ENDLESS LOVE - 3 BY LAPUII

Story tawi te te emaw luanliamna emaw post na
Moipuii
Posts: 3
Joined: June 8th, 2020, 3:11 pm

ENDLESS LOVE - 3 BY LAPUII

Unread post by Moipuii » June 28th, 2021, 11:05 pm

ENDLESS LOVE - 3 BY LAPUII




"Bawipui, zanin chu rawn riak la, hei i pi pawhin a ngai tawh che, a sawi reng mai che a nia" ka pu in phone hmanga a rawn tawng thum dut dut avang chuan ka nui suk a,

"Ka rawn tum dawn nia" tih pahin kan inbiakna ka titawp

Ka pi leh pute tan chuan an fapa ang chiaha an chawi len kha ka ni reng bawk a,


Kha nu a hming pawh ka hriat loh bus a mi ngei kha ka mitthla ah a awm reng, ka lo nui leh suk suk thin, tun hi a vawikhatna takmeuh a ni, hmeichhia ka ngaihtuah tak viau mai,


Atthlak ti zetin ka lu ka thing nghut a, awmzia a awm lemlo thung


In ka thlen chuan ka nu chuan min lo chhawn vat a, ka pa pawh dawr lamah a la awm thu a asawi bawk



Ka pa a rawn haw chuan " Pa nu ka pu in min rawn bia a riak phei turin min rawn chah a, zanin chu ka phei dawn nia" tih pahin chaw ka bar mawlh mawlh bawk, ka pa pawh chuan a pawm tih hriat zetin a lu a bu nghut


"U anih chuan ka pi te inbula dil ah khan sangha a lian thei lutuk, min lo hawn rawh aw" ka nau pawh chuan a rawn ti ve bawk


"i u in a hman nang, sangha man tuta kal pawh a ni dawn hleinem naktuk maiah a rawn haw leh dawn lawm" ka nu in a lo ti vat chu ka nau a ner nung mai



"Bawihpui, a thim lam hret a ni tawh sia, bus a awm dawn mi" min ngaihtuah tih hriat zetin ka nu chuan a rawn ti thuai a, lu ka thin khum nung nung


Ka pi te inpeng bawr vel ka thlen lai chuan a bul maia dil lian leh zau pui chu ka thlir vang vang a, tlemin a zuk thuk deuh na in a hmun hi a felfai veng a, chuan rinai takin a thuk phian bawk, thla a bial lai a nih vamg hrim hrim pawhin dil tui chunglang chu a chhun tle deuh siar a, an mawi takzet a sir deuha ka thut reng lai chuan a chhak lama tang thawm a rawn awm avang chuan ka ngaithla renga ,



Pen thawm a hnai zela chutah chiah chuan hmeichhia a ni tih hriat theih turin a rawn tawng chhuak deuh hak hak a, chutah thaw an la leh hawk thin bawk nen, ka en reng lai chuan dil kam sir a pan ka hmuh chuan zawi muangin ka pan nghal vut a, engemaw ni khawi neuh neuh ang a ka hmuh chuan



Intihhlum tum niawm takin ka puh chu a inrin hma hma in tuiah a tla ta thuai mai, tui hleuh a thiam ka ring a ka ngaihchan renrawn hnu chuan a tal chiama, ka zuang thla ve ta nghal ngawt kha nia, a pheikhawk leh lawng hrui thlunna lo inbat kawkalh chu ka phelh sak nghal thuai a, chutih rual chuan lawng leh keini chu dil lai kan lo thleng hman der, hrui sei tak a ni, lawngah chuan ka thut tir a, a khur deuh der der chu ka hmu reng ,




A eng hliah zawnga thu a nih vang nge pawh chu a hmel ka hmu tha thei lo mahse bus a mi kha chu a hmel ruangam landan atang ang ka ti fu, a rawn tawng chhuah rual chuan phawk takin ka en nghal vat, amah ngei a ni,



Insiam tha vatin ka chhang let thuai a, a bula ka awma ka tang tung mai chu ka hrethiam hauh lo, rina ai tak a tawng duh a, kan titi thei ta phian mai, a nuih zawnga a ha var thah lang leh a hmui phir nalh zet chu enloh a har fu




Dil piah a inlian lo tak ah chuan a kawr chu a chhem ro a, a kal dawna ka phone number min dil lai a zak hmel mawlh mai kha hmuh leh achak awm kher mai


Kei mipa zawk pawhin dil ngaihna ka hriat loh lai a, lehlam zawng tak chuan ka nep ka ti fu bawk, min rawn call tur thu sawiin a tlan liam nghal vang vang chu ka thlir reng a,


A incheidan leh a nungchang engkim atang chuan an hauhsa tih a hriat theih Malsawmsang eng nge i ngaihtuah i cho phak loh a nih kha, tiru mawlh mawlh chungin ka pi te in lam ka pan nghal a


Rinai a lo tlai tawh phian a, ka pi te pawh chuan min lola nghak a, ka inthlahrung viau na in ka hrilh thawi fua a, room awlah chuan ka mu ta vat, khumah pawh chuan ka ngaihtuah leh cheu




Thawm ri rek rekah chuan ka harh a, dar 6 chauh a la ni, tho harhin hmai ka phih a, choka ah chuan ka pi chuan thingpui a awm thu sawiin mon thlit nghal zat,



"Bawihpui, tunlai i zirlai te eng nge i an, tha deuhin zir ang che" ka pu chuan a thingpui dawt khawlh pahin a ti ve sup a, ka lo bu nghut,



"pi, khawnge ka pu hi" tih pahin pawnlam ka hawi kual ruai chu,



"Bawipuia a rawn riak sia, bawngsa lei tur ka va en lawk amg nge a tia a chhuak a nih kha" a tih chuan ka thingpui in na no chu ka tleuh a, ka pi eirawng chu ka bawl pui zat



Eirawng bawl leh insuk pawh nise a tul a nih chuan ka nu leh ka nau pawh ka pui hreh lo, hmeichhe tihtur bik niin ka ngai hran lo, ka tet laia ka pi leh pu bula ka awm pawhin ka pi ai ka insu fo thin, tunah pawh an tar ve tawh a, min hnial viau mahse ka pui ngei ngei thin



"Bawihpui kha i tho tawh maw, hei Pu Siama ten Bawng pa sa tha pui mai an talh, kan siam nghal ang e" ka pu pawh chuan a rawn ti churh churh a,



Ka phine chu ka bih leh vut thin, keihi ka dik lo riau dawn, ka beisei em ni? Hahthlak inti zetin ka phone chu thutthlengah ka theh thla tawp a, ka puin sa a la siam bawk nen pawnlamah inti harh turin ka chhuak zawk a, ka pi te in hi a lian lo na in compound an nei zau a, duhtawk ka tlan kual hnu chuan inchhung ka lut a, ka phone ri tawp chiah la hriat rualin ka pan nghal vut, number hriat loh atang anih avangin ka phone chu angaiha ka dah leh a



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)