My Dear LEO

Story tawi te te emaw luanliamna emaw post na
Sangsangi leo fanai
Posts: 23
Joined: June 23rd, 2020, 8:37 pm

My Dear LEO

Unread post by Sangsangi leo fanai » December 28th, 2020, 7:32 pm

Ka room kawngkhar rawn ri deuh bur bur vang chuan harhchiang mang hleilo in peihlo zetin ka meng diar² a,thawm a reh leh leh daih vangin ka muhil chhunzawm ve leh mai bawka,reipawh ka muhil hmanlo tih in a rawn ri chhunzawm leh nghal a,ka harh chiang teh a sin....







Thinrimdeuha tho chhuak in tunge ka tivin deuh tuar a,'my dear leo' keimah minlo hawn rawh tih in a zawm nghal zat a,beidawng deuha thaw chhuak halh in enge tunang zanlai ah irawn tih dawn hawng rawh in in ah ka tia,chhan pawh min chhanglo in a ngawi vang² reuh a nih chu....







A hawng tawh emaw tiin ka mu leh tur chiah ka room kawngkhar bawk a ri leh,thinrim bawksi midang an harh ka hlau bawksi,phun nuah² in kava hawnsak a,a hmel ka hmuh rual chiah in thinrim chu sawiloh hlauhthawnna hlirin ka khat vek...







Ka hmel a hmuh ruala nui suk in'leo' tia phun sup in minkuah nghal a,ka hamhaih in awmdan ka thiamlo a,nidanga min kuah dan ang a nilo,ka hrethiamlo....







Muangchangin room ah ka kuah lut a,dimtein khum ah ka thuttir a,a palian in a rit si,ka hah vek thei....






A hmazawnah dingin ka kut ka kuangkuah a,rum deuha melh pahin enga tinge i hmai hi chhan minhrilh dawn em ka tia,minchhan tum hmel a pulo,thinrim deuhin ka per vak a,leo a ho em mai mu ang,naktul lam ah kan sawi dawn nia a tia ka ngei tawk hi an tling mai² khawpa.......








Khawi helai tal hi damdawi hnawih ang luhlul,thuduh lian ka tia,a kamsir thi ser² khawihsak pahin damdawi hnawihsak ka tuma,ka kut lo vaiper nawlh in,a ngailo ka chau mu ang tihzawng a sawi.....







Ka zaidamna in tlin tawh bik heklo le,thinrim lutuk a melh pahin,"LALREMPUI" ka tivin deuh tuar a,engah mah ngailo tih hriat zetin a khisuk duh chuah nia,tlawm mai² kala tum biklo....







A chhan i sawi dawn nge dawnlo ka tia,hreawm pawn a lang lo,a pheikhawk tlawhphelh in a jaket haklai chhuatah theh thla tawpin,ka khum ah a mu vei than a nih chu.....







Minngai pawimawhlo leh lutuk leh ka thusawi a hrelo der zel chuan ka thina tirim ngawih² bawk.......





Nie a dik,LALREMPUIA leh kei hi thaintha tak kan ni,high school kan kal a tang tun college kan kal thleng hian a mah bak tu vak mah ka kawm ngai meuhlo,engkim a chhia a tha in kan in hrilh tawn vek thin a,kan in kar ah thuruk engmah a awm ngailo,a bialnu te nen an in tihbuai leh intihthiam loh chang pawn buaina chinfelsak tu ka ni fo thin,tunhnai te hian a zia a dangin ka hrethiam thinlo takzet.....









Thinrim deuha pan hnaiin,tho rawh ka khum ah pawh mu ve bawksuh ka,engmah pawh minhrilh duhlo,tiin tap lek² in ka sawi a,'leo' amak e lo mu rawh,ka chau ania, tih zawngin min chhang.....






Ka duhang chhanna ka hmuhloh vangin ka thinrim zual ngawih ngawih,tap tiau in ithian a tan pawn min duh tawhlo ka hrevek,tunhnai a tang hian i danglam si,engmah pawh minhrilh duh tawhlo,bialnu inla nei lutuk i duh leh i bialnu 'siami' te in ah va riak rawh,ka bul ah pawh lo kal tawh suh,thian a tan pawn ka duh tawhlo che ka tia ka in sut deuh fap² bawk...







Rawntho chhuak thut in,rawng deuha min pawtpheiin khum ah min bawhbet nghal run anih chu,bialnu ka neilo,kan pa2 chauha kan awm laiin hmeichhe dang chanchin sawi tawh ngaisuh a ti vin deuh tuar a,a mit meng a rum in tawrhhlelh awm tak ani....








Thawk pawh ka thaw tha ngam lo,leo tih a phun sup in ka chal leh a chal a in siktir a,a thawk lak dan a rangin in control a tum hle tih a awmdan a tang ka hrethei......







Reitawk fang chutia a awm hnu chuan,hahdam hmel deuha thawk rawnla suai² in 'leo' tiin a rawn phun sup a,a chezia leh a awmdan mak ka tih em vangin engmah pawh sawilo in ang phuau in ka en hau ringawt.....



Harhchhuak thut ang maiin irit ania,tho teh min delhhlum itum ami ka tia,ka phal teuh loh,ka leo tereuhte,thinchhe zet leh kawlh hlik hlek zet tello in engtin nge ka awm theih ang,a tia,ka ner khum vak ringawt....




Duhawm lutuk tih pahin a vei nuih deuh suk a,ngei zet in ka melh a,ka kut a man bet tlat bawksi,alo kunhniam lai takin a chal ah ka lo tauh chawrh a,amah ai na ka ti leh zawk,ka mittui a tling pam mai....






Nuihza insum zeta min melh in,naupangchhia lutuk tih pahin damdawi tha ber chi kan hnawih ange tih leh ni dang pawha a tih ziah thin ang bawkin a fawp leh vang² a,a dam ta,tunah chuan kan muhil thei tawh a rawn tia,theilo tih pah in ka lo nui hak2 a...




Hriatthiamloh hmel fe in min melh a,ka nuih a za telh2 leh nghal,enge tih nan a mit a san uk a,a hmui thi ser2 khawihsak pahin heihi damdawi kan hnawih phawt ang ka tia,a ner nasa mai...







Nui sak in,lo kal rawh lem ka tia,mahni tawka thu duh leh hnial theihloh nu a tia,anih chuan i boss thu hi hnial hnial lo khan lo kal vat rawh ka tia,ner nang in ok ok a tia,a rukin ka nui tet² thung...





Damdawi ka hnawihsak laiia na tih hmel lutuk a,alo ner leh nawng thin vangin,tuarzuau si,ka pasal tur ini ang tih ka hlau ka tia,alana mai....







I duh emaw duhlo emaw "lalrinpuii"pasal hi ka nidawn hrim2 fiamthu titak deuhin a tia,melh vakin,a theihloh ang ka mut a chhuak mu ang ka tia,aw a lo tive mai bawka.....





Kei hian ka thianpa hi ka duh tih ka phalo,a bialnu te nen an awmdan min hrilh chang te hian ka thiklo ani biklo,thawk lak a harsa ka tiin ka tawt up² thin,mahse ka tihlan a reml ve silo,kan pa2 chuan in kawp thei kan nilo,ani chuan thian ang bakin min en lo a,a laka ka rilru puthmang hi hreta se kawm pawh min kawm duh tawhloh hial ka ring,keichuan ka chan theilo ani.....





A tello a nun hmang turin ka in ngaihtuah ngailo a,sungtuah pawh ka duh heklo,ka thian tha ber leh ka mipa hmangaih hi ka chan theilo,ka tana khuanu ruat nilo mahse,a hlata ka awm dawn ai chuan,heti hian a laka ka rilru puthmang hi hrelo kumkhua se,keichuan a tan thiantha ber nih ka thlang kumkhua zawk a ni...





Kan in ah alo riak fo a,ka chhungte leh a chhungte pawn minhau ngai lemlo.....







Zan danga a tih thin ang bawkin a ban minkham tir leh in min kuah leh hlu² tawh,a taksa lumna ngah em em mai chu ngheng hnai sauh² in a awm ah ka hmai ka phum kak a,a lungphuri hahdam zet mai ngaithla pah in suangtuahna khawvel ah ka cheng leh vang² tawh.....









Kan hrisela kan damthat pangai chuan hun hi alo kalchak khawp mai,kan tih nek² chhungin College week pawh kan zo der.....








Zanin hian a tiak tawh dawn a,ka thuamhnaw hak tur ah ka buai tawk hle.......









Party na leh hetiang thil tihkhawmna vela kal ve ngai ta lo chu engdang mahin rilru a luah theilo,thuamhnaw hak tur ah buai in ka buai ani ber mai....









Ka thuamhnaw bawm ka hai ngail a,ka duh ang ka hnuzo lo,beidawng lutuk in ka khum ah ka thu thla hnawk,ka kal lo mai dawnnge tia ka lo in ngaihtuah lai takin door bell a rawn ri,kala phuchiam zui....








Muangchanga tho in kava hawnsak a,delivar boy pakhat hi alo dinga,order kan neih awm ka hresilo mak ti deuhin ka en haw a,ani pawn mak mintih hmel deuhin min en hu mai......







Leo tih hmingpu hetah hian an awm em???an awm chuan heihi ata tur ania,a tia mak ti deuh in ka en hau ringawt,an awm em a ti leh a,a ih aw keimah hi ka nia ka ti bah nak a,anuih a zat hmel viau leh nghal...











Lalrinpuia bakin leo tiin tuman minko ngai tawp silo enge a awmzia ka bo in ka hrethiamlo takzet,bawm ka hawng chiah erawh ka thimhmuh a vangin tawng mai nachang pawh ka hrelo....









Ang deuh phuau in ka en hau ringawt,ka thil hmuh hi ka awih theilo,lawm lutuk vangin ka biangah mittui te a tla lo chauh....










Kawrfual pawl,ka pian leh ka vunrawng nena in mil zet mai,a sir lam a tlem kak thla,sexy em² lo,a ruk taka sexy ru riau si ani,a mawi ka ti thlawt,engdang mahin ka rilru pawh a luah leh thei tawhlo......












Ka phone ri pawh ka lo hrelo,hello ka tih rual in lehlam ami phun hluk ri ka hrezawm zat,nidang chu nise ka hnial leh bawng2 anga,vawin erawh a dan a dang ka hlim em ani,hnial chu sawi loh a thusawi pawh ka hre mumal lo ka khi sang reng mai.....










Chutah Leo a tia,ka lo hrelo ni tur ani,Lalrinpui tinge i hmingpum khera koh i nghah thin a tia,thinchhe pa,ka hrelo ani mai a lawm,ka lo ti ve leh vak a,i thil tur chu i duh hle ani ang maw a tia,engmaw isawi kha ka tia,a engmah ka lo lam ang che,ka lo kal tep lo inpeihsa diamla tih leh phone dah a rual nghal daih anih chu,lawm bawksi ngei angreng bawksi in ka phone ka melh hrep ri ngawt....












Ka insiam zawh te chuan a khat tawkin darthlalang ah ka in en leh thin,keima tawkah hian mawi hi ka inti ve ngawih mgawih.....












Hills ka bun a,bunkhat tih tak ah ka kal pai leh khat thin,ka room ah Lalrempuia nghah pahin kal dan vel ka lo zir a,ka chau hman vek,a rei dan lah chu,ka lo kal nghal tive si,rei lutuk tiin keimahin ka phun ka phun a,ka dress ka hmuh erawh in ka nui leh vur vur ang lawia....














A tawp a tawp ah chuan doorbell pawh a ri ve thei ta hram e,ka room atang ka chhuah hma in darthlalang ah ka in en leh te te a,keima tawk ah chuan ka nalh ka intih ve ber tum ani hial ang......









Hetiang thuamhnaw ka hak ngailoh vang hian ka zam ve takzet,thawk la te te in muangchangin inhnuai lam pan in ka chhuk a,Lalrempuia living room ah alo thu a,minlo la en char char zui,ka zam tak zet zamlo anga lan ve hram hram ka tum a,ka kut ka hum na lam ah a thlan vek tawh....








Hills ka bun khat ka tih tawh kha,living room ka lut tur chiah ka in pal phei ta mai,ka tlu ngei dawna ka rin vangin ka maimit chhing a,mahse ka tlu miahlo, minvuan hman tu an awm.......









Muangchangin ka mit ka menga,Lalrempuia nen hnai fahran in chiang zetin kan inmelh siah.......









Ka la thaw em pawh ka hre tawhlo,engkim mai hi a chawl thup mai in ka hria,ka lungphu ran zia lah chu pui tak ani,harh chhuak thut in ka ding mar vei vut a,Lalrempuia chal ah ka la tauh chawrh zui,chetchhiat theih ve tak ani.....











Nge kha ti vut vut a i din kher,ka lu i tauh na vek a tia,tihngaihna hrelo lutuk in lei ka chhuah khum ringawt...










Chuan tu nge inih??? Khawiah nge Rinpuii ka rawn hruai dawna nang hi chu inilo chiang,i chhelo em mai thu tak fahrana a tih chuan thinrim bawksi,ngeibawksi in ka melh hrep ringawt....










Enge tih nan a dar a san uk a,hmela sual lutuk,confi loh sa nak laiin minti confi lo leh zual,ka inthlak leh dawn ka zui peih bawklo che tih leh in her ka rual a,ka ban ah lo man in Rinpuii ini tih ka hre hleinem i chhelo lutuk a a tia,a nuih a zat hmel fu leh nghal,kava han ngei zawt zawt tak...











Tikhan min melh suh,min eizo tur hmel ipu a nia,kal tawh ang,zanin chu venthat i ngai dawn tlat tih leh min nawr kal det det a rual a,engmah pawh sawilo in ka zui ve leh mai bawka....








Mortor kan luh hnu in,zanin chu function kan zawh ah hruai duhna che ka nei a,thil pawimawh deuh hrilh duh che ka neia tiin thutak deuhin a sawia,a hmel kava en chuan ti mai² hmel a pu lo,ani maw ka lo ti hu a,ka aw a tang pawn mak ka tih zia a hriat theih ka ring,hmalam melh ngur in a lu a bu nghauh ringawt...









Ka ngaih te pawh a ti thalo lek lek zawk,nidang ah lem tawngna tur kan in chan ngailo a,tun ah lem a hmui a chip hmuk a,ka biak pawn a rul tawk bak in min chhang ngailo,kan boruak chu nuam lo ru ang reng tak ani...












College kan thleng a,kan chhuak hma viau emaw ka tih nak laiin,an lo tam tawh lutuk tlat,rinai daih in boruak a nuam...











Rempuian tih tur a neih vangin a kalsawn lawk a,siami te thianho pawh an lo lawr rang khawp mai....









Meinei deuh deuh leh tawngkam ngeiawm deuh deuh a,min tawngkhum fek fek erawh a nuam duhlo hle,Rempuian an inthen thu chu min hrilh ngei a,a chhan erawh minhrilh tello,ni dangah a tih tlat vangin keipawh in zawh luih chi ah ngailo in min hrilh hun ka nghak ve tawp......






Zai an play a,a kawp te te in an lam a,kei erawh ka tuina leh thiamzawng ni ve ta lo chu,kil khat a dingin ka ngaihtuahna ka lo kawm melh² a,ka dar ah minlo khawih tu an awm vangin ka phu zawk leh nghal,ka awm ka dawm vang vanga,i tha em?? Ka ti hlau che mi a tia,a hmel ka en chu kan senior lo niin ka in thlahrung leh hnuhnawh viau....











Tihpalh lutuk tih hlauh che ka tumlo ania,a tia kei pawhin tha deuhin a pawiloh thu in tha deuhin ka chang ve mai a,a kal sawn leh nghal mai dawn emaw ka tih laiin ka bul ah a awm ve renga,eng eng emaw min zawt chen a,ka ning ru angreng viau...








Senior te an nia,biak chhiat an theih si loh a,kal sawn vat vat se ka ti tak zet,lam turin min sawma,ka thiam loh thu in tha deuhin ka chhang ve leh maia,Lalrempui nagmah vang vek rei lutuk ti in ka rilru in ka hau mawlh mawlh bawk.....










Tha deuhin a kal sawn ve mai dawn emaw ka tih laiin lo kal rawh lam ang,ka zirtir ang che tih leh ka ban ah min pawh a rual ta mai,kei in ka thiamlo tiin tha deuhin ka hrilh tawh che kha ka tia,min pawt lui ka tah te a chhuak rum².....






Lalrempuia hmel ka melh nghal ruaia,hmuh tur a awm in a awmlo hrim²,ka mittui a tling pam mai,siami te thianho in minlo hmu rang teh e,kan bul ah lo kal in pakhat ah pawh lungawi zolo in a dang pawh maw,eng zata tam fakau nge i kawp a minrawn ti ta siah siah mai,an thusawi awmzia ka hriat loh em vangin engmaw i sawi kha ka tih bah nak ringawt....









An kai ve deuh nen,tawmgkam pawh a duhtui lo angreng,hrelo der suh minti deuh tuar a,midang te pawn kan lam an lo hawi deuh thup mai,tun ah chuan mi mit kan la tawh takzet....







Isawi awmzia hria ni ila ka zawt dawn che ami ka ti let ve kher bawk,ngei awm leh awih loh hmel lutuk a,min nuih deuh sak in,a thiante bul ah en teh u lem a chan thiam zia hi,a rapthlak zawk tih pahin zalo fe in a nui a,ka melh mawl tawp...








Ka bul ah lo pen hnaiin eng vanga Lalrempuia nen a in then nge kan nih hi hrelo der suh,nang mi khawlo lutuk vang vek hi ani,tiin ka hma ah a au tuar a,ka phu zuk a,mak ka ti em em bawk...









I ruih vangin i duh duh i sawi thei ngawtlo ka tia,ka duh duh kei hian ka sawi a maw,zak theilo lutuk,zahna chang pawh hrelo mahni thiante thlem ching,hmeichhe nasa lutuk,tiin min tawngkhum piap piap a,ka thin a rim a,ka tah a chhuak ut ut bawk...





Ka mittui rawn tla tur chu duhlo in ka khap let sak sak bawk,isawi awmzia hi ka hrelo tak zet tiin ka phun chhuak sep a,zak lo lutuk hrelo der lo mai teh,helai awm zawng zawng te hriat tur hian ka sawi law law zawk dawn em ni tih leh a ban vai a rual a,min ben ngei ka rin vangin ka lo maimit chhing tawp.....











Mahse engmahin min fuh miahlo,mipa awthum leh khauh fak in ,tibuai suh tih thu ka hrilh lo che em ni,a ti chang fak a,siami'n ka ih Rempui a tih rual in mipa aw bawkin ka sawi mai mai lo ania,hre reng rawh a ti khauh fak a,ka lo ip deuh chawi thei....










Ka biang pa hnih ah kut lum thur thur in a rawn khawih rual in muangchangin ka meng diar diar a,fiahlo zetin Lalrempuia hmel ka hmu nghal,mate tih palh i tha em?? Min ngaihtuahna awri a khat in a tia,chhan pawh ka chhang theilo ka melh tlawk tlawk ringawt.....











Kal ang aw Leo tih pahin a coat min haktir a,pen2 vel kan pen hman tih ah,siamin Rempui a rawn ti leh a,i thusawi engmah ka ngaithla duh lo,Matei nen kan hmuh ah hian rawn inlan leh tawh ngai suh,chuti a nih loh a,matei ilo tibuai leh emaw,kan hmuh ah ilo in lan leh a nih chuan kan in thenchhan diktak hi keiman mi zawng² hriat ah ka sawi chhuak ang,chumi i duhlo anih chuan kan hmuhphak ah rawn inlan tawh suh,ati leh hrawk a,a thusawi dan a tang a ti mai² lo tih a hriat ngawih² bawk....









Inher vut in min pensawn pui nghal phawk² a,a tih ang² in ka awm mawl ve tawp,ka à chhuih nimai in ka hria,ka thil tawn tehnuaih khan min thawng em bawk ani....











Motor ah pawh a tu a mah mah kan tawnglo ve²,ka tawng chhuah vaih chuan ka tah ka hlau ani,ka kut rawn hum deuh vang² in thawk a la a,ka tihpalh ti a phun sup in ka chal ah a hmuiin a nawr vang² a,engtin mah pawh ka chhang lo.......















Motor a khalh lai te chuan minlo en leh zeuh thin,kei erawh in ngawi rengin hmalam ka melh mawl tawp thung,motor a din rualin muangchangin a chhuk a,ka thutna lam kawngkhar a rawn pawt hawng a,ngawi rengin ka chhuk a,lo kal rawh tih leh motor dinna sir deuha thutna awmna lam chu min panpui a,ngawi rengin ka zui mawl ve tawp...




Leo itha em a tia,chhan pawh ka chhang chuanglo,kan boruak tawn tehnuaih vang khan ka chau ani,ka chau tak zet,leo a tih leh rual chiah in insum thei tawh heklo chhuak lutuk in ka tah khum hrep a,dawhthei deuhin ka hnung ah a chul a,ka hahdam suai² in ka hria...








Reingial ka tah hnu ah kan tha tawh em??? A tia,ka lu ka bu vei nghauh ringawt...









Lo kal rawh tih leh motor awmna lam min panpui a rual a,motor hma ah kan ding dun a,Aizawl khawpui phe un chu kan thlir dun a,mate i tha tawh takzet em a tia,aw tih nan ka lu ka bu leh ngauh a,tawngka a i sawi hma chuan ka pawm theilo a tia,rum lutuk a melh in hmela ka tia,imm ti kha chuan i tha tak² tawh ah ka ngai thei tawh ang a tia,a la nui ang sang leh nghal reuh a,keipawh ka nui ve tawp......







Rei ngial a ngawi vang² a,engmah a sawi tawh dawnlo emaw ka tih hnu in alam ah min kuai her in sawiduh ka neia,vawitam ka in ngaihtuah tawh a,ka sawi ang nge sawilo ang tiin,tiin zam hmel deuhin a sawia ka ka hau ringawt....











Che thut in a lam ah min pawt hnai in awm ah min kuah bet a, min kuahbeh rual chiah in a taksa lumna ngah em² mai chu ka feel nghal veng² a,ka hahdampui nghal hliah²







a zam vang nge chu ka hre hauhlo,a lungphu ri a ringin a rang em² a,chumi chuan chhungril ah hlimna nasatak minthlen bawk






engmah a sawi tawh dawnlo emaw tih hnu ah,a hmui lum thar² ka beng bul vel rawn nul deuh thuak² in thum ril leh pa zet in "MY DEAR LEO" tiin a rawn phun sup a,ka lo tim sawk thei..






A awthum pa leh ril tak chuan min hneh em² a,ka mur chuai² thei..





A awma beireng chung siin ka khi ver² a,ka thinlung chhunghi a hlim ani,a hlim ngawih²..






A taksa a rawn chet deuh dat dan ah a nui suk ani tih ka hriat sak thei a,chumi rual chiah in"MY DEAR LEO" min enrawh lem tih pahin a kut in ka biang pahnih ah dawmin a mah en thei turin min kuaidak a..





A mitmeng leh a hmel ka hmuh rual chiah in zamna hlirin ka khat





Ka thinphu a rangin min tlanbosan tum ang mai ani..





A ruk thei ang berin thawk kala halh a,ka zam hle tih ka hmel ah a lang ani ngei ang, a hmel ka en leh rual chiah in pazeta lo veinuih sak in hahdam rawh tih melhin minlo melh a,ka thaw deuh huai thei..






Muangchangin tahwk ala a,enge a tihdawn tih ka ngaihchan mek laiin muangchanga rawn kunhniam in ka chal leh a chal a in sik tira,hahdam hmel zetin thawk ala vang² a,ka thla alo muang ve em² ringawt...





Chutia reitawk fang a awm hnu chuan inlahrang leh datin mit a chhing vang² a,ka lo en kiau thung...






A rawn men leh rual chiah in a mit ah chuan nidang zawng pawha kala hmuh ngailoh leh amah ah a awm ve ang tih pawh ka rin phak loh zamna,hlauhthawnna leh phurna ka hmuhsak theia,ka insum theihna zawng² hlauh in mak ti deuhin ka en hau ringawt....





Chutah thum ril leh pa zeta vawn veinuih leh suk in a lu a thing nghut² a,ka lo tim sawk thei..





Muangchanga thawk la leh in ka biang tawn² ah a kut pahnih in a vuan a, "MY DEAR LEO"ti a phun leh sup in a ngawi deuh vang² a,muangchanga rawn kunhniam in ka bengbul ah rawn thawlum ham² in kei hian ka duh che,ka duh mai che pawh nilo in ka hmangaih che a tia,ka thil hriat hi ka awih theilo,mak ka tiin min thawng takzet....











Ka mipa duh leh ka hmangaih em² in,min duhthu leh min hmangaih thu a sawi chu nia,a mak ani,chhan mai nachang pawh ka hrelo,ka mumang ani tiin ka phun sepa,hei hi mumang a nilo tih leh minrawn kiss zeuh a rual a,ka lo meng bial kawk.....








Khi deuh suk in,mumang a nilo a tia,ih ka ka tihrual in a kut in ka hmui a rawn hup nghal vat a,engmah sawi rih suh,tun ah minchhang nghal rawh ka tilo,fim deuhin ngaihtuah rawh,mahse minhnar pawh nila,minduh theih nan ka theihtawp in tan ka la tho² ang,ka duh tawh chu neih ka tum ngei² thin tih i hriat kha......









Inthup renga nun hi ka ning,ka la tlailo tiraw leo a tia,chhan mai ngaihna ka hrelo,i mipa hmangaih em² i hrilh ngam siloh khan a hmangaih thu hrilh ve ta che sela,ka awm ang tho hian i awm ve ka ring,lawm lutuk leh hlim lutuk vangin engmah tih nachang ka hrelo a ni ber mai.....









Ka hlim ani,ka mipa hmangaih ber leh ka ta tur pawha ka lo suangtuah ngam ngailoh khan min hmangaih thu min hrilh ania,engah nge aw tiin ka chhan mai loh ang,tun hun hi a pawimawh ber,hmalam hun ah enge kan tawn dawn ka hrelo,hmalam hun leh hunkal tawh intihbuai tir ka tumlo ka duh heklo,tun hun hi a pawimawh ber,tun hun hi hlim taka hman ka duh ani..........










Ka ngawih renga ka chhan lawk loh vangin,kan inthianna a chhiat ka hlauh vangin rei tak ka zep a,tunah chuan ka thei tawhlo,in thup renga hringnun hman hrehawm zia hi a tia,sawi belh zel a tum a,a ka lo hup vatin engmah sawitawh suh ka ngaithla duh tawhlo,tun hun hi a pawimawh ber,hmalam hun kan hrelo,hun kaltawh in tihbuai tir tur a ni heklo,kan pahnih chiah in,kan pahnih in kumkhua in,awmdun ang aw LALREMPUI keipawh hian maw ka hmangaih che,min hmangaihna ai nasa in ka tia,vei nuih leh suk in ka hria a lawm mawli a tia,ka melh deuh haw......












Sawilo mahla ka hria,sawichhuah i tumlo a,bialnu ka neih te pawh hi i thik a tan chauh a lawm ka tih,i sawi chhuah mai ka ring thin a,mahse keimah bawkin bul ka tan a ngai,mawl leh lutuk mai,mahni in tih hrehawm hi bansan tawh ang che,tih leh min kuah beh a rual a,i lo sual hle mai ka tia,a ri meuhin a rawn nui hawk² nia mawle....










Amah en thei turin min kuai dak a,tuna tang chuan LALRINPUII aka ka thiannu ziamdam em² hi official takin kei LALREMPUIA bialnu hi ani tawh tih ka puang e,tih leh min fawh vawng² a rual a,ka hlim takzet











......



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)