Liandingpuii-5-

Story tawi te te emaw luanliamna emaw post na
Rohlupuia Renthlei
Posts: 20
Joined: April 29th, 2021, 8:10 pm

Liandingpuii-5-

Unread post by Rohlupuia Renthlei » May 1st, 2021, 6:08 pm

Liandingpuii-5





Ka nitin nun hman dan chu a châng chuan ka ning lek lek fo mai. Zing dar9 aṭanga tlai dar4 dar5 thleng deuh thaw office a awm ngut ngut a, hna hrang hrang khawih hi ka hne deuh fo mai. Mahse, eizawnna ngelnghet neih a ṭangkai zia te, mi te khum lo mahila, rual awt lutuk lova ka awm ve theih avang leh, chhungte ṭanpui let theia ka awm ringawt pawh hi hlû ka ti a, chu chuan min fuih phur fo!




Ṭumkhat chu, kan office thil avangin chhunah ka chhuak a. Thil ṭulte ti fel a, ka zawh hnu chuan, office lama kir ka ngai tawh lo bawk a. Dingpuii chu call in, In lama a awm lai tak a ni hlauh mai a. Ka va leng phei a. Mahse, tum loh deuhin hman zana a inlêng pa bawk kha a lo awm niin! Ka lut chu ka sa deuh pup mai a!




Anmahni epah chuan ngawi rengin ka ṭhu a. Min biakna reng reng chu a rul tawka chhâng bung nghutin melh pawh ka melh duh aih lo! Chutia, ngawi renga ka awm chu ka hnawk deuh a ni mahna, ṭhiana pawh chu rei awm loin a chhuak zui ve mai a. A chhuah hnu pawh chuan amah ngaihsak hauh lo chuan ka phone ka bih ngur mai a. Min biakna chu a rul tawkin ka chhang hluk zel a! A lawm viau lo ni maw....ngawi rengin a phone a kheuh zui ve ta mial mial a!





He nû rilru lian zet hian min ti phur riau nia!

Ka phone message tone a ri a, Dingpuii chuan hmun leh hmunah min rawn text a nih chu!

"Eng ti turin nge i lo kal?"

"Kan kâr thu zawng zawng chingfel turin...."

"Chinfel tur kan nei em ni?"

"Kan neih loh chuan kan inkâr a fel a ni mai alawm...." tih leh a kianga kal ka rual a!

"I chetdan hi a naupangchhia ê." min ti hràm a nih chu!

"Hetiang bakin hma lak ngaihna ka hre hleinem...." tih leh kuah ka rual a. Min dang miah lo!



Ka lam hawiin ka kuai hnai riai riai a, a hmui, fak mawi leh chuan ngai hauh lo a sen no siah mai chu duhthawh zetin ka fawp ta bawrh bawrh a. Tun ṭum chu a dawh mawl tawp bik miah lo! A theih ang angin min chhanglet ve a. A vawikhatna chu a ni bik miah lo.... Duh thawh zet hian min chhanglet ve tawn tawn nia!



Thawchham dawna kan infawh hnu chuan kan inthlah hlawl a! Chiang takin a mitmeng, fim no nghalh mai chuan min melh a.



"Ngaihzawng engzat nge i neih tawh?" min ti hlawl nia....Hrep tak chuan...



"Chu chu kei pawhin zawh che ka tum tak a ni." ka tih chuan pawi sawi lo zet hian min melh rawm rawm a. "Ka zawt hmasa che" min la tih hram chu mawle....!



"A mit taka en chung chuan, ka sawi mai thei lo...." ka'n ti zet chu, "Awi awi....leh, i va ngah awm em em....!?" zawt ti tih, lungawi lo hmêl zet chuan a han ti chiam pek a! "A nih, nang, engzatnge i neih ve tawh?" tia ka zawhna chu, kut ṭang min thliah khum meuhin, "A panga na chiah i ni...." min ti a nih chu!


"Chung ho chuan an mutpui che em?"



Vawikhat na atan chuan ka zawhna chu a ṭul loin, nula tlangval kâra inzawh atân chuan a lawmawm lo kher ang tih pawh ka hre chiang! Mahse, Liandingpuii hi neih ngei ka tum miau avangin, engtin pawh min chhang se, dawng sawng turin ka inpeih thlap. Nupa nih hnua hriatchhuah leh ai chuan, tuna hriat sa mai hian, rilru a tina hauh dawn lo tih ka chiang tlat. Tin, hmeichhia hian, an nihna tak tak hi mipa bulah an sawi lang lem lo tih hi ka chiang tawk viau chuan ka hria!




Ka zawhna chu min chhâng tawh dawn lo emaw ka ti hial a. "Tuman min la mutpui lo" a rawn ti thâm ṭiak a! A hmel chu ngun takin ka thlir a. Chhungril ah chuan nat rukna riau hi a nei tih ka hmu tlat nia! Zawhna ka zawt fuh lo tih hriain, rang takin ka awm nghengin ka kuah bet a. A hnungzânga chul pahin, "Ka tih palh a ni." ka ti sup a.





Min rawn en pahin, "Nakinah, engkim ka la hrilh ang che...." tia phun sepin, a ṭhu ṭha a, a phone chu min entir a. A bialpa, keimah vanga a ṭhen dan zawng zawng, an inbiakna chu min chhiartir a nih chu! A chhan letna zinga ka mit la zar tu, tun thleng pawha ka la hriat reng mai chu : "He hun hi a la thleng ngei dawn tih hi chhungril tak aṭanga hriatna ka nei tlat a ni. Chuvangin, hlim taka in ṭhen mai hi a ṭha e...."





Ka chhiar zawm duh tawh lo. Ngun takin Amah chu ka en a, ka thlir a, thlir mai duh tawk lovin ka kuah a. Ka pawm vawng vawng ringawt mai nia.... Duat tak leh duhthawh zetin ka fawp a. Insum theihna bo khawpa awm thei dawna ka inhriat avangin, ka insum tluan chhuak zak a. A bula ka awm ringawt pawh chuan nuam ka ti a. Ka chhungrila kim lo huih awm ṭhin te kha tunah chuan lak bo ang hmiah zuk ni tlat a. Amah ngei hi a ni, ka nun in a lo zawn a, hre hauh lova a lo nghah fan fan chu ni!

Rei lo te emaw ka awm tih laiin, khua a lo tlai duai mai. Haw mai tuma ka in tintuah lai chuan, kawngkhar a rawn inhawng a. Tleirawl hmelṭha zet mai hi Uniform nen a rawn lut a.

"U, ka ril a ṭam e...." tih pahin a bag chu a la thla a, inthlak turin room a pan nghal a. Dingpuii nen in ang kati ngei mai. An inan lohna langsar tak pakhat chiah ka hmu. Dingpuii aiin a te deuh a, a û aiin a mitmeng a thip deuh....tih mai chauh chu niin ka hria!

"Ka chhang chiah a nih kha....Nutei, Lalnunmawii a nia, class 12 a zir ve chiah! Kan inkarah kum 8 dawn a tla a, beisei tawh loh hnu a piang a ni ve a, kan duat a nia!" a ti luam a. Kei pawh buk nghut nghut pahin haw turin ka tho zui nghal a.

(Dingpuii)


Ka rin loh lutukin U Nunpuian min rawn call a. Ngaihtuah mang hlei loin lo len a tum thu chu ka lo aw mai pek a. Zuala lo len lai tak leh, inṭhenna thu ka sawipui lai tak a ni si a! Ka rilru chu a nuam lo ve khawp mai. Mahse, 'aw' ka lo ti tawh si a. Eng pawh huamin, a lo thlen hun ka nghak tawp a ni ber e.


Ngawi rengin a rawn ṭhu a, biak lah chu a rul tawk chauhin min la chhâng zui a! Zuala haw hnu phei chuan, phone a han vawm zawt mai chu ka chak hial nia! A phone melh a a ṭhu run mai chu ka va melh a. Mahse, mah tak maiin ka va melh nawn leh a. Kum tam liam ta a thil thleng zawng zawng te kha ka mitthlaah an rawn lut zut zut a. Amahah chuan ka thlâ a muang ru tlat nia!


Min kuah a, min fawhna te chu ngaihngam êm êm hian ka chhânglet ve a nih kha. Ka bula a awm a, ka thlamuang lutuk leh chhungril taka ka hlim em em mai chu mak ka ti lutuk! Ka che vel ngun taka min thlirtu, ka nau Nutei chuan min chhaih zeuh zeuh mai.

.............XXX......XXX.............

Mahni ṭul ṭulin kan ṭul buai ve hle mai a. Hunawl kan neih hlek chuan phone hmangin kan in be awl lo a. Kan chhungte pawhin min khap hran lo a, min pawmpui ve ni mai hian ka hria! Duh lohna thu emaw, ninawm tih hmêl ka hmu hauh lo nia!

Tlangval senior lam hnaih kan ni ve ta, a khat tawka han lem ve sek ka ching tih mai loh chu, ka nun phung han tibuai lutuk tur ka nei lem lo. Mahse, nupui neih tak erawh hi chu rilruin a la zuam meuh lo chu a ni. Hetia ngaihzawng nghet neia awm mai hi nuam ka ti phian a! Ṭhian kawm tam loin, a kiangah a tam thei ang ber hun hman hian, midang lakah pawh kan him nge nge ang chu!





Ni a liam a, kâr a vei a, thla vawi tam a thar ta! Ka nitin hna vanga kan buaina kârah, hun remchâng kan hmuh ang chhun chhun chu am takin kan hmang chho nawk nawk a. Ani hi ka ta tur dik tak a nih zia tilang chiang tur tingin sawiselna tur reng reng ka hre lo nia! Ka fak lutuk ang tih ka hlau hial mai. A theih leh phak chin chu ka tân engmah hlan hreh leh ui a nei lo. Mahse, a tawp thlenpui tura ka sawmna chu, a tawpkhawkah pawh min hnar thei zel nia!



'Lungdam taka ka tâna a pâr dawn lo a nih ai chuan, lungawi taka ka tâna a Kuhmum thlir chu ka pawisa eih lo a.' Engtik nîah emaw zawng, ka tân hian 'rah ṭhulh hauh loin a la vul dawn a, uai a, chul leh chuai turin ka ta a la ni dawn si!' Chu hun chu kan thlir nitin a, kan nghak tuktin chu a nih hi!



Khawpui boruak ni hut hut, traffic jam reng mai te, khawl ri bengchheng zet zet leh hawina lam apiang maia thaw ti veng lo zet mai hriat leh hmuh tur awm reng mai te chu ka ning viau ṭhin kha a nia! Mahse, mak tak maiin, Dingpuii vang chuan ka khawvel hi a thar sur mai a! Hawina lam apiang hi hlimna thar min pe tu an chang zel mai nia!



Mihring hi duh ang leh tum ang diak diak hian kan khawsa thei lo tih erawh kan hun tawn chhoh hian a ti chiang viau lawi si a! Kei pawh chu, ka hna-ah ka kaisan avangin, tum loh zetin Champhai lamah ka insawn chhoh a ngai ta mai si a. Kaisanna mah nise, ka lawmna aiin peihlohna chu a nasa zawk hialin ka hria! In sawn kher lova tihdan ka dap a, a chang phei chuan kaisan loh law law te chu ka duh rum rum nia!



Rilru puitling takin Dingpuii zawk chuan min fuih a. Min hnem a, min thlem a, min lawmpui thiam em em bawk a! Amah avang chuan ka khawvel hi a zîmin, khawi dang mah thlakhlelh ka nei lo. Râwl thar ngaihzawng nei hliam ang mai ka ni hial awm asin!


Ka hna zawm tura ka chhoh hun a hnaih tawh avangin, office kal loin ka in buatsaih a. Inbuatsaih viau ngai thil a ni rih lem lo nen, mahnia In luah tur te ka tihfel ve leh ka inrêl hrang ang a, chumi hma chu thawhpui tur te chhungkua ka fin mai dawn a ni. Joining report pek fel hnuah, bungraw lain ka la kal leh mai ang chu...tiin, ka in peih ta viau mai. Ka chhoh hma ni chuan Dingpuii chu kan In lamah ka hruai thung a.


Chhungte mitmei ven tur awm lo ta chu, ka room lamah kan inkawm a. Ka kal tur a huphurh zia te sawiin a phun niap niap a. Ngawi rengin ka thlir vang vang a, hnawihsen belh ngai hauh lo, fah rah vam hiam ang maia a hmui vam ham mai chu engkhaw sawi set set lo chuan ka fawp bawrh bawrh mai a. Ani pawhin min chhâng uar ngang mai! Nulâ tlangvâl, in haw lo leh induh ngawih ngawih, in kalbosan mai tur kan ni nen, ṭawngna in hmun a chang lo a ni.

Ka hmuh fo hnu leh duh thawh taka ka chul chhuah fo tak sa chu, ka ta ni kumkhua tura siam duhna chuan min tur ut ut mai a! Thaw huam huam chungin ka duh thawhin ka duham zel a. Ani pawh tunah chuan engmah min dang tur zawngin a khawsa hauh lo. A chhing diar diar a, ka khawih ang ang chuan a dawh kual tawp mai a. A theih ang angin min fawp bawrh bawrh a, min kuahin min hmer ngawt ngawt mai.


Kir leh turin kan kal thui lutuk tawh. Kan taksa awmdan chuan kir leh thei lo khawpin min siam danglam ta si a! Engkim peihfel a ni ta.... Ka tâna Kuhmum reng ṭhin chuan ka lakah Pàr a chhuah ta! Thaw ham ham chungin a sirah ka let thla a, a mit ata mittui lo luang ngiai ngiai chuan a chhan tur min ngaihtuah tir a! Vawiinah hian min hrilhfiah ngei a ngai dawn ta!


"A hmasa ber ka ni hauh lo"

Ka awmah a hmai phûm kàkin, mahni inthiam lohnaa khatin min melh a.

"Sawi a ṭul hun hi a la thleng dawn tih ka hria alawm....Mahse, sawi loh theih hi ka duhdan ber chu a ni si!"

"Ka lakah engmah zep a ngai lo, ka hmangaihna che hi engmahin a dal lo..."tiin ka lo chhang a!

"Pawl 12 kan zir lai khan, (thinur taka inhum ruhin, a mittui a hnâm ṭiam ṭiam a) kan class ami pakhat, min star deuh tu hi a awm ve a, ka duh hran lo a, ka haw hranpa lo bawk a. Class chaw eikhawm kan neih ṭumin, kan in turah zû an lo pawlh a. Duhaiin kan inhnem nge, ka in ngai loh vangin ka hneh lo ka hre lo, coke no 3 ka in meuh chuan, a hnu lamah chuan engmah ka tithei lo a ni ber mai. Ka rilru chu a harh reng mai si a. Mahse, ṭang turin leh lo beilet turin chakna reng reng ka nei lo. Chupa chuan chumi remchâng chu chuhin min pawngsual a nih chu!"

A sawi zâwng chuan a thinrim chu a la khur dat dat thei nia! Rilru na takin a la inhum ruh tlat bawk a! Chutah, sawi zawm lehin,

"Chutia min pawngsual hnu chuan, chulai hmunah chuan keimahin ka mu zawi ta reng a. Mahnia insaseng thei khawpa ka harh hnu chuan kan ṭhiante awmna lam panin, chupa chuan min lo nuih ṭhaw zui a! Kan haw zui nghal a. Mahse, vanduaithlak takin ani chu chumi zan chuan a bike leh Taxi in sûin, a vanduaiah a ṭang zui a, a boral zui a!" a tih chuan a thaw deuh hawk a.


"Dik tak chuan, ka thianghlimna hi ka pasal hnenah ngei ka hlan ang....ka ti ve ṭang ṭang kha a nia. Khapa khan min tichhe ta vek a. Khata ṭang khan, mipa, sex min hmanpui tum zawnga min hnaihtu apiang chu ka tlansan ta zel a. Mahse, hei, vawiinah chuan tihngaihna a awm ta lo a nih hi! I duh anga thianghlim ni lo mahila, khapa tihloh chu nangmah hi a hmasa ber i ni a, i duh ang a nula thianghlim ka nih loh avangin, i duh chuan min kalsan thei reng a nia...."tiin hnuailam a melh ran a.


A tisa mawina te, a taksa duhawmnaa khat, khuh botu nei hlek loa ka dah ang ang chuan awmin, ka chhanna nghakin a kun ngar mai a! Dimtea ka bula kuai mu lehin, ka awmnghenga kuah chung leh, a chala chulhauh hauh pah chuan, "Dingpui,i dinhmun hi ka hrethiam e. Chutiang vanga hnawl tur che eh, chumi avanga i hrehawmna belhchhah ka tumreng reng lo. Tihian, ka tân chuan i tling tawk em em a ni..."tiin ka pawm vawng vawng a.


Lawm avanga mittui tling pam chungin mi rawn melh chho haw a, hlim taka nuih sensen pahin "U Nun, ka lawm e" tiin min kuah nghet salh salh a.


Titi hrang hrang sawiin hlim takin hun kan hmang a. Tun ṭum zet chu, vawiengemawzat ka insum thei lo a! Ani pawhin min hnar miau loh avangin, hun hlimawm leh nuam tak hmangin, inneih thu hial kan sawikai nia!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)