AW THIKNA

[harmachis.arman]

AW THIKNA
I hming hi duhawmna vuah ta che ila,
I hnathawh hi danglam thei tak ang maw?
A nupui, a hmangaih ngawih ngawih Genevieve-i tihlum nghal tura,
Thupe tur khawpin Count Sigfreta thinlung i chawk tho va,
Chutiang bawkin Othello thinlung pawh.
Thil awmlo hi awm angin ngaihtuahna i neih tir a,
Awmlo lo awm ngei angin i hmuhtirin i ngaih tir a,
Tichuan, jeletine nena nupuite pawmchilh a,
Thihchilh duh khawpin mihring thinlung hi i hneh thin a.
Indona rapthlak i chawk chhuak a,induh ngawih ngawihte karah,
Boruak mak leh thalo i thlentir bawk a.
Mihring ni la i van uang nasa dawn em.
Signal awmlo leh mumallo thleng hian hmanrua ah i hmang a,
Thian leh thian, hmangaih leh hmangaih,
Nupui leh pasal, nufa,pafa inhmuhthiamlohna i thlentir a,
I thuhnuaia i dah tawh hringfate lah hian,
I fuihpawrhna hi finfiah hmasak zet tum ta lo hian,
Thu tlukna an siam a.Anmahni leh midang,
Na takin an hliam thin asin.
En teh, i hnuhma keimaha awm hi a natdan sawifiah theih rual a ni lo asin.
Aw THIKNA, ka hrechiang thin che a,
Mahse ka hrechianglo leh thin che a nih hi.

[Ngaia]

rawn bei tha thin le mai, nang nge nge