Liandingpuii-6

Story tawi te te emaw luanliamna emaw post na
Rohlupuia Renthlei
Posts: 20
Joined: April 29th, 2021, 8:10 pm

Liandingpuii-6

Unread post by Rohlupuia Renthlei » May 2nd, 2021, 2:26 pm

Liandingpuii-6


Ni a liam a, kâr a vei a, thla vawi tam a thar ta! Ka nitin hna vanga kan buaina kârah, hun remchâng kan hmuh ang chhun chhun chu am takin kan hmang chho nawk nawk a. Ani hi ka ta tur dik tak a nih zia tilang chiang tu ber ni a ka hriat tak chu, sawiselna tur reng reng ka hre lo nia! Ka fak lutuk ang tih ka hlau hial mai. A theih leh phak chin chu ka tân engmah hlan hreh leh ui a nei lo. Mahse, a tawp thlenpui tura ka sawmna chu, a tawpkhawkah pawh min hnar thei zel nia!



'Lungdam taka ka tâna a pâr dawn lo a nih ai chuan, lungawi taka ka tâna a Kuhmum thlir chu ka pawisa eih lo a.' Engtik nîah emaw zawng, ka tân hian 'rah ṭhulh hauh loin a la vul dawn a, uai a, chul leh chuai turin ka ta a la ni dawn si!' Chu hun chu kan thlir nitin a, kan nghak tuktin chu a nih hi!



Khawpui boruak ni hut hut, traffic jam reng mai te, khawl ri bengchheng zet zet leh hawina lam apiang maia thaw ti veng lo zet mai hriat leh hmuh tur awm reng mai te chu ka ning viau ṭhin kha a nia! Mahse, mak tak maiin, Dingpuii vang chuan ka khawvel hi a thar sur mai a! Hawina lam apiang hi hlimna thar min pe tu an chang zel mai nia!




Mihring hi duh ang leh tum ang diak diak hian kan khawsa thei lo tih erawh kan hun tawn chhoh hian a ti chiang viau lawi si a! Kei pawh chu, ka hna-ah ka kaisan avangin, tum loh zetin Champhai lamah ka insawn chhoh a ngai ta mai si a. Kaisanna mah nise, ka lawmna aiin peihlohna chu a nasa zawk hialin ka hria! In sawn kher lova tihdan ka dap a, a chang phei chuan kaisan loh law law te chu ka duh rum rum nia!



Rilru puitling takin Dingpuii zawk chuan min fuih a. Min hnem a, min thlem a, min lawmpui thiam em em bawk a! Amah avang chuan ka khawvel hi a zîmin, khawi dang mah thlakhlelh ka nei lo. Râwl thar ngaihzawng nei hlim ang mai ka ni hial awm asin!



Ka hna zawm tura ka chhoh hun a hnaih tawh avangin, office kal loin ka in buatsaih a. Inbuatsaih viau ngai thil a ni rih lem lo nen, mahnia In luah tur te ka tihfel ve leh ka inrêl hrang ang a, chumi hma chu thawhpui tur te chhungkua ka fin mai dawn a ni. Joining report pek fel hnuah, bungraw lain ka la kal leh mai ang chu...tiin, ka in peih ta viau mai. Ka chhoh hma ni chuan Dingpuii chu kan In lamah ka hruai thung a.




Chhungte mitmei ven tur awm lo ta chu, ka room lamah kan inkawm a. Ka kal tur a huphurh zia te sawiin a phun niap niap a. Ngawi rengin ka thlir vang vang a, hnawihsen belh ngai hauh lo, fah rah vam hiam ang maia a hmui vam ham mai chu engkhaw sawi set set lo chuan ka fawp bawrh bawrh mai a. Ani pawhin min chhâng uar ngang mai! Nulâ tlangvâl, in haw lo leh induh ngawih ngawih, in kalbosan mai tur kan ni nen, ṭawngna in hmun a chang lo a ni.




Ka hmuh fo hnu leh duh thawh taka ka chul chhuah fo tak sa chu, ka ta ni kumkhua tura siam duhna chuan min tur ut ut mai a! Thaw huam huam chungin ka duh thawhin ka duham zel a. Ani pawh tunah chuan engmah min dang tur zawngin a khawsa hauh lo. A chhing diar diar a, ka khawih ang ang chuan a dawh kual tawp mai a. A theih ang angin min fawp bawrh bawrh a, min kuahin min hmer ngawt ngawt mai.




Kir leh turin kan kal thui lutuk tawh. Kan taksa awmdan chuan kir leh thei lo khawpin min siam danglam ta si a! Engkim peihfel a ni ta.... Ka tâna Kuhmum reng ṭhin chuan ka lakah Pàr a chhuah ta! Thaw ham ham chungin a sirah ka let thla a, a mit ata mittui lo luang ngiai ngiai chuan a chhan tur min ngaihtuah tir a! Vawiinah hian min hrilhfiah ngei a ngai dawn ta!


"A hmasa ber ka ni hauh lo"

Ka awmah a hmai phûm kàkin, mahni inthiam lohnaa khatin min melh a. Hrehawm tih hmêl zet hian a ṭhu chhuak hlawl a. Thawpui a la ham hham a.

"Sawi a ṭul hun hi a la thleng dawn tih ka hria alawm....Mahse, sawi loh theih hi ka duhdan ber chu a ni si!"

"Ka lakah engmah zep a ngai lo, ka hmangaihna che hi engmahin a dal lo..."tiin ka lo chhang a!

"Pawl 12 kan zir lai khan, (thinur taka inhum ruhin, a mittui a hnâm ṭiam ṭiam a) kan class ami pakhat, min star deuh tu hi a awm ve a, ka duh hran lo a, ka haw hranpa lo bawk a. Class chaw eikhawm kan neih ṭumin, kan in turah zû an lo pawlh a. Duhaiin kan inhnem nge, ka in ngai loh vangin ka hneh lo ka hre lo, coke no 3 ka in meuh chuan, a hnu lamah chuan engmah ka tithei lo a ni ber mai. Ka rilru chu a harh reng mai si a. Mahse, ṭang turin leh lo beilet turin chakna reng reng ka nei lo. Chupa chuan chumi remchâng chu chuhin min pawngsual a nih chu!"



A sawi zâwng chuan a thinrim chu a la khur dat dat thei nia! Rilru na takin a la inhum ruh tlat bawk a! Chutah, sawi zawm lehin,



"Chutia min pawngsual hnu chuan, chulai hmunah chuan keimahin ka mu zawi ta reng a. Mahnia insaseng thei khawpa ka harh hnu chuan kan ṭhiante awmna lam panin, chupa chuan min lo nuih ṭhaw zui a! Kan haw zui nghal a. Mahse, vanduaithlak takin ani chu chumi zan chuan a bike leh Taxi in sûin, a vanduaiah a ṭang zui a, a boral zui a!" a tih chuan a thaw deuh hawk a.




"Dik tak chuan, ka thianghlimna hi ka pasal hnenah ngei ka hlan ang....ka ti ve ṭang ṭang kha a nia. Khapa khan min tichhe ta vek a. Khata ṭang khan, mipa, sex min hmanpui tum zawnga min hnaihtu apiang chu ka tlansan ta zel a. Mahse, hei, vawiinah chuan tihngaihna a awm ta lo a nih hi! I duh anga thianghlim ni lo mahila, khapa tihloh chu nangmah hi a hmasa ber i ni a, i duh ang a nula thianghlim ka nih loh avangin, i duh chuan min kalsan thei reng a nia...." tiin hnuailam a melh ran a.




A tisa mawina te, a taksa, duhawmna-a khat, khuh botu nei hlek loa ka dah ang ang chuan awmin, ka chhanna nghakin a kun ngar mai a! Dimtea ka bula kuai mu lehin, ka awmnghenga kuah chung leh, a chala chul hauh hauh pah chuan, "Dingpui, i dinhmun hi ka hrethiam e. Chutiang vanga hnawl tur che leh, chumi avanga i hrehawmna belhchhah ka tum reng reng lo. Tihian, ka tân chuan i tling tawk em em a ni..." tiin ka pawm vawng vawng a.




Lawm avanga mittui tling pam chungin mi rawn melh chho hâ a, hlim taka nuih sen sen pahin "U Nun, ka lawm e" tiin min kuah nghet salh salh a.




Titi hrang hrang sawiin hlim takin hun kan hmang a. Tun ṭum zet chu, vawi engemawzat ka insum thei lo a! Ani pawhin min hnar miau loh avangin, hun hlimawm leh nuam tak hmangin, inneih thu hial kan sawikai nia!




A nunhlui , tum reng vang ni lo leh, duh reng vang ni hauh lova a chetsualna chuan min tina hauh lova, hun kha leh chen ka thinlung ruak, luahtu awm lo, kim lo tlat ṭhin rawn ti bo a, hmunawl leh ruak awm ta miah lo a min rawn hnawhkhah saktu kha, ka tân hian a hlû a, a hlutna erawh kei chuan ka chhut chhuak thiam lul lo.




Thla khat dawn Champhai lamah ka awm ta. Han chenchilh takah chuan rin aiin a lo nuam phian mai a. Kan thawhpui, ka han fin takte pawh hi ka lakah an fel êm êm mai a. Keimaha awm hran a, inrel hran pawh an phal hauh lo mai. Chhungkaw member pali an ni a. An fapa chu Phai lamah zirna chhunzawmin a awm mek a. A nau nula erawh Champhai College ah a kal mêk thung. A chhungten an koh duatna ang chuan, "Mampui" tiin ka ko ve mai a. Nula ah chuan a vangtlâng tak a ni ngei ang, kei hi 5 '9ft.zet ka ni ve a. Ka koki chen aiin a sang tlat. Hmelṭha vûta sawi tur ni lo mahse, engti zawng emaw tak hian duhawm riauna hi a nei reuhva. Min nêl em em a, ka bula awm nuam a ti ve viauin ka hria.




Lungleng takin ka nitin hun ka hmang liam a. Khawharna in ka khat a ni hawt e. Han hlim viau ṭhin mah ila, chhungril ah kim lo a awm si ṭhin. Dingpuii ka ngaihluat avangin, weekend hnangin Aizawl lama kal ka chak fo a. Mahse, kâr a hlat avangin duh duh a tei kawi a rem si lo. Ka thinlung luah khat vektu leh ka nun tikimtu ber chu ka bulah a la awm si lo chuan khawhar a tizual a! Nitin ka kianga a awm theihna atân hma lak chhoh hun ta riaua hriatna ka nei a. Amah nen pawh inneih lam kan sawi ve ta fo mai.



Ṭumkhat chu, ka awmnate nupa chu in checkup turin Aizawl lamah an kal a. Mampuii nen chauh ka awm dun a. Mampuii chuan min chhaih zuk zuk fo a. Mahse, Dingpuii chu a la hmu hauh lo. A thlalak takngial pawh ka la entir lo a. Mahse, kan chanchin chu kan sawidun ve fo mai!



Zankhat chu Dingpuii nen kan inbia a, titi hrang hrangte sawi dunin, kan inneih hun tur te kan sawi dun a. Kan hlim ngei mai. Kan inbiak zawh chuan ka lungleng chu ka room tukverhah ka dak vauh vauh a. Champhai zawl lo lang hring dup mai te, thla eng riai ruai kara tlang lo lang dum muk mai te chuan lunglen an tizual ngei mai. Chutia lunglêng taka hun ka hman lai chuan, ka hnung lam aṭangin ka mit rawn hup thutin, "A va lêng awm vung vung ve....?" tih pahin Mampuii chuan min rawn bawh awr a!




Ka ngaihtuahna kal fuh lo nge fuh zawk ka hre lo, inher thutin Mampuii chu ka khumah ka bawh tlu tawp mai a! Engkhaw sawi set set lo chuan ka fawp nawk nawk mai a! Makti zeta meng kawk chungin min nam sawn a tum a, kei lahin ka kuah nghet tulh tulh a, ka fawp uar sauh bawk a! Rei vak lo hnuah chuan min kuah letin min fawp let ve bawrh bawrh mai nia!




Ka cho chhuah a ni a. Kir leh thei ka ni lo. A kawr phelhin a hnute te chu ka fawp thla zel a. Ka duhthawh tawlh tawlh a, engkim mai ka inpeih ta, min hnial lo a, min dang hek lo. Mahse, chutih lai tak chuan door bell a rawn chiau vawng vawng a. Ka tho zawk a, Mampuii pawh hmanhmawh tawkin a inha sawt sawt a. In tuai puat puat in a chhuak phei nghal a. College lama a kalpui, a bialpa ve deuh ber chu lo niin, thinur zeta insehruh chungin an kiangah ka ṭhu phei ve nghal a. Chance pek ka tum bik reng reng lo. Tv on in, ka hmet kual sek a, ṭhutthleng seiah chuan ka mu pah a. Rei vak lo a ṭhut hnu chuan a haw ve mai bawk a!!!




Mampuiin Kawngkhar a kalh rak rak lai chuan ka lo muhil der a! A lo kir leh lam, ka bula rawn kalin, min kaihthawh tuma a rawn kun hniam lai chu ka lo kuah thut a! "Awi leh, i muhil emaw tih naklaiin....!" a tih rual chuan, pawm betin ka fawp leh nghal ngawt a!




"U Nun, i ho e mai, i bialnu ngaihtuah rawh..." min nem sawn pah chuan a ti hlak a! Mahse, chhâng lem lo chuan ka lamah ka pawt hnai a, duhthawh zet chuan ka fawp zui leh a! Rei a ṭang ta bik lo. Uar zeta min chhanglet tawn tawnin ṭhutthlengah chuan kan tlu dun a. Kan duh thawh tawlh tawlh a, saruaka kan awm dun tak hnu chuan ka room ah chuan ka pawm lut ta nge nge a.


Meng riai chung hian, "U Nun, awlsam min ti awm mange," a ti sap a!

"Ti hran lo ve, kei pawh bialnu nei chungin ka heti a ni si a, mak min ti em?"

"Ka hre lo, he thil vang hian kan karah thildang a awm pawhin ka hre lo!"

"Nia, mahse, zanin chu, ka lunglêng lutuk nen, ka ngaihtuahna a kalsual a ni ber e....Ka tum lawk a ni bik lo asin mawle...." ka ti deuh nuah nuah a!



Ngawi rengin ka awm hmul te chu a chul niap niap a, zawi te tein a ṭhiante nen ka chanchin an sawi dan te chu a phunpui niap niap a. Nui suk suk in ka lo ngaithla a, bathroom ah insil turin ka luhsan a. Ani pawh a room lama a insil hnu chuan a lo kir leh a! "U Nun, ka mutsan mai ang che aw...." tih pahin min nuih var var a.




"Zanin chu ka bulah riak mai la...." tih pahin ka lo pawt a, ṭang lem lo chuan ka bulah chuan a rawn ṭhu ve mai a. Khumah chuan kuai mu in, a sirah chuan ka mu ve nghal a. Ngawi reng a kuah chungin, hun nuam tak hmang nawn leh tur chuan kan inbuan let tap tap a! Hun engemaw chen hnu chuan thaw ham ham chung chuan kan chhing ta diar diar a!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)