AWMKHUA A HAR

Story tawi te te emaw luanliamna emaw post na
Tochhong Ruata
Posts: 53
Joined: October 2nd, 2016, 1:46 pm

AWMKHUA A HAR

Unread post by Tochhong Ruata » May 31st, 2021, 1:24 pm

AWMKHUA AHAR..
Ka Chak zawk zawk lemlo, Pute bula zin nimahse mahni chauha kal kan ni ngailo bawk a, kan hnathawhna hmun Lunglei lam pana kal pawh a khawhar thlak em em ngai lemlo..mahse tuntum Chu ka Pu copter chuangchakin min phatsan a, amah nen Lunglei lamah intawng leh ngei ang aw tih hla ang deuh khan intawng leh Turin keimahin Gypsy tawng lam nen Hnahthial lam kawngah ka tlan a ngai dawn si a...ka phur em em lemlo, ka phur lohna pakhat chu...Ka chhungte ka kalsan leh tur mawlh hi a ni..Aizawl lamah chuan ka duh tawkin ka mu thei a, eirawng ka bawl a ngailo a, ka insu ngai heklo, mahse saw lamah chuan 'ka tih ngailohte ka tih a tul leh ngei dawn si a' ka Chak falua lemlo...mahse naupan lai pawha "Kei Chu U Zuia handyman tur" tia nihtum lo sawi thin tawh ngat kha ka ni bawk a, motor khal leh a behbawm thenkhat ka tih a tul fo reng ani, ka phun nawi hauh tur a nilo...tiin zing Dar 6 ah Aizawl chhuahsan tur chuan ka inkhal chhuak ta a...
Bawngkawnah Petrol ka thin mek laiin nu pakhat in Hnahthial ah haw tum an nih thu leh a fate 2 nen motor an chang a, an hmuh mai loh thu an bula ding putar kekawr bul var ha a hrilh lawng lawng Chu ka hria a, ring lenglawng hian "kapi keipawh Lunglei ah ka phei dawn a lawm, Hnahthial thleng Chu lo bei ve u la" tiin ka zuk bia a, tichuan kan inremsiam fel ta der a, Lunglei zinkawng Chu kan zawh ho ta a..
Ka miphurh te chu nufa an ni bawka an in ang tlang hlawm hle mai, an hmaithlak a tha a, Ngo lam hmaifai tak vek an ni a, nu ber Chu Kum 40 ralkai tawh hmel a pu a, .mipa tleirawl chu kum 12/14 emaw hmel a pu a, ka pu inhmuamupna seat a thu nula erawh kum 18 vel lek niawm hmel a pu thung...a ngawichawi viau mai lehnghal a, a hmel chuan zirviau lo phei se a nu emaw zawk chu ka bulah ka thut tir zawk ngei ang le..mahse Lota hunlai ata tawh hmeltha hi chuan mipa hi minlo ti engemaw riau thin a nih pek hi...
Ka tape Chu kan tizai a, hla chihrang hrang Otto cassette dawr atanga ka dubbing tir hla 15 Lai awm Chu kan zai tir rat rat a, tuirial kan thlen meuh chuan an thi chiah lo nangin an meng tawhlo hrim hrim...Selingah chaw kan ei a, muang chang miahloin kan tlan lehnghal a, titi khawhchang kan vawrh a, an sawi hmangin an unau chuan Mt.Carmel Hostelah an awm a, an Pu lungphun Turin an hawng lawk dawn a, nu ber in chiseh lam pahin a hruai hawng a ni awm e..engpawh nise nu tawngduh ve tak a nih vei nen ka bula thu ka ngaihzawn ruk em em mai tleirawl erawh hmui charphui ang hlauh a ni thung... Baktawng kan thlen meuh chuan nuber a dangkham vang nge a muhil ve ta suk suk a...chu chu engemaw remchangah hman ka tum ta a...
"Awmkhua Ahar nang ngai reng hian, chhun ni leh zan khua kalo hmang thin" Tia Lalramhluni run tak maia a zai chu ngawi rengin kan ngaithla dun a.."a van nalh ve" "mawi i lo tive e law..? Kan tinawn leh ang aw?.."ummm"...ka rewind na Chu kan hmet a, a chik tawt a, a awm tawk awm velah chuan ka tawp a, kan duhtak chu a rawn zai leh ta raih raih a..ka va melh zauh a, minlo en reng a, kan hawisawn dun vat a...
Tichuan kawng tluan chuan chu hla chu zai tiriin kan ngaithla dun a, sawi chhuak chiah silo chuan inpawh takin kan in seih leh zauh zauh thin a..March thla chawhnu lam lo hal boruak lai a ni a, khua chu lo hal khu parchhuang luih vang chuan a hnim deuh ruih bawk a, a hnunga thute an muthlu lawp lawp bawk nen chutihlai boruak tluka nuam Chu ka tawn leh ka ring tawhlo..kan mit a intawng sak sak a, kan innuih leh seih thin a, a sen ap ap a, Kei tlangval upa lam tawhpawh ka lai leh tep thin...sawichhuak silo chuan kan rilru erawh a inhmu fu mai...
Tichuan kan tlan zel a, keitum kan tlen meuh chuan a hnunga chuangte hriat hlau tak chuan khing khat a motor khalh chungin kut vei lamin a kut lum thar thar nel thap mai chu ka hum sak zauh zauh tawh a...a haw lemlo nangin a Zak ve deuh tih a hriat theih a...Hnahthial thlen hma Km 10 velah zunram kan thiar a, a zin bag atang chuan engemaw zahzel siamin lehkhapuan leh pen a la chhuak a, kan tlan tan leh atangin engemaw a ziak niap niap reng a, chuti chhung zawng chuan a nu chuan ka chungah lawmthu a sawi ngat ngat a, mahse ka beng lehlamah a chhuak zel a niber, a lawmthu sawi a aiin a fanu thil ziah chu enge niang tih ka bengkhawn zawk si a...
Ui ru tak Chung chuan Hnahthial kawnah kan in vai liam a. Ka bulah chuan Palian zet mai tawng buah buah mai ka Pu thianpa a thu vung tawh a, a titi tui viau nangin ka rilruah a lut lemlo, ka bula nula thu in a chhuk dawn a lehkha a ziah pawt thla in desk board a adah lehkha a thil inziak chhiar hun chauhin ka rilru a kap zawk...ka hawng chak lutuk tawh si a...
Ka inbual zo a, chaw pawh ka eikham tawh, ka roomah ka lut a, khuma muzal Chung chuan a vawi 12 nan nula lehkha ziah min rawlruk Chu ka lek chhuak a, Lalramhluni zai ngaithla pah chuan ka chhiar a...
"Bawngkawn petrol pump a i rawn din atang khan ka mit i la a, kawng tluanin ka thla i ti muang a, rilru dang ka pu theilo...hmangaihna hi vawikhat inhmuhna ah a awmthei ngei a ni tih ka chiang ta...ka ngai dawn khawp mai che...Sunday ah lo zin la...
-Sangpuii
Tih Chu ka bih ngar ngar a...
Sunday chawhma inkhawm lai chuan ka Pu bulah Hnahthial kal ka dil a phal avanga phur tak chuan Zobawk khua chu ka tlan pel vawk vawk a, Chhun Dar 12 dawnah Hnahthial Chu ka thleng a, Khawlaia naupang in marble perh mek te hnenah chuan "Mama khawi lai nge Pastor quarter" kan ti a, min hrilh hnuah Presbyterian biak in lo lang lam pan chuan phur takin ka tlan lehnghal a..an kawtah chuan thuthleng a lo awm teuh mai a, an Lungphun thutna hawh khawm a nih ngei dawn hi tiin inchhungah chuan ka pen lut ta a...
Nu ber chuan minlo be hlut a, kan inchibai hnuah ka hmuh chak zawk hmel chu kan mitmei ru deuh a...chutah banga mitthi pangpar inkhai chuan minti bing ta mum mum a....
"Kan thian kan ngaih em em Sangpuii, a hun kan va tilo tak em" - I thiante...tih Chu a lo inbel va va a...a nu hmel Chu ka en leh vat a, Lusun hmel ka hmu thiam ta nghal a...ka kal chhan min zawh pawh Chu ka lo hre mailo a, ka chhang buai viau reng a...
Nilai ni khan KTP inhlawh in Mat luiah Blanket su in an hnatlang a, hlim takin tuite an Cheng a, hawng Tura an insiam hnuah an zingah Sangpuii hmel a lan tak siloh a vangin an zawng a, an au vak vak a, an zinga pakhat in tui thuk tak mai kopang depa Sangpuii tui tla chhantlak awmtawhlo Chu a han hmu a,...tichuan kal lama hlim em em kha...lungngai leh tap chungin an pastor quarter lamah an lut ta zawk a lo ni a...
Ka haw kawng tluanin enge ka rilru a thilawm ka hrelo, ka bing mum mum a ni ber...Vawi 1 kan intawng a, engkim a intan a, tunah ni 7 lek hnuah engkim a tawp lehta si a...
"Zan khua tlaiin, runin sumtual ka fang thin a..Hawi velin Chung siar leh chhawr thla eng no riai..thlirin awmkhua ahar zual thin, i ngai hian maw..Lung min len e i kimtlang mawi na zawng khan e...
Awmkhua Ahar , nang ngai reng hian chhun ni leh zan khua kalo hmang thin, tlei reng a har i tello chuan engdang reng hi ka dawn theilo..." tiin kan intawnni a kan hla ngaihthlak chu play in Phurlo fahran chuan Ka mikhualna khua Lunglei lam Chu tlai ni tlak dawn ruai tawhah chuan ka pan leh ta a......
(Ka hmaikhawih phone hi kei zopa kut zungpui hian mil ve heklo...tihsual ka ngah viau ta ve ang...ka kut hlei thu mah nise minlo hrethiam hlawm teh u...)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)