I LOVE YOU MORE

Story tawi te te emaw luanliamna emaw post na
Sandy sweet
Posts: 95
Joined: June 11th, 2021, 10:34 pm

I LOVE YOU MORE

Unread post by Sandy sweet » June 30th, 2021, 1:33 pm

I LOVE YOU MORE

PART-I






Chibai vek u le ka hming chu Zodinsangi a ni a, vawiin hian ka unaunu in pasal a nei dawn a , thianah ka tan dawn avangin keipawh nidang
ang lo takin mahni tawkah ka inchei nalh ve khawp mai .




Kawrfual senduk ka taksa phuar lek lek chu ka ha a , mermaid pian ang hi a ni a, ka sam chu chunglamah kan kilh tawm vek a, hmalam ah tlem ka ti uai fual hlek , darthlanga ka inen chuan chhelo hi ka inti ve hlarh hlarh em.


Inneihna hmun ah chuan ka unaunu aiin ka lut hmasa a , mipui chuan phawk takin min en hlawm a .

Nie, kan inang miau a an mawh lo e chutia min en hlawm pawh chu. Phir kan ni miau a , thenkhat phir kan ni tih hre lo tan chuan monu inneih hma a biak in a lut chu mak ti taka en zui awm reng ka ni mahse thenkhat min en chik
deuh tan erawh an vawikhat min hmuhna ah min hre hrang nghal nalh ang a chhan chu phir ni mah ila kan hawi her atang reng in kan danglam a tin ni . Ani nu hnap a nih laiin kei erawh che buan buan chi ' ani hi apa deuh ang a ' an tih theih tur ang ni chiah lo mah ila , ka che nu fahran lo.


Hmalamah chuan ka kal zel a , thutthleng
sei monu leh mopa thutna atan an dah ah chuan in la confi. zetin ka thu vei than a , dar lah chu a ri har zek a ,mahni te in ka thu ngawi reng a ,ka hmaa pastor thu lah chuan , " Nang misual , " Min ti niawm hrim hian a ka chip hmak in min en ngur bawk a, kei leh kei lo anga ka thut ngawih rei ber tum a ni ta ve ang ?


Inneih dar a rik fel hnu chuan mo a lo lut dawn
tih hriat takin music chu a ri a , mipui chu kan ding thap a , ka unaunu chu ka pa'n a lo kai lut a ,muangchangin an lo pen lut ngei ang , hma lama ka din avangin en tur a va hawi du du thu lah awm hek suh ,an pen ri chu a lo hnai tial tial a , kei mah tak zawk pawh chu ka lo
zam ve em em a ,ka kut te chu a thlan huh dup a , ka kuta romawl ka hum chuan ka hru leh pawk pawk thin a .


Kan bul a lo thlen chuan ka va en a , ka pa chuan min lo en in a hmui phun chuan , " Chesual suh ang che , " A lo ti a . Ka mood a tichhe nghal vek , ka chesual bik awm lo e , hrilh kher ka ngai si lo a , Zodinpuii pa tak hi chu .


Kan thut hnu chuan pastor chu a ding nghal a
,inneihna chu kan tan a ni deuh nghal mai.An sermon leh rih te te a , a hnu chuan inneih thutiam chu an chham tawh dawn a , kan vai chuan kan ding thap a , ka unaunu chu ka en reng a , a va hmeltha tak em.


Ani anga mo hmeltha hi ka la hmu ngai lo, hmu tur pawh in tute inneihna ah mah ka kal ngai lo miau a , kei chuan inneihna tih vel hi ho ka ti
riau a ni.

A kawrvar hak chuan a kap eng em em a , a vun nalh tak chu a ti lang nalh leh zual a , a hawiher chu a zang vaha , mo dang ang lo takin a inrintawk hmel hle a , a hmelah zamna ka hmu hek lo , a hlim hmel chu hmuh a nuam takzet bawk.


Inneih thutiam an chham lai chuan ka unaunu hmel chu ka en leh a , a nui ver ver reng mai , Uruata chuan a kutah a chelh tlat bawk a , an thu chham an ti tak dun lutuk chuan ka hnuk anti ulh zawk, ka mittui chu ka hru leh zeuh zel a.


Zungbun an inbuntir hun chu a ni tawh a , a mood ah ka lo cheng deuh nge , zungbun pek nachang ka lo hre lo a , ka u chu lo khuh kharhin , pastor chuan ngun takin min en bawk a.


Hmanhmawh taka ka kuta zungbun bawm ka hum chu hawng in zungbun chu ka la chhuak a, pek mai ka tum chuan engtin nge a thlen ka hre bik lo, ka thlauh daih a nih chu. A lir ter ter a , khawiah tak tawp ang maw?



Ka kun vata ka hmu mai lo lehnghal , kan vai mai chuan kan phek buai vek , pastor pawh chu a dinna hmun atang chuan a lo buai ve em em a, a zawng ve pawh a ni mahna ?

Ka ute pahnih chawp chawp chuan kan zawng ho ta a lawm, ka kawrfual hak vang a ni chiang ang kawrfual ka hak a piang hian ka che chhe thei riau .

Kan hmu mai bawk si lo chu ka mangang hman hle, ka pa'n min zilh leh nasa teh ang chu , chutia kan kun deuh sup sup lai chuan vanneih thlak tak mai in tu emaw hi a rawn kal phei a ka hmaah ding in zungbun chu min pe a , ka lawmna hi lawm ti hian a hrilhfiah zo kher awm lo e ,tui finriat ang mai in a liam zawih zawih ka ring hmu thei ngat ila chu .


Inneihna chu kan tan lehnghal a , thutiam an
chham zawh chuan , " Zodinpuii leh Lalremruata te nupa diktak in ni tawh tih ka puang e ,Pathianin a zawm tawh chu mihringin then suh
se , " Tiin Pastor chu a tawngtai zawm nghal a .


Kan tin dawnah Pastor chuan , "mitam tak ka inneih tir tawh a vawiin ni tluk a , kan hlim hi ka la hre lo , " A ti a ,mipui pawh chu an nui ho dar dar a , ka zak lutuk chu ka sa pup pup thei hial.



Photo boot an siam ah chuan kan ding ho leh a, min lo chibai tu a piang chuan min fiam zui mawlh mawlh hlawm bawk a, ka zak chem chem ,thlawh bo daih theih chu nise ka thlawh bo na a rei tawh ang, ka pa in min chibai ve chuan hauh tawrh inring sa ran chuan ka awm a mahse min hau miah lo. Nakinah min hau leh zawk dawn pawh a ni maithei.


U Ruata chhungte pawh chuan min lo chibai ve a eng mah an sawi lo, an rilru hi a zau ve a , ka zah an hlau a niang ?


Ka unaunu chu ka en leh zeuh thin a , hlim tih hriat tak hian a nui sen sen reng a, a pasal chuan a ngaihsak hle bawk tih ka hria , mifel tak a ni ve hrim hrim a .



An intawn dan hi a nuihzatthlak ang reng a , a tir chuan an inneih hi an ring bik kher lo ang , an inhmuh tirh phat atangin an inhau nghal a, mahse khuanu ruat chu keini lo dan theih a ni lo miau a harsatna tamtak an paltlang dun a ,kum li dawn an inzui hnu ah hei an innei ve ta a lawm keipaw'n thinlung takin ka lawmpui a ni.


URuata hi keini ai kum sawm dawn in a upa a mahse nupa inhmeh tak anni tho, ka u chu a duat dawn tih ka hria , nupa hlim tak anni dawn tih pawh ka chiang ngam sak.



Mipui in thla min lakpui hma chuan lawmpui na hlan in chibai min buk sap sap phawt a ,chumi zawh chuan thlalakna hun chu kan hmang ve thei chauh a, ka rilru chuan a rei leh dawn mang e ka ti a , mipui chu an tam ang reng si a duh duh in min lakpui zawh chuan ding leh chuang tur pawh ka awm dawn em ni ?

Thla kan lak zawh hma deuh chuan mipakhat hi
lo kal phei in ka hma ah a lo ding a , chibai min buk pahin , "inin ang hle mai monu nen chuan , mi thuhmun emaw innih ka lo ti hman a , " A ti a .


Ka en chuan chupa chu a hmel apa hle a ni, ka hmeltha tih chi a ni hran lo mahse apa hliah hliah ,a khabe hmul zawng zawngte chuan a ti pa zual ,mipa ka vawikhat hmuhna a ka en zui vawng vawng awmchhun a ni hial lo maw?


Miin inneihna ah hian lather jacket an ha i hmu tawh ngai em ? I la hmu lo a nih ngat chuan hei ka bulah hian a ding kur mai.


Ka en reng lai chuan , "Monu angchiah pakhat kha lo hawi phei rawh , ler a thiang lo , ita tur nakinah kan zawng ve ang, " Tiin kan photographer chu a lo au a , ka ngei mai mai zia chu Muanthlala -a tak hi chu min tih tekna tur ringawt hi a zawng mai.


Ka hawi phei chuan midang chuan min en leh thup tawh, ka nui lui ta vel mai mai a, khapa
kha ka va en leh chuan a lo bo hman daih tawh .


Thlalak hun chu kan tling tla ve ta, ka lawm zia chu , kan ding rei lutuk a , ka chau nghulh thei nia .Tlai a lo nih meuh chuan, ka pheikhawk sang vak lo ka bun 2inch vel chauh pawh chuan ka ke ati na ngut ngut tho mai.


>>>>>>>>>>

U Ruata pa hi a hman lai deuh avangin , monu leh mopa len zuai na hun ang pawh kha kan hmang ve lo , tin , zanah party pawh a awm dawn lo bawk , an hausak teh lul nen an kawm a nia, ka ngei chi tak.


Ruaite theh in , kan inti fel zung zung a , ka u chu kan thlah a hun ta a, kan kal hma chuan atap pur a , keipawh ka ni tho , kan inkuah deuh vang vang a ,midang chuan an lo koh tawh si avangin motor lam chu kan pan ta zawk a,engmah pawh kan sawi mumal hman lo.


Nu kan nei tawh lo a, ka pa leh kei chiah kan awm dawn takah chuan min ngaihtuah hle a ni.


Kan thlen chuan an lo awm teuh a , a lawi chuan kan nui nasa ngei mai Lawichal in luh a phal lawk lo a , a thil ngen ber kher lah chu a ho si , kan luh hnu pawh chuan kan thu leh rih a , inneih na a thil thleng avang khan thenkhatin min fiam zui bawk a , ka ning tep tawh , ka thinchhe lutuk hi chu ka sim thei lo a nih hi.


A hnu deuh ah chuan an room ah kan lut
a , an mutna tur te ka phah sak ve diam kha , midang U Ruata cousin te chuan min chhuahsan a kan pahnih chauh chuan kan awm tawh a, min kuah leh vang vang in, "ka ngai dawn lutuk che , " Tih leh tah a rual leh nghal a , tih ngaihna vak ka hre bik lo keipaw'n ka ngai dawn hle a ni.



Phir kan ni na a kan hmel inang mahse inan lohna tam tak kan nei , ani nu hnap leh thuawih tak a nih laiin keive thung chu chhungkaw black sheep ka ni mai, ka pa paw'n tih ngaihna vak min hre tawh lo.


A tap chu ka thlem leh rih phawt a ,mahse ka chem kalna a ni hran lo, ka hnem pawh in ka inring lo , a mittui te chu kan hruk hul sak ve ngial a , "ka lo be thin ang che , " Ka ti ta ringawt a ,a ai a thu mawi chhak chhuah tur ka hre tlat lo .


U Ruata a lo luh tak avang in inbiak na hun pawh kan nei tawh lo , chhuah nghal mai tum in ka tho a Uruata zawn ka thlen chuan hnunglam atang ka kuaibet a , "hepa hian a tina che emaw a duat lo che a nih vaih chuan ka sawisa hrep ang, " Ka ti a , a nui ve thei ta .


Uruata chuan ka kut chu a beng vak vak a , ka thlah chuan a sen vek , ka tina pawn ka hre si lo a , a nui ve tawp , "kan inkarah naute ang mai a lo mut ve i tum em ni? " A tih chuan, "ka tum em ni? " Ka ti let ve kher a , min ngei hmel leh tawh teh e.


Kan inhmuh tawh hi chuan ui leh kel thlun pawlh ang mai hi kan ni kan in hnial reng zel.

" Vawiin ah nupui ka neih loh phah tep tu emaw vangin , " Keimah min sawi chhan lo ni awm tak chuan hmun dang a en daih a .

" I nei tho lawm , i tawng thei . "

" Nei lo tep ka tih kha . "

" E , i lo lungphang viau em ni ? Midang zungbun hawh ka lo rilruk lai a, in vannei mang e, " Ka nui duh miah lo , ka kut chu ka kuang kuah ngei bawk a.

"" I sawi ngam zawk , chhuak vat mai teh , " A ti khur khur tawh a.

" Chhuak e , i lawmthu min hrilhna angah ka ngai ang , " Ka chhuah pah chuan lei ka chhuah khum vak a.

" Zodinsang i lei sei sei nen , " A thu sawi chu ngaithla duh lo luiin ka beng ka hup hmak a.


Ka chhuahsan hnu chuan kawngkhar chu nghengin ka ding ngawi reng a ka mittui chu ka hru zeuh a , "i nau thin hi chu aw, " Uruata'n a tih ri ka hriat chuan , "min rel su inpahnih khan tih tur inngah teh mai ania , " Tiin ka au khum leh vak a.

>>>>>>>


Sitting room ka thlen thlak chuan midang ho chu an lo tin darh deuh vek tawh a keipawh haw nghal mai ka tum a , ka thawmhnaw thlakna tur an
awmpuinu bula ka dah chu la in bathroom-ah lutin ka inthlak nghal sawk sawk a , ka chhuah leh chuan ka bike chahbi chu an awmpui dang pakhat chuan min lo pe nghal a , ka thawmhnaw hak loh zawk chu pe in , " Ka
u in lo kawl rawh se , " Tiin ka chhuak nghal a.


Pawna ka chhuah chuan ka bike chahbi chu ka tuai vir ka tuai vir a. Ka bike awmna ka thlen hma deuh chuan , ka chahbi tuai vir chu a thlawk ta daih a , "Aiah" Tih ri chu ka hre chhunzawm nghal zat a, ka kal hnaih deuh chuan chhuna leather jacket-a kha a ni.


Ka chahbi chu a lo hum ran a , eng sawi lo chuan ka kut ka dawh ringawt a, min pek ve mai ka ring a nia , "min kiss phawt loh chuan a thlawn in ka pe thei lo ang che , " A ti daih a , ka melh rum hle ringawt .


Chhan tinah pawh ka tin lo , a kut a ka chahbi a hum chu chhuh tum in ka ban a , chu veleh chunglamah a ban chu a phar ta daih a , dingdihlipa ban ka tum zet a mahse kan insan hleih em a , ka zuan vak vak pawhin ka ban phak chuang lo ang.


"Vawikhat in kiss ah i hmui kha a ral lo ang , ti vat mai rawh , a rei party ka duh a nia , " A ti leh a, ka ding ngawi reng chhuhsak tumin ka ban tawh hek lo, ka hmelhriat ngai pawh a ni lo a , a zakthei loin a nghal mah mah a ni .

Ka ngawih reng takah chuan min hnaih deuh in ka hmuiah chuan a rawn fawp ta mai , ka thin asa phat a , a sam buk laiah chuan ka kek chiam a , a nin a uar tulh tulh thung si, ka lu ah a dawm tlat avang chuan ka duh ang in ka che tha thei lo lehnghal thinrim tak ka ni.


A hmuiah chuan ka seh sak ta ringawt a, a thi hrim hrim ka chiang min thlah thutin , a hmui chu a khawih a , "kan in tawng fuh hle mai ka duh chi tak i ni, innei ve daih ang, " A tih chuan rang fahran hian, "ka duh chi ini ve lo, bottle sawr i an vei nen, inneih maw?" huh, ha ha🤣, ka pum te chu ka dawm lui vel a.

Min pawt hnai leh in min fawp tha leh ngat a ,chutia
a chet thut chu ka ring lo nen ka in tiari hman reng reng hleinem thlesawn tur pawhin ,duhthawh takin min fawp tawn tawn a ka chhanlet loh vang chu nge, dim deuh zawkin min fawp leh a phutlet nei tak hian, ka biang ah chuan a dawm bawk a, muangchang a min fawh hnu chuan uar fahran in ka fawp let vak a , a hmui chu a chet tawh lo keimah zawk chuan uar fahran in ka fawp lui ngawng ngawng a , chet ve a tum velah chuan ka thlah thut a , a lo inring bik bawk si lo nen ka nam sawn dawr bawk a.


Ka chahbi chu laksak ka tum leh a , a ipte ah a ak daih , a ipte han zen em em chu ka duh chiah bik si lo.


Ka inher thut a , ka kal nal nal ka sirah chuan a
bike in min lo zui ve zel a, ka kal muan leh a kal muang a , ka kal ran deuh leh a kal rang ve a .



Ka kal thui deuh hnu chuan ka ding thut a , ani pawh rituar in a ding chawt mai ,
ngaihtuahna thar ka nei tlat party na hmun ah chuan kal ila , ka nuam deuh huai mahna , nidangah pawh kal ngai lo ka ni bik hleinem.


Min melh rawm rawm nghal a, mipa ve si nep
lutuk mai .

"Party na hmun ah chuan kal ang , "ka ti thut a , kal hnai in a helmet chu ka phelh sak a , " Keima'n ka khalh ang , "ka ti nghal bawk a.


" Min fawh phawt angai ang , "a ti leh hram.

Lehlam hawiin , " I hur lutuk, " zawite in ka ti a.


"Kan inang vek mipa chu, " Thil dang a sawi teuh hma chuan a biangah chuan ka fawp zeuh a.


Phawk deuh in min en a , a nui suk nia a hmui chu lo tipawrhin , "hetah pawh hian , " A tih chuan na lo te in ka bensak a , a nui zui hawk hawk a. 😂😂


A tawlh hnung ve mai a , helmet te ka khum zawh chuan , chuang ve nghalin tlan chhuah mai ka tum a , hnunglam atang chuan min lo kuah thut a, ka phu zawk leh nghal mahse pawi ka ti hran lo ka tlan chak thin si a , a lo tla palh ang !



Kan tlan thui zel chuan min kuah nghet tulh tulh
a ,ka zam ve deuh tlat , ka kut lehlam chuan a kut chu ka ben sak a , a ai nghet in min lo kuah leh zawk a .


"Tha deuh khan khalh mai mai rawh , kan accident i duh loh chuan , " Ka beng bulah a lo tih chuan a ai chakin ka tlan lui leh ngat a , ka ngei ve hrim hrim hepa hi , min nel leh lutuk te hi ka ngaithei lo.



Party na hmun kan thlen chuan an lo zi muai muai leh tawh , keini pawh muangchang lo in kan lut ve nghal a, kan pahnih chuan kal hrang lo in kan awm dun char char , party na hmun kan thlen chuan min kalsan mai ka lo ring a nia .


Beer can khat chiah ka in a, ani chuan intur eng eng emaw a in nual in ka hria ,a sual viau emaw
a in thei ve hrim hrim pawh a ni mahna .



Hmeichhe pakhat chu lo kal phei in , kan bulah chuan a lo thu a , a inchei dan ka en chuan ka rap zawk hial , a hmui chu tan hlim ang maiin a sen hlar a , a mit pawh a dum hle , a kawr chu kawr fual nge kawr chhing tih pawh ka hrethiam lo , a kun zawnga a awm bawr lang vek thei khawp a nghawng zau a ha bawk a, a pheikhawk bunte chu bun ve ila ka tluk nah hian damdawiin ah vawi nga ka awm hman ka ring. Keichu ke lawng pawh in kal ila ka ke hi ka bilh ngun thei lutuk .


Ka bul ami chu a bekbawr siam siam reng a , ka thik deuh nge beer chu can khat ka la leh a ka chhuahsan daih.


Pawnah chuan Keimah in ka thu reng a , mipa pakhat palian ve tak hi lo kal in ka bulah chuan a lo thu ve a ,min be char char a ,a tir chuan tha deuhin ka chhang ve mai a , min thut hnaih tulh tulh chuan
ka ning deuh a min kalsan turin ka ti a mahse chupa chuan kal ta nge ti mai lo chuan ka banah a pawt thut a ,min kalsawnpui a tum emaw ni, ka tang ve bawk si nen kan insual chu a ni deuh der mai.


A kutah chuan ka seh vak a , min beng thuai a ka samah chuan a tham zui bawk a , ka theih tawp chhuah a ka ban ve tawk tawk chuan a sam ah ka tham let ve thei hram , mipa a ni bawk a , ka hneh lo hle bakah a palian si a hneh ngaihna hi a awm lo hrim hrim .


Mahse tlawm mai chu ka tum hauh lo , ka boot hmawr zum chuan a ngalah ka pet sak thei hram a, min thlah chiang lutuk ringawt "nang hi" Tih leh min ben leh a tum a mahse tu emaw hi lo kal in chupa chu a hnek thuai a.


Keipawh leiah ka thu hnawk ,ani pawh chuan a hnek let ve siah a,an insual chu a ni deuh der mai,an palian dun si a engtia han tih chi nge ka hre mai bik lo, ka au chiam dawn nge an insual na ah chuan ka va tel ve zawk dawn ?

Buai taka ka en reng lai chuan kan thawm an hria a niang chu midang an lo pungkhawm thuai a , an thelh thei hram.


Thil nihna kan sawi hnu chuan chupa chu an dem luai luai a , kal turin an ti a akal hma chuan min en in , "hmeichhe hlauhawm tak a ni, " A ti thum bul a.


Min chhan tupa kha lo kal phei in ka that leh that loh te min zawt a, amah zawk pawh chu a pilh pheng phung mai , a kam sir te chu a thi deuh , "kha i hneh chiah lo deuh chu a nih kha, " Tiin ka fiam zui hlak a, ani hi lo kal lo se chuan ka chan tur chu ngaihtuah pawh ka ngaihtuah ngam lo zawk mahse lawmthu sawi erawh ka tum bo lo thung.



"A len em kha engtin nge i khawih let ngam zawk
a ? "


"Aw , ka hlau ve lo tu emaw ang lo takin, " Ka hlauh vei vei nen ka tawngkam hi chu .

"A nih chuan a hnenah khan kal i tum tihna em ni? Lo thleng hman lo ta ila. "

"Maithei , tu emaw ang lo takin hmeichhe chhelo deuh bulah min kalsan ve ka ring hauh lo. "

"I thik viau a ni maw, " A nui thum dut a.

Ka ngei lutuk chuan, " A rual khan ka'n haw mai teh ang, "tia inher ka tum chu min pawt let sawk a , min fawp deuh bawrh bawrhin ," Ka awm reng a lawm
ani kha pan a tulna a awm lo , " Tiin min pu lawp a , ka tal vak vak a mahse awmzia a awm lo.



Min dintir in Bike ah chuan min hlangkang leh a ka hnungah lo thu ve nghalin helmet chu min khum tir te te phawt a , ngawi rengin ka thu tawp , enge a tih dawn ka ngaichang a ni deuh ber mai.


A hnunglam atang chuan amah chuan a khalh zawk a , chak mangkhengin kan pit chhuak nghal.


Darkar chanve dawn hnu ah chuan hmun pakhatah hian kan ding ve hram a.


A chhuk a min hlang thla ve nghalin, min pawt phei dawr dawr a , a tih ang ang chuan ka awm tawp. Enge thleng leh tur pawh ka ngaihtuah lo a , mak tak mai in ka hlau hauh lo bawk.

kan hma a in pakhat ah chuan min kai lut a ,ngawi rengin ka zui mawl tawp.


In chhung kan luh chuan , light te a ti eng te te a , intur la chhuak in a in leh phawt kei ngawi reng in naupang fel tak ni awm ang zia zang chuan ka thu hle hle a.


**warning #warning 18+



Ka bulah chuan rawn thu thla in a lamah min pawt phei dawr a , ka lo inring lo bawk nen ka bawh rawk rawk a , rem leh rem lo chuan min lo fawp a , ka dawh mawl tawp.



Min fawp uar tulh tulh a , keipawh insiam rem in a chungah chuan ka lawn kai a , ka m*wng chu ka ti che kual a , a nui chhuak hawk.



Kan infawp duh thawh tulh tulh , ka lather jacket hak chu phelh in ka t-shirt hak chhung ah chuan a lo zen lut a , ka ip chawih mai mahse ka in thlah dul leh vat a.


A thawmhnaw hak chu a chunglam zawng kan phelh vek tawh a, a taksa nalh zia chu a abs te chu a inenkawl uluk tih a hriat ngawih ngawih .



Ka kawr chu phelh in ka bra chu a hui liam a , min en reng ringawt , "kan ti dawn nge? Ti khan min en reng zawk dawn? " Ka tih chuan ka hn*te ah chuan lo tham vakin a fawp nghal tawn tawn a , a lei hmang chuan ka hn*te hmu* chu a liak kual vel a ka mur sung sung thei.


Ka kekawr chhungah chuan lo zen lutin ka panty chhanah chuan ka h*eic**iat*a chu a khawih bawrh bawrh a , na ka ti a mahse ka sawi duh kher lo.


Ka kekawr chu phelhin , "i ha tight leh lutuk a , nidang ah chuan tiang hi ha tawh suh ang che, " A tih chuan ka fawp a , a hmui ah ka seh vak , a nui nghawr dat a .

"I chet dan chu phuba ka la ngei ang , " Tiin ka panty chu a pawt hlip leh pawp a, engmah ka inbel tawh si lo mahse han zah buai vel kha ka tum lo.


Min fawp bawrh bawrh in ani pawh a inphelh ve a , a kekawrte a phelh chiah chu ka mengphawk hraw mai , ka hlau deuh a , tih leh loh mai te chu ka duh rum rum hman mahse min chawi kang nawlh in room lamah min phei pui ta daih a.


Khumah chuan min nghatin min fawp tawn tawn a, a lo th*n chuan a na lutuk ani pawh a chawl det s, ka hmui chu ka pet fan fan a , lukham chu la in ka kawngah a lo rawlh lut a , a chet chhunzawm leh chuan min dim tawh hle.


A zawh chuan ka bulah lo mu thla in , min kuah chial a ,rei lo te ah , "i in peih em? " A ti a , chu zawhna min zawh chhan chu ka hre lo mahse 'aw' chu ka ti tho.



Vawihnih nan a lo th*n leh a hma ang kha chuan a na tawh bik lo ,kan duhtawk hlei thei lo chu a ni, khawvar dawn tep chuan kan muhil ve thei hram.


_______________________


Ka harh leh chuan ni pawh a lo tlangsang hman tawh viau a, ka taksa chu a na hle bawk , ka sil thum mai , ka bula mu ka en chuan a pa hliah hliah , a hnar ngul sang vah te , a chal zau ve tak te chu a in hmeh bik ngawih ngawih, a hmui chu a chhah tap a , a phir deuh bawk fawh chakawm tak a ni, a mah tilangpa zual turin khabe hmul leh hmui hmul a nei bawk a, a in hmeh zia chu khabe hmul hi a tana Pathianin a bik taka a siam emaw tih mai tur a ni.


Tih harh hlau tak chuan ka tho them them a, bathroom ah lutin ka inbual a , towel lo awm chu ka hmang ve hmiah, nidangah te chuan ka unaunu ta pawh ka hmang duh ngai lo a nia.


Ka chhuah leh pawh chuan a lo la mutui viau a, room atang chuan chhuak in , chhuata kan thawmhnaw darh ho chu ka chhar khawm a , ka inbel mial mial a, a ta chu tha deuh in ka thleh sak ve a , thutthlengah chuan ka dah tawp roomah pawh let tawh lem lo in ka chhuahsan nghal a.


Thui lote ka kal hnu chuan dingin a in chu ka thlir let a , a nalh dang dai hle mai , a rawng chu a senduk hi a ni a , a var in a sir vel chu an hnawih kual a , inmal ding a ni a , a kawt velah chuan papar te leh thingkung te pawh a awm nual.


Inher a kal leh ka tum chiah chuan hmeichhe pakhat nen hian kan insu deuh chawrh a , a thil ken ho chu a thlauh vek lehnghal a , ka chhar khawm pui zung zung a , amah ka en chuan a kutah inneih zungbun ni ngei tur hi ka hmu a.


Ka tana thil tangkai lo pui chu zawt in , "ka pi, khawi ah nge i kal dawn? " Ka ti a, ka lo chhuahna in chu a kawk ta mai, ka phu zuk thei , min kalsan hnu chuan ka lawm zawk hle , a lo thlen hma a ka chhuak hman hlauh chu.

A inkawt a pangparte chu ka ngaihtuah let a, nupui nei lai a lo ni reng chu a ni sia , ka che chhe hle mai, min bum chu a ni em lo a mahse tenawm tak a ni.


Taxi chu lain ka u te in lam chu ka pan a.

Uruata te hi an hausa hle a, dawr lian hrang hrang an neih bakah Aizawla hotel lian ber pahnih hi an ta a ni bawk , resort pawh an neiin ka hria , khawpui hmun dangah pawh hotel leh dawr an nei nual, ka unaunu chu ka ngaituah lo an hausa na in an chapo lo a , an fel hle bawk.


Keini pawh rethei ti a sawi tur chu kan ni lo na in , an lakah chuan kan nep hle , mahse kan duh duh kan nei thei ve tho.

Ka pa hi college principle a ni a kei chu zirtirtu ka ni. Master ka chhuah hnuah private school pakhatah ka inhlawh a , kum khat lai chu ka thawk ve tawh ka hna chu nuam ka ti hle , a hlei chi ka lo ni bawk nen zirlai naupangte nen pawh kan in pawh viau.

Ka unaunu ve thung hi chu nurse a ni a,kan mizia hi a inang lo em em a , mipawhin kut thlak se a chhanglet ngai lo ani hi chuan. Kan naupan lai paw'n amah ka chhanna lamah ka insual phah fo reng a, ka pa'n min hrem ziah leh nghal a.


Ka nu hian kum kua lek kan nih laiin min boral san tawh a ka pa chuan nupui nei leh lo in tihian min tulpui ta a ni.


Kan hnam danah chuan an nupuite an boral hian , fa an lo neih tawh bawk si chuan, an nupui laizawnte chu nupuiah an nei leh tur a ni mahse ka pa chuan chu chu a duh lo a , tun thleng hian nupui nei loin min tulpui ta a ni.

ka nu boral atang kum sawm paruk lai liam tawh mahse ka pa chuan an hun pawimawh zawng zawng te hi hmaih lo in a la hmang ziah a , ka nu thih cham ah phei chuan kan ti buai ngam ngai lo.


Chutiang khawp chuan ka nu chu a hmangaih a , tin keini pawh nuhrawn min hrawn tir a hreh vang pakhat a ni, ka pa hi kan zah em em a keipawh sual in ka duh dan dan in khawsa thin mah ila a tawpah chuan ka pa thu ka hnial ngam ngai lo.


•••••••••
Uruata te in ah pawh chuan lut lo in ka bike chu ka ti nung vut vut a tlan chhuah mai ka tum tawh laiin Uruata chu a lo lang thut a , "ehe! I rim chu (a hnar a len kual lui ngei a) nizan ah enge maw i ti, " A tih chuan melh rawm rawm in, "nangni paw'n eng emaw in ti ka sawi chhuak kher lo , khawimaw awm sawn vat teh , " Ka ti vin hlar a.

"I u ka hrilh dawn chiang lutuk , khati te a min chhan chu le , " A tih chuan , "ka hlau bawk lo , " Tiin ka tlansan vang vang , eng emaw sawi a , a au ri pawh chu ka hre pha reng mahse let leh ka tum lo , ka ngei ve hrim hrim , nula kum sawmhnih panga ka ni ve tawh a engemaw hlek a , "i u bulah ka sawi dawn chu e kha e, " Tih ziah mai , keiaiin minute bakin a upa tawp si lo a , min in hauhpui hi nuam a ti ve hrim hrim.



In ka thlen chuan inrinni te a ni bawk a school kal ka ngai lo hloh a a tihzia phian , zawi te te in ka pen lut them them a, ka pa a awm lo hlauh e ,bazar ah a kal pawh a ni mahna ka vannei phian mai. Ka room ah lut vatin ka mu vang vang a.

After 1week.....


School ah chuan nitin a dan ngaiin ka kal a mahse ka ning ngai lem lo ka thawhpui te an fel bakah hlawh pawh min pe tha a , nuam ka ti ve em.



Nikhat chu Class -xi ah class ka nei a , ka chhuah leh chuan ka phone chu a lo ri tuar tuar a ,ka silent bawk si lo ka ringtone lah chu rock music a la ni zui inthlahrun awm duh ve deuh chu a ni thawhpui te lakah chuan ,ka la thuai a ,screen ka en chuan no. hlang hi a lo ni a, ka pickup duh lo no. hriat loh hi chu ka la ngai lo tluk a ni.


Ka thut fe hnu chuan chu no. ngai atang bawk chuan min lo call leh a , ka ning tan der mai ,last period chu ka class a nih avang in class-xii room ah ka lut leh a, ban dar a rik chuan naupang ho chu chhuahsan in office ah ka lut nghal a.


Ka phone chu a lo vibrate sur sur a ,sir.Patea ka ep chiah a thu chuan , " Vawiin chu i luck khawp mai , "then thaw hian a lo la ti zui.


Ka phone chu la in no. chu block ka tum a , mahse ka block hma chuan message a lo thleng a ka en nghal vat, " I phone chhang rawh , " tih te mai hi a lo ni a .


A dp vel te chu ka en a , helmet a khum avangin tu nge ka hre thei mai lo , a hming chu ka en a 'Ebenezer Khawlhring 'tih zawng a in ziak a, a status chu ka en leh a 'ni tla seng lo a roreltu' tih a ni leh tawp, mak chu ka ti ve deuh mahse ka hmelhriat a an vak loh a vang chuan a no. chu ka block ta tho a.

Ka thawhpui te nen chuan kan in mangtha sap sap a , in hnuai ah chhuk in ka bike ka melh kual a, ka keng lo tih ka hrechhuak chiah , "ka pa car tal lo keng ila tha tur , taxi lak leh tho a ngai awm sia , " ti nuah nuah chung chuan ka kal zel a naupang haw tur chuan min mangtha pah sap sap a.



kan school chu ka la pel thui lo , bike hi chak tak in a lo tlan phei a , ka bul hnaiah tak chuan a lo ding thut a , ka phu lutuk chu leiah chuan ka thu hnawk thei .

A helmet a phelh chiah chuan rum lutukin ka melh nghal a, ka thin chu a rim ngei mai , midang awm ve lo se nih loh pawn ka thawm hnaw hak hian zir deuh phei se chu ka kick let tawp ang mawle.



Cont.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)