SUANGTUAHNA KHAWVEL

Story tawi te te emaw luanliamna emaw post na
ilefi imoz
Posts: 131
Joined: January 1st, 2021, 12:32 pm

SUANGTUAHNA KHAWVEL

Unread post by ilefi imoz » January 20th, 2021, 4:40 pm

*Suangtuahna Khawvel*

By : ilefi imoz💖💖



Thlasik khawvawt tak hnuai ah kum thum hnu a a vawikhatna ni turin ka diary chu ka keu a, phek tin ah chuan a hming a chuang vek!!




Ruahmi chuan min rawn theh that that a, ka ngai mawh lemlo, ka rilru erawh amah ah khan ani a châm leh tak!!



👣👣



"Minlo hrethiam lawk thiannu, minlo zui lawk thei angem?"



Mipakhat hian kawnga ka kal lai chu min rawn au ding a, ka bazar haw lam ani nghe nghe, engmah ka lei em em loh avangin ka bawr lutuk lo hlauh a, lo nuih seih chungin ka zui ve tawp!!




Building pakhatah hian min hruai lut a, hnathawk neuh neuh anlo awm ve nual a, hotel te pawh a ang rum rum..




Hall pakhat, zau ve deuh tak ah hian min hruai lut a, a chhungah chuan camera leh eng eng emawni, mihring pali nga vel nen anlo in chhawp nuaih a...heta min hruai ve ngawt chhan hi ka hre derlo!!



"Minlo hrethiam la, ngati nge he hmunah hian ka awm?"



Min hruai tupa chu ka melh haw a, inthlahrun hmel tak hian min melh..



"Englo ania, a hmasa in, heihi ka han inhmelhriattir ang che, James Hmangaihmawia ani a, i hriat tawh tho chu ka ring"




Tiin a sir kil deuha minlo melh run tu lam chu a kawk a, aw Lalpa leh!! James-a, Mizoramah te chuan celebrity kan neih that ber te zing ami ani hial ang chu mawle?!



"Oh, ni e, ka hria lawm"



Ka hamhaih lutuk vang chuan ka lo ti mawl tawp...



"Vawiin hi a music video kan shoot ni tur ania, mahse a model turin arawn thulh san lehsi a, kawtthlerah khan model tur dang zawngin kalo vak kual vel a, ka hmu ta hlauh che a ka lawm teh asin"



Chupa bawk chuan arawn ti leh a, ka awihlo e a!! Ka hmeltha lo a, ka pian a nalh heklo!! Ft 5.2 chauh kala ni zui!!




"Ka..ka theilo ang, bakah ka duhlo, a mualpho thlak mai mai"



Tiin ka inher...ka duhlo tak tak.



"I duh zat zat hlawh kan pe ang che"



Chu aw chu jamesa aw ngei ani!! Enge ni a a inhriat a?? Engkim tithei ah a inngai ani maw??



"A pawi khawp mai, ka hmankhawp tur pawisa chu ka nei ve"



Ti sak chungin ka chhuahsan...khatiang mihring, an lar vang mai mai a inla chapo nghal ér ho kha chu ka ngaithei thaklo!!




"Nula..nula, minlo hrethiam lawk teh"



Hnunglam atang min rawn um hlawk hlawk a, nichina mipa bawk kha...ning zetin ka ding a, ka inher..



"Heihi ka number ania, khawngaihin lo in ngaihtuah tha leh ta che, i rilru i thlak anih chuan zanah minlo be dawn nia"



Tiin card min rawn pe a, 'ka lo be dawnlo ve che sia' ti rilru nauh nauh chungin card chu ka ban a, engmah sawi set setlo in ka kalsan hmak..




In ka thleng a, ka nu in eirawng alo bawl rak rak..



"A nuam bawk em ka naute duat"



Choka a ka lut chu minlo hmu ani ngei ang..



"Nuamlo, vawiin chu inla milar zet nen kan in khuainuai tep alawm"



Ti hmarh hmarh in a eirawngbawlna ah chuan ka thu ve a, salad siam tur min rawn pe nghal zat..



"I hriselna hi a pan ve sia, kumin chu college chawl rih phawt la, nakumah i join leh mai dawn nia, chu chu i pa ngaihdan pawh ania"



Tiin chawhmeh a sil rak rak a, ka ui viau na in ka hriselna ka han en in a dik viau lawi bawk si...



"Pasal ka nei daih mai dawn mawni?"


Thaw hap chungin ka ti a, ka nu erawh a nui hawk..



"Nang hian khawia pasal mah hi ineilo ange aw, ngaihzawng pawh nei tawp silo hian pasal neih te han sawi"



Nui hawk hawk chung hian arawn ti a, keipawh kalo nui ve hak..



Nia a dik, mipa reng reng hi ka ngaihsaklo bur a, min bem ve tu te pawh hi ka hnial fithla thak zel kha ania!!


Huiha, ka asthma lah hian min kiansan zai hi a rel duh der silo a, kumin phei chu a zual em em a, tum li ngawt damdawiinah kan in admit tawh, damdawi ka ei that viau pawh hian a reh thei tak taklo.



Ka thih vat ka ring, chuvang te pawh aniang mipa ka ngaihsakloh em em ni!



"Chuan in, tu inla milar zet nen maw inlo in khuainuai tep a?"



Ka nu bawk chuan min nuihzat fé hian arawn ti leh..



Purun sen chan hmarh hmarh pah in vawiina ka thil tawn te chu ka hrilh a, alo ngaithla..


"Card te kha min han pe ve a, ka biak awmloh nen nen hian, chapo ropui si"



Tiin a tawp ka khar thei hram a, ka thaw a chham hman tep alawm mawle;!!




"Keichu a that hmel reuh ka ti!! Bakah james-a te chu a lar si a, a model ah chuan tang la i inchhir pawh ka ringlo"



Arawn ti dap dap a, kalo ner khum sawk!!



"Midang chu nise ka duh maithei, mahse ani kher kher chu ka duhlo rapthlak, a chapo si, a rilru a chhiat duh hmel, awi a, ka ten"



Tiin room ah ka chhohsan daih...



👣👣



Kár a liam a, inah ka tawm ngawt ngawt... Khawlaia ka tei chhuah vechhun ah pawh hnai te a dawr ah, eichawp leiin ka kal chhuak tawk ani mai..



"Bawihi inleng inei"



Zan dar 7 ani a, ka nu in min rawn au lang lang..



'tu phiangsen nge mawni le, ka film en a laklawh nen nen a"



Ti hlak chungin ka chhuk a, sitting room a ka pa nena tv lo en te ka hmuh chuan ka ding chawt!!




Kan milar em em-a leh a thianpa pui kha lo niin!!



Min hmuh rualin ka pa in min rawn ko vut a, anni pawh an rawn hawi chho haw!!



"Enge?"



Ti hluk chungin ka pa sirah chuan ka va thu tharh a, anni pahnih chu ka melh duhlo lui tlat..



"Hmanni ami tho kha"



A thianpa zawk chuan arawn ti!!!



"Awi, in zo fel dim diam tawh ang chu tih nak alaiin"



Ka ti leh hlak, nelawm taka awm ka tum lemlo...



"Zo fel lo chu anih hi"



James zawk chuan arawn ti khauh!! Chapo leh ta!! Ka seh hel zual sawt..



"A va pawi ve, zo vat turin duhsakna ka hlan a che u"



Ka ti sak a, ka pa in min rawn melh vut...mahse ka ngaipawimawh lo nasa!



"Zo vat ang, ilo tel hma leh kan zo fel hma ani mai"



James bawk ani!! Ka vahan tel awmlo tak e aw!! Saw pa lel lul vang hrim hrim pawh sawn ka tel awmlo emai a...



"Bawihi, ngaihtuah chiang turin ka duh che, kumin chhung college i chawl dawn a, i khawhar lutuk loh nan pawh tel ve la ka duh, tin, james-a te pawh, ka fanu hi a hriselna a pan a, a taksa in a tlinloh thleng thleng erawh chuan kalpui lo ula"



Ka pa in arawn tih chuan mak ti lutukin ka en..



"Pa, ka duhlo, ka duhlo nan mahse, chutianga taksa in a tlinloh thleng thleng te chu ani theilo ve hrim hrim bawk, a chhan chu, music video pakhat chauh ania"



Kalo ti hmarh hmarh..mahse tuna ka tawng danah kha chuan an deal kha pawm ka ang mah mah in ka hria!!



"Kumin chhung hian music video 4 siam hman kan duh a, album siam kan duh vangin, contract angin kanlo be zawk che a"




Jamesa thianpa chuan arawn ti a, ka meng â ho!!



"Chuan in pawm dawn nge?"



James chuan nin hmel zet hian arawn ti leh, in hnuaichhiah taka tawng chauh hi emni a thiam le?



"Kan pawm ani ber mai lawmni?"



Ka pa in arawn ti khauh a, ka âng phuau ringawt!!



"Anih chuan, ruatfel, naktukah tlawng ah shooting neih nghal mai a sual lovang, dar 8 ah lo hman la, kan rawn lam dawn che nia, chuan, taka, minla hriat loh takin keihi sawmzuala ka nia, hei, jamesa director hi ka ni, chuan in, contract vel chu naktukah kan tifel tawh mai dawn nia, a tlai dawn ta, kan haw phawt ange, muttui u pamawi"




Sawmzuala chuan arawn ti!! Hnial ka duh, mahse ka pa in thuthlukna a siam tawh chu a her danglam ngailo tih hrechiangtu ber ka ni miau!!



An chhuak fel ta maw tih ah rum mangkhengin ka pa chu ka melh a, room ah ka chhohsan nghawng nghawng....




Mut hmun ah ka ngaihtuah neuh neuh a, naktukah chuan ka mualpho ngei dawn e!! Ka zeilo si, acting tih vel ka thiamlo rapthlak si?! Awi ka thaw a pik hluah hluah...ka pa pawh hi a, a bei anglo ee...




👣👣



"Bawihte, i tho tawh em? I la harh lehpeklo emni?? Dar 8 ari tep ania, amak, mut hi in duh pa fa thei lutuk"



Ka room kawngkhar beng dat dat chunga ka nu in arawn tih chuan ka harh kawk a, thawh phan nei maplo in ka inper tho nghal!!




Dar riat ari dawn maw?? Nilo nilo, engmah pawh kalo la in ngaihtuah ve hleinem!! Ka duh theilo..



"Kalo tho nghal"



Tiin bathroom ah ka petek lut a, intifai sawk sawkin thawmhnaw ka inbel, ka vahan talbuai chiang berkher!!



In hnuaia ka chhuk chuan sitting room a kan mi chapo-a te thiandun lo thu chu ka hmu hlawl a, an va rawn thleng hma em em ve tiin sana ka melh nghal, Lalpa leh dar 8:14am alo ni reng tawh!!



"Chaw pawh ka la ei hleinem"



Ti in ka melhrum râm râm a, Sawmzuala alo nui hawk..



"Eilo mai rawh, a hmunah kan ei mai dawn nia, keini pawh kan la eilo"



Ti hluk in kan milar em em-a chu a tho nulh a, kawngkhar lam pan in a kalchhuak vut..



"Zawnga"



Ka hriat tawk lekin ka phun sup...ka ei hlawllo, he mihring nen hian engvang teh hrep in nge maw kanlo intawn le?



"Hetah rawn chuang rawh"



Sawmzuala car a ka lut tur chu james chuan min rawn au a, ka va hawiphei chuan bullet bulah alo ding run mai..



"Ka peihlo, sawmzuala rualin ka kal dawn"



Ka ti vei hmak a, ka luhsan nghal hmak..mai mai sala, a duh ang ang hian min van tikawi dawnlo ve chiang tak em!!



"Ka bulah, ka rualin i kal ang ka tih chu"



Motor kawngkhar rawn pawh hawn rawk pah hian arawn ti hrawk a, chutah min rawn pawm tho nawlh a, min kalpui nul nul anih chu!



"Hmela min thlah vat teh, i rualin ka kal duhlo sawmzuala bulah ka kalduh zawk"



Tiin ka tal vak vak a, a tha a thlahdul awkawnglo!! Nger ngur mai, sual si..chapo si!!



"Tikhan thu hle hle rawh"


Tiin bike ah chuan min nghat dat a, arawn chuang ve nghal thurh bawk..




A hnunglam atang na em em mai hian ka melhrum nek a, min hmu theilo mahse ka vahan melhrum awm tho tho tak!



"Minlo kuah rawh"



"A teuh hian a hnailo"



"I thu thu le"



Tih leh a dawk chhuak zawk a, amah va pawm ngawt ka duh bik ting tanglo, hnunglamah ka in vuan bet ve tang tang anih chu!!



Min hmutu te ho chuan zeilo min vahan ti dawn lulai em?!! Hnunglamah ka eu nasa si, ani lahin a khalh chak sauh lehnghal!! Awi ka â thei takngial dawn...



"Luhlul lutuk"



Ti hluk in speed a down a, ka lo thaw huai thei..



"Ngati nge min ngainat loh?"



Eng zawhna nge ni ngai??



"Ngainat turin i awmlo aniang chu!"


Kalo ti sak..


"Engtin nge awm ila min ngainat ang"



Arawn ti leh anih chu!!?? A â zo tawh emawni le!?




"Engtin pawn awm la ka ngainat zawng ini lovang, a chhan chu, a, ka ngaina lo ve tawp che"



Kalo ti hmarh hmarh a, ani erawh a ngawi tawp!!



Tlawng kan thleng a, midang pawh anlo awm ve nak nak tawh..



Bike atanga chhuk tharh pahin ka inbeng fai thuak thuak a, ka hnungah min zui rún tu a awm tih pawh hre chang tawhlo lekin boruak chu ka hip lut vang vang a, ka pheikhawk tlawh phelh in tui ah ka chiah nghal veng veng..


"In ei puar phawt kan mamawh"



Ti nghutin min rawn pawm lawp a, midangho kiangah chuan min pawm phei nawl nawl..



"Lawk lawk lawk james, kha kha, a mawi lutuk, ti tha leh lawk teh u khawngaihin"



Sawmzuala chuan alo ti chul a, ka meng â ho ringawt!!



"Rema, lo la lawk mai teh, la tan chiahlo mahila, a fuh dawn riau in ka hria"



Tiin camera-man chu a au zui lawm lawm bawk a, ka vahan ning chiang mai mai, riltam tawh nak alaiin...




Lui kamah bawk chuan min nghat leh a, a hma ang chiahin min pawm tho leh nawlh a, thiante ho zingah chuan min kalpui..



"Cut cut...a nalh chiang alawm"



Sawmzuala bawk ani!! An nalh tih zawng te hi a mak thei si!!


👣👣



Engtin tin emaw ni chu kan hmangliam ve hram a, a hrehawm em em lo bawk a, kalo hnial ta lo chu pawi ka tilo ve tan..



James-a nena tuia kan inchhaih har har lai nge?

Vaukama in hmangaih hluah hluah hmel taka kan han thu dun lai vel zawk kha nge?


Kan Haw dawna, 'ka thlah ang che' atih beh tlat vanga in thleng min drop thlap lai te kha nuam ka tih ber pawh ka hre tawh biklo e!



👣👣



Ti chuan karkhat chhung zet chawl maplo in shooting kan nei a, james nen pawh han inhnial ve rap rap thin mahila, kan innel in, kan inpawh ve tawh lutuk!!



Kan nui dun ve ta ziah a, eng em em mah sawi lutuk thin lo mahila a hmaa kalo hmuh dan ang ngawt kha chu alo ni biklo tih te ka hrechhuak ve ta bawk!!


👣👣


Saturday tlai lam dar nga ani a, vawiin hi he video atana kan last day ani!! Hotel fiorina ah room kan hmang a, a zau tha hek hawk bawka, a nuam dar dar hle mai..




"Le...khawngaihin, minlo ngaithla ula, kan hriat tlân vek ang in vawiin hi he video bika kan shooting neih tawp na ber ani a, heta lo kalkhawm zawng zawngte, in thawk tha e, a lawmawm takzet bawk, puar tláng taka ei theuh turin duhsakna ka hlan a che u"



Sawmzuala chuan table atanga rawn din pah chuan arawn ti hluai a, kut an beng dar dar a, kei erawh chu ka nguai nghal vek mai hian ka hria!!



Ka kut rawn chelhtu chu ka en vat a, ka sirah hmalam bih ngur hian alo thu a, ka kut a vuan mek tih pawh hre maplo ang maia a awm chu mawle!!.




Mahse ami deh na hian keimah ah enge danglamna a siam mek hi? Kei ngei pawn ka hrelo ania!!




Jamesa hi ka duh emni??? Teuhlo!! Ka duh teuhlo mai, he mihring hi ani lawmni ka ngei em em thin, ka huat hluah hluah thin kha!



Mahse tinge tunah amah vangin ka danglam ve ringawt!



"Tui deuhin ei rawh"



Ka beng bulah arawn ti sup a, ka hit/hik chhuak nghal chhuai nia mawle!!



"Nangpawh le"



Ti sep chungin fork chu ka ban a, ka ei nghal mial mial..



"Kha chu bawngsa"



Arawn ti hlut a, ka chawhmeh suak tur chu ka tawp chawt...he thil hi bawngsa ani tih pawh ka hre miahlo!! Chuan bawngsa ka ei theilo tih engtin nge ani daih daih hian a hriat le!?



"Oh, ka hrelo a"


Tiin ka kut chu ka la zál zál...



"Hei ei rawh"



Tiin arsa kan tam tham zet chu ka thlengah arawn suak a, zak tawkin ka kun tawp, min hrethiam ani chék ang, a nui hak a, a eitur chu a ei chhunzawm mial mial..



Kei erawh ei tam lovin ka kham vat a, balcony ah thlifim dawngin ka ding vang vang...



Thlifim rawn tleh heuh heuh te chuan ka sam an chhemleng seng seng a, hetiang boruak fím raih hi ka naupanlai atang tawha ka ngainat ani thin reng ani!!



"Va inngaihtuah múk awm ve ruatfel"


Hnunglam atang jamesa aw ngei mai chuan arawn ti vawt ruih a, ka ti ril a khur leh dar dar tawh anih chu..



Ka sira rawn din pahin thlifim chu a híp lut ve vang vang a, sawi tur ka haihchham chiang kher mai!!



"Chuan, vawiin chauh hi ani tawh sia"



Arawn ti vawt leh ruih a, lu kalo bu nghat..



"I ngaihawm dawn khawp mai"


Ka ban rawn vuan in min melh vawng vawng a, kei erawh ka hawisawn daih..rei tak a mitah ka melh ngam teuhlo mai..



"Min ngai ve tho angem le?"



Ngenngawl deuh hian arawn ti leh!!.



"Ka..ka hrelo, ka ngai ve tho maithei che"



Kalo ti bah niaih a, a khi suk..



"*Ka ngai dawn che* ti tha ve mai la"


"Nia, diktak chuan, englo, uiii a hma kha chuan i nelawmlo kha ka ti thin, i tawngkam chapo zet te kha ka haw thei lutuk, mahse, nia, karkhat chhung lek mah nise, kan inhriat chian ve deuh hnu hi chuan james, ka..ka ngai ngawt ang che"




Ka ti chhuak hap a, min rawn kuah hlu hlu anih chu!!



"Minute khat...nilo, reilote chauh aw"



Tiin min pawm nghet sauh a, ka chalah arawn fawp vang vang...ka haw lo a, ka tal chhin eihlo te chu mak ka in ti takzet..



"Sorry ruatfel, ka thlah ang che"



Tiin a inla hrang vut a, a kalzui nghal nul nul anih chu!!



A hnungah ka zui dat dat a, a bullet nalh tak hnungah chuan ka chuang tharh a, kan tlanchhuak zui nghal..



"Muttui aw"



Chu zawng chu a sawi a, a tlanchhuak zui leh nghal tawp!!


👣👣


Hun aliam a, chawlhkár khat chhung zet ka thawhah avangin pawn chhuak theilo in ka awm chhunzawm leh ta nghal a, a nuam hranlo chiang alawm!



Zanah text message ka dawng hlawl a, jamesa hnen atang ala ni zui!


*"Hotel fiorina building chung záwl ah khan lo awm la, kalo kal ang, ok?"*


Tih zawng hi alo inziak a, zan dar 9:00pm ani tawh a, hmeichhe tan chuan chhuah na chi ani tawh chiahlo, mahse kan in atanga a hlat vakloh vang leh, ka hmuh tur hi ka thinlunga khatliam em em mai, jamesa ani miau a, ka kal loh ten le??


*"Awle*"


Tiin ka reply a, ka insiam zung zung a, ka nu hnenah engkim sawiin a phalna thlap in ka chhuak, jamesa ka duh zia min hriatpuitu ani miau a!



Ka awmna tur hotel ka thleng a, building chung zâwl chu ka pan ding ngar ngar!!



A hmun ka thlen chuan alo la awmlo a, thlifim a thawt heuh heuh avangin a vawt angreng hle zui a!!




Hun a kal bek bek a, dar 10 minute nga chauhin a ri tawhlo, jamesa ka call a, a tlán laklawh lai anih vang nge mawni a pick-up thei miahlo lehnghal..



Min tihder emawni le? Ka ti rilru neuh neuh tawh!!!



Minute 57, 58, 59, 60....



Ka awmna chu arawn éng kuar a, decoration light chu hmun hran hranah anlo vuah chu niin!! A hma zawnga ka hmuh hauhloh, ka piah maiah chuan



*Ka hmangaih che*


Tih thu hi alo in intar kulh anih chu!!! Ka awih theilo, ka hawikual vel a, jamesa hmuh mai inring takin...



Mahse ka phone arawn ri a, ka en vat, jamesa anih ka ring a mahse sawmzuala zawk alo ni!


"Hell..."



"Ruatfel, civil hospitalah rawn tlanphei nghal rawh, jamesa a accident"



Arawn ti anih chu!!! Ka mit sulh a, ka â mai dawn emawni ka ti!! Ka bíng chuk chuk a, awmngaihna ber pawh ka hrelo!!




Ka thu hriat chu dawt nise ka ti a, mahse sawmzuala aw ah khan fiamthu a tel hauh silo!!



Chiangkuang pawh hian ka awmdan chu ka hre talo...civil chu ka pan mawp mawp tawp ni ber.




A hmun ka thlen chuan sawmzualan kawngkhar bulah minlo nghak a, engmah sawilo in min kailut dawt dawt...




Icu ah anlo dahlut a, an zai nghal ani awm e!!



"Enge thil awmdan?? Engtin nge a thlen?"



Icu pawnah chuan jamesa chhung te leh midang neuh neuh anlo awm nual tawh..



"Ka hre chiah biklo, nangmah hmu tur che khan a chhuak dawn tih a sawi a, kan hriat leh hnuhnun ber chu a accident thu ani mai"



Chutiang zawng chuan sawmzualan min chhang!!!



Doctor arawn chhuak a, kan hnaih nghal ruak!!



"A pawi ka ti khawp mai, a nunna kan chhan hman talo ani"



Chu thu chuan min vahan déng na tak em!! Ka nghing lawih a, thihna chu ka ten a, ka haw ngawih ngawih ani!!



Ka hmangaih ber min laksak tu, he thihna hi eng tehlul nge maw anih chu le tiin ka thinlung chhung hi a rum vawng vawng...



Keimah vang ani!! Ni e, keimah vang vek!! Min hmu tura arawn kalna lamah a accident a, a nunna a chân bawk anih chu!!



👣👣



A ruang ni chuan mu leh mal pawh ka neilo a, ka tap theilo a, ka mittui erawh a hul chuang silo!!



*Zoram pangpar mawi chu a chuai ta*



Tiin mi tin in an ui zia an tarlang a, chumi phena ka tawrhna erawh rapthlak tak ani!!



Ka hmangaih an zalhna thlan thim chu ka thlir vawng vawng a, kan inhmangaihna parvul ve hman talo te nen chuan ui chung chunga ka thlahliam angai tawh si!!!



👣👣



Ni e, kum tam tak chhung chu khum tam takah ka insawn a, amah vang chuan ka chianglo tulh tulh tih hi ka chiang tulh tulh mai zawng anih hi💐



"Bawihi, lo lut tawh la, ruah khan a theh huh vek dawn che ania"



Inchhung atanga ka nu in arawn tih lâng lâng takah chuan ka *suangtuahna khawvel* atang chuan harhchhuakin van lam ka hawi a..



*"Ka hmangaih, he khawvelah hian la awm ve ni la chuan, kan inhmangaihna zawng zawng te nen khan tual kan leng ve ngei awm si a tiraw??



A tak ramah lo kir thei tawhlo mahla, *ka suangtuahna khawvel* ah erawh i kalliam ngailo ang..


Ka hmangaih, kei, neih neilo hian maw, dem awm khawp in ka dem ngailo ang che"



Ti a phun sep chungin diary chu ka khup a, inchhungah ka lut ta hna hna a...



A TAWP TA💐💐



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)