OUR V. PRESIDENT

Story tawi te te emaw luanliamna emaw post na
Sandy sweet
Posts: 95
Joined: June 11th, 2021, 10:34 pm

OUR V. PRESIDENT

Unread post by Sandy sweet » June 25th, 2021, 8:46 am

OUR V.PRESIDENT




Kan school chu sawrkhar sikul te a nih bawk avang nge ? A lun riau a , sikul naupang pawh kan tha hnem thei hle.



Kei mi zak zum leh rualpawl thiam lo tak tan phei chuan tu pawh mai chu ka phek en vek mai a , kan luhtirh deuh phei kha chuan ka bula thu te tak ngial pawh an hmel ka hre hrang thei lo .



Kan kal rei tak deuh hnu chuan kan in kawm tlang nel ve mai a , an fel bawk a kei tumah hmel hriat nei ta lo tan chuan ka thlamuanpui hliah hliah...



Hun te chu a kal chak riau a , reilo te ah annual sports kan nei thuai a ,vanduaithlak kan ti dawn nge vanneihthlak zawk sikul dang nen chuan kan in tum thei ta tlat lo eng emaw rawlkhawlhna a awm
avangin chu mi kum chuan sikul dang chu an in siport lo vek .


Kan sikul chu kan tam tham tho bawk a tiin kan zirtirtu te chuan sport chu an kal tlangpui ta thova .



House pali laiah kan inthen , greenhouse , red house , yellow house leh white house ah te kan inthen hlawm a , leader leh assistant kan nei leh theuh bawk , kan ti nuam ve ang reng .


Sikul kal tha peih mang miah lo mahse sport chhunga vawikhat mah absent leh miah si lo pawh an awm nuk mai.


Ka thiante nen chuan kan house awmna a in ang lova , kal chu ka phur lo thei hle, mahni te a subthukuit lo nih reng kha ka hne ve em a tin ni.



Kan sport chu kar khat chhung awh tur a ni a, kar tharah result an puang dawn a ni.



Chutia phur lo taka nitin ka kal ve hnak hnak thin lai chuan sport ah chuan ka mit la deuh ka tawng ta . Ka mi hmuh chu engkim ah chuan a tel deuh vek mai a , zat a chuh deuh vek bawk .


Mak chu ka ti ang reng a , ka en chian chuan kan house leader a ni tih ka hrechhuak ve leh mai bawk a.


Sport chu kan zo a , result puanna an neih chuan lawmman la tur chuan a kal deuh reng ni mai hian ka hria .



Ka vei deuh reuh a mahse ka hmuh chhunzawm tak loh ah chuan kan zirlai te a lo tam tham bawk nen ka hre chang tawh lo.


......


Kum chu a ral a, keini pawh class-xii kan ni ve ta .


Kan zirlai ah chuan kan tan sauh a ngai tawh bawk, thildang ngaihtuah hman pawh kan ni tawh lo.


Mahse , mahse hi hring nun ah hian a tel lo thei thin tlat lo.



Student hruaitu inthlan kan neih dawn avangin hall ah chuan kan lut khawm vek a.



Kan inthlang tana , President ah chuan kan thianpa kan vote tling hlauh mai , kan class chu kan va ni hlawh dawn chiang em .



V. President kan thlan dawn chuan nominee te hming chu ka en thla diat diat a , vote mai tur ka hre lo kei midang tumah hmelhriat nei lo tan chuan an vang pharh mai . Kan class a mi te an lang tawh bawk si lo.



Ka thiante chuan min lo en in vote tur chu min kawh hmuh zeuh a , biak in chu ni se ka hau ngei ngei ang mahse tunah chuan biak in a nih loh mai bakah vote tur ka hre tlat lo a , an chungah chuan ka lawm vei phian mai.


Result an han puan chuan kan vote pa ngei kha a tling ta , kan lawm ve lutuk ka thiante nen chuan kut kan beng ho dar dar a.


Mahse mipakhat hi lo ding chhuak in , "ka pha mai ange , ka hrisel na ten a tlin loh mai bakah , in tan hruaitu tha ka ni lo ang, " Tiin a thu leh tharh a , eng eng emaw an sawi chhung chuan , ka thiante bulah chuan , "A tir atang khan phat ve mai awm a nia tlin vela lo phat kual leh te chu a puitling hna lo e, " Ka ti a.


Ka thiante chuan an lo tan ngang mai , "A tlin a inring bik lo a niang chu , bakah amah in nominee ah ka tel duh lo, va tih thawt thawt te chu , nangpawh hi a, midang in sawisel mahse tan tlat zawk tur, " Min ti let zawk daih a nih chu.


Ka chhang buai peih tawh lo , kan thu ngawi thiap a kan thian ho chuan midang tawng ri mur mur karah chuan engmah kan sawi ve lo.



A hnu deuh ah chuan secretary kan thlang tawh dawn a ,nominee te chu an hming black board ah chuan an ziak leh a.


Ka thiante bulah chuan, "a pawm ta a niang, "ka ti a an la ngawi reng eng an hria chu ni maw.


Inthlan kan zawh chuan chhuah mai ka tum a , ka thian te chuan tlingthar ho chu chibai ve hrim hrim an duh avangin hmalam ah chuan kan phei leh ta zawk a.







President chu kan thianpa a ni bawk a awlsam takin ka chibai mai , V. President ka chibai dawn chuan a hmel chu ka'n en hmasa te te a, ka tek chuai , ka kut phar chhuah chu ka hreh hle ringawt ka hnunga ka thiannu chuan min nghawk sawk.


Awi! Kha thil kha enge ni ngai? Ka au chhuak lo chauh . Kan V. Pre. chu amah kha lo ni reng in a hming kha tu nge ka chhinchhiah lehpek lo. Ka at theih mai mai zia hi.




Chuta chin chu ka hmu tam ve deuh ta , kan class ah President a awm miau a , a lo kal zeuh zeuh , ka en ngun thei viau , zak hmel a pu ngai lo a, a lai ngai hek lo.


Kan class hmeichhe ho te chu an hmeltha in an duai lo teh ania , school miss pawh a kum zawn in kan class in kan nei bik bik , chumai ala ni lo cheu top 10 te leh 1st runner up te thleng in an la awm thlap. Mipa lu zo ve tawk tak tih a chiang reng mai.


Miss kan sawi ta ro ro , Mister thlengin kan la nei cheu , Joseph-a mawlh mai kha 🤣😂.



Tun hnu a ka ngaihtuah let hian minti hlim phian mai .


Kan class chanchinah tlang leh law law ila , kan class hi kan kim phian a , san zawng han sawi phawt ila kan kim riau ft'5 boruak hip pha lo kan awm nual rual in a vantlang chin an awm leh teuh tho mai, chu mai chu a la ni lo goliatha tiat dawn dawn te pawh an awm .


Lehkha thiam lamah lah ni se school pumpui a titha ber kan kawl laiin , a vantlang chin kan awm leh nuk a , school an kal ve a ni tih pawh hre lo khawp a exam paper margin nachang pawh hrelo kan awm leh tho a nih chu. 🤧


Kan class ah chuan vawikhat mah la tlai ngai miah lo zing dar 7:30 a thleng thei ziah, vai Pathian thawh hma in a thawh loh chuan amak ang ! tih tur khawp a kal hma an awm laiin period khat tal miss ngei ngei second period pawh a tawp lama rawn lang ve hlawl zuk awn tho a, khang ho te khan eng em em nge an tih bik ,an vengah ar a khuang ve lo nge? An inah nizung a lut thei lo zawk?🤷‍♀️


Attendence lamah lah nise kumtluana chawl miah lo a , kal tluan chhuak parh , sikul kalthat lawmman pawh dawng pha an awm laiin simei khu ang chiah a vang, lung len chang chang a lo lang ve zawk, kan hmu khat lutuk a kan hmuh chhun a ,an thlarau an rawn tir zawk emaw tih tur khawp te kha an awm bawk ve leh tho mai ,hahthlak hian! 🤦‍♀️


Hmel lamah lah nise korean ang tak tak leh sap ang mai a ngo , vai ang mai a mit meng mawi nei an awm laiin, keini ang chu kan vun rawng a eng leh daih thung a , a......ani saw chu hmangaih tu tan lo chuan en ngawih ngawih a har ve ngawt ang ,steel wool in ni thum leh zan thum nawt ila a eng deuh mai lawng maw? tih tur khawp a dum beh tuar te pawh an awm ve leh tho a nih chu mawle! 🤭

Chung ho te chuan kan sikul misste pawh chu an beisei ve leh ngam tho mai ,kan mak tlang a nia an huaisenna kha a zahawm tlat , engtiang pawn hnawl se an la na bik chuang hek lo , atu mah mah chu in ngei bik chuang hauh lovin lungrual takin an nui tlang leh dial dial thei tlat.

Kan pian hmangah lah nise kan han inang lo leh em em mai khawp a , thenkhat pencil zumna in a ngal an zumsak a niang tih tur khawp a ngal te leh zuih an awm laiin Pu. Saizahawla meuh pawhin a ngal chu a chawi zawh pui bik lo ang tih tur khawp a chawn pulpit kan awm leh lawi bawk sia , class inbuk tawk lo ve tak chu kan va ni em.

Nitina lehkhabu pahnih chiah pai thin pawh an awm . Mahse chutih rual chuan kan lehkhabu zawng zawng kum tluana pai kim thlap peih pawh an awm ve leh tho. Kan taimak na zawng a dang leh zar mai.😁

Nitin a kan zirlai pakhat mah hre miah lo , exam dawn leh practical class kan nei dawn tih pawh hre lo kumtluan thei an awm a, engkim hre vek zirtirtu te hnen a sawi zat zat thei hneawm deuh te pawh an awm. 😎


Kan zirtirtu te pawh kha an mak ve reng reng kan roll no. in min han chhinchhiah daih a kan hming ni lo in, kan tam em a kan ngaithiam a ni mai ang chu.


Kan hming te hi pangpar hming te leh bible hmingte a in chawhpawlh nuai hlawm a , a sawikim theih dan ber chuan A-Z hi chu a kim vek , lo risk ve tawp ru kan hming chu. 😂


Kan kum lah chu an in thlau hlawm rem rem , thenkhat fa pahnih neih tawh hnu a lo lut tha leh khabe hmul pawh zuah ngam ngat khawpa tlangnel tawh an awn laiin thenkhat thung erawh chuan zak hmul pawh an la nei lo . 😴


Kan class ah chuan duckler te pawh an awm a, buaina chhuah a piang a lo tel ve hman ziah, insual tura piang emaw inti chhan ngai leh ziah te pawh an la awm cheu, chumai a la ni lo , lo bengvar fal , lo thelh ve hman ziah insual thelh tura piang emaw inti thelh thei chuang der si lo te pawh kha.


Tu*i sek deuh leh pat*l zawi deuh pawh kan kawl thlap. An inti buai peih phian lehnghal a.


Class in leng ngah ber record pawh kan siam nghe nghe kha maw ,kan C. R-te chu an zak deuh nge hmeichhe ho chu in leng neih an khap tawp .

A buaithlak thei em a tin ni chhun chawlhlawk lai hian an lo leng ziah a, kan class traffic an ti zam a chep leh chep lo in kan in nek sawi thei em a tin ni. Bakah kan tiffin ei pawh a tui loh phah vek zel mi hi an en kual hrek hrek zel mai bawk sia.

Zakzum ber niawm fahran in zawi te te in an phun mur mur a midang tan chuan a ngaihthat thlak hlawl loh.


**A chang in hmun phiah ngah ber kan ni a ,kan sikul a hmunphiah awm zawng zawng chu kan classroom ah an dah vek emaw tih mai tur in hmansen loh khawp in a awm a , a chang lah in lei chu kua in hmun phiah zawng zawng chu a kua ah chuan a lut vek emaw tih tur khawp in a them tak ngial pawh hmuh tur a awm leh ngai chuang hauh si lo...


Mi hrang hrang lo awm ta nana chu kan class chu a bal fal leh bik hle , sweeping duty te pawh siam thlap mah ila a ngai te bawkin ,kan balh ngai in kan bal reng tho. Kan sikul a class bal ber ah vawi nga ngawt kan awm kha ,zahna tham chu a ni.


Roll call a piang a aw ti danglama thiante lo present sak ching , zirtirtu te pawhin an khak fo sim duh chuang miah lo lah bo lo.

Kum tir a tang a kum tawp thleng pawnfen fen fual chawp tir ngai ziah pawh kan awm tho mai. Zirtir tu ten , "i hmui kha utawk sahbawn sen hmuam i ang ti reh nghal rawh, " An tih pawh a zak chuang miah lo la nui har har thei ,an hmuh loh vela lehkhate a an lipstick tih kai an hmui a tat leh mial mial te pawh kha a tha ve hrim hrim.

"I hairstyle hi korean i nih loh hi , i sam rawng pawh hi, " An ti chung pawh a kar khat chhung chauh
daih , a karthara a rawng dang leh style dang pu leh ngam ngat te kha, school hi fashion show na hmun tur emaw an ti nge? Ka hre bik hauh lo mai.

Mipa ho lah lu meh tur tih a piang in kan class mipa ho bek heu ngei ngei thin te kha. Han nuih ila an thin a rim em em mai bawk sia, met rawh tha te te a tih laiin an met duh chuang der si lo.

Kum tir a tang a kum tawp thleng thutna tur hmun pawh hre lo duh duh na hmun a thu ve mai , absent an awm a piang a, a karawl lo hnawh khattu awm bawkin.


Zirtirtu ten kan thut dan in rotate tura min hrilh mawlh mawlh chung pawh a tlar hma leh tlar hnung la chuh tang tang , a thu tur te tan a buaina tham khawp a awm te pawh kha .😂


Kum tir a tang a kum tawp thleng mahni roll no. pawh ziak dik hlei thei lo thiante paper en pah a ziak tih hriat ngawih ngawih roll no. thleng a lo copy tawk lah bo lo. 😴


Thiante dam loh a piang a dam lo ve , andam vel a dam ve leh mai pawh an awm . Tlai dar 1:30 a rik a piang a haw tum tlat , a chhan zawh pawh a , "kan veng a hla em a lawm, " Tia chhang mai duh pawl te pawh kha , eng tiang tak a hla chu ni ang maw? An veng chu.

Mahni bialpa te inkhel pawh ni chuang hauh si lo thiante bialpa inkhel en tur mai mai a kal , leave letter ziak ngam leh hospital lehkha rawn keng thei mai zel te kha kan mak dang dai ve hrim hrim.


Inngaizawng te pawh kha an awm nuk a ,tam ta reng reng chu , tuna innei ta te pawh an awm nual mai ..

Kan class ah chuan rethei te te kan awm laiin , hausa lutuk nu leh pa sawrkhar hnathawk ve ve , sumdawng lian tak tak fate pawh an awm a , kan vai chuan kan awm tlang thei vek , kan inhau ngai lo tih theih a ni ,kan in ngaihsak lem lo bawk, kum tawp thlenga ka hming min zawttu pawh an bo lo.

In ngaihsak lo viau e ti chung chuan a ruk in kan intan fur a , buaina a chhuah chuan class tan kan pe na thei hle. An thiam emaw thiam lo emaw kan tan hlur a , kan vai a kan thingthit lai kha ka mitthla thei tlat. 😂

Ka tehkhin thiam dan ber chuan Sa huan a ramsa chi hrang hrang hi kan ang ber .

Kan zirtirtu pakhat phei chuan , "nangni ho hi doctor in nih chuan damlo tam takin nunna an chan ngei ngei ang, "a ti hial reng a.




Chu mai chu a la ni lo assembly a piang in kan class kan lut tlai bik ziah, a hranpa ngat in min zilh leh thin. Kan ho ve riau a mahse khang hun lai kha a lo nuam ber mai kan thaw veng em em a enghelh kan nei lo bawk. Khang hun lai kha ka ngai thin.


Kan zirturtupa hian a sawi dik chiah a ni . Engvanga science subject chu la ngam ve ringawt nge kan nih chiah le? Tu mah doctor an nih awm ka hre hauh lo bawk.

Kan sipicial bik riau a niang chu kum tawpah chuan a laktlak loh zualte chu thian then mahse kan la tam hle , kan han tang tak tak chu e, final exam ah chuan kan class bak bak a ti tha kan awm leh chuang miah lo , zirtirtu te mai bak ah mi zawng zawng mak tih kan la hlawh cheu kan sikul kan chhuahsan dawn pawh in.

Kan class kha kala ngai fo thin ,kei a zawi awi ber leh kum tawp thleng a ka hming hre lo tu te pawh an awm hial khawp a harh lo hian ka ngai thin a nih chuan khang hunlai a chen ve tak tak ho khan ngai ve thin tak ang maw?.....
. ..

Annual sport chu a hnai leh ta khawp mai , sikul dang pawh an lo tel ve tawh kum hmasa ai ngawt chuan a nuam dang dai daih zawk .



Keipawh kan thian zinga pakhat nen chuan kan awm tlang vev thei tawh hlauh , kan school chu team hnih ah kan inthen leh bik a kan tam tham deuh avangin.


Kan V. President chu kan team leader a ni a min tir thin a ,a nuam thei hle , a chang chuan kan bulah te pawh a lo thu ve thin .


A aw chu a pa hle a, a thum chhal mai mahse thum hriat har deuh ang kha a ni lo .

A bula awm tak tak chuan a landan ngawt aiin a cool zawk a , a nui vak vak lo a , a nui suk ringawt thin.A hmel chu a tha hluak lo , a vun pawh a uk lam mah zawk , a hmel chu a pa riau a , a mitmeng chu a phan deuh a , atawng zawng chuan a ha var rual nalh tak chu a lang thin. Ka lo rin dan ngawt ai kha chuan a sang daih zawk lehnghal.


Kan in sport chhung zawng chuan a bula awm ngawt chu ka duh a , a theih bik chiah loh chang a tam a , ka lunghnur ru thei viau.

Ka mumangah te hial ka hmu a , a mizia chuan a hmel aimah chuan min hip zawk.

Sport a zawh chuan result puanna te neiin lawmman te an sem a , kan team leader chuan a la leh mawlh mawlh mai , ka hrilh hai phian a.


Ka thiannu bulah chuan , "a van mak em em , engtinnge kan bulah a thu zeuh zeuh chung pawh khan lawmman hi a lo hlawhchhuah hman ni?, " Ka tih chuan ka thinnu chuan , "saw chu a phirpui a nih saw , en chiang la i hre mai ang ani saw a sin deuh zawk inang hle mahse ka hrehrang thei , " A ti ta mai , mak chu ka ti .


"A nih chuan tu zawk saw nge V. President zawk nia chuan nikum a best boy zawk pawh kha?, " Ka ti ta nge nge a.







"V.President leh nikuma mi kha chu kan team leader zawk kha a nia , mahse sport lam chu a ti tawh ngai lo doctor in a phal lo a , " A ti a.

•••••••

Sport kan zawh hnu chuan ka hmu zeuh zeuh chauh a ni, kan class te a inan miau loh avang in leh midang be zawk zawk chi ka ni lo bawk nen, ka ngaih ven zui ta lem lo a..


Kan zirlai te a hma zawng aia a tam tawh avangin tan ka khawh keh zual ngaihzawng ka ngaih ven lo a, nakinah min duhtu ka la tawng ve mai ang ka ti a.


Nikhua a rei a higher kan chhuahsanna pawh kum nga zet a liam ta .

Nikhat chu bus accident chungchang ka hria a , boral ta te hming an tarchhuah ka en chuan ka nghing lawih .


Ka mittui chu a far fep fep a tah em chu ka duh bik chiah lo mahse aw ka chhuah loh avang in tap hming ka pu lo mai mai zawk a ni.

Kar khat chhungzet chu ka chaw chakna a bo a , ka muhil tha thei hek lo, a ruk in ka lo Sepui ruah tuar ve ngawt ngawt mai a ni.


Chu thil thlen a tang chuan kum thum ngawt a liam leh ta keipawh in ka hrechang ta bik lo.

Vawikhat chu ka thiannu nen kan in hmu a , kan titi liam a , thil hriatchhuah ka nei tlat zawh ngei ka duh bawk. A hriat ngei pawh ka ring khaw khat te an lo ni bawk a.

Ka thu rem sauh sauh a , "Hmana kan school V. P kha i la hria em, " Tiin ka zawt hmasa tete a.

"Umm.. Tinge chung daih daih chu min zawh? A rei tawh sia. "

"A..., kum thum kum li vel liam ta khan newspaper ah a boral thu ka hmu a, ka zawt ve mai mai che. "

"A va mak ve! . "


"Ka fiamthu lo a nia , ka hmu tak tak. "

"Tunah kan vengah an awm mek, " A thutak bawk si ka tih ngaihna hre lo chuan , " A unaupa tal a niang, "ka la ti hram.

" Chutin mi thih tir ngawt suh i hauhawm deuh reuh tlat. "

"Chutiang chu a ni lo , ka hmu chiang viau a lawm, " Ka la tang ve tang tang.

Thaw halh in , " A nih chuan kan vengah lo kal la ti nia, " A ngai ho ang reng bawk sia .

"Ti nge chu chu min zawh thut hrim hrim a ?Nang hi i mizia nen a inmil lo tlat, a chhan eng emaw a awm chiang. "

"Chutiang engmah a awm lo . "


"A that hlauh chu, kan team leader a nih lai khan a star che a , mahse i lehkha zir ah khan a tih buai che a hlau a . "

"Awih awm loh e , min chhaihzui kher a ngai lo. "

"Tak tak a lawm a hnu kum thum hnu vel kha niin ka hria kan in hmuh khan i no. te pawh min dil tak kha , ka hre si lo a, a lunghnur hle nghe nghe. "

"I va ti awm ang lo tak eng ang thian nge ka neih che hi. "

"Engatan nge i tih chuan , bakah min be ngai em ni? I no. chu engtin nge nei se min tih bik ? Eng ang thian nge ka neih ve tho che hi? "

"Aw le a tawk e piber, " Ka'n nuih tlawn vel phawt a , "tunah enge a tih thin ? "


"Tunah chuan hna a nei tawh a , " Chuan ka lo ti hman hmawh, "Nupui nei tawh in fa pawh pahnih an nei tawh. "


I die thak hmun leh hmun ah silaiin min kap ni mai hian ka hria , eng mah pawh ka sawi lo.



Ka haw hnu chuan hun kal tawh te chu ka chhui kir a , keihi ka inla mah mah emaw ni tinge min hrilh mai loh le? Nupui te min neihsan daih sia.


A hunlai khan lo huaisen deuh ila tha tur . Zir ngawt ngawt hi a lo ni lo.

Ani kha ka thinlung sawinghing hmasa ber tu a ni a , tuman an dawt thei tawh lo , a hmel te leh a mitmeng kul ruih te mai bakah , a aw pa tak te kha , awi! 😭 engtikah mah ka ta a ni ve thei dawn si lo.


Ka rilru chuan, "Dominic Lalremruatpui , ka tello in hlim reng ang che, dam chhungin, " ka ti malh malh a.Tu tak chu a nupui ni ang maw ?ka thik hle mai!.....



Keichuan ka tana khuanu ruat ka nghak ta nge tiin ka nghak zel a , tunah chuan ka chalah tho hial an tawlh thlu ve thei ta , kei nula kum sawmthum pakhat 'Lalrintluangi' hi tuman min duh lo...... 😭😭

A TAWP TA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)