ITS JUST A STORY. PART ONE.

Story tawi te te emaw luanliamna emaw post na
Shinobee
Posts: 19
Joined: October 4th, 2020, 10:28 pm

ITS JUST A STORY. PART ONE.

Unread post by Shinobee » October 16th, 2020, 7:33 pm

ITS JUST A STORY.
Aizawl a mi thil ti thei tak fapa, mualphona chuan mizoram a chiah hneh kher mai, a thlalak chu hmun tin ah a darh chei chuaih a, mahse a mah tan zawng a tawng chhuak reng an awm lo, mitin maiin ani chuan a phu tawk a hmu ah an ngai theuh tlat si, nie a dik a lawm, a phu tawk a hmu ani, a thil tih ngeiin a vaw let ani.
Ka phone chu a rawn ri ral ral a, "Hello" ka ti vat a.
"Shino maw" mipa aw thum tha tak mai hian a rawn ti sup a.
"Aw nie, enge ni ta?" ka lo ti vat a.
"He tah Aizawl thana atang in i thil ziah chung chang ah khan biak che kan duh a ilo kal thei angem aw" a rawn ti a.
"Nga ti ngawt maw?" mak ti zet chuan ka lo ti a.
"Zawhna tlem te zawh che kan duh satliah mai chauh ani, a rei lo ang" a rawn ti thum leh dut a.
"Ah, aw, awle, mahse a mak e, ah, aw, nia, ka in siam anga ka lo kal ang" ka ti bah nuaih a.
Ka bangbo hle ani, engvang a min ko ve ngawt nge maw an nih le, ka in siam malh malh a, ka in khalh chhuak zui nghal a.
Police station hian min rap asin le, ka zak viau bawk sia, zak leh inthlahrung na vang a biang tia tak chung chuan ka dak dek dek a.
Karei avan lian ve, ti nge a din luau kher a, "Shino ami?" a rawn ti thum dut a, min rawn be tu kha ani maw.
"Awh...aw, ni e" ka lo ti lai rat a.
"Lo lut rawh" alo ti leh ringawt a, ka lut ve vat a, min lo en thap hlawm a.
"Ani hi maw, Shino chu, naupang mai ala nih hi"
"Khai a, kha tiang lehkha bu ziak tur chuan ava la nau hmel ve"
Min van en naupang hmel hlawm ve, ka naupang tawh bik vak lo ania aw, Paliana chuan "Min lo zui rawh" alo ti sup a.
Khawnge min hruai dawn le, a room chu avan rap awm ve, a thim deuh ruih leh nghal a.
"Tun lai thil thleng kha i hre ve em?" thut pah chuan a rawn ti sup a.
"Eng, MLA fapa a til an hleh sak kha maw?" ka lo ti ha a.
A lo nui suk a, alo bu nghat a, "Thu rawh" a ti zui zat a. Thu awih zet chuan ka thu than a.
"Kum engzah nge inih?" a ti sup a.
"22" ka lo ti vat a.
"Thawnthu hi engzah nge i ziah tawh" alo ti leh a.
"Ka hre lo, a tlem ber ah 30 chu a chuang tawh ang" ka lo ti ve vat a.
Min van zawt ho si ve, "Mi fing tak inih dawn chu" alo ti sup a.
"Awih awm loh" ka lo ti chiam a.
"He thil hi i ziah tiraw?" alo ti leh a, ka lo en ha a, ka bu zui nghat a.
"He thil hi engvang a, kha thil a thlen hma chiah a ziak kha nge inih" a rawn ti a.
"Ah, ka rilru ah kha tiang khan ziah a lang a" ka lo ti lai rat a.
"Chu ti chauh chu maw, nge he lehkha bu hi vo lawkna zawk" alo tih chuan ka en ha a.
Ti nge chu tiang chuan min zawh theih a, story sa tliah ve mak alawm, mi pawn tiang ang te kha chh an ziak thei vek ang chu.
"Eng enge i sawi awmzia" ka lo ti bah rat a.
"A chang tunu chuan pawngsual tu nun rawng tak chu, veh thlem in, hmun fal tak, tumah in an hmuh phak lohna, a rawl pawh an hriat phak loh na hmun ah chuan a hruai a, a mah pawh a che tawh lo tur a hrai ruih hnuh a, a kekawr chu phelh in, saruak in a dah a, a taksa ah chuan a lipstick hmang chuan miten awm chuan a phu tawk hremna hmu ta tih a ziah hnu ah, a nawmsip bawl a, a thil zawi nan mai chu dimna nei hauh lo chuan a tan zui hmawk a" a rawn ti malh malh a.
Ka ziah ania ka hre chiang, enge rawn chhiar chhuah kher a ngaih, mi ten an ziah ang in an lo sawi em ni, ani vaih chuan ka ziah ni leh darkar pawh ka nei thlap.
"Ti nge i rawn chhiar chhuah kher a, tu emaw in" ka ti chiah a,
"Lem kha chang tawh hlek suh" a rawn ti nghut a.
Ka lo en ho a, "I thawnthu ziah hi, MLA fapa chung a thil thleng ang chiah ani tih kha haider reng tum suh" alo ti leh hluk a.
Kei hi, he ka thawnthu ziah a vang hian rin hlelh ka ni tih na em ni, thawnthu mai a lawm, chuan kha MLA fapa kha ka thawnthu ang ami ang chiah in, Lalpa leh ani tak, a in ang chiah chiah, ka lo ngaihven ngai miah lo a alo in ang chiah chiah.
"Ni lo, ka ti lo" ka ti chhuak that a.
Ka muttui chu a rawn parawl kiang a, ni lo Shino tih sual inei lo, i zam tur ani lo, i tap tur ani hek lo, mi sual pakhat dan in hremna a pek ngam loh chu i thawnthu hmang in hrem an lo pe a, chu pawh chu dik lohna awm hek lo.
"Ka tih a ni lo, kha chu thawnthu satliah ve mai ani" ka lo ti leh a.
"Thawn thu satliah a?" Awmze nei zet hian alo ti a.
"Aw ka ziah thawnthu saltiah mai ani, mahse kha thawnthu dan in a hrem ngam loh hrem nan a mi tu in emaw alo hmang tangkai thei chu ka lawm zawk ani" chu pa en ran chung chaun ka lo ti nghat a.
"Fing lutuk" chu pa chuan alo ti sup a.
"Mi fing tak ka ni lem lo, ka Pu, thawnthu ziak tu satliah ve mai ka ni, mahse min ring hlel anih chuan i theihpa tawp chu chhuah ta che, ka in peih e, chuan ka kal thei tawh em, nge in dam lo pa bul ah ka ni nge ni lo tih fiah tur in min hruai zawk dawn" ka lo ti leh nghat a .
A name tag chu ka en zauh a, Vincent maw, chik zet chuan min lo en reng a, a lian sia, a melh nih hi chua va nuam zan lo tak aw, a tho hluai a, muang chang chuan ka thut na ah rawn phei in thu thleng chu a hnuk sawn a, ka la thu ve reng asin le, ka lo eh that a.
Min chawi lawp a, dawhkan ah chuan min nghat zui nghal a, enge tih a tum a, min ti hlau, hlauthawng zet chuan ka lo en thaw dep dep a, ka mit ah chuan chiang zet in min en a, a rawn kun hniam a, min fawh a tum em ni a, tenawm lutuk , eng ang ah nge min ngaih a, min ring hlel pawh nise, min fawh theihna dan a nei lo hrim hrim.
Ah min fawp lo, ka beng bul ah chaun a rawn thaw ham ham a, ka hre thiam chiah lo, engtin maw tak min fan, "Ka chhui chhuah theih loh ring suh ang che, Duhawmte" a rawn ti sup a, ka beng chu a pet zui hlak a.
Ka pum hian ka tek chhuai in ka hria, ka thawnthu ah khan tiang hian ka ziak thin a, alo awm thei tak tak anih hi, mahse hurna lam ni lo in, tun ah chuan ka hlau zawk, ka lo eu darh a.
Phawk zet chuan ka en hra a, a kiai suk a, "Lo chhuk la ,i duh ang chuan finfiah tur chuan kan hruai ang che aw" tih pah chuan a in her zui zat a.
Hei hi eng dan nge ni ngai, min dawp nge min fiam kual zawk ni a, dawhkan a tang chuan muang chang in ka chhuk thla a, ti nge min rin hlelh pawn tha te te in min zawh ve theih loh a, ti nge hlau thawng leh tenawm tak in a tih kher a.
Ka lung a chhia ka tah a chhuak ngawih ngawih, Police ho hi an lo tenawm tak zet ani, an vai chuan an ni lo meithei bawk a, mahse he police hi chu a tenawm tak zet, in sut ru faih faih chuang chuan ka zui ve hnak hnak a, ka in khawngaih em ani, thawnthu pakhat vang in rin hlelh ka nia, tenawm tak dawp ka ni kher hi ana ka ti em ani.
"Ah, ek" ala kal amaw ka tia, a hnung ah kan in tauh dawt chu le, alian sia maw, ti nge a len em em a, ft 5 ka pel ve zan zan a sin, a dar ka thleng pha awrh chauh ania, mihring pangai pawh ani lo ang.
"Bike hian aw" tih pah chuan min rawn hlang zui nawlh a, teh kher a, ka Scooty tawngtak ka keng ve reng, upa ve tawh mahse ala tlan ve thei tho.
A kar zauh a a bike hmah chuan a chuang ani der mai, a bike chuan a zo ni lo in, a mah hian a bike hi a zo ngawt ang chu, leu luau a.
"I mittui i hru hul tawh maw?"a rawn ti sup a.
Eh, ka tap kha alo hmu ru reng ami, lang lo thei nag ber in ka tap a maw ka tia, a tlan chhuak zui zat a, a...kha mihur kha hmuh ve hrim hrim pawh ka chak, theih phei se chuan a tilte awm tawh lo thla lak te ka chak ni, a va han phu ngawih ngawih tak.
Kan sawrkhar chak tak hian a chakna hi an vua leh vang che chung ah chauh lan tir lo ni ta seng chuan a tilte a chan bik lo tur ania aw, a chawh bawk sia maw, khawngaih theih pawh ani lo.
A ding dat a, ka hawi chhuak vat a, hospital kawt ah kan awm anih hi, hmuh a chak awm hle ani, a thil tih sual ah mi pui au thawm in sawrhkar beng a thlen zo lo a, mahse tun ah a sual man tel in sawrkhar leh Police mawng hung hman lek lo in a siam ania maw, chu tiang khawp a mi ropui chu hmuh vat ka chak ani.
Cabin nuam ber ber ah ala awmzui ah, kan lut chu an lo be sawt sawt hlawm a, kei chu min hmu ve lo aniang, a hnung ah ka din vang in min hmu ve lo a mawn le, ka hmu ve chak tawh ania, a hnung lam tang chuan ka bih ru dak dak a.
"Hei thil rawn zawt rur che in kan rawn kal a" Vincent chuan a ti sup a.
"Enge ni hriat belh duh in la neih a" alo ti vat a.
Tilte neih tawh loh hnu ah pawh ava la chapo ve mawle, a til ah chuan ka va pet dawn mawn le, a rahtlân kha alo la awm tak kan pet hrual sak dawn maw ni.
"Anih hi, i hmu tawh ngai em?" Vincent chuan a hnung a tang a min kaih chhuah pah chuan a ti a.
Awi leh a hmel saw, hleng lung a, hmeichhe it thei hmel pawh a pu mi, ka va beng chak tak.
Hurherhmantel-a chhan min lo en vang vang a, "An va in ang ve, an hnute bawr chu" alo ti a.
Berkher chuan hnute bawr chauh maw alo hmuh a, "Chiang tak khan ka hmu lo a, mahse ani chen vel hi chu ani, ani hi in ring hlel em ni, anih ka va ring lo em, a chhan chu kha hmeichhia kha chu a sam a tawi a, chuan a hmai kha a tung lam ani bawk in ka hria" alo ti a.
"Ani maw, anih kha nu nen kha in in hre sa hrim hrim em?" Vincent chuan alo ti a.
A nupui ni awm tak chu alo en deuh zuk zuk a, "Hre sa lo" alo ti sup a.
A mah khawih tu chu hmeichhia ani tihna ani maw, a hur vang in mi a ti chhia a, a hur vang bawk in a chhiatna lam a pan anih chu le.
"I hriat ngai lo hmeichhia chu i chhuah pui mai a maw, i van hur ve" ka lo ti chhuak hluai a.
Min lo en thap hlawm a, Vincent chu a rawn ri deuh huk leh nghal a, "Kal teh ang, thu thar a awm leh ve leh ka rawn be dawn che u nia"tih pah chuan Vincent chuan min kai chhuak dar dar a.
"Shino, hmeichhe duhawm tak inih reuh hi le" ati zui sup a.
He mi lawilo duhawm tih nih hi ka duh teuh lo, a lian leuluau ropui si, bike chuan a thu at a, ka lo lawn ve taih taih a, "Awih lalpa" ka in ring lo, ka eu zui awrh a.
Ka tla lo chu ka van vannei em, mi in rin hma in ti nge a tlan chhuh phut a, a mawl muk hle ani, a bike a din rual chuak ka lo chhuk thuai a.
"Harawh naktuk lam ah ka rawn ko leh ang che" a ti sup a.
"Tha lawm" in ring tawk zet chuan ka lo ti ve vat a, ka scooty ah chuan ka lawn a, ka tlan ri zui phurh phurh a, a upa tawh a, a thawm te hi a mawi phurh phurh ania aw.
Ka phone rawn rik ah chuan ka meng duar duar a, ka ban thelh nawk nawk a.
"Hello" ka ti zui tuau a.
"I rawn kal a hun tawh" a rawn ti sup a.
A aw chu, kha Vincent kha ani maw, ka la thawh loh hi ala hma em hi, avan ti mah mah tak, hei hi chu in zah loh na lian tak ani, ka hman hun ah ka kal mai ang, ka hmet hlum nghal daih a.
Ka kawngkhar a rawn ri dawt dawt a, tu phiangsen nge ni a, mutkham loh vang a, tap pur chung chuan ka tho a, ka va hawng zui nghal a, "Enge, ka la mut hi" ka ti vin hlar a.
Âwm lian zet ringawt chu, ka hawi chho ha a, awih, ka phu nasa lutuk, ka petek dawrh thei, eh, eng...enge he tah a rawn tih a, engtin nge ka awm na a hriat a.
"I awm na hriat har lo tak hi engtin nge ka hriat tih chu min zawt lo mai teh, i ek chhe lar ve phian tih i hriat kha" rawn luh pah chuan a ti hmuk a.
Thut pah chuan chik zet chuan min en zui vang vang a, enge ti teh fako a min en a, rum zet chuan ka en let ve ngar ngar a.
"Nuchhimi chu nepte" a rawn ti sup a.
Min sawisel em ni a, enge a beisei vak a, tu nge thawhhlim a hmeltha viau se a tih a, "Zawngpa lian chiah chiah" ka lo ti let ve hlak a.
A kiai suk a, "Ka lah hi i nei reuh sia, in ti fai vat teh",alo ti a.
"Ninawm, ala hma em ni, in zahna tlem tal nei ve bawk la mawle, ka lehkhabu vang in min ring hlel chu ani thei, mahse a tilte hlep tu ka ni tih kha finfiah na i nei chuang lo" ka lo ti hmarh hmarh a.
"Sana en na chang hre ve teh" alo ti sup ringawt a.
Ka bang a sana intar chu ka en ho a, awiii dar 12:00 alo pel tawh, zan a ka men rei vang vek, story thar ka lo ziah vang, ka thiam loh pawh ani lo, ka hna ve ania, ka sum hmuhna ani ve miau a lawm.
"Ah...ka lo en miah lo a" ka ti lai rat a.
"Anih chuan i in tifai thei tawh em?" alo ti sup a.
Ka kal zui hna hna a, a hlauhawm sia maw, alian sia, ka in ti fai a, ka in thlak zui malh malh a, ka ril a tam a sin le.
"Lo kal rawh le" a ti sup a, a ding zui zat a.
"Mahse, ch" ka sawi pawh a ngai thla lo, a kal zui daih a, ka ril pawh a tam ve thei tho sin, nizan ah chaw ka ei mumal bawk si lo,eirawng ka bawl tlai lutuk a, ka in tem puar phah ringawt a, chu pawh a mah vang vek in, ka pum chu a rawn ri raih raih a.
"I thil khu zet kha chu keng duh lo mai rawh, ka thlah leh mai ang che" a rawn ti sup a.
Ka rohlu min han sawi chhiat sak kher chu le, a chahbi pawh ka keng ve bawk, a bike ah chuan min rawn hlang nawlh a, a tul tei vet lo, ka thawnthu ziah ami ang mai khan bike a hlan hi ka ngai lo, ka lawn thei, a tlan chhuak zui daih leh nghal a.
Ninawm ka ning e, he Police station hi, kan lut a, in dawp na pindan ah chuan hmeichhe pakhat hi alo thu ve ran a, tu nge, eng a tan nge le, ani hi an ring hlel ve tho a mawn le.
"Hei alo kal e, thu rawh le" Patling lam tawh hian alo ti vat a, ka thu tial tial a.
Ka bul a hmeichhe thu chu ka en a, ahmel chu hlauhna hian a khat ni maiin ka hria.
"Ani hi, tu nge a?" ka ti sap a.
"Zawhna chu kei ni hian kan zawt ang, nang ni lo in" chu pa chuan alo ti hluk a.
Vincent chu kan piah ah that chhiat hmel zet hian a thu daih a, chik zet hian min lo en run ringawt a.
"He nu hi i hre ngai em?" chu Pa chuan alo ti a.
"Aih, hre lo, tu nge?" ka lo ti lai rat a.
" A thawnthu i ziah sak hmeichhia hi i hre lo a maw?" a rawn ti that a.
Ka lo hawi ho mai, he Nu hi kha pawngsual tawk tu kha maw.
"Engmaw?" ka lo ti lai rawt a, ka aw pawh a chhuak thei lo lek lek ani.
"Nangni pahnih hi, in in hre lawk a, chuan khang ruahman na kha in siam ani lawm ni, ani tan hian" Police pakhat chuan a rawn ti leh khar khar a.
"Aih..ni lo...ni lo, ani hi ka hre ngai lo tak zet" ka lo ti bah nak a.
"I hre ngai lo a maw, anih chuan a chung a thil thleng zawng zawng ziak chhuak thei tur khawp in i hre chiang si a maw?" alo ti leh khur khur a.
"Nangkha han sawi teh, ani hnen ah hian i thil tawn kha hrilh in, ani hian i tan phuba a lak theih nan" alo ti leh a.
"Aih, khawngaih in, ani hi ka hre lo, kha thil kha sawichhuah leh pawh ka duh lo, ka hre lo, khawngaih tak in" chu Nu chuan alo ti mawlh mawlh a, a tap chhuak zui hawk hawk a.
Ti nge a thil tawn hrehawm tak chu an hriat nawn tir kher, ti nge amah zawk hian vin a tawh, hnem nan a kut chu ka va vawn sak vat a.
"Thudik in sawi nan vuak kher in ngai dawn em ni, sawi thuai rawh, ani hi i hrilh ani lawm ni, i hrilh tiraw, sawi rawh, ani nen hian ruahman na kha in siam dun ani tiraw, sawi ta che?" dawhkan khawng rik bur chung chuan alo ti that a.
Chu Nu chu a phu zawk a, hlau zet chuan alo tap hlawp hlawp a.
"Khawngaih in, ani lo, ka hre ngai lo" alo ti khur dar dar a.
"An tawng duh dawn lo anih hi" tih pah chuan a ding hluai a.Ka thin in a tuar tawh thlawt lo, ka ding chhuak at a.
"Min han vaw ta che, min vaw rawh, kha thawnthu kha a ziak tu chu ka ni, kei hi min vaw ta che" ka ti chhuak tuarh a.
Vincent a thu ngil zawt chu ka mit sir chuan ka hmu thei, enge hlauh tur ka neih, engmah tih dik loh ka nei hlei nem.
"Nang te reuh chu, vuak chu i duh viau amaw, kan vua ang che anga ani mai lawm, i duh phawt chuan" tih pah chuan a tiang chu a rawn lek nghal zawt a.
Zam na nei miah lo chuan ka lo en let kar a "Aw min vaw rawh, min vaw ta che, kha tawngthu kha e, ka suangtuahna hmang a ka ziah anih kha, ani tawn dan nen hian engtin nge alo in ang chiah ka hre lo, mahse e, ka ziak kha ka lawm, nang ni, a chung a thil thleng hre chiang em em chung a, thil ti sual tu pawh hrem na pe ngam lo tu te aiawh a, thilti sual tu hremna pe thei tu ka chhawrchhuah theih phahna thawnthu ka ziak hi ka lawm, nang ni, mi nep tak, hmeichhia, a chung a thil rapthlak tak thleng tih hre reng chung pawh a tiang hmang a vo tu ni lo, mi hring a mah pawn a hriat loh chung pawh a a tan thil thil tha lo tih sak tu, ka thawnthu hmang a ka chhawr chhuah a vang hian ka lawm a, chu a vang chuan hremna pek tlak ka ni lawm ni, min han vaw ta che" ka lo ti tuarh tuarh a.
Chu Pa chuan min lo en reng ringawt chu tah harh chhuak phut ni awm fahran hian "Engmaw i sawi kha" a ti thawt a, a tiang chu a rawn lek nghal zawt a.
Zam na nei lo leh thinrim na vang a mitmeng sen ram chung ka lo en let kal a, min rawn vaw tawh dawn a maw ka ti a, mahse Vincent a kut chu hneh zet in a rawn man sak daih.
"Vawin a tan chuan a tawk tawh e, Pu Ram" a ti zui sup a.
"Min han thlah teh, Sir he hmeichhe huaisar zet Police zahna pawh nei reng reng lo hi kan hlap er zawk zawk ange" alo hlawk hlawk a.
"Hmeichhia chu kut kan thlak thei lo ani lawm ni, mipa in lo dawp ve chiam theihna dan kan nei lo bawk, Pu Ram, a sawi kha a dik tak zet ani lawm ni, duh tawk tawh rawh" a rawn tih chuan ka lo en ho a.
He Pa hian mihring nihna alo la nei ve anih hi, "Le nangni pawh haw tawh rawh u le, a tul anih chuan kan rawn ko leh zawk ang che u, Shino min rawn zui rawh le" a ti zui zat a.
"Ka...kal thei maw?" hmeichhia lo awm ve chuan alo ti khur dar dar a.
"Aw i thei, ani hian i thei a tia lawm, lo kal rawh, keima rual in ka lo ti tuau a.
Thil rapthlak a tawn tawh hnu ah pawh, tiang a hlauhlawp a siam tur hian engthil mah a tisual lo, a ni hi a tuar tu ania sin, he khawvel hi ti nge a rawn em em a, ti nge mi thilti thei te hi a tih sual ah hum an nih reng a, ti nge a tuartu zawk in hremna an tawn reng bik.
Ka lainat ani, ka lainat em ani, "I ril a tam em?" kaih chhuah hnak hnak pah chuan ka ti tiau a.
Alu a lo thing nar nar a, "Kei chu ka ril a tam a" tih pah chuan ka lo tap hlup hlup a.
A rawn thah nuih huk a, "Shino leh, min rawn zui thuai rawh" Vincent chuan a rawn ti hluk a, min rawn kai zui dawr dawr a.
"Hei, min thlah rawh, enge min kaih dawr dawr kher a, Jail tang pawh ka nih loh hi, ani kha, chaw ka ei pui dawn lawm" tap pur chung chuan ka lo ti mial mial a.
"Chaw bawk chu, ani khan ka ril a tam lo a tih kha, lo kal ringawt rawh, chaw chu keiman ka lei ang che" tih pah chuan min kai dawr dawr a.
"Ka duh bawk lo" tih pah chuan ka kut chu ka thing thla nawk a.
Min kaih dawr dawr ka ngai lo, a tan engmah ka ni lo a, ka tan engmah ani bik lo, min kaihna chhan tur a nei lo
"Chaw i ei duh lo amaw?" a rawn ti sup a.
Ka ril a tam mai sia, ka pum ana vek tawh, chaw ei chu ka chak ber a lawm, in zawh angai ami.
"Duh chu duh tho e" ka lo ti sap a.
"Anih chuan min rawn zui rawh" ati leh sup a.
Thu awih zet chuan ka zui leh ta hnuk hnuk tho sia, a tram em ani tun ah hi chuan, Bike ah chuan a a thu luau a, lawn ve tur chuan min tawn mitmei zuk a, mi nge min en a, an ti ti sep sep hlawm a, ngawiteh in ngaizawng emaw min ti a mawn le, awi a hnai si lo, ani ang leu luau hi chu tu in nge duh anga.
Mahse mi te chuan M&B an ti maithei, a taksa lian in phut mawi em em mai te, a mitmeng thuk leh tak raih mai, a ze bung nghut, tawngtlem tak te, nia, hmeichhe then khat chu an luang liam ve viau a, a hmel lah chu a tha pa vei hrak reuh a, mahse e, ka it lo, ka sawi ngam sak, kei chu ka tel ve lo.
"Ka it lo che" ka ti chhuak hlawl a, a ding deuh chut a.
"Min it em tih ka zawt che em ni?" a rawn ti sup a, a chhuk zui nghal a.
Awi ka ngaihtuah na ka au chhuah pui ani hi, ava zia lo, a pawi sawi vak ka duh lo sin le, a hlauhawm ru riau bawk sia.
"Ah, ih, englo, nangmah pawh ani lo, ka ngaihtuah a, eng lo, ka story thar mawle" ka ti nuaih a.
"Anih chuan nang hian min lo it viau em ni?" alo ti leh chu ka lo en hu a.
"Na a teuh lo, awihawm loh, chaw ka ei dawn", ka lo ti chiam a, ka biang chu ti nge a rawn sat hut hut ringawt a, ka kal zui nul nul a.
Min rawn kaih chawt ah chuan ka lo en hau a, ka biangsen tawn tawn hi a hmu lo ang tiraw, ni lo, a sen lo, sen chhan tur a nei ve ngawt lo.
"He ti lam ah zawk" tih pah chuan min kai peng zui nghal a.
"Theite ang mai ani" ati zui sup a.
Naaa, a zah thlak e, enge ka zah ve viau ringawt a, enge ka buh nuaih a, in hma tawn kher hian ti nge kan thut a ngaih a, enge hawi pawh ka hawi chhuak ngam loh ringawt a.
"Chaw kan lo ei ange aw" a ti zui sup a.
Hmun chang kang tak ani lo a dawhkan leh thuthleng pawh a zau tha tawk a, in hma tawn kher a thut hi a ngai ami, chuan chaw a ei ve dawn a maw, chaw ala ei bik lo em ni.
An chaw leh chawhmeh rawn chhawp chu tawng pawh tawng eih lo chuan ka lo ei nghal mawlh mawlh a, mahse ti nge a thak em em a, ka hnap a tawlh dawn, mipa hma ah hnap ta pur a thil ei ka duh bik lo, ti nge a sual em em a, tiang ang kher ti nge min eitir, min tih zah a tum em ni a.
Tissue paper min rawn pe chu ka tap lo chauh, a sual thlak emai, ka hnap a tawlh tawh ani hrim hrim ang, ka chil hi a haw in a haw zur zur mai bawk si, tap pur chung chuan Tissue Paper chu ka lo la a, ka tho zui daih a, he mihring hi a sual emai, pawn ah chuan chil thli far zawih zawih chung in ka va thu tap hnap tla pur a, ka si hlap hlap bawk a, a thak zahtlak tak zet ani.
"Kha hei ei rawh" a rawn ti sup a, ka lo beng per pawp a.
"Ka duh bawk lo, misual pa, ka hnap tawlh lai hmuh i duh avang in min hruai ani kha, a thak tih i hre lawk vek, mi sual hawih hawm lo pa, min tih zah i tum vang in he tah kher min hruai anih kha" tap pur chung chuang ka lo ti zuah zuah a, ka Si zui hluam hluam a.
🌹Shino🐝🌹



Link:
BBcode:
HTML:
Hide post links
Show post links

Shinobee
Posts: 19
Joined: October 4th, 2020, 10:28 pm

Unread post by Shinobee » October 17th, 2020, 7:20 pm

IT'S JUST A STORY. part -2.
"Thak i ngam lo tih ka hre lo a lawm" a rawn ti sup a.
"Min zawt ve thei mai lo ami, iti lui anih kha, i ti lui" chil nen chuan ka lo ti per chuai chuai a.
"Awle, ka tih palh ani e, kha tui hi in rawh" a rawn tih chuan ka la tau hlawk a.
Awii tui, a nuam huai huai mai, ka in hnem viau a sin le, "Ka hei pawh" tih pah chuan chocolate min rawn pe a.
Rum leh ngaihthat loh hmelzet a melh pah chuan ka lo la a, awii a tum lui chiang lutuk, engkim a lo in in ring sa vek, alo tum sa tak tak.
A rawn nui chhuak huk a, "Kha mitmeng kha a duhawm tak zet" a rawn ti chhuak zui hap a.
Lo nuih a, duhawm lo in tih hun a nia mi, a hrem na vang in hrehawm ka tuar mek anih hi, nie hei hi hrem na anih hi, hremna anih chiang hi.
"Ka haw dawn" ka ti hmuk a.
"Lo chuang rawh" tih pah chuan a bike a pan zui zat a.
"A teuh lo, taxi in ka haw ve thei" ka lo ti tha a.
La si deuh hluam hluam chung chuan ka kal hmuk hmuk a, min dan a tum lo a mawn le, hmh, enge pawi a tul thil bik anih loh chuan a hlat a awm vang vang hi ka duh ber, awi ni tak ar chaw pek, Lalpa ka thi dawn, ka tlan let chawn chawn a, a bike ah chuan rawng zet in ka va lawn a.
"Tlan rawh, hman hmawh rawh, awii ka ar, tram chhawl in an lo thi tep tawh ang, tlan vat ta che" ka ti zui chiam a.
"Ka phurh i duh lo emaw tia" tih sup pah chuan a tlan chhuak ve mai a.
"Awii i tlan muang, tlan chak teh, an ril a tam tawh nasa dawn ania" tih pah chuan a dar ah chuan ka beng awt awt a.
"Cheng chawng reuh che chuan aw" alo ti sup a, a tlan chak ve mai bawk a.
Ka in bul kan thleng din pawh a din chian hma chuan ka petek thla nawlh a, ka khup ka nawr zui nawk a.
"Anah" tih chiam pah chuan ka tlan bai zui suih suih a, kawngkhar chu ka hawng rawk rawk a, ka lut chu ar chaw pek na ka ban zui nghal zat a, Ar chaw chu ka siam mawlh mawlh a, ka bai chhuak zui leh suih suih a.
Ka khup chu avan na reuh e, ka pek zawh chuan ka bai lut leh suih suih a, awi alo thu luau nia, a haw nghal daih a maw tia.
"I haw nange?" ka ti hu a.
"Lo thu teh" a ti sup a, min pawt thu zui zat a.
"Hei, ka kut a bal ania, ka sil dawn, ngawt a che aw" ka lo ti hlar a.
Mi pawh chhang lo chuan ka khup chu a en a, ka en ve vut a, ehe a thî a nih hi, a kak duai mai, ana ka ti reng a, awi an zual saih mai.
"Damdawi in a kalpui ngai em chu anih loh hi, mawl reuh lutuk mai" tih pah chuan tui lum in a rawn hru hlap hlap a.
Engtik laiin nge tui te alo lum hman a, chuan lapua te, ka in hi alo en kual hman vek em ni a, ava tuan tha ve.
"An ei tui em?" a rawn ti sup a.
"Tu te chuan maw?" ka lo ti hu a, ka then zui sak a.
"I ar te chuan", alo ti sup a.
"Ei tui ang chu, an tam tawh lawm" ka lo ti hmuk a.
Awii ka detol leh band-aid pawh alo zawng hmu vek a maw, a mit ava han tha chung chuang ve, mahse ti nge ti hian a tih a, ti nge ka na te a enkawl a, a tan engmah ka ni si lo a.
"Fimkhur ve thin tawh rawh aw" a ti sup a, a tho zui daih a.
Ka lo en reng ringawt a, "Ti nge i tih?" ka ti chhuak sap a.
"I it awm ka tih em vang in" tih pah chuan a rawn siai sak a.
A hun lo lutuk ti nge ka sat up up a, awii aninawm e, min chhaih satliah ve mai anih hi, nge keimah a awm ka nih vang hian min zuam zawk.
"Le i kut uih zet kha han sil tawh rawh le" ati zui zat a.
Min fiam kual mai mai a ang thin si lo, ti nge mak sak zet hian a khawsak reng a, nihnih chuah ala nih hi, min hre ngai pawh ani si lo,sawi tur haih chham zet chuan ka tho hluai ringawt a, ka khup rawn na zawk chu ka then zui sak a, ka kut chu ka sil fai a.
Thu thleng dang ah chuan sawi tur hre lo zet chuan ka va thu ringawt a, han biak dan mai tur ka hre lo, ka melh leh zuk thin, a mah lah chu a thu ngawi run a, a phone a kheuh mial mial ringawt bawk sia.
A rawn nui chhuak huk a, a tho a, min rawn kal hnaih in ka biang ah chuan a rawn dawm a, mak ti leh hamhaih zet chuan ka lo en ha ringawt a.
"I duhawm tak zet Shino" tih pah chuan min rawn fawp zui nghal a.
Hrep chuan engthil nge a tih teh hrep a, min zuam chiang lutuk, a zuam tur in engtin nge ka lo khawsak a, kei pawh hian eng vang a nem sawm a beng thlawrh lo nge ka nih a, a hmui fawhna hian eng vang teh chai in nge min thunun hneh em em ringawt a.
"In hmu leh thuai ang aw, Shino" a ti sup a, ka chal ah chuan a rawn fawp a, a kal zui nghal a.
Sawi tur leh tih tur reng ka hre lo, ka ni deuh chuai mai hian ka hria, ti nge he tia ka awm ringawt a, ka thut ngai chuan ka thu reng a, ka hmui chu ka khawih a, ka en ngai chu ka en tlawk tlawk ringawt a.
Nihnih chhung chu min rawn ko leh ta miah lo, chuan Vincent pawh a reh daih, min fiam kual tih kha hre reng ani, ka phu tawk chauh aniang e, mahse a lak ah enge ka tih sual niang le.
Ar chaw chu ka khai nam vut vut a, ka Scooty in min peih loh san bawk sia, damdawiin lam ah a awm mek a, ka veng peih lem lo, a part tha ruk tur pawh a awm tawh chuang lo ang, lei tur ka la ngah mai sia, ti nge ar chaw hi ka lo lei hmasak le, a zia hlawl lo, a zuar tu te lawm, kan in khar dawn an ti tlat a.
"Shino" ka hawi vat a.
Oh, ka bialpa hlui duhtak ZawngSanga leh abialnu no em em, Bawihbawih-i aka Lalno-i, an kam a tam dun sia, ka hmu chak teh chiam lo a sin le.
"Kha i va khai nam ve?" Sanga chuan a rawn ti nghal zat a.
"Nia, i unaute pawn an ngaina lutuk a sin" ka lo ti nghat a.
Kei pawh hi a, a hmel ka ten na hian tawngkam mawi min hman tir thei lo thin, engtiang a lo nih pui ve zuai nge ka nih, ka lo in lak ril leh in lak lunglen thin vang vek, he zawng lah hian tawngkam alo varak tui thiam vei zul a, min han chhai thlu ve hram pek a lawm mawle.
Bak ah a in sawi khawngaih thlak awm thiam vei fu a, a hmel te hi a chhe ve reuh sia, awii mi mawl dik tak ka nih hi he tiang mihring hmelpu teuh deuh Zawng hi ka lo duh a.
"Tha te te a mi biak hi i thiam ve miah lo anih hi, zilh hau tu nei lo tih tak ah" alo ti hluk a.
Sawi dik ve viau mai, "Nia, dik a lawm, mihring bia ila chu tha deuh in ka chhang ve mahna" ka lo ti nghat a.
"Awiii a rapthlak e, engtin nge he tiang mi hi ilo nih pui theih a" Lalno-i chuan alo ti hlai a.
"A in sawi Khawngaih thlak vang aniang" a tawng dan chiah chuan ka lo ti let hlawi a.
"Nang fahrah, tenawm, zilh hau tu nei lo, nungchang mawi hre lo lutuk lak ah hian ka lo in sawi khawngaih thlak anga maw, ka neih chan ve pawh i nei pha lo" ZawngSanga chuan a lo ti hlawk hlawk a.
Ka lo kiai khum suk a, a hre chiang a lawm, tu nge nei tam zawk tih chu, "I Nu leh Pa pawihsa i sawina em ni?' ka lo tih khum nghat a.
Anu leh Pa eiruk nasat zia min hrilh zing ber tu ani miau a, he Zawng hian a mawngtai a hlim miau a lawm mawle, min hmuh a piang a, nuihza siam nan min hman a, in sawi theih nan a min lo hman leh dawt a min lo sawi kual vel a chin man hi chu pek ve hlak a ngai a lawm.
"Kan kal a hun tawh lo maw?" tih thum dut ri ah chuan ka hawi phawk ho a.
Vincent maw, he thah enge atih, tu chu nge a biak le, a mah chauh in ka hnung ah a ding luau bawk sia, awii, helai a, Lalno-i hian a melh no nasa zawk zawk lutuk, a lo in sawi naw naw leh ta nghal a.
"Thianpa pawi itih loh chuan ka bialnu huaisen zet hi kan hruai tawh ange aw" a ti zui sup a ,min kai zui zat a.
ZawngSanga leh Lalno-i chu an lo meng pawng hlawt in ka hria, mahse hepa hi enge a bialnu ang in min sawi ve ngawt a, min kai ang dawr dawr a.
"Hei enge min" ka ti chiah a.
"Naktuk ah koh ini leh aw, chuan kha tiang mi nep kha khing khing tawh suh, kal rawh le, ka rawn bia ang che" a ti sup sup a, ka chal ah chuan a rawn fawp zauh a, a kal zui nghal mai a.
Teh leh phut thin hian in a, enge a duh duh a min tih kual hi a tum a, ka ning ka lo ham haih hman ve ziah, a hmui thil ti thei saw ka ning lutuk a.
Awii ka van peih lo tak, ka in siam pur pur a, ka thlawh theihna nen kan ri phei leh ta phurh phurh a, an siam tha phian aniang, a thawm a zawi deuh.
Eh, hei Tilneilo-a pawh alo thu ve luau mai, ava tha tawh awm ve, a tluk mai hlau a, dawm in peih fe fe, police an tam kher mai, chu tiang bawk in, a hleh theih lai la hleh belh chak pawh an tam viau ang.
"Ani ngei hi ani" min lo ti tawng a.
Teh ngawt chuan, "Tu chu maw?" ka lo ti hu a.
"Nang ngei hi ini, kha zan ami kha, i mitmeng te, i hnute bawr leh i len zawng te, ka ngaihtuah chiang a, nang ngei hi ini, sam lem i vuah mai mai ani" a rawn ti nghal mawlh mawlh a.
"Teh ngawt che chuan a, i til hlep tu ah min ring a maw, a ve ngawt che chuan le, i hmeichhe lenpuiin i tilte a it loh a vang a, hleh sak tu ah che min puh a maw, kei ni ila chu e, i til mai ni lo, i mawng pawh kah ka vaw phek vek ang" ka lo ti tawn tawn a.
Phisss, nuam reuh ve, ka sawi belh leh dawn mawn le, an lo thawm deuh hak a, min vuak chak zet police pa tiam loh in.
"Nangnu zet hi chu iva nasa tak em, zilh hautu Nu leh Pa nei tawh lo tih tak ah" alo ti hluk a.
Nga ti nge he thu hi an sawi tei vet hlawm le, fahrah te hian a thiamthu an sawi thei lo em ni, an duh ang zawng tak in an tawng thei lo em ni, ka duh zawng kan sawi a vang hian mi nasa tih hi ti nge kan hlawh zel, ka hmui chu ka lo pet zauh a.
"English hman tir ru, a lam a dan a tang in ka hre thei ang" Tilneilo-a chuan alo ti leh a.
"Eng ang lam dan nge i sawi?" Vincent chuan alo ti sup a.
"Local deuh in a hmang" alo ti vat a.
Ka lo nui suk a, "So, what u want me to say, wana ask me out too?" American aw phawi dik tak mai chuan ka lo ti zat a, an lo hawi deuh ho hlawm in ka hria.
"Ah" alo ti lawi rut ringawt a.
"Ti nge, min chhang thei lo em ni, ni e min sawm duh suh, tu in nge hman tur nei lo chu duh teh lul ang" ka lo tih khum leh kher a.
A hmel hmuh a nuam a sin, a hawi hawl hawl mai, kei pawh hi, khawvel a hmeichhe piang tawh a zawng a, police station a la zam lo ber ka ni ngei ngei ang.
"He hmeichhe huaisar zet hi chu aw, ka va han hlap chak tak" pakhat chuan alo ti hluk a.
Ka en kal a, "Min han hlap ta che, a hma a tang in i tum tawh a lawm, fahrah ka nihna vang hian min hlap chu a nuam zual dawn ani lawm ni, a chhan chu chhan tu ka nei lo anga, MLA te zing a mi an rawn in rawlh dawn hek lo, mi rethei ten hei hi ani lawm ni an tawrh thin, chhan tu an neih loh a vang in pawngsual an tawh pawn an hurherh vang alo ni a, a ti sual tu chuan biak in ah thawh lawm tam tawk leh a buaipui tu te lawmman tha tawk a pe anga, chu tiang chu ani lawm ni kan khawvel, han ti ta che, kei tih sual nei miah lo hi, he lai mihring pawh ni pha lo, ransa hurherh vang a tuar mek a serhbawlh hlawh hlep tu ah chuan min puh in min han hlap ta che" ka lo ti hlawk hlawk a.
"Hmeli le min va han zah lo ve mawle" tih pah chuan min rawn hlap ri pawp a, ka lo in hum chawih, ka rum lo ka tap hek lo, mahse patling in a tha tawp a min hlap chu na tak ani.
"A khaih, tiang kha chuan ni mai lose, Pa Ram" tih pah chuan pakhat chuan alo dang a.
"Engthil nge thleng", tih that thawm ah chuan kan hawi thap hlawm a, mahse ka in her thei lo, ka mal a hlap na hi ana em ani.
"Ani bawk hi mawle, ka Pu, vuak leh hlak angai ani" Pu Rama chuan alo ti vat a.
Vincent chu a lal ve viau a mawn le, an salute ang thap a, Vincent chuan min rawn en a, ka kiang chuan a rawn kal a.
"Ana em?" a ti sup a, ka lu ka lo thing mat mat a, min en deuh thap hian ka hria.
"Ka hrilh tawh che ani lawm ni Pu Ram, mipa in hmeichhe kut thlak theihna dan kan nei lo tih hi, in sawi fiah na ka duh ang, lehkha in" Vincent chuan a ti zui hluk a.
"Thu rawh nang pawh" min rawn ti zui zat a.
Ka pen tur chu ka then sawk a, ana lutuk a tha a vaw pelh a mawn le, ti nge ka khup ah hian a pawh tauh le, ka khup chu a thep zui hnawk a, Vincent chuan min rawn pawm chawih a, a ban tha chu a chak hle mai, a palian bawk a.
"Hrep chuan, Damdawiin lam ah hruai nghal thuai ru, ani hi biak ka duh ang" Vincent chuan a ti vin tuarh a, an hlauh hmel hlawm hle mai.
An phu nghak suau mai, mi pathum laiin min kalpui mahse a nawm lohna chu e uniform an ha kher a, Doctor ten min ngai dik lo vek ang, mahse fel deuh alo kal ve a, mawi tak in a sawi tak kha.
🌹Shino🐝🌹

Link:
BBcode:
HTML:
Hide post links
Show post links

Shinobee
Posts: 19
Joined: October 4th, 2020, 10:28 pm

Unread post by Shinobee » October 19th, 2020, 8:01 pm

ITS JUST A STORY. PART-3.
Ka phone rawn ri chu tiang nen chuan ka pan chhat chhat a, min vawna zek a lawm, a vawfuh ve viau ani, ka khup chung ka tha kal chho ah alo hlap tel a lawm le.
"Hello" ka ti zat a.
"I tha maw?" a rawn ti sup a.
"Aw ka tha e, lo kal leh a ngai tawh em ni?" ka lo ti vat a.
"Tun a tang chuan i lo kal angai tawh lo ang, Shino, i fihlim tawh e" a rawn ti vat a.
"A lawmawm anih chu" ka lo ti sap a.
"Nie, zan ah ka rawn kal dawn nia" a rawn ti vat a.
"Awle" ka lo ti vat a.
Ka in siam zui malh malh a, ka car chu la chhuak in ka in khalh chhuak zui nghal a, in tha vak lo bul ah chuan ka ding a, ka in hawl zui chhat chhat a, kawngka chu ka kik zui karh karh a.
Kawngka rawn hawng tu chuan min rawn nuih nghal var var a, "Hi ilo dam maw?" tih pah chuan ka nuih let var var a.
"Dam e, lo lut rawh, ti nge i ke" alo ti vat a.
"Kha Pa khan min vaw ta nge nge a" tih pah chuan ka lo khi vur vur a.
Ka in hawl lut zui nghal a, thu thleng ah chuan ka thu zui vat a, anu chuan min lo chiau au tha hle mai.
"Awii, eng a ti nge a vuak hram che a" alo ti vat a.
"A chak ve bawk em ni" ka lo ti vat a.
Kan nui dun hak a, ni e, ani hi kha pawngsual tawk hmeichhia kha ani, nia chuan kei hi, kha hmeichhia, mi tenawm serhbawlh hlawh zet tan sak tu kha ka ni.
Nia a sawi ang khan, sam lem ka vuah a, chuan he ka mitmeng pawl ram mai hliah khuh nan hian contact lanses ka vuah bawk thin, kha aw kha chu nia, vai ho english aw phawi ka hmang anih kha, zir chhung a rei ve viau ania.
Kei Shino fahrah ti an auh, thawnthu ziaktu hi, Mizoram-a pa thil ti thei ber leh Sap nula te in kar a piang ka ni, Ka Pa, ni lo, Pa tia sawi tlak ani chiah lo, a chhan chu a fanu ang in min sawi ngai lo a, kei hi he khawvel hian ani fa kha ka ni tih an hre lo, a thil tha tih erawh, sum tam tham tak a ruk a min pe thin hi ani, a thil pek a vang in, thil tha ka tih theih phah si a.
He hmeichhia a chung a thil tha lo tak thleng chung a, mizo mipui ten an chhan zawh loh hna ka thawh sak theih a, kan in biak dan kha ka mithla ah a rawn lang iar iar mai, ka hmuh tirh chuan a thil tawn a vang in a â lo chauh anih kha.
"Kei hian ka puih che i duh em?" ti a ka zawhna pawh a chhang tha thei lo anih kha, a chhan chu mi thil ti thei tak tan lo chuan engthil mah hi a tih theih ve loh, dikna in hmun a chang lo tih khawvel in a hriat tir chiang em ani.
Ka zawt a, ka zawt nawn leh a, "Aw, ka duh e" tiin mi chhang ve thei hram anih kha, chuan a thu tiam a vawng tha hle ani.
Kha thu tiam "Engpawh thleng se, kei hi min hre ngai lo a, min la hmu ngai hek lo" tih thu tiam kha, ka nui sak a.
"Kha le, in tickets, sum lam ah chuan buai lo ula, i nu nen hian hun nuam tak chu va hmang ula, in lo haw hun ah hna kan ngah kha" ka lo ti zat a.
"Awii, Shino, hei em em chu, ka tan i ti hnem tawh emai, hei chu angai em em lo" alo ti vat a.
"Nie, Shino bawihte, i lak ah lawmthu sawi sen loh kan ba, he tiang tiang hi tih a ngai tawh lo ani, kan lawm tawk em em tawh ania" Anu chuan alo ti vat a.
"In sual ngei mai, ka kal dawn, in duh leh lo pawt darh ula, in duh le, pawihsa pawh kha, in lo paih dawn nia" ka lo ti hmak a, ka tho zui taih taih a.
"Awii, Shino ti tau lo la, Nu, Shino hi" Remi chuan alo ti ruai a.
"Awii, a luh lul ve bawk sia maw, khai Bawihte thu teh, kan kal ang aw, kan kal ang, anih chuan chaw ei rawh aw" anu chuan alo ti a.
"A tha, mahse Nu chaw ka lo ei hman lo, ka bialpa alo kal dawn a" tih pah chuan ka lo nui vur vur a.
"Anih naktuk ah" alo ti vat a.
"Naktuk chu in kal angai lawm, in siam ru, thawh hai loh tur aw, ka kal ange, anih u aw" ka lo ti vat a.
Mi la ui ve viau nang in, ka bialpa hmeltha tak, engkim a min pui tu, a tir a tang a ka tan a awm reng, ka nat leh ka hlauh chang a ka kiang a awm reng thin ka bialpa ka hmu ve chak tawh em ani, ka hmu lo rei tawh viau bawk sia.
Ka in khalh haw zui leh nghal a, in ka thleng a, ka in ti fai a, ei rawng ka bawl zui nghal a, ka bialpa chaw ei a nghah chhung chuan in hnuai pin dan (basement) ah chuan ka in hawl thla bauh bauh a.
Thlalak in tar ho chu ka en vang vang a, ka hnung lam a tang a min rawn kuah tu ruang am lian zet chuan min nuih tir sak a.
"He tah hian ilo awm ka ring reng ah" a ti zui sup a.
Ka in her vat a, "Min dawp tur in ilo kal em ni, Sir" tih pah chuan Vincent chu ka nuih var var a.
Min rawn pawm nawlh a.
"Mi fingnu, ka ngai tawh lutuk che" a ti zui sup a.
"Min hmuh fo tho kha" ka lo ti vat a.
"Mihrang lem chang kha maw i sawi, fawh pawh ka fawp thei lo che a, kuah pawh ka kuah thei hek lo che kha maw i sawi" alo ti hmuk hmuk a.
"I ti tha lutuk e" tih pah chuan a lu ah ka lo chul a, min pawm kang nawlh a, khum te ka dah ah chuan min leh thlak pui zui zat a.
"Anah, min dim la" ka ti that a.
"Tih palh, ana viau em?" a lo ti vat a.
Ka lo bu nghat a, "Mi á nu enge i in vuak tir kher a, vuak i tuar lai hmuh che kha nuam ka tih i ring em ni a, i bialpa ang pawn ka chhan thei lo che a, i na tuar lai hmel ka hmuh khan e, ka puak darh lo chauh a sin, kha lai a awm zawng zawng kha, pawh darh vek mai kha ka duh a sin" a ti sup sup a.
"I in sum thei zel a, ka lawm e aw, tak a, Tilneilo-a kha engtin nge i tih?" ka lo ti vat a.
"A case ti tawp tur in, a chhungte ka biak tir, a hreh teh asin, a tih zel chuan a tan a mual pho thlak mai mai thu leh a thil tih dik lo hailan belh zel anih theih dan ka hrilh a, a hlau a niang" alo ti sup sup a.
Chu aia hlauhawm zawk chuan a sawi dawn tih ka hre reng, a chhan chu a thinrim chuan hlauhawm theih zia ka hre chiang em a.
"Anih,ka thawnthu thar i chhiar duh em, ka post chiah" ka lo ti vat a.
"Police station ah kan in hmu leh thuai dawn ani maw, fimkhur ve teh, kimchang deuh in ziak tawh suh" alo ti vat a.
Ka lo nui var var a, "Thawnhtu mai mai a lawm anih" ka lo ti vat a, ka fawp zui zauh a, min lo kuah a, duh thawh zet chuan min fawp zui vawng vawng a.
"Chho ang, chaw ei tawh ang, chawhmeh a dai vek palh ang" ka ti zui zat a, alo bu nghat a, a tho a, min pawm zui nawlh a, min kal pui zui nawl nawl a.
Ka hmangaih ber kiang a hun hman hi chu a nuam ani, Police te hi mi tha lo tak ani ni lo a, Sawrkhar hnathawk ve mai an ni tih hi ama tang hian ka hre chiang em ani, a chhan chu thil tha tih duh mahse chunglam thupek a kalh thei thin si lo a, a chak em em thil tha tih chu kei nen hian kan ti dun thin ani, dan hmang ngei in, tlem a dan pel deuh pawn, a chhan chu dan kan pelh deuh loh chuan mi pui beng a thleng pha dawn si lo a.
Ka in thlanglam bathlar ah chuan Vincent nen chuan thu in thingpui chu kan dawm dun a, Vincent chuan a phone chu a khawih mawlh mawlh a.
"Alo lang e" a ti zui sup a, a phone chu ka lo bih ve vat a.
Mi thil ti thei tak, hmelhriat tha tak, nikhawhre lo in, world bank road ah, thawmhnaw ha lo in a mawng a, thinghnawh sak in an chhar anih hi, a mawng biang tawn tawn ah, "Mawngkawhur chuan a mawng a hnawh khat tu a tawng ta e" tih an la ziak zui a.
Vincent nen chuan kan in en a, kan nui dun sak a, a phone chu a rawn ri ral ral a.
"A hun chiah e, anih ka kal ang e, Shino" a ti zui zat a.
"Awle, anih aw, Pu Vincent, kan in hmu leh thuai dawn nia" tih pah chuan ka lo nuih var var a.
Vincent a kal liam chu ka thlir reng a, ka thaw zui hak a, lungawi zet chuan ka thingpui chu ka hawp zui zat a.
A TAWP TA. HEI HI THAWNTHU MAI MAI ANIH HI. Shino ka ni leh tho e.
🌹Shino🐝🌹

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)