AGUST D (VOLUME II)

Story tawi te te emaw luanliamna emaw post na
Thuamhlui
Posts: 35
Joined: August 28th, 2020, 4:53 pm

AGUST D (VOLUME II)

Unread post by Thuamhlui » May 9th, 2021, 12:07 pm

2 years later






Tunah chuan ka khawsak pawh ziaawm chho zelin ,mahniin inte hial ka luah ve thei tawh a.High school naupang ka nih laia an dawr bungrua ka deliver sak thinte hnenah chuan hna ka thawk a,full time a ka thawh theih tawh dawn avangin a lawm hle a,a tirah chuan an store room ah chuan ka riak mai a,bakah ka tan pawh mahni a awm chu ka duh zawk vang ani.Ka pate in nen a inhnaih mah mah tih lovah chuan sawiselna ka neilo,ka nu nen pawh kan inkar a tha tawh a,mahse kan ina haw leha engmah thleng lo ang maia chenho leh chu ka duhlo ani.Zingtin an in kawtah a bawnghnute in tur ka dahsak ziah a,chu chu a tana ka tihtheih chhun ani.

Chawlhni zing ani a,dawr kan hawnglo bawk nen kan school hlui chu kum hnih hnuah ka la hmuh miah loh avangin va fan chu ka rilruah a lang tlat!Ka insiam a,school naupang ka nih laia ka kal thin dan pangai ang bawk khan rail chuan ka pan a,a hmun ka thlen chuan a lo reh ruih a,a compound-te,basket ball court te,engkim mai chu hmana mi ang vek kha a la ni.Library erawh chu an lo sa zo tawh a,an kalh avangin pawn lam atang chuan ka bih ta zawk a.Ka rilruah kum hnih kaltaa helai hmuna thil thleng kha ka ngaihtuah let neuh neuh va."Ni e,library tih loh chu a pangai ang vekin an la awm,mahse ka tana mi hlu em em ka thiante leh Lia kha...engtin nge an awm ve tâk zel ang le?He hmun hi chu ka hun kal tawha thil hlu tak ka hriat tur awmchhun a ni ve tlat!

Ni a tlak dawn hnaih chuan haw zai chu ka rel ve ta a.Muangchangin subway lam chu ka pan a,kawng sira dawrte,cinema hall te,park te....a vai mai chuan Lia nena kan sulhnu min hriatchhuah tir vektu ani.

Platform ka thlen chuan zan a rei deuh tawh avangin mi tlemte chauh hmuh tur an awm pheuh pheuh a,thutthleng awmah chuan thuin ka bengah earphone ka vuah a,Pink Sweats hla Seventeen chu rail chân pah chuan kum hnih hnuah a vawikhat nan ka ngaithla leh ta.He hla ah hian Juliana nena kan thutiam te,kan hmahun kan lo suangtuah thinte chu a awm vek ani.A hunlai khan hlim takin ngaithla thin mah ila,tunah chuan thawnhu hlui leh tahna mai chauh ani tawh!

Ka dara min rawn khawihtu an awma ka hria avang chuan ka earphone chu lathlain muangchângin ka hawilet a.Eng thil nge ka hmuh hi ni ta!ka bing mum mum a,sawi tur pawh ka hrelo!amah zâwk chuan "D,nangmah i ni em?!!I ni tak tak tiraw?a hlim lutuk chu awmngaihna a hrelo ni berin ka hria,ka thova,min rawn kuah deuh chung nghal a,tihngaihna pawh ka hrelo,ka makti lutuk chu ka Khawng vekin hria!Engtik niah emaw i rawn kal hi ka ring rêng ani...a tawpah chuan ka nghak chhuak ta che!Khawngaihin min kalsan tawh suh aw!!Kum hnih chhung ka zawng char char che asin!.Ka kawngah chuan nghet takin min kuah a,a hmai chu a phum kâk bawk a...

Engmah sawi lo leh ka din ngaia ka din reng avang chuan a rawn hawichhuak a,"D...min hre tawhlo mi?Keimah...Juliana kha!...

"Ka la hria che lo'm" ti bul hmukin min kuahna chu ka lathla a,a aia nghet chuan min kuah leh ngat!Misual lutuk mai!Nangmah vangin helai thleng thleng tlaitin ka kal ziah a,min ngai ve miahlo mi?Kei chuan nitin hi nang ngaihtuah lo hian hun ka hmang ngailo,enge I tih ang? tih te,I dam nge damlo? tih te,zing I tho tha em?thil i ei tha angem?tihte hi ka inzawt ziah asin!Vawikhat tal pawh nang ngaihtuah lo hian zing hi ka la tho ngailo!...Sual lutuk!tih pah chuan ka âwm a chum a,hmeichhia mah nise,min chûm na lutuk chu a kut pahnih ah chuan man betin ka fawp thut...a tal nasa ngang mai!ka man nghet bawk a, a tha a thlahdul thleng chuan ka fawp ngawng ngawng a.Ka thlah hnu chuan a muttui chu hruk sakin ka âwmah chuan ka pawmbet a.

A la inhnit deuh feih feih a,sual lutuk mai!damdawi in atanga ka chhuah veleh in inah ka lo kal a,mahse i nuin in i chhuahsan thu min hrilh a...ka zawh ka zawh pawn a hriat tawh loh thu chein min chhang a,Timothy ka zawh lahin US-a lehkha zira a awm daih thu leh in inbiak ngailoh thuin min chhang bawk a...helai hmunah hian ka hmuh theih che ringin tlaitin ka lo kal tawp mai ani!

"Kum hnih chhung min hmu tur ringawtin maw I lo kal?Ringhlel leh makti deuh chuan ka zâwt a...

"Imm...Nangmah vang chauhin....min hruai haw tawh mai rawh!I tello a nikhat lek pawh hi a hrehawm emai!

Ka pawmbeh tlat chu ka thlah a,a darah chuan ka kut khinghniha dawmin chiang zetin a mitah ka en a "Lia,kan pahnih inkar kha chu kum hnih kalta khan a tawp vek tawh!Chu chu kan hriat a ngai.Ka tel lova i nun hlim taka i hman a pawimawh ber!Keipawh tuna ka nundanah hian ka hlim lutuk!chu chu I hrethiam tiraw?Lia,kan pahnih chuan a remlo ani....a mittui tling pam chuan min en reng ringawt! Rail lo tlan mek chuan min pel chiah tih chuan ka tlan nghal a,ka zuanglut hman hrâm!A theihtawpin ka hming lam chung chuan a rawn tlan a,a vawihnih na atan ka kalsan leh a ngai ta!

In ka thlen chuan engmah pawh eilo chuan ka mu nghal hmak a,naktuk kan bungraw thlenni anih bakah kan hah deuh dawn avangin mut hma ka duh hrim hrim a,Engtik laiin nge ka mutthilh ka hrelo!ka ke a thil vawt takin min deh chuan ka harh deuh zawk!puan chu ka sin tha sauh sauh a,ka mut a chhuak bawk nen ka muhil zui leh mai a,a hnu lawkah chuan inhnit feih feih ri chuan min tiharh leh a,ka ngaithla chiang a,chutah zet chuan keimah chiahin room-ah ka awmlo tih ka hre ta!ka mutchhuak pawh a reh nghal vek!Ka thin chu a rawn phu nghal dup dup a,ka thawm hriat chu a reh leh hmak a.Rizai kar atang chuan ka bih dek dek a,tukverh pardain tlema a khuh phakloh atanga thla eng rawn lut chuan a rawn ên pha chang chang a.Ka khûm mawnglam chu tlema hmuh a har deuh avangin ka awmrem deuh a,ka maimitchhing a,...1....2....3...ka rilru chuan a chhiar a,ka meng mai ngamlo .Chutah ka ke chu chiang em em mai hian kut vawt tak hian a rawn man ta!ka phut deuh zawk avangin hrelo angin lang dawn ngawt mah ila,a chiang em em bawk si! Ka rizai chhungah chuan ka ke chu ka dahlut a,ka rizai chu nghet takin ka hmer bawk a,ka khûr nasa lutuk chu ka khumte chu a nghing vekin ka hria!

"D..."

"Eng...eng....enge tuna ka thu hriat kha?! D tiin min ko maw?...Juliana lo chuan chutiangin tuman chutiangin min koh ngailoh avangin Juliana a ni tih ka hre mai .Ka thu chhuak nghal a.."Lia,tun ang zan tlai tawhah enge hetah I tih?Min tihlau alawm!Bakah engtin nge I lo luh theih?a mak ka tih em avangin min chhânna pawh ka nghak hmanlo.Ka âwrâwl pawh mak ka tih luatah a ring hle!

Bang lam chu a hawi tlat a,chhân pawh min chhânglo!ka khum bula puan hlap pakhat chu lain ka sintir tur chiah chu...a kawr chu a thler hnuang tih ka hmu ta!Thlang lam chu a hawi tlat bawk si!

"I chungah enge thleng a?!I kawr chu a va thler nasa ve?...

Min chhânglo mai pawh nilovin ka biak chu hria ang pawn a awmlo,a awm ngai reng chuan a awm ngul a. Ka tho a,light ka on chiah chu a rawn puak deuh pup a,a thim nghal hmak!Nimina ka thlâk zawh chiah ani bawk sia,mah ka ti ve det!ka leisual pawh ani maithei!..Ka phone light chu ka on a,ka closet a ka T-shirt hmuh hmasak ber chu ka lâ a,"Kha,hei hi ha rawh"pek tuma ka hawi phei chu a lo awm tawh miahlo,khawiah nge maw a kal hman daih le?Room kawngkhar chu a inkhar tlat bawk si,a hming lam chung chuan ka kova,min chhang tur pawh an awmlo!Ruah a rawn sur zui nghal a,a sur hnem reuh phian lehnghal!"Khawiah nge maw a kal daih ang le?Kawngkapui lah a inkalh tha vek bawk si!

Chutia mangang leh hrilhhai taka ka awmlai chuan ka Kawngkapui chu an rawm chum ri dawt dawt a,Juliana anih dawn chu ka ti a,va hawng vatin "Lia khawnge I kal daih a,ka zawng....."sawi pawh ka sawizo hmanlo!Police leh Lia nu leh pa ka hmuh chuan ka tawp chat!

Lia nu chuan "Officer,Hepa hi lo'm...ani lo chu hetiang ti duh tur an awmlo"...Hepa hmu tur hian alawm ka fanu hi nitin Subway ah a kal thin!min kâwk pah chuan a ti a,mak ka ti bawk nen "Engnge he....hetah iiiihhh...in...in lo tih?ka tawng bah deuh nak a,Chutah Lia pâ chuan ka kawr awmah thamin "mi tenawm lutuk!ka fanu hian I eng pawi nge a sawi?sawi rawh!,heti êm êm a râwng hi maw i lo nih"a thinrim lutuk chu tawng pawh a tawng tha hleithei lo!a insehruh a, Ka hmaiah chuan hnekin,kut chu min thlâk zui nghal a,police leh midang awm ve chuan an lo dang nghal sap sap ,thla lo la tâwk la bolo!Police pâ chuan min en deuh vang vang a,I inchhung kan lo en lawk ange"tih leh luh a rual nghal a,ka bungrua te chu dimna pakhatmah tel lovin an chinglet vek a.Pot te ,drawer te chu an enkim vek a,ka lehkhabu bâwmte pawh chu an chinglet vek bawk a,ka in uluk taka ka lo enkawl ve thin chu sazu bu aia hnawkah an chhuah ta!

Police chuan mi rawn pan a,vawiin tlai dar 4 leh zan dar 9 inkara ka awmna leh ka thiltih chu min zawt a,kei chuan kan school hluia ka kal thuin ka chhang a,kan school hlui chu a awmna hmunte,engin nge ka kal tihte chu chîk deuhin min zawt zui nghal a,a hlat tham avangin rail-a ka kal thu chu ka hrilh leh a,ka thusawi apiang chu a note bu kenah chuan a ziak zel a,"rinhlelh thu a man ka ni tih chu min hrilh pahin kutkawl chu min buntir nghal a,a ngaihna ka hrelo hle!

Police ho chuan min hual khup a,mipui thinrim awmkhawm kut min thlâk tumho lakah chuan min veng ni berin ka hria.Mahni loh maha rilru hahna tur ngah tawh nâk alaiin,ka thil tawn mek hi ka hrethiamlo!ka mang vek a,police hovin min kaihna ang ang chuan ka awm tawp bawk,Police motor chhunga kan luhlai bâk chiangin ka hrelo!

Tui vawt taka ka hmaia min theh chuan ka harh kâwkin ka hria,chair ah hian min thuttir a,tunah chuan police custody-ah min dah tih ka hrethiam ta! ka kut chu hnungkhirhin handcuff min buntir a,ka hmaah chuan Police pakhat hi a thu a,a hnungah chuan mi pahnih a ding leh veilamah chuan an ding bawk a,"ka chunga thil thlen chhan hi pakhatmah ka hrethiamlo!"engvangin nge hetah ka awm?Eng thil sual nge ka tih?Min man theihna dân pakhatmah in neilo"ka hmaa thu chu rum taka melh pahin ka vin a..

A dinglama ding zawk chuan"Khatiang te i la sawi ngam ani mâw?tih pahin ka kêah chuan a tiang ken chuan zak kau meuhin min hlap nghal a,kei chu nâ ti ang pawn ka awm duhlo!ngheng ngalh chuan ka melh a,ka nui deuh sak!chu chuan a tithinur zual a,min hlap leh a tum chu chair-a thu chuan a lo dang a.

Chutihlai tak chuan kawngkhar chu tuemaw hian a rawn hawng a,ka hmaa thu chu file rawn pek pahin "Forensic result chu a chhuak tawh a,victim Juliana Lalhriatpuii chu pâwngsual a rehlum ani"!a sawi duh zawng a sawi zawh chuan a chhuak leh nghal a.

"Eng thu nge ka hriat kha?ka bing nghal mum mum a,"Tu Juliana mâw?" ring tak chuan ka au va,"Officer chuan,"Juliana Lalhriatpuii mawle!I bialnu I pâwngsual hnuah I rêk hlum nghal a,tunah i hrelo der amaw?!min hlap nghal pawp pawp a,min hlap na aia ka thinlung na zawk chuan min hlapna chu engmah nâ min hriattir lo!.Tu in nge tiang thil chu ti duh ang?Hlim taka awm turin ka kalsan ani lo'm ni?Ka bulah a himloh avangin ka kalsan a,ka kalsan veleh hetiang thil hi a chungah a thleng amaw?Keimah vâng vek ani!

Ka rilru na leh thinrim bawk si chu ring tak chuan ka au va,ka kut min hnungkhirh tlat si avangin chêt pawh ka che tha theilo!ka kê te chu ka leng vak vak a,ka theihtawpin ka au va,ka bula inspector awm ve te chu hlauvin an phili buai nasa tih ka hria,mahse chu chuan ka thinrimna a tizual sauh emaw tih tur ani.
Theihtâwp chhuahin ka ding a,ka kut an hnungkhirh tlat si avang chuan harsa tak ani,thing thutthleng anih avangin bangah chuan tihchhiat tumin ka nat leh nat loh pawh ngaihtuah loh chuan ka va deng dawt dawt a,a ke pahnih chu a thlawn ta,a chhia tih ka hriat chuan a aia nasa chuan ka deng leh a,ka nghawnga thil zumin a min rawn chhun chuan ka zawi nghal hnawk!Engkim chu hre vek mah ila,ka che thei talo!

Handcuff min phelhsak laite pawh chu ka hre vek,khawvêl hi chak takin a vir ni maiin ka hria,ka sa huam huam a,a thinphu chu a rang em em bawk!Ka mihring hmuh apiang chuan ka thin an tirim!Tinge Lia ai chuan anni hi an thih zâwk loh?Thih chu anni hian an phû zâwk ani lo'm ni?tah pawh ka tap theilo!ring tak chuan ka auva,ka thil hmuh engkim chuan ka thin an tirim takzet!Che thei ila,engkim mai chu tihchhiat vek ka duh!min hlau taka lo khûrte chu khawngaihna pakhatmah ka neilo!khawngaih a hnêkin Lia ai chuan thi zâwk se ka tihna chu a lian daih zâwk!A tâwp vek tawh!mahse awih a va har sî êm!

Ni thum chhung chu engmah ei lovin ka awm a,"Lia nui hmêl te,Subway-a min thlahlel taka ka hruai haw a ngen laite,a vai mai chuan ka tûn hun angin ka hre vek!ka hmaah hian big screen -a chiang taka en reng ang mai niin ka hria!Ka inhaw takzet!Lia,I mi hmangaihna kha ka phûlo!Ka kalsan tawh che chuan min bansan ve mai tur che nia!Tinge I ât êm êm a? Kan tan chhûn leh zânin danglamna a nei lova,ka mutthilh lai ka hrelo ang bawkin ka thawhlai chiangin ka hre lova,a châng leh bathroom ah tui herh hawin nileng nilengin ka awm thin bawk a,zân reh ruihte chu ka tan chuan khawharna tizualtu mai ani.Ka mitte chuan mi chêvel te chu hmu vek mahse Lia hmêl chauh chu ka mitthlaah a châm reng a,ka bulah hian a awm ve reng ni maiin ka hria,a nui ri te,D tia min ko ri te,ka beng hian khâ rî bâk kha hriat a duh tawhlo!mak tak taka chêt chu ka chîng tan a,ka diary chauh chu ka khawvêl neihchhun ani tawh!


              ***********





Diary ka chhiar laklawh lai chuan ka hawichhuak a,damlo khuma mu mêk Nathan-a chu ka en a,kum naupang tê a chutiang thil a paltlang chuan ka rilru a tina takzet!Khawvêl hi chu thenkhat tân hi chuan a fair lo ani, a hmangaih tana tha a rin zawk avangin na tak tuar chungin a kalsan a,Nathan-a chungchanga hma la theitu chu keimah chauh ka ni ta,ka kutah a damchhung hun chu lo tha chhuak leh pawh nise a awm tih ka hria,kei hian ka theihtâwpin a dikna chanvo a chan theih nan hmâ ka la tur ani.A hmangaih a chân tawh a,a dam chhung tam zawk hrehawm leh khawhar rêng rêngin a awm a,eng kawngah mah a phunnawi ngailo.A pawnlam lan danah chuan mi ngeiawm leh luhlul tak,"kei ka ni" inti chin ngat a ni tih ka hria,mahse ani ang êm êm a hmangaihte tana inpe zo hi an awm thei dawn em ni?A takin sawi lo mahse a nunin a tarlang a,chuvang chuan ani Juliana pawh hian ani kher a lo thlân a,Kum hnih ngawt rail Platform-a a lo nghah ziah chhan!Tunah a nunna in a chân phah lo chauh ani si a.

Ka chhiar chhunzawm a.....

******


Nikhat chu ka ngaihtuahna leh awmdan zawng zawng thlâk danglam vek tu ka tawng ta!Ka awmna cell ah chuan ka classmate hlui,hmâna Timothy-a'n Lia nena kan inkar a felloh tuma min ko tura a rawn tirh bawk kha ani a,a hmêl ka hmuh chuan Lia bâk ka rilruah a thar lo!Khawngaihna mitmenga min ente chu ka hua,"Haw nghal rawh,vawikhat mah min hmu turin lo kal tawh suh"ka tawngkam chu a thlumlo hle tih pawh ka hria,mahse Lia a awm ve tawhlo ani tih min hriat thar tirtu ka hmelhriat hluite zawng zawng chu ka haw vek!

Mahse a haw tur chiahin,"Lia chungchang thudik I hriat duh ngei ka ring"a tih chuan ka beng a verh nghal zar a,engtik laiin nge a nghawngah chuan ka reh hman ka hrelo!police te chuan an rawn pui a,ka rek nghet deuh aniang,ka thlah hnu chuan a hrawk dawm pah chuan a khuh deuh karh karh a,letter hi ka cell chhungah chuan a rawn thehlut a,police te chuan thil inpek phal lo mahse ka kuta a luh tawh miau avangin min chhuh ngamlo!

Envelope-a a thu inziak chu chhiar pawh ka chhiar lo,ka pawt hawng a,"Eng thil nge ka thu chhiar hi?!!!ani theilo!!!dâwt vek!Tiang thudik ani theilo!ka thinrimna leh rilru natna chu a hma aiin a zual a,lehkhathawm chu ka room ah chuan ka hmetkhawr a,ka paih tawp a,cell gate chu ka thinrim tlanchhuah tum chuan ka sawi vak vak a,tâng dangte pawn min hlauh vek tawh avangin tuman min khap ngamlo!Engtin nge anih theih?Anilo...dâwt vek,tinge Timothy kher?U.S ah a awm ani lo'm ni??Ring tak tak chuan ka auva,eng ang pawhin thinrim rilru na mah ila,awmzia a awm tawh silo!Tinge ka hmangaih leh ka neihchhun apiang ka chân a ngaih,ka tawrh hi a tâwk zozai tawh lo em ni?

A phêk lehlam ka keu chu ka lo chhiar zo tawh reng chu niin!Tinge Nathan hian a ziahzawh vek loh le?Tu tih nge ni ta ang?Tinge Timothy kha a tâwpah a ziah lan ve?Chuan....Letter ah chuan enge inziak?

Phêk tâwp ber chu ka chhiar nawn leh a,helai hi nimin tlai lawka a ziah ani tih a chunga te reuhtea a date inziak chu ka hmu a,a cell kha check ka duh tlat!a la awm angem le?Hmanhmawh takin damdawiin atang chuan ka tlanchhuak a,ka kalna tur chu tumah pawh ka hrilhlo.

Police Station ka thlen chuan Nathan-a cell chu ka pan nghal a,a khum hnuai te,engkim mai chu ka en vek a,ka hmu chuanglo!Peon no. chu file atang chuan ka en vat a,ka dial nghal a,vanneihthlak takin a lo pick up hmâ hlauh!Minute 20 hnu velah chuan a rawn thleng a,room a tihfai thu leh a bawlhhlawh paihna hmun chu min hrilh a,mi tenchhe tak ni mah ila,ten pawh hemi tum tak hian ka hre miahlo!Kha lehkha thawnah khan thil pawimawh ber leh ka a phena misual tak chu a awm ka ring tlat!Bawlhhlawh chu a tam tham avangin a mal te te chuan ka hai a,darkar hnih vel zet ka hai hnu pawn ka hmu chuanglo!Chawl lovin ka zawng zel a,a tawpah chuan lehkha inkawr chu ka hmu a,beisei nei takin dim tak chuan ka tipharh a ,a la nilo zui!Beidaawng lo chuan ka zawng zel a,a tawpah chuan lekha inkhawr bawk chu Sangha tin bulah chuan huh vekin ka hmu leh a,chu chu anih ka ri g tawh tlat!dimte chuan la a,a tawpa tawpah chuan ka hmu ta!Hmun fai leh thianghlim zawk pawh ka pan hman tawhlo!Chhuatah chuan dimtein ka pharh a,ka phone flashlight chu ka on a,ka thu chhiar chuan kei meuh pawhin thawng hle!ka thin a rual rualin ka rilruah Nathan a lo lang nghal!

Engtin nge tiang thil a thlen theih?Paper chu Timothy-a'n U.S atanga a rawn thawn a ni a,a chhungah chuan Juliana thah a nih zan chiah khan U.S atanga a rawn haw ni chiah ani a,an thian hovin a lawmna an school hlui bula bar lar tak pakhatah chuan an nei nghal a,duhaiin tleirawl hawklak na nà nà chu an rui bawk nen thil thar tihchhin an chak tlat!Hmun rehlai deuh nia an hriat chu an sawikhawm a,a tha ber nia an hriat Subway lam chu an pan ta !A thiante chuan an drug paipawn Cocaine leh LSD chu phawrhin Timothy chu ti ve chhin turin an thlêm a,a tirah chuan hreh viau mahse thil thar tihchhin châk leh thiante tih apiang nuam ti chi anih avangin a ti ve ta a.An vai chuan an rui hlawm tawh hle!Chutihlai tak hmeichhe pakhat ring taka tapa au ri hi an hre ta a,a tirah chuan va tihbuai pawh an tum hran em em lo ,mahse hawna tur neilo ang maia zan rei tak thleng a awmna ngaia a awm reng takah chuan zan a rei tawh bawk nen va biak chu Timothy chuan a châk tlat!A thiante chu an ruih zual êm avangin thawh pawh an tho peihlo!

Timothy chuan a hnunglam atang chuan a pan a,a darah chuan a va khawih a,chuvelah Juliana chu rawn hawipheiin Timothy a hmuh chuan Nathan-a thianpa ani tih a hriat avangin zah pawh sawilovin Timothy awmah chuan a hmai a phum a,nasa tap ta a.Timothy rui lutuk chuan Juliana ani tih pawh hrelo chuan a la tih ngai reng reng loh chu tihchhin a châk leh ta tlat!Juliana chu a sual lui ta a,a tihtur a tih zawha a thawh leh chuan a hlauthawng bawk nen a thiante a hmu nghal mailo nen an hriatchhuah hlau lutuk chuan a rêk hlum zui nghal a.Chumi hnu ina a haw atang chuan a awm a nuam thei ta lo!A tûk zîng chanchin tharah chuan a mi thah chu Juliana a nih thu leh rinhlelh thilah Nathan man a nih thute chu a hre ta!Chuta tang phei chuan hriatchhuah hlauthawng reng rengin a hun a hmang ta a,Juliana chuan khawi hmunah pawh awm se a zui zelin a hre tlat!Thiante dangte kâwmin nuamtâwlna hmun hrang hrangah kal mahse a thiltih kha a hrechhuak zel bawk si nen khawi hmun mah nuam a ti tak tak tawhlo.U.S-a kir leh mai chu thain a hria a,a pan ta nghal reng bawk a.A thil tihsual chuan rawn umzui zelin U.S thleng chuan a rawn umpha a,Juliana lah a mang lamah a hmu reng bawk si.A tâwpah chuan dam reng chu nuamin a hre ta lova,kawng awlsam ber nia a hriat chu a thlâng dawn em ni ang?Nathan lah amah vangin panic disorder a nei tih news lam atang a hre zel bawk nen inpuan tawp chu thain a hre ta a!Mahse,A thiantha ber Nathan engtin nge a hmachhawn tâk ang?An inhmangaih zia pawh hrechiang bertu ani si a!Khawvêl hi a tan chuan hmachhawn ngam a ni ta niin a hre ta lo!a tâwpah chuan tihdan a hrechhuak ta!Nathan tân letter chu a ziak ta tawp a.A ziahsa chhiar tur takngial pawn huaisenna a neilo!High school an kal laia a tana rinawm taka lo thawk tawh thin chu a boral hnuah Nathan chu a lehkhathawm pe turin a hrilh ta ani!

Ka chhiar zo chu ka thingthi nghal hnawk a,Nathan tân chuan a va na dâwn êm!tleirâwl mai a la ni si a,khawvêl fair lo a tih pawh kha a âwm hluah hluah!





*********1 Year Later****






Kum dang ang bawkin ka nau birthday pawh a lo inherchhuak ve leh ta!Kum 3 lai liam tawh mahse nimin thil ang vekin engkim kha ka la hria!A nui ri mawi takte, "u" tia min koh thinte kha ka bengah a la châm reng a,Ka zin haw thil ka hawn loh changte a a thinrim titau te kha ka ngai thin!Ka bulah a awm rei dawnlo tih hria ila chu a hlimna tur khan engpawh ka ti tur a...

Ka insiam a,ka chhungte chu ka kalna tur pawh hrilh lo chuan ka chhuak a,khua chu a vawt deuh var a,Thli thawte chuan ka nau hlim takte nui ri kha a rawn thâwtpui ni maiin ka hria,engkim mai chuan ka lung a tihlen rualin engtin emaw tak keimahah thlamuanna a awm tlata hriatna hi ka nei bawk a.A thlân ka thlen huna a hlim nui hmêl tur ngaihtuah chung chuan car chu chak takin ka khalh a,a thlân ka thlen chuan mak tak maiin enkawl tih hriat tak hian a lo fai han mai a,a thlân hual vel hian pangpar a lo awm vek bawk a,a dam lai ai pawha hmeltha zâwk hian a thlalak chu nalh tak maiin a lo awm bawk a!Ka buai theih êm thin avangin ka nau thlân tlawh tur pawn hun ka insiam hleithei thinlo! Tu in nge a thlân hi lo enkawl ta ang?Kei lo chu tumah a thlân tlawhin an kal ngai bawk silo!makti tak leh hlim veng veng chung chuan a thlâng bulah chuan ka thu a,a thlalak chu damlai ang mai hian ka be mawlh mawlh bawk a.....Juliana Bawihte,Nathan... I 'D' kha,a tirah kha chuan heng i chunga thil thleng zawng zawng hi a tih vek emaw ka tia, phuba lâk tumin ka theihtawpin ka bei a,I chunga a thiltih avangin hian hremna na thei ang ber tuar se ka ti thin a.....mahse...mahse maw..Bawihte,min ngaidam rawh aw,Engtiklai mahin nau tak tak angin ka en ngailo che a,fa lak i nih thu vawitam i nat theih ang tur berin ka hrilh fo che a....Ju,khawngaihin min ngaidam rawh aw....I laka ka bat tlâk nan Nathan kha ka theihtawpin ka pui asin!Tunah chuan a dikna chanvo a nei let tawh a,nunphung pangai a zawh tan tawh asin.I laka ka awm thin dan kha a diklo tih pawh ka hria...hetiang thleng thleng kan kal dawn ani tih hria ila chuan Nathan nen khan pawhthen dan che u kan rêl miahlo tur ania, Bawihte.....I.....i ngaihdamna phût ngam tur pawh ka nilo!Hremna chu lâwm takin ka tuar mêk asin!I tellova awm hi nuam tak ni turah ka lo ngai thin a...i telve lohna khawvêl hi zawng a va hrehawm êm !
Nathan anga hmangaihtu I tawng hi chu ka lawmpui takzet che,khawvela mi vannei ber i ni!Mahse,I vanneihna kawng tichhetu ka ni hi chu ka inthiamthei ngai lovang.I u hi ka sual lutuk!misual tak ka ni!
..Nathan pawhin a ngai thei ngawt chein ka ring!Tunah chuan a natna pawhin ziaawm lam a pan tawh a,mi pangai a pha tawh asin!I awmna atang khan a that chhoh zel theih nan leh nang anga hmangaih dang a tawn leh theih nan lo tawngtai pui rawh aw!!..."Kei chuan ka unanunu neihchhun ka chân che a,Nathan erawh chuan a chhhungte,a thiantha ber leh nang...nang a chân che sin!A neih zawng zawng a khawvêl te in ni asin!.
..ka inchhir a mittui chu ka dang zo lo...

Ka tihtur ka tihzawh chuan a thlalak chu ka en leh vang vang a,"Bawihte,lo inenkawl tha rawh aw,ka lo kan leh ang che,vawiin hian i hmeltha lutuk ania!"....Haw tuma ka inher chu ka piah lawk ah thingbuk hnuaiah Nathan chuan dingin min lo en reng a.....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)