I LOVE YOU MORE

[Sandy sweet]

I LOVE YOU MORE


PART-II




A helmet khum phelh a , a rawn din chhuah chiah chuan ka thinrim lutuk chu kick thal tawp mai ka nap a .


Phulah chuan ka bawk sawp nuai a , lo kun hniam in a kut chu a lo phar chhuaka, ka vawn theih turin ka hma zawn ah a rawn dah a .


Ka ban ve mai a mahse thawh mai ka tum lo ka pawt rawk a , min rawn bawh thlawp a, chutianga ka tih chu a ring bik hauh lo ang, kawng kal ho leh school naupang thenkhat chuan min lo nuih dar dar hlawm a.

A zahthlak tih lam ai mah chuan kan school naupang ten min hmuh dan tur chu ka ngaihtuah daih zawk , an zirtirtu ka nia min hmu khawlo zo vek ang tih chu ka hlau ber mai.


Ani lah chuan tho ta nge ti mai lo chuan ka chungah a bawk run a , a che duh tawh miah lo leh nghal ka thinrim chuan a dulah chuan hnuailam atang ka sik vak ringawt a.



"Ah... I thinchhe lutuk hi chu, "tiin a phun hluk a ,tho chhuak nghal in , a in beng fai sawk sawk a ,ka tin chu a sei lo na a , theih tawp a in sih chu ana ve duh ngawt ang ,a thawh chhuah phah ve tal a lawm , a sen vual tuk ngei in ka ring, ngaihdam dil ka tum hauh lo, ka thiam loh a ni miau lo a. Nge min tih phut chiam vei ni ?


Tho chhuak ve in ka in beng fai sawk sawk a
,ngaihsak lem lo chuan Kal mai ka tum a mahse ka ban ah man in eng dang sawi lem lo chuan helmet pakhat hi min khum tir a tum a , ka duh bik si lo chu ka tal vak ringawt a, mipa tha na na na
chu a lo chak ngang mai min chelh hneh hle bawk ,ka tal rei lem lo ka inti hah thawn mai a ni.


Lo kun hnai in , "ennawm chhuah i duh loh chuan ngawi reng khan awm la , i haw vat thei a ni mai, " Ka beng bul ah chuan a lo ti a .


Ka hawi kual chuan min lo la thlir thup a , ka chanchin an sawi ngei ang le hepa vang vek hi , ka kuk lawlh dawn a mawni , midang an awm loh hunah a hre khawp ang.


A helmet min khum tir chu ka siam tha te te a , "keima'n ka khalh ang, " Ka ti let ve hmak a .

"I zo dawn lo , thuawih tak khan chuang mai mai rawh, " A tih chuan a sawi dik viau bawk si, hetiang KTM hi chu awt viau mah ila ka zo dawn tlat lo, keini ang a te chi tan chuan a rit mah mah a ni.

Ka chuan fel hnu chuan kan tlanchhuak nghal a, a hnungah chuan in chelh lo in ka thu ran a , chak deuh in a tlan zur zur mai bawk si , tlak chu ka hlauh ve reng.


Speed breaker kan tlan pelh chuan duh lo teh mah ila ,ka bawk rawk rawk a ,ani lah a tlan chak sauh thung a, duh lo viau mah ila a hnung ah chuan chelh bet in hmalam ah ka kut ka rawlh lut ta nge nge a, nghet deuh in ka kuah ta ringawt a.


Kan in awm na min zawh chuan hrilh loh ka tum zet a mahse tha deuh chuan kan in awmna lai zawn vel chu ka hrilh leh ta zawk a.


Kan in peng kan thlen hma deuh chuan , " Ding rawh , " Ka ti tuar a , ani pawh chu a ding thut a
, kan tlu tep leh nghal a .

A helmet chu phelh in , "Kan thih teuh zia kha i hria em ? A hun leh a hmun hre rawh, " A ti vin thawt a.

Zuang chhuk nghal vat in tawngkam khat pawh a chhang lo chuan ka kalsan hmawk hmawk nghal a.

"Thinchhe leh lutuk mai i pumrua phu lo hian, " Tia a phun lawng lawng ri pawh chu ka hre pha reng mahse hawi let lo in ka kal ngai chuan ka kal hmawk hmawk tho a.


Kan in ka thlen chuan ka chau ve reng ka kal chak lutuk chu, ka luh hma chuan thawk ka la vawng vawng phawt a .

Hmuh ka hreh ber ka pa chu a lo thu vang mai ti dek in ka lut a , hman zan a ka riah bo avang khan min zilh hrep a , tunah pawh min hmuh chuan min zilh leh hrep palh ang .


Ka room lamah chuan thawm dim thei ang ber in kun chung chuan ka chho them them a, "Zodinsang eng vang in nge kha ti dim diam a i kal them them ni , tih sual i nei leh tawh em ni? " A lo tih chuan ka phu zuk a , ding ngil vat in ka insiam tha nghal a , a lam pawh hawi lem lo chuan , "A ....tunlai chu kal them them ka zir a , school ah naupang ho bih thlak nan a tangkai dawn riau a. "



"Khatiang khan naupang bih thlak i tum a maw? "

"Aw, " Zawite in ka ti a, thil dang a sawi leh hma chuan ka chhoh san daih a.


Ka room ka luh chuan , ka kiu zawn vel thip sup chu ka en vat a ,a pilh deuh nual mai , kawr bantlawn ka ha si lo a ka tluk na lamah khan a ni ngei ang.


Tui a ka sil fai te te hnu chuan damdawi te ka hnawih a , ka room chu ka ti fel nghal bawk a ,ka chhuahsan dawn khan ka ti hnawk em a tin ni.

Ka thawmhnaw chu hmun tin ah a darh seng sung a , ka pheikhawk pawh ka vawm hlawm tawp tawp kha a nia hnawk loh ngaihna hi a awm lo reng reng .


Ka in thlak chuan T-shirt thawl hnek hnawk leh kekawr bul chhing te ka ha a , ka sam chu ka bawk leh tawp bawk a ,chuti chuan in hnuiah zai rat rat chung in ka chhuk thla a .

Kan sitting room leh in chung chhoh na chu in ep chiah a nih avangin sitting room a thu te chu an hmuh theih nghal vek a .

In hnuai ka thlen thlak chuan sitting room lam a thu ka hmuh avang chuan ka zai chu ka tawp chiang hle a , a kal daih tawh ang chu tih nak a lai a, enge kan in ah chuan a lo tih chu ni?


In her a kal daih ka tum chuan ka pa'n min ko leh hlauh a, hriat loh der a kal ka tum zet chu ka hmingpum in min ko luah mai bawk si a , phur lo deuh in an bulah chuan ka kal phei leh nge nge a.



Chupa lah chuan min en chik em em mai khawp a second reilo te chhungin ka chhip a tang ka ke ler thleng chuan a en kim hman vek ang .



Kekawr bul chhing deuh te nen ka awm bawk si , han chho leh ngawt dawn ila thil tih chi a ni tawh si lo , ka pa'n an bula thu turin min ko miau si a .


Min en chik lutuk chu ka lai chhe ve hman tep a ni.


An bula ka thut chuan an mahni hlat thei ang ber ah thu in, ka kawr chu ka pawt ka pawt a , eng emaw chen chu a khuh ve tal a lawm, zia tak a la awm e.


Ka pa nen chuan an titi vei luam a , ngawi rengin an bulah chuan ka thu ve tawp a ,enge an sawi pawh chu ka ngaithla lem hlei lo a .

"Zote, " Ka pa chuan a lo ti thut a ka phu chiam leh nghal , ani kha ka va en chuan a lo then thaw a , min nuihzat ve ziah mai , ka pa a awm ve avang chauh in ka in sum mai mai zawk a, tlai a ka tluk chhan pawh kha amah vang a nia , ka la rul let lo hi vannei tak chu a ni rulhlet dan ka ngaihtuah ngei chu a ngai dawn a nih hi.


" Professor Rinawma ka thawhpui thin kha i la hriat ka ring , ani fapa kha a nia , in lo inhmelhriat reng a , "ka pa'n a tih chuan , " Nia , "ka ti liam ve ringawt a ,professor Rinawma a tih pawh chu ka hre lem hlei lo a, thawhpui hi a ngah ve ang reng sia tu ber kha nge ka hrechhuak thei tawh teuh
lo.

Ka hma a thu pawh chu , " Inhmelhriat pawh kan ni lo, zah a hriat loh vangin a lo kal ve tawp a nih hi , "tih mai chu ka chak zek zek .


Ka pa bulah chuan eng chin chiah nge a sawi ang? Nupui nei lai a nia thil awm ang lo deuh chu a sawi duhin ka ring bik lo, thluakte a nei ve a nih ngai chuan.


Ka pa'n thingpui lum tur a min tih avangin choka lamah chuan ka phei san a , ka thawl hawk in ka hria , ani khan min en chik leh lutuk a ka duh dan dan in ka tal thei hleinem.


A thu hrimah ei rawng bawl ka ngai tawh hrim hrim a lawm mawle , kan in enkawl tu a nawmsam loh vangin tunlai chu keima'n inchhung enkawl zawng zawng ka tih vek a ngai a , ti thang lo tih takah ei rawngbawl te hi ka lo theihnghilh leh thin.


Thingpui bel ka chhuan chuan ka chhuang sawi lutuk chu ka nuih a za zawk ka siamtha leh ngat a mahse a la sawi tho mai.

Hnunglam atang chuan , "kha pathlawi pasal ah i nei dawn a ni maw? I bel chhua kha, " Tiin a nui hak a . Min nuihsawh ve deuh a ni maw?


Hawi phei in , "a ni mahna, ka pasal tur chu eng ang mi pawh ni se nangmah i nih loh phawt chuan a tha a ni mai , pathlawi an nih leh lek phei chuan an zei ting an tih kha , " Ka ti let ve ngat a, a hmel chu a dur khup mai , nichin mai khan a nui zo chiah tih a hriat tawh miah lo mawle.


Min pawt rawk rawk in , "I lei hi chu a hriam ve a ni ,mahse a tha tho e ,ka duh chi tak ,kan la hria ang chu tu nge i pasal tur chu . "

"Nang chu i ni lo phawt , i thlawi hun nghah ka tum hauh lo. "

A nui suk a , "ka thlawi hun maw?...Pathlawi an zei zawk ang i tih zawh chiah kha ka thlawi hun chu lo nghak rawh , ka lo pan chat ang che i duh chi ka ni dawn tih ka chiang ngam sak , " Min hnaih leh zualin , "ka zei teh a nia , " Ka beng bulah a lo ti a . A thaw lum hak zui.


Ka kut chu lek chhuak in a hmaiah ben ka tum a mahse ka kut chu a lo man hman ,ka hnung lamah kherhbet in min chelh nghet ngang mai na duh tak chu a ni.

"Nang anga kawlh deuh hi ka duh zawng tak a
nia , khum ah hlei hlei hian han kawlh em em mai la a tha leh zual ang , " A kut lehlama min kherhbetin lehlamin ka khabeah a dawm bawk a , lo awm hnaiin min rawn fawp bawrh bawrh nghal a , ka kut chu na tak a ni.


A in lak hran deuh chuan "I khum tawm che tumna ka nei tawh hauh lo mai , " Ka ti chang fak a.

Min thlahin a nui chhuak hak a, "i taksa chuan min hnar loh kha , " Ka thingpui lum lam chu melh zeuh in , " A liam, " A ti zui a .

Hmanhmawh takin ka thingpui chhuan chu chawi mai ka tum a , a sa lutuk ringawt ka thlauh hman tep lehnghal , gas chu amah zawk chuan a lo off a .

Kei chuan ka beng chu ka khawih vat a , ka zuang zawk zawk bawk.


Lo kal hnaiin ka kut chu a chelh a , tui deh nah chuan tap chu herh haw in ka kut chu a phuh tir a ,tuiin ka kut a a phuh sur sur chuan a sa lutuk kha a zia deuh , ka kut chu a en reng a , keiin ani ka en thung, "a hmel pa zia mai mai chu .

A.....Zodinsang harh chhuak teh mi pa nupui nei lai a nih hi tiin ka in hau mawlh mawlh a, Ka lu chu ka tuai thur vak bawk a.

Chutia ka chet takah chuan ngawi rengin min en kur a , ka che ngam tawh lo thaw dep dep in ka en
ve reng a .

Min pawt hnaiin ka inrin hma chuan ka hmui ah uar fahran hian a lo fawp nghal zat a , ahma a min fawh dan ang lo tak in tun tum chu a style a thlak
deuh a, a lei chuan ka ka chhung chu a lo hawl a , a kut leh lam chuan ka kawr chhungah a zen lut bawk a.


Rilru mumal ka pu hlei thei lo ,ka zau thau hle ringawt , fawp let ve bawrh bawrh in a nghawng ah chuan ka kut ka rawlh lut a ,ka kuai hniam deuh bawk , engtin nge chutiang chuan ka chet theih zawk le ?


Vawilehkhatah min thlah thut in , "kan in hip tawn zia chu tikhan i hre tawh mai em? " Tiin ka mawngah chuan a rawn tham nghal tawn tawn a .


Thinrim takin , ka beng thuai a , "I zakthei lo hle mai , kei min zah lo anih pawhin ka pa tal chu zah ve ta che , he in chhungah hian i duh duh tih theihna dan i nei lo, " Ka tih khum nek a.

A hmai chu tuai zauh in , "Ka zah vang a lawm helaiah i bulah ka lo kal ni , nge ni a a hmuh lai khan fawh i duh zawk , " Thu tak deuh hian a ti
a .

"Kal mai teh zahna tlachhampa. "


A biang la tuai neuh neuh chung chuan , "Sawi lo mah la ka kal dawn tho , zanin ah lo insiam ang che, dar kua ah ka lo thleng ang, " Tiin ngeiawm takin min nuih suk a , a chhuak nghal daih.

" I thu lo , " Tiin ka rak tuar a.

Ka thu sawi hre lo ang mai chuan a kal daih. In la pa lutuk mai. Ka ngei chi .

A kal chhuah hnu chuan thawk ka la kawk kawk a , ngawi reng in thil thlen dan chu ka ngaihtuah let a , ani khan min hip takzet a ni. Kan vawikhat inhmuh na ah s*x ka hmanpui thei a nia , tenawm zawk hian , kan awm dan vel ka mitthla a lo lang chu ka duh lo hle mai.


Ka in hui mam thuak thuak a ,thingpui chu ka siam a, tray-ah dahin sitting room ah chuan ka chawi phei a mahse a tu mah mah chu an lo awm tawh hauh lo, thingpui min lum tir te te a , an awm leh tawp si lo a , an in dawn loh te chuan min lum tir loh mai tur hi nia, a reng reng ah ka pa pawh chu enge a tih daih chu ni ? Eng mah sawi lo in a lo bo daih mai.


Choka ah chuan ka lut leh a ka thingpui lum chu paih ngawt ai chuan tiin keimah in ka in chhin a , a tui loh zia chu a dai si ka phuh chhuak lo chauh a ni ,ka thingpui lum an in lo chu ka lawm letling zawk phian.

Ei rawng chu peih lo deuh chuan ka bawl tan miah miah a, siam tur vak pawh ka hre chuang lo.

•••••••

Ka nu boral hma atang daih tawh in kan in enkawltu hi a thawk tawh a ,a fate ang chiah in min duat a keini paw'n kan ngaina hle.


Ka nu chanchin sawi tak ah chuan ,ka hre mumal miah lo mai nu hmeltha tak a ni an ti thin a mahse ka ngaihtuah ngial pawh hian a hmel kha ka hrechiang thei tawh lo thlalak ka en te a nih ngawt loh chuan.

A boral atang kum sawm paruk lai a liam tawh a , kum kua lek kan nih laiin a boral bawk a ,kan tan chuan hriatchian vak ngaihna a awm lo , hostelah khan class-i kan nih a tang kan awm bawk si a.

Catholic school ah kan lut thin a Shillong-ah daih kan school chu a awm bawk nen school chawlh leh Christmas ah lo kha chuan kan in hmu khat em a tin ni.


ka nu boral hnu kha chuan ka pa'n a hlatah min awm hran tir duh tawh lo a , a bulah hlir kan awm tawh , Mizoram atang in kan zirchhuak bawk.



Ka ngaihtuah let chang hian eng vanga an fate naupang te kha hostel a dah nge an nih ang le , ka nu khan cancer a vei tih ka hria ,kan awm loh chhung zawng zawng khan an in enkawl char char tih pawh ka hria mahse a boral hma khan lo awm ho ta ila ka nu hriat reng na tha tak kan neih phah zawk ngei ka ring.


Ka nu nen a kan awm dan ka hriat chhuah theih awm chhun chu bazara kan chhungkuaa kan kal tuma kawrlum pawl mawi deuh min lei sak kha a ni mai a chuan a thih dawn a abula kan thut khan mittui tla chungin , "ka hmangaih che u, " A tih kha a ni leh mai .


Khatih hunlai khan kan la naupang lutuk a ka pa'n hostel atang min lo hruai chhuah khan kan lawm ve em em tawp a, min lo hruai chhuah chhan pawh kha ngaihven lem loin hostel chhuahsan hrim
hrim kha kan chak ve tawp a ni .


Kan haw in ka nu chu khumah an lo muttir a , ka hmuh khan keiphei kha chuan ka hlau nghe nghe a nih kha , a bula kal tura min tih pawh in ka pa hnungah ka biru tlat a , tun thleng hian ka la inchhir thin reng a, ka nu kha tha taka thlah tur ka ni a sin.


Chutia nu te thlazar hnuaia sei lian lo ni ta nana chu ei rawngbawl te hi ka thiam lo hle a, chaw ka chhum hmasak ber tum phei chuan a ut nasa lutuk a , kan cooker pawh kar khat dawn tui in kan chiah nghe nghe.


Ka unaunu ve thung chuan ei rawngbawl chu a hneh sawh leh em em tho sia , a bai te phei chu pumna vek in hmarcha thak tawk nen ka ei thei .


A awm hi chuan Pihmuaki (kan in enkawltu) nen an bawl a ,kei eraw hmin awl hmak thung a, choka a ka luh ve pawh an phal mang lo , ka hlei si a , "min ti buai , " An ti tlat zel, ka tan a nuam hlei hlei a ni mai sia, ei rawngbawl leh in chhungkhur chet vel hi ka peih hlawl lo , keichuan party te , mut te leh len hem hem nuam ka ti ber.

••••••••

A awlsam thei ang ber chu ka siam tawp a, chaw ka chhum a ,artui ka kang bawk a , carrot ka chan leh tawp a , ka zo der.


Thawveng deuh in movies ka en a, ka nuih har har lai chuan ka pa chu a lo lut a , biak pawh ka be lem lo , eng mah sawi lo in a room ah chuan a lut ve mai a , zanriah ei hun awm ang vel ah chauh a lo chhuak leh.

Chawei chu ka siam a, chhawp tur vak awm hek lo, kan dawhkan chu a ruak huai a.
Ka pa chu dining chair ah chuan a thu a dawhkan a ka thil chhawp chu en in a meng no lo hle ringawt.


Min lo en in , "zanriah kan ei dawn lo em ni? " A ti thum bul a.


"Aw kha kha kan zanriah tur chu , " Ka tih chuan a tho hmak a , choka ah chuan a lut ta daih, a ri ret ret a , eng thil nge maw a siam bik chu ni , thil rimtui deuh chuan ka hnar a verh sar mai , reilo te ah chuan plate nen a lo chhuak leh a , a plate ken chu ka hma zawnah chuan rawn lek kangin , "keima'n ka ei mai ang aw , i eitur siam hi chu nangman ei la, " A tih chuan a plate chu ka en thuai a , kaikuang a ni khawi ami nge a hmuh bik le?



Chaw chu kan ei mial mial a , ka ei ve chak si ka dil ngam chiah bawk si lo, ka en leh zuk zuk thin a ,min awh thik nge ni, "a van tui tak, "a khat tawk chuan ati zeuh zel leh nghal a , ka chil a ti put tep.


Ka duh ber chi anih avang chuan ka fian chuan ka ban de de a , " Pa khawiah nge i hmuh bik a , i thil siam hi a tui thei bik e , ka ei ve chhin ang aw, "nuih tlawn pah chuan ka ti vel a .



Ka tlawn tih chu a hrethiam thuai , " I nula ve tawh pa te eisiam ei rual pawh i ni tawh lo , "a ti hmak a ka fian pawh chu a fianin a khawng ri kawlh leh nghal.


A kham hun chu ka nghak a muangchangin ka chaw chu ka bar a, artui phei chu ka ei zawhna a rei tawh , carrot chu tlem te te in ka ei pah bawk a .


Ka pa a kham chuan a plate chu phur deuh in ka la a , a lo ruak vek engtin nge a ei zawh theih zawk ei chak em em in ka awm a hmmmm.



Tui dehna a a kut vel a sil fai lai chu , " Pa i kawm thlawt , ka leng bo leh daih dawn , zan in ka lo haw lo bawk ang , "ka tih khum nek a.

Min chhang lem lo chuan a kal sawn daih a nih chu.

Tum hmuk chuan hmun vel ka tih fel a, choka ah lutin ka pa thirbel hman chu ka hawng chhin a , kaikuang chu a lo la awm teuh, nui ruh ruh chung chuan fian ka la a , chaw ei tawh mah ila ka ei leh teuh thei tho mai.

Ka pa tak hi chu aw zirtirna min pek vel hi nuam a ti ve hrim hrim .

Thil ho te te ah hi chuan ka duh dan bakin ka awm ngai lo tih a hria a , min hau lo in min that en ve tawp zel, nidang chu ni se min zilh leh hrep ngei ang le .


Ka in tih fel hnu chuan ka room ah ka chho a , ngawi reng in ka thu a sana chu ka en leh zeuh zel dar sarih a ri tawh a ka insiam duh ang nge duh lo ang ? Mahse ka zui a nih chuan a duh duh a hruai kawi theih ah min ngai awm si a , chhuah chu ka duh tho bawk si , ka rilru chu a insual buai hle a.




Naupang ho test paper te chu ka check leh rih a , ka check mawlh mawlh lai pawh chuan sana chu ka en leh thin hun chu a kal muang riau hian ka hria a.


Dar kaw rik hma deuh chuan ka tho thurh a , bathroom ah lut in ka intifai a, muangchanga chhuakin khumah chuan ka bawk thlawp a, puan pawh sin lem lo in ka bawk reng a .



Tho chhuak thut in ka in ngaihtuah buai peih tawh lo chu , ka wardrobe hawng in kekawr tight zet mai mi phuar tang thei chu ka la chhuak a , ka thawmhnaw dang chu ka en lawr dan dan a , ka duh khawp lo zel tlaiah ka tifel zo chiah a , ka hai hnawk leh nghal vek a nih hi.



A tawp ah chuan ka lather jacket ipte tam deuh awm chu ka la chhuak leh ta nge nge a , lather jacket leh boot hi chu ka duh ve thlawt ngah pawh ka ngah reng a.



Thawmhnaw hak tur ber ka hriat tawh chuan,ka in siam chhung chu a rei vak lo , ka in ha sawk sawk a , ka room thlanglam varanda ah chuan chhuak pheiin hrui inzam pangpar zamna tur a kan siam ah chuan ka uai thla a , a san vak loh avangin bang tlawh chhan deuh chuan ka chhuk thei mai a .



Ni dangah kha chuan leilawn kha a awm a , awlsam takin ka chhuk in ka lawn kai leh zel thei a mahse ka pa in a hriatchhuah avangin a dah bo daih ta kha a nia , hruia uai ka ngaih phah ta a nih hi, a hriatchhuah hun ah hrui hi a chhawk leh duh mai thei a ni.


Lei ka thlen thlak chuan dim thei ang ber in ka la kal hram a, hnunglam atang chuan, "Spider girl khan lei i thleng thla tawh a nia , " A lo tih chuan ka phu nasa lutuk chu ka zuang zawk a.


Ka lam pana a lo kal chuan a ngalah ka pet chawrh a , dawm vawng vawng in, "Spider girl nih i duh loh chuan sawi tha ve mai ta che , tinge kut min thlak kher , Tarzan nih i duh zawk em ni? " A la ti hram , a tawng thei zeh zuah mang e.


Ka kalsan daih a , a bike awmna zawn ah chuan nghak in ka thlir reng a , a lo thlen phei chuan a la bai reng , bike ah chuan ka lawn a , "chuang vat rawh , " Ka ti a .


"Khalh hi i tum ve ziah mai i tet vei nen ! Min tlukpui na teh a nghawng chu a na viau ang , " Tiin phun bul bul chung chuan a lo lawn ve mai bawk a .


Chahbi chu min pe in, hnunglam atang chuan min kuah a , min kuah ngheh em avang chuan ka hawi phei a ,ka helmet nen chuan tauh ka tum zet a mahse helmet a lo khum ve hman tawh a, a vannei ngawt mai.


A kut chu ka sik vak ringawt a min thlah rang teh e , thil a sawi hma chuan , "khawilamah nge? "tiin ka tlanchhuak nghal a.


Khawpawn lamah kan tlan zel a midang ka hmu mai bawk si lo chu ka ding thut a , " Khawi hmunah nge kan kal dawn sawi chiang vat rawh, " Ka ti tuar a.


"Hmalamah tlan char char rawh kan thleng tep, " Tiin zaidam tak chuan min chhang a .

Kan thleng har si , min hruai bo a tum te hi a ni mai lawng maw ti ngawt dawn ila keiman ka khalh bawk si a , ngaihna tak pawh ka hre lo tlan zel phawt ila kan thlen har viau chuan ka let pui nal nal ang .


Kawng peng vawihnih vel ka tlan leh hnu chuan mi tlem te lo awm chu ka hmu a , "tahkhian , " A tih chuan a kawh na lamah chuan tlem tlan leh deuh in ka ding a.


Min lo en thup hlawm a , kan chhuk chuan min lo
pan hnai in an fiam zui pah sap sap bawk a, hmel fai vung pakhat chu lo kal phei in , "i thlapa nu ve deuh reuh em ni? Nang lah hi i nei zung zung mai i nghei hman mawlh lo , i la inphurh tir leh ta nghal a, " A tih chuan mak ka ti ngei mai, 'thlapa fanu' chu eng tihna nge niang aw anni ho hi an 'Setanic' hlawm emaw ni le? Tiin ka lo ngaihtuah leh hman hmawh a.


" A nih ve khiah hi , Dinsangi a nia i duh leh Zote i ti dawn nia, " A va sawi nawm nah reuh e , chupa pawh chuan min chibai pah chuan , " Hming common lo tak a nih chu 'Zote' tiin ka ko mai ang che , " A ti ve ringawt a, hriatthiam chu a har ve ngawt ang hming pahnih ang mai in a lawm a sawi ni.


Hmeichhe thenkhat chuan min en deuh ngur hlawm a, an huat zawng in ka awm awm ka hre si lo a ,chuti vak vak a in en chu ka hmelchhe viau nge min ngei ve hrim hrim hlawm pawh ka hre bik lo.


In tur chu min lo pe a , beer chu ka ban vat a , thil dang chu ka in duh lo , a chak lutuk a ka taksa in a zo thin lo , beer chauh ka thlan avang chuan a ner suk a .


"A pawi lo e , i duh chak vak lo chu a lawmawm zawk daih nupui zu in chu ka duh dawn hauh lo, "a tih chuan ,"I nupui khan a in thin a maw?" Phawk tak chuan ka en a, a fel hmel hle sia , zu in duh hmel a pu mawlh si lo, ka zawt lo thei lo a ni.


"I in thin leh thin loh a ni mai lawm , " A tih chuan ka melh hrep a ,nupui nei reng chung in nei lo ang mai hian a awm leh thin , zakthei lo lutuk mai , zep tum eng ang mahse ka hre tawh tho sia , min bum hauh lo ang.


"I nupui ka ni em ni? Zakthei lo lutuk mai hetiang hian midang i thlem kual ve thin em? I nupui in hrechhuak ta se engtin nge a ngaih ang ? " Ka ti leh phiar phiar a.


Min en run run chung chuan, "Zahna tur a awm em ni? A tu chu nge mawni ka nupui anga i sawi ve ziah pawh chu? " Zam map lovin dawt an sawi chu le. Mipa ve si daw thei lutuk mai.


Ngati nge hepa hian a la zep talh chu le ? Hetiang mipa hi chu bum let ve hmiah chi an ni ka ngei zawng tak .


Mi dang dang chu an lo tlan ve sap sap a reilo te ah kan tam hman hle , eng chiah chu nge kan tih ang le rin dan ka nei thiam tlat lo mai.


A thiante be tur in min kalsan lawk a , hmeichhe pathum hi lo kal phei in ka hmaah tak chuan an lo ding a , an lakah chuan te tak ka ni mahse ka hlau bik hauh lo.


A hmeltha ber leh lian ber chuan ka khabe ah hmer in , "Ben-a rual a i lo kal ve avang ringawt khan i lo inti thei ang e, kei hi min lo pan leh tho ang , nangni ang sih sen tia lek hi chu e , eng a tan mah a ti rei lo tawp ang che , " Tiin mit meng ngei awm tak chuan min en bawk a, A bul ami te pahnih lah chuan min nuihsuk zui ,Ben-a a tih takah chuan ani kha min lo phone tluk tluk tu kha a ni tih ka hrechhuak chiah bawk .


Ka thin chu a rim ngei mai , tharumah ka hneh dawn lo tih ka hria mahse lei ka nei alawm , min chelh na kut chu paih sawn sak in , "Keini ang Sih sen tia lek hian mi hipna kan ngah zek a nia, ka tello in a awm thei tawh reng reng hlei nem, i hnen a rawn pan ang maw, " Nui chung in ka thlek kual vel a , " I tete kha a lem a ang si , i zai tir nge ? Puanchhia i hnawh zawk , "tiin a hn*te chu ka kawk vah a , " Keini te hi chu kan te navang hian kan pianpui a nia , chutiang hria chuan min thlang chawk reng a sin, " Ka nui vak vak bawk a .


Thinrim tih hriat tak hian a in seh ruh a , a kut
chu lo lek kang in ka biang ah min beng thuai a, rum tawkin min melh zui bawk a , a bul ami te chuan , 'i chawh 'tih melh in min melh ve a, an
nui sawng bawk a mahse ngawih mai mai ka tum bik hauh lo , ka kut chu hum in ka thei ang a na in ka hnek ve pawp a , a hnar thi chu a far nghal zung zung a ,a thiante chuan an buaipui nghal sawk sawk bawk a, an kal sawn pui dawn chuan , "i la hria ang ,a let i tuar dawn , " Tiin a rak vak vak a, ka hlau bik tawp lo tih chu hria se tikhan a rak ngam awm lo e.



Ben-a chu lo tlan phei thuaiin ka that leh that loh min zawt a , ka biang a en chuan , "Rosy chuan a ti mah mah a ni , i tha ang tiraw an khawihna che em? " A ti zung zung a .


"I bialnu kha ka hnek dak awrh zawk kha i duh leh va buaipui zawk rawh , " Tiin ka nam sawn dawr a ,ani lah chu a nui suk duh lek chauh leh nghal , fiamthu ka thawh emaw a ti a ni chiang mai.


"A that nasat chu i na lo a , khawih let lo a i chhuah kha ka ring lo reng a ni, ani kha chu theih nghilh daih rawh ,nangmah hi ka buaipui che chuan a tawk mai, " Ka biang sa hat hat chu a lo chhem a , na ve duh tak chu a ni ,ka sawi duh lo mai mai pawh a , an dar pawh ka thleng pha lo a, thle hmak khawp a anni ang nu lian takin min ben te chuan a nat mai loh nak ah. Sai pawhin hling te reuh te a rah pawn na a ti nia . Kei atan phei chuan na lo chi a ni lo.

" Kan tan tep , na hman i ni lo , " A tih chuan , " Eng maw kan tan tep chu ? " A ngaih na hre lo
deuh chuan ka zawt a.


" In tlansiak , " Ehe ! Kan kal chhan ka hre chiah e. A hlauhawm a ngem le ? Accident ta ila , awi!


Ani chuan min kai sawn in bike ah chuan chuang turin min ti a , ka chuang ve mai a, ani pawh chu lo chuang ve nghal in bike in tlar thap na lam ah chuan kan tawlh phei a .


Nichina hmeichhe pathum khan kil khat atang min lo en a , an meng no lo teh e , ka hnek na vak lo a niang, a hmel chu a pangai leh vek tawh a mahse hnunglam atang a tukhum ah beng ila a khu luih ngei ang , awi! Ka hne an hmel saw ,dawithiam pitar a ang si a thiante lah saw, an mit a tungin a dum si an hmui lah saw mi thisen an dawt zo hlim chiah emaw tih mai tur a ni, sen ver vur lutuk mai.



Kan hma ah chuan hmeichhe pakhat thawmhnaw mar pang ha hi a lo pen chhuak a , kawngah chuan ding in eng eng emaw hi a sawi a , a kut a a thil ken chu vei zauh in hamrik a ham ri tuar a , keini pawh
vung tawk in kan pit chhuak nghal a . ....



Cont..