HIGH LOVE (SHORT STORY)

Story tawi te te emaw luanliamna emaw post na
Ella chawngthu
Posts: 119
Joined: April 17th, 2021, 12:13 pm

HIGH LOVE (SHORT STORY)

Unread post by Ella chawngthu » June 12th, 2021, 11:34 pm

High love 😍
- June 12, 2021
HIGH LOVE
SHORT STORY


True story leh tlem dawt telin 😂

Note:short ti ve chhin ang aw ..



"Malsawmsang mawla" ti vak in ka bula lo nui khur char char chu ka melh rum hrep a,
Min kerh tlu pawp a nih chu ..

Ngatan mah a la ngai lo zui ,a at at hian a â a buaithlak ee .

Dennis.Malsawmsanga nen hian kum3 lai chu kan inkawm ve tawh ,tianga kan inkawm hma pawh hian ama nu leh Anu an inkawm thin vangin kan inhre daih tawh ,kan tet te atangin..

A mawl in a harh thawkhat viau a ,mahse lehkha chu thiam tak a ni ,,

"Ka lo riahpui peih lo che u" tiin a kalsawn zui hmak a ,a van sual tak .

A nute an zin daih a ,ka nau nen chiah kan awm ,kum15 chauh ka la ni a class8 kan exam zo kan chawl tawh dawn a ,kan headmaster thlah ni a ni,


School ah chaw te kan ei a function kan hmang a, a nuam reuh lutuk

mahse zai ho ziangah ka tel ve a ka zak thawkhat viau mai .


Ban ah chuan Malsawma,Ruthi leh Enga te nen kan haw rual leh vek tho ..ka thil sawi "Aih" pawh tise a theih zawng chu a ti zel tho a ,a fel vet vet a nia .

In kai rialin kan haw a,Enga leh Ruthi kan hma ah an kal a ,kan veng peng kan thlen chuan Enga leh Ruthi chu an peng daih a ,keini kan veng lam kan pan a

Bazar veng ah kan awm a ,an ni Venglai ah ,kan veng nen inthenawm chiah kan ni ..


In kan thleng a thawmhnaw hak tur nei hek lo ,ka T-shirt lian deuh hlek ka zawn kual sak a ,

Zan ah chuan engmah kan tilo kan awm vel mai mai a,phone kan khawih vek inbiak pawh kan inbe chuang lo

Thutthleng ah ka mu a ka ke lamah Malsawma a thu a ka nau chu kan piah ah a thu thung ,inbe miahlo in kan awm hlawm a ,


Mut a hun a ,khum khatah kan mu vek ,khum a zau teh reng nen ramhuai thawnthu ka ngaihthlak pui a kan mu khawm tel mai .

A thlangber tukverh bul lamah Mala a mu a kei a laiah ,,

Ka nau a muhil a Malsawma Brain Test khel ka en vel mai mai a ,Ramhuai thawnthu ka la play reng ,


Puan hran theuh in kan sin ,keichu eng anga khaw vawh lai pawn rizai ka sin ziah a an ni in puannuam an sin ve ve ,


12 velah ka mut a chhuak a ka inkhuh tha sat sat a ,rei lo ah chuan ka meng hlei thei tawh lo ,Malsawman Puan min sin that tir lai chu ka hre reng ka meng theilo ,ka thil play te chu a off in ka hria .


Malsawma hi a lerh lo ve khawp a ,bialnu anei ngailo ,kan school a mi Zodinsangi (ulawng) tih a kan koh thih hian a star a ,mi bulah a sawi thin a

Malsawma leh pek chuan

"Min star leh chuan ka hnek tawh ang che " a ti leh hmiah .

A bula a mah star tu te sawi hi a duh lo ,a thinrim zel

A tuk zingah dar8 velah ka harh a ,Malsawma ka kai tho nghal ,school chawlh chhung hian hna an thawk thin .

A ni pawh meng mang lo in a lo harh a khumah rei deuh a thut hnuah a chhuk thla chauh ,keichu ka mu leh daih ,

"Ka phei dawn nia aw" a lo tih chuan

"Kawngka lo khar phui mai rawh" ka tia a chhuak lehnghal .

Kan in hi a zuk puk deuh a step kal nual a ngai 89 vel ,thenawm pawh2 chiah kan nei mahse kan kawmthlang ah kan veng tho a la awm leh .Bazar veng PHE complex thlang kawk ah kan awm a veng laihawl laiah

Malsawma bula awm hi nuam ka tia a awmloh te hian ka khua har thin ,nilenga inzui kual thin nih chuan a awm loh hi a hriat theih lutuk ,ka ngawi reng zel

Kan school ah phei chuan inngaizawng than in kan thang a ,keini pawh kan inngaizawng awm ve hmiah tho .


Ka nau nen kan in awm chu ,thil tifai pahin hla kan play a nilengin tiang chuan hun kan hmang

Tlaiah chaw no3 kan chhum a bawngsa ka kang a ,maian ka bai bawk ,

A nuten an zin dawnin an zin chhunga chawhmeh tur chu an lei kim vek ,a nute an awmloh phei chuan chaw eilo a awm kan ching sa bawk .

A nu ten 2000 min dah a spicy leh sausage ka lei tir a bawngsa te nen kan ei ,Kan chaw chhum hi chu zan a Mosesa tan, an lo kal ka rin vang a ni .


Mosesa hi a eithei rapthlak a ,phir pui Joseph-a a nei bawk .


Dar6 velah Malsawma leh Mosesa an lo kal a ,

Malsawma chu riak turin Mosean chuan a lo thlah .

Rin ang tak tak in Mosesa chuan chaw a ei leh tak tak a bawngsa ei thei hek lo, ka kân na tel a chawma a ei teuh tho ,Mosesa hian sa a eithei lo artui a ei thei tawk😂

Mosesa chuan an ei hnem leh khawp a ,no3 kan chhum kan khawih miah loh chu chaw bel chanve ai tam a ei ,,thei ve tak a ni .

Zanah chuan card te kan deng vel ta mai mai a Malsawma nen kan intan thei lutuk a ,Mosesa a titau daih

Moa pawh dar9 velah a mahin a haw a ,kan mu nghal daih hlawm ,mut a phone khawih a nuam zawk miau a ..


Dennisa hi Mala tih leh Malsawm tih hian ka ko kher thin a midang chuan Dennis an tu mai a ,keichu a hming hi nalh ka tia a mizo hming kherin ka ko thin ,

Chuan Malsawma hian an school a ka luh tirh hian min star thin a ,mahse a rei a kan theihnghilh daih tian kan inkawm ngaih em em mai ni ,midang lakah pawh min chhan thiam viau.

Tichuan Anute zin chhung chu min riahpui zantin a ,zingah a ho a zan ah a lo kal a ,a thiante a maw ,Mosesa te unau in an lo thlah tlangpui .

~~~

School kal a huna covid vangin school kan tan theiloa zan ah lah dar8 atangin an lockdown a mahse chhunah chuan a chhuah leh vek theih tho a ,,(heng hunlai hian ho ka ti thei ,kan chhuak suau suau tho sia ,school kal kha phal ve mai awm)



Online in school kan kal a ,zantin Malsawma nen kan inbe ziah ..

Ka thian pa tho Jojoa (Hmangaihjohanlalremruatfamkima ) (naute hminga ka hman sei in tih deuh kha a awm tak tak a nia aw)pawh hi kan kal ho laia inkawm ngaih lutuk kan ni bawk a kan inbe reng thin tho)


~~


Lockdown hma chuan
Damdami te,mapui te,jojoa te,sangsanga te kan tam mai 20 vel kan niang kan inkawm ho dual dual a school banah hian kan inah ser an lo ei ziah zel bawk a, huanah te kalin tui te kan cheng thin ,tui ah khan ka pil sia Jojoa leh Malsawma hian min venga ka cheng ve ziah zel .


Vawikhat huan ah Butter fruit lo turin kan kal a an kal thei sia ,kei kal ve ngai hek lo kawng a bumdouh sia ,kal ngaihna ka hre lo a ka tap tawp tawh .

Jojoan min thlem a Malsawman ka phone ah inhauh pui ka nei a nih a ring a ka phone te a check vek .

Ka tah hnu ah chuan a hmasa berah Jojoa leh malsawma nen kan kal a ,(thian ho ro ,ro ah pawh inkawm fal ti ila, inngaihtuah fal kan awm thin hi) kan kal zela thlam rem zet kan thlenga ka la inhnit feih feih si ( ka tah hian ka ni ziah ) ka nuih a za ve tho si ,ka tah nuih vel a ,

"Thlam kan thleng a hei a ni pawh a nuih leh vur vur tawh hi" Malsawman a tih chuan

"A ni bawk lo" tap tiau in ka lo la ti .Mak deuh chu Malsawma leh Jojoa bulah hian ka no tlat zel nih chu .

Sawhthing par te,bawkbawnte,maian te ,antam leh bahkhawr fit1 ai ai a sei thadeuh deuh buk deuh a tam sia bag khat kan la bawk ..

Kan lawh tum ber Butter lah kan hmu bawk silo a ,thu khawmuang in thil kan ei a kan haw leh .

Kawr te, kan thlenga kan chung lawk ah Butter kung lian deuh deuh 5 rah lian deuh deuh sang pui pui kan hmu a mipa 5 kung hran theuhah an lawn a ,

An lawh apiang bag ah an dah a ,a lian lian "lo dawng ru "an tia an lo vawm thin kan dawng thei silo ,a hnuai kawr tui ah a tla zela an thinrima lo vawm pawh an peih tawh lo . Malsawma pawh phun nung nung chungin a lo ve mial mial tawh
,a sang mai sia hlauhawm tak a ni.

Bag 5 ah an lo dah khat tan a kan kal leh ,.

Kawngchho kan kal laiin Thoma(Thlamuangthanga a nia Thoma kan ti thin) chu a tlu a, a harh thei bawk silo .mipa2 in an kuah chho a ,hah nen ,Thoma lah a lian pawl a ni si ,thin a rim tun mai ,

Tui ten kan leiha harh thei lo kha pool kan thlen dawnah min tlansan vek a nih chu, a tider nge der lo pawh a hriat loh .


Kan huan kalna hi a pite huan a nia an inkawt ah hian tuichenna ka pil chiah chiah a awm ,

Kei kum13 ka nih atanga ft5 bak a thang thei lo tan chuan pil loh chi ka ni lo .

Tlaiah kan haw a kan inzui leh dual tawh ,Jojoa awmlai hi chuan Malsawma hi ka tibuai tam lo zawk .


A tuk ah an lo leng hlawm a .

"Hlimi butter kha engtin nge intih"Jojoa nau hruaian a tih chuan


"Buhfaiah ka um" ka lo tia

"Keini chu kan kang a a kha hang vek" a tih chuan kan nuih vek .


Mawl e lawm tunge butter fruit la hmin lo te chutinga ti ngai ..

Tlai ah an haw leh dial a ,,

Kan thianho hi kan inzui tam bawk a school chawlh apiang hian kan leng ho ziah a school ah inkawm vek kan nibawk a,mi in minlo tihbuau te hian kan intan thei a sin aw



Ruahsur lai lahin Parcal khumin Jojoa hian Canmari1 atangin Chanmari2 vengthlang thleng min kal pui a nuih a za tha rapthlak mai .
~

Vawikhat kan ram kal leh pawh ,ka nau hmeichhia hian short cut ka hria a tia min kalpui mai a nih kha ,Lengkir ah kan bawkvak chho a hmeichhe ho kha mipa min veng turin kan insem vek a ,kei ka kalpui ber Lalmuankima a tlan daih mai ,ka tang ta ringawt sia ,Jojoan min dawm chho a,midang kan hnunagh leh hmah an an kal a ,Damdami ka hma a kal a lo tawhthla ta mai ka hlau bawk si ,mau hring a chelh a , a len tehreng nen a tliak daih ,Damdami hi liam pui mai a nia ,jojoan kan2 chuan min venga rei ngial kan beih hnuah kan chhuak thleng hram .


A hmain Lengkirah hian ka kal tawh mahse a pi te CTI sensawnga an awmlai in a nia a pu an transfer a ,a pi te kohhran hnatlanna ah ka kal ve a ,ka nau duat ve em em te Saia leh Saii ten "Sairil awmna ka hria sam sei na " an tih vangin kan kal a lengkir a lo ni sia a kawng ah ka tawh thla a ka kekawr te a pawp vek 😂


~~~~~~~


2019 october thla a nia school lah a kalthei chuang lo zan lam bak an lockdowm ngailo bawk a ,ka bialpa nen kan inthena

Malsawma ka hrilh a a hnuah .

" Ni ang" a tia kan ni ve leh mai ,Malsawma hi ka duhlo hran lo a afel a min ngaihtuah thiam em em a ,a that loh na ka hre lo ..



Malsawma nen kan ni chu ,zan ah lockdown hmaiin a lo leng a chhunah pawh a lo leng deuh ziah ,

A nute hi a pi te ina an riah chhuah thin vangin U hruaite an min riahpui thin a .

Woofer hi kan ngah khawp a 6 lai kan nei ,kan chhungkua hi tupawn hla hi kan ngaithla peih reng a,kan neih nual phah


Nilengin hla kan ngaithla a zan ah pawh chuti tho Malsawma a lo leng deuh reng bawk a ,Melzial te hi an han heh mai mai khawp a ,cigret reng zu peih lo ,meizial zu tui zawk chuan meizial hi nikahtah 100 man dawn hi an zu zo ziah a ,rapthlak khawp an ni


Malsawman ka ei chak zawng min lo ken thin a Mosesan "meizial lei ang" a lo tia niang a lo phal lo a ,a titau

"Hlimpuii pawh i leisak phal a ,kei i thinpa hi min leisk duh lo a" a ti a titau ,kan hahthlak thei a nia .


Thla1 chu inngaizawng kan lo ni va ta reng mai ,a lo len in lawrkhawm te Pc hras te ramhuai vel chetna leh thla an lak fuh vel kan en thin a ,a malchunag ka mu a, ka sam khal neuh neuh pahin a lo en ve a .


A man phone a ken tumin thla lo lang thut kha a phu zawka ka hmai ah a la thlauh zui ,..

Keipawh ka thin te a phu dawt dawt a ,ka hlauthawng vek a lawm le

"Ka thin zawn hi khawih teh" nui chunga a tih chuan ka khawih a ,kei ai ai in a phu nasa .

A lo lang thut kha a rap awm ve em a lawm
.

Kan inngaizawng thianghlim leh mai mai khawp a , kan nih atangin in kiss tih te hian hmun a changlo ,,kan inkuah a kan thu dun a kut kan invawn sak a ,mahse kan hlim daih zawk .


Thian ten 'inin kiss tawh em" an tih hian "Aih " ka tia an awih lo vek .


A awmve reng, nileng leh zan a lo kal thin a awm dun thin chu a awihawm lo ve em a lawm .

Mahse thudik a ni miau sia

Kan inngaithiam em em a ,awmdun tam na na na chu rei lo te inhmuh loh pawn Lung a leng thin .



Keipawn ka nun a ka hlim ber lai ni hialin ka hria ,min ti nui renga tâh na tur a ni atang hi chuan ka nei ngai lo ,a rinawm a thik tur lah hmuh tur an awm ngai lo ,

Khawvawh laia ka keh vawt hit vek a kawrlum chhunga a puma ka thun te hian a phu zawk a ,mahse a kut in a kawr chhanah min hmeh sak daih zel

A lo leng chang hian a phone ah blog puzzle ka khel a ,a ni ,in ka phone ah eng eng a maw a khawih kual vel mai mai zel .


Christmas a hnaia hri a la hlauhawm vak lo nen a pi ten Aizawl a hmang turin min lo hruai a ,Lung si chiah lo in Aizawl chu ka kal ve a .


Ka lung a leng thei khawp mai , Malsawma nen kan inbe awl lo a mahse inhmuh loh na na na chu lungleng a kiam phah lo nasa .


Kan zin laiin Malsawma a damlo a ,Faith Hospital ah an awm ,"ka na lutuk lo" a tia mahse ka ngaihtuah ve tho .

Mahse mipa harhvang tak a nih vangin tlemin rilru a nuam deuh .

Lunglei kan haw dawn a ,Malsawma ka call pon a la thei lo

"Naktukah kan haw dawn tho" tiin ka inhnem chawp a

Zingkarah kan chhuak a dar1 bawr velah chuan Lunglei kan thleng tawh ,

Inbual faiin Malsawma ka ngaihtuah vangin Mosesa ka sawm a min kal pui ..



Damdawi in kan thleng a an cabin awmna Moan a hriat vangin kan kal a .


A room kan thleng ,ka hmu chiah mai chu ka kat deuh dawr thei .

A meng chang chang a ,a cher sa nibawk nen a che belh a , a hmelah chuan a chau tih a hriat ngawih ngawih .

"Mal"ti sepin ka pan hnai a ,a nu leh a nau an lo awm bawk .

Min lo nuih suk a ,a meng mag tawh tlat lo .

"Ti nge ka tha vek i ti sia" tap tiau in ka ti leh a ,mahse min chhang thei lo a nui leh suk a ,chumi rualin a then sawk pawh ka hmu hman .

A kut phah lian zet cher ta kuam chu ka chelh a ,mak ka la tin a ni .

Tiang hian a nat ka ring miah lo ,kan inbiak pawh hian,tiangin a na ang tih rin ngaihna ka hrelo.



Chutia ka en reng lai chuan thil sawi a tum tih hriat zet in a hmui a phun sep a ,a hmui bulah ka beng ka dawh nghal vat .


"Mangtha aw ka" tihleh a ri nghal vut vut a , a nu tap thawm in a zui a ,doctor leh nurse an lo lut nghal bawk .

"Bawiha ,ngati nge" tia tap ri te chu ka hre ruai a

.Mahse maw kha ka Malsawmsanga kha a awm ve tawh lo , ka ham haih a ka a ruai a, a taksa zawi vek te chu ka zuk kuah a .


"Malsawmsang tho vat rawh ,i a e mai aw ,tiang in tumah an infiam ngai lo" tiin ka sawi vak vak a ,mahse a tifiam lo tih chu ka va chiang si em .


Ka tap chhuak thei lo a ka mittui a tla reng thung .

Dennis ,Malsawmsanga kum16 lek a upa chu nat lawkna em em neilo in a chhe rup a ,ka hmuh reng theihna lei hreawm a chhuah san ta .

A thihchhan ah pawh thinlian an tia ,mahse tinge tiang khan a awm ,Ka haw velah Tlawngah kan Picnic ang , kan thiante nen a tih kha ,


A nu nen a ruang bulah chuan kan thu a ,a nu chu a tap chhuak rawih rawh mai ,mahse maw keichu ka tap chhuak thei lo ,ka mittui a sur zung zung a , ka a vek a nimai ,a hmai te chu ka chul riak riak a a kut te chu ka vawn sak thin ,mahse min vuan let tu tur a mah ber lah chu che lo in a mit a chhing tlat tawh si .A taksa vawt vek tawh te chuan ka lung a ti chhe zual

Kan thiandang te chuan min hnem ve teh mahse awmzia a awmlo .


Thihna hi chu a na em a tin ni ,,

A tuk ah an vui a ,tap chhuak thei miah lo kha a kuang an chhin dawn meuhah chuan ka puak chhuak ve ta .

Ringtak in ka tap chhuak a ,ka thin zann na ut ut te chu maw ka hre chang mang lo ,a ruang chu ka chelh bet a, thlan muala lei in a, a chilh hnan mai tur atan chuan ka phal thlawt lo a ni .

"Hlimpui thlamuang takin kal tir tawh rawh le" tia kan thian ten min lo kuah sawn laite chuan maw ,ka tap bang thei lo a ,ka khawng titih hial tawh ..

"A khawng a nia" tia Damdami a au chuan ka taksa te chu an hmet a ,,

Ka tahna ah ka taksa a chau a ,tha pawh ka nei tawh meuh lo .

"Kan thianpa chu thlah ve ang u aw" Mosesan a tih chuan kan thian te chuan min kaiin thlanmual kan pan a .

.
Ka hlimna ber ka ngaih a ka thlak hlelh em em chu an phum hma in kuang hawn ka dil a ,min hawn sak chuan .

A hmai a chul pah chuan "min lo nghak reng rawh aw" ti sep in a hmui duk vek tawh ah chuan muttui tla zawih zawih chuan ka fawp a ,

Zah ka dawn zo lo a ka mipa thlakhlelh leh ngaih em em hi ,ho taka liam tir mai ka tum lo ,,

Thlan khur ah an thlak thla a lei a vur tu zingah kei ngei pawh tap chungin ka tel ve .

"Ka Malsawmsang min lo nghak reng rawh aw, ka ngai ngawt ang che" ti sepin lei chuan ka vur ve a .

.a van na tak em ,ka tap nasa lutuk chu ka chau a ,a hnu ah phei chuan nikhua ka hre mumal lo hial a ....


Kum15 mi lek tawrh atan chuan thihna em chu a na em a ni ,engkim hrethiam vek ,thihna awmzia hrethiam tan chuan rilru hi a va mang chiang tak em .

.chaw ka ei thei lo a ,ka lusun na chuan tawp chin reng a nei thei lo .

Kan thlalak te en in ka tap a ka nui leh thin,a thusawi ho tak tak te ka ngaihtuah chhuak a ,kan nun hlui te ka chhuikir a ,mittui bawk a tla leh thin .

Ka hman apiangin a thlan ka tlawh a ka tap leh nge nge thin .



Hun leh ni a liam a Kum 2 zet a liam ta ,mahse kha keima Malsawmsanga kha a awm ve tawh lo


A.thihcham a ni a January ni24 ,kan thianho in pangpar nen a thlan kan pana .

Khua rei pawh hian maw min tuam dam thei meuh lo ,tah leh khawhar na nen hlir chuan ka hun ka la hmang reng a .

A thlan kan thleng a ,ka rose par senduk ken chu a thlan lung hma ah ka dah thla a ,

A thlan ah chuan kan thu thla a .

"Min ngai em ,i sual lutuk a ,min kawm ve duh tawh ngai silo" tah nuih hawk pah chuan ka ti a .

Ka thiante mittui khap pek sak sak pawh ka hmuh hmaih lo ,kan mipa 14 zet te pawh an hmelah an insum nasat zia ka hmu ,

Pangpar te an dah diat diat hnu chuan hunthawl min pe a "a chhak ah khian kan lo awm ang" Jojoan a tih chuan ka lo bu nghut a

"Malsawmsang kan lo ka leh vat ang ,mahse min lo kawm duh tawh ang che , a nihloh chuan i bialnu kan velh i hlauh deuh hi ka velh sak ang che" Sangsang an a tih te chuan ka tah nuih hak mai ..


Ka thiante chhoh hnu chuan thlan ngheng in ka thu a ,thlan lung chu ka kuah titih bawk .


"Keima Malsawmsang ka ngai lutuk che ,thlahrang flim enpui tur pawh ka nei tawh lo, tinge min kalsan daih ,i tello a hun hman chu a reh a, a khawhar thlak takzet" tiin ka tap khur ngat ngat a .

Mahse min hnem a ,ka tah changa ka tah chhan zawng a,min tinui leh tu tur a awm tawh silo

"Hlimi haw tawh ila" Mapuiin a tih chuan ka mittui hru deuh tawk in .


"Kan haw tawh dawn a ,ka lo hmu leh vat ang che aw,a vawt bawk si " tiin ka kawrlum hak lai chu ka phelh a a thlan lung chu ka khuh a

"Tikhan lo ha rawh vawt i tih theih em kha " ti in mittui tla chungin ka nuih a ,


Ka Malsawmsanga sakruang an zalhna thlanmual chu kan chh uah san ta a , .


Malsawmsang min lo nghak reng la ,nakin ah i bulah thlahrang flim en a, mawl a nui dun tur in ka lo kal leh vat ang

Tuin ka mit ka chhing vang vang a .


Angel te u Ka Malsawmsanga kha lo veng ru aw , a mawl si a ,mahse lo hau miah su ,fapa fel tak leh thian fel tak a ni reng thin a , a thih hnu thleng pawhin ,

Nakin ah ka lo kal ve hunah in lo hauh chuan a thinrim a nga min kawm ve duh tawh lo palh ang .


A hlim.thei em em a ho tete ah pawh a nui a,mi a tihlim reng thin a nia, a bula awm a nuam lutuk ,lo duat viau ru aw ,ka duat tam ve hman ta silo a .





A TAWP TA .




NOTE:He story hi a tak behchhana ka ziah a nia a ni deuh nuai maithei a ,mahse min lo chhir sak avangin ka lawm e .


Ka high School love Malsawmsanga nena kan thawnthu tawite dawt tlem nena ka lo ziah a ni e " Muttui vek u le .



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)