I LOVE YOU MORE

Story tawi te te emaw luanliamna emaw post na
Sandy sweet
Posts: 95
Joined: June 11th, 2021, 10:34 pm

I LOVE YOU MORE

Unread post by Sandy sweet » July 7th, 2021, 8:29 pm

PART-III





Hmeichhe pakhat thawmhnaw mar pang ha hi lo pen chhuak in kan hmaah chuan a lo ding a eng eng emaw hi a sawi a, a kuta a thil ken chu vai zeuh in hamrik a ham ri tuara, vung tawkin kan pit chhuak nghal a.




Ka hma a thu chu kawngah chuan nghet takin ka chelh a , ka hlau miah lo chu a mak zawk , kan tlan zel a , ramhuai speed hi a ni ringawt ,kan
tlan chak em em zia chu ,kan bul vel a thingkung pawh ka hmu phe vek.


Midang chu kan leh pel zung zung a ,kan hma ah chuan mi pathum vel chian an awm tawh , "inring rawh aw, " Tiin ka hmaa thu chu a lo au a , a ai chak lehzualin kan tlan leh a, a hmasa ber a tlan chu kan um phak tep ,tlemte chauh in kan phak tawh lo a ni.






Kan tlan chak viau emaw ka tih laiin keini aiin an tlanchak ve leh chhawng a , mahse kan umphak tep tawh tih ah chuan kan hnung atang hian bike pakhat hian min lo umpha ve leh hlau a , a hnung a thu chuan kan bike chu a lo tlawh ta mai , ka hlauthawng lutuk mahse vanneihthlak takin kan tlu lo hloh kawngkawi lai deuh kan thleng hman bawk nen kan vannei viau mai, kan inhlat deuh chuan ka hma ami chu lo au leh in , " Ka hnaih deuh anga ana thei ang ber in i tlawh dawn nia , "a ti a.




A thu sawi chu a hrechiang lo nge ,ka ngam reng reng lo , " Aih... Ka duh lo an thi mai anga sin, "tiin ka au let ve a .


Mahse ani chuan , "Chutiang a thleng lo ang , hun kan nei tawh lo, "tih leh a awn deuh a ,ka hawi chhuah chuan an mahni zawk chuan min lo hnaih leh mah mah tawh zawk .



Duh thlan tur dang ka nei lo bawk nen tlem in ka tho kang deuh a , chu bike chuan min lo hnaih leh vel chiah bawk , an bike chu tlawh pawh ni ila ka tlawh tlu zo kher dawn lo tih ka hria a , a hnunga thu zawk chu ka bi tum ta zawk a , lo tlawh a tum leh lai tak chuan ngun takin ka en a , " Tlem khalh muang deuh rawh , " Tiin ka au a .



Chutia kan tlan muan deuh chu an ring bik lo a niang nge , a hnung ami chuan a ke chu a khai kang deuh tawh min la hnaih si ,chu tak chu rem changah la in , " Tlan chak leh nghal rawh , " Ka ti
a ,ka ban chu phar in a ke khai kan lai tak chu ka va tawk a ,pawh vak ka tum a mahse ka ngam lo , kan tan tak pawh chuan a hlauhawm lutuk , ka romol chu ka ipte atang phawrhin thei leh thei lo hian ka va vai a , a khalhtu zawnah chuan a inham buai deuh a , a hnung zawka thu chuan min lo tlawh leh a tum chuan an in buk tawk lo a nia nge hmalam ah an kawi zawk a, an tlu chiang ngei mai , keini pawh kan tlu tep nghe nghe ,ka va hawi phei chuan che lo in an tlu
hlawm tawl a ,an ngaihtuahawm in ka ring lo ,an thi em bik lovang .


Ka rin ai tak chuan nuam ka ti , ka nui vur vur a , "in chelh nghet tawh rawh , " A lo tih tak ah chuan , nui vur vur chung in nghet takin a kawngah ka chelh a , a hnungah chuan thir hip thei ang maiin ka bet thlawp a.




Kan hmalam ka en chuan tlan chak fal te khan line an thleng tep tawh kan um phak dawn lo
a nih hi ka ti hman a mahse a hma ai chakin kan tlan leh a, tlem chauh in kan um phak tawh lo , kan chak theih nan chuan nichin a mi ang kha tih leh ka pawisa lo mahse tih hmasak erawh ka tum hauh lo.




Kawng kawi kan thlen leh chuan mipui au thawm pawh a hriat theih ve ta , hmalam chu ka en a an thleng tep tawh si kan chak dawn lo tih chiah ka rilruah a awm tawh mahse vawi leh khatah kan tlan chak leh thut , eng zat chiah nge kan speed chu ni ang tih pawh ka ngaihruat thiam lo zawk .






Reilo te ah kan um phak tep a, an mahni zawk chu
an tlanmuang deuh a ,kan in tlan rual ta , a hnung zawka thu chuan min nuih suk a , keiin nghet mang kheng a ka hma ami ka pawm beh laiin ani te chuan e , a jacket ah a chelh chang chang maithei ,ala thu ngil auh thei leh nghal ,chuti taka a hlau lo leh a chuang zei chu ka awih thei lo zawk.




A hmaa thu chuan kan lam chu lo hawiin , "tlawh rawh , " Tiin a au a , ka hre pha reng chuti taka speed sanga kan tlan hnu pawh a min la tlawh ngam a nih ngat chuan a huaisen viau ang , kei chu ka che ngam tawh lo hrim hrim.






Chunu chuan a ke chu a kan uai hman mahse min tlawh thelh tlat , chuvang chu nge ni a ri tuar a hnunglam ka hawi chuan an lo let reng tawh , ho emai an na lo tawp ang ,tha a pe na mah mah a tin nih kha .




Second 1,2,3... line kan thleng ta kan pakhatna chiang hle , ka hma ami chuan min hlang thla in min vir pui vak vak a , ka lu te a hai vek in ka hria kan tlan chak bawk nen ka ni hui mai, ka luak te a chhuak dawn dawn in ka hria.




Mipui chuan min rawn bawr deuh laih laih bawk a, leiah min nghat thlain ka helmet chu phelh in ka biangah chuan a fawp zeuh bawk a, ka kut chu rawn chelhin nghet takin a hum zui bawk a , nuam dangdai ve tak chu a ni.




Chutia kan awm deuh laih laih lai chuan hmeichhe pakhat hmeltha deuh hleitling bawk si hi lo kal pheiin , " Ka lawmpui khawp mai che
u , "tiin a kut chu kan vawn theih turin a lo pharchhuak a , ban mai tum a ka kut ka phar chhuak ve chu , ka bul ami chuan lo ban vatin ka kut chu a chelhbet daih a nih chu , ka en vat a . A ngaihna ka hre lo kher mai, khawih thiang lo chu a ni chuang bik si lo a , chu a hnehin a hmeltha lutuk tlat zawk mahse ka bul ami chuan ten hmel deuh hian a en a , mipa ve si a rilru tet reuh zia hi.




Chunu en chung chuan a nui suk a , " Irene khatiang thil kha ti kher lo mah la , pakhatna kan ni tho ang , hnehna ka chang ziah tih chu hrilhnawn i ngai kher awm love , " Tiin ka kawngah a lo kuah nghal zata , chunu chuan min kuahna chu a en rang teh e .




Chutah lo nui let ve suk in , " Ben , i lo danglam tawh khawp hi , a chhan awm ang chu ka hrethiam mai , "tiin ka bul ami chu ngun takin a en a .




Ani lah chuan , " Thlawk bo rawh , "tiin min in her pui a min pen sawn pui nghal pawk pawk a, a hmel
ka en choh chuan thinrim hmel a pu bawk , a thinrim inhrik thlakna'n a pen pawk pawk a nih dawn hi , khanu laka a thinrim chhan kha hre lo mah ila ,thuawi takin a rual hian ka pen ve a ni mai ang chu intlansiak naah pakhat na te a ni ve sia.


A hrim hrim in hmeichhie lakah a tlana viau a ni ngei ang , kan thleng deuh chiah helaia hmeichhe awm zawng zawng deuh thawin min melh rum nghal a, hmeichhe pakhat lahin min beng bawk a , tunah lah hmeichhe dang a lo kal leh a , a nupui kha a ngaihtuah miah lo a nih dawn hi , a ler vir kual nasa nawk nawk khawp anih hi .

Aw! A nupui kha Ka va lainat reuh tak, tunah te hian a lo nghak mek a ni awm sia . Mipa ler hi chuan an upat hnu pawhin an sim thei lo an tih kha maw ,a sim lul lo ang a hrisel a a dam sen lel lul chhung hi chuan . Ka hmu leh a nih ngat chuan then hmak turin ka hrilh ang mawle.
Bum mai mai ni tur chuan a hmeltha in a fel hmel si a uiawm mah mah, tunah te hian a number dila , " In pa hi lo hruai rawh , " Tih hial a ni ka duh ni.



Kan kal hla hman lo tih ah chuan ,chunu chuan " Min la haw reng em ni? "Tiin a lo au vak a , ka en chho vat mahse a hmel ah chuan danglam ka hmu hauh lo, an pahnih inkar ah hian eng thil chiah nge thleng ang le, " Min la haw reng em ni ? "Te kha a ti bawk si a , ka hre chak zek zek mahse ka zawt duh lo , a lo inti thei lutuk palh ang .






A thiante chu kan va fin ve a ,min in hmelhriat tir zung zung a , " Ka thlapa nu , " A nih hi a la ti zel zui eng a sawina nge ka hrethiam si lo a , ka nuih pui ve zel mai🤣🤣.



An vai mai chuan an fel hlawm khawp mai min be bawrh bawrh a , an zing ami ang chiahin min en ve niin ka hria, a tlangnel hma chi ka lo ni bawk nen kan nui ho dar dar a , in tur te chu a hnianghnar phian mai , " an ni ho hian chhun eng ah enge an tih thin ang aw, " Tih thlengin ka lo ngaihtuah leh hman tawh.




Mi dang dang chu lo kalin lawmpuina thu an hlan hlawm a , athen in min fiam zui pah bawk a , it hmel tak a min en zui vawng vawng pawh an awm , ka ngei zawng tak an ni ,an mit saw meng thei tawh lek lo a , ben per sak zawk ka chak a nia.



" Douglas-a kha Irene-i lakah a thinrim hle ni tur a ni , an inhau buai nasa mai , "tiin theithur ei reng ang maia hmel thura khan Ben-a chu a hrilh a . Engtin tak chhang ang maw
tia a chhanna ka ngaih chan lai chuan ani chuan hmel danglam eih lo hian , " Beer kha in teuh suh aw , "tiin ka lam hawiin keimah zawk chu min lo be daih a. A hrilh tupa lah chuan , " In teuh rawh i thu thu , " Tiin a nui thur ang huah huah a , a thil hrilh chu an sawi zawm tawh lo ve ve. Hre lo ang maia a awm vang chu a nih ka ring , a hrilh tu tan chuan nuam lo deuh tur a ni ve reng a.

>>>>>>>

Kan awm ho laih laih lai chuan dar khat rei lote ah a lo ri tep tawh mai , haw ka rawt vat a ,ani pawn min hnial bik lo in a thiante chu kan mangtha sap sap a , bike dahna lam chu pan in kan in khalh chhuak nghal a.


Ama'n a khalh ve thung tawh a , kan in lamah a peng dawn emaw ka tih laiin hmun dangah a peng daih , zawhna ka zawt lem lo a , kan din chiah chuan hmanni a kan awm na in zawn ah khan kan awm tih ka hre chiah , ka va en chuan bike a lo hung tha mawlh mawlh a .





"Enge hetah kan tih dawn i nupui khan min hmu a nge , kan in ah min thlah zawk rawh , " Ka tih chuan min chhang lem lo in min chawi nawlh a , ka tal chiam chuan , " Awm tha rawh , " A ti ringawt a .




A thu awih chu ka tum bau lo , Ka tal lui vak vak tho , ning hmel tak hian a thaw kawk a , min thlah thut a nih chu leia ka tlak rualin ka mawng ka sawh dawt leh nghal a, a nat mai mai zia chu thinrim tak ka ni, ka tho thuai a ahnung ah chuan ka va zuan a, ka bawp in ka kherh bet bawk a , a sam ah chuan ka tham sak vak a , a kal ngaiin a la kal tho , a sawt lo tih ka hria a , a bengah chuan ka pawh sak ta zawk a , a hnar chu ka hmet bawk a , ding thutin ka ma*ngah chuan a rawn tham vak a , ka thil tih lai chu ka chawl chiang hle.




Ka kherh behna chu ka ti thawl deuh nge ka tla tep hmana mahse ka khel ah chuan a man hman hlauh zawk a , kawngkhar zawn kan thlen chuan , "hawng rawh , " A ti a , " hawng ve mai rawh kut pahnih i neih kha , " Ka ti let sak a .




"Eng tin nge paw chung che hian hawng thei se min tih , nam tawp kha atawk , i rit si ka hah a
nia, " Thu tak deuh hian a ti a ka in thlahrung ve deuh ,kawng khar chu ka nam ve tawp a lo in hawng ve mai bawk a .




In chhung kan luh chuan ka chhuk vat a , ani lah chu hah hmel deuh hian a thaw chhuak kawk kawk a sofa ah chuan a thu awn duai bawk a, choka lam ni a ka hriat ah chuan ka phei ve tawp , refrigerator chu hawng in tui ka la chhuak a ka in nghal kawlh kawlh , ka in lak lawh lai chuan min lo chhuh in a in ve nghal a.




A in zawh chuan , "eng em em nge i ei thin bik ni?i pum rua phu lo in i rit zek leh nghal thawchham in ka thi lo chauh a nih kha, " A tih chuan a hmel chu chiang tak in ka en a , a ti tak bawk si , Chuti taka ani ang palian pui pawh a hah hle a nih chuan ,ka rit viau a niang a, thil ka ei thei ve bawk em a tin
ni ,rit minti viau pawh chu a awm lo hran lo e. 🤣🤣





Choka atang chuan chhuak in sitting room thutthlengah chuan ka thu vei than a , ka phone chu phawrh chhuak in ka khawih mial mial a , thil pawimawh khawih tur ka hria pawh chu a ni lem hlei lo a, ig ,fb ,twitter engmah ka khawih ngai
lo ,account pawh ka nei lo ,mi chuan hman lai pawh min ti maithei mahse social media khawih ai chuan pu Modi-a thu sawi ngaihthlak emaw
Delhi C. M chanchin ngaihthlak ka peih zawk daih , ka awm herh viau chung hian ram hi ka vei ve a , vote pawh inthlan a piang in ka thlak ve thlap zel , mahse ka vote te an tling lo ziah, chutia han sawi takah chuan kan M. L.A hi inthlan leh hun chuan ka'n vote ve chhin teh ang ,bial mipui te'n an ni'n thu an sawi zing bawk a .


In la pawimawh tak chuan ka phone chu ka kheuh ve mial mial a, mi in ah Youtube en thu awm hek suh , kan veng group a thu pawimawh an lo dah te chu ka chhiar vel mai mai a , message type hi ka peih loh avang hian ka voice zel maia , Lalmuanzuali phei chuan min hauh phah ziah , a chhan chu khawlaiah pawh ka voice zel vang a ni. Earphone a ken loh phei chuan, " min hnaiah kal suh , min ti zak, " A ti thin . Kei lah pekin a zahna chu ho ka tih em vangin ka uan khum ziah bawk a , min ngei hle chungin a tawpah a nui nasa ber berah a tang leh ziah bawk.





Ka bulah chuan Ben-a chu lo thu ve in min kuah a , eng tik laiin nge choka atang a lo chhuah leh hman ni a pen thawm pawh ka hre miah lo , che rang lutuk mai ,a kut chu vai kiang in , "i nupui a awm lo em ni? Ti nge hetah min hruai a ? Ka zawh na kha i la chhang miah lo , " Ka tih chuan , a nui mai a , min thut hnaih sauh sauh in min kuah leh a tum chuan ka tho vat a chhuah mai ka tum a , min thlah lo mahse ke in ka haw mai ang ,an ni ang hi ka huat zawng tak an ni , ka thusawi ngai pawimawh lo deuh in a la nui thei a nia.





Kawng khar ka thleng tep tih chuan ka kawng ah min lo kuah a , min chawi lawp in room lam chu min panpui a, ka tal vak vak mahse min dahthla duh chuang lo a , khumah chuan min nghat chawrhin , "tih mawh deuh hian awm thin lo teh , khatiang a i awm vak vak khan hun kan khawh ral tih i hria em?" A sana chu a en zeuh a.



Lo kun hniam in min fawp nghal bawrh bawrh bawk a , in khawih tir tum na ka nei tawh lo , ka theih ang ang chuan ka in dang ve a mahse a uar tulh tulh thung si , ka tih ngaihna hre lo chuan ka bawp chu chawi kang deuh in a inrin loh lai chuh
in a sa*u ah chuan ka tlawh zawt a , a let thla nghal thlawp a.




Ka tho thuai a , in siam tha sawk sawk in , " Chawh lutuk , min bum man leh i nupui i bum man a nih kha , " Tiin chhuah nghal mai ka tum a mahse pen ka tum chiah chuan ka ke ah a lo man hman a, min pawh thut chuan ka thal chiang hle , chhuat chu marble anih avang nge ka taksa chu ana kim vek in ka hria .




Ka chung ah chuan lo bawk in , "tu chu nge i nupui ti a i sawi ve ziah chu , hei chiang tak in en rawh (a kut zungte u chu a min hmuh a) zungbun ka bun loh hi , hawi kual la hmeichhe thil i hmu reng reng em ni? Bumtu maw? huh" Dawt sawi hmel a pu mawlh si lo , a kut ah lah zungbun a bun bawk si lo , a phelh a niang ti ngawt dawn ila a bunna hnu hma tak tak pawh hmuh tur a awm si lo , ka ring ang nge ring lo ang ka hrethiam bik lo.




" Mahse hman ni khan kal kawngah hmeichhe hmeltha deuh pakhat heta lo kal tur kha ka hmu sia , a kut ah inneih zungbun pawh a bun bawk , i nupui a nih loh chuan i chhiah hlawh tih na em
ni? " A thusawi ka ring lo tih lan tir nan chuan ka ti deuh hluai a .

Ani lah chu dak meuh in a nui zui hawk hawk
a , ka biang ah chuan piai zeuh in , " Ka nupui a nih thu a sawi em ni? " A ti a , "aih " Ka ti vat.




" A nih chuan eng vanga ka nupui ang a ngai ve ringawt nge i nih ?"



" Aw.. a hmeltha sia awmpui a ang si lo a , i nupui emaw ka tih mai loh nak ah, helai hmunah hian a lo kal sia , zingkar ah leh nghal , " Ka tih chuan a min tih hmel deuh hian lu thing in a nui suk a .




"A tu chu nge ka nupui emaw i tih theih tur awm ang chu , tu pawh chu lo ni se , i thik ta a , a lawmawm hrim hrim e, " Min rawn fawp zauh a , tho chhuak in min kaitho ve nghal a.




A kap chu dawm in , "ka va khawlo teuh ve , " A la nui reng thei ana vak lo a niang, a ai na in lo ti ila a nui thei tawh awm tawp si lo a.

" Khaw lo a? "


"Fa ka siam thei lo tep . "

Keimah nen siam a duh tihna maw ni le?



A mit a en chung chuan , "I na vak lo anih dawn kha , i la nui thei tal a , min thlah tawh mai dawn em niang ? Fa neih i duh chuan midang nen lo siam mai ta ula , kei chu ka hman tlat lo mai min hrethiam dawn nia, " Tiin ngeiawm takin ka nui vak vak a.



"Mi dang siam pui ka duh lo, " Tiin khum lam ah chuan min kai phei a , tal chhuah ka tum zet na a ka thulh leh ta zawk a, a tlai tawh si a keipawh ka chau tawh bakah hepa hi ka hrem ve hrim hrim duh tlat. 🤣🤣




A sir thei ang ber ah chuan ka mu lui a , a lam ah min pawt hnaiin , " Eng tin mah ka ti lo ang che , muhil rawh , "tiin min kuah hlu hlu a , a thaw ri sek sek bawk a .




Ka muhil thei mai lo chu a lamah ka inher a, a hmel ka en chuan a mutui lutuk tlat ,a chau viau a niang a , mi pasal duh lai chu a ni lo tak tak pawh a ni mahna , ka kal hmasak tum khan midang ka hmu lo a tunah lah tumah an awm leh chuang lo a , amah a khawsa a ang zawk mah , a awm hlai pui ah chuan beiin ka mit chu ka chhing vang vang a .




Ka harh leh chuan khua a lo var uar tawh , ka tui a hal ngei mai , ka bul ami lah chuan min kherh bet chial mai bawk si a , ka taksa chu a na thum in ka hria ka tlak na leh ka tluk na lam ah khan nge ni ?




Dim te in a bawp chu ka chawisawn a , tui in tur a chhuah ka tum zet na in ka rim chu beer rim a nam em a ka luak a tichhuak , inbual turin bathroom lam ah chuan ka lut phei ta zawk a .




Ka thawmhnaw chu phelh in tui chuan ka in phuh tir sung sung a ,ka nuam huai in ka hria , hnunglam atang chuan ka taksa chu a lo chul lawr dan dan a hawi let vat in , "eng tin nge i lo luh theih zawk, chhuak vat rawh , " Ka ti vin nghal that a , ani lah chuan ka zawh na ngai pawimawh lo zet in hmalam hawi tur chuan min siam rem a , ka zawhna a chhanlet loh avang chuan ka leh hawi leh vat ,ani lah chuan "a mak , " A ti duh lek
chauh bawk si ,a thinrim thlak theih teh e.





Ka luhlul ka chhuah lui ve tlat , thaw hawk in , " Ka in a nia luh theih loh na hmun ka neih i ring em ? " A tih chuan , ka luh hma kha ka ngaihtuah let a kawngkhar chu ka kalh ngeiin ka hre bawk si a , a sawi dik a nih dawn hi a in a ni miau a.




Hnunglam a tang chuan min kuah bet in , ka hn*te ah chuan a tham vak a , ka nghawng ah te chuan a fawp lawr dan dan a , a mi*pa*na chuan min do run bawk hawi let ka tum chuan , " Inher suh, "a tih avangin ka thulh leh ta zawk a .




Ka taksa chu a chul lawr dan dan a , " I duh em? " A ti a "umm" Ti ringawt in ka chhang thei , ka zauthau lutuk chu ka awte a pil vek in ka hria a chhuak thei chang chang a ni.



Ka hn*te ah chuan a lo tham leh salh a , a kut ah chuan chelh in a lam chu ka hawi a , a hmui fawh chak awm tak ah chuan ka fawp nghal bawrh bawrh a , ani paw'n min chhang tha viau mai mahse chutia kan awm lai chuan pawn lam ah , "Bente i awm em ? Bathroom ah i awm em ni? Ti nge i room chu a va hnawk nei nuai ve , " Tiin hmeichhe pakhat hi a lo au lang lang a , kan thil tih lai chu kan tawpsan chiang hle .



" hun lo ve , " A ti sup a , mit meng de sawr sawr a min en in , " chhunzawm leh chi , " Tiin duh thawh takin min fawp bawrh bawh a in la hrang vat in bathrobe chu a ha mawlh mawlh a, min chhuahsan nghal a , a chhuah hnu chuan , "chhuah ve nghal chi nge niang ka la awm reng zawk dawn , " Tiin ka in ngaihtuah a , ama'n min koh hun chu ka nghak ta tawp a.




Bual kuang ah chuan ka thu ran a min ko mai bawk si lo chu tih ngaihna dang awm hek lo , ka in hru hul thuak thuak a , bathrobe lian zet chu inthawlh ve in chhuah ve ka tum ta tawp a.




Bathroom kawngkhar atang chuan dim te in ka pen chhuak a , tumah an awm lo hlauh hmanhmawh takin ka thawmhnaw chu ka zawng a , ka hmu mai bawk si lo chu ka mang ang hman mahse bathroom ah khan ka thawm hnaw nen ka lut tih ka hrechhuak leh hnuhnawh a .




Bathroom lama luh leh mai ka tum lai chuan kawngkhar in hawng thawm ka hria a , ka pen ngam tawh lo , chu hmeichhia chu tu pawh ni se , a nupui emaw a inenkawl tu pawh lo nise ka hmachhawn a ngai tih ka hria , in her in a hmuh theih tur chuan ka ding ngil a , kan in hmachhawn ta siah mai hmanni a ka hmeichhe hmuh kha a ni leh tlat mai .




Chunu pawh chuan ngun takin min lo en ve reng a, lo tawng chhuak in , "Bente-a bialnu em ni i nih a? " A tih chuan chhan mai dan tur ka hre hauh lo , kan in laichinna chuan hming a nei tlat lo , vawihnih vel chiah kan la in hmu a ti hian a in ah call girl ang mai in ka riak ve tawp chu a nih hi .




Ngawi reng a ka din lai chuan , Ben-a chu lo lutin chunu bulah chuan , " A zak zum a , i be tawng zo lo maithei, " A ti fiamthu a ka sa phat thei, zakzum tih te chuan min la sawi ta deuh deuh a , ka mizia a hrechiang tawh viau awm sia ,ka
ngei chung chuang hepa hi, heng zawng zawng hi min ngaihsak loh vang a thil thleng vek a ni reng sia .



Ka bulah chuan lo kal in ka kawng ah min chelh a , "Dinsangi a nih hi , Zote i ti thei ang , " A ti leh a , chunu chuan nui ver ver in min en vat chungin min be nghal a, "E .... Zodinsangi maw hming nalh tak a nih chu,Zote ka ti mai ang che , "a ti nghal thuai a, a fing e henu hi chu , a hrethiam tlat mai inla maksak-a thil sawi hi .





"Ebebe-a hian a ti hreawm che a nih vaih chuan min lo pun dawn nia , kan chhungkua in kan lo kal nghal ang , " Nui sang chung hian a ti leh a , a hming a sawi dan chu a duh vak lo a niang chu , "min ti nawm nah suh , nang mah vanga ka tuar te kha, " A sawi zawm leh chuang si lo a .



"Enge keimah a vang a i tawrh chu ? Ngawi daih lo khan sawi zawm ve la , " Hrethiam lo tih hriat tak hian a ti let hu a.



" ka khaw lo tep , " A tih chuan ka melh vak a , a in la hrethiam lo lui tlat , a hnunglam a tang chuan ka sik leh vak ringawt a, ani lah chuan ka kut chu man in a hum daih mai bawk si , zahthlak ve duh tak chu a ni.




"A ni maw , keimah vangin maw i khawloh tep fa i neih theih loh phah tep i tihna em ni? " Tiin nuih zat hmel tak hian min en a , a thil ngaihtuah chu ka hrethiam mai , bathrope nen ka la ding teu bawk sia.


,A hnu chuan nui chung hian , "keihi a u nupui ka nia , Ubawih tiin min ko mai dawn nia , " Tiin a kut chu a lo phar chhuak a ,ka kut chu phar
chhuak ve in ka chibai vat a, hmeichhe fel tak leh zaidam tak a nih ngei ka ring a nui sang reng thei bik a nia .

••••••••••


Ka inthlak fel hnu chuan room atang chhuak in ka hawi kual a , haw ka duh tawh hle a mahse tu mah mah chu ka hmu bawk si lo a , ka haw tur thu sawi lo a kal daih chu a polite loh thlak ka ti bawk si a , thut khawmna a nghah mai chu tha in ka hria a .




Kal phei in ka thu a , rei ka thut hma chuan Ubawihi chu choka atang lo chhuak in min lo pan a ka kutah chuan chelh in , "tirawh tuk thuan i ei ang u i ril te pawh a tam tawh ang, "tiin choka ah min luhpui a Ben-a chuan dawhkan chu a lo kil vang tawh mai , min hmuh chuan min lo nuih sang a , ka nuih let ve duh teuh lo a in la luck lutuk palh ang.





Chawhmeh chu chi hrang hrang a awm teuh a ,a che rang hle mai , eng tin nge a siam vek hman
ni ?Thu vatin inthlahrung lem lo chuan ka huk leh teuh kha ka ril chu a lo tam ngang a niang . A hrim hrim in ei leh in ah hi chuan ka inthlahrung ngai lo hrim hrim bawk a, in diet tih vel te hi ka peih ve lo , ka hma a eitur awm zawng zawng hi chu ka ei teuh thei zel, nuts lam chauh lo chu .





Anni pahnih chuan an bar luk lak a an tho daih , a mikhual ber chu ka thu tut bawk si mahse ka zak teuh lo riltam a awm ai chuan ei teuh ka thlang zawk fe , ei thei a ka awm te hi Lalpa malsawmna a lawm le ,lawm hliah hliah tur ka ni zawk .Daih mai a !.🤣🤣




Ben-a chu lo thu leh in , "Ei teuh rawh , " Tiin chawbel chu a lo hung hnai a , min la nuih sawng zui , pawt hnai a ka en chuan a lo ruak vek tawh .



Awi! Chaw no eng zat nge an chhum bik a , kan in ah te chuan ka duh duh zat ka ei teuh hnu pawh in a la chuang thin sia .




Ubawihi chuan inthlahrun hmel takin , "Ben-a nen khan kan ei tam deuh a , lo nghak deuh la kan chhum tha leh ang aw, " A tih chuan , " A ngai tawh hleinem ka puar tawh lutuk zawk , "tiin ka tho vat nghal a.



Ben-a chu lo nui chhuak hawk in, "a pum , " Tih chiah a sawi thei a nui leh rih a , a pum a dawm bawk a , Ubawih chuan , "i ti zak anga sin , in sum rawh , nang ang lo taka i nuih vak vak chu , "
Zawi te a ati ri pawh ka hre reng mahse ka zak duh teuh lo a duh leh nui vak vak rawh se , ka kut chu silfai in Ubawihi chu dawhkan vel ka seng fel pui thuai a, Ben-a chu a nui tawp hleithei mawlh lo a ni.



Ubawihi chu nuih insum deuh hian a ding ngawi renga , Ben-a ka va en chuan a nuih dan chu a zat hmel bik hliah hliah .


Ubawihi chuan , " Zote engah mah ngai duh suh a za ve ngang a niang , hetiang renga a nui lai hi ka la hmu ngai lo, i ti hlim hle a nih dawn hi , " A tih chuan.

Ben-a chu ka hnungah lo dingin , "Ubawih , lian i ti em? " Tlem a la nui chung chuan a ti a , ka thin pawh a rim tawh lo ka nuih chu a za ve hial zawk ani ang palian pui mai a han nui vak vak kha chu a nuihzatthlak hmel bik ngawih ngawih.


•••••••••••••••


Ubawihi chu kalsan in kan inlam chu kan pan a , ka pa thinrim dan chu ka ngaihtuah thiam pha lo zawk , min hau vak a ngem le? Nula ka ni ve tawh a min hlap em chu ka ring bik hauh lo nachung in a thinrim hmachhawn chu ka huphurh hle a ni.








Ngawi rengin kan in kawt chu kan thleng a , ka lut hreh takzet lut mai lo chuan ka ding ren rawn phawt a , pen hnaih ka tum lai tak chuan Ben-a chuan ka kut ah chelh in a hum vawng vawng a , "ti rawh lut ila, " A tih chuan , ngawi reng in ka zui ve tawp.





In chhung kan luh chuan ka pa chu a lo ding ran mai a , sitting room lam ah chuan phei turin min ti a ,ka kuta chelhtu lah chuan min la thlah chuang bawk si lo ka mangang ngei mai .






Luhlul in ka duh duh dan in awm mah ila tuna ka awm ang hi chuan ka la awm ngai lo chu vang chu a ni mahna ka hlauhthawn em em ni.





Ka pa'n thil dang a sawi hma in , Ben-a chuan lo tawng khalh in , " Ka pu, Zotei hi min neih tir rawh , "a ti chhuak phawng a nih chu .....



Cont.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)