Ka hringnun By Puitea Libra

Story tawi te te emaw luanliamna emaw post na
Puitea Libra
Posts: 33
Joined: October 2nd, 2020, 4:27 pm
Location: Bolia, Lunglei district

Ka hringnun By Puitea Libra

Unread post by Puitea Libra » December 24th, 2020, 12:53 am

Samuel i pa zurui khan kan thenawmpa insual pui ah a cho ringawt ania, tih thu pu mawian min hrilh avang chuan arang arang hian pu mawia te in lam chu ka pan nghal a. Chutah ka pa awmna ka va thlen chuan, pa inah haw ang i rui bawk si a, ka ti a. Chuan pu deng apa hi a rui lutuk a, i hrethiam dawn ni a, apa aiawh hian ngaidam ka dil che ni se. Pu deng a hi mifel tia kan khaw miten an sawi kha ania, ani chuan awle bawiha i pa hi rui lutuk a inah hruai la va mut rawh khai, tiin aw nem tak hian min chhang a.

In a ka mut fel hnu chuan thil ka ngaihtuah mai mai a, anu hian min la dampui te nih chuan apa hi tihian a awm bik lovang ka ti rilru a. Chutia thil ka ngaihtuah mai mai lai chuan ka pa chuan, tap aw lek lek hian bawiha nu ka van ngai che em! I fapa duat hian maw nu a mamawh ve asin. Enteh tlangval lai pawh a, zu in ngai lo kha tunah chuan zu nghawl vei ka nia, thenawm khawveng te buaina thlen tu mai ka lo nih tak hi. Apa thusawi aváng chuan ka mittui a tla a, nu ka van ngai che em tia ring deuh a au in tah vak vak kha ka van chak tak em.

Mahse eng nge khawvel ah hian nu leh pa nei lo an tam lawm. Keicuan pa ka la nei miten zu nghawl vei pawh ti se ka tan chuan khawvela pa ka hriat tawh ah chuan a fel ber ka ti lo thei lo ani. Samu i inpeih tawh em tia min koh ri ka hriat chiah khan school kal ngai tih ka hrechhuak a. Jona(Jonathana) aw ka insiam nghal min nghak lawk ka rei lovang. Ka insiam zawh rual chuan hmanhmawh lem lovin school lam chu kan pan dun a.

School kan thleng a, thianpa jona nena zung tura bedroom lam kan pan chu tukin zinga ka pa zurui pu denga tibuai a tum kha ka students ho te chuan an lo sawi ho chu niin. Chutah ka pa chanchin vel chu hrechiang niawm tak hian an lo sawi khawm hlak hlak a. Kei chuan ngawi rêng in ka classmates te chu melh pawh melh tha ngam lo hian ka thutna ah chuan ka thui ngawi reng mai a.

Class kan bang a, ka thiante chu an nu emaw an pa emaw chuan an lo hruai ve mai thin a. Mahse kei chuan hruai tu tur apa ber hi zu bak ngaihtuah a neih loh avang hian min hruai tu tur ka nei lo a . Anu chu la dam se nitin min hruai tur hian lo kal ziah ang a, ka riltam hlauh em em tih hriat tak hian i riltam em bawiha nge i ei duh a ti ngei awm si a, atawp atawp ah chuan ka mittui a tla leh ta nge nge e.

Hun a kal chho ve zel a, keipawh tha deuhin lehkha ka zir ve thei a, kan class ah chuan kan teacher ten thiam pawl ah min dah ve kha nia. Ka nu chu la awm ve se afapa duat hi min chhuang leh ngawt ang.

Ka thiante tan chuan ni lawmawm ber ti ila ka sawi sual awm lo ve, mahse ka tan chuan he ni aia hrehawm hi a awm kher dawn nge mawni? Kan school chuan a vawikhatna ni turin mother day lawm kan tum a, ka thiante zawng an hlim hmel tang khan an phur tih a va hriat tehlul em. Mahse kei nu nei tawh lo tan chuan phur hmel tih ai mah chuan mittui tlak ni ti ila ka sawi sual kher lovang.

Ka thiante status ka en a, an status ah chuan happy mother's day nu rei deuh min dampui ang che w tih vek hi a lo ni. Kei hmang tur nei ve ta lo chu ka thiante status en hian ka tap ka tap mai a. Chutia ka tap ka tap lai chuan ka pa leng rawn haw tih kawngka rawn kih thawm atanga ka hriat tak si ah chuan ka tah lai chu ka van tawp Chiang kher em a chhan chu apa hi ka mittui tlak lai hmuh loh hram ka duh vang ani.

Zan ani a, home work te ka tih zawh tawh avangin ka phone chu hmet eng in ka online mai mai a. Lalrinhluii chuan min lo be hlawl mai. Ani hi kan classmate ah chuan a ruka ka star kha ni. Mahse ani ang missionary fanu meuh chu kei nu nei lo, ka pa lah engtik lai pawn rui reng chuvang chuan ka duh zia ka hrilh ngam lo mai bakah a bula awm a, han inkawm thin chu chak mahse ka ngam bawk si lo.

Samu teh hlawl che chuan zanin chu i online ve tehmial a, rinhluiin chuan message in min lo thon a. Kei chuan, nia zanin chu assignment vel kan ngah lo bawk a, ka online ve mai mai mut dawn chuan la hma si a, tiin ka chhang a. Rei ka biak ngam loh avang chuan muttui w tih leh a message rawn thawn ve tur nghak lo chuan phone Chu dahin muthilh tum chuan ka mu a.

Class 12 hi board exam tur kan nih avang chuan failed ka hlauh em avangin hunawl ka nei phawt chuan lehkha ka zir reng thin. Zing karah tihtur ka neih te ka tih zawh ah chuan class kal hma in ka online zeuh a, nizan lamah rinhluin message min thawn kha data ka off daih vang seen thei lo Chu ka seen chuan induhpa mi in kan be ve che a, min mutsan i tum duh leh muhil rawh tih leh angry emoji chu min thawn teuh a. Kei chuan khi suk pah chuan a message chu ply ta lem lo chuan class kal turin ka insiam nghal a.

Hun lo kal chho ve zel a, rinhluin nen pawh kan inkawm tam chho ve zel a. Ani pawn ka thian dang hmeichhe ho hian min biak hian a thik ve tawp zel. Kei pawh chutiang tho chu ka ni. A tawp atawp ah chuan ani nen chuan ka hmangaih hmasa ber ni tur chuan ka thinlung chuan a thlang a. Ani nena kan nih hnu atang chuan ka nun hi a hlim anu ka ngaihna pawh tlem chuan a reh ve deuh hian ka hria ani.

December thla ani a, socond terms exam kan hmachhawn mek ani. Exam lai em chuan bialnu ai mahin lehkha ka ngai pawimawh a, bakah school ah kan inhmu thei reng tiin Rinhluin chu phone atang chuan ka be lo a. Ani pawn Lehkha ka ngaih pawimawh zia min hriatpui tho a, min tau khum ve lo.

Exam kan zo hnuah chuan apa in pocket money tia school kal dawn a, nitin Cheng 100 min pai thin chu hmang zo lovin ka lo khawl ve tang tang a. Krismass bazar nana ka hman atan tia khawl kha ka ni reng bawk a, cheng 5000 chuang lai chu ni. Rinhlui, Jona leh chu sawm in kan han bazar a, avan nuam mai mai tak. Mahse ka thil hmuh chuan ka mittui ati tla leh ta...

Nu pakhat in a fapa chu kawr thar lei sakin a hak tir chhin a, bawihte i inhmeh lutuk. Ka nu hi la awm ve se ka fapa duat i inhmeh lutuk min ti awm si. Mahse he khawvel ah hian awm tawh si lo. Nu ka van ngai tak che em a hma krismass kan hman ho lai chuan kawr thar leisak in ka fapa hi a hmeltha ber min tih kha ka la hrereng asin. Mittui hruk fai hnu chuan Rinhluin te awmna lamah chuan ka kal a.

Kan exam result chhuah ni ani. Ka van huhpurh chiang tak em, ka rin lo deuh mai hian first division ah ka pass ve hlauh mai. Ka van lawm chiang tak em. Ka nu ka hrechhuak leh first division a ka pass ve tih a hriat hunah a lawm tur hmel chu ka mitthla vel a. Mahse ka mittui a tlak leh ka hlauh avangin ngaihtuah loh ka thlang ta zawk a.

December ni 25 ani. Ka thawmhnaw lei chu ka ha a, a hma zawng ai khan ka hmeltha sawtin ka hria. Pa i inkhawm ve dawn em tiin a pa chu ka zawt a. Bawiha ka pum a nuam lo emai ka inkhawm lo mai ang atih vang chuan lungdam lo chung in biak inlamah chuan keimah in ka kal a. Thiante chuan nu leh pa te hlim takin hunpui an hmang a, ka van vanduai bik teh lul em.

Tichuan hun lo kal ve hret hret a, final exam kan hmachhawn dawn ta. Ka van zir nasa teh lul em. Ka tang ani, thil tum ka nei a, chu ka thil tum ka puitlin theih nan chuan ka tan angai si ani. Tichuan le kan exam tan ta, ka zir nasa bawk a, questions hi an set sual anih te ka ring hial. A awl dan em em hi chu, pathian khawngaih na zarah final exam Kan zo ve ta a.

Mahse final exam kan zawh ni atanga karkhat vel ah chuan ka pa zu in nasa lutuk hi a pum hian a zo tawh lo ani ang nge? Zankhua chuan a pum a na a, atuk ah chuan he khawvela min hmangaih tu awm chhun ka pa pawh chuan pa ang chhungah chawl ve tawh tur chuan bawihte nupui i neih hma chuan ka kalsan dawn hleinem che min titu khan a thutiam pawh hlen loin min kalsan leh ta.

Ka tap a, mahse awmzia awm tawh lo. Thihna kutvawt chuan ka hmangaih ka neihchhun ka lei rohlu min hmangaihtu awmchhun chu he khawvela inhmu leh tawh lo turin ka pa chu min laksak leh ta. Pa i fapa hi i tel lo chuan engtin nge ka awm tak ang le? tia tah vak tih theih ka nei si lo. Ka nu min laksak tawh a, chupawh i la duhtawk lo i van sual tak eng ang pathian nge maw i nih le?tiin pathian chungah chuan ka tuan a. Ka tap a, ka chau ngawih ngawih. Ka pa hnung zui ve mai chu ka rilruk a, mahse engtik lai pawh ka kianga awm reng Jona leh Rinhlui chuan min fuih reng a. An pahnih chungah hian ka van lawm tehlul em.


Ka hriat loh hlan chuan Rinhluin chuan apa chu an bulah cheng ve tur chuan min dil sak a. Rinpuii pa hi missionary tih tak ah a fel em em a, chutia afanu berin a min chenpui turah atih tlat a vang chuan a hnial duh ta bik lova.

Tichuan an bula ka cheng ve ta a, Rinhlui nu leh pa hi an fel a, fapa an nei lo a min duat takzet ani. Final exam result chhuah a hun a, ka huphurh lo ngei mai. Distinction ah ka pass ve a, Rinhlui ve thung chu first ah ani. Chumi zan chuan kan chhungkua in pass Kan lawm a. Ava han nuam teh lul em!

Kum ruk lai a liam ve ta a, keipoh ka nih tum missionary chu ka puitlin ve ta. Tichuan Rinhlui nen chuan tiam tlat e kan ti dun ta a...


Atawp ta...........



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)