ENDLESS LOVE - 1 BY LAPUII

Story tawi te te emaw luanliamna emaw post na
Lapuii
Posts: 2
Joined: June 7th, 2020, 7:41 pm

ENDLESS LOVE - 1 BY LAPUII

Unread post by Lapuii » February 3rd, 2021, 10:26 pm

ENDLESS LOVE - 1 BY LAPUII




Prologue




"Ka hmangaih lutuk che" tia a mit thuk leh ril ruih a min melh tu leh ka him tih hriat ngawih ngawiha min kuah bet tu chu ka melh chho kar a, ka thinlung chhungril atanga hlimna nasa tak vang leh hmangaih ka ni tih ka inhriat hliah hliah avang chuan nui ver ver chungin "Keipawn ka hmangaih lutuk che " tih let pahin a hmui ah dingdihlip ak ak chungin ka han fawp let a,






He mipa ka hma a ding mek Ezra Malsawmsanga hi kalsan harsa ka va ti em, ka nunna leh ka hlimna, ka lawmna a ni a, a tello a nun ka hmang dawn a nih chuan chu zet chu dam reng chunga thi ka ni tih na a ni ngei ang





Biakin chhung ah chuan lutin, pulpit hmaah tihtak meuha kut suihin " Aw Lalpa, ka tan a va harsa si em, ka thei dawn em ni, ka thei meuh ang ngem, ka thil thlan hi a dik lo viau em? mahse a ni kha ka chan dawn a nih chuan ka thi thei hial ang, min pui hram teh, ka hmangaih asin, a tello a nung tur chuan ka la inngaihtuah chhin ngai lo, engpawh lo thleng se, chakna min pe hram ang che " ti mawlh mawlh chungin ka tawngtai a






A tuk zingah chuan test message in "Kan spot ah khan ka lo nghak dawn che nia" tih hi a lo awm kalh a, ka chhang let lo mahse ka kal ngei dawn tih chu ka chiang






Kan spot lam panin ka car chuan ka in khalh chhuak a, mahse kan spot hi kawngpui an mai a nih loh avangin kawngsir remchang laiah chuan motor ka park a, chu mi hmun lam pan chuan ka kal nghal nal nal a, mahse ka rilru erawh a buai lutuk, ka rilru a hah lutuk , tuna ka thu hrilh tur hi sawi lo thei ni ilang chuan kumkhua atana sawi loh ka thlang ngei ang, mahse ka tih ngei a tul si, kal kawng ah pawh chuan ka rilru buai lutuk nen thinlung tawt up up, mahse sawi chhuah harsa si, ka taksa zawng zawng tha neih chhun sawm khawm in ka pen tawk tawk a ni






A hmun ka thlen chuan ka hmangaih leh ka duh em em mai, a bula ka awm apianga hlimna zawng zawng hi ka ta ani tih theih khawp hiala ka rin ngei mai chuan eng thil nge thleng tih hre lek lo hian hlim tih hriat tak hian min lo nuih ver ver a, a bul hnai ka thlen chuan ka kutah lo chelh vatin, thutna lam ah chuan min kai phei a, dawhkan lian vak loah hian breakfast tur nen a lo awm kim ve biai,





"I lo thleng thei maw, i tha em ? " chik taka min en paha min zawh chuan "Aih tha lo, tha lo takzet," tia chhan mai chakna chuan min tur ut ut a mahse " Tha e" tih chauhin ka chhang thei, ka hma a thingthi in ka kut ding lam chu a rawn chelh a " Harper min nei duh ang ngem" tiin nui ver verin a zungbun ken lai nen chuan ka hma ah tak min proposed a, "Aw tehreng mai, ka duh lutuk, ka lawm e , ka hmangaih lutuk che Ezra " ni dang chu nise hlim tak leh ring taka au in ka ti ngei ngei ang , mahse ka ngawih reng takah chuan a ngaih a tha lo deuh nge, aw thian kharh in " ka tur hman hmawh mah mah che mi "a rawn ti thawp sup a, ni danga mahni inringtawk tak leh polite tak kha a awki ah chuan engmah hriat tur a awm tawh lo chu ai mah chuan zam na tam tak a lang tawh mah zawk, " Ezra pasal ka nei dawn" tih chu harsa ti zetin ka sawi chhuak thei hram, a tawp lam phei chu a ri chang chang ang , a hmel a mak tihna leh natna thuk tak rawn lang chhuak zut zut pah chuan "Harper i uang em ni" tiin mi sawi deuh dawt dawt a, " keihian pasal ka nei dawn Eric Lalhruaizela hi ka pasal tur chu a ni" tah insum zeta hmui pet hram hram pah chuan ka ti chhuak tiau a, "Enge i sawi awmzia hi, ka hnenah ka khawvela chen ve i inpeih thu min hrilh a ni lawm ni" a rawn ti chhuak leh hrawih a, nem taka ka tawng chuan engkim a hrethiam ang tih ka hlau lutuk chu " kei ang tan chuan i khawvel chu a zim mah mah a ni, khatiang ang changkang lo lutuk a nun kha ka thei dawn lo tih ka hrechhuak" tih pah chuan ka in her a ka hnung lama mi thingthi hnawp ri leh thinrim rilru na tih hriat khawp a rum ri hrawih chu hriat loh der harsa tak a ni






ka pen leh tur chiah chu "Ka hmangaih che asin " thawp sup in a rawn ti a, ka pen lai mek chu ka ding chat a, ka insum theihna te kha a bo vek tawh ka thinlung hmun khat chuan inhera tlan a kuah vawng vawng paha keipawn ka hmangaih lutuk che asin tih ka duh ngawih ngawih mahse ka thinlung lehlam ve thung chuan i tih ngei angai tiin min fuih ve thung, in her a ka hmangaih chu a tawp nan tak tak hmu leh turin ka hawi phei leh chu mipa ah pawh pa ve tak meuh mitah chuan mittui tling pamin min lo en let ve kar a, keipoh ka indang thei bik lo, mittui liang ngiai chung chuan " mangtha"ti tiau chungin harsa ti zetin ka kal nghal hmawk hmawk a , kawngpui a ka car ka lut chiah chu na zetin ka khar nghal thuai a, motor gear na zeta vuan chungin chhuak zetin ka tap ta hawm hawm mai




******************





Keihi Harper Lalrinchhungi ka ni a, college kal lai mek niin art ka major a, painting hi ka tet lai atang a nuam ka tih em vang leh ka tui em vang a he line thlang hi ka ni reng bawk a, ka duh ang apiang chu ka nei thei zel a , unau mipa pakhat ka nei phir kan ni nghe nghe, mahse a ni aia minute thum a piang hmasa zawk ka nih vang hian ka in la puitling zawk chang a awm fo, mahse min u hreh em em tho :🤣🤣 natna benvawn tak rilru lamah a neih vang hian kan duat em em a, ka peng pakhat leh tet te atanga thian dang kawm lo va in bel chawt kan nih vang hian kan inpawh bik em em a, kei tak chu ka nu ai ka pa hian min duat zawk avang hian Daddy's girl min ti fo a, ka nau Ozzy Lalrintluanga ve thung chu ka nu hian a duat khu chuk a, a fa bik a ang ngawih ngawih ka pa pawn a duat em em bawk,





Ka thik hranpa lo kei ngei pawh hian ka nau chu ka duat in ka hmangaih em em bawk a, a natna vang ringawt pawh hian duat a phu ngawih ngawih bawk em a ni, ka nu hi nu la valai tak a ni a, mahni in vawng tak leh vun no suah a ni a, nu chapo leh a mai a mai ang duh chi a ni ve lo, khirh tak leh engkim a tha ber zel duh ang chi a ni a , a te chhe lem lo hle a, a tawk ang vel tur chiah a ni , ka pa erawh sang lutuk lem lo hmel nelawm zet leh pa fel leh mi hriat thiamna ngah zet a ni thung,





ka chhungkua hi harsa tak kan ni lo a, ka pa hian company lian tak a nei a, ka nau enkawl tur a ni bawk a, keipawn sumdawnna chung chang ka buai pui loh avang leh painting ringawt ka atchilh avang hian ka pa in hmun fal deuh raih laiah in lian vak lo in ka tan studio tur min leisak a, class lakloh apiangin chu lai hmunah chuan ka awm zia a, thian kawm ngaih em em Ruth-i ka nei bawk a, a ni pawh keimah ang chiah a painting tui leh ngaina a nih vang hian ka studio ah kan tal deuh tawp mai zel a,






ka class bang chu ka thiannu Ruth-i chu a nu that loh thu an rawn hrilh chuan a hmanghmawh em avang chuan ka car hmang mai tura ka hrilh chuan min hnial teh mahse ka tir lui hram a, keilah studio ah project zawh ngei ngei ngai a awm vang leh Ruth-i ta pawh ka zawhsak a ngai dawn vangin studio lam pan tur chuan bus stand ah chuan bus ka nghak ve ta ran , bus rawn thleng hmasa berah chuan ka lut ve thuai a, school naupang bang neuh neuh nen a chep tak zet, conductor in fare a rawn khawn a, ka bag chhung ka zen a, ka purse a awm lo tih ka hriat meuh chuan ka phi cheng tawh mai, harvang tih takah , min rawn khawn ve chiah chuan " Ka pu, ka purse ka theihnghilh daih a, min lo hrethiam la stand leh ah sawn ka lo chhuk mai,"ka tih sep chuan conductor chuan " A va buaithlak thin ve"a rawn ti ve sup a, kan piah atang mipa pakhat " engzat tur nge"a rawn tih sup chuan ka hawi nghal ha a, fare min pek sak vang chuan ka zak deuh bawk si ka lawm deuh bawk si a, "Ka lawm e" tih pahin ka lawm zia lantirnan ka nuih ver vera, a ve nui suk a min chhang let tawh lem lo






Bus che dawt ah chuan ka lehkha bu ken lai chu ka thlauh deuh thuau a, ka hma a mi bawk chu ka va nek ni ngei tur a ni a kut a lehkha bu kha ka hnawl thla tel ve bawk a, ka rilru chuan "Harp, eng nge i hriat a, i va che thing thei tak"ka ti mawlh mawlh, a ni pawh chukun ve nghalin ka lehkha bu ho min chharpui ve mial mial a, "Ka lawm e" tih paha ka han hawi chho a kan mi intawng chiah chu ka sawi thiam lo ka lai lutuk chu ka hawisawn rang kher mai




a vawikhat ka tawnna ka ka zam em em a, ka khur chhe hial, khatiang ang em em a mitmeng mawi leh zun nei mipa kha ka la hmu ngai lo bus a din rual chiah chuan school naupang ho chu an chhuk deuh dial a, ka bana sawi in seat awl min kawh hmuh bawk a, a sang tha hle bawk , seat awl ah chuan thu in ka draft paper leh pencil ka la chhuak a, ka hmalam a tlangval mitmeng mawi zet chuan ka mit a lak tlat avangin a hmaifang leh mitmeng chu ka sketch mawlh mawlh a, bus a din leh chiah chuan ka thutna hnung awl ah chuan a rawn thu ve chiah a, rang takin a lem ka ziah zawh loh chu ka keu sawn in kan piah lawk a putar khawngaihthlak tak lem chu ka ziak ta zawk a, ka tukhum la za mer mer atang chuan ka kha tlangval ngei kha a ni tih ka chiang hle thung ka lemziah lai pawh chuan ka kut chu a khur chhe hial mai, ka chhukna tur stand ah chuan ka chhuak nghal a, bus lam ka va hawi phei leh chiah chu kha pa bawk nen khan kan in melh leh chat, a shirt pawl hak tak lam hret leh a vun en lampang nen chuan pa tak a ni tih leh kha a mitmeng min aikaih tu mawlh mai kha






Studio ka thlen chuan Ruth-i call in a nu chungchang ka zawt luam a, a that thu leh studio lam rawn kal a tum thu a sawi chuan lo hnial vatin ka tih sak tur thu ka sawi chiam a, a tawp ah inthlahrung takin a pawm ve hram a





**********


Zanin ka birthday pualin Party ka siam



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)