Short story

Story tawi te te emaw luanliamna emaw post na
Mawimawii Angel
Posts: 1
Joined: July 10th, 2021, 12:08 pm

Short story

Unread post by Mawimawii Angel » July 11th, 2021, 12:51 pm

D LO RINAWM
PART -9



Ka kut chu tiche ve dat datin tal chhuah ka'n tum ve naa awmzia erawh a nei thui lem lo hle a.Amah han en mai chuan tha hrui ngah vak hmel a nih bik lo vei nen,a lak atang chuan ka inla hrang thei der lo mai leh nghal a.Ka ban rekah chuan nghet taka vuanin bangah chuan min nawr ber a.Ka meng ngam tawh loin chu maimitchhing in,ka hmui chu chhung lakah ka pet lut a."Hm hm hm"tiin a hming chu ka rilru chuan ka lam a.



A thaw sa ham ham lo hnai tial tial chuan eng tin emaw tak hian keimahah danglamna thlen in,huat chu duh teh mah ila ka haw phal ngang lo a ni ber a.Ni e,ani hlat tum hi chu ka nuna zirlai harsa ber a ni reng tawh dawn a nih hi maw....



Ka kut chu zàng huai hian ka hria a.Ka mit vei lam chu mengin dinglam chu ka chhing a.Ka hmaa bang chu nghengin kawi sawi zet leh zawi hmel zeta a lo ding ka hmuh chuan ka meng kawk a.Ka kut chu dah thlain ka ding tha nghal a.A kut lo kuangkuah vei àt in,a khi suk duh chauh leh nghal a.



Thinrim inseh ruh teuh chung chuan"Nang pa hi i à zo tawh a mi a,eng nge i tih zawh chiah kha "aw tèng zeta ka tih chuan,"Aah,i..biangsum hi i thinrim lai pawn a lang thei bik a nih hi"tiin a kut zungchala tawk in,a lo nui sen sen a.Ka rin loh lutuk chhanna ka dawn vang chu nge ni,sawi tur ka haihchham ti tih der a.Mak titaka en chunga ka kà ka àn zuau lai chuan,"Mahse heti tur zawk hi"tiin ka biang tawn tawn chu a pawt then a."Vanneihpuii ka hriat thin kha chu eng tik lai pawn hetiang hmel hi a pu tlat thin a"ti chunga a han nui ver ve chu a va han mawi chiang em!!



A mawina belh chhah tur ni awm taka a biang ding lam lo khuar ve kalh chu tawk zeuhin "Hei pawh hi a hun taka a lang leh ta "tiin ka nuih let ve var var a.


"Ti nge hmanah khan..."a sawi zawh hma chuan nula 2 hi an rawn nui lut har har a.Chutia kan awm dun lai min hmu chu an ding deuh dat a.An mit mengah chuan mak tihna ka hmu thei.


"Aah. ..hei. ....inngaih ang kha a ni miah lo a nia aw.."tiin ka kut 2 vai chuan zaizir meuh chuan ka han ti vat a.Ani lah chu eng thil mah thleng lo ang mai chuan a hawi deuh vah a.A kekawr ipte zen chung chuan a lo nui suk a.




Nula 2 lah chuan a ngaihna hriat loh hmel zet chuan min lo en reng a.Tlamkima banah chuan vuanin ka sik a,"Hey, hrilh ve ta che" ka tisap a.Ka kawngah lo vuan in,"Tihpalh u le,nula te u... ka bialnu nen hian thil sawi fel lawk kan ngai a"a tih chuan phàwk zetin ka melh nghal a.


"Kal ila nui seih chunga a rawn ti leh phei chuan ka biang a sa leh vek tawh.He pa hi ennge maw a hriat le...wash room atanga kan chhuah hnu chuan a kut chu ka paihthlaksak nghal a.



"Ennge i hriat a"ka tih chuan "eng nge ka tihvak a?" a lo ti lèt hà a. "Laltlankim"ti chung chuan ka chho en hà a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)