a pa in hna a thawk mumal si lo tiang dinhmun hian an awm thei miah lo ang’’ tih hi ka hnung lam atang a mi min sawi zui na a ni thin. Kan dinhmunin a zir loh rilru hah nen hnunglam a min sawi zuina hriat leh chuan nun hi a hneawm ngawih ngawih thin,theih tawp tak meuh a kan thawh ve pawhin tun dinhmun hi kan thleng thei tawk a ni a,min sawi zui dan hriat leh lek phei chuan thil hi a eng zawng a thlir a har thin. Mizoram kristian za ah za in ti ram ah hian rethei leh keini ai a dinhmun hniam zawk te kan sawi zui duh dan hi a va piangthar zia lo tak em! kan kristianna nen hian a in mil thlawt lo! kohhrana akul a tai a in hmang te hlei hlei hi a tawng tam tam an nih leh lawi si!



“LALRINMAWI eng nge i lo ngaihtuah veng veng “ kan mizo teacher Sir Rinawman a rawn tih chuan ka ngaihtuahna tang chuan harh zawkin ka phu deuh nghek bawk

“ A... Eng... Engmah” ka tih bahnawk ringawt a,midang ho chu an lo nui dar dar a.

“Class lak lai chuan thidang engmah ngaihtuah loh tur. Zirlai ah chiah rilru pek tur” sir chuan a ti a ka bu nghat ringawt

Ka sawi hmaih dawn kan thian hi pali kan ni kan inrual in kan class a in ang vek bawk. Lawmi,Sangi,Sawmi leh kei kan ni kan in kawm ngeihin kan in pawh tlang hlawm bawk. Lawmi nen hian kan in zui nasa zual a,kan in pawh leh zual deuh zawk bawk ka thian te 2 hi an fel lo bik e ka tih na ni lo in Lawmi hi chuan mi hriatthiamna a ngah a,engkim hi a ko a tla ang mai in min sawi pui theih nate hian ka ngainat na a ti zual thin. Mi hlim thei tak a ni a,a bula awm a nawm mai bak ah a hahdamthlak a tawng duh ve barh barh bawk; kan pahniha kan awmtlang phei hi chu tawng kan in chuh hi ni ringawt zel. Ka tan chuan thian nih leh ka unaunu nih a kawp a ni. Thingtlangah chuan chhungkaw khawsa thei tak an ni a pa hi kan khaw middle school headmaster a ni a,chhungkhaw fel tak an ni bawk an in ah pawh ka tlangnel a nuam ka ti bawk! a tu te mai pawh ka nel vek mai. Ka pa chhungte lam ai in chhawr pawh ka chhawr mah zawk Lawmi chu fanu mal tih tak ah an duat rawn a,an la note chei viau U mipa pahnih a nei a,school kal in Aizawl lamah in an luah thung.

Ka pa te lam hi chhungkaw hung tak an ni a,mahse kan pawhin kan chhawr em em lo. An naupang ber patea hi in pui nghak tih tak ah midang ai chuan kan chhawr deuh midang pawh hi an va sual chuang chu ni em em bik chiah pawhin ka hre lo mahse pawh hi an har ka ti ve tawp. Patea in pui nghaktu nupui hi a tha vak lo a,nel pawh ka nel lo,hnathawh ah chuan a taima lutuk ai pui leh aite nei an tih ang deuh hi a ni ve reuh a! Ka pi vang hian in pui ah pawh ka kal phah thin Patea chu ka pa ang deuh chiah zaidam leh rilru tluang deuh hi a nia, mi pawh in nupui te ngam lo an ti fo thin.


Ka alarm ri ral ral ah chuan ka harh a,ka tho nghal vat a ka pa pawh a lo tho leh diam tawh. Eirawng pawh a lo bawl zo leh tep tawh thenkhat chuan hmeichhe awm renga mipa in eirawngbawl te chu pawh in ti maithei kan chhungkua ah chuan hmeichhia leh mipa hna kan thliar hrang ve ngai lo a,mahse a pawng atak a hmeichhia kan hman reng chuan kan tih awm chi a nih chuan mipa in an lo tih chu ka duh chuang lo a mawi lo, mahse chuti ni lo hman loh thil a nih chuan a remchang zawk zawk kan in pui tawn mai thin. A tul a nih chuan eng thil pawh ti thei pa ka nei hi ka lawm; zu a in nasat tawh vang hian a taksa pawhin a tuar ve tan a,chak pawh a chak vak tawh lo mahse ei kan hmuh nan a theih tawp chhuah in hna a la thawk ve tang tang ka pa tan hian tawng pawh ka tawngtai nasa, engtik ah emaw chuan Pathianin ka tawngtai na hi min la chhan sak dawn tih hi ka ring tlat a ni. Pathian hnenah “ ka pain nangmah a hmuh hma che chu a nunna laksak suh aw” ka ti tawp thin.

“Bawihi nang chu i thiam leh bik ngawt ang kan in thut hnaih chuan min hrilh ve ang che” kawngka a lo luh phahin Lawmi chuan a ti bawrh bawrh a.

“A.. ka thiam bik vak lo kan in thut hnaih hlawm te chuan kan in hrilh dial dial ang chu” ka ti let a school pan chuan ka chhuak nghal a.

Ka thiante chu kei aiin an zo hmasa ka ziak muang bik lutuk hi chu in zir ka la ngai a ni. Ka chhuak min hmuh rual chuan “ I va thiam bik awm ve i chhang rei si” Sangi’n a lo ti nuah nuah a,min nghak ning tawh tih ka hrethiam mai ka zo har ve bawk a ni an zawhna a rei tawh si a
“Ka thiam lo vang alawm ka zawh har ka ngaihtuah nasa lutuk a,in thiam zawk a nih kha in zawh hmat danah” awih loh hmel lutuk hian min melh ngur ringawt
Haw kawngah chuan kan titi la malh malh a kan in pawh kan thleng har lo. Lawmi chu a lo leng kawi a,Sawmi te pahnih chu tih tur an neih deuh bak ah lehkha zir an duh thawh deuh vangin an haw tlang a. Ka thian te pathum kei ai daih an rilru a chak a,mahse an zir peih lo ve a an ni ai ka tih that phah mai mai. Zir pangngai se chu ka tluk ngai miah lo ang! Lawmi hian kei ai mathematics hi a thiam zawk a,ka hriat loh min zir pui se ka ti vanga leng tura sawm kawi pawh ka ni.
“Bawihi nang hi chu i phakar ve thlawt a lawm” a ti teh hluai a
“Ngati maw” ka ti ha a
“ Eng nge ni vak se i tih,maths hrilh i duh vangin leng tur min sawm a chu ti lo se exam lai nih hi lehkha zir a ngai tia nga i phal leh miah lo ang” a sawi dik ka ti lutuk chu ka nui ringawt. Rei ngial kan titi leh phawt hnu ah kan zir thei leh chauh tawng lah hi kan duh ve barh barh siah!
Dar 3 velah Lawmi chu a haw,ka nau leng pawh a lo haw a,eirawng bawlin ka buai char char a ka pa feh pawh a lo thleng a vawin chanchin min zawt luam a!


Chawlh karkhat zet kan exam hnuah kan zo ta! Kar khat chawlh kan nei bawk. Fur lai a nih vangin ruah a tla cherh cherh reng a,feh pawh a feh hleihtheih meuh lo. Ka pi ka tlawh khat tawh bawk nen an in lam panin ka chhuak a,Lawmi te nen an in hnaih a,lo leng ve tur in ka sawm a kan pahnihin kan kal a ka pi te in chu alo reh deuh thiap a,ka pi chu amah in meilum chu a lo ai a.
“ Pi Nutei a awm lo a mi”
“ Khawihah nge maw ni ka kal dawn a tih kha ni a chhuahna pawh ala rei lo”
Chhuat ka nawh sak a,thil dang tih tur awm pawh ka tih sak nual mai Nutei phun na a tlem phah ngei ka beisei! Lawmi leh ka pi pawh an in hnial fiam reng an in ngam ve bawk si min ti nui nasa ngang mai.
“ Pi Nutei hi a phun peih ve sia,i ning lo mi”
“ A phun peih vang hrim hrim a ni bik hleinem,ram ah hah takin hna a thawk a in lam ah awl tu a neih leh chuang si lo a a hah si a,a phun deuh a nih pawn a awm lutuk a lawm” Nutei thlavang hauh zet chuan a la ti tang tang. Ka pi tan chuan tunu te bula mo te rel chu thil awmang leh mawi ni lo pui chu
Ka pi hi kan bulah awm daih se ka thin mahse in pui awm reng laia kan in a lo awm daih kha thil mawi chu ni lo a chu mahse, ka ngaihsak thei sawt zawk ang a amah pawh hian inpui khu chu chhuahsan a hreh ang ka pu nen a an awm na an sulhnu a ni bawk si a. Nutei chu lo lam leh in chhung hnathawh ah chuan sawisel na tur a awm lo mahse, ka dem ve na chu ka pi kum a upa tawh a ni a, an ni angin chaw rum pawh a ei tha thei lo a,chuti chunga chaw rum deuh a ei pui kher thin hi ka ngei. A nem a ei thei lo a nih pawhin ka pi ei tur chhum hran mai tur a nia. Ka pi in chhum hrang ta se a phun leh a! mahni in chhung kum kha leh chen duh duh dana a awm naah khan in thlahrung takin a awm chu ni sia. Patea lah hi engmah hre lo ang hian a awm hmak a, nupui te ngam lo leh lutuk ka ngei tlat a ni pawh hi


Inrinni zan a ni a,Lawmi chu ka text a pawn a kal hmasa sa pawna in nghak turin ka hrilh a. Kan thianah chuan kan pahnih hian inkhawm an peih fal deuh a,Sunday zan phei chu harsatna a awm a nih loh chuan kan thulh mang lo.Dar rik rual chuan ka chhuak a,biakin ka thlen chuan Lawmi chu lo la thleng lo a,rei pawh ka nghah hma in a lo thleng ve mai a. Tunlai phei chu kan kohhran kan hlim a inkhawm pawh a nuam khawp mai. Keini ang khua thingtlangah chuan nula duh ang a kan in daih tawk loh vang hian kum 16,17 chho vela tang hian K.T.P lam ah pawh kan in hmang tan mai thin. Keini pawh kan tel ve zeuh zeuh tawh mahse,zirlai kan nih vang hian a nazawng chuan ka la in hmang chiah lo.

Kohhran thupuang tu chuan tun july 28 – 2 august thleng hian camping buatsaih a nih tur thu a puang a ka rilru ah ka pa a lo lang hmasa ber tun tum chu lut tur a nawr luih ve ngei ka tum. Speaker a tan C.Lalmuanpuia “ riangvai te thian” team an ruai dawn a ni.
Kan zai tui khawp mai,rin ai takin inkhawm pawh kan rei dar 8 leh chan ve vel ah kan bang. Kan thuhril tu thu sawi kha in ah ka ngaihtuah zui rauh rauh a tha ka tikhawp mai.



Vawin ah school kan lut a result kan puang a kan kal haw leh nghal mai. Ka vannei a Pathian zarah pakhatna ka ni leh hlauh mai. Lawmi pawh pahnihna a ni a,Sangi leh Sawmi pawh an pass tha tho.
Ka pa pawh ka result a hriat chuan a lawm hle. Ka nu pawh ka hrilh a min lawm pui khawp mai in thlahdah lo turin min chah tel leh hram. A ngai te in school kan han kal leh a ninawm chang pawh a tam ta
Naktuk hi camp an luh hun a ni ta chaw ei lai chuan “ Pa ka pi te in ah kan lo zu awm dawn nge” tiin ka zawt a. “ a.. in riak anga chaw chu in unau hian in ei thei tho e,in awm tawp chuan in tih buai phah ang tih a hlauhawm chubak ah i nutei a hmaizah awm” Ni e.. kan uanu pawn kan ngaihtuah awm lo zawk ang zan riah chauh chu,a zan han riah hran em chu ka pa in min ngaih tuah deuh a. Ka pa hi camp lut tura ka tih hma in a man a luh duh thu a sawi ve teh mial a,mi sawi a tang a awm dawn tih a lo hria ni ngei ang ka lawm khawp mai.

Zanin hi camp luh zan thum na chiah ka pa pawh a awm thei fu a,chhuah ruk a la nei lo. Piangthar se ka duh lutuk mahse, vawi leh khat a tha nghal thut turin ka beisei lo a tan pawh a har dawn tih ka hria kum 10 tel zu lo in tawh tan phei chuan thawklehkhat a nghei nghal a harsa dawn lutuk tih hi ka thiam pui ka theih tawp in ka tawngtai pui a,amah kohhran ah in hmanglo mahse keini chu kohhran belh ngai pawimawh tur hian min puih nasa; Sunday school pawh chhan awm lo a thulh tawp a phal lo bur!


Kan khaw mi ho lah hian kan thian hi min sawi peih ve sia “an lerh si,an leng peih si,hna thawk lo hian an vak dual dual ringawt a” tih vel hi an sawi duh a ni. Keini lerh a an sawi ten ngaihzawng pakhat sawi tur kan nei loh lai in an faten khawi khawiah emaw an hung nuk a chu chu an hmuh khat leh vek a! a tha ve reng reng e,tiang lo sawi peih tawk an awm te hi khawvel ti famkim tu an ni tlat! Mi pali in kawm kan ni sia,kan in awm na teuh hi in hlat lutuk si lo hian khawlai kal tlang zut ngai ang chi hi a ni sia vak tam ang hian kan lang hma bik ; mahse eng teh ual ah kan ngai lem lo an peih chen chen lo sawi teh se. An fate hian keini leng tam min tih hi zirna ah min tluk chuang lo tlat mai a,keini min sawi lo hian an fate kha khuahkirh se an hlawk pui zawk ngei ang. Kan thenawmnu pasal neih tawhin min hrilh ka hriatreng chu “ thian pathum ai tam inzui te chu an sawi peih a lawm,engah mah ngai suh u a reh ve leh mai ang. keini pawh kan hunlai khan kan thian hi kan tam sia min sawi peih thei lutuk mahse a reh ve leh mai. Tiang sawi peih hun lai hi a awm a lawm” a tih kha ni ka pawm nghet tlat; kan that an duh vanga in zilh pangngai chu a awm nameuh mai an sawi duh dan hi chu ti lam chu a ni leh si lo enga pawh chu nise mihring hi kan lo in daih a ni e!



Camp pawh an chhuak tawh a,Pathian zarah an tha tlang khawp mai. Ka pa pawh piangthar hlurh ang chi kha chu a ni lo mahse kan buaina ber erawh a in ta rih lo ka lawm khawp mai. Inkhawm pawh a inkhawm ziah pawh a nilo a ma that that in atha rih a,ti hian hma kan sawn chhoh ngei ka beisei. A in thunun theih loh chuan a tan in a awlsam dawn tih ka hria,a lo in leh a nih pawh in thlahnih khat mai ni lo karkhat pawh a in lo hi kan tan chuan a lawmawm lutuk hetiang a ka sawi vang hian in leh se ka duh tih na a ni lo. Chhan nei in nghei ta se a ngheichhan khan ti beidawng se a in nasa zual sauh anga,chu ai chuan a ma duhthlanna ngei in nghei se a daih reng zawk bawk dawn a,mahni duhthlanna ngei a eng pawh kan tih in tumah kan mawhpuhin kan dem thei lo a,chu chu tu tan pawh a tha a ni

November thla kan chuang kai a,thenkhat pawh buhseng in an buai tawh malh malh hle. Kan buh erawh chu a la hun lo deuh thla laihawl vel ah chuan kan seng thei vel ang; nitin school kal chu ka hna a ni mai.
Chawlhni a ni a,inkhawm banah chuan Lawmi te in ah ka leng a chawhnu inkhawm lo thak khawpin kan inkawm leh tak kha! ka haw tlai khawp mai a,in ka lut chu ka pa chu khumah puan sin hlun hian a lo mu a, Uhriata leh Umuana hian an lo awmpui a,thil awm dan ka zawh hma in thil awmdan chu min hrilh zung zung a,an leng turin kan in kawt a ka pa lo tlu chu hmuin an lo buaipui chu lo niin lawmthu ka hrilh mawlh mawlh a “ I awm tawh bawk a,kan va haw ve phawt a nge zan lamah te lo kal leh kan tum dawn nia” tiin min chhuahsan a. Ngaih that loh na em em pawh nei lo chuan rawng ka bawl sawk sawk a,zu a lo in anga a zu rui tlu vel a niang ka rilru chuan ka ti a. A muttui sia kai tho duh lo chuan ka nau nen chuan ngaihthat loh na pawh nei lo chuan chaw chu kan ei a!
Zanah chuan Uhriata te thian duh pawh in dar 10 dawn thleng min awmpui leh a an fel ka ti sin aw. Kan chhungte pawh engmah hrilh chuang lo chuan ka mu a,zanlai thawh pawh kan nei lo. Ka room tukverh ni in a rawn chhun chuan a hma tawh lo tih ka hria a,ka tho a. A lo reh thiap a,ka pa hi a leng chuak mi le ka ti rilru a kawngka lo la in kalh thlap bawk si! “ zingah ka thawh khalh ngai tawp si lo” ka ti rilru mawlh mawlh a,ka ngaih a ti tha lo ta nizan muttheih loh kan neih loh vang khan ka ngaih ka lo ti tha hman a,mahse ka pa a la thawhchhuah loh tak ah chuan hlauhthawn na hian min tuam,ka pa room ah chuan ka tlan lut nghal a. Ka pa chu mu chung chuan a lo meng kar a,ka thaw huai mai

“Pa i la nuam lo a mi,I va tho har ve” ka ti a min chhang lo chuan a melh ngai chu a melh tlawk tlawk a, ka sawi che dawn a ka pa chu a khawng deuh to a ka thlamuanna kha vawm bo ang duakin a bo a,hlauhthawnna bawkin min rawn tuam leh ka mittui a rawn hnam sawk a …awi… ka pa hi engtin nge a awm “pa eng emaw tal sawi rawh” “ I kut tal hi han ti che teh” chutia ka tih takah chuan a kut vei lam hi harsa tih hmel tak a rawn ti che a,thei le thei lo hian ka kut chu a rawn khawih a chu chuan tlemin ka mangan na a la kiang deuh! ka thawm a lo ring deuh a niang ka nau pawh a rawn tho a. Thil awmzia ka hrilh zung zung a,ka pa lo awmpui turin ka ti a. Ka pite chanchin hrilh turin ka tlan chuak nghal a ka hmanhmawh bawk a ka thleng har lo. Kawngka ka luh rualin patea chu ka au vak a “eng nge ni ti zing zing ah i mang a va an hmel ve” a tah chhuak bawk si sawi pawh ka sawi lawk thei lo.
“ih ih.. ka pa a dam lo,a awmdan a mak lutuk” ka ti nawk nawk a,thildang engmah ka sawi thei tawh rih lo tih an hrethiam a niang nutei te nen kan pathum chuan hmanhmawh tak kan in zui chho a
Kan in kan thlen chuan ka pa pawh a awm ngai rengin a lo la awm ka nau hmel pawh a chi ai a la naupang si ka lainat lutuk. Patean ka pa hmu chu a ngaih a tha lo a niang midang a be kual zung zung a,nutei nen chuan zawi te in eng emaw an sawi sep sep a
Ka nite ho chu an lo thleng sap sap a,thenawm khawveng pawh in kan chanchin chu an hre thuai a an lo kal ve sap sap a. Zing eirawng engmah ka bawl loh vangin ka nau a riltam ka hlauh vangin ka pi te ina zu ei turin ka hrilh a,kei erawh kan boruak teh nuai vangin chaw ei chak na pawh ka nei lo. Thil thlen dan chu hnukulh teuh chuan ka sawi a patea te ho chuan in lam in kawl reng chi ah an ngailo a,hmunpui lam pan turin thu rem an ruat a,motor biak tur zawngin a kal chhuak nghal a. Kan vanduai na a kal tluang nge motor hman tur a hmu zo der lo mai a,rilru a va buai duh tak em! tiang palh thil thut a hian a lawm thingtlang awm buaithlak na em em chu
Tih dan dang awm hek lo in lamah buai pui dan em em pawh awm chuang lo kan awm tawp a. Buhseng tul lai ni nachung in lam min awmpui tu pawh kan thahnem a,thla an ti muang khawp mai. Ka thian te pawh school ban chuan an lo kal a min awmpui ve ta reng a,min hnem mawlh mawlh bawk a. Pathian zarah eng em ti lo in ni chu kan hmang ral a,a tuk zingah chuan hmunpui lam pan chuan kan kal a,ka cousin,patea leh hman remchangin min kalpui a kan hmanhmawh bawk a kawng lakah pawh kan chawl khawmuang lem lo. Champhai kan thlen chuan Doctor in “he lai ai chuan aizawl lamah enkawlna a tha zawk a,amah hi a serous tawh si a,tlang thla zawk mai rawh u” a tih vang chuan aizawl pan turin chuan kan in buatsaih a,kan inhnawh puar a. Oruati,Patea leh kei in kan kal pui dawn a,in buaipui dan vak a awm chuang si lo a,midang zawng chu kan motor hman phei ah khan an let a,keini in motor dang kan hmang thla leh a!



Zan dar 10 bawr velah aizawl kan thleng a,damdawiin lam kan pan nghal a. kan vannei a khum ruak civil hostpital-ah a lo awm hlauh a Nurse te chuan min buaipuiin ,a tul tul an ti nghal a. Patea ‘n “I u Ruati nen hian zanin chu lo va chawl hahdam ula,ka lo riahpui ange. In chau lutuk ang” a tih vangin ka pate unau a upa ber fapa chuan min lo hruai a, zemabawk ah daih an awm sia damdawiin nen chuan in hlat vang vang tak a ni. Kan motor chuan na a thui tham bawk a, ka rin ai takin ka muttui phian!


Damdawiin kan thlen chuan patea pawh hahdam turin a haw a, dik lo a awm chuan hrilh vat turin min chah bawk a. Ka pa chu mah ni che thei a ni bawk si lo a,a chauh thlak ve lutuk zun leh ek then reng a ngai si a Oruati a fel khawp a ka ti ve hman meuh lo,han ten awm ang pawn a awm lo phun lah a phun ngai hek lo. Ka pa Hluna te in atang a damdawiin pan a buaithlak vang in ka pi te in edenthar lam ah kan in sawn a,engtia kan chhungte nge ka hre chiah lo.

Khawlam nen pawh kan in be reng a,ka nau pawh atul tul a nutei pui tur te a thu awih turin ka chah a ka nau hi ka ngaihtuah ka pa nen kan tel lo a a awm na hmasa ber a ni bawk si. Ka pa test result a chhuak a “STROKE” natna a lo ni a nasa hman tawh lutuk a,a pangkhing dinglam zawng hi a che thei tawh lo a, vei lam pang hi chu harsa deuh chuan a la chet ve thei deuh. A mu tawp a,chu ti chuan kan buaipui tawp mai a ni.

Karkhat zet damdawiin ah kan awm hnu pawh in hmasawnna hmuh tur a awm chuang lo,ngai kan awh ngawr ngawr ni mai bei a van dawng teh lul em! min kalsan thei lo, nu tel lo a nun kan hmang chho mah tih tawh naklai a,pa tel lo leh zel a nun hmang tur chuan kan la ngaihtuah awm lutuk.
“ Pa tang fan fan rawh aw. I fate pahnih hi kalsan tur chuan kan la naupang lutuk” ka pa muhil kut vuan chung chuan ka phun sep sep a,Oruati chuan ka hnungah lo chul a,patea rawn thleng a
“Pawnah va awmharh ang” min chhuahpui nghal a. Thutna tur ah chuan kan thu a,thaw a pik takzet hawina lam ah piang ah dam lo na tak tak hmuh tur an awm a, damchhuak zo ta lo tapchung a in phur haw leh dam na beisei a dam lo na tak tak in sul pel hmuh tur a awm reng bawk nen rilru hi a thaw veng har ngawih ngawih.
Ka zirlai ah pawh min kalsan nasa tawh ngawt ang 2nd exam pawh a hun tep tawh ka chhungte hian haw turin min ti pawh nise haw ka tum lo bur! eng em kan ti lo ang tih lah a sawi theih loh hetah engmah ti tak tak thei lo mah ila hmundang a awm ai chuan rilru a nuam deuh. Nakin ah mahni in dem leh na tur eng thil mah ka tum lo!
Patea a haw a nutei a lo chhuk ve thung a,a fel phian min chhawk hneh bawk , Oruati hi a chau tawh ngawt ang heti khawp a a mengrim a ka pa a buaipui chung hian a phun ngai lo re re min la hnem zawk thin. Y.M.A leh mitlawmngai ten kan buh pawh min lo seng sak a tin 60 lai kan thar ve hlauh mai in lamah min phurh haw sak leh vek bawk; kan chhungkaw chunga an thil tih hi engtik ah mah ka theihnghilh tawh ngai lo ang. School a kan zirtirtute pawn min hrethiam em em a,khi ti lam chu eng helh vak lo tur leh rilru nuam tak a awm a,ka pa pawh an tawngtai pui reng thu min hrilh vangin tlem chuan ka thla a muang ve deuh!
“ Pa ka tawng i hria tiraw.? kan buh kha mitlawmngai tak tak ten min seng sak a, hah pawh sawi lo a i thawh tang tang rah kha malsawnna kan dawng a, tin 60 lai kan thar ve a sin” ka pa tawng tura ka ang thei tawh lo chu ka bia melh melh a, ka tawng a hria ni tih hriat nan min melh kiau a,harsa taka a thawh rah a seng thei lo a,chu mai pawh ni lo a lawm thu tak ngial pawh a sawi thei lo chuan ka rilru a tina ngawih ngawih! tah chhuak teuhin ka pa chu ka en ngawih ngawih a, bula tah chi ni bawk si lo. A rilru a la fim vek a,a rilru tih hah chuan a zual zel ang tih a hlauhawm vangin a bulah chuan nui hmel kan pu lui hram hram thin.


Kar hnih zet kan awmhnu pawhin hmasawn na hmuh tur a awm lo chu a ni deuh mai. Sum lamah kan lo harsa ve bawk nen khuaah haw ila theih ang angin in enkawl tawp ila tih ka rilru ah te a awm rum rum thin; ka beidawng tak zet duh angin ka la puitling tawk lo nen ka tap reng hi ni deuh mai. Ka tawngtai nasa hle bawk mahse chham tur a lawi ka hre lo “ Lalpa khawngaih takin ka pa hi min tihdam sak rawh. A tello a awm tur chuan kan la ngaihtuah awm lutuk,ka nau nen hian pa kan mamawh na a la nasa dawn chauh” he thu hi ka tawngtai a piang a mittui tla chunga ka chham ziah a ni. Kum chan ve bawr vel khan ka pa hian sana min lei a,a bula ka thut te i hian sawi duh nei ni awm tak hian a sana min lei chu a en tlawk tlawk zel!

Nutei ,Oruati te nen kan pathum in kan awm a,nutei chuan chhun thil ei a hun dawn eng emaw zu lei ula a ti vangin kan in zui chhuak a, nutei ei duhzawng ang a kan rin kan lei nual a. Rei pawh kan thang lo kan ward kan thlen chuan ka pa lo awm hauh lo,hlauhthawn na ka nei nghal a. Chutia hamhaih taka kan din lai chuan nutei chuan hmanhmawh deuhin min lo pan a “ In chhuah hnu deuh lawk khan a awmdan a dik lo a,doctor ka koh a ICU ah an dah a rih a,mahse I rilru ti hah vak lo la a ngaihtuah awm loh a nia” a tawng dan ah chuan a ni pawh a ngaih a tha vak lo a ni tih a hriat theih. Ka khaw hmuh a phe ruai a ka mittui bawk a tla leh ta Oruati chuan lainat tih hriat lutuk hian min kuah vang vang a. Nutei chuan kan chanchin chu phone hmangin a hrilh zung zung a,ka pa Hluna te nupa leh ka nite pawh rei lo te ah an rawn thleng nghal thil an sawi sep sep renga mahse an sawi erawh ka hre lo.

Zanah pawh chuan engmah kan la ang thei lo kan ngai ngawr ngawr kan khaw aizawl lam a awm ho in min lo tlawh sap sap a,ka lo thlamuan pui takzet. Naktuk lama min lo tlawh an tum leh thu sawiin dar 11 pelh vel ah chuan min tin san ta hlawm a.
Ka chau ngang a ni ang ka muttui viau,ka harh chuan ni a lo eng uar tawh. Vawin hi ka ni hman zawng a hrehawm ber a ni ang tih ka ring ngai lo,Oruati ka hmuh vel leh chanchin ka zawt nghal a, “a ngai reng” zuai raih hian a tia,chhan na ngai hlir a ni damdawiin kan awm chhung hian ka dawn ni! Mit ka chhing vang vang a “ LALPA HEI HI EM NI KA TAWNGTAI CHHANNA CHU” ka rilru chuan a ti mawlh mawlh a,ka mittui bawk a lo hnai leh ta tap lo turin ka hmui ka pet fan fan a;

Aizawl lama kan chhungte awm pawh vawin chu kan kim viau kan dinhmun a tha lo bawk a. Ka pa awm dan chu a dik lo a, doctor leh nurse ten an buaipui zung zung ah ICU pawn sir deuh aizawl khawpui lan uar theih na ah chuan thuin ka thlir vang vang a,min thihsan tur anga ka ngaihtuah hian ka a mai dawn in ka hre thin,ka thawk a pik takzet. Darkar chan ve pawh a la ni lo ang tih ah Oruati chu ka bulah a lo phei a,chanchin ka zawh hma chuan min kuah a a tap a, “ Bawihi I….I.. I PA ,,,,,, A AWM TAWH LO” tap hlawp hlawp chuan a ti a. Ka a vek ni mai in ka hria,ka tap em pawh ka hre lo ka ngawi ngul ringawt a. Muang te in min kai phei hnak hnak a,ICU chhung ka pen lut nurse chuan ka pa oxygen vuah chu an lo la thla mek a ka tlan phei ni mai in ka hria “ ngati nge I lak thlak ka pa hi a la thi reng reng lo,a dam tha leh anga a hma ang khan kan awm leh dawn. Ka nau nen hian min kalsan phal lo hrim hrim” tap pah chuan ka sawi nawk nawk a,Oruatin min kuah a,room chhung a awm zawng mitmeng ah chuan min khawngaihna leh lainat bak a lang chhuak lo.

Ka nau ka ngaihtuah a,engtin nge a lo dawnsawn ang a la naupang si! Lalpa i remruat hi hriatthiam a va har em! Nu tello in nun kan hmang tawh a tinge kan neihchhun ka pa min laksak,a tello in kan unau hian kan la ngaihtuah awm lutuk a sin. Kan chungah hian I nunrawng bik tih na em ni..? Kan chunga I rorel dan hi a rawng lua a ni.
Thihna kut vawt in a man ka pa ruang bul ah chuan thu in ka en ngawih ngawih,a biang chu ka khawih a,a hit thler a chu chuan nunna nei ani tawh lo tih a nemnghet a,ka mumang lam ah pawh ka la man phak ngai loh chu tun ah ka chungah kum 16 a upa hian ka tawng mek chu a ni si a maw; ka mumang nise harhchhuah vat ka va duh em! naupang te pa la mamawh chauh tur chunga thleng atan chuan a nunrawng lua mah mah,mahse thihna hian thliar bik lo nei si lo.




Ruang an buaipui zo a,ka pi te in edenthar lamah chuan kan in phur thla a,thenrual tha te pawhin min tawiawm tha khawp mai a tul ang ang buapuiin an che suau suau a! tawng pawh ka tawng lo ka a chuih a ni mai ka pa nunna nei tawh lo tih hriat hmel da bel chu ka en tlawk tlawk tawp. Pa i fate pahnih I theih tawp a I duat, an tah pawh I phal ngai loh mit a tang a mittui hi I hruk sak dawn lo a mi..? Pa ka biak mawlh mawlh che hi min chhang ta che,min ti hrilh hai lutuk I mit lo meng ta che I sual lutuk.. Ni 23 NOVEMBER, 2017 DAR 10:15AM hi ka damchhung chuan ka theihnghilh tawh ngai lo ang. Khawvel a ka hun tawh a nunrawng ber ni leh ka hriatreng tur a ni reng tawh ang.





Hunserh te kan hman zawh chuan kan khaw lam panin kan chhuak a,mi kan chunga an lo that zia ka hre thar leh ka rin phak bakin min zui haw tu an tam an tan engmah tih sak kan nei lo chung hian tikhawp a, min ngai pawimawh hi lawmthu sawi sen loh kan ba takzet, ka taksa hi a chau takzet thil ka ei mumal si lo,ka mu tlem bawk si ka lu a hai muai muai mai!






Kan khua kan luh chuan khua a thim tawh a, dar 7 bawr vel a ni ang kawtchhuah zawl ah chuan mipui in min lo hmuak a, puandum an lo bat a hmuh hrehawm tak a ni. Ruang an hlang thla a,ka thian te pawn minlo hmuak an hmel a ngui ve bar a,a hmel ka hmu chiah ka tap leh rawih rawih mai kan inkuah a tap lo reng kan awm lo engmah pawh tumah in kan sawi thei lo. Ka pi tap ka hmuh ka lainat ngawih ngawih, tar chak tawh loh ah a fapa a hmangaih em em hrehawm tam tak tuar a a chawi tlei chu thihna nunrawng chuan a laksak chu a ni si a!



Ka pa ho a rethei tak mahse hlim taka kan lo chen na in ah chuan kan lut a,a chul rup in ka hria,ding a a luh na thin ah chuan a khampheiin a lut a ka thinlung hi a na vawng vawng,he in kan chhuahsan khan dam tak a let beiseiin kan chhuahsan a,damna run kan bel a,damna dawi leh doctor te chu a a hringnun chelhtu an tling zo lo! kan hmangaih min hmangaihna tu chuan a famkhua min lawisan a na asin a tuar tu tan chuan; ka tawrh ang hi I tawrh ve loh chuan a natzia hi min hriatthiam pui ngai lo ang.
Kan inchhung chu tap riin a khat ka nau tap mai mai ngai lo tap ka hmuh phei chuan ka thinlung hi chhun angin ana ,ni lo chhun mai pawh ni lo a natdan hi khawvel tawngin a sawifiah zo lo ang. Ka nau chu ka kuah a,kan tap dun hlawp hlawp a. “Ka u I fate hi en teh I khawngaih lo a mi,an hrilh hai hmel hi I tello in engtin nge an nun an hman ang an la mamawh che sin. I kalsan hma lua e,I fate vang tal hian I mit lo meng la,lo tho ta che” ka ni tah hla chuan ka tah a tichhuak zual sauh

Zan kan tlaivar pui a, vawiin 24 dar 11:00 ah hian kan neihchhun ka pa chu ka thlahliam dawn,khual khua atanga lo kal pawh an tam mi hian min lo tuarpui tak zet. Ka nu pawh ka rin miah lo in a lo kal ve ka ni te ho in an hrilh a ni ngei ang.Chhungkaw ai awh in ka pi leh patea an ding a,an thusawi chu ka bengah a lut thlawt lo. Ka pa biang vawt vek chu ka khawih a ka chhing vang vang ,ka mittui chu a hul duak a mahse ka thawk a pik tah chhuah vak a au hawm hawm ka chak ber. “ TUNAH A THAR HMANGAIHNA ENG NUAM AH” ka pa in a damlaia a duh theih em em chu thlahna hla ah ka thlang,an sa tui em em bawk a,kuang an chhin tur chu ka phal thei ngang lo. Nunna nei tawh lo ka pa chu ka kuah ngawih ngawih a,a biang ka chul a,a kut ka hum a,a chalah ka fawp vang vang a “PA I TAKSA KA KHAWIH TAWPNA TUR A NI. PA KA HMANGAIH CHE. KA NAU HI THA TAKIN KA LO ENKAWL ANG KAN HMANGAIH CHE PA” ka ti sep a he a taksa hi engtik ah mah ka tawk thei tawh dawn lo a van a vawng vawng em! ka ni chuan min kuah bet a tlangval ho chuan kuang chu an chhin riai riai a,thlalak pui turin an zawn chhuak a. Kan thian te pawhin min tel pui ve a,thla kan la zo thlanmual kan pan a, cho loh thihna kut vawtin banah kaiin piallei thuahriat hnuai ah an zalh dawn ta kir leh tawh ngai turin ka pa min hmangaih tu kan hmangaih chu!

A tawp nan thlan khur thuk tak a ka pa kuang chungah chuan lei ka theh thla a “ PA MAMA NEN KAN HMANGAIH CHE,KHAWVEL A PA THA BER I NI I FATE PAHNIH TAN HIAN; THLAMUANG TAKIN CHAWL ANG CHE AW.” ka pa chu kan thlah liam tak tak ta mahse “mangtha’’ tih thu hi sawi har ka ti,ka pa tel loin ka nau enkawl ka ngai tawh mahse ka tlin kher a ngem.? Eng ang in thlahlelin a kianga hun hman kham lo mahila chelhdin rual a ni tawh si lo,khawvela in hmu tawh ngai lo tura thlah liam a tul si khawvel kalphung mahni se mihring lam atang chuan tuar thiam a va har tak em!
Ka nu chu thlan nghah ni a awm a,a tuk a chuan a haw leh a a tuar ve ngawt ang tah pawh a tap nasa. Inleng kan la nei neuh neuh a kan khawhar pawh min chhawk hle. Kan hun tawn in a zir loh em vangin 2nd term chu exam ka tum lo law law mai kan zirtir tute pawhin min lo hrethiam em em a,ka ngaih a ngam deuh!



Ka vawikhat ziah ve na nia, chhiar a har deuh a nih pawhin min lo hrethiam hram hram dawn nia. Min chhiar saktu te chungah ka lawm em em a, a zawm min lo chhiarsak leh theuh dawn nia.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)