KIDDY _By : Duati Tochhawng

Story tawi te te emaw luanliamna emaw post na
Thelma x ivy
Posts: 111
Joined: December 15th, 2020, 8:42 pm

KIDDY _By : Duati Tochhawng

Unread post by Thelma x ivy » June 1st, 2021, 10:45 am

Kiddy


Ziaktu: Duati tochhawng





"Hetiang ringawt chuan a theih dawn ami, a harsa iti ve lo ami"
Ka hma a ding mipa chu ka melh deuh kiau pah.



" a rem ve ngai dawnlo tih kan hriat ve ve kha, hei ai a harsat zual hma in kan tawpsan mai angai ani"



"Mahse" beisei nei si sawichhuah mai tur hrelo chuan ka ti chhuak leh hluai.



"Heihi Kidjø tawpna tur chu ni rawh se"



Tawpna alo thlen meuh chuan ngaihtuahna mumal neih ahar hle mai, keini anga in hmangaih dun tak si , awmdun rem ve miahlo hi an awm ve angemle, engtinnge chung mite chuan hringnun an hmachhawn thin bik ang le.



**********


"Ka lo thleng trep,in ninawm chhen lutuk" vin hluk pahin phone chu ka dah, jam a ka tan chhung hian vawi engzat nge min rawn call hman tawh pawh ka hre zozai lo, ka dawhthwihna hian a tlin thlawt thinlo.



Darkar chanve zet jam a ka tan hnu chuan ka thiante bul chu ka thlengve thei hram. Mizoram kawng zim lutuk leh kawng air a motor park chiam thin ho ka nin ber tum ani hial ang.



"Saw, ka hmeichhe hriattawh zawng a thinchhe ber mai" Dawnga tawng ri chu ka va hre pha, nge nia ka hriattur kherin a sawi zawk ni.




"Ngawi la nih mai chuh" an bul ka thlen rual chuan ka va ti ve nghal, alo ner nasa ngang mai.



"Thu diklo ka sawi pawh nilo" ala rawn ti deuh hram.



" i len tawh tawh nen i van â tak " ka lo ti leh , a duhlo ve ngang mai.



"Chhhelo min tih em kha"


"Thlawkbo mai teh" ka hawisawn nghal deuh hmak.



"Ka thlawhbo chu i hlauh em kha, Chuan heihi Zorema bialnu thar Sangtei anih hi. Dawnga chuan minko san ak pah hian a rawn ti.



"Kiddy" tih leh Sangtei lamah chuan ka kut chu phar nghal ka rual, ani pawhin min rawn vuan ve mai . Zorema erawh in min rawn en zawk a ahawisawn leh nghal thung.



"Kawppui nei velo hi engtinnge kan tih tak ang"Lalenkawla chu ka melh nghal hrawk mai, lei min rawn la chhuahkhum zui.



"Mahni inngaihtuah thei rual ka nih ve tawh hi, chutiang a buai pawh ngailo" ka lo ti ve deuh hlak hlak.



"Dikchiah mai, kan thianho zingah kawppui neilo a rawn kalngam chu ngaihsak vak angai ami" Sangtei chuan zam maplo in , min enkar pah hian a rawn ti



Kan thianho bul te tih ve, kan thianho zinga mithar ber ani tih a inhre zawklo amaw ni, rei tak thian kawmlo a ka awm vang hian kan thian ho zingah mithar ka nih viau na pawh ka hre chai love.



"Kan thianho zinga rawn kalngam iti mi...aaaa....tihpalh, inthian ho zingah kawppuin neilona ka lokal ngam avangin in buai phah sia" ngeiawm zetim ka lo ti, he hmeichhe hma ah mai mai hian ka zam dawnlo reng reng, Zorema bula thu anih vang hrim hrim pawh hian ka ngei.




"Min tibuai hleihnem, ngaihtuah rual ini tawhlo a, Enkawla hi chu a fel ve a , mithar inihna angin a ngaihtuah ve mai mai che nih kha" Sangtei bawk ani.



"Mithar kha sawi sawi velo mai teh, kan thianho zinga rawn lut hnuhnung ber inih kha, zaklo leh lutuk" Sangtei chhan ka tum lai tak chuan Duatin min rawn chhan khalh, ka tan thei bawk a ni pawh hianin min tan thin.



" a tawk tawh e" lalenkawla chuan a rawn khap vat, kei Rema , Dawnga leh Lalhruaia te erawh kan khi thaw hlawm.



Kan inhnehsawh thei piap piap hlawm si, Sangtei pawh a hmel ala duailo nasa mai.



"Lokal thar chu keimah ka nilo tih in hre vek, in lo hmelhriatsa anih pawhin rawn kalthar ber ani tho tho" Sangtei pawh ala tlawm theilo.



"Kan thianhi maw, kei ngei pawhin ka hmelhriat hmain Kiddy hi a awm daih tawh, amah atang hmelhriat ve chauh zawk ka nia, nangve hmanni lawk a piang, kamtamlo mai teh " Lalduati bawk chuan insum theilo in a rawn ti leh.


"Mithar ka nih vang a khatia min han tih kher bik chuh" Sangtei chu ka melh deuh kawk mai, a thil sawi zozai ho kha engmah a hre tawhlo nge.



" A tawk kal ang u" Zorema chu a ding nghal hluai, tawng ve ka tum velah Dawnga'n a mitmeiin min rawn khap nghal, Lalenkawla'n Duati hmui alo hup sak bawk, kan va indaih tlang thin em. Dawnga khan thinchhia min ti tak na a kan zinga thinchhe ber leh insum theilo chu Lalduati zawk hi ni, a ri nghal fak fak zel.




Kan vai chuan Hmuifang lamah kan kal , enge maw hlekah Sangtein min tawngkhum dan phet a zawng si. Zorema bialnu anihna laiah Lalduatin alo ngei bawk si in Sangtei chu alo chhang deuh nghal zung zung, a nghal si, a ti deuh zek zel.




Engvanga Sangtei hian min millo em em nge anih leh, Zorema bialnu hlui ka ni tih a hre sa mi le, mahse hresa nise thian zinga mithar ber min ti teisek awm silo.




Hmuifang tlang kan thleng chiah chu an thla laksak tu berah min hmang. Couple te thla laksakin ka vawin hun ka hmangzo mai dawnin ka hria, keimah takngial pawhin thlalak tha tia sawitur ka neiloh phah.



Reitak pawh awm tawhlo in kan haw zui leh mai, ka chau takzet.


Vawin nileng khan Zorema nui hmel ka hmulo hrim hrim, a nuilo hmel khan thawveng deuhin min siam hlauh pek. A hlimna chu duh viau mah ila ka tello a ahlim hmel hmuh chu harsa ka la ti fo vang ani pakhat.




Zorema leh abialnu chu Zorema te inlam panin an haw tlang a, midang erawh in kan inah min zui ho thung.



"Vawin kha chu ka puakkehlo chauh ani" inthlen rualin Lalduatin a ti chhuak nghal hluai.


"In hlim viau lo ami" ka nu in alo ti thung.



" hlima hlimlo, Sangtei khan ka mood a ti uih zo vek"



"Zorema bialnu kha maw , an unau in i ngei zo vek ani maw, an unauin i ngei zo vek lo maw"



"Oiii...chutiang in Zorema kha chu ka va ngei lo, i fanu thlavang hauh hian ka sen tawn tawn alawm" kan zavai chuan kan nui vek, a nulat tawh nen hian rilru naupangchhia na hian hmalam apan ve thei thlawtlo.



Ka thiante haw hnu chuan ka hahdam ve , ka hun tawn hrep hian ka nun hi a tichau takzet.



*****

Nite a inher liam ve zela , kan thian ho pawhin inkhawm zeuh zeuh kan ching viau. Sangtei pawhin kan inhmuh tirh ang kha chuan min ti tawh ngailo, mahse anui hmel ka hmu khat viau thung.




Thiante bulah hian hun hman tam duhve thin viau mah ila Zorema leh Sangtei an awm ve reng zel si, ka bialpa chu ani tawh hauhlo, mahse a hma ang tho khan a mi uapna hi keimah ah ala danglam theilo.




"Harhchhuak ve tawh teh, ahma a kawm nuam deuh, harhvang tak kha ni leh rawh" Lalrema ani, a hmel en in a thusawi chu awihloh hial zawk ani.



"A harhchhuah ngawt theihloh anih ber hi, kei ni ta la engtinnge i itih ang, hmangaih chan natzia i hre ve reng reng ami, thawveng si"



" nang ni ta ila maw...min hmangaihtu ka zawng mai ang, hmeichhe tan chuan hmangaihtu tluka hlu an awm hleihnem".




" A chhan i hriat kha, min hmangaih loh vang anilo"


"Mahse ati kehsawm tho che alawm, a hmangaih che chuan engdang zawng aiin a vuan tlat tur zawk che alawm"



"Nia tiraw, miten an sawi thin 'ka na tihin a sawifiah zohloh, mittui in luan na chang a hriat tawhloh hnu ah mihring hianin thinlung kehsawm awmzia a hre chauh thin' an tih kha, kha kha ka tawng ve in ka hria.




"Theihnghilh tum la itan atha ber"


"A theihloh tih chu i hre ve reng, bakah theihnghilh ka duhlo, hlimna min pek zozai avang te pawh khan hriatreng aphu ve rengin ka hria, hmangaihtu hlutna tal min hriattir tu anih pawh hi kan tan chuan a hlu a lawm"



"Chuti anih pawhin hmalam pansan ve tawh rawh, ani pawhi hmalam apan san tawh che".



"Awle kan tum ang chu" ka lo ti deuh sap.



"Tinge hetah i leng dawn tih i sawi lawkloh" Lalhruaia a rawn lang ve nawlh mai.



"Sawi kher pawh ngailo in ilolang tho alawm" an inchhang tawk thei ania.



"Lalhriatreng, engtinnge i bday chu kan lawm dawn" Hruaia bawk chuan a rawn ti leh.



"Tikhan min ko suh, Kiddy min ti ve mai teh"


"Zorema amaw min ti suh" alo ti deuh hluk, ni e, Zorema atan ani Kiddy chu ka nih ni.




"Ahhh...lawmdan avang tawh e, bakah naupang pawh ka ni tawhlo a lawm kher pawh tulin ka hre lo" ka lo ti.



"I upa lo hrim hrim, intur te kan lam anga, lawm ang u"



Diktak chuab birthday han lawm pawhhi ka huphurh, kum 3 chhung chu ka lawm tawhlo, ka lawm hnu hnun ber chu Zorema te nen a kan lawm kha ani.




"Induh dan khan lo ruahman teh u, mahse intur kha chu ka leisak che u ring hlek suh u"



"Hlawh i ngah teh reng nen i inrem hle mai" an la ti nuah nuah zui, sum thawhchhuah harsat zia hi an hre ve lo nge an hrelo der zawk ni.




"Ka rawn kal ania chhuak turin lo inring rawh" mak ti zetin message chu ka en nawn leh, mahse Zorema ngei ani si, ringhlel in ennawn leh thin mah ila a danglam chuanglo.




Rema leh Lalhruaia chu ka en lahin games an khel tui si, ka chhuah dawn chuan engtinnge chhuahlam ka siam tak ang, zan a han chhuah dawn chuan chhuanlam avang si.



Pakhat ah chuan han chhuahloh chu ka duh viau, bialpa hlui ten duh duh a an hruai kawi theih hmeichhia nih ka duh bik silo. Mahse ka chhungril ah erawh phurna ka neilian leh viau lawi bawk si, thu thlukna siam har ka ti tak zet.




Insiam pawh insiam talo a ka lo inngaihtuah lai chuan Zorema alo lang ta nawlh mai.



Lalhruaia leh Rema an awm ve rawh Zorema chuan hresa ang maiin mak ati lemlo, mahse ka inleng te pahnih rengin mitmu pawkchhuak lo chauhin an lo en thung, hahthlak hian ah.



"Ila insiamlo alaw" Zorema chuan min meng tizim san hian a rawn ti, hetiang hian alawm alan hmelthat em em, aaaaa.....chutiang ngaihtuahna hun pawh anilo, engtinnge ka tih ang tih zawk hi ani.




"Inchhuak dawn ami" zawh zawk pawh neilo chuan Lalhruaia chuan a rawn ti. Zorema alo bu nghauh thung.



"Kawrlum va ha rawh, bike ah chuan alum vak dawnlo ania" Zorema chuan a rawn ti leh.



"Inlam chu rawn ngaihtuah lo la" Lalreman nui chungin a rawn ti bawk, hepa hi nichin lawk ah hmalam pan turin min tia, tunah Zorema nen kan chhuak dawn a aphur ber ani leh lawi si.



Room ah lutin kawrlum panlam ka va ha a, Zorema nen chuan kan inzui chhuak ve ta nge nge.



Bike a kan chuan hnu chuan Zorema kuah ka duh silo, tlak ka hlau ve tho si chuan a kawrah ka va man bet.




"Min rawn kuah mai mai teh" a rawn ti deuh hluk, mahaw inti luhlul zetin ka lo duh biklo.



Mahse ka vuan mai mai reilo khawp, a tlanchak bawk nen a pawm in ka pawm bet tai tawh zawk.




"A tirah i duhlo nen nen tunah chuan thawchham trepin min siam alawm" tlanmuang deuh chuan a rawn ti.



Tlangnuam view ah min hruai a, midang pawh kal an awm ve neuh neuh, kan kalna chu Aizawl khawpui alangchiang bawk si nen a nuam takzet, ka thawveng deuh huaiin ka hria.





Bike ah chuan ka thu a, ani erawh a ding thung. Sawitur avang bawk si nen kan ngawi dun deuh reng.




"I hlim em" kan ngawih dun reng hnu chuan a rawn ti hmasa.



"Min zawt duh suh, i hlim zawk em"



"Hlimlo" alo ti tawi deuh tak.



"Tinge i hlim loh, hlim taka awm turin ka tih che kha"



"D hlui ngaihchang te a awm ve a" a nui riin a zui nghal.



"D hlui tello pawhin i nui thei lawm, hlim deuhin awm ula"


"Ka hrelo, duh ang hian thil a thleng thin silo a, ka hlim pawhin ka hrelo, keimah ah hian kimlo a awm tlat thin a, i bula ka hahdam ang hian tuma bulah ka hahdam ngailo"




"Hlim taka i awm loh chuan ka thil tih khan awmzia a nei dawnlo asin, keiin a ka pek theiloh zawng zawng pheithei tur che hmangaih i neih ka duhsak pui vangin che a kaltir che ka nih kha. Hlim i phu a, hlim taka i awm nan asin ka kaltir che"




"Mahse a hlim tak tak chuanglo alawm, i nui hmel ka hmuh ringawt pawh a ka lo hlim ve thin em em lai kha ka ngai, naupang chhia zet hian a rawn ti.



"Tunah chuan hmeichhe dang kut i vuan tawh a, i lakah beiseina tamtak anei dawn asin, tha takin enawk la, hlim takin siam tum rawh"




"A zia hi ka ngeithei lo lek lek thin a, hmeichhe tha tak anilo bawk nen"



Zorema'n mi a sawisel ve ka vawikhat hriatna, a khirh viau na in midang hi a sawisel ngailo hrim hrim.



"Midang zawng aia i thlan hmeichhia ani tho sia lawm"


"Then ka duh" alo ti liam leh puat.



"A rilru tinat i hrehlo ami"



"Ka duh tak tak loh chung a ka kawp reng pawhin ka tina tho alawm, tinat reng ai chuan tawpsan mai atha zawk" alo ti hul deuh hak.




"Chiang deuhin ngaihtuah la thuthlukna tha tak i siam ngei ka beisei"




Zorema nen pawh chuan rei pawh awm tawhlo in kan inzui haw leh mai, in thleng min thlah thlap a , loleng kawi tawhlo in a haw tlang nghal bawk.



Rema leh Lalhruaia pawh in an lo ka nghak ve tang tang, keimah ber ka haw tawh bawk nen an ni pawh an haw zui ve mai, Zorema nen a kan kalna chungchang vel min dawp an tum miahlo erawh mak ka ti.



Mahse ka lawm zawk tho, min dawp pawh nise engmah ka hrilh dawn chuanglo a, tullo a intihbuaina a awmlo ani mai.



Inleng ka nei tawhlo bawk a, zan a rei ve tawh nen keipawh chuan mut zai ka rel ve.



************



"Kawngka hi rawn hawng teh" ka muhil lai chu ka harhchiang ngei mai, kawngka a rawn ri nghal dawt dawt bawk.



Peihlo zet chuan ka va tho chhuak, kawngka ka hawn chuan Sangtei thinrim hmelsen ka hmachhawn nghal.


Zing thawh rual chuan heng hmel hi hmuh ka inringlo asin le, ava han ropui lo thin tak.



"Enge Zorema bula ilo sawi a" inchhung luh pah chuan a rawn ti, Ka nu zinlai ani chu ka lawm ber tum ani hial ang.



" i hriat ve zel angai ami" ka lo ti ve fak, thamlo deuh a intih hi ka ngeithei thlawtlo.



"Min kalsan tur hian engtiang taka nasa in nge i lo thlem a" Sangtei chu ka mitko ka san khum deuh ak.



" i bialpa chu ka thlem lungawi theih mai mai mihring ami, nge a duh vaklo zawk che" a mitah chuan ka melh kar bawk.



"Zawngi" min rawn ban a rual nghal, a kut ah chuan manin a samah ka lo kek bawk, pawnah ka hnukchhuak nghal.



Enge maw kan inah ngei thamlo zet a min rawn tih ve ni, achan tawk chu khawngaihna tello a petchhuah hi ani.



" enge maw hetah te itih le, haw ang" Sangtei chu mipa pakhat hian a rawn buaipui nghal.



" ka bialnu hian buaina a rawn siam anih ka ring, a aiawh in ngaihdam ka dil e" chupa bawk chuan a rawn ti leh , bialnu ...huizzz...



Sangtei mitmeng erawh a tlanchhe nghal dui mai, tenawm hian a.



Sangtei chu tang ve nasa teh mahse a mipa zawkin hneh pawh a an inhruaihaw ve thei hram.


Tikhan zingkar mut khamlo leklin min rawn siam chu ania, achhan lah kha a ho ropui si.



Eirawng pawh bawl ta lo chuan keipawh chu ka mu tha leh, zan menrei thin nen zingthawh hma phei hi chu ka support lo zawng hi ani ve bur.



Ka mu chu ka lo muhil leh daih chu niin, ka harh leh chuan dar 12 alo pel duai tawh.



Naktuk mai hi ka piancham ani ve tawh, kum tin in kum 3 liam ta a thil thleng kha ka ngaihtuah chhuak leh fo, kha tih lai kha chuan hlim takin kan hmanga dun kha ania.



Awmdun thei miahlo tur hi tinge inhmangaih tak nitur siin min intawn tir le, khawvel hi chu a fairlo takzet, athenin harsatna tawklo in hlim takin hun an hmang a, keini tan erawh khua a dur buk emaw tih mai tur hian nun hahthlak zet kan hmachhawn angai leh lawi si.



Engkimah lungawi thiam a pawimawh em em laiin lungawi vek erawh a har leh viau lawi si.



Enge maw ti nek nekin nileng hun ka hmang zo a, tunah chuam dar 12 thlen hun huphurh zetin khum a chuan ka inlet leh sek tawh.


Kum 3 liam tawh mahse a tir ang chiah khan he hun lo thlen hi ka huphurh dan angai reng, ka piancham a thleng dawn a hlim viau turah min lo ngai ange, ahma....ni e , ahma ang khan thil a thleng thei tawh dawn miau silo.



Mu theilo a ka inleh ka inleh takah chuan dar 12 chu ka meng thleng leh ta nge nge.



Dar 12 anih rual chiah chuan ka phone chu a rawn ti ve chiah bawk. Zorema ani, ka duh aiin ka chhang rang leh nghal.



"Happy birthday Bawihi" ka tawt up up mai, ka mittui a rawn luang nghal, he thil hi kan awm hran kum liamta chhung khan ka hre tawh ngailo.




"I tha em" ka ngawih reng takah chuan a rawn ti leh.



" ahh...aw tha e, ka lawm lutuk a" ping zet chuan ka lo ti.



" i aw a va diklo ve" ahma ang tho in phone atang tak ngial pawhin min la hrechiang em em tho.



" engmah nilo, ka beisei ngamloh ber hnem atang wishna ka dawn hmasa ber a mak ka ti deuh mawle"


"Ka hmasak ber chuan a tha hlauh e, mutthilh tum tawhla aw a tlai tawh hi" a rawn ti leh takah chuan kan in mangtha zui mai.




Ka hlim takzet, hetiang thil hi a thlen phak ngai pawh ka ringlo. LALPA ka lawm e engkim avangin



A TAWPTA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)