Amnesia

Story tawi te te emaw luanliamna emaw post na
Tee Cey
Posts: 23
Joined: December 12th, 2020, 1:16 am

Amnesia

Unread post by Tee Cey » March 24th, 2021, 10:07 pm

Amnesia





"Mapuiii..."kawng a hmanhmawh taka ka kal mawlh mawlh lai chuan min kotu an awm.
"Mapuii,i kal chak e....auh i hrethei bawk silo"thaw hlawp hlawp a ka dar a min lo vuantu chu ka en vat a.
"Ehe,....,min ko tih ka hre lova"
"Inbe lawk ila"biangsum lang kalh a nuiin mitmeng ril ruih tawrh har ka lo tih em em ṭhin chuan min en kur a....,hnial duhna leh pawm duhna in ka rilru chu a insual vel mek lai chuan ka banah min kaiin min kal pui nghal hmawk hmawk a,keichuan ka ban a vawnna chu ka.melh ngawt ngawt a.





"Mapuii....,hei..."ding meuhvin min lo en reng chu niin
"A pawi em?"a tihzawm nghal zat a,keiin min vawnna kut ngawt chu ka lo en si.....
"Awh....tihpalh,"ka kut chu
thlah riai riai pah chuan
"mi an tam sia,kan inhlauh daih ang tih ka hlau a,chuan i duh lo mi? "
"Eng chu maw?"tiin ka zawt hu a. Nui sukin
"Helai dawr a chawlh hi pawi i ti em? Nge changkang deuhah kan kal zawk dawn?"a hma ang bawka ka duhthlanna ngaih pawimawh hmel zetin min lo en kar a,ka lai vek dawn lawm le....
"Aih,ngai kher lo,helai hi ṭha mai"
"Nih chuan lut ila..."ṭhutna awlah chuan kan ṭhu mai dawn maw ka tih lai chuan step lo awmah chuan a chho a,VIP ho awmna tih hriat takin private takin dawhkan chu a lo awm thluah a,thuruk sawi vel nan pawh a remchang phian dawn nih hi...






A vawikhat kalna mai nilo tih hriat zetin a thawktute chuan nel takin an lo be zung zung a,kan ṭhutna tur min lo kawhhmuhah chuan ṭhuin menu min lo pe nghal zat a,thil ka ei chak lo takzet,mahse nuam lo a tih ka hlauh vang chuan Sandwich chu ka chah ta tho a. Kan duh kan chah fel hnu chuan rawn hawichhuakin
"I lo dam ṭha ṭhin maw...?"tiin a biangsum lang kalh chuan min nuih ver ver a,a hmel pa tak kha a la ngai reng,a hma ai pawn a lo pa hial tawh zawk,hmui hmulte chu a lo nei ve chhap tawh a,tilang pa zual em emtu chu niin ka hria,a lang upa ve ta hle bawk.....saw a mitmeng thuk leh ril raih ah sawn ka lo pil hneh ve ṭhin zia kha ka hrechhuak uai uai a lawm le.....







"Aw,..dam ṭha,enge min biak duh chhan chu?"ka ti nghal tlawng a,inbiak a duh thu sawiin min rawn eih lovin min kai phei hmawk hmawk kha nia,lungawi lem lohna tur chu a ni ve thoin ka hria
"A....please,Bawihte,tikhan min ngei hmel tak khan min be lo teh"zawi hmel tawk ngen ngawl aw zet chuan min lo chhang vat a,ka lo nelawm lem loh a ni tih ka hrechhuak chiah.
"Tikhan min ko lo hram teh,....i sawi duh chu sawi vat la,ka hmanhmawh deuhva"nelawm deuh hlek nia ka hriat ang chuan ka ṭawng leh a.
"Tihpalh aw....."deuh teh tlawng chuan
"Ngah maw?"
"A....i remtihna la hmasa miah lo a ka duhna hmun a ka hruai ringawt che hi,mahse i remtihna ka dil hmasak che chuan min hnar ka hlau a"a hmelah chuan zamna a inphum ru tel tih ka hrethei
"A pawilo e.....mahse min sawi pui duh chu sawi tawh la...."lungawi lo viau tur anga ka inngaih laiin a hmel ka hmuh hian ka rilru hi a na tlat,ka khawngaih ngawih ngawih
"In factory chungchang kha ka lo hre ve a,ka lawmpui lutuk che aw....."tiin a nui sek a.
"Chu chu maw min biak duhna chu?"ka nui hawk a.
"Aw....ih....ni chiah lo,lawk aw..."tiin a phone lo ri chu a chhang nghal thuai a.







"I van lo nula ve tawh em em ve a....."tiin ka mit taka min en chung chuan a nui sei a.
"Nula rual ka ni ve tawh lawm..."sawi tur ka hre hauh lo,lai rual pawh ni tawh lo hi ka lai rut mai.
"I hmelṭhat ngaiin a lo la ṭha reng nih hi,mahse i thawkrim lutuk a ni maw....,i cher lutuk a.."
"Cherte chu mawi zawk daih a lawm,nangzawk i damṭha na nge? I va zawi ve,i cher si"tak tak amah a dawldangin a zawr takzet a ni,a hmuihmel zuah zawng zawngte chuan tilang pa hliah hliah mah se addict a ang lutuk tlat.






"A ngai thei lutuk che a,chaw a ei thei lo lawm"ka beng bultea ṭawng ri vang chuan ka phu zawk a,ka awmna hmun ka chiang bawk a,ka rak chhuak lo hram e.
"Ehe....,Jacob,min van tiphu em em ve a...."tiin ka chum teih a. Nui ver verin Lucas bulah chuan a ṭhu thla nghal zat a.
"Awi awii,Lucas hmela hi maw....a hmu chiah che kha kan titi tui lai motor ṭang chhuakin a rawn um zui ringawt che a,traffic a tawt ropui sia,in mawng phe tak ngial pawh ka hmu hman silova,min tichau lutuk,motor park na rem ka hmu mai silo"a rawn ti nghal bawrh bawrh a.
"Min rawn phone mai la ti nia"Lucas chuan a tibung hmuk a.








"Phone khawih hman ka ni hleinem mawle aw....."kan thil chah lo thleng chiah lasi chu la vutin,in nghal mai a tum chu Lucas chuan lo chhuh sak vat a
"Hmela,ka dang a ro lutuk,nge min chhuh daih a"ngaihdan ni lo tak chuan a ti vak a.
"A dang chah ve mai rawh,Mapuii ta tur nih hi"ti pah chuan min lo pe nghal zat a.
"E...,ka lo hre lova"tiin Jacob chuan min nuih seih a.
"A ho lutuk,in rawh,a dang a chah leh theih tho lawm..."keima chah pawh ni tawp silova.
"Ka in thei ang maw?"hman ang tho a duhawm em.em a min nuih chung chuan a lo ban vut a.
"Thei lo,ka chah sak a nih kha,i dang a ro nih chuan tui kha in mai rawh"a rawn ti bung leh vut a,a melh rawm rawm lehnghal...
"Aw,aw....ka in lo ang,engemaw i ui viau ni"Lungawi lo tawka ti niah niah chuan tui chu inthlitin a in nghal a,ka nuih a lo za em em,an hmel lo puitling ve hle tawh mahse an mizia erawh a lo la ngai reng a nih hi.










"Surprise"ti hluaiin ka ei tur bulah chuan card mawi deuh mai hi Jacob chuan a lo dah a,inneih sawmna ni ngeiin ka hria. A chhungah chuan lehkha gold rawng mawi tawka chei a lai taka inthlep hi a lo awm a.
"Ehe....,LalJacob,nanghi pasal a nei duhtu che an lo ve a law?"ka ti hluai a. Lucas chu a lo nui hak a.
"In han sual ve zia hi chuh! Min lawmpuina thu emaw min fuihna thu emaw talte in sawi ve ka ring a,nangni pahnih hi chu in inang chiah,inkawp rem tak hi chu in ni mawle....."a chhep sual zeuh tih inhrechhuak thutin a ka chu a chip hmak a,Lucas nen a kan nui hmel pawh chu ral.riai riaiin kan inmelh zawk a. Kan boruak chu a ṭang nghal at ni maiin ka hria,ka taksate chu a na vek thei. Phone ri chuan ka suangtuahna ata min tiharh chhuak zawk a. Ka mittui chu eng karin nge a lo tlin hman pawh ka hrelo.











"Kan nuin min lo be tawh tlat,ka kalsan phawt ang che u aw....,chuan inneihnaah chuan lo kal ngei ngei ang che ,min buaipui nasat kan ngai dawn nia,chuan in factory chungchang kha ka lawmpui lutuk bawk che,i hlawhtlinna zar zo hmasa ber ka ni thei tur hi ka lawm ṭhuai,ka kal aw....,"phur tawka a kal chu rawn let lehin ka beng bul chetah chuan
"Chuan i chhelo lutuk,i lang sexy takzet,Lucas saw zanah a mu thei lo hrim hrim ang"a hmaia nem bu lawp chung chuan
"Kal mai mai teh"tiin ka nui hak a,midang ṭawngkam chu nise ka ten ngawt ang,mahse Jacob mi cute lutuk kha a ni tlat a,ka nuih lamah a kal zawk tlat.










Jacob ber a kal chuan boruak chu a reh tlawk tlawk nimaiin ka hria,kan boruak chu chhem alh ang mai a ni,ka sa chhuak vek,ka thil ei lai ei pah chuan phone chu ka khawih kual vel mai mai a.
"Bawihte,i ei zawh hun a nghak thei lo em ni? Thil ei lai a concentrate loh hian thil pawi tak a thleng thei nia"zawi sap a rawn ti chu ka hawi chhuak vat a,ka mitah tak chiang fahranin min lo en kar a.
"I thil ei laiah khan rilru pe la ka tih vang nia,tikhan chuan min en lo hram tehhh"engtinnge maw ka en vak le....
"Engtinnge ka en che a?"
"Min ngei hmel lutuk"
"A awihawm loh emai a,....."
"Min la haw reng em ni a?"
"Maw?? Ti awihawm loh emai,huat chhan tur che ka nei lo"
"Tak tak maw?"hahdam huai huai hmel a pu.
"Tiang lam kha chu sawi tawh lo teh ang"
"Awle....,Ihmaw...Jacob te inneihnaah chuan refrestment vel min buaipui saktuah lo ṭang turin kan rawn sawm thawr che nih hi"a ha ui ngo ṭo thuah mawi ka lo tih em em ṭhin lang kalh chuan a nui a.










"Chu lampang tak chu ka khawih lova"
"Ka hria lawm,hotunu ber chuan i khawih lovang tih chu ka hria lawm(a nui seih a)he khua mi hi kan ni silova,chinchang kan hre lovin hmelhriat kan nei lo bawk si,engkimah in company lamin min buaipui vek thei ula ka tia"
"Decoration lam leh zel chu i sawina nilovang tiraw....?"
"Aw....,i rawn sawichhuak fuh lutuk,khang zawng zawng,inneih lam thil zawng zawng kha chu ka kutah an dah a,chuan in company kutah ka dah veleh chhawng thei ang chu tiraw...."min tlawn titih deuh chuan a nui seng a.
"I theihnghilh a nih takin chocolate factory a nia kan neih hi,decoration company ni lovin"ka sumdawng pui nen kan indawrnaa ka hmel put ṭhin ngaihawm lem loh,smart tak si hmel pu chung chuan ka nui seng a.










"Ka hria a lawm....,mahse maw...ka ṭhianpa,ka tette ṭanga tun thleng a ka tan a awm ṭhin,harsatna ka tawh lai zawng zawng pawh min thlahthlam ngai lotute inneihnaah hian thil cial tak tihsak ka duh a,mahse keichuan a ngaihna thlawt ka hre silova,chuvang chuan khawngaihin min pui hram la,heihi atana ka tih theih hnuhnung ber pawh a ni tawh mai thei a,ka tan thil tam tak a tih laiin eng thil ṭha mah ka tihsak ve silova,chuvang chuan a damchhung a a hriatreng tur thilṭha hnutchhiah ve ngei ka duh a ni,khawngaihin"a mitmeng mawlh mai chu..... tawrh har tak a ni,a thilsawi vang chuan ka mittui a tla mai dawn lawm le....









"Mapuiii,min puih theih chu i inring lo em ni?"ka lo ngawi leh vung vung a nih dawn hi a....
"Engtik nge an inneih dawn kha?"
"Thlaleh nilai ni hmasa berah hian"
"Awi karei,chuti khawp chuan a hnai tawh a,engmah i lo la tifel lova maw....min hmu lo ta la engtinnge i tih ang? I ṭhianpa chu thil hriatreng tlak i hnutchhiah chiang viau dawn a nih chu"ka ti hluai a.
"ha.....min pui dawn tihna tiraw?"phur hmel tak chuan a khi seih a
"Pui mai loh chein,Jacob a mualpho dawn sin,in ṭhiandun hian chuan aw....inbuaithlak mang e, puitling in ni ve tawh,inngaihsam hi a reh thei mawlh lo nih hi"ka nui put put a,kan tleirawl lai,an thawven em em laite kha ka mitthlaah a lo lang chuai chuai a.








"Yes,ka lawm lutuk,ka van hlim tak em....."amah hi mi cool tak a nih vang hian keimah ang lo takin a nui ang ve phuau ngai lova chu....a hmelah hian a hlim hle tih ka hre thei.
"Hlawh ṭha tak min pek ngei a ngai ang aw...."ka fiam zui nghal zat a,nui hawk hawkin
"Khatiang a i ṭawng ngaihthlak lohna kha van rei tawh tak,min hrechiang zeta i ṭawngte khan a nuam ka ti takzet"a nui sang a,kei ka nui lai hmel a reh riai riai thung. Ani pawh chuan a thilsawi chu a sawi fuh fahran lo tih chu a hrethiam ngei ang. Ka zam em vang chuan tui in tur an lo chhawp chu noah thli chhuakin in ka tum chu min lo chhuh vat.Hrilhhai tawkin ka en haw,waiter chu koin mineral water a chah nghal zat a.


"Helai tui an chhawp hi chu a thianghlim lo,mi tam zawk in leh khawih rawn a nia,bakah tui thianghlim a ni em pawh a hriat loh"a rawn ti vat a,hmm....Jacob pawh a in tir tho sia,mahse ka lawm ru veng veng tlat,min lo la ngaihtuah ve reng niin ka hria.







"Pawimawh sawi tur dang a awm tawh loh chuan haw ka ngai tawh a"Aw thian kharhin kan ngawih vang vang lai chuan ka tichhuak ta phawng a.
"A...haw rih....ah aw.......haw i ngai tawh?"thaw ri hakin a chalsam ṭham pahin za lo zet chuan a khi sek a,haw rih lo tur a min duh hmel a pu ngawih ngawih.
"Okay,ka thlah ang che aw...."nui sang chungin a ti leh a.
"Ngai lo,keiman ka haw thei lawm....i tan a buaithlak mai mai"
"Ka thlah chak che lawm..."ei tur man chu a pe zawm nghal a,pek pawh ka tum buai lo mai,mitmeng na tawkin min melh leh dawn tih a chiang emai.








"Taxi in ka thlah mai ang che aw....traffic hi tawt thei lutuk a,lirtheiah hian ka chuang peih vak lova,kan inhmuh leh hun chuan.....
Fimkhur rawh,phone ngawt i en vang nih kha"step ka rap sual palh chu min lo man chawt a,nilo se chu ka lum thla chiang hle ang.
"Tinge phone ngawt kha i khawih a,kalna te chu en ve em em ta che...."lungawi lo tih hriat tak chuan min melh a,ka chil ka lem ri khalh a.
"Thil pawimawh a awm a,chuvang nih kha,tihpalh"awi....ka â ta em ni? Nge maw ngaihdamte ka dil ni,mahse a mitmeng hriam hraih hian min tizam lutuk tlat.






"Heihei,nge ngaihdamte i dil a,i lum daih ang tih ka hlau a lawm....,chuan ka bul a i awm lai chuan hmundangah i rilru dah lo hram turin ka duh che a,chuvang nia"a thilsawi vang chuan ka melh kawk a. Ani pawh lai zetin a sam a tuai thuak a.







"Taxi stand ah khian ka kal lawk nga,min lo nghak rawh aw...."kal nghal mai a tum chu
"Aih,ngai lo,min lo nghak reng tawh zawk"a banah chuan ka vuan ding chat a,hriatthiam loh hmel zet chuan
"Tuin maw lo nghak che?"chal tichuar tapin dilchhut hmel zetin min lo en ngar a.
"Saw,a lo thleng,ka kal aw..."a zawhna chhang mai lo chuan ka kal nghal a,Ruatpuia chuan a ban min lo vai lauh lauh chu nui ver verin ka pan a. Helmet min lo pek khum nghal paha bike a ka ṭhu chu ka hawi let hram,ka hawi let kher kher chu ka inchhir vawng vawng,Lucas chuan thip ramin min lo melh ngawt ngawt a,a kut chu a hum ruh hle tih pawh chu ka va hmu hman vek,thinrim vang nilovin thikna mitmeng zawk a niin ka hria,bike aṭanga min rawn pawtthla mai duh hmelte pawh a pu lawm le....rang zetin ka hawi sawn vat a....











"Mapuiiii,i muhil a mi? In kan thleng tawh nia"ka ngaihtuahna ka kawm vang vang a,engmah ka lo hre hauh lo chu niin
"Ka lawm e aw...."chhuk nghalin ka kal nal nal. Gate ka lut fel,in ka luh thlen hma chiah chuan ka ban a min lo vuantu an awm,zawi tawkin peih lo zetin ka inher let a.
"Ruatpui,pawi ka ti lutuk,mahse nidangah lo leng lut zawk mai rawh aw,...ka chau lutuk a"ka ti nghal tlawng .Nui sekin a lu a thing a.
"No...no...kha kha"nui chungin ka lu chu a kawk vu a,hriatthiam loh hmel zetin ka lu ka khawih nak chuan
"Awi.....ka theihnghilh chiang lutukk,nangmah vang vek a nih hi,enge midang pawn an khum loh laia helmet khum i tih kher zel"phelh sawk sawk chung chuan ka zak lutuk chu ka hau vak ringawt a,lo nui vur vurin ka helmet phelhna vanga ka sam pheng vek chu min siamṭhat sak a.
"Safety first an tih ṭhin kha,i himna hi ka ngaih pawimawh ber a ni fo ṭhin"min nuih seihin ka biangah a piai vak a.








"Hei,Lalruatpui,naupang te te hi nge mi piai vak zel?"a chalah ka beng ri fawk a,a rin loh dan lutuk a ka che chu a nui tawp chiang lutuk.
"Uiii,ka tihpalh lutuk,ka tum dan nilo,a na em?"a chal khawih sak chuan ka ti leh hnuhnawh a. A ngawi reng chu ka inthiamloh lutukkk.
"Ka haw dawn"ti hmukin kul zetin a chhuak nghawng nghawng a.
"Lalruatpui,lo ding teh,i chhe zet zawt lutuk"tiin ka va tlan phei a lo ding leh thut si chu a hnungah chuan ka intauh chawrh chu ka let tawp a.
"Oh....a na em?"lo ṭhu hniamin a lo ti nghal sawk sawk a,ka uar deuh pah hrim hrim tih a hre silo....
"Na,haw rawh"nuih za ru tak si chuan ka ti ram hmak a.
"Tihpalh,nute thinrim suh aw ......ka tihpalh lutukk,i lo tlan ka ring lova,khawi lai nge na ber?"a tih zawm nghal zat zat a.
"A na chhuak vek,i tihtauh vang vek a nih kha"ka la tum lian hle tho.
"Aih,ka titau miah lo,ka tau der mai mai nih kha,a van zia lo e aw....ka pawm lut ang che aw..."insiamremin min chawi a tum chiah chu
"Hei,hei,keiman ka lut thei,min zo dawn lo nasa sia,ruh invuah nghet rual pawh i ni silo,i kawng i herh palh ang"lungawi loh hmel tawk chuan min melh vak a,naupang ka tihzia ka sawi lan kher hi chuan a lungawi lo thei a nia. A lungawi lo hmel lah hi pe ṭha thei phian leh nghal a.










"I hre mai ang"tiin min rawn chawi lawp a
"Hei,Lalruatpui,min dahthla vat rawh,midang min hmuhah pawh a mawi lo lutuk"tiin ka chum vak vak a,a ngai pawimawh lo nasa,kawngkhar zawn a thlen chuan min chhuk tir hram,kawngkhar hawng thei dawn miau lova...
"Vawikhat mah naupang lutuk hi min titawh miah suh,ka upat ve tawh zia ka lan tir zel ang"a ti vei hmakin a kut a kuangkuah than a,ka lawm reuh lutukk.
"I va han duhawm reuh tak em...,"a biang ka piai chu rum tawkin min lo melh vak a.
"Engtinnge tiang em em a hmelṭha hian i lo pian theih le....?"ka tih zawm leh chiah chu a nui ver ver a,naupang chocolate kan pek a lawm vanga nui ver ver hmel hi a pu,a ṭha tih loh phal rual hi a ni lo.
"Lut tawh rawh le,tih tur pawimawh ka la nei a,chuan nangpawh i chauh hmel emai,chawl hahdam rawh"
"Awle....ka lawm lutuk aw...,tluang deuhvin khalh dawn nia"





------------------




"Hello"nizan ka mut ṭhat loh em vangin tlai lamah ka mu kha nia,muttui laia in tihharh hi ka haw viau sin mawle....
"Miss,pawi ka ti lutuk,ka lo tihbuai vang chein,mahse mi pakhatin i number min dil tlat a,min tibuai char char bawk sia,tihngaihna ka hre lova,ka rawn call tawp mai che ni"inthlahrung tak chuan ka hnuai a thawk tu emaw ber chuan a lo ti a.
"Tunge a?"
"Lucas a in tia"ka harh chiang ṭha a sin aw....
"E awle....i lo pe dawn nia,chuan President a rawn kal em?"
"Aw....,nichin deuh lawk khan a haw a"
"Awle,....ka lawm e....,hnathawh nuam le....."tiin ka dah zui nghal a.










(Tunah hian Teeceys BetterLand Chocolate factory ram pawn thleng a lar mek a an CEO ni lai mek ka ni, he factory din theih nan hian ka u nen kan ṭhatlai hun tak meuh meuh kan hmang ral vek a ,kum 30 ka tlin nan kum 2 chiah a ngai tawh,ka u phei chu 30+ a ni hial tawh,Ka tha leh zung,thluak,ka engkim tak meuh meuh ka sen ral leh ka rawt chhuah nih vangin naupang zawk mah niila CEO ni lai mek ka ni.)






"Hello"
"Mapuii,i thleng tluang maw????"Lucas a ni.
"Aw,tluang e...nangzawk?"
"Aw,......tluang tihah ka la haw lova"a awmna hmun chu a bengchheng riau....
"Khawnge i awm a?"
"Engtiklaimaha min hnar ve ngai lotu ka ṭhianṭha takte bulah ka awm mek a"a ṭawng dan ṭang chuan rui a ang.
"Zu i in a mi a?"ka ti ram deuh hmak a,ani zu rui mai mai biak tur ka ni lo,ka thinrim thar tlat,hman zawng zawng ngaihtuahte phei chuan ka thinrim zual tulh tulh.
"Aih,in lo,ih.....,kan thil buaipui tur chungchangah khan ka lo bia che a"ti buh deuh nuai mai.
"Tunah chuan ka la be fel lova,a rang lamin biak fel ka lo tum nga,ka lo hrilh leh dawn che nia,mahse....hetiang lam khawih ṭhin ho hi an rush ve thei lutuk a,lar deuh hlek chu kan ruai thei kher tawhin ka ring lo"chutiang sawi pui tlak a ni viau lo tih chu lang reng mahse a laka ka inven vena a chhe mai ang tih ka hlauh vangin mi pangai tak,sumdawnna a ka thawhpui ang maiin ka bia a ni.
"E,awle,tun anga ka lo tih buai che vangin min ngaidam dawn nia aw,naktukah kan inhmu thei ngem?"inthlahrun hmel deuh chuan a rawn ti tham chel a.
"Ka hun neih dan tur ka lo en anga,ka hman dan a zirin kan inhmu zawk mai dawn em ni ang?"
"Awle,....mahse heihi kan thuruk ni rawh se aw....Jacob chu engmah ka hrilh lova,tunah hian a fel vek tawhah a ngai a"
"Awle...,tih tur ka nei a,ka dah phawt a nge"A ṭawng zawm leh hma chuan ka dah zui ta hmak a.








"Anute,naktukah kan inhmuh dawn kha aw.....ka phur tawh eee....."Ruatpuia message ka chhiar chuan ka nui seih a,hepate hi chu van duhawm thei tak em, Lawyer a ni a,a hna a thiamin mi pawn an chhawr duh hle,keiaiin a naupang fe a,min chhaina pawh kum 5 chuang lai a ni ve ta,mahse ka hnaah ka buai a,nulat tlangvalna kawngah rilru ka pe hman lo tih hriain tun thleng hian rinawm takin min la nghak ngat ngat a ni. Khang kum chhung zawng khan naupang hle mah se a rinawm zia leh rintlak a nih zia min hmuh tir reng ṭhin a,chance pek ve mai pawh ka hnial ta lo,a vawikhatna tan naktukah hian inhmuh ka rawt hmasa ve a,chance pek ve tawh ka duh thu hrilh tum ka ni.....








Mahse Ruatpuia mitmei ka hmuh ngai loh chhan dik tak chu ka hna a ka buai leh rilru ka pek vang ai mah chuan nulat tlangvalna kawng a tluk luh leh min hlauh tir em emtu an awm vang a ni. Ani chu ka hua a,anchhia nasa tak lawh ka duh a,kan inkar a thil thleng zawng zawngte thai chhiat vek a nun thar a bulṭan ka duh,mahse a sulhnute nawhreh ka ui leh lawi si,ka hua a maw ka tih lai pawhin ka hlim ni leh lungngaih ni a min hlim pui a tawrh pui tur a ka duh awmchhun chu ani tho kha a ni si.....,nie,a ni ngei ang chu,ani chu khawvel a ka hmangaih hmasa ber,hmangaihna vanga min ṭah tirtu,hliam thuk tak min hnutchhiah chung pawh a ka hmangaihna dai lova ka thinlung kawltu awmchhun Lucas Zonunmawia kha a ni miau a lawm le.....




--------------------





Zirtluangpuii,pawl sawmpahnih(12) zirlai,kum sawmpasarih(17) a upa,tleirawl nalh vang lai hun hmang chho mek,hmeichhe harhvang leh duhawm tawk ve tak ka ni a,min duhtu tam tak awm ve ṭhin mahse bialpa erawh pakhat bak ka la nei lo,patil(Tomboy)ṭhianṭha tak pakhat ka nei a,pawl sawmpakhat(11) ka zir kum a intawng kan ni nghe nghe,a rilru a ṭhain a hmelṭha em em a,min care a,ka thu thuin a awm ṭhin a,englai pawn ka tan a awm reng ṭhin,kan subject a inang lo nangin ka class bang min lo nghak ngat ngatin kan in thleng min thlah ṭhin a,ka ngaina takzet ṭhin bawk,short break,lunch break leh period awl hlekah chuan kan classroom ah a lo kal ngei ngei a,mahse kan school ho chuan kan inngaizawng angin an lo sawi zel ṭhin a,ka kawmngaih em vangin ka hlat phah chuang lo,mahse inṭhianṭhatna chauh nilo ka lakah rilru a pu a ni tih ka hrechhuak ta a,a hma angin ka kawmngaih thei ta hauh lo mai,ka hlat hret hret a,a tawpah phei chuan ka thlah hlen ta a ni,nasa takin min biak pawh a tum ṭhin a,mahse a theih na naah ka hel char2 ṭhin. Ka bd a ni emaw hun pawimawh bik a lo thlenin present min lo thawnte pawh k thawn let leh ngat ṭhin








Sawi sep sep ka kai nasa hle a,"saw nu saw a hmelṭhat reuh reuh nen,saw nu saw a hmelṭha chu ka ti lutuk a,mahse lesbian a nia"tiin min sawi zui nasa hle,lesbian ka ni reng reng lo,ka kawmngaih em em a,ṭhian angin ka hmangaih bawk,mahse ka laka a feelings te kha zep lo chuan ka ten a,a hma zawng zawng a ka lo kawmin a bul a ka awm ṭhinte kha ka inten hluah hluah ṭhin a ni,'a pâ ringawt a,a les kher lo'tiin ka lo ṭang ve em em ṭhin a,a lo ni der silo,chutia ka thlah tak hmakah chuan kan inkar siamṭhat leh tumin ṭhian chauh nih leh a duh thu sawi mahse engtikah mah kan inṭhianṭhatna kha ka pawm tawh ngai lovang.....









Chutia buaina neuh neuh ka tawn lai chuan a ni Lucas Zonunmawia chu ka tawn tak ni,chutia ka ṭhian ber ka thlah takah chuan ṭhian ka nei mumal ta lova,class 12 ka nih chuan ka mal hle ṭhin,ka bestfriend hi mipa a ni a,kum 4 kan nih lai ṭang tawh a inkawm kan ni,ani lah Aizawl ah school a kal daih si,Lucas chu 12 repeaters a ni a,class a rawn kal khatin zirtirtuten class an lak lai pawn a haw duh chuan chhuak nulh ṭhin ang kha a ni a,class a kal ve chhunah pawh dawhkan bawh a mu reng ṭhin ang kha a ni. A ngengin a sual hmel hi ka ti thei ngawih ngawih a,mahse biak chuan mi chu a chhang fel et tho,ka sir chiahah a ṭhu nghe nghe,a hmel ka hmuh hian lunglen rukna riau hi a nei ṭhinin ka hria a,a nun hi a khua a har bik ngawih ngawih a hriatna ka nei ṭhin.....










Kan chanchin:


Lucas chu a sualin a ngen hmel.thei em ka tih tawh kha,mahse amah chuan enge maw takin min hip tlat a,ka star chu ka ti lo,mahse amah chu hriatchian chakna ka nei,a nun chu beidawnna riauin a luh khung niin ka hre bawk a,ka belchiang chak hle nangin ka be ngam mai lo,hmelṭha tia sawi tur ni hauh lo mahse a hmel a pain a hriam hraih a,a hmeichhe chhai tawh reng rengte chuan an thlah phal hauh lovang mawle.....







Lucas ṭhutna hma chiah a ṭhu hmeichhiate nen chuan kan inkawm ve ṭhin a,ka movie ente ka hrilh chhawng ve ṭhin hi Lucas bul a ṭhu Jacob chuan min lo fiam vak vak zel a,chutaṭang chuan Lucas nen pawh chuan kan inpawh chho ve ta a.....,a biang dinglamah chuan biangsum khuar kakin a nei a,a hnar chu a zum pet a,a hmel chu khawro viau mah se a tilang patu a nileh lawi si....engtin emaw hian amah chu a charms riau.





Tlai khat ka school bang phone ka en chu group hrang hrang ho tawk tawkah hian tuemaw hian min lo add ṭeuh a,keimah chauh ka lo awm zel lehnghal a,min add tu ka'n en chian nak chuan Lucas a lo ni reng a,a thiltih chu ho viau mahse a hmel nen ngaihtuahin ka lawm phian,chutaṭang chuan kan inbe chho ta a,ṭhian angin kan inkawm phawt a,mahse keichuan a hmaa a laka ka lo curious viau hun lai aṭang daih tawh khan ka star daih tawh,a lakah ka feelings te ka tilang chhuak ngai lova,a chang chuan ani pawh hian min duh ve ni maiin ka hria.....,a chang chuan rui chungin class te a rawn kal ṭhin a,a rui emaw rui lo emaw ka bulah break laiin a rawn ṭhu ngei ngei ṭhin,ka tiffin paite ei dunin a thusawi thu tak hmel fe si a nuihzatthlak tak tak site chu ka nuih pui bawk bawk ṭhin a,ka hlim veng veng zel......










Thlakhat vel lai ṭhian angin kan inkawm ve tawh,Jacob leh amah nen chuan kan inzui deuh chawt zel a,zan khat chu




"Mu tawh em? Ṭhianpa"Lucas hnen aṭang ka dawng hlawl....min lo biak hmasat loh hi chuan ka be hmasa ngam ngai lo hrim hrim a,min lo be khat viau bawk si....ka hlim lutuk chu ka thate khur vel...
"Mu tawh e...."rang tawka chhan nghal mai kha chu ka zak ve sia,tawi tawkin minute 2 vel liam hnuah chuan ka chhang ve ngei a.
Chat aṭang chuan a out lo hrim hrim niang,a rawn in blue tick nghal."Hil tel em?"a ṭawngkamte hi chu ka duh ve chiang a lawm...
"Hil chiang e....."
"Muhil chunga message type ah chuan i type dik thei ber ang"tih min lo thawn chiah chu ka nui chhuak chiang lutuk,a thil hote tih,midang tiha ka nuih tur ni miah silote hi ani nih chuan ka nui nasa thei viau,a fiamthu thawhte hi a nuihzatthlak loh lutuk hi ka nuih za zawk ṭhin kha nia....
"Ka harh tawh lawm....min lo biak ve teh mial a"
"Ka lo call thei che ngem?"
"Timaw????"keimahin a call nghal maite chu ka chak viau nain easy min tih viau ka hlau sia.
"A theih leh theih loh sawi la,a chhanchu ka hrilh dawn che nia"engtinnge ka chhan ang aw???? Pawilo,ṭhiante chu a inbiak theih vek tho lawm....
"Aw"ka thawn rual chiah chuan ka phone a lo vibrate nghal,lak nghal vat chu easy thlak ka ti leh tlat.






"Hello"
"I va la har ve a,phone bulah i awm reng awm sia"a rawn ti nghal vat a.
"Awm reng lo,tinge min lo call a?"thildang ka sawi pui daih
"Ka ngai che a"a awah chuan a zam niin ka hria.
"Haha,a va lawmawm ve,Zonunmawia'n min ngai ve a nia"a fiamthu leh nih ringin ka ti vak a.
"Ka ti tak tak,ka ngai lutuk che,ka hmu chak che e...."thutak hmel fe a a rawn ti chu ka lai lutuk,ka khuh der ringawt.
"Min ngai ve em?" A rawn ti leh nghal thawr a. 'Ka ngai lutuk,amah lo chu ka ngaihtuah ngai lo,tih thlengte hian ka hrilh fai kilh kelh mai dawn a maw ni....
"Vawiinah kan inhmuh reng kha..."pangai thei ang ber chuan ka ti ta zawk a.
"Nia,kan inhmu reng sia,a mak e....ka ngai tho che nih chu....,anih a tlai tawh sia,mu tawh rawh,muttui"tiin engmah ka sawi hman hmain phone a dah zui daih leh nghal a,ka haw lutuk,a duh zawng a sawi a,a dah leh hmak sia,ka insawh tau nghawng nghawng a,ka be tawh miah lovangte ka ti thul,thinrim zetin ka lo muhil daih chu niin....








Phone ka en chuan message open loh pakhat a lo awm,Lucas hnen aṭang a ni,ka chhiar duh lo lui ve tlat,a duh duh a a tihkawi theih pawh ka ni bawk love....






Lucas laka lungawi lo tawk chuan school ka kal a,ka be miah lovang tiin ka rilru ka siam fel hmak,school ka thleng a,ka be lovang tihte chu mai mai,amah pawh hmuh tur reng reng a awm lo,biak tum lo em em khan ka zawng leh du du tho sia,Short break zawh hnuah Jacob a rawn lang hlawl....A hnungah rawn luh ve mai ka ring,a rawn tel miah lo lehnghal. Lunch break hma zawng chu ngui burin ka ṭhu a,ka hmel a chhe ngawt ang le.....,ka dawhkanah chuan lehkha inhlawm vek hi a rawn tla hlawl a,tunge rawn vawm tia ka hawichhuah chuan Jacob chuan zaizirin en turin min lo hrilh a.
"Banah in in chhohna step ah khan Lucas in a lo nghak ang che"tihte mai hi a lo inziak a,lawm tur nge thinrim tur pawh ka hrelo e a.....
Lunch break dar a rik chuan Jacob chu a tho nulh a,a bag nen chhuah nghal mai a tum chu ka um vat a.
"Tinge haw nghal mai i tum a?"
"Kha thil hrilh tur chauh che khan lawm class ka lo kal,Lucas message i seen si lova,ka rawn hrilh lo che nih chuan assignment min tihsak loh tur thuin min vo tlat a,chau hnapin ka rawn chho a nih hi"a ti nai nai a.
"I lo chho ta sa sa,awm tlang ta che..."
"Aih,ka peih lo,a nih ka haw phawt,i chhohna ṭhin step lo zawkah khan,a reh lam zawkah khan nia aw a lo nghah che,sawi fel ngei ang che u,ka kal,bye...."a ban pakhat a min kuah thuakin a tlanchhuak zui nghal a,engtiang taka pawimawh ni ang maw? Chutia han intirh chhoh mai chu aw.....ka hre chak zek zek,class te chu zo tawh se ka ti ngawih ngawih,ban hmaa haw maite chu ka duh,mahse ani pawh beiseina min siamsak ang deuhva awmin a kal leh daih zel.tho a,ka innghah tir ve law law ang chu.....mahse enge min hrilh ang aw......








A tawpah chuan ban dar a ri ve hram,phur tawkin hmanhmawh si,hmanhmawh lo ang taka langin ka hawna ṭhin loh lam zawk step ah chuan ka chho taih taih a,a lo awmna tur lai a sawi chu ka thleng ṭep tawh,ka zam lutuk chu ka sam ka zep ṭha chhen a,ka thlir chho vang vang a,tumah ka hmu lo,a sirah a awm a niang,tiin beiseina nen ka chho zel a,a hmun ka thlen thleng pawn tumah ka hmu lo,ka hawikual thuak thuak a,Lucas chu sawi loh tho thlawk tak ngial pawh hmuh tur a awm lo,ka ṭah chhuak takzet,hmela hi kawng harsa leh reh em emah amah vangin ka kal ve em em a,lo awm tawp silo,ka mittui rawn hnaiin ka thil hmuhte a phe ruai tawh,pen khat ka pen hman chiah tih chuan ban tha chak zet hian mi in sak lai mek thim khupah chuan min pawt lut a,a eng aṭanga lut ka ni bawk a,engmah ka hmu thei lo,hlauhnain min rawn tuam hlawp hlawp a, au tum a ka kâ ka ang tur chu ka ka a la hup zui,a hmel ka hmu chiah chu meng bial kawkin thinrim takin a kut chu ka vai thla pawp a,mitmeng ling hlar a melh rawm rawmin kal ka tum chu min lo pawt let tawpin min kuah nghal thlawp a.
"Hmela,min thlah nghal rawh,ka haw lutuk che,vawikhat mah hmuh leh che ka duh tawh lo"tiin ka chum vak vak a,min kuahna chu thlah thutin a hmuiin ka hmui a rawn deh tir,ka rin loh dan lutuk a che thut chu meng bial kawkin khawng utin ka ding a,a hmui a rawn chet ṭan chiah chu harhchhuak thutin ka tal vak vak a,ka chum pah bawk,a kut pahnih chuan nghet zetin ka biang tawn tawnah a chelh a,na zetin min fawp kawk kawk a,min dawp ni zawk mahin ka hria,muangchangin ka kut chu ka dahthla riai riai a,ka maimitchhing a,ani pawn dim dawi zawkin min fawp ta a,feel loh hram ka tum viau nain a zei lutuk tlat,ka fawp let ve ṭan chiah tih chuan a la tawp daih zui,ka zak vawng vawng mai....








Ka hmui huh dup chu hruin ka kut hmalam a ka suih chu sik neuh neuhin ka kun ngur a.
"Hei....khati khan awm lo teh...."tiin ka khabe ṭang chuan min lo.chawi chho a,a hmel chiang takin ka hmu thei tawh,a mit hnuai chu hnekna ni awm takin a duk kulh a,a hmui sir chu a kak tel bawk....
"Ngati nge a?"chiai tak chuan a hmai chu khawih tumin ka kut ka phar vuau chu a lo hawisawn daih,zak tawkin lai rutin ka kut ka la thla a.
"Tinge ka message i seen miah lohva?"ka mitah tak chiang fahranin min melh kar a,ka rilru zawng zawng a chhiar thei vek hial ang tih tur khawpin ni mi en.
"Phone ka khawih lo a lawm..."lawi rutin ka ti a.
"I khawih bawk,i last seen pawh dar 7:30 a ni reng a lawm,tinge dawt i sawi a?"



"Ah....,ih...."ka titau tih sawi tawp chu ka zak ve sia....
"Min duh loh vang chu a ni lo tiraw....."mitmeng chhiar thiam har zet chuan min melh ngar a.
"Maw?"phawk hru chuan ka ti vak a.
"E....message kha i chhiar lo tak,pawi love,tihian ka hrilh mai ang che"
"Eng chu maw...???"ka ti leh hu a,ka dar tawn tawnah vuanin mitmeng fim leh ril ruih,tawrh har zet chuan min en kar a. Ka chil ka lem khawlh ringawt
"Zirtluangpuiii,keihian ka bem a che"pâ hriam hraih chuan a tichhuak hraih a. Phawk tawkin ka en kar ringawt.
"Min chhang la...."zaidam zawk chuan a rawn ti leh a,ka chhan dan tur a hriat loh vang chuan a zam ve deuhin ka hria.
"Engchu nge ka chhan ang che...."
"A....,ihmaw.....a...."min thlahin a kut pahnih suih zawmin a lu a dawm a,hnunglama pen hnih vel pen thuakin a ṭhu tung ut a,rawn tho chhuak lehin a sam chu a tuai puak a.
"Ihmaw....."tia nui chhuak hakin a ṭhu tung leh a,a kut chu vai thuak thuakin a hriat tawk lekin a phun hluk hluk a.
"Tinge maw sawichhuah ka harsat viau le???"tiin a khup a a kut nghatin a khabe a dawm a,a nui seih bawk.
"Ihmaw.....Mapui"ngawi leh vang vang phawtin chiang fahranin min en kar a,a awmdan chu mak ka tiin ka hrethiam lo lutuk,ka chil ka lem khalh a,ui note bo ka ang ngawtin ka ring. Rawn tho leh hluaiin a kut khinghnih a ka biang rawn dawmin
"Oh,Bawihte,tikhan hlauh hmel deuh khan min en lo hram teh,tih hlauh che ka tum lo nia"ka biang chu a kutzungpui chuan a chul ne ne a
",ihmaw.....i laka ka feelings te hi thup bo ka tum nasa lutuk,mahse ka thei tawh thlawt lo,Mapui,keihian maw......(thaw la kawkin)ka duh lutuk che,ka bialnu ni la ka ti,min hnawl lo hram teh aw....."hlauhthawnna mitmeng chuan min en kar a.
"Khawngaihin ngawi reng lo khan min chhang ve la....."a rawn ti leh a.
"A....ih....,"
"Aw emaw aih chiah ka duh"tiin min rawn pawt chat vat a
'Aw,Zonunmawi,keihian ka atchilh lo chauh che,ka duh che,ka duh lutuk che...'tia chhan zawih zawih ka duh viau laiin easy min tih viau ka hlau bawk si....,hmeichhe tan chuan indah value thiam hi a pawimawh hle si a.
"Monday ah ka hrilh ang che....."ka tichhuak thei hram.
"Aih,tunah ka duh"thupe aw zet chuan a rawn ti nghal vat a.
"Inngaihtuah vete pawh ka duh a lawm..."
"Inngaihtuah a??"a lu thingin a nui hak a.
"Duh leh duh loh chu i hrechiang hle ang chu,kum khat emaw sec 1 pawh inngaihtuah nan hmang mahla i duh leh duh loh chu a ngai reng dawn tho,hmeichhia za a sawmkua pakua hian inngaihtuah ka duh ti mahse an aw leh nge nge zel tho,aw tih tawp an hreh vang mai mai a ni,chuvang chuan tunah min chhang mai rawh,nihnih lai ka bialnu nih theihna tur hun i delay dawn a nia,a uiawm lutuk"in ringtawk zet chuan a rawn ti a,a sawi khi dik viau mahse hmeichhia kan inlak value vena ngainep tawka a ṭawng vel hi ka haw lutuk,ka chum thlu pawp dawn a mawni.....






"Ka duh bawk lo che,ka haw lutuk che,hmelchhepa"a ngal a chhuih chawrh pah chuan ka tlanchhuak nghal a,ka bag leiah ka thlauh tih ka hrechhuak thut,ka tlan let leh a,a ngal chu na tih hmel tawkin a lo dawm.ngawt ngawt. Ka bag chu chharin ka tlanchhuak leh nghal chu.
"Monday ah helai hmunah hian ka lo nghak leh ang che,thu lawmawm lam ka hriat ngei ka beisei"confi lutuk chuan a rawn au zawm leh nghal a,ka haw lutuk,a confi lutuk na khu ka chhuih thal pawp pawp chak,chak zetin thinrimna leh zahna innek pawp pawp chung chuan kan in ka tlan thleng zak a.







Thinrim tawkin eirawng ka bawl a,hmarchate chu rawt lovin ka mit a min per loh nan tui chenna a an vuah ṭhin tarmit vuah chungin ka deng pawp pawp a,ka thinrimna ka lo telh hnem lutuk aniang chu,chaw einaah ka chhungte an irhfiak pawp pawp mai a lawm.....





Lehkha zir mood ah pawh ka awm thei lo,beidawng zetin kar thei ang berin ka mu ta ringawt,ka phone ka on a,Lucas hnen aṭang eng message thar mah ka dawng lo, Tetea(ka bf) ka call a,ka ti ti pui vak ang ka ti chu a mood ah ka awm hlawl lo,ka mutchhuak chhuanlam a hmangin ka dah leh ta ringawt. Message thar reng reng Zonunmawia hnen aṭang ka la dawng chuang lo,e....taka a message la seen miah loh ka neih tak kha....inthlahdah zet a ka mu lai chu tho vatin bang nghengin tin seh neuh neuhvin ka chhiar a,ka chhiar nawn ka chhiar nawn mai,ka mittuite hial zu han tling thei a mawle.....






"Mapuiii,i muhil tawh em? Muhil tawh a mi?Nichin kha ka lawm lutuk aw....,i aw no tak ka hriat khan ka thinlung thlawk chhuak mai tur anga ka hriat kha i rawn tireh daih a,la biak chhunzawm che chu ka chak viau nain ka putean phone dah turin min ti daih a,i lo awm hi chu ka lawm e.....ka thinrim viau a thilṭha lo tih duh maina thinlung ka putte hian maw.....,i nui hmel zaidam.tak leh duhawm.zet kha ka mitthlaah lo langin min lo nuih ver ver ṭhin a,engmah ti lovin ka awm.leh phah ṭhin,a mak i ti em? I hmel daih daih ka lo mitthla ṭhin chu....dik tak chuan keipawn a tir chuan mak ka ti thei lutuk,mahse tunah chuan mak ka ti tawh lo,a chhanchu... Mapuii,keihian ka duh che,duh tur che hian ka tling tawk lo lutuk tih chu ka hria a,kei thilṭha lo tih ching tak,sual ve tak hi nangang hmeichhe naupang innocent tak tan chuan ka tling lo tih ka hria,chuvang chuan ka rilru put hmang hi thup bo hlen ka tum a,mahse zanin aṭang khan ka thei ngang lo tih ka hrechhuak a ni,Mapuii,...khawngaihin he ka sal tanna khawvel aṭang hian min chhanchhuak hram teh,ka kiangah dingin min chelh tlat la,damchhungin i bulah zel ka awm chuan ka hringnun kawng harsa zet hi ka zawh chhuah theih ve ngei ka ring,i chhanna ka lo nghak reng a nia aw....,min hnar lo hram la ka van ti em.....,hmaichhan ngei a hmuh che a i chhanna hriat ka chak viaunain naktuk chu class ka rawn kal thei dawn lova,chuvang chuan message kal tlang hian min lo chhang ve mai la,....Monday ah chuan ka hmuh ve theih tawh ngei che ka ring,a sei tawh emai,engtinnge tiang em em a seite hi type tur ka hriat zawk le??? Ka ngai lutuk che,ka ngai ṭhin lutuk che tih hi i hre lo tiraw....ka hrilh ngai lo che a, a awm tho e,mahse tunah chuan hrilh ziah tawh che hi ka duh a ni,zanin phei chu a bik takin ka ngai zual takzet che....,i mu hnar suk suk tawh awm sia,i mumangah min lo hmu rawh aw.....bye bye...."tih zawng hi a lo ni a,hnuk ulh ṭunin ka chhiar a,ka chhiar nawn tluk tluk bawk,ngaihtuahna fim pawh hmang thei lovin ka call nghal a,switchoff a in ti,ka thinlung a phu dut dut a,ka sa hat hat bawk,Jacob ka va call ringawt a,call hman a rem loh thu leh message a min lo hrilh tur min hrilh a,kha zan,Lucas in min lo call zana thil thleng engkim chu min hrilh fai ta kel a.






Aputea zu rui lo hawin Lucas te nufa chu chawmhlawm mai,sual ve tak leh hnawksak tak an nih thu sawiin buaina a siam a,Lucas nu nen chuan an inhnial hrep a,aputea'n kutthlak a tum,Lucas in lo ṭhelh tum kha 'in nufain min bei hrawn in tum' tiin Lucas chu a kut a thlak a,Lucas chuan a khawih let ve lo hrim hrim,a puten an lo ṭelh hnuah pawnah chhuakin bang a va hnek hrep a,chuvang chauh a a kut chu pilh thi nei nuai ve a ni,zirtawp zan aṭangin inah a la haw lova,a awmna an hriat loh thu a la sawi zui,Jacob message ka chhiar chuan ka na vek thei,Lucas te chhungkaw chanchin chu ka hre miah lo nangin Lucas chuan pa a nei lo a ni tih ka hrethiam nghal mai,khawngaihna in ka khat a,a hmel ro rupte,a mitmeng dul leh zawi takte ka mitthlaah a lo lang a,dan rual lohin ka mittui a sur zung zung bawk. Monday ti ti lo khan chhanna kha lo pe ve mai mai ila aw.... monday ah chuan hmuh pawh kan inhmu tawh kher ngem? A hriat siloh,a awmna a hriat siloh,phone a biak theih ni silo,rilru hah zetin ka awm a,ka mittuite chu a tla leh ṭhin,a hma pawn a beidawn hmel.khan ka hre ṭhin reng a,thil ṭha lo te lo ti ta se.....,ka ngaingam ngang lo,'Monday ah kan inhmu dawn nia'tiin min thlah vek tawh a,a lo.kal ngei ang tite chuan ka inhnem leh ṭhin,ka thlamuang zo tak tak silo,ni2 chhung chu awm nuam.lo zetin ka awm a,chaw ka ei thei lova,ka mu thei hek lo,ka cher kawk leh ang chu.....,ka tla hma ve ropui sia.










Step reh takah chuan zam tak chuan ka chho a,a lo awm lo mai ang tih hlauhthawnna ngawt chuan ka khat,hmanni min pawh luhna hma chiahah chuan mipakhat hi a ṭhu sawp niai a,a khup ti tungin a bawh ṭut a,a thawmhnaw hak aṭang chuan Lucas a ni tih ka hre thei,hmanni a mi tho kha a lo la ha a,
"Lucas,...."ka va sawi a,zawi tawk a rawn hawichhuakin min lo en a,keimah ka ni tih a hre chiah chu a nui seih a,meizial ṭhing rim a nam lutuk takzet.
"Bawihte,i lo kal maw? I lo kal dawn lo maw ka tia"mitmeng dul em em chuan min en a.
"Ka lo.kal ang ka tih kha,i van bal em em ve a? Tinge inah pawh i haw miah loh,biak theih i ni bawk silo,ka rilru i tihah lutuk,i hriam"tiin ka chum taih taih a,ka mittui chu a tling piai a,ka kut chu lo man chawtin
"I chhanna chu???"
"Chu chauh chu maw tunah i ngaihtuah a?"
"Aw nge aih tih chiah hriat ka duh,khawngaihin"ngen ngawl tawk chuan a ti leh a.
"Mi mawlpa,ka awmdan ṭang hian i hrethiam mai lo mi? Nangmah vangin ka rilru hah em em a,chaw pawh ka ei thei lo,ka mu thei silo,nanglah biak pawh theih lohin i reh hmak bawk si....i chungah thilṭha lo,....."ka mittui chu a sur zung zung a,tho tharhin ka ban a min kaiin in sak meknaah bawk chuan min luh pui leh a.



Ka hma taka dingin min kuah hle hle a,ka hnung a chul hliau hliau bawk chuan min tino zo vek,ka ṭap hlawp hlawp a,dawhthei takin ka inbengdaih theih hun chu a nghak ni berin ka hria. Ka inbengdaih theih tak hnu chuan ka mittui chu hru hulin min en vang vang a.
"Thilṭha lo tak i ti a maw ka tia,ka hlauthawng lutuk a lawm,vawikhatmah biak pawh theih lohin awm tawh suh ang che...."no zet chuan ka ti ṭiau a.
"Ka tihpalh.....ka phone a thi daih a,charge na ka hmu silova,mahse thilṭha lo ka ti dawn tih engtinnge i hriat a?"
"Thil ṭha lo i ti maw?"
"Aw,zu dawrah ka riak char char a,zu ka in char char a lawm"A nui seih a
"Mawla,sawi pawh chu i ngam zawk e a"tiin ka beng tur chu ka kut a lo man chat a.







"Chuan i chhanna chu min la hrilh miah lova"mitmeng ril lutuk chuan min en leh kar tawh,mawla hi ti chung pawh hian a la hrethiam lo cheu amaw....
"I la hrethiam lo cheu a maw??? Inla zei ve viau sia"
"Engtinnge ka hriat theih ang? Engmah sawi hlei lovin i ṭap i ṭap ringawt a,ṭhian inkarah pawh inngaihtuah vangin a ṭah...."a ṭawng laklawh lai chu a hmuiah ka va chuk thut a. Phawk tawkin min lo en
"Ṭhian inkarah tiang kha thleng ngai em?"a lu a thing nar nar a.
"A thlen ngai loh chuan kha kha ka chhanna chu nimai,mawla"tiin lai tawkin ka chum taih a. Nui hakin
"Chuan 'aw'i ti tihna maw?"
"I ninawm,ka kal dawn"ka zak e a,ka sawi ngam tawh teuh lo
"Kal suh....,kal miah suh"tiin bangah min nawr bet vak a.Chiang fahran a min en chungin
"I ka ngeiin min duhthu sawi rawh"ril tawkin a rawn ti,ka lai lutuk,ka chil ka lem ri khawlh a
"Aih,ka sawi dawn lo"
"I sawi dawn lo maw??? I sawi loh chuan ka haw rualin ka pu thla ve ang che"
"Ka sawi dawn chuang lo"
"Chiah maw..."tiin min pu nawlh a.
"I sawi dawn lo chiah maw???tun chiah chance ka pe ang che,keichu ka zak dawn miah lova,nangmah kha nia zak tur chu...."a ti leh vak a.
"Aw....ka sawi ang,ka sawi dawn,min dah thla phawt la"
Lei a min nghah rual chiah chuan ka tlanbo ang tih hlau fahranin bangah min nawr betin a kut leh lam leh lam chuan min dang bet a. Chil lem ri khawlhin
"Ka duh che"a ri chhuak che che a ni.
"Ka hre thei lo,sawi ṭha leh lawk"
"Ka sawi tawh awm lo emai,ka ning,ka haw lutuk che,Zonunmawi,ka kal dawn"ti hmukin a kut paih ka tum chu min nawr bet vakin na fahranin min fawp nghal tawn tawn a.
"Min fawp let ve rawh"thaw hrawkin min fawh zawm leh nghal thuai a,min fawh dan chu a rough lutuk,ka fawp.let thiam hauh lo,nem deuh zawka min fawh leh hnu chuan ka fawp let ve ta a,dingdihlipin a tukhum a man betin ka thiam ang tawk chuan ka chhang let ve a.




"I thinrim vang maiin khawngaihin min huat thu min hrilh tawh lo hram teh,kha ṭawngkam kha dawnsawn dan ka thiam lo tlat,chuan min hlauh hmel tak khan min en tawh lo bawk la,ui note bo i ang lutuk,ka insum thei lo hi fawh nawk nawk che ka chak ṭhin lutuk,chuvang chuan fimkhur tawh rawh...."a chal leh ka chal sik tir chuan a thaw chhuak ham ham a......






---------------




Lucas nen chuan inngaihzawnna lipuiah chuan kan pil chho ve ṭan ta,ka duh hluah hluah a,ka thlahlel takzet ṭhin,class pawh a rawn kal regu tawh em em a,banah ka bag min khai sakin kan in kawt thleng min thlah thlap ṭhin,kan inzui ngun leh zual em em a,Jacob in englai pawn min thlawp bawk,kan school ah chuan kan inkawp tih hre lo pawh an awm ka ring lo,ka hmelhriat ṭhenkhatte chuan
"I chhiat vak loh tehreng nen,a hmelchhe si,sual si,engtinnge i duh theih zawk?"zawhna chi hrang hrang Lucas sawiselna lam thilte ka dawng nasa thei hle,mahse ka beng ka chhu ngawng lui tlat a,midang ngaihdan a pawimawh lo,keiman ka duh a,ka duhthlan ngei a ni a,midangin a min lo thlanpui ve a an thusawi ka ngaihthlak chhan tur ka hre lo,ka ṭhatna duh a min hrilh inti tam takte khian ka hma khua min ngaihpui lo tih ka chiang emai,min duhtu ṭhat hmel ve tak tak anga langte zingah Lucas ka thlang hi ka lo tisual a nih pawn ka tihsual chu lawm takin ka pawm zel ang,ani pawn min vuan a,min mamawh a,min thlahlel a,insiamṭhat pawh nitinin a tum ve zel ṭhin a,chutiang khawp a bei nasa chu engtinnge ka kalsan theih teh lul ang,nilo....ka thei lo pawh nilovin ka phal lo a ni......





A thik thu a chhe em em a,mipa dangin min melh hlek pawh a ngai thei lo viau,ka pawnfen khup khuh vek pawh chu 'a chhing tlat,kha ai fual.kha lei a ngai nih kha'tiang khawp a min hauh burtu chu a ni.




Vawiin chu nilai a ni a,Lucas in an in a leng turin min sawm a ni. Chawhnu class ṭhulhin an inah ka leng dawn,thilṭha lo a ni tih hre reng mahila ka phur lutuk tlat,....rin loh lutukin ruah a sur leh nghal,ni hliap reng reng kan pai silo,kan do ngawt a. An in kan thlen meuh chuan huh zawr hnap chu nilo mahila kan hnawm chap mai. An in chu chhawng hnih a ni a,blue colour a ni a,forked in an hung chhuak vek bawk,a luhna turah chuan Saron an zam kual tir bawk a,kei hmeichhe pangpar ngaina lo zet pawh hian luh ka chakin a nawm hmel ka ti thlawt a ni,chuan ka hmuh tirh khan rethei viau turah ka ngai kha nia,an in en mai pawn an hausa tih a hriat hliah hliah.....an in kalh nan chabi leh tlala pawh an hmang ve lo,password awm thlap a la ni zui,ka lut turte chu ka zam vel lutuk....







A chhung kan lut chu a pawn aiin a lo simple changkang hle a,furniture lamah thing chang ṭha mi vek an hmang a,enkawl ṭhat tih hriat takin a hnum hlarh bawk,an chhuat fai ziate chu ka kekawrte thla thlengin ka hmu tlang thei vek ang,tiang khawp a tle a ni.





Sitting room ah chuan nu la valai ṭha tak hi TV enin thil ei pah chungin a lo nui bawk bawk a,ka hmuh tirh phat aṭang Lucas nu a nih ka ring nghal hawt,lo ni lo pawh nise an chhungkaw zing a mi a ni tih a hriat,min hmelhriat tir ve ka lo ring a nia,a hnung a ka kal chu muang min tih hmel zetin min kai chungin chak zetin step ah chuan min chhoh pui hmawk hmawk a,TV hmaa ṭhu pawh chuan be ta nge pawh chu min ti chuang hauh lo.




"Heihi ka room a nia,mahse,a hnawk deuh hlek a"tiin room kawngkhar chu a hawng nghal a,khawilam hnawk chu,a nihdan tur ang vekin a awm a,ka room ai pawn a fel faiin a nalh fe zawk.
"Ka room ah lo lut miah su,kha ka ti sia,Nubawihi chu a lo lut leh hram a ni maw...."lungawi hmel lo deuh chuan a phun nuah nuah a.
"I room hi nuam e....,a fai si"phur tawk chuan ka ti hliai a. Chu veleh a hmel pawh chawp leh chilh a inthlak danglam nghalin khum lamah min kai phei nghal a.
"Lo ṭhu lawk aw...."tiin drawer dum nalh zet chu hawngin towel var thianghlim sar mai hi a rawn phawrh chhuak a. Keiin a room chu ka lo melh kual dan dan a.
"Ka fan pui lo mai ang che aw....ka hruai duhna hmunah che pawh vawiin chuan ka hruai lo mai ang che,ruah a sur bawk sia,bakah Nubawihi a awm sia,ka chhuak peih lo"ti niah niah chung chuan ka sam chu min hruk hul sak mawlh mawlh a.
"Kha,nangman lo hru ro zawk teh,thawmhnaw ka'n la lawk"towel chu min pein a thawmhnaw dahna chu a hawng a,tshirt dum leh pyjamas sen ṭial nalh zet hi rawn phawrh chhuakin
"Heihi,ka thawmhnaw neih zinga te ber,ha rih mai rawh aw...."
"Engah maw?" Ka lo ti hu thung
"Aw....,i form kha hem ro a ngai lawm...,i hritlang mai ang"tiin a thawmhnaw phelhin a inthlak zawm nghal mawlh mawlh a,chil lem.khawlhin hmundang ka hawi ta ringawt,ka awm ve lo ang hmak a a inphelh vak vak ni,kan pahnih chauhvin a room ah kan awm leh nghal a,min tizam zo vek a lawm le.....




"Khumte kha i tihnawm vek dawn nia,khatia ngaihtuahna kawm vung vung lo khan inthlak vat zawk la"a rawn tih leh takah chuan lai zetin ka aw ka thian kharh a.
"I awm ve reng sia,engtinnge ka inthlak theih nga?"ka aw chu a tham chhal mai.
"A ho e....,inthlak mai mai teh"ngaihsam zetin a la tizui.
"A ho lo aw....,va chhuak rawh,a nih loh chuan bathroom awmna sawi rawh"
"Aw...,ka la hmuh vek tur tho a nih kha,zak vak duh suh"rum tawkin ka melh rawm rawm chu nui chhuak hakin
"Awle..,awle,...tah sawn bathroom a awm aw...."balcony lam chu a kawk zeuh a,rang tawkin tlan ti tihin ka pan nghal thuai a,a mi uap a na ṭhin thonain vawiin ang em em a mi uap nat hi a la nei ngai lo.




A thawmhnaw min pek lah chuan min ha zawk takzet a nih hi,kekawr phei hi chu ka lu ṭanga ke ler thleng pawhin ka ha chhuak thei vek ang mawle....,room ka va lut leh chu khumah thatchhe zet a lo muin phone a lo khawih niap niap a. Thawm ka neih veleh chuan min en tlang vek a tum a maw tih mai turin ka chhip ṭang ke ler thleng chuan min en chhuak vek phawt a,thaw hawkin a rawn zuang tho zawk a,min dinchilh ran,ka mit ka lo chhing tawp ringawt....


"Uniform hi Nu Maawmi ka zuk tih ro tir ang,lo awm rawh"ka kut a form ken lai chu a la vut a,zimtein ka meng diar diar a,kawngkhar a a pil zuai chu ka hmu hman. Ui.....ka zak lutukkk,min lo.pan dan zawng zawng kha,a movie lutuk a,tiang hunah khan changtupaten changtunute an kiss ṭhin sia,chuvang chuan ka mit ka lo chhing vel ringawt a,awi ka chhe reuh ngawt anggggg......






Khumah pawh ṭhu chuang lova ka dinna ngai a ka lo ding reng chu min en chungin khumah chuan a ṭhu thla a,min en vang vang a,mitmeng hriatthiam har zetin min melh bawk,thinrimnate a telin ka hria,tim daiin zum zuiin ka en zuk zuk a. Ka awmdan laih kual vel zia chu naupang zak zum deuh châng sawi tur zak lutuk,awm vel nguai nguai ka ang ngawt ta ve ang.
"Khata ding reng lo khan lo ṭhu ta che"a rawn ti thut chu ka phu zuk leh nghal a.
"Hrep taka"tichhuak hrawkin min rawn panin ka bana min kaiin khumah chuan min ṭhutpui nghal ṭhuai a. Ka mittui a tling nghal piau mai.
"Hrep hian a,enge Zirtluangpui,i ṭah rikngawt a?"a rawn ti hrawk a.
"Ka ṭap bawk lo,nangmah zawk enge i thinrim rikngawt a?"duhaiin ka aw a khur nasa mah mah a ni.
"I thinrim a maw? Thinrim tur zawk chu keimah hi ka nia sin,engtinnge min lo kawp ngam zawk a?"a ti hrawih a.
"Maw?"mak pawh ka ti love,ka hrilhhai fe zawk,ruah do han ṭhakin hlim tawkin an inah kan kal ve em em a,chuan hetia inringhlel leh hnihne mai mai tur hi kan ni tih lo hria ila chu ka kal hlek lovang.





"Hrelo der vel suh,min kawp a nih chuan ka chet dan tur kha ka la hrilh lo che a ni maw....,tunah hian ka hriat lai ngei hian ṭhen nghal rawh,chulo chu ka sawisa hrep dawn a nia,chuan nangpawh i damchhungin min ṭhen thei silo min nei thei silovin hreawm takin ka siam bawk ang che,tunah ṭhen nghal rawh"tiin phone chu a lo theh phei pawp a,a phone a maw a en ka lo tih kha ka phone zawk a ni maw.....







"Mi ka ṭhen dawn a nih chuan chu chu nangmah hi i ni ang...."
"Engmaw i sawi?"ka sawi zawh hma.hma chuan min lo pawt chat nghal pawp a,nui ri hakin blade ai pawh a hriam chuan min melh ngar a.
"Keihi min ṭhen i thlang zawk a maw??? A teuh lo,ka ṭhen che a nih loh chuan maw....nang hian min ṭhen lovang,engtikah mah tumahin an neih leh duh tawh lohna tur chein ka siam ang che"tiin min rawn bawh nghal ṭhuaiin ramsa koham ai pawh a rapthlak zawk hian min rawn fawp ngawng ngawng a,ka tal vak vak a,ka kut pahnih chu chunglamah dah chhoin nghet takin a man a,min fawp pah reng chung chuan a kut pakhat chuan ka kawr haklai hlim a tum a,nasa taka ka tal ve vang chuan a hlim thei mai lo.....vanneih thlak takin kawngka an lo kik hlauh a,Nu Maawmi a tih kha ni ngei turin ei tur min lo pe chu niin,phun hlukin a tho a,pyjama nen chauh a awm a ni bawk a,a kekawr hma pawng luah pawh chu a hriat theih,ka luak a chhuak ut ut,ei tur la a lo let leh chu chhuatah khum ngheng a ka ṭhu chu min lo en zawk tih ka hrethei,ka ṭahchhuah loh nan leh ka luak loh nan ka insum hram hram a.....







"Vawiin ni atan plan tam tak ka lo nei ve a sin,mahse nangchuan keimahah chauh lungawi lovin i lo awm kual vel a,chuan kei min ṭhen i duh zawk bawk a,kal ta che,tunah hian kal nghal rawh,mahse rawn let leh theih chu inring suh ang che,i bialpa keiai i thlan zawk bulah chuan va hlim mawlh ang che"ka insum thei tawh lo,hmanhmawh takin bathroom lampan chuan ka tlanchhuak a,commode ah chuan ka luak bawk a,european type a nih vangin ka hawng ṭha mumal hman lo,a tlangte chu ka luak khum nual.....,chau hnapin ka ṭhu zawi hnawk a.....ka tha ṭhumte a zia deuh hnu chuan muangchang a thoin roomah chuan lutin ka bag chu ka la a,Lucas pawh en leh tawh eih lo chuan kawngkhar chu ka pan a,ka chhuak tur chiah tih chuan insut ri hrawih ka hria,ka pen leh tur chiah chu
"Khawngaihin kal suh....."aw khur ngar ngarin a lo tichhuak a.
"Khawngaihin min kalsan lo hram teh,ka ngen a che,ka â thei mai ang"pen luih ka tum ngial nain a aw a natna nasa tak lang chhuak tel avang chuan ka thei ngang lo,ka hawilet ta nge nge a,nichin a ka ṭhutna khum bulah chuan ṭhu sawpin a chal a lo dawm a.....
"Min kalsan lo hram rawh aw....tumah kawp hi ka duh lova,kawp nih pawh ka duh hek lo,nilo.....min kawp mai rawh,na ti hle mahila ka tuar mai ang,mahse khawngaihin min hnungchhawn lo hram teh"ka insum thei lo,let lehin ka va kuah vat a,min ngheng chungin a ṭap khur hlawk hlawk a,ngei viau tur leh thinrim viau tur ka nih laiin lainatna hlirin ka khat tlatte hi ka inhrethiam lo,nichin maiah khan ṭawngkam na tak takin min ṭawng khum a nih kha,chuan......min.....sual luih a tum bawk a,anchhia lawh khum hrep a kalsan vang vang tur ka nih laiin ka darah ka bei tir hle hle zawk a nih hi,midang chuan ka â emaw an ti ngei ang,ti pawh nise ka dem lo,ka â miau a lawm,Lucas zunzam hian min ti â vek tawh a nih hi.....Lucas ta ka nih theih chhung chu at zel ka thleng e.









"Min kalsan dawn lo tiraw...."khumah in hmatawn ranin kan mu a.
"Kalsan tur chein min duh kha"
"Aih,ka duh lo,min kalsan hi ka hlau ngawih ngawih,ka â thei tak tak mai ang,min kalsan ai chuan min kawp zawk mai rawh ka tih chu....."rilru nat hmel tak chuan a ti chhuak hrawi a.
"Enge maw kawp chu i sawi ve ziah le??? Sawi chiang ve la,ka hrethiam hlawl lo a nia" thinrim takin ka tichhuak vak a. Phone chu banin a hmeh niap niap hnuah min lo pe a,Rakil tih hnen aṭangin Tetea nen nikum a kawn chei kan fan dunna thlalak a lo ni,Tetea chu ka hnungah dingin a kut suih zawmin min kuah vei than a,keiin a kutsuihzawm chu chelhin in entawn ve vein kan nui sang bawk a,a caption ah chuan harsatna a tawh pawh a kalsan ve ngai lotu a nei chu a lawm em em a,kei min neih chhung chu engmah dang a ngaih loh thu leh a ex inngaihbel theih turin hma a sawn tawh zia a zep tel bawk,a hre ngai lo tan chuan kan awmdan leh caption zawng zawng en chuan kan inngaizawng emaw tih a awl hle ngei ang.






"Chuan he thlalak vang hian maw khatia i chet vak a?"ka thinrim chu ka insum ṭang ṭang.
"I ex vel mai mai a nih ka rin thu ka va hrilh chuan hman aṭanga tun thleng a inla nih thu leh i phone te pawh check turin min hrilh a,mahse chutiang mi i nih ka rin loh vangin ka check duh lem lova,mahse bathroom i luh kar khan message a lo thleng a,no. 1 tih hnen aṭangin a nih vangin ka en chak lutuk ka insum thei thlawt lova,ka en ta a,'vawiin chu ka ngai hle mai che,ka bulah awm la ka ti'tih a ni kher bawk nen,in message hlui ka chhiar a...."
"Chuan ani nen chuan ka kawp che i ring ta a"thinrim takin ka tho hluai a.
"Ka hrilh ang che,he khawvelah hian i awm ve a ni tih pawh ka hriat hma hauhin ani nen khan kan inhre tawh,hun harsa leh pawimawh,engkim mai min paltlang pui a,ka kianga awm zel ṭhin a nia sin,khawvel a ka ṭhianṭha ber a nih kha,in pahnihah hian duhthlan ngai ta se,ka thlang zawk kher ang che ngem ka hrelo,chutiang khawp chuan ka tan a hluin ka hmangaih a ni"hriam.hrakin ka ti chhuak hawk a,chutiang em em engtinnge ka sawichhuah theih pawh ka hre bik lo,na a ti a ngem pawh ka ngaihtuah thei lo,engmah min zawt fiah hmasa lova mi thusawi a ring chu ka thinrim hluah hluah.
"Pawi ka ti lutuk,i thusawi bak tu thusawi mah ka awih tawh ngai lovang,ka duh lutuk che hi ka lo possessive leh mah mah ṭhin a ni,ka tihpalh lutuk"rawn tho vein min rawn kuah a tum chu ka lo tawlh sawn hret a
"Engkimah mahni a thuthlukna siam hmasa mai lovin kan inrawn zel tawh ang tih min tiam phawt la"
"Aih,ka tiam lovang che,ka lan tir zel zawk ang,mipa chuan thu a tiam mai mai ngai lo,a lan tir zawk ṭhin"a ha ui ngho ṭothuah mawi zet lang chuan a nui ver ver a.
"Awle,....ka ring ang che...."thinrimna nei ve ngai lo mihring ang maiin thianghlim takin ka nuih ver ver a,a kut pahnih chuan min kuahin ka sam pheng nuai chu zep ṭha pahin
"Mahse no. 1 tikhan i save sia"
"Kid no 1 tihna"a nui ver ver a.
"Ka tihpalh lutuk,na te i nei em?"inthiam loh hmel tak chuan a rawn tichhuak sap a.
"Aih,helai tih loh hi chu na dang engmah ka nei lo"tiin ka thin zawn chu ka khawih a.Nui seihin
"Khawi,ka lo hmeh sak ang che"tiin a rawn phar vuah chu lo vai sawn pawpin
"A dam tawh,hmeh a ngai lo"ka ti hmak a.
"Aih,a la dam lo tih ka hria lawm,khawi khawi"kan inpawt vak vak a,ka rin loh lutukin ka zak a rawn dek vak a,ka khek tuar tuar mai,a zangthal zawngin nui bawk bawk chuan kan let dun ngat a.









Rawn indawm kangin ka hmai zawnah tak chuan min melh kar a. Ka chil ka lem ri khalh chu
"Oh,come on,tikhan awm ṭhin suh ka tih kha,ka insum theihna bang i ṭhia......"a ṭawng tui lak lawh lai chuan a hmuiah chuan rang tawkin ka chuk zeuh a,a hamhaih rei lo,min rawn fawp zawm nghal a,a tir chuan dam dapin min fawp a,a duhthawh tial tial,keipawh ka bang bik lo,kan thaw rang dunin kan sa dun pup pup nimaiin ka hria,ka mal zawn velah chuan thil sak deuhin min do ṭun leh nghal.
"Khawngaihin"a rawn ti tham.ṭiak a,engvang a khawngaih min dil nge pawh ka hrethiam love.....Ka pum vel chu a zut kual zel a,ka za chuai chuai mai,ka hnute chu thleng chhovin ka bra chhanah chuan a khawih zawm char char a thilṭha lo tak a ni tih hre mahila engtinemaw tak hian nuam ka ti riau si....dang turin chakna ka nei lo,nilo,lo thleng tur hi thleng turin ka duh zawk niin ka hria....Ka inrinloh lai chuan ka bra chu ti tawm chho vekin ka hnute a rawn ṭham chat chu ka phu zawk mai.Min fawhna thlah zeuh chuan
"A vawikhatna?"a rawn ti hliai a.ka lu ka lo bu nghat,class 10 kan nih lai kha ka bialpa neih ve hmasak ber a ni a,min fight ve nasa ṭhin,mahse class 10 zirlai chiah kan nia,khatiang rilru a pu ṭhinte kha mak ka ti zawk,ka duh ve viau ṭhin khan ka hre sia,Lucas bul a ka feel ang hi a lakah khan chuan ka feel ve ngai lo reng reng,kan in kisste khan ka harhfim em em a,ka taksa chul kual a a pawimawh lai khawih a tumte khan ka dang hmak hmak zel kha nia,tunah erawh dan a hnekin min khawih belh zel se tih chakna ka nei zawk,ka la naupan tehreng nen ka zak zawk ngawih ngawih.







A kut chu sawn thla zelin ka kekawr chhung zen a tum chu a kawng a suihna a awm vangin a thei mai lo,phun hlukin hmanhmawh zetin kut khur der derin a hrui chu pawh phelh a tum a,a thei mai lo chu a phun leh hluk ṭhin,chutia a chet vel lai chuan kan piah maia darthlalang lian tak awmah chuan chiang takin ka va inhmu a,ka rilru nu but chu a harhfim nghal vek,hlauhnain min rawn tuam nghal hlawp hlawp a,a kut chu ka man chat a,mak tih hmel takin min lo en chho ha,tisa chakna vang chuan a nghawng thisen zamte chu a pawng ṭawlh ṭawlh a,a sen vek bawk. Ka kut phelh a chet zawm leh mai a tum chu
"Khawngaihin"ka aw a lawi lutuk,a hmaa ka phurna zawng zawngte kha hlauhnain a rawn thlak a,ka sa pup pup a. Ka hmel a hlauhna rawn lang chu a hai lo nasa
"Tinge,bawihte....,khatia i awm?"Min rawn hnaih chilhin ka biang pahnih chu a dawm vat a.
"Ka haw duh"ka mittui a rawn sur nghal zung zung a,an in a ka len chhan hi he thil ti tur hian a ni reng reng lo,ka nu leh paten school min kaltir chhan pawh a ni hek lo,chutah class tlanboin mipa inah ka leng a,chutah hmeichhiate kan inchhuan ve theihna awmchhun ka thianghlimna chu ka hlauh ṭep bawk a nia,ka inzahpui takzet....
"Ṭap lo hram
teh,khawngaihin...."hrilhhai zetin a chal chu a tuai puat a.
"Ka haw duh......"ngen tak tein ka ngen tawh
"Awle...awle,ka thlah ang che,mahse bang phawt la,ka vua che a maw an ti palh ang"a ti chu ka ṭah nuih hawk a.
"I hmai vel lo phih fai la,chumi chhung chuan i form ka zuk la nge"min kaithoin ka bianga fawp zeuhin min chhuahsan nghal a.










"Mate"choka ṭang chuan kan luh tirh a sitting room a ṭhu nu kha a lo chhuak a,Lucas chuan en pawh en eih lovin ka kutah kaiin chak tawkin min kalpui hmawk hmawk a.
"Zonunmawi,ka koh che chu"a rawn rak ṭhat,ka phu chiang lutuk.
"Min hrawk suh"thinrim takin a au chhuak ve thut chu ka phu leh zawk a,hrechhuak thutin min rawn kuah nghal vat a,keiin ka awm ka lo dawm ngawt ngawt thung,an chhungkua a ka chen hian chuan lungphu chawlin ka thi thei mai ang,keini kan inah ṭawngkam vin eih pawh kan hmang ve ngai hauh silo...
"Ka lo let leh hunah kan sawi dawn nia"zaidam zawk chuan a ti leh a,ka lungphu la dik hlei thei lo.Min pen pui leh a tum chu
"Zonunmawi,i ṭhiannu kha ka hmu ve duh a lawm le....,lo kal teh Mami"ti leh nghal zatin min lo hui a,Lucas lah chuan nghet takin min chelh bet tlat a.
"A lo kal kher a ṭulna ka hre lo,tikhan i hmu tawh a,i lungawi tawh em? Kan kal thei tawh tiraw,ka pi"tiel tak chuan a ti leh vak a,awmdan ka thiam lo,ka lai kual vel vek,a awmzia ka hrethiam der silo. Henu hi a haw hle tih chiah ka hria.
"Tunge i hming? Ka fapa nen hian eng inzawmna nge inneih?"





"A tawk,i buaina turah chauh buai ang che"
"Ka fapain hmeichhia hriatchian loh ruih hmel tak a rawn hruai lut a,room ah rei tak a tawm.pui bawk a,chu chu enge ka buaina tur a nih loh na?"mitmeng hriatthiam har tak chuan min en kual vel a,tunah khan ruih hmel tak a ti em? Kha kha keimah a sawi na?
"Ngawi hmak rawh,i lo buai vena tur a awm lo,nang zawk kha nih kha rui,i kâ vawikhat pawh i ang leh a nih chuan a pawi khawp ang"thinrim taka melh rawm rawmin min pawp hlawk hlawkin min chhuah pui ta a.











"Kein kan haw mai ang aw....,a pawi em?"thinrim ve ngai lo ang mai a hmel zaidam chuan min lo nuih ver ver a.
"Aih,pawilo"
"Ihmaw....scooty chu a awm thova,mahse ke hian kan awmdun theih chhung a rei dawn a"naupang chhia zetin a lo ti leh a,ka kutah a kutṭang rawn rawlh lutin
"Hetia ka ta i ni tih hriat zet a vawn che hi ka chak thei lutuk,kan veng a ni bawk a,ka vuan mai ang che aw"a rawn tih zawm leh nghal zat a,sawi tur pawh ka hre ve lo,nichin mai khan meidil ang mai a sa khan a thinrim a,tunah vanram ang maia daiin a awm leh tawh sia....
"Bawihte,cool deuh khan awm lo teh,khanu thusawi kha chu ngatan mah ngai suh aw...."
"Tunge kha nu kha?"ka tichhuak phawng.
"Min hringtunu"sak ṭalhin a rawn tichhuak hak a.
"Amah kha a ruih vangin i mitmeng hi a cool sa ve sia,ruah kan do zawng zawng nen i cool zual lutuk kha i rui a maw a ti mai mai a nih kha,ani thusawi ve kha chu ngahmah ngai suh aw...."a rawn tichhuak ṭawk a.
"Rui a tih kha keimah maw?"keimah ka ni khan ka hrereng a.
"Aw,khami vanga lungawi lova ṭawng ṭha duh lo i ni lo mi?"
"Aih,keimah min ti lo a maw ka tia,ka rui bawk silova"rawn nui hakin ka biangah a piai zeuh a.
"I van duhawm tak,i rilru ṭha leh lutuk hi chu aw....,mahse ka duhna tizualtu che a ni leh lawi si"a ha ui ngho lang kalh chuan a nui sen sen a.
"Kan thleng e,zanah ka lo bia ang che aw...."hawi kual thuak thuakin ka hmuiah min chuk zeuh a,ban vai lauh lauhin nui sang chungin min liamsan ta a.










Lucas POV


"Engtinnge khatiang khan a awm ve reng laiah i tih theih zawk?"thinrim lutuk chuan a thingpui inna no ken lai chu ka paih sak pawp a,ka putea'n hnawk min tih tawh sa nen thinrim lai hian bungraw tichhe zawngin ka che ve ziah lehnghal a. Min an khum leh mai rawh se,engemaw tal ka tichhe lo a nih chuan he nu hi kut ka thlak duh mai ang.
"Zonunmawi,i va han zak thei lo tak,hmeichhe ruih ching i rawn hruai lut a,room ah i tawmpui char char a,chutah kut min thlak mai inpeih atin min la rawn hmachhawn ngam a maw?"a lo ti ling ve hlar a,ka va han ei lo tak,a inhnawih duk ropui si,hmeichhia chu nilo se kut ka thlak hial tawh ang mawle....
"Zak thei lo chu nangmah kha,rui pawh nangmah tho kha i nih kha"ka thinrim lutuk ka khur zawih zawih,a point ah pawh ka lut thei tawh lo.
"Vawikhat mah ka piantirh ata ruihtheihthil hi e....i rawn hruai luh mi hur nu leh nang ang lo takin ka la ti ve ngai lo aw..."inchhuan hmel tak chuan kut kuangkuah atin a ti a.Ruitheihthil a ti ngai lo tih chu ka hrechiang lutuk,mahse khati vaka Mapuii a rawn puh chhia kha ka thinrim em a ni.
"Haha.....i piantirh ata vawikhat mah i la tih ngai loh chu i chhuang viau a maw....ka hrilh ve dawt ang che,ani khan vawikhat pawh ruihtheihthil hmel hi a hmuin a la khawih ngai lo tih hi lo hre ve ang che,mi hur a ni bawk hek lo,khatiang zawng a a chungchang i sawi leh a nih chuan thilṭha lo ka ti duh tak tak ngei ang"zawi tak si mahse rum ul chuan ka tichhuak hrawih a.



"I va ṭan ve a,a hmelah khan a rui tih a hriat em kha,sex in hmang zo hlim chiah tih pawh in hmelah khan a hriat ngawih ngawih bawk,fimkhur viau ang che,a nih loh chuan in hur man inla tuar ngei dawn a nia"
"Ihmaw....nang angin sex kan hmang a nih pawn a rai kher lovang,rai pawh nise ka nei ngei bawk ang"ka hmai her bawih khawpin min beng ṭhuai a.
"I va han zak lo em em ve,khatiangte a mi ṭawng khum le....,nute ṭawngkhum dan tur a ni em ni? Titla tur che a min tihlai khan lo titlak daih tur che hi nia"thinrim seh chilh nak nak chuan a rawn ti vak a.
"Nu a,....nu ka nei ve a maw? I sawi dik chiah tinge min lo hrin kher kher le?? Dam lai aṭanga hremhmun a seilian tur hian tinge min lo hrin? Ka haw lutuk che....,"
"I nu angin min pawm duh lo mahla i nu ka nihna a bo chuang lo,chuvang chuan i hmakhaw ngaia thil ka hrilh che hi zawm la,i tan a ṭha a ni mai"
"Pawm tur a min duh lotu chu nang i ni lawm ni? Ka tette ṭangin ka ṭhiante zawng zawngin nu tia koh tur an neih ve laiin nu tih ṭawngkam hi ka tan van a rah ang a ni...nu tia koh che a i ang chhung a tluk luh ve kha ka chak thei lutuk a sin,....mahse....nu ka nei ngai lo hrim hrim"ka kut chu ka hum ruh ngawt ngawt a,ka ṭawng chu ka thinrim ang hu pawn ka ṭawng ring thei lo,ka taksa pum chu thinrimna vangin a khur ngawt ngawt bawk.








"Ngatinge nu ti chuan min koh mai loh,tinge ka ang chhungah chuan i lo tluk luh mai loh a?"
"Hah....,a chhan i hrechiang khawp ang chu....,nu tih aiah Nubawih tih min zirtir a,ka ṭah emaw na ka neih pawn min buaipui ngai lova,i ang chhunga rawn tluk luh kha chak mahila min huatna mitmeng hlir a min en ṭhin vang khan ka ngam lova,min huat tawh loh nan nasa takin ka bei a,engkimah ṭha ber nih tum ngat ngatin hma ka la ṭhin a,mahse e.....nangnu hian maw...min tibeidawng tawh a ni,ka nun hi class 10 kan nihlai aṭang khan a beidawng daih tawh,tinge hremhmun a ṭhanglian tur hian min lo hrin reng reng?"ka mittui chu dan rual lohin a sur zung zung a.
"Ka hua che a maw i tih vang mai mai a nih kha,nang hian ṭhat i tum ngai lo hrim hrim,i pian hma at tawh tunthleng hian buaina min thlen loh lai i nei ngai lo"a rawn ti hriam leh hrawih a.
"A ṭha e,....chutizawng chuan maw i lo ngaih a? Ṭha lutuk,tun aṭang phei chuan buaina lian leh zual zawk ka thlen zel tawh ang che"nuih za lo zet chuan ka nui a.
"kha mi hurnu kha ṭhen la,nasa takin lehkha zir la,chutichuan ka mit i tlun theih nan i bei tih ka hre thei chauh ang"
"Ngawi hmak rawh,tia i ko leh nih chuan i ringruh kha ka herh tliak hmak ang,ka damchhung hian maw i mittlun leh hi ka tum tawh ngai lovang,min lo enliam mai mai la i tan aṭha zawk"Ka hnek mai loh nan ka inhum ruh ngawt ngawt.







"Mawl viau suh,i putea mit i tlun a ngai,hetia awm mai mai hman i ni lo,lehkha ṭha takin zir la,he in, min hmuhsit em emna ṭang hian min hruai chhuak vat ta che"zawi te chuan a rawn ti chhuak a.
"Lei hremhmunah hian kan awm tlang ang chu,thih hnuah pawh hremhmunah tho kan inhmu leh dawn nia"tiin ka kalsan ta a.



-----------



"Keihi sawn,pain a duh loh,nuin a duh bawk hek loh ka ni,ka nu pa(ka pu)te bulah kan khawsa ve a,ka pi damlai chuan ka piin min enkawl chawt a,min duat thei hle,ka la hlim ve viau ṭhin, Nubawihi hi ka nu a ni tih ka
hria a,mahse nu tia koh a duh lo hi mak ka ti hle ṭhin,naupang dangten an school bang chiah nu tia an au haw ṭhin laiin pi tia koh tur bak ka nei ve ngai lo,pawh ka tum viau ṭhin a ,a mit pawh tlun ka tum ve nasa,mahse a chezia leh mitmeng tinrengin min hnar si....







Ka upat tak hnu chuan duh loh ka ni tih ka hrethiam chho zel a,suallam kawng chu ka zawh ve ṭan ta a ni,ruihtheih tawh phawt chu tih loh ka nei lova,in chiu chi erawh hriau ka hlauh em vangin ka ti ngai lo,ganza a bik takin ka heh em em a,ganza mood a chen nuam ka ti ber,hremhmun aṭanga min hruai pengtu a ni miau ṭhin a,kan chhungkuaa min lawm vetu awmchhun ka piin min boral san phei chu tumah neih ka nei tawh lo,chawmhlawm mai kan nih vangin ka putea chuan hnawk min ti em em a,min khei deuh a ṭawng a ching fo,ka pu lah chuan nupui thar a nei leh nghal a,puitlin vek tawh hnu a nuhrawn hrawn leh chu ka nute unau chuan nuam an ti lem lo khawp mai.






Ka chhungte chu an hausa a,ka pu hi contractor a ni a,ka pi thi ta kha zirtirtu a ni bawk,ka putea chu Officer a ni a,val senior a ni. Ka nu erawhin thawhchhuah a nei ve lova,tinge thawhchhuah nei vek siin ka putea hian min huphurh viau chhan ka hre bik lo,a tir chuan ṭhahnemngai takin ka zir a,ka inthlahrung thei em em a,in tihfel leh sekrek khawihte pawh a theih na naah ka ti ve ṭhin,mahse ka lo upat ve tak hnu chuan sual a chak bawk a,ka khawhar inhnem nan ruihtheih thilah ka tlan a,min kawhhmuhtu chu ka bialnu keiai kum 5 a upa a ni,ruihtheih thil kan ti nasain sex pawh kan hmang dun nasa,ka bialnu chu hremhmun sa lai aṭanga tlem a dai deuha min kaisawntu niin ka ngai a,ka hmangaih hle bawk,mahse kei naupang mai,chhungte duh loh chu neih tlak ni hek lo,pasal min neihsan ta nge nge a,ka tuar viau nghe nghe,a pasal neih hnu pawn kan la inbe fo,mahse midang kawr haklai hak pui duhna thinlung pu zawng erawhin kan inbe ngai lo,hmeichhia chu mutpui tur bialnu pawh ni kher lo an tam em a,ngaihzawng ni silo,zu in pui a mutpui ka ngah tawh mai,sex ah ka tuihal a,a tello chuan awm har ka ti viau tawh a ni,ruihtheih thil tello chuan ka awm thei lutuk,mahse sex kher hi chu a tello a awm har ka ti hle.









Rakili ka tawng leh a,kan khaw bul mai aṭanga school kala rawn awm a ni,a vawihnih nan bialnu ka nei leh ta,ka duh ve viau a,sex erawh ka hman pui lo,amah a inno em avangin khawih chhiat kha ka hlau a,hun remchangah midang ka mutpui thung ṭhin,mahse vawikhat chu chance kan neih dunnah amah zawkin min sawm ta zawk,mak pawh ka ti,mahse hmeichhiain sawm ta na nate chu tunge hnar duh teh lul ang ni,chuta ṭang chuan hun fal kan neih zatin sex kan hmang dun ta ṭhin a,a hnuah min kawp tih ka hrechhuak a,ka ṭhen ta hmak a,min lo biak leh tum viau mahse ka be chhunzawm tawh lo,bialnu chu ka nghei ngai lo,bialnu nei lova awm ka thiam lo,a chhanchu an lakah chuan duatna leh nawmnate ka dawng ve thei tlat a,mahse sex kan hman dun chuan ka hne zung zung a,ka ṭhen leh vat ṭhin,ka bialnu hmasa ber chu ka ngai em em ṭhin a,sex kan hman dun zawh hnu khan hne viau ṭhin mahila a reh leh vat a,a kiangah kha chuan ka hlim ve viau ṭhinin ka hria,ka rilru suk thlek a man chakin min hrechiang bawk a,min tilawm hneh viau.







Duhtawk phawt ang,ka chanchin hi sawi zel chuan a rapthlakin a tenawm a,sawi nuam pawh a ni lo,chutiang khawp a nunhlui ṭawp hnawk neitu hi min la pawm thei cheu a ngem? Hun ka pe ang che,i kal duh a nih chuan ka phal lai hian kal rawh,chutilo chu ka kal tir phal tawh dawn miah lo che nia aw"





---------------



Lucas in a chanchin min hrilh laia ka ṭah nasat ziate kha aw.....,ka duh anih phawt chuan ka kalsan theih tur thu min hrilh laite kha,engtinnge ka kalsan phal teh lul ang le? Tleirawl lai hmangaihna an tih ngei mai khan min phuar hneh em a sin.




"Mapuii...,eng thuthlukna pawh siam dawn la,chumi hmaa i hriat ngei tur a ka duh chu.....,ka tawn aṭang che hian tunge ka nih intheihnghilh ṭhak khawpin ka nui ve ṭhin a,hlutna nei miah lo hi hlu ve ta riauin ka inhre ṭhin a sin,ka tan hian i hlu takzet tih hi hria la,ka hringnun a i lo lut hi ka lawm takzet a ni tih min hriatsak rawh aw.....,ka hmangaih che"


--------


"Hello"
"Nute,i tho tawh em?"ehe zing a ni tawh tih ka hre ve chauh,nunhlui ngaihtuahin ka tlaivar ṭhak a nih dawn hi....Ka phone riin ka suangtuahna aṭanga min kaihharh hma zawng kha chuan Lucas ta chauh ka la nia sin.Min la hmangaih bawk a....
"Aw,tho chiah lo"
"E,dar 10 a chhuak thei turin lo inpeih la,ka lo lam ang che,ṭha em?"phur takin Ruatpuia chuan a lo ti a.
"Awle,tehreng mai,daiper lo hreng ang che,chulo chu ka chhuahpui dawn miah lo che nia,anu te te kha kham deuhvin lo hne bawk la"
"Hei,Lalmapui,tikhan mi ti reng reng suh aw...,i chak lo khawp ang" a rawn ti vak a.Nui hawk hawkin kan inbiakna kan titawp ta a.





Hnathawk tura ka kal a nih lo hi chuan simple leh mi phuar ṭut lo hi ka ngainat em vang hian ka inchei tlangpui ṭhin a,vawiin pawn Mom jeans,Tshirt var a dum a ṭial hain Nike airforce var hlang ka bun a, bag ka ak leh tawp a,ka lang naupang mah mahin ka hria,mahse pawilo,ka chhuahpui tur hi a naupang thova,senior deuhva lante chu ka duh bik hleinem le....,darthlalang ka in en chuan ka lungawi tawk ve hle.....



Sana ka en chu dar 10 a ri ṭep tawh,lawyer tih takah hun a vawng dik thei viau sia tiin darthlalang a in enin ka sam ka siam leh thuak thuak a.....phone lo ri Ruatpuia a nih ngei ringin phur tawka ka en chu number hlang a lo ni.





Sumdawnna lama min be duhtute pawh an ni thei tiin awte thian te te phawtin
"Hello"
"Mapui,keimah Jacob,Lucas hi,....damdawi inah a awm a,ngaihtuah awm lutuk chu a ni tawh lova,mahse tun thlengin a la harh lova...."
"Khawi damdawi inah nge? Ka lo kal nghal ang"



Hmanhmawh takin ka tlanchhuak nghal a,engmah ka ngaihtuah thei lo,a chungah thil ṭha lo mawlh a thleng ang tih ka hlau......



Jacob chuan pawnah min lo nghakin min hmu chiah chu min lo pan nghal vat a
"I lo kal chu ka van lawm em...."
"Engtinnge a awm a?"
"Ih....,a reh lutuk kaitho tur a ka va kal kha room ah nikhaw hrelovin a lo awm reng a,tun aiin tlai hret ila chuan kan chhanchhuak hman lovang an tia"
"A OD tih na maw?"ruh lang rawt chuan ka sawichhuak phawng a.
"Aw...."inthlahrung tawk chuan a lo ti ve a.
"Ruihtheih thil a la ti reng a law??"
"Aw,...a in awm hlimna ber niin a ngai a,tihngaihna tak pawh ka hre tawh lo,tunah chuan chiu chi thleng pawn a khawih vek tawh"rilru nat hmel tak chuan a tichhuak hraih a.
"Doctor te chuan a harh har lovang an tia,a rawn harh ṭep tawh ang"a rawn tihzawm leh zat a.
"A ṭhat chu....."ṭhutna hnung ngheng chuan van lam enin ka thaw kawk a.
"Mapui,i phone kha a rikna a rei tawh lutuk a nia,alarm em ni ni zawk?"ka phone a ri tih reng reng ka hrelo,hmanhmawh taka ka lak chhuah chuan a tawp hman chiah,10 missed call,Ruatpuia hnen aṭangin,inhmu tur kan ni tih ka hrechhuak chiah,ka inthiam lo lutuk.....,kan ṭhutna piah deuh hlek a kalsawnin ka call back chuan rei pawh a ring hmain





"Mapui,khawnge i awm?ngatinge i biak theih miah lohva"hlauhthawn hmel lutuk chuan a lo ti vat a.
"Tunah tak chuan damdawi inah ka..."
"Maw,damdawi inah maw? I chungah nge thleng,khawilaiah nge,sawi rawh ka lo kal nghal ang"a lo tih chhunzawm nghal zung zung a.
"Aih,keimah chu ka ṭha,ka ṭhian zawk damdawi inah a awm a,hmanhmawh lutukin ka tlanchhuak a,engmah pawh ka rawn hrilh hman ta lo che a,ka tihpalh lutuk"ka inthiam lo takzet,a hna ṭhulh ṭhakin min lo lam ve awm sia....
"E...a nih tak chu,i ṭhian chu enge a ang tawh?"
"Tun thlengin a la rawn harh lova,mahse a rawn harh ve ṭep tawh ang"
"E,aw a lawmawm chu....,thilte kha ei ṭha la aw...."
"Ka tihpalh lutuk aw,...i hnate i ṭhulh phah vek sia"
"A ho lutuk,kan chunga thleng tur hi chu kan hre lawk lo em a lawm le....,i ṭhian chu dam ṭha vat se,engthawl zetin kan hmu leh zawk dawn nia,inthiam lo suh"ka van ngaisang tak,he nau hi chu aw.....
"Awle,ka lawm lutuk e,thil tui tawk ka la treat ang che"
"Yes,ka hrereng dawn a nia,daiper te ka lo hreng ve em em a,i lo kal leh silo hi chu a man i chawi ngei a ngai a lawm"ka nui chhuak hawk.....



------------




"I buai chuan awm kher a ngai lo nia aw...."inthlahrun hmel zet chuan Jacob chuan a lo ti a.
"Aih,buai love,..a harh chhuah hmate chu ka awm ve ang chu"
"Awle...,ka lawm lutuk,i lo kal duh pawh hi ka ring lova,ka lawm takzet a ni,a lo harhchhuah hun a i hmel a hmuh hmasak ber chuan a lawm ngawt ang"
"Jacob,khawngaihin tiang zawng khan ṭawng lo teh,nuam lo ka ti nia"nge maw min duh viau anga ṭawngkam.hi a la chhuah fo ṭhin ni.
"Hepa mawl zia hi chu ka hrethiam thei lo,a damna i ni tih hrereng chungin nat thlang zawkin engtinnge a kalsan theih che pawh hi ka hrethiam lo a ni,....min lo hrethiam lawk"tiin a phone ri chu a chhang zui nghal a.







"Mapui,engtinnge ni ang?hna lamah ka tello a tih theih miah loh an nei a,kan puin kal nghal turin min rawn ti a"
"E...kal rawh,keiman ka lo awm pui thei a lawm"
"A pawi lovang maw?"
"Aw,ngaihṭha deuh khan kal rawh,ka lo awmpui ang"
"Ka van lawm tak,ka zawh veleh ka rawn kal nghal vat ang,buaina awm nih chuan min lo be nghal vat dawn nia aw....,ka kal ange"





Khum bulah chuan kal hnaiin a hmel chu ka thlir vang vang a,ka mittui mawlh hi ka dang zo leh ṭhin lo,tun ang hunah pawh chhungte ngaihsaktu pawh nei lovin tihian a awm a nia.....a biang ruh leh ki em emah chuan dimtein ka chul a,nunhlui bawk a lo inlar leh ta......





-----------------





Lucas nen chuan kan la inzui ve zel a,a bula ka awm hian chuan tumah reng ka mamawh lo,Tetea a thik tlat ṭhin erawh hi chu ka chum bawk rawp chak thei a nia....,ka kalsan theih loh thu leh ka hmangaih thu ka hrilh lai a hlim hmel mawlh maite khan ka rilru a tina zawk tlat a nih kha.....,







Kan lo awm fo tawhna ṭhin an in huanah chawhnu class bunk in ka awm leh a ni.
"Tuna ka kalsan lo che nih chuan nakinah chuan ka kalsan thei tawh lo ang che i ti maw?"a mal chung a a muin a a kamis kilh chu ka khalh niap niap a,
"Aw..."
"ka ning thut chein ṭhen che pawh lo duh ta che ila ka ṭhen thei lo ang che maw?"
"Aw,thei lo"ka khabe leh hmui bawr vel chu a chul kual reng a.
"Timaw? Ka duh tawh lo che chuan ka ṭhen theih loh bik ang che"hmel ner nangin ka en chho ha a.
"A chhanchu maw engtikah mah min ningin min duh tawh loh hun i nei ngai dawn lo a"inring tawk lutuk chuan a lo ti a.
"I zaklo e....i va confi ve a....,,hmalam hun i hre lawk lo chiang emai"kan hmalam hunah pawh ṭhen ka tum reng reng lo,ka fate pa ni turin ka pawm thlap tawh,mahse a confi lutuk hi ka ngei a ni.
"Hmalam hun chu ka hre lawk lo lova,mahse i rilru put hmang tur chu ka hre vek,a chhanchu min hmangaih miau a,kan hmangaihte chu kan hmangaih lo mai mai thei hleinem"a sawi dik bawk siah
"Hmmm,lo nih tak chu"ka ti deuh hmuk a,nui hawkin ka biang tawn tawnah chuan a kut pahnihin min nem vak a nih chu,ka tal aih aih a,a hmingpumten ka ko vak vak a.
"I duhawm lutukk,tinge englai pawh hian min hip em.em reng bik le??"lungchim takin min thlir vawng vawng chu ka lai lutuk,lai tawka nui tetin a awm lohna lam chu ka melh ta ringawt a.
"Hei,a lai vel ka ti,tiphei kha chuan dimna tel miah lova khawih nawk nawk che ka chak lutuk"
"Hei,....Zonunmawi,i ṭawngkam a bawlhhlawh lutuk aw..."ka lai lutuk chu ka tichhuak vak a
"I ngai bawlhhlawh mai mai a nih kha"
"Anih leh.....nangin min lo duh tawh lo ta la....."ka hre chak,engtinnge a tih ang
"A thleng ngai lovang"fiah ṭha tak chuan a rawn ti fiak a
"A....i chet dan tur sawi ve hrim hrim la,min lo hne tawh em em a,min ṭhen tawp dawn nge midang min neihsan daih ang? Ka hre chak,sawi ve mai mai la"inla.meng no vel lutuk chuan ka melh a.
"I zawhna a mak thei emai"tiin ka hmuiah chuan a chuk zeuh a
"A....,fair lo lutuk,min chhang phawt rawh,chulo chu min kiss ka phal tawh miah lovang"tiin ka hmui chu ka hup tat a.
"Aw....."tiin a nui hak a.
"Ka duh tawh lo che emaw ka hne che a nih pawn ka ṭhen lovang che,mi ka ṭhen hmasa ngai lo,a pa lo ka ti,chu aiah chuan ka awmdan a danglam thut nga,ka hlat tial tial ang che nga,min ṭhen duh ngawih ngawih turin ka siam zawk ang che"
"Ehe....,a van na e...inṭhen ai pawn a na zawk,ka tawng ang tih ka van hlau"nui hakin
"A thleng ngai lovang,nangang hmeichhe duhawm.leh ṭha lutuk hi tu mipain nge hne thei che nga?"min rawn fawh tumin a rawn kun hniam leh chu
"Aih,aih,vawiin chu ti ti nan hmang ang,tiang kha chu dah ṭha rih ang"ka lo ti vat a.
"A ṭul lo,ka ṭawng peih lo,kan ṭawng dawn nih chuan haw mai ang"naupang chhia tawkin a lo ti vat a,ka nuih a tiza reuh lutuk
"Aw,i thu thu nimai lawm....,nihchuan nidang leh zelah pawh kiss chu sawi loh deh pawh min dek tawh miah suh ang che,ṭha em?"tia thawh ka tum chu min pawt let pawp a.
"La mu rawh,i duh chu min zawt la,ka lo chhang zel ang che,mahse i hriat kha,ka chanchin hi a ṭawp hnawk a,i ngaihthlak ngam dawn leh dawn loh a nimai"phur tawkin ka mu ṭha leh sawt sawt a.
"A nih leh khawvelah tunge i hmangaih ber?"
"Chu chu ka chhang lo thei ngem?"hmui pet sawi zeuhin a lo ti a.
"Aih"
"A....ih,nih thinrim suh aw....,Debbie"
"Debbie maw? Tunge chu chu"
"Ka bialnu hmasa ber kha"tim deuh dai chuan a lo ti a. Chiang fahranin ka mitah a en bawk,enge ka ngaihtuah hriat a tum niin ka ngai.
"E....,"ka ti tawi tak mai,min hmangaih thu min hrilh a,mahse a hmangaih ber chu a chhungte pawh nilovin a bialnu hmasa ber a la ni reng maw,ka lo zawt kher kher chu aw....lo haw daih ila ṭha tur ......
"Ka sawi duh lo ka ti reng kha,tiang hmel kha pu lo teh,ani chu khawvel a ka hmangaih hmasa ber leh hmangaih ber a ni a,nangpawh ka hmangaih lutuk che,mahse ani chu harsatna leh manganna ka tawh lai pawh a ka kiang a awm reng ṭhin,min hrechiangtu,engkim a min buaipui ṭhintu a ni a,hmangaih loh ngawt chu
a harsa a lawm,mahse ka duh ber leh ka thlan chu nangmah i ni tho"min hnem tum zetin a lo ti a,mahse a thilsawi chuan min tina fe zawk.







Hmangaih pahnih a rualin a neih kawp theih loh,ani khan amah thlang lova pasal a neih san vang mai mai a ni ka kiang a a awm theih ve chhan chu,a ṭawng kiah kha chuan khanu kha lo kir leh seng chuan min kalsanin ani kha a pan daih ang chu....
"Tinge i hmangaih em em a?"sawi tur a vang ṭalh ṭalh e....
"Ka sawi kha,ani chu engkimah ka tan a hmasa ber a ni a,nunkawng min zawh chhoh puitu a ni a,ka harsat lai leh mangan lai pawh a min thlahthlam ngai lotu a ni"
"I harsat leh mangan lai a kalsantu che pawh amah tho"
"Nilove....,a chhungten pasal nei turin an nawr lui reng a,keimah nena inkawp kha an remti lova,tuithlarte hial an tum a,keilah neih tlak ka ni silo,min kalsan kha atan a damchhung nawm nan a ṭha zawk a lawm"ka lo ṭawngchhuak a ni maw....,a ṭan ve vet vet hle mai,keichu niila ka kalsan hauh lovang,amah ka neih dawn phawt chuan engkim.chan ka huam.
"Ani chuan nun thar a bulṭanin nuam takin a hringnun a hmang tawh a,nangchu thim.thuk taka cham hlen turin a kalsan che a"a....ka lo ṭawngchhuak zel a nih dawn hi a.








"Ka duh thu ngei a la awm ka ni"
"Ani chuan ruihhlo leh sex tellova awm thei lovin a kalsan che a"
"Ngawi hmak rawh,a chanchin khatin sawi hlek suh"a rawn au chhuak ṭhawt a,keipawh ka bang bik lo,thinrim takin ka tho hluai a.
"Ka sawi dik lo em ni? I tana ṭhatna tur engmah tilovin a chhe lam hlir hnutchhiah chein a kalsan che a,nanglah chuan i lo la hmangaih em em a"
"Zirtluangpui,ngawi rawh ka tih chu,a chungchang khatiang zawng a i sawi dawn a nih chuan i kal thei ang"awih loh lutuk vang a nui hawkin
"Aw....,Lucas i lo ropui ber e,ka kal khawp ang,i hmangaih hmasa ber leh a awmchhun chu pan mawlh ang che,vawikhat mah min rawn be leh tawh suh ang che"rum lutukin min melh a,a kut a hum ngawt ngawt bawk,ka awm.zel.chuan kutte pawh min thlak duh mai ang mawle...,,thinrim deuhvin ka chhuak tur chu ka bag ka theihnghilh leh pek,va let lehin amah pawh en eih lovin ka bag chu ka la a.








An veng hi kawng hnuai lam daih a awm a nih vangin a reh em em a, Rickshaw lo tlan hmasa ber ka phar ang ka ti kha nia,a vang phian lehnghal a,kawngchhak lamah ka kal a,Lucas chu bike in ka lam pan a lo tlan chho mek chu ka zu hmu hman,inbihrukna remchang ka melh vat a,zunin phenah chuan ka ṭhu ta ringawt.





Lucas chu kawngpuiah lo chhuak chhoin a hawi kual thuak thuak a,chak zetin ka kalna lam ni a rinah chuan a tlan nghal nimaiin ka hria. Rickshaw emaw taxi phar tur awm mai bawk silo,min lo hmu leh ang tih hlau zetin fimkhur tawkin kawngsirah chuan ka kal ngat ngat a,taxi a rawn tlan ve hram ka phar vat a,kan veng lama kal tur a la ni lo zui,kan inbiak mek lai chuan
"Zirtluangpui"fiah ṭhak a rawn titu vang chuan ka phu lutuk.Ka hawna tur lam ni lo mahse tlanchhiat san ka duh em vang chuan kawngkhar chu hawngin luh nghal mai ka tum chu min rawn pawp vak a,a ri ṭhawt a,ka kamis a thler niin ka hria.
"Ka pu,a lo chuang dawn lo,i kal thei ang"tiin pawisa 200 note nimaiin ka hria a pe a,taxi driver pawh chuan min en dauh dauhin ngaihṭhat hmel loh zet chuan a tlan ve ta mai a.








"Min thlah nghal rawh,i van zakthei lo tak"ka au khum nghek a,thinrim zetin kan in panna lamah chuan ka kal leh nghal.
"Zirtluangpui,lo ding nghal rawh,ka tello chuan i haw dawn lo"a va han zakthei lo uchuak tak em,ka hmaa awm nise chu ka beng chiang ang chu aw....mahse a thusawi chu hrelo ang hmakin ka kal lui ngat ngat a.








"Zirtluangpui,ka thusawi i hre lo mi?"tiin min rawn pu nawlh a,kawngpui aṭanga hmuh theih loh lai turah chuan min kalpui daih a,tu emaw awmin min lo pui se ka ti lutukk....Ṭang tur hian tha ka nei tawh mawlh lo.








Min dah thlain nghet takin ka ban tawn tawn a min ṭhamin bangah min nawr bet ṭhuai a
"Min en rawh"hnuailam.ka melh lui tlat chu thinrim lutukin ka hnunga bang awm chu a hnek nghal chawrh a.
"Min en rawh ka tih chu,Zirtluangpui"ka hlau lutuk chu ka mittui a rawn tla nghal pap.Min ṭhamna lah chu a thip ngut ngut leh nghal.
"Ṭap hlek suh,khawngaihin ka thin tirim zual lo hram teh"zawi tak si rum ul chuan a ti a.
"Min thlah vat rawh,a na nia.."
"Ka tello chuan khawiah mah i kal lovang,keihi min kalsan a nih chuan zalen leh nun nuam a nun in ring suh ang che"a rawn ti leh hrawk a.
"Ka haw duh..."thawk pawh ka thaw ṭha thei tawh lo,ka ṭah hluam hluam loh nan ka insum nasa hle bawk.
"Hrep tak hian a"ka dinna bul a bang chu a chhuih dawt dawt a,ṭawngkam bawlhhlawh tak tak a awm tih pawh ka hriat ngai loh thlengin a chhakchhuak hman vek,a kut pahnih a tukhum a suihin vanlam enin a thaw kawk kawk a,insum a tum ve nasa hle tih ka hrethei,keilah zawi tawkin ka ṭhu hnawk a,ka taksa chu a na ngut ngut,ka ban a ṭhamna chu a zawi nguai leh nghal. Min rawn pan chuan kim ki tawkin ka lo tawlh sawt sawt a.






Rawn ṭhu hniamin ka chal leh a chal sik tirin a thaw chhuak ham ham a,keiin ka mit nghet takin ka lo chhing thung.
"Bawihte...."a aw a nem ta lutuk chu angel a lo chhuk thla emaw ka ti hman hial dawn a lawm le
"Min en tehh..."zawimuangin ka meng diar diar a,a mitmeng ka hmu chiah chu ka hlauhna kha chu vawm bo ang hmak a ni,a mit a sen ram a,na thuk tak nei hmel a pu bawk.
"Min kalsan lo hram rawh,khawngaihin"aw khur deuh ti tih chuan a tichhuak hak a.
"Ka haw duh"
"Khawngaihin"hlauthawng hmel ngawih ngawih hi a pu
"Min thlah rawh,ka haw duh tawh"ka tih chuan a hahdam hmel.deuh sawt.
"Min kalsan hlen dawn lo tiraw...."
"Kan in a haw ka ngai tawh lawm..."tinge ngaihdam pawh min dil hauh lo chungin awlsam taka ka lungawi leh theih ringawt pawh hi ka hrethiam love,a mitmeng a natnate khan min hneh ni berin ka hria.
"Min kalsan dawn lo tak tak,a dik em?"
"Engemaw kalsan chu i sawi reng le? Kalsan tur chein min duh zawk em ni? Ka haw duh ka tih mawlh mawlh chu..."thinrim vang pawh ni miah lovin aw ki sang vah chuan ka ti vak a. A rawn nui hak a.
"Ka lawm e..."tiin min kuah nghal thlawp a.
"Min kalsan chuan ka â thei mai ang,min kalsan lo hram rawh aw....,ka hmangaih lutuk che hi i tello chuan ka â thei mai ang"a ti leh hap a.
"Hmangaih ṭawngkam kha chu sawi tawh lo ila kan hlim zawk ka ring"min hmangaih nia a sawi hian ka lawm lo,a na tlat tawh,mahse min hmangaih lo pawh nise ka hmangaih tlat a,ka thlah phah chuang lovang,hmangaihna nen a ka vawn tlat chuan engtikniah emaw ni chuan min la.hmangaih ve mial mai thei a sin.Min hmangaih lo a nih pawhin a kianga ka damchhung hun ka hman theih dawn phawt chuan ka pawm.zel mai ang chu....







"Ka hmangaih miau che sia,hrilh ngei che hi ka duh lawm"
"Ani pawh i hmangaih a,a kalsan che a,i â chuang lo,chuvang chuan tiang zawng khan chuan min thlem suh,keimah zawk hian ka hmangaih em vang chein ka kalsan lo zawk ang che"
"Ka hmangaih che a lawm.,ani nen a ka hmangaih dan che kha chu a inang lo,ani chu a hmasa ber a ni a,nang erawh a hnuhnung ber i ni ang,ani ai chuan ka hmangaih zawk che chu ka ti thei lova,mahse ka hmangaih takzet che a,min kalsan tur chein ka ngaingam thlawt lo a ni,ka rilru a awm hi ka sawifiah thiam lo,ka thinlung phek hi i chhiar turin ka phawrh mai dawn em ni? Ka hmangaih zia che leh min kalsan lo tura ka duh zia che hi i hrethiam.thei mahna"awi... ṭawngkam thiam lo lutuk a a thilsawite chuan min hneh leh nghal vek tawh....
hlim takin inkai chungin kan haw a,ke bawkin min thlah leh a tum nangin ka hmanhmawh deuh tawh vangin bike a min thlah turin ka ti ta zawk a,kha hun kha ke a min thlah a tumna hnuhnung ber a ni dawn a ni tih lo hria ila chuan ka hnial hauh lo ang mawle.....




In a ka haw hnu chuan ka kamis a maw thler ka tih kha ka bag hrui ṭhui zawmna lek a lo thler chu niin ka pa ka ṭhui tir ngam silova,thiam lo zetin ka ṭhui ve tak ngawt kha.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)