THIS LOVE - 5(LAST) By Bearr Chhakchhuak (Dreamer)

Story tawi te te emaw luanliamna emaw post na
Bearr
Posts: 421
Joined: July 5th, 2019, 4:57 pm

THIS LOVE - 5(LAST) By Bearr Chhakchhuak (Dreamer)

Unread post by Bearr » November 28th, 2020, 11:23 pm

CHAPTER-5🖤




"Ngati nge ka thawmhnaw hi i bun vek a?" Thinrim ai mahin a chet dan chuan ka rilru ati na,a chhan pawh ka haw dawn vang ani,sual ang tak a a awm luih a min dan a tum hi ani


"Haw suh.." thawmhnaw chhar tur a ka kun laiin a rawn ti chuai ruih a ka u a awm ve reng vangin duh ang tak pawhin engmah ka sawi pui theilo,ka u chu a thinrim ve deuh nge thawmhnaw chu a rawn pawm khawm nawk nawk a kei a kun tawh pawh chu min kai ding in kan room lam pan chuan min kalpui leh nal nal


"A sual thiam zia kha I hmu em?" Room kan thlen a kan luh vel ah ka u chuan mak ti leh thinrim hmel pu chungin a ti a


"Ka haw a hlauh vang anihkha" ka lo ti ve tawp bawk a engmah a sawi zui duh tawhlo,ka thawmhnaw te chu tih ro tumin kan buaipui sawk sawk aa tam lo hlauh zawk a hna a tlem


"Mate, thinrim phah Suh aw I tan a tha tur ka duh vang chauh ania, ngaihtuah la tunlai ah hnam dang..a bik in india mi kawp emaw pasal a nei phei chu an sawichhe nasa in deu sawh an hlawh nasa ania chu chu ka hlauh pui bawk che"


"A ho lutuk, vawiin ah ka haw anga a reh leh vek mai ang " thawmhnaw chauh chu ka melh a,tun ah hian ka tah a chhuak takzet ka u hi awmlo phei se chuan aw rawl chhuah in ka tap vak vak tawh ang


"Vawiin chu thulh tawh law law mai ang,hetia thawmhnaw a huh leh bal bawk bag a kan hnawh vak ringawt chuan kawng lak ah a rim chhe hman vek ang"


"A ngailo vawiin a haw turin ticket pawh ila vek tawh ani lawm ni? Vawiin ah haw ila thil a buai tam lo zawk ang" ka ti ve tlat


Engtik ah emaw ka haw ngei ngei a ngai dawn tho a,tun ah hian haw ila a tha zawk ang,nikhat lek pawh ka awm belh anihchuan Mars kalsan theilo tial tial in buaina ka chawl chhuak zel mai ang!


"I duh viau ami?" Ka u bawk chuan a ti leh,in hru zeuh pahin ka bu nghat a


"A nihchuan be tur in kal la,thil awmdan hrilh la lo nghak tur che in ti la..in inkawp phal pawh ni ila kar tawp ah chuan I zir na vangin I haw chhoh angai tho tho a Mate"


"Ka hria a lawm,chuvang ania haw vat ka duh zawk"hrilhfiah nan reng reng pawh a hmuh leh chu ka duh,mahse min ngaithla angem? Min hrethiam angem tih hi ani"


"Ni chiah e,engpawh nise tun chu ka dang lo ang che va hrilhfiah la a hrethiam lo che anihchuan a duh ve tawk lo che ani mai"


"U sawi tawh suh! Nichin pawn a bialnu a rawn kai reng tih I theihnghilh tawh ami? A biang ah te a fawh sak anihkha engmah ka sawi peihlo" unau in pawh tak chu nilo ila chuan tiang kha ka sawi ngam teuhlo!


"Awle.." tih chauh a min chhang in ka thawmhnaw te chu bathroom ah kan luh pui a " naktuk ah chuan haw mai rawh,heng kan tih ro chhung nen chuan trai pawh a chhuak hman daih ang kan tlai sa.."


Ka u in atih deuh tlat vang leh ka thawmhnaw te an ro mai dawn siloh vangin huphurh ru deuh chuan ka aw ta hram a,haw chu ka hreh lutuk chutih rualin heta awm leh pawh Mars rilru tih nat na mai mai tur ania ka duh chuanglo bawk





"I be dawn em? Ka pa te engmah in pahnih chungchang ka hrilh chuanglo ania" ka u rilru nem leh tawh lutuk chu ka helh rum rum


"Dawnlo.." tih ringawt a chhang in chaw chu ka hawp pâwk a,chutih mek laiin kawngka an rawn kik ri dawt dawt! Mars a nih ka hlauh vangin kawngka hawng hmasa lo a en phawt turin ka u chu ka chah a


"Mate, Mars ania" a rawn tih vel ah ka tho lawp a bedroom ah ka tlan lut nghal hmak,ka hmuh leh chuan naktuk ah ka haw dawn a ka ngaih a zual lutuk ang tih ka hlau


"Love.." ka u chuan a luh tir ani ngei ang room kawngka chu a rawn beng dawt dawt "kawngka hawng rawh,tun tum chu ka sawi mai mai tawh lo ania I hawn loh chuan..!"


"Mars kalbo rawh" ring deuhin kawngka lam ah chuan ka au a,ka tah chhuak na te kha an rawn kir lehin ka hria


"Khatia I thawmhnaw ka tih chhan chu kal lo la ka duh vang ani,ka ngen thiam lo che a khatiang a ka tih mai loh chuan..!" Ka nui suk, Mars tih atan chuan a awm ngawih ngawih


"I bialnu thar bul ah khan va awm rawh keichu naktuk ah ka haw tawh dawn, engtik ah mah kan in hmu leh tawh dawn lo kan in theihnghilh angai Mars"


"Teuhlo lutuk! engtik ah mah ka theihnghilh lo ang che chuan nangpawh in engtik ah mah min theihnghilh theilo..a thiang lo hrim hrim!" Mangang aw deuh hian a rawn au a kawngka chu tlawh pawp ang mai hian a rawn ri nghal dawt a a ri nawn ta mawlh mawlh!


"Mate hawng mai rawh,hei kawngka a tlawh nasa lutuk a chhe tak tak thei mai dawn ania?" Ka u chuan a rawn ti lawng lawng a vawi eng emaw zat a rawn tlawh hnu chuan kawngka a chhiat ka hlau bawk nen ka va hawng ta pawp


"Kal tawh rawh ka rawn chhuak tawh" a mit ah chuan ka en kar a,ani chuan kawngka ka hawn vang ringawt pawh a lawm hmel takin pa zet hian min nuih suk "Mars..!" Ka u a awm vangin ka kut a la kang pawh chu ka lo tang tung a mahse a vuan bet tlat


"Thlah rawh ka kut hi" ka u ka va melh nghal zauh a ani chuan ka vengthawng ani tih a hriat vang nge ngawi rengin kitchen lam ah min phei san daih "Mars,ka haw dawn a,kan kal thui hma hian inthen zawk ang"


"Ai,,engtik ah mah kan in then lo ang"

"Ka haw dawn a sin,kan in hmu leh tawh kher lo thei a hun a liam chuan kawp pui dang kan nei tawh ve ve thei bawk..chuan"

"Chuan..?" alo ti ve nghal chat

"Kan hnam a in ang lo a chuvang chuan.." ka sawi zawh hma in a rum chhuak hawk a,a thinrim tih ka hriat vangin ka ngawi daih

"A tir ah khan engvang in nge I sawiloh? Ka ban bul ah chuan a rawn man ta chawt! hlau takin ka en a a mitmeng a sen ram bawk

"Ka hrelo..engati nge nangpawh in then mai chu I duhloh? Nichin ah pawh I bialnu I kai a I fawp bawk a bul ah khan hlim deuhin awm tum mai ta che"

"A biang ah chauh anihkha ka fawh!" In thiam zet a atih chuan ka ban bul a vawn na chu ka vai thla ve pawp a

"Ka thik zia I hria em? Chuan ka na bawk..reilote kan la in hre chung pawhin engati nge hetiang khawp hian ka duh a ka hmangaih che ka hrelo ka â tawh ani hial ang,a theihloh tih hre mahila pawm harsa ka ti"

"Ani kha I thik amaw?" Ka thik thu ka sawi chu a nuih ti za mai mai tu ani emaw tih tur hian a nui anihchu! Ka thutak zia hi a hre miahlo nge a hrelo lui zawk?

"Ai.." ka ti bul deuh hmuk

"I thik anihkha,ka duh dan ang chiah in..." Atih chuan ka thinrim tan lek lek "min duh tak tak leh tak tak loh fiah ka duh avangin khatiang khan ka ti anihkha"

"Maw! Nang hi..min runluih a maw?"

"Ka hrelo,I thik nan mai mai ka ti anihkha,a ni kha ka u alawm" ka kawng ah chuan a rawn kuah a a lam ah min pawt hnai dawrh

"Mars, duhtawk rawh"

"Ka thei tawhlo! Ngati nge ka duh che a ka hmangaih em em che tih hi ka hrethiam lo! ka nu leh pa leh unau te chauh ka hmangaih thei ah ka lo in ngai thin a"

"Pathian min siam dan a lawm,kan tawn turin khawvel ah hian kan kawp pui tur theuh min pe a lawm"

"Anihchuan engti nge min haw san I tum?"

"Hetah ka awm reng thei hleinem rawn zin ve satliah ka nia, kir leh a ka hma hun a tan a lehkha zir ka ngai a lawm,min hrethiam la khawngaih in min chelh tum tawh suh in then ila,chuan nangpawh kawp pui tur dang zawng rawh"


"Chu thil chu engvang in nge I sawi fo!" A bul hnai a awm awm chu a pet chawrh chawrh a ka in bengdaih tir thei mai lo lehnghal ka u pawh hlauthawng hmel nen kitchen atangin a lo tlan chhuak


"Engtin pawn awm la ka haw angai tho tho Mars" thinrim deuhin a tlan chhuak zui a,ngai dawn viau mahila ka haw angaih vang a ka tih dan chuan keimah ngei pawh min in dem tir phah


★★


"I muhil thei em?" Zanlai ah ka chet sek vangin ka u chuan a rawn ti a,a lo la muhil biklo aniang,kei phei chu ka mut a chhuak theilo Duhsaki nen kan in text zeuh zeuh a a bak chu ka meng ngawi kur ringawt Mars lah kha a room lam ah takngial pawh a haw leh tawhlo aniang


"Tu te nge ni ang?" Ka u bawkin kan kawngka an rawn kik vangin a ti a a thu chhuak nghal bawk,zanlai anih vangin ngaih a ngam zan lo, Mars pawh ani mai thei a mahse midang an nih ka ring ber


"Ka lo kal ve ang" ka u chu ka zui ve a "tunge ..?" ring deuhin kawngka bul ah chuan ka au vak a,ka u chuan eng emaw in ven na tur a lo leng sa bawk


"Sushant ka nia Mars thianpa...tah khan a awm em? A biak theihloh rei tawh lutuk kan mangang tawh" a rawn tih chuan ka thin a phu nghal dup dup a ka kaihza tha a zawi nghal vek!


"U...! U engtin nge ni dawn?" tap aw deuh tuau hian ka tia ka u pawh a rilru a buai hmel ta khawp mai,kawngka chu hawn hma in kan bih phawt a Sushant ngei ani tih kan chian hnu ah ka u chuan a hawng chauh


Sushant chuan thil awmdan a sawi zung zung a Mars chuan zu a in thu a lo hrilh bawk aniang,chu tak chuan ka mang a ti ang leh zual han zawn dawn kahin hmeichhia kan nia zan lai ah lehnghal chhuah atih chi bawk silo.. Sushant chuan a thian dang te nen an zawn tur thu sawi in a kalsawn lehnghal a


Chumi hnu atang phei chuan ka muhil tawhlo hrim hrim,khua a var takngial dawn a Sushant lah chuan an hmuh leh hmuhloh engmah a sawi tawh bawk silo ka awm hi a nuam thei tawhlo,khua a var a nimin a ka lo tum tawh haw chhoh chu alo hun leh der tawh!


Phur lo takin ka in siam tha leh a kan chhuah dawn pawhin Mars room lam ka va hawi leh hram,mahse luh chhuah loh tih hriat deuhin alo in khar phui thap.. ngaihtuah a zawng ve hman ka nih tawhloh vangin station lam pan chuan kan kal a


"Tluang deuhin aw, harsatna I tawh chuan minlo call vat dawn nia" tiin ka u chuan min thlah a


"U a chanchin in hriat chuan min lo hrilh ve aw" ngen ngawl takin ka ti a,ka u pawh a bu nghal nghut nghut


Train ah chuan chuangin kan tlan chhuak a,ka u ka ngaih chu thuhran Mars vang chuan kan tlan chhuah tirh atangin ka tap reng ringawt! A chung ah eng awm a thlen ka hlau ber a,kan awm dun theihloh pawhin him deuhin awm tal sela ka duh



Kan chhuah atangin darkar 4 vel a liam tawh tih ah chuan ka u in min rawn call, Mars chanchin an hria ah ngai in rang deuh chuan ka pick a " U in hmu tawh ami?"


"Mate Mars kha" ka u chuan chhum bung deuh hian a rawn ti a,a aw a zam na leh hlauh na awm chu ka lo man rang lutuk!


"Nilo..ka hre duhlo" Mars chung ah thil thalo a thleng tih min hrilh ka hlauh luat ah phone chu ka off hmak a ka hum ngawt ngawt


"Mars I Chung ah engmah a thleng lo tiraw? Ka hmangaih lutuk che a sin I Chung ah engmah thlenglo hram rawh se" train a Chuang ve te pawh ngaihtuah lo in ka tap ringawt ka u in min lo call nawn pawhin ka chhang duh tawhlo


"Ka hmangaih che ka tih kha" chu aw vang chuan ka bul a rawn thu chu ka en nghal vat!


"Mars..!"


"Hello..Love.."







🖤 THE END 🖤





🌼 Tunlai chu laklawh nun hi ka pai reng a😆 story laklawh deuh a atawp hian nuam ka ti tlat mai bawk sia🥴laklawh ti viau mahula ti hi ni deuh tawp tawh mai rawh se😅 anyway Ka story beith lutukin chhiar sak vangin ka lawm e...love you all💞🌼



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)