ENDLESS LOVE -2 BY LAPUII

Story tawi te te emaw luanliamna emaw post na
Lapuii
Posts: 2
Joined: June 7th, 2020, 7:41 pm

ENDLESS LOVE -2 BY LAPUII

Unread post by Lapuii » February 4th, 2021, 7:14 pm

ENDLESS LOVE - 2 BY LAPUII





Zanin ka birthday pual a party ka siam chu ka thian school leh college kal pui thin te ka sawm a, kan chhungkaw huan khawpui chhung mahse tlema fianrial lai deuh a ni a, kawr awm zau lampang leh tlem a fual deuh ka ngal rek chen vel ka taksa fit deuh taka thui a var ka ha a, intur chi hrang hrang pawh kan kawl mahse tumah rui buai an awm hran lo, chhungkaw awmthei deuh vek an ni hlawm bawk a, hla ring taka an play chuan kei lah tawng duh leh thian kawn tam tih takah hla play tawh hi chuan lam loh lam hi chu a harsa hret zel😁😁😂





ka nau in hnung lam atanga min rawn koh chuan duhtawk in an lam ka pan nghal a, "Hbd, ka u duhtak,"tih pahin present mawi taka intuam min rawn pek chuan lawm avangin ka lo kuah nghal chung chung a,"Ozzy itha ber" ka tih chuan a nipawh a nui ve hawk a, ka bula rawn ding an awm rualin chawp leh chilhin boruak a inthlak nghal hlawk thei, a uap churh in a boring em em tan "Hbd, Harper"rawn titu chu tu dang ni loin Eras Lalrohlua bawk , ner nawk chungin "ka lawm e" tih pahin ka thiannu Ruth-i lam ka pansan daih a, ka chet dan polite lo viau mahse a hmel kha ka hmu peih hlawl lo,






Lam tura ka kal leh a, kan thianpa Tetea nen infiam paha kan lam dun lai chuan Eras bawk chuan Tetea awm a rawn tham in, "Thlawk bo nghal rawh" a ti deuh tuar a, chutih rual chuan midang zawng pawh keimahni ah an mit fu țhup hlawm a "Eras hetah hian buaina siam turin i lo kal nge, thlah nghal vat rawh "ka ti hrawk chu mitmeng thip hlur leh zak map lo hmel a pu chu kei a thin in a tuar leh lo ring mangkheng in " Thlah rawh "ka ti thawt a, muangchangin a thlah ve mai bawk a, ka birthday pual a party mahni se nuam ka ti tawh thlawt lo, mood ah ka cheng tawh lo lutuk chu dawhkan a ka bag chu ban rawk rawk in ka car lam pan in ka kal nghal daih a, car ka thleng hman tep tihah ka banah nghet zeta min chelh tu an awm vangin ka hawi phei leh a Eras bawk lo niin aw hriat nuam lo tak hian "Eng nge i duh "tih pahin nin hmel zetin ka melh kual vel chu tha tak maiin " ka bulah awm rawh"a rawn ti deuh sup a, "Ka party ah buaina i rawn siam a, tunah lem i bula awm turin min ti a maw, zak lo lutuk "tih pah chuan na deuh in ka ban chu ka pawt hrawk a , car ah lutin ka tlan chhuak nghal nal nal l, ka thin hi a la rim hlur thei






khaw chhung lam pana ka tlai lai chuan kawng kawi a, dil lian tak mai lawng te leh a kar na tur lo awm chu thlang lamah ka hmu va va thei, thla bial lai a ni bawk nen a hmun chu a nawm hmel takzet, car chu ti ding in chu hmun mawi zet chu ka zuk pan ta zawka, thlifim lo thaw heuh heuh leh van dum thiang kuk mai arsi tle sar sar mai chu hmuh an nuamin rilru a ti hahdam sawng sawng thei,






Lawng mawlh mai chu a karna tur nen a lo awm ka hmuh chuan, harhvang leh thil chik mi tih takah chu lawng lam pan chuan ka pheikhawk sang nen chuan dil lam chu ka pan ta a, dil kam ka thleng deuh chiah lawngte a chuan ka tum lai tak chuan mipa pakhat hian "Fimkhur rawh"a tih zawh rual chiah chuan tui chhungah ka tla ri pawp mai a, chu lawng chelh behna hrui chu ka ke a inphuar tlat avangin ka hleuh chhuak mai thei lo lehnghal, ka mangang hman lutuk chu mit ka chhing tawp tawh mahse ka ke lam a che deuh a awm chu ka mit ka men chuan mi pakhat hian hrui ka ke a vet na chu a lo phelh hi a lo ni a,






chutih rual chuan min hleuh kan puiin chu lawng ah chuan min dah a , a ni pawh rawn lawn ve nghal a, mahse chu lawng chuan dil lai a thlen tawh a vang leh dil kam a hlat ve deuh vang chuan ngawi rengin kan thu dun kar a, mahse a eng lai deuh a kan en chiang chu kha pa bawk kha bus a mi kha a ni tih ka hriat rual chiah chuan min rawn melh ve nghal zat a, ka lo nui ver ver a, a ni pawh a hamhaih ve deuh nge ahnu ah chuan a rawn nui suk a,






ka kawr huh zawr vek mai chu ka han thlek leh thin a, kan in melh leh zawk thin bawk , tawng tum hmel a put loh takah chuan " Ka lawm lutuk e" tih pahin ka nui ver ver a, rawn then deuh suk in , " Ka lawm e,tih i sawi a ngai reng zel nih hi" a tih takah chuan kan in en a za zetin kan nui dun ta hawk hawk ,







"He dil hi ka rin ai a zau zek, a kam kan thleng tep tawh a ngem " tia ka han zawh chuan " Saw a hmuh theih tan " a tih chuan ka thaw chhuak huai a, kawr huh nen thut reng zawng a hre awm lam deuh chu a ni, " Dil kam kan thlen hunah, a piah lawk ah khan in te a awm kha, tah chuan kan in ti hul dawn nia "






Dil kam kan thlen chuan kawngpui lam pan mai ka tum chuan ka banah rawn chelhin , " in ti hul phawt ang, a nih loh chuan i hritlang palh ang nge" tih chuan ka zui ve mai a,






In mal din ho zet a sak mahse In chhung chu pawnlam landan ai a zau nuam daih a, lian lutuk ni hran lo mahse mi panga tan a tawk lek tur a sak a ni ngei ang room 2 awmin choka pawh chet nuam tawk tur vel, tap chhak ang deuh ah hian thing tuah tur chu tam fahran lo a lo awm bawk a, a thianghlimin a fai sar mai bawk sia hmuh a nuam takzet, ka hnunglam atang chuan hruk puan a ka dar a rawn batin pakhatin ka sam ah a rawn tuam bawk a






" Saw lam saw bathroom, in tleuh la, i kawr huh kha phelh vat rawh, tap ah sawn ka lo chhem ro dawn nia"a tih chuan ka zak deuh chu " keiman ka ti thei " tih pahin bathroom lam ka pan nghal va a,






Bathroom atang ka chhuak chiah chu ka ding khawng reng ringawt, a T- shirt mawlmang zet a hak chu mei hmaah chuan chhem ro tum ni awm tak a ni, a taksa uk deuh kharh leh a six pack chu a lang chiang em em a, thlir vawng vawng tlak khawp a pian thiam tak a ni ngei e






Ka lam rawn hawi vutin a mit chu a kan ak a, ka zak in ka lai lutuk chu ka biang a sen vek thei hialin ka ring, lo kal rawh tih sawi tum ni awm takin min a kut in min rawn hui zeuh a, ka hrukpuan ka awm chen a ka bah vang chuan ka awm a nuam thei der lo, khawr zet in a bulah chuan ka thu thla nghal a ka kawr chu ka hem a,







Aw thian kharhin " Eng nge kha lai hmun ah khan nangmah chauhin i kal, tawhsual tawk palh ta la, nichin ang te kha, ching tawh suh "a rawn toh sup chuan " Kha lai dil khan ka mit a la tlat a, chumai bakah boruak thianghlim dawn a rilru tih thawven ka duh lawm, ka hnunglam atang min rawn au lo ni la chu ka tlu sual miah lovang"ka ti deuh nghat a







Chutah rawn nui nghal hawk in "Tun tum chu ka thiam loh a nih duh hmel, min hrethiam dawn nia, mahni in that tum i ang deuh em a" arawn tih leh chu keipawh nui ver verin a ka awm zawn a kut nghat in "hetah hian ka tan a pawimawh em em a awm a chuvang chuan ka in that mai bik lovang"ka tih chuan a hawi hai hmel zet mahse a hmel siam tha vat in min nuih leh ta zawk a,




"Ezra Malsawmsanga ka nia, nang " atih chuan "Harper tiin min ko mai rawh" lo ti ve nghal hluai a
Eng eng emaw ti a kan ti ti luam hnu chuan kan kawr pawh a ro a, kawngpui thleng min thlah hnu chuan , " Khawi lai nge in awm, ka lo thlah nghal dawn che mi"ka tih chuan "Min hnial vatin, a piah deuh lawkah an awm thu min hrilh a, "I phal chuan i phone number min lo pe"tih sep pahin ka hmui hnuai ka pet zeuh a, ka zak ve ang reng mipa number ka dil hmasak ber na, kawm a nawm mai bak ah chuan a bulah chuan ka hlim in ka him hliah hliah, ka thawl in ka thawveng thei hial, a mah hian eng emaw zun min phuar em em tu a nei tlat bawk







**********




Ezra Malsawmsanga POV




Keihi Ezra Malsawmsanga ka ni a, tunah hian M.com ka zir mek a, bussiness lam ka tuipui em vangin he line hi thlang ka ni bawk , unau 3 zinga milai niin u mipa pakhat leh nau hmeichhe pakhat ka nei a, ka pa chuan sam mehna dawr lian vak lo neiin ka u chu police ASI niin hmun dangah an post a, ka nau chuan pawl 11 a zir mek bawk






Kha hmeichhia bus a mi ngei mai khan mak tak mai in ka ngaina takzet , a hmel a tha reuh zek lehnghal a, thiam lo bik nih duh miah lo va a hmui sexy zet a phir deuh thaih hmanga a insawi fiah lai thlir kha a nuam takzet, ka zirlai bak arilru ka pek ngai loh vang hian midang lakah chut tih ka hlawh fo bawk mahse ka ngai thutak lem lo,



Link:
BBcode:
HTML:
Hide post links
Show post links

Hmingboiha
Posts: 1
Joined: May 16th, 2021, 12:19 am

Unread post by Hmingboiha » May 16th, 2021, 12:21 am

Ep-3 va nghahhleh awm ve

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)