MY TRUE STORY By: Cietei samte

Story tawi te te emaw luanliamna emaw post na
Cietei samte
Posts: 63
Joined: May 19th, 2020, 11:13 am

MY TRUE STORY By: Cietei samte

Unread post by Cietei samte » February 26th, 2021, 10:41 am

Hei hi ka thuziah tawh azawng a harsa ka tih ber a ni. Thu ziah dikloh tam tak a awm ka ring. Ka phone hi keimah chauhin ka control lo a :lol: a buaithlak khawp mai. In chung aṭanga a tlak hnu ah a mahin a lo in hmet pawp pawp zel mai. 7085074738 hei hi ka number a ni a, a hming leh hmun vel hi phuah chawp a nih vangin hming anpui emaw a lo awm a, in duhlo a nih chuan, khawngaihin min lo bia ula, ka lo siam ṭha vat ang. Min chhiar sak leh hram tur leh sawisel ngai lai min lo sawisel sak a a dik min lo hrilh zel turin ka ngen a che u. Tin, he thu ah bik hian, phuah chawp hi a awm lo a hming leh hmun bak kha chu phuah a awm lo a nia. A hun chu a kal chak ve ang reng tho ang a vawikhatna a nih vang hian han phuah deuh dan tur pawh ka hre lo. Ka tawn a nih vangin, a tak in ka ziak ta ringawt bawk. . In vai a chungah ka lawm e.

MY TRUE STORY 1

"Nang ang hian ka fapa i phu hlawl lo. Mirethei te te si hi i zaklo mah mah. Nangin i phu chu, nangmah ang tho a hmeithai fa a ni. Mahni nihna hi hriatchian tur. Ka fapa kha hlat ang che. I tello pawn a hlim lutuk. Nang ai a ṭha a phu. Hmeithai fapa va um rawh" hmusit lutuk a, min kawk sawk sawk chung a min an khum nghek nghektu chu, mak ti leh chhan ngaihna hrelo in ka melh tlawk tlawk. A duh a sawi zo ta a ni mahna a kal nghal nal nal a.

A kal chu rilru na lutukin ka thlir liam tlawk tlawk ringawt. A sawi dik lutuk chu, va hnek pawp mai ka chak.

"Cie, haw daih ang" tha khur ngawt ngawt a ka ding reng chu ka ṭhian ṭha ber Rinkimin min kai chungin a rawn ti a. Engmah sawi lo in ka kal ve mai bawk.

Hetiang nu hi a lo nei a nih chuan, a nun a nuam dawn hauh lo a nih hi. Ka duh thu hrilh ve ka tum vei nen ṭawngkam chhe tinreng dawng turin kha tah khan ka lo nghak zawk chu a ni ve sia.

Ka hming chu Lallawmchiangi a ni a, chiang chiangi tia min koh loh leh Cietei tiin min ko mai ṭhin. Mizoram Champhai district khaw te tak te a awm kan ni a, ka pa hian kum 9 ka nih in min boral san bawk. Unau panga zing a a upa ber niin kum 16na ka hmang mek a ni. Ka nu ho in kan khawsa a, kan harsat vangin class 7 pawh zir zo loin sikul ka bang bawk. Mi inah awmin Aizawl ah ka rawn inhlawh ve ṭhin bawk.

Tun nu hmelṭha leh hleitling zet kha ka bialpa Lalrohlua nu a ni a, an hausa tih chu ka hre ve reng. A tirah chuan kei pawn ka phulo tih ka hre ve reng. Mahse, ka duhna chuan, min haider tir a. Tling in tilo tak chungin Rohlua bialnu nihna chan ka chang a ni. Mahse, thla hnih awrh chauh kan la inzui a, a nu ṭawngkam tuihnailo tak ka dawng nghal pang chu a ni si a.

Mi zawng zawng mit hmuhah, a hmelṭha a, a famkim ka ti lo. Mahse, kei erawh chuan ka hmu famkim ta thung. Nikum December thlankhan ka pi bulah mass hmang turin ka kal a, chu ta ṭang a inhria chu kan ni. Nithumna ah ka bialpa a ni nghal bawk. Mipa fel tak a ni a, ruihtheih thil engmah a ti ngai lo. Kuhva meizial thlengin, keiberawhin shikhar sahdah meizial ka ti thei deuh vek. A duhlo tih ka hre ve reng mahse, ti lo turin min tibngai lo a, a duh lo tih erawh ka hriat ve kur a vangin a bulah chuan ka insum em em bawk.

"Nga tanmah ngai suh aw" Rinkimin min hnem tum zetin kan kawng kal chu min rawn ti a. Ka nui deuh seih chungin ka thin zawn hi vih ang maiin a na thung. Kei engmah ni lo mahni nihna ang ang a chapo ve hmeichhe luhlul ngil ngel thinlung chapo chu a kai tho tlat. Ka kalsan khawp ang. Eng vangin nge a nin a theih chuan ka theih loh bik tehlul ang ni.

A mah angin hausa thei ngai dawn lo mah ila, a neih ang zat ve tal chu ka nei ang. Chu tih hunah chuan ka let leh ngei ngei bawk ang.

Ka phone phawrhin massage ka type nghal mawlh mawlh a, he thu hi tun a tan chuan a hmuh hnuhnun ber a ni tawh ngei ang. Ka rilru ka thlak a nih ngawt loh chuan, tun maiah chuan engmah a hmu tawh lo ang.

"Vawikhatmah min rawn tibuai ve tawh suh ang che. Mihausa hi chu ka phu lo reng a ni. Ka phu lo tih hre reng chung a ka duh mipa hi tunah chuan hlatin hmalam ka pan tawh ang. I nu thu kha awih la ilo hlim reng dawn nia" tih ka type zo chu insumna hman awm lo lekin ka mittui a rawn baw zawih a. Rinkimin min lo kuah vat. Khur der der in ka in hum ruh nghek.

A tuk aṭangin biak pawh theih lohin ka phone ka dah nghal hmak a. Ka thil tih hi ka inchhir lo chiang hle bawk.

Hun a liam a, kar a ral a, ka chaw eiba tui loin ka dawl dang em em a, ṭhian ngaina leh kawm nuam tibem em ṭhin khan tunah chuan, mahni a awm ka thlang a, thim ngaina ngai lo khan eng aiin thim a awm nuam ka ti a. Mi hlim thei tak ṭhiante zingah pawh nui ring ber ni ṭhin kha ṭhen lui tur pawh ka awm tawh hek lo. Mi âbangbmaiin ka roomah ka tawm chawrh chawrh a, a changin ka ṭap a, a changin ka mu a, ka mu thei chuang der lo.

"Mambawih, tu emaw in hmuh che a duh a" ka room kawngkhar pawn aṭang a ka nu in a rawn tih chuan, a lutuk mah mah tawh tiin chhuah zai ka rel ta nghal a.

Ka lu rawn haivdeuh chhulh chu ka din khawmuanpui leh phawt a, pawn ka chhuak xhiah etawh, ka thil hmuh vangin ka meng awk thei. A hmel chu a cher ve deuh tho mai. Mahse, hmuh erawh la nuam tak a ni.

"I dam em? Ka ngai tawh lutuk che a" ti sap a min rawn kuah tum tu pa chu, huatna mitmeng nen ka en a, hnunglamah ka tlawh nghal hrat chu, hrethiamlo takin min en kiau. A hmel hrilhhai leh maktihna a khat chu khawngaih duh viau mah ila, ka chapo na vangin ka hai der hmak.

"Eng nge rawn tih i tum" aw tham deuh chhalin ka lo ti nghal a. Min chhang lo, "tih tur i nei lo haw rawh" tiin ka lut nghal nal nal. Ka thin zawn chu dawm meuhin thawk ka la vang vang a. Mipa zun ngah ve tak zawng a nih kha.

"Tu nge a bawihtr" ka nu hmel chu en pawh kabduh lo. Chang ta lo chuan roomah ka lut bo leh hmak.

A tukah pawh a ngaite bawkin min hmuh a tum leh. Mahse, ka chhuak duh tawl ṭhak lo. Chutiang hlirin kar hnih dawn a rawn ti zel. Mipa luhlul tak a ni chiang alawm Mahse, kei pawh ka luhlul tho.

"Nu Aizawl lamah ka vabawm leh duh tawh tak. Tiang hi chuan, pawisa hmuhna a harsa emai" chaw ei laiin ka ti sep a. Hrethiam takin ka nu pawn min hnial ta lo bawk.

Aizawl ka awm aṭangin thla nga lai a liam ve ta reng mai. Ka cher ngai ngaiin ka la cher reng a, mahse, ka ngaihtuah hman loh nan hna ka thawk deuh chawrh chawrh thung. Nitin phone call leh massage ka dawng bang lo a. Tu nge a nih ka hriat vangin ka en ngai hek lo.

A call ka dawn chu lak ka chaklo bik a ni lo. Mahse, ka la a nih chuan, ka kir leh duh mai ang tih ka hlau a, ka tum ka ṭhulh phah mai ka hlau hle bawk. A call a rawn luh apiangin ka phone chu ka awm zawnah hum bo hmakin ka chhing vang vang a, "min lo nghak rawh aw. A rei dawn lo. I nu in a duh ang hmeichhia ka nih ngei theih nan ka hlat che a ngai si a ni" tiin ka phun leh sep ṭhin.

kum 2020 december thla kan chuang kai a, kan khua a haw loh ka thlang leh ta nghal bawk. Ka haw a nih chuan, min tibuai dawn tih ka chian em vangin ka kal duh lo a ni.

Ka nu in chanchin min hrilh ngai lo a, kan inbiak pawn ka zawt ngam ngai heklo. Magse, ka hre chak ṭhin takzet!

Hun a rei a, mahse, ka ngaihna kha a reh phah chuang lo. A ni pawn min tibuai tawhlo se ka tihna aiin ka tan a la awm tih hriat nan min rawn tibuai reng se ka tih chang a tam zawk.

Christmas kan hnaih tual tual a, ka lung a leng tulh tulh. Bazar turin ka awmna pi in min ti a. Phurlo lutuk in ka bazar ve ngei. Mass thuamhnaw tur nalh ka tih pakhat chu ka lei a. Ka haw kawngah chuan, mipa sang hran lo a hnunglam aṭangin ka hmu a. Ka lung a phu nghal dup dup. A mah a an em vangin ka khur deuh titih hial. A hnunglam aṭangin ka hai a nih ka ring. Mahse, ka hlauhthawn em vangin ka hel hmak.

Christmas kan thleng a, kum thar a ni a. Ka hmang nuam lo, ka thar ve lo a, ka hawina lam apiang chu a chul rup vek.

Hun a liam a, 2021bkan han chuang kai a, ka chhungte ka ngaih vangin ka haw leh ta a. Min tih buai hman hma in, Aizawl chhuk leh vat ka tum nghal pang bawk. Ka nu pawh chuan, min hrethiam takin min hnial a tum chhin lo.


Ṭhian fel tak pakhat ka nei tih ka sawi theihnghilh daih alawm. Apuii tiin kei chuan ka lo mai ṭhin a, a chhungte erawh chuan Lalai an ti a. A hming pum chu Remruatpuii a ni.

A mah vangin hun rei tak ka nuih tawh loh hnuah ka nui ve thei a. Ka lawm takzet. Singapore kal a rawn sawi chuan, ka phur ta vut vut mah mah. Kal ila, chutah chuan tlemin hlawh pawh a ṭha ve deuh tawh bawk ang a.

Ka nu ka hrilh a, phal loh tum viau mahse, hlawh vel ṭha ka tih vang leh keimah pawh ka zia deuh ka rin vang a ni tiin ka sawi a, a hnial leh ta em lo.

"Cie, ti nge i rawn gaw dawn tih min hrilh loh" Lalrinkimin ka hnung beng thum awk chung a a rawn tih chuan, rum eltiang a melh in ka hawi tau hmak. Kan thleng ve em em a, min ben ka hlawh hlauh.

"Tihpalh" inthlahrun hmel deuhin a rawn ti a. Ben let awk pahin, "i chhe mai e a" ka ti a.

"Awii! ka thi" a rawn ti vak.

"Thi suh tuman an ui lo ang che" ka tih chuan, min rawn zuan a nih chu. Henu over heavy zia hi aw.

Kan khuah chuan rei awm loin, Aizawl ka chhuk leh vat. Ka awm chhung khan a rawn zin lo reng reng a, ka ngaih a ṭha lo dawn uk uk ṭhin. Mahse, ka cho chhuah a nia, ka ti leh hram zel.

Kan khua ṭang a ka chhuk leh hnu ah, Talmud hostel ka pan ta nghal a. Beih hram hram ka ngai a, kei chang ni lo ka chhungte thlengin an hlawk pui dawn vang pawh a, duh leh zual ka ni.

Hostelah chuan, ṭhian ṭha tak takte leh fel tak tak te ka tawng chho a. Ka ṭhiante zingah ka huaikawmbawli leh Clawmi ka ngaina ber. An hnenah thuruk ka nei ngai lo a, ka rilru hah leh hreawm ka tihna te ka sawi par par zel bawk.

Hpi(huaikawmbawli) hi a ṭawng thei em em a, min ti hlimin ka nui reng zel bawk. Apuii biak ka ṭhulh ngai lo a, bialpa fel tak min ngaihtuah em em tu UJonathana a nei bawk a. Zirtawpah min kan in, ka ei tur min ken ṭeuh bawk. A ni ang ṭhianṭha hi ka tawng lo ang tih ka hlau takzet. Rohlua erawh ka ngai a, mahse, min call ka chhang ngam chuang lo.

Zirtawpni a ni a, Uhmangaihi, singapore aṭanga rawn haw kan chhungte a ni a. Chaw eikhawm a rawt vangin tlai lamah Bethlehem lamah ka phei dawn a ni.

Ka phone a rawn ri a, inchungah tlan chho in ka chhang vat.

"Hello" zangkhai vahin ka ti a. Min biak a tum zing tawh em a, kgawngaihna leh ka ngaihna te nen ka phur lutuk chu ka zuang lo chauh.

"Ka ngai lutuk che... Min ngaidam rawh aw" min chhan ve hma in ka ti nghal sawk sawk a.

"Ciete" ṭap aw ṭiau a hmeichhia in a rawn tih chuan, mak ti lutuk in ka phone ka en leh nghek. Hmeichhe dang a nei tih na em ni? Min nghak chhuak zo lo maw? Eng tin? Ngaihtuahna chhe te te vangin ka awm a na nghal sawk sawk a.

"Nupui a nei a ni maw?" rilru na leh ṭah chhuak ṭunin ka ti sep a......



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)