A ngaihnawm lo a chutin,story ziak lo a awm hi a lunglen thlak em vangin ka lo dah mai mai SHORT STORY aw
CHAPTER-1
"In phal dawn em? Phal mai rawh u ka kal ve chak ania,mawh u ka kal ve chak lutuk hi ka â dawn!" Over zet in ka nu leh pa te bul ah chuan ka u zui ve ka ngen ngawng ngawng a,kar 1 chhung ngawt ka dil tawh an phal bawk silo engtia han dil leh tur nge pawh ka hre tawhlo!
"A tullo thin emai bawihte,I u kal na man nen nang tih tur pawimawh nei a kal tur pawh nilo chu pawisa a hek phah mai mai a lawm,nakin ah remchang ah kan chhungin kan la zin khaw thawng zawk dawn nia" couch a thu chungin awlsam zet hian ka pa chuan min chhang a
"A tha a lawm,in sual bawk a ka be tawh miahlo ang che u" lungchhe lek lek chungin ka room ah ka tlan lut nghal,nitin zantin ka dil a an phal thei ngang lo! Khum ah chuan bawk chungin phone ah massage ka type mawlh mawlh a ka best friend Duhsaki bul ah ka thinrim thu ka va thawn nghek
Ka u chiah hi Mumbai Hotel ah hnathawk in a awm a,eng emaw vangin kar thum cham in a rawn haw a chutah kei,naupan lai atang tawh a Mumbai leh a chheh vel kal ve chak ta chuan a rual a chhuk ve lawk ka dil a mahse ka chhungte khan an phal ngang lo,zir na lam ah kan chawlh rih vangin ka hman ropui mai sia ka kal ve chak hliah hliah
"Ka sûkpui.." ka pa in ka room kawngka pawn lam atang a min rawn auh chuan thinrim tha leh in ka hawng duhlo vel a,unau pathum chauh kan nih bak ah a naupang ber ka nih vangin min duat a la reh theilo a chu chuan min tih pangchang phah bawk Kum 19 lai ka ni ve tawh a in chhung ah erawh naute ang in khawsak ka la ching kan u ber kan mipa neih chhun hian nupui nei in min in dang san tawh bawk
"Enge ka rawn hawng dawnlo in phal hma chuan hetah ka in khung tlat dawn ania pa" ka ti lawng lawng a,chhungkaw awm thei ve tak kan nih vang hian ka ngen leh awh zawng te chu harsa lo te in ka nei ve zel a,chuvang chuan Mumbai a ka u zui thlak pawh a harsat ka ringlo sa ve tawp a
"I nu in a phal tawh kha.." aw ki dam tak maiin ka pa chuan a rawn ti zui leh a
"A nu phal chauh in ka kal peihlo,nangmah pawn phal rawh, anihloh chuan ka tau zel ang" ka ti let leh sak a,ka chhungril chanve erawh a lawm ru hle tawh thung
"Awle awle,I u rual chuan I kal dawn nia" a rawn tih tak ah chuan khum atang a zuang thla nghal in kawngka ka va hawng sawk sawk a
"Ka pa hmeltha,I fanu nih hi chu avan nuam tak em? Ka fel tawh viau ang" tiin sitting room lam ah ka kuah phei veleh a ka u leh ka nu te chuan ka hmel atangin phal na ka dawng tih hria chuan an lo nui var var bawk
" I pa fanu hi chu I van ni ve Chiang tak em aw!" Kan thut rual chuan ka nu in alo ti a,kei lah lawm tawh bawk si nui var var chungin ka lo bu lawp lawp a,naktuk mai anih tawh avangin ka ken tur te chu ka list nghal diat diat a
"Kan chhungkaw naute I nia a nu te I kalsan daih chuan an lungleng dawn asin Chuvang ania I kal pawh an ui em em,nanglah chuan engmah hrelo in I tih tauh khum vel ah! Fanu naupang ber nih hi chu nuam I ti ve ngawt mai" ka u in alo tih chuan
"Nuam tak ani,ka pa fanu duat ni tur a ka piang te hi ka vannei bawk a,chuan..U in siam dan tur min lo hrilh teh lo kal rawh room ah " Ka u peihlo chung chung chu room ah ka kai lut a, India ram tak tak ah ka la kal ve ngailoh vangin in ken dan pawh ka thiamlo
★ Next Morning ★
"Kal ru le..I nu pum tha lo bawk nen zingkar ani bawk sia kan rawn zui chhuak lo mai ang cheu" ka pa chuan ati a phur deuhin car ah ka lut nghal,ka u te nipa pawh ka awm rih dawnloh vangin anu te chen chilh rih turin ka chah a,fasen chauh nei an ni bawk a an ni pawh rawn awm phei chu a duh ve mai
"Bye u.." ka thawh hlim a ka phur ang ai in kal dawn tak meuh chuan tlem in ka lung a leng deuh,a nu te vawikhat mah ka la zin chhuah san loh vangin ka awm thiamlo tan a, vai ram ang a hla ah phei chuan a haw mai mai theih dawnlo bawk nen ka rilru a in sual tan "tlan liam vat ang ka lung a leng leh hma hian" ka tih chuan an nui hak hak a
"Keipawh ka chhuk hmasak ber khan zankhua in ka tap a lawm,ka lungleng lutuk a mahse ka awm rei a nuam ka tia ka lungleng pawh a zia ve mai" car a rawn thut luh pahin ka u chuan a ti a ka bu nghut a ti chuan kan in kalsan in Mumbai chu kan pan ta a
Kawng ah te chuan ka u in an awm na bawr vel chanchin te chu min hrilh a,thil tih chi leh chi loh pawh min hrilh nual bawk a kei lah chuan "hria lawm, lungngai suh" ka lo ti liam puat puat a, Mumbai kan pan chhung zawng chuan khawi mah hi ka hawi hman lo,train ah lah ni se ka rui nasa bawk si nen zu rui ang maiin ka chat thla tluan parh!
"A nu te ka ngai rum rum mai" zawi zet a thut pahin ka ti a ka u chuan haw ngaih na a awm tawhloh thu in min chhang deuh tawp a,hetia buaipui ka ngaih tak viau vang hian keima nu em em ka zin phal ve hram tu kha ka ngaih a zual
★ Mumbai ★
"Wow,in colony chu pui ve..!" Ka harh tha ta khawp mai,zan ah thleng lo ila chuan ka hawi nasa lehzual ang,ka u in luah na building chu dak chho vawh pahin ka en a
"Pui vak ami? Lo kal rawh lut vat ang" kan bag te chu la in kan chho a,la kal ngai loh na anih miau vangin changkang viau pawh nilo mahse ka hmuhnawm tih tawk atling ve tawp,motor ruih ka hrat em vangin khawi ah mah kan zin ngai manglo
"Sawlam pang saw phei suh aw.. room lehlam a awm ho sawn an phal vaklo a,keipawh ka phei ngai manglo" atih lai mek in ka va thlek zauh a
"Tinge an va in ti thu awm ve..?" Ka tih chuan an nel awm loh tih tawp in ka u chuan min chhang leh a,engmah pawh kan sawi zui tawhlo room ah chuan lut in kan in rem fel mawlh mawlh a
"U enteh,in colony ah hian chhelo deuh te an awm em?" Kan mut hma a ei tur waiwai ei tur chhum vil pahin ka ti a ka u chuan nui chungin
"Ka hrelo le,ka ngaihven vaklo a,bak ah hnam dang vek an ni sia heng ami te chu tha tih en ah pawh ka en peihlo..bak ah hnam dang nen a in zawm na nei mizo ho phei chuan dem an hlawh thei sia chutiang vel a buai na neih ve chu ka hlau"
"Keichu tiang hi ka lo ngei thin a lawm,an in hmangaih te chuan a pawi na a awm lo e ka ti..bak ah ringtu ah an in leh phah na anih phei chuan keichu tha ka lo ti ve mai mai a"
Ka u nen chuan chumi lampang chu waiwai ei pah pawhin kan sawi chhunzawm zel a,kan ei tawp dawn lam ah ka nu leh pa te kan be leh te te a,in ti fai tur a bathroom ka luh dawn chuan kan room kawngka chu a rawn ri pawp a! Bathroom ka pan lai ni mahse ka ding chawt
"Enge kha kha?" Ka u lo ngawi ve reng ka hmuh chuan ka hlau ru nghal tawp! Unau chauh a awm kan nih vangin towel Chauhin ka in tuam sa bawk nen ka hlau ta thut chuan ka kawr hlih tawh chu ka va ha leh a, India fight back tih ang reng te kan en nasat thin vangin misual an nih ka ring zual sauh
"Room piah ami te an niang,zu an ruih hi chuan kawngka te hi an rawn ngheng ri leh dawt thin a" hlauh loh hmel deuhin ka u chuan ati leh mai a kei erawh ka rilru anuam vaklo
"I hlau ngailo ami? A hma phei kha chuan nangmah Chauhin I awm sia I hlau miahlo ami? U a van den ve !" Ka ti nghal zung zung a ani chuan kawngka tha tak a a kalh e thin thu te leh engkim check fel sa thlap Chauhin a mut thu min hrilh a
"A pa te hrilh an ngai anih hi,a him lo emai hmun dang ah in sawn daih rawh" kawngka lam ka va melh leh a,thawm pawh kha a awm tawh chuanglo
"A ngailo,hei ai a tlawm a awm tawh chuanglo ang ka zawng nasa lutuk,bak ah ka thawh na nen a in hnaih a zan haw thin chauh ka ni bawk sia maw,haw na hla vaklo hi ka duh zawk a"
"Ani ve tho mai,kan khawvel hi chu a ralmuang tawhlo anih ber hi" tiin bathroom ah chuan ka lut a,in ti fai in kan mut meuh chuan a lo tlai tawh hle..chutah ka lung a rawn leng thar a ka la muhil thei mai lo zui!
"Enteh, U a hlauhawm ka ti deuh..ri chu I hre ve em?" Na tuar rum ri nghut nghut ka hre ruai ruai a mut a bar lehzual,a hnaih hmel bawk si nen ka hlau tlat!
"Um hria e,ngai ah I nei mai ang..kan room piah piah leh ah sawn tlangval ve tho fel vaklo a awm a,a thiante pawh an awm..mi sawisak an hrat bawk sia maw chung vel thawm chu aniang"
"A va den thei ve.. nangmah chauh a I awm lai khan I hlau ngailo ami?" Ka ti leh,ka tawng reng a ka muhil theilo tial tial a,ka thawm hriat lah chu a reh mai bawk silo "bak ah in colony ah chutiang misual te tinge an awm tir a? A him lo e"
"Colony neitu pa fapa hi alawm,a pa in a duat sual an tia thil a tih sual pawn a pa hian a chhan tlat zel an ti..bak ah maw a sual ang ai hian hmeichhia chu engtin mah ati ngailo an tia"
"Hnaih vakloh a tha anihchu" ka ti leh hram a rei vaklo ah chuan thawm pawh chu a awm tawhlo a keipawh ka mu thei ta mai
A tuk khua a lo var chuan lu na bur in ka tho a,ka u chu hna kal turin alo in siam peih leh der tawh! "Vawiin chu ka tlai deuh dawn anih hi,Mate..kawngka hi tumah lo hawn suh aw in chhung ah hian tawm tlat tur,hmelhriat ila nei bawk silo a a him lo ania"
"Awle in hi ka veng ang" tiin ka u ei siam sa ei turin kitchen ah ka phei a,ka u chuan min chhuahsan in kawngka chu ka va kalh tha leh thlap a " ka van peih ve mai mai tak! Mumbai kal chak vangin hetia awm pawh pawi ka tilo chu ania!"
Chhun ah chuan a lum ta phian sia,nizan a ka hak pawh ha peih tawhlo in ka kawr pan lampang chu ka ha daih a,in chhung te ka lo ti fel ve diam a in chhung bawlhhlawh bawm a khah tawh em vang chuan chhuah loh theih ani tawhlo,ka hmun phuah khawm sa dah tawp a chi bawk silo
Pawn lam bih hmasa phawt in mi reh lai chuan bawlhhlawh chu ka zuk thiar thla a, hmanhmawh deuhin ka tlan chho lehnghal ka van nghal reuh tak! Garbage bag ka dah thar leh lai chuan kan kawngka ka kalh lo tih ka hrechhuak a ka va kalh dawn lai takin kut a rawn lang thut chu ka rak thawt a hnunglam ah ka back nghal dawrh
"Lalpa min tanpui rawh,ramhuai chu ni lul Suh!" Kut chu a lan reng vangin leh kan kawngka a vawn reng vangin tap ti tih chuan ka en mawl tawp a,ka hlauh lutuk vangin ka zun te hi a chhuak vek!
"Tui minlo pe teh" English hian tu emaw chuan arawn ti a,chung ah ringawt pawh chuan ka tum uai uai tawh! Ka u chu phone mai ka duh a ka in tih fel na lam ah ka phone dah na ka hre mai bawk silo
"hmanhmawh rawh" a rawn vin tuarh pahin kawngka chu a hanwg zau nghal kawk a! Ramhuai emaw ka ti hman a mahse mihring pangngai ani hlauh! Ka chhungril hahdam nghal zia hi a rapthlak zawk
"Hmun dang ah dil mai rawh" a kun tlat vang leh a nak chu a dawm pah bawk vangin ka ti a, misual emaw rukru ani ah ka la ngai fan a mahni in ven na tur mawlh ka melh bawk ka hlau takzet bawk
"Nang nu phiangsen reuh chu le! Min pe vat mai rawh" kawngka chu a chum ri bur a a rawn hawi chhuah chiah chuan ka hlauh na te chu an thlawk bo nghal diak! A mitmu rawng hring hrak mai te leh a meng pa ruih mai te chu an dangdai takzet a hmel lah chu tha tih hian a hrilh fiah zo kher lo ang
"Hey,I mawl em ni? " A rawn tih leh chuan ka harh chhuak zawk! Kitchen ah ka tlan lut a fridge a bottle chu la in a bul hnaih a kal ngam ta silo chuan ka va lir phei a,min ngei hmel zet hian min en zui vawng vawng
Engmah sawi zui ta chuanglo in bottle chu a chhhar a,a in nghal khawlh khawlh a keiin a che vel chu ka lo thlir ngar ngar bawk vai ka tih dawn in a ang em em silo a sap ka tih dawn in hetah sap an awm thu ka u khan a sawi bawk silo
"Kha..ila duh em?" Bottle chu a rawn lek kang va va a,a thil in a lem zawng a a hrawk bawk che hrawk hrawk te chu a van hmuhnawm dangdai tak! A pa lian ropui mai bawk si
"Ai,duh tawhlo mai ka lawm e" ka tih vangin bottle chu kan in chhung chin ni si a chhuat ah chuan a dah a
"Khawi atangin nge ilo kal?" tih pahin a shirt dum hak lai chu a hlim a,a nak lai chu a lo duk deuh! Ka hma a a in hlim ringawt chu then sawk pahin ka mit ka hup ringawt
"Hmeichhe thianghlim leh fel ber ang a awm kha a ngai hran lo ania,khawlai hmeichhia te nen danglam na in awm chuanglo ang" a rawn tih teh thlawt vang chuan hlauh chu sawiloh ka kut tang kar ah chuan ka melh hrep
"Hnam dang lehnghal, rilru chhe lutuk!" Tiin ka phun chhuak sup a,ani erawh in ka tanwg a hre pha lo kalsawn mai a tum bawk silo a sual hmel bawk nen han kalsawn tir ngawt pawh chu ka hlau ve deuh bawk sia
"Lighter chu rawn phawrh la" a cigarette la chhuak in a tuai nauh nauh a, hmeichhe khaw lo ah min ngai tak tak a maw ni lighter te min dil chu! Zaktheilo leh lutuk hnam dang zing ah pawh a zak theilo ver ang
"Cigarette ka zu ngailo" ka ngei tak em vangin vin deuh hlek hian ka tia,nui chungin a cigarette phawrh tawh chu a ak leh daih a
"Tunge I zu ngai ti che? " Kalsawn a tum chuan ka thaw huai "Hey,la in hmuh fo ka duh dawn ania" tiin a kalsawn zui a,rang mangkheng in kawngka ka va kalh nghal sawk sawk