' D ' NGAIHZUAL BY NUNUI HNIALUM

Story tawi te te emaw luanliamna emaw post na
Nunui Hnialum
Posts: 115
Joined: June 13th, 2021, 9:07 pm

' D ' NGAIHZUAL BY NUNUI HNIALUM

Unread post by Nunui Hnialum » July 18th, 2021, 9:31 pm

' D ' NGAIHZUAL

BY


Nunui Hnialum

'D' NGAIHZUAL



" Sente pasal inei tawhdawn chu ani reng mai si a, nupui niin i fate nu ila ni thuai dawn bawk a " ka nu hmél ka en chuan amittui alo tling deuh pam a, pasal ka neihsan túr chu ahreh hmél hle " Nu, kalsan angai che u hi keipawn hrehawm ka tiin, ka lung aléng láwk ve lutuk asin " tiin ka kuah a kan ṭap dún hlap hlap a, afanu upa ber in pasal ka neihsan dáwn ani a. Alung chu aléng ve khawp ang.





I pasal in ah, ila awm ngailoh na hmun ah nundán thar hlak in iva láwilút dáwn ani a, engkim izir ṭan dáwn chauh ani tih i hria ti raw? Hmeichhe puitling nihna in akentel pasal neih i hmachhawn ve tawhdáwn ani a, nula puitling ni ve tawh mahla engkim athar a i zir ṭanna túr chauh ani tih hria la, pasal neih tawh chuan mahni inlam ah zin reng te, mahni in ang mai a in thlahdah atheih loh bawk a. In chhungkhur chét ngaihna leh tihtur awm ang apiang ah midang kut a dah chínloh túr ani. I theih apiang chu nangman thawh zél tum ang che.





I pasal chhungte lak ah lungáwi loh na emaw thinrimna pawh nei la, i pasal bul ah vúi chhen loh tur. I pasal chhungte anni a, i nu leh pa iunau te leh i ṭhiante kut thlah a, i vawn kumkhua tawhtúr chhungkua anni tih hria la, kawng engkim ah sawisél bo nithei lo mahla, sawisel túr a awmloh hrám i tum dawn nia.





Nu tihtak ah min ngaihtuah lehpek mange. " Nu ka theih táwpa zawm zél ka tum ang " ka tih chuan mittui la tling deuh pam in min nuih seih a, chutiang thu min hrilh chu ka lung achhe tharleh a, ka kalsan ṭéptawh tih min hrilhnawn na ani. Chu chuan ka ṭah ati chhuak zual em em mai lehnghál a, pasal neih ka in zuam a ka tum anih si chuan ka chhungte ka kalsan an ngáidawn tihte chu ka hriatsa vek ani a, tún ataka ka ṭah achhuak thar tlat chu ka eng lung nge chhuak tehréng ni?





Ka hming chu Merry Lalruatdiki ani a, ka hmingput anglo takin Sente tih hlir in ka Nu leh Pa ka ṭhenrúal ten min ko ṭhín. Sialsúk khua a pianga seilian kan ni a, ka nu leh pa leh ka nau te nen kan chéng ho ani. Unau pali niin hmeichhia ṭhah kan ni. Ka pa hi Middle school ah science zirtirtu hna athawk a, ka nu erawh inlamah aṭul ang apiang athawk mai ṭhín ani. Ka pa hnungzui tum in BA Economics ka zawh hnu ah B. Ed ka trainning a, ka zo deuh chiah nghe nghe,ka nau chiah muanpuii hi ahriselna aṭhatloh vang in zirna chhunzawm thei ani lova, class 12 azawh hnu ah acháwl a. Kan teber pahnih te hi phir ani a College an kal ve mék bawk.





Khawsa thei falua nilo mah ila, rual kan awt ngai bík lémlo. Ka pa hlawh hi kan kham ve táwk em em a, ka nu in Puan leh Bag tah tih angreng hi athiam a, eizawn nan hmang em em kan ni hranlo na in atah ve reng ṭhìn. Apuantah vél avang hian káwngna, hnungna leh insawisel neuh neuh aneih ṭhin aváng hian ka pa hian tahzawm aphal vak lo na hian atleirawl chhuah phat aṭanga alo thawh ṭhin hna anih avang leh atuipui em em anih avang hian ala chawlhsan phal meuhlo a, ka pa pawh hian atuina tak ani tih ahriatsak ve avang hian aphallo bur duh biklo ani.




Tuna ka pasal nimai túr hi Lalthlamuana ani a, Aizáwl khua niin rivival ministry pakhat azawm a, an team director ani ve nghe nghe. Fapa mal anih bák ah unau zínga upa ber ani bawk a, duat rawn ahlawh hle bawk. Kan khua ah rawngbáwlna alo neih aṭanga in hria a in ngaizawng chho kanni. Kum hnih zénzáwn kan in ngaihzáwn hnu ah ahmáwr kan báwk dáwn ta ani e. Man leh mual engkim kan chhungten an sawifel vek tawh a. Karleh zirtáwpni mai khi kan inneih ni túr ani tawh a, naktuk ah mo kawr vél entur in Aizawl kan phei dawn ani.





In hnuai ah ka nu nen kan in zúithla a, inneih ahnái tawh bawk nen kan ri laih laih reng mai, kan chhungte hnaivai deuh leh ka cousin hmundanga awm ho pawh inneih chhimtúr in an lo phei nak nak hlawm a. Kan rual in kan ri luih luih ani ber. Nu leh pa leh upa lam deuh chu inneih dáwn hnaih ah tak tak anlo kal hlawm dawn a, tunah hi chuan aṭhalai deuh ho chauh kan la ni.



Ka pa'n in chung aṭanga ka nu nen a kan chhuk min lo hmu chuan minlo panhnái vat in " Sente naktuk Aizawl kal túr innih kha mu hma rawh, thawh i hai palh ange " tiin minlo hrilh thuai thuai a, ka nu pawh in lo zawm ve in " ni e, imut tam loh chuan naktuk in vák kual nasa dawn si a, i chau chhe palh ang " a lo ti ve a. Ka hnial lémlo khawp mai nichin lawk a ka ṭahna nen ka lu ana deuh búr si a, Mangṭha dún in ka room lam ka pansan a.






Atúk ah chuan zíng taka tho in ka ṭhiannu Massi nen Aizawl lam kan pan ta vang vang a, Thlamuana ten an in a chaw ei chu keimahni rál aven deuh vang in a ṭhianpa, kan inneih hun a adinpui túr te in a eitur in alo ruahman a, nupa rek chauh a khawsa anni.


Anupui nen eirawng minlo báwlsak vek alo ni. Fa pakhat mipa annei a, afel viau leh nghál a,chaw ei sawk sawk in kan chhuak nghal a, Bridal showroom ah te kan lút nawk mai. Mo thuam leh abehbáwm vél pawh kan lei mawi nangiang e, aman tláwm deuhzáwk mawi tho si pawisa sén tam ngaih lutuk loh nan ti a atláwm deuh kan en ngial pawn moneitu túr hian aphal ṭhak lo. " I damchhung in hei bák mo kawr i ha tawh dawnlo, ato deuh pawn a to thláwn dáwn hleinem " ati deuh tlat bawk nen, ka hnial duh lo law law.





Kan vák niléng ṭhak mai, Thlamuana nau ṭhiannu Afaki disignner in kawng engkim ah min buaipui in min kalpui vek bawk a. Hmelhriat anei ṭha hlawm bawk a, nikhat ah kan zo vek mai, a lawmawm ka ti takzet keimahni ho chauh in kal ila nikhat ah kan mamawh kan hmu zo dawn lo nasa mai si a, mipui huháng zolo chi ka ni bawk nen ni khata kan tizo thei chu ka láwm ani tawp.







Ṭul zualpui kan en zo tawh bawk a tiin Restaurant ah in hnawhpuar túr in kan lút a, kan ṭhu fel chu Thlamuana ṭhianpa Sangzuala leh Massi te chuan min kap sek sek reng mai, fiamthu in ka chháng let ve zauh zauh a. Thlamuana zawng mipa ṭawng tamlo ngang ani bawk a, an thusawi apiang in chháng hran lemlo in aṭhen suk suk a, aduhtáwk dér zel. Sangzuala'n " Sente inpa hi ahmel en ang ani lo ania, a nghal zék ang Inneih zána awm dantúr pawh mi azawt sek sek a kei alo hmachhawn tawh ka nihna hmatheh in " ati ta mai Massi nen Thlamuana chu kan en vat anui suk ringawt lehnghal ka va ngei tak. Alo záwt tak tak emaw ni ka la zawt chiang ang.







Kan eitur chah kan ei zawm mawlh mawlh a, Sangzuala'n afiam zuk zuk reng mai tlangval senior kum tlém tawhlo tak ani ve tawh bawk nen. " Sente nupui anei mai tur hi ka lawmpuiin, mak ka tih erawh ala reh theilo, kan Lalthlamuana ngaihzawng neih nacháng pawh hrelo khawp a mi chut hian nupui anei tawhdawn ania " ti in anuih kur kur a, pakhata lah hian chhán atum dér silo, kan nui zo vek. Thlamuana' amotor in kan khua ah min thlah dáwn a, Sangzuala erawh alo kal thei rih dawnlo ani karleh lam ah azawng zawng in Thlamuana apuih chawt angai a, nupui fanau nei ani bawk nen, ani pawh abuai khawpmai.






Tlai dar 3:00pm vel ah Aizawl aṭang kan chhuak a, Sangzuala'n min en liam a. A ṭhianpa hi riah arem lo nen lo zui ve maise emaw min thlahlo maise ka ti thúl; mahse, sumo a chuang tur chuan ka chau deuh mah mah bawk si; mahse, engmah sawi chhuak chuanglo in kan tlanchhuak a, sawi chhuak pawh ni tehreng ila Thlamuana hian aremti dawnlo nasa a, sawiloh ah ka tlák ta mai.






Kan tlan chhuak chu Masi'n sawitur ahre ngang mai, seat hnung ah amah in aṭhu a, ka ṭhutpui ve ang ka ti chu chance minpe ve deuh emaw ni aphal lo tlat reuh a. " Buangrua ka véng pah duh alawm " ati deuh tlat a, ahma ah ka ṭhu leh nge nge a, ka khawngaih viau na in motor hran ani chuanglo nen ka hnial lo ani. Aṭawng aṭawng a, khawthim dáwn ah areh ta daih a ka va hawilet chu alo muhil daih alo ni a, achau ngang ania nge, zeploh chuan keipawh ka khuma mut hahdam veng veng ka chák lutuk. Ka bul ah Thlamuana awmlo se keipawh ka muhil ve daih tawh ang.





Kawng kual zau deuh takah Thlamuana adin chuan ka en vata nui suk hian " vawiin a ka tihtur ka la ti miahlo " atih chuan ka melh he haw a, amitmeng ah chuan min hmangaih hluah hluah na leh thlákhlelh na nasa tak ka hmu thei.


Ka hmui ah dím te in alo fawp a inla hrang lehnghal daih in ka mit ah chiang zet a min en chhuk run in " ka ngai lutuk che, i hmel ka hmuh ruala pawm vawng vawng che a, duat taka fawh che ka chák zia kha i hrethiam lo ang, i hmel ka hmuh chiah khan ka ngaih zia che ka hrechhuak bawk " ti sup in min en leh rún a, " keipawn ka ngai lutuk che, min thlákhlelh ang chiah hian keipawn ka thlahlel che " ti a ka chhán chuan sawi zawmtur a awm tawhlo kan hmui chu a in chárbet ta emaw tihtur hian a in zawm nghet a.





Thaw ham ham paha kan in thlah chuan, lemlam ka hawisan hlau fahran hian a áwm hlai ṭha zet ah min kuahbet chawt a, a lungphu rangzet ka hrethei a, keipawn ka kuah nghet ve sauh sauh. " Tun ah hian motor chhunga inneih a, kan in a hawpui vang vang mai che ka duh " atih thum dút chuan a hmel ka en vat amitmeng tizím deuh sun hian " arei tawh ka ti, ka nupui ni vat vat la tihhi ka duh ber ani, kan inneih ni an ruat tlái lutuk hi ka thinrim tlat, innei tlái se, fa nei tlai se minti aniang " ati thúl ka nui ka nui tawp. Min thlákhlelh zia atih lan ve na ania, láwm loh na chhan avang ém asin.





Rei táwkfang kan din hnu ah kan tlán chhuak leh a, ani lét leh nghal tur ani vei bawk nen ka rilru ahmanhmawh ani. Lét puitur tal neise chuan khawhar ahrelo anga amah chauh ani dáwn si.


" Enge i ngaihtuah veng veng a?" Ka phu zawk lehnghal a aw hi athum deuh dút bawk nen " i lét nghal dawn sia zán ani bawk nen ka ngaihtuah che a " ka ti ha chu " min ngaihtuah chuan i bul a riak túr in min sáwmla, keiin ka 'yes' dawn chiang a problem solve animai lawm " tiin min chhang thén lehnghal a, " khatia min enreng chuan ka motor khalh lai ngaihtuah zo lo in i mitmeng thil ti thei zet ka enlét na lam ah ka accident pui mai ang che u " atih dút chuan lemlam ka hawt vat aṭhensuk tih ka mitsir hian ahmu hman hrám.




Khawchhung kan luh hma deuh in Masi chu alo harh hlawl a, " ka va nikhua lo em em ve aw, ka lo mutthilh san daih che u a " ati nang nang a amuhil kha atán chuan aṭha mah záwk. Motor ruih achíng bawk nen.


Mutho hlim chiah é tilo chuan ati ti leh nghal bawrh bawrh tawh, Thlamuana lah chuan " mang inei chhe hle mai, i au ang vak vak lehnghal a " atih sup chuan awi vaklo hian ameng kual raih a, chutah minlo en in " Sente asawi kha atak tak em ni?" Ati heu mai. Thlamuana nuih za lutuk nui ri ngam silo insúm hmel chu asen uk ṭul mai.




Sír záwnga en ka ni bawk a khabe hmul ṭo siar siar chuan ati langpa zual sauh emawni, mipa ngo ver vur chi anilo bawk nen apa thláwt tihbák sawitur ka hrelo, Massi zawhna chháng lo a Thlamuana ngawt ka lo en chu ani ngaihdán ni silo thinrim ṭha ngam silo chuan " Lalmer i pasal neih na ah ka dinpui lo tawp tur che ania " ati hlak hlak a, ahmai asen ṭen mai. Thlamuana fiamthu tih ka hriat vanga engmah sawi zawm lo ka ni, a fiamthu tih hriase tun ai khian athinrim ka ring. Ṭeu nasa tík ték tak ani.






Pathian khawngaih na zár ah kan inneih ni alo herchhuak a, Masii'n min dinpui a Thlamuana Sangzuala'n adinpui ve thung. Aizawl ah inneih na engkim an buatsaih a, kawng engkim ah min chhawmdáwl em em vek a. Ka tán liu liau a dár ri chu ka ngaithla a , hei báka dárri mawi hi ka damchhunga ka hriattawh loh túr chu thuhran ka theihnghilh tawh ngái dawn bawk heklo.


Kan nì pual liau liau a mipui inkhawm ṭhahnem zia ka hmuh te chuan ka lung achhe mai dawn in ka hria. Mite ṭhatna leh felna, tláwmngaihna zár zotu ka ni thei hi ka làwm takzet. Mi te lo fel zia leh ṭhatzia ka hrenawn awn awn mai. Inneih thutiam kan chham lai chuan ka hlim lutuk chu ka awm thiamlo ni ber in ka hria!






Biakin hawng ngeia pasal ka nei chu lawmpuitu ka ngah ve khawpmai. Ka pasal nita Thlamuana vang liau liau pawh ani, arawngbáwlpui te ṭhianṭha leh láina angah bawk a, Biakin leh achhehvél kan khat luih mai. Inneih hunserh kan hman zawh hnu ah, Wedding hall nalh zet kan tán liau liau an buaitsaih ah kan ṭhuváng a. Cake mawi zet siam a in hung a, Banner nalh zet simple em em tho si ka hmuh te chuan Thlamuana te insén nasat dántur ka lo ngaihtuah a. In thlahrun awm lek lek ka ti.





Khawsa thei ngang chu ruai mahni a buaipui lúk lúk ngailo tiin Catering an ruai tawp a, ahahdamthlâk viau dáwn na in in sénso erawh ana duhve khawp ang. Atúi hnái hlawm nasa em em si a. Thlamuana ka en apiang hian hmangihna a khat mitmeng hian minlo enlét ve reng ṭhin a. Ka hmangaih zual sauh bawk. Kan inneih zán pawh Hotel a hman ati tlat pek a 'angailo' ti a ka ṭan deuh chuan aduh ikhaw lo mai. Ka pasal anih na anga athu zawm chu ka tihmákmawh ani a, ka zawm angai a, ka zàwm zél bawk ang.




Hotel pan tur a kan in siam lai chuan ka nu kan room ah lo lut in, " hahdam deuh in hun va hmang rawh u, hetah chuan kanla ri lé lú bawk si a. A thawvenglo emmai ahahdam thlákloh si a, In duh chen chen han hahdam rawh u, inlam ngaihtuah angai lo ania " tiin min en a " awle ka nu " tihte mai hian ka chháng a.




" Sangzuala a awm bawk a, i kut ah engkim ka ngat ania lo buaipui zel mai teh aw " tiin Sangzuala lam hawiin ahrilh zui a, ani uang laklawh si chuan " nuram lungngai suh che ka thlahfál dawnlo reng reng, an room ah ka mutpui thlap ang " tiin anui huk huk a, ka nu pawn tihngaihna hrelo in nui ve hak hak mai. " Sente ti khan lo insiam ula in hnuai lam ka zuk ngaihven leh ange, i pa chauh inléng kawm tir chu a hnawt ṭín vek ang " nui hak hak a tiin a chhuak zui leh nghal a. Ka pa hi mi ṭawngtamlo ngang ani a, ahrechianglo chuan an nél ngai meuhlo. Hrechiang tu tán erawh miṭha táwp ani ve thung.





In hnuai lam ah chhuk in Hotel lam pan mai kan tum a, ka nu leh pa te nen in thlah in Garrage lam ah kan chhuk a. Hyundai Creta dum lam pana Thlamuan pên chu ka zui ve zel a, kan nupa tan bik hrim hrim tiin alo la a, min Surprise alo ni, kan in ngaihzawn lái kha chuan Bike hi akhalh mai ṭhín.





Apa hian Bolero var anei a afarnu te ho lah Scooty leh Bike an nei ferfur bawk a, keichuan ngái ka lo ti hranlo khawp a; mahse, pa ber in 'angai' atih miau si chuan hnial chi lah ni heklo, bákah kan inneih hma a alák ani bawk. Sangzuala lah chuan engzah in nge i lák? Keipawh ka mamawh ve asin " ati chúk chúk a


" Model thar ber ania Nuaih sawmpakhat leh tlém "

"I khalh ve ṭhín ang chu"


Tiin asawi zawm a, Sangzuala lah in " ministry zawm reng chung in tih huk kan buaisaih a, Hyundai Creta top model ngat ila thei ania ipa hlawh aṭanga pék tura i lák anihloh hram ka beisei i car lák ah hian" alo ti sup a nui suk hian " ka pa cháwm túr ém a nupui ka neih iring em ni?" Khauh mai a " i nupui ka ti lo i motor lák hi nia ka tih " alo tih leh chuan. " Ka nupui hi ka pa cháwmtir ka tumloh ang bawk in, ka motor lák hi ka pa rulhtír ka tum hauhlo " an in chháng táwk khawp mai.






Hotel kawt ah min drop a kan chhuk fel chiah Sangzuala chuan " ṭang lutuk suh aw " meinei fe a nui huk huk in Thlamuana en paha asawi chuan " thudik ni manglo huattheih miah siloh a mi fiam hi i chíng thar riau " ti a achhân chuan " Masthangi hi lawm athík tlat si che u ani, ka sawi chhuah tur pawh ama min hrilh vek hi lawm " tia achhan na chuan Massi ati thinrim na ngiang mai ṭeu hlar hian " i nupui ka luahlan hma hian kal vat mai teh " ka nuih zui hak hak, in len hleih fe hian an in hlaulo dún nasa mai si a. Zan tlailam ani zél nen in mangṭha in kan luhsan a.





Mut hma ka in tleuhfai sawk sawk a, in bualdun duh viau mahse keiin ka la duh bík lo. Keimah in ka lût hmasa a, Shower tuilum a ka in phuh tír seng seng chu ahahdam thlák ngei mai. Ka zawh hnu ah lo lút ve in " Lo muhil suh ang che ka rei dawnlo " ti thum dût in alút a, ka nuih liam mai na a, kan zán hmasa ber tur ani a zeploh chuan ka huphurh ve deuh ka zám a, ka phúr tho bawk.






Asawi ang tak tak in areilo kher mai, minute 5 bák a awm hman in ka ringlo. Tui inti huh puat in alo pen chhuak nghál ani ang, ka ngaihtuahna váng chuan ka ṭhen ka ṭhen ringawt. Bathroom kawngkhar bul aṭanga minlo en run run in, " minlo ngaihtuah em?" Dét dút ṭhin hian, " lutuk tlat ka ngaihtuah na, ka suangtuahna kawltu ini miau a " tia ka chhan chuan lawm tih hriat zeta min nuih in min fawp tháwi thuak a "Lawmthu sawina anih kha " tih te in min chhang a.





Ṭawngṭai na nen kan nunbul kan ṭanna tur kan hlán thlap a, ama hlan ani mah záwk, puitling nangiang chu. Nupa te chauh in a an hman tûr leh tihtúr, hmangaihna ám zet a kan chendun hnu ah lungawi hmel fahrana min en a min hmangaih thu min hrilh sup hnu ah nghet zet a min kuah in min chúl hauh hauh a, ka muhil ani deuh nghal mai.







Karkhat chuang zet kan hawi khawthanga Hotel ringawt chu aninawm ve deuh ṭhin a Park ah te kan léng kual a, anuam in ahlimawm takzet. Ka pasal in min duat in min ngaihsak em em renga, hei bák a Vanram tlafual hi a awm thei dawn em ni? Hmangaihna ka pék chhuah aia tam dawngtu kei hian ka pasal ka phuloh zia ka hrethar awn awn mai. In lam ah kan lét a, kan lét aṭanga kar hnih na vél aṭang rangbawl in an chhuak ṭan a, an team an buailai tak ani bawk nen an ám va deuh ani.





Hun leh ni akal ve bek bek a, ka pasal in hna thawh mumal anei si lo, chutin keipawn hna ka nei hauh silo. Kum chanve kan thleng mai dáwn heti ringawt chu ni theiin ka hrelo ka pasal chhungte in cháwmtir ringawt chu thil mawi pawh va nisuh, anni lamin ṭawngkam chhuah mah suhse fa te kanla nei ve duh dáwn, chúnghun ah chuan kan hmakhua athim lutuk dáwn tlat.


Thlamuana lo haw hun ah hna enge maw tal sawipui ka duh ani, kan inneih tirh khan ka sawi thawi thuak a, rem atilo bur mai si a, ka khua ahar ve bawk nen achang in afarnu te dawr nghâk ka va puih ve ṭhín a, Rem erawh anti vaklo.





Electronic dawr lian deuh deuh pahnih annei a pakhat hi ama hminga awm ani a, pakhat erawh afarnu Zualtei'n a enkawl ahminga an dah ani bawk. Amah hian ahminga dáwr awm hi a enkawl lo a hnathawk an chhawr mai a, Zualteii'n ama dawr nen akawp ani. Dawr ringawta in ngah tawp chu ni theiin ka hre nganglo a, ka sawipui leh a " i khua ahar viau chuan dawr ah han kal ṭhin la, nghah em em i peihloh pawn endik tur a va kal zauh zauh animai. Ahranpa taka hna zawn a i thawh erawh ṭha ka tilo, naute te kanla nei anga chúng hun ah chuan i bán tho angai dawn. Bák ah in a i awm hian ka rilru anuam zawk " ati duah a hnial vak theih pawh ani silo.





Pathian khawngaih na zar ah kan nupa kan hlimdun in hun kan hmang nuam dún em em reng a, kum hial avei ve dáwn, kan inneih champha ṭhianṭha hnaivai tak tak leh kan chhungkua a hriatrengna hun hman ati leh mauh mai, kan in buatsaih leh poh ani Massi leh Sangzuala an phúr fal leh hle Cake mawi zet kan order a kan nupa thlalak lianzet nen anuam velvek. " Minsawm ve pawh i tumlo a, zahteihloh chhuah in in hun pawimawh ani tih hria in keimahni kanlo in khalhlút ve ráwih " chu thu sawi tu te lam ka hawi nák chuan ka ṭhian ka ngaih em em te pahnih Richarda leh Samuela te anlo ni.





Massi chuan ahresa ngeni hamhaih lutuk a anlam ka hawi chu minlo kuah in " nimin ah anlo thleng ve chiah a, i hun pawimawh hria in ka thu in ka sawm ve ráwih mai a pawi lo ang chu ti raw?" Atih chuan " pawilo tehreng mai awi! Inlo thleng tih hria ila keimah ngei lo kal in ka sawm ngei ang che u " mittui khap per sak sak a tiin ka kuah chák chák a. Kan chhungten anlo chiau au ve thuai thuai a, an in thlahrun loh hrám ka beisei. Kan inneih lai vel kha Mizorama an awmlai anih siloh avang in anlo tel thei lova an in thiamloh ve khawp mai.




" Nau ka la pai hauhlo " inthlahrun ana duh ṭhín ngeimai. Ka pasal hian naute a awt tih hi sawilang dawt ṭhínlo mahse, ka hreve kar ṭhatloh na ka neiháwm ka hre hauh silo, keima táwk ah hriselna ka ngai pawimawh in ka in enkawl uluk ve em em bawk.


Nupa nun ah nise harsat na kan nei ngai hauhlo. Ka pasal ka sawipui cháng hian " Pathian in rem atih hun ah minla pe mai ang" ati mai zél a; mahse, arúktak chuan hrehawm ka tiin ka in thlahrung ru ngawih ngawih tho.



Pathian hnén ah bánglo in ka díl ṭhín, ka díl zél bawk ang. Ka pasal hi an team ah an buai ve táwk em em a inchhunglum ah a awmtam hman meuhlo. Afarnu te leh ka nu leh pa hian an back up ṭha em em bawk, chutiang in keipawn ka theihna áwm kawng kawng ah chuan ka puih ve ṭhín bawk. Rawngbawla achhuah in zankhaw tairék ah pawh nise alo haw nghak in ka meng hram hram zél, mi pawh hi afak ve em em ṭhín.




Karleh hian Vellore lam ah Zualteii akal dawn a, Thlamuana'n ka zui ve ang che tiin an in zui thla a. An chámrei phian mai thla khat chuang an awm hnu ah an lo lét ve chauh a, ka khawhar zia leh ka ngaih ṭhín zia chu tuman min hriatthiam pui lo ang. An kal chhantak sawi langlo mahse Zualteii hi hriselna pan ve tak anih avang a kalpui anih ka ring, an sawidán deuh pawh ani.




Thlakhat ṭha zet an chám hnu ah Mizoram lo haw chho in damtak in an rawn thleng a. Silver ṭhi leh bengbeh mawizet simple bawk si minlo hawn a, Zualtei'n Kurta nalh deuh minlo hawn bawk a ka làwm kher mai. Zan an mengrei ṭhín atih vang kha aniang amitkhur atla deuh dáwk a, alang bawrchhawr riau pek. Ka khawngaih reuh lutuk. Zualteii erawh a lang pangai viau. Ahma zawng aia ka ngaihsak a ka duat angai tih ka hria, ṭan pawh ka la ve sauh sauh.




Pawn achhuak khát viau mai, ka duat ve bawk a, apangchang ṭhín khawp mai. " Ká ah chaw in in barh lo chauh aláwm " tiin ka pa'n min fiam zuk zuk zel a Zualteii pawn " Sente i duat lutuk a pangchan dán chintáwk ahre lo ange " ati chul zel a. Kan nui ka nui zel. Zanin hi thla a éng iar a lung aleng veng veng mai kan room Balcony ah ṭhu dûn in vanlam kan thlir vang vang a kan in ngaihzáwn lai rilru ah alo lang a, nuihzat tur atam rual in angaihawm ka ti.





Kan ngawihdun vang vang hnu ah ka lam lo hawiin " Sente in ṭhen ang " ati chhuak tawl mai! Mak ka ti lutuk ka ang phiau ang chu, min fiam anih ring in " a fiamthu thawh na chi loh emmai " ka ti hlak a rum eltiang hian ka han melh phei bawk a, damdup a min en chung in " ka fiamthu lo inṭhen ka duh " ati leh sup " engvang in maw kan in ṭhen anga? Pathian leh kohhran hma ah thihna chauh lo chuan min ṭhen suhse kan ti anih kha. Engváng tehlul in nge kan in ṭhen anga?" Zep loh chuan ka thinrim lek lek.





" Naktuk ah haw phei ang che, fa neih ka chák in fa ka awt em em tih i hria; mahse, i pái thei chuanglo, nupui dang neih a fa neih ka duh, fa min hrinsak thei túr nupui dang ka nei dáwn " Min en chuang miahlo in vanlam athlir vang vang a. Sawi ve túr reng reng ka hrelo. Ni e, fa ka pai theilo ngei alawm, a mah leh achhungte lak ah pawh ka in thlahrung ṭhín réng ani. Ka in thiamloh na azual sauh ka mittui ka dang zo lo afar záwih mai.




Ni e ka thiamloh vek ani, pasal fa pawh paisak theilo nupui ka ni miau si a.Ka pasal fa neih chák em em mahse kei anupui rai theilo heti mai hi ka ni si, ka zak ngawih ngawih hrehawm ka tih na azual sauh bawk. Nau tal lo pai ila hetiang thu thinṭhawng lutuk hi kan sawidun angai áwm tawp silo a, ngati nge ka rai ve mai theihloh? Báng lo in ka díl che ani lawm ni? Ṭap zawih zawih a ka díl na che chu hei hi maw ka chhánna dawn chu? Ka vui ani, ka thinlung ana ém asin.




Mahse ka hmangaih asin, ka hmangaih vánga pasal atan a nei ka ni, fa ka hrinsak loh avang hian aruk in ka ṭap fo a, hrehawm ka ti ve em em asin. Ka duh vánga railo ka ni hauh bawklo. Fa kan neilo na meuh mai; mahse, kalsan tûr erawh chuan vawite khat mah ka la in ngaihtuah chhin ngailo, chu mai ni loin ka mang lam ah pawh ka la mang chhin ngai eih lo.




" Ṭah khan kawngro asu teh chiamlo ania, i mittui hi ka phu hauhlo, i bula ka hun lo hman tawh zawng zawng aváng khan lawmthu ka hrilh che; mahse, ka damchhunga fa neilo a ka awm túr hi ka ngaingam lo ani,nangpawn min dem theilo ang. Ka thutlukna siam avang hian min ngaidam dawn nia, i thawmhnaw siam fella naktuk ah chhuak nghal ang che i pa pawh ka be diam tawh " ka tháwklák asak ṭalh mai. Hetiang khawp a minlo ning ani tih ka hriat hian ka na vawng vawng mai.




Hmangaih taka ka neih ka pasal chuan minlo hne in minlo ning hle tih ka hriat hian chemte a vih sawk sawk ang mai hian ka thin záwn hi ana ngut ngut a, ka thaw hleithei lo ani ber ṭawngchhuah emaw sawi ve tur eih ka hrelo. Min ṭhen avang in ka na a,ka natna atam tluk zet in ka zak a, ka in thiamlo a ka pasal fa ka pai theihloh vang in ka thinrim em em bawk.




Engmah sawizawm tawhlo in room chhung ah lút in thawmhnaw dahna hawng in Jacket dum la chhuak in ring fahran hian akhar zui dawp a. Pawn ah achhuak zawm nghal daih a. Kawngka apel fel chiah chu ka ṭap chhuak rawng rawng mai zahna, thinrimna, thinglung kehchhia in pawlh nuaih in ani ka ṭah ni. Zankhat thilthu ah kan hun lo hmandun zawng zawng chu atawp kan khár dér chu ani si a, engtin nge ka chhungte, ka ṭhelrualte ka hmuh ngam ang. Ka chunga thil thleng hi ka ngaihtuah chian pawh leh ka na a, ka zak telh telh mai.





Pastor Pathian hriákthih leh mipui khati zozai hma a " Anuam ah leh ahrehawm ah, hrisel lai leh bawrhsáwm lai paw'n, thihna chauh lo chuan min ṭhen suhse " tia damchhung hun min tiamtu ka pasal ngei chuan tunah inṭhen arawt bur mai si. Chupawh fa ka hrinsak theihloh váng in, hmeichhia te chan chhiat zia leh dinhmun dertháwn zia chu ka chunga alo thlen ve chiah hian ka hrethiam chiah.




Thinrim engphiara chhuahsan tur ka nih vei nen ka haw thei dér lo. Ka pasal thiamloh ani lova ka rai theihloh váng, keima vang liau liau ani midang ka dem thei hauhlo.Engtia rei nge chutah chuan ṭhu a ka ṭah ka hrelo, ka mit vun achhah lúk a ka taksa ana ṭhem ṭhúm a, ka khup ana hle bawk. Bawkkhup in ka ṭhingṭhi tih ka in hrechiah, tho káng vat in room lam ka pan a kawngka luh chiah a kan khum sir ding lam a kan inneih thlalak lian leh mawi zet in tar chu ka hmu hmasa ber ka en a, ka en ning thei ngái dawnlo.




Chu thlalak, kan inneih ni ngei chu atu ve ve pawh kan hlim dún hle tih kan nui hmel nung sárh aṭang leh kan mitmeng ah chuan ka hmu a, amitmeng pa zet hmangaih na a khat a min en lai te chu nimin ang maia fiah in ka la feel thei, ka hmangaih ani a ka hmangaiha hian min ṭhen duh mahse ka hmangaiha hi ala danglam lo ang bawk in ka hmangaihna ala danglam heklo.


Mahse, naktuk ah chuan ka chhuahsan ngéi angai dáwn tih ka hria, chu thu ka hriat chhuah chuan ka tiril ati khúr a, mangang lutuk in kan thlalak in tár na lam pan in ka pawm theih ang chin chin pawm in ka ṭap rawng rawng. Tih theih ka va nei tlém tehlul ém! Ka mittui ahul thei meuhlo, hmangaih taka ka neih ka pasal hi naktuk aṭang chuan mipa narán ka tán chauh a mipa emaw ka tih kha mi narán khawlaia ka kal pelh mai ani tawhdawn asin. Chu thil thleng túr chu ka phal thei dawn em ni? Ka phal lo, ka phal hauhlo.





Kan thlalák kuah chuang in ka ṭap tlaivár ṭhak. Khua a éng telh telh a ka hlauh thawnna anasa tulh tulh. Ka pasal leh kan room te, he in chhung in ka chuahsan aṭúl tih khawvar hian min hrilh miau alawm; mahse, ka duhlo, ka duh hauhlo, engtin nge ka pasal tello in ka awm theih ang ka dam zo dawn em ni? Lalpa min puih hrám rawh ka thla apháng in ka mangang lutuk ani, hetiang reng reng chuan Lungphucháwl in ka dam zolo mai ang, rilru ṭawngṭai na mumal pawn ka nei theilo, ka lungphu su dup dup hian ka hun neih min hriattir miau hek le.




Thlamuana alo haw miahlo, nizan achhuak kha khawi lam ah nge akal a khawi ah nge ariah ka hre hauh silo. Ngaihven zui erawh ka tih theih aniin ka hre silo. Thlamuana hi lo lét in " he in hi chhuahsan suh. Pathian zár ah ka dam anga fa kan neilo anih pawh in hmangaih tak in ka enkawl ang che ka hmangaih che " tih thu min fah ka la beisei fan tho. Ava hrilhai thlak in ava lungchhiat thlak teh tawp êm!!




Kan room kawngka in kik dat dat thawm ah ka hawi chhuak vata ka pa'n lainat hmel lutuk a min lo en reng ka hmuh chuan ka ṭah achhuak zual sauh; mahse, alam panin ke ka pén ngamlo ka zak ani ka chan hi azahthlak tehtawp ém asin!! Ka pa'n keima vanga zahna leh mualphona atawh tur engkim ka hreve kar, ṭhenawm khawvéng te sawi duhdan tur chen in ka nu leh pa keimah vanga zak taka an awm tur hi ka hre ve asin, ka zak bawk si ka huntawn na bawk si hi hruihrual lák lawk a in khai daih mai ka duh rum rum ani.




" Sente bawihte tho rawh le i nu in angai che ania, ahmuh chák vang che in zing ah nangmah hruai tur che in kan lo kal ani," tiin ahnung a ka nau Muanpuii mittui tling pam a min thlir tu chu ka hmu ve zat. " U ṭap suh aw ṭap miah suh, he mipa ve mai hian i mittui hi aphu hlawllo " ati deuh hlak hlak. Amah pawh eng ani bik dér silo a." Ka ṭhutna bang kil aṭanga min kaitho in ka nau in ka thawmhnaw Trolly suitcase a thun mawlh mawlh chu mittui nen ka en mawl tawp.





Chutia ka nau in ka thawmhnaw asiam mawlh mawlh lai chuan ka nu leh Zualteii kan room ah anlo tlan lút ve a, " Sente apawi emmai hetiang túr tih hriat a lo inneih malék túr che u ania. Thinrim in min haw chhungkua mahla kan dem thei hauhlo ang che, Mampuia leh kan chhungkua hi min ngaidam hrám rawh aw " mittui tla chung in ka nu'n ngaihdam min díl a, huat na chhan tur ka nei hauhlo, Thlamuana'n fa a awt em em tih ka hria, ka nu leh pa te paw'n tu an awt.





Keiin enge ka pék theih? Ṭap ngamtur ka niin ka hrelo; mahse, ka pasal tello a hringnun ka hmang túr leh khawsak ka rél tur hi ka ngaingam lo ani, kan in ah haw pawh ni ila inthlahrung dáka hun ka hman angai ang nuthlawi mai ka ni tawh asin! Nu leh pa bul mah nise ka in thlahrun loh phah dawn chuang silo. Hawi ngaihna hlawl ka hrelo ka ngaihtuah na atam pawh leh ka thaw apik a, thawk ngaihna hlawl ka hrelo, chuvanga ṭap ka ni bawk.




Zualteii pawn ṭawngkam khat mah a chhakchhuaklo, ka chhuak túr erawh arilru anat hmel tho ka ti amittui atling pam mai. Ni e, ka chung ah tumah hi an suallo vek hek, keipawn ka ngaina a ka ngai viau bawk ngei ang.


Ka pa erawh ahmel ka hmu hauhlo azíng ṭawngṭai kal alo la hawlo ani mahna le. Muanpui'n ka thawmhnaw a khung zawh chuan ka pa lo ṭawng chhuak in ka nu leh Zualteii lam hawiin, " le, kan kal nghal mai ange, kan hawna tur ala thui tho bawk nen kan kal mai ange " tiin ka nu te chu ahrilh mawi ve a. Ka nu aṭawngchhuak dawn tawhlo emaw tih hnu ah " Sente kanla in hmu leh ṭhín ang chu ti raw? In ṭhen rih mah ula mihrang kan ni chuang hleinem kan in kalpawh fo thei bawk ang chu ti raw?" Tiin min en kal a.




Ka chháng hran lemlo, amawi ah ka bu ve nghat, anni ho hi haw hranlo mah ila an hmél hmuhleh hi ka chák viau lo. An chhungkaw hmel ka hmuh chuan duhlo teh mah ila anfapa hmel min hriat chhuah tír tu ani dáwn a, in kalpawh phei chu hnailo mai. Ka pasal ani tawhlo a ka hriatreng pawh thil ṭha ani berlo; mahse, ka haw ta tihna erawh anilo. Ka hmangaih váng záwk in ka theihtáwp in theihnghilh a ṭan lák ka ngái záwk ani.





Muangcháng lo in kan pafa thum chuan kan kal chhuak a ka pa'n a motor Maruti 800 alo kenga pawn kan chhuah chuan ka nu nau fapa Hmingtea alo awm ve reng alo ni, motor awmna kan thlen thlák rual chuan kapa alo lang ve hlawl mai " Sente apawi teh zawng ani e tiraw? Kan fapa hian i ngaihdam aphu hlawllo, ani aia ṭha pasal nei ang che. Kan awm hran avang hian mi hran kan ni ta tihna ani lova, kan fanu inihna lah abo dáwn heklo ui tak chungin kan thlah mai ang che " tiin damdup in ka hnung ah abeng thak thak a ka ṭahchhuah mai ka hlau nen chhangzui loin motor chhung ah ka luhsan ta ringawt.




Hmingtea'n motor akhalh a ka pa ahma ah ṭhu in ka nau nen ahnung ah kan ṭhu thung.Kan in ṭhen dán ah Hmingtea alungawi lo hle a in hrosa nasa mai, ka pa pawh alungawi chiahlo tih ahmelhmai ah ahriat pa ṭawngtam anilo a, lungawi lohna pawh neise sawichhuak zen zen ngailo ani, keimah ka indem na azual sauh pasal lo neihlo law law ila tihte ka ngaihtuah thúl. Aṭangkai tampui lo khawp mai, hmeichhe thudáwn tak hi chuh.





Ka motor chuang ka chuang fuh lo em em lehnghal ka pa hmai ka zah avang in ṭah pawh ka ṭap ngamlo, ṭap ila min hau in min dem hauhlo ang; mahse, kan in ṭhen chhan ah hian amawhphurtu ber ka ni miau si a ka hmaizah êm ani. Motor ruih leh ṭah chhuak insúm chu in rem lemlo tak ani. Tluang leh damtakin kan khua Sialsúk chu kan thléng a, ka nu in pawn ah minlo hmuaka minlo kuah vata min kuahdeuh vang vang hnu ah in chhunglam ah kan in zuilút hlawm a.




Motor ka rui nasa bawk nen ka lu hi an thén an thén mai hian ka hria, ka room ah ka nu'n min hruailut a ka bawk thlawp mai ka ril ṭám leh ṭámloh min zawt in aṭamloh thu a ka chhan hnu ah " lo mu hahdam rawh nakin ah ipeih hun ah ilo tho chhuak dawn nia, tun atan chuan mu hahdam la engmah ngaihtuah kual vak vak suh aw " tiin min chhuahsan zui a ka mu meng kar mai. Ka luhai luakchhuak la reh silo muhil thei bawk silo chu tho chhuak in ka in buala ka harh hawk mai.




Thawmhnaw ha lo in Bathrobe nen ka mu leh nghal a, ka chauh zualpui rehse chaw eitur in ka tho chhuak ang.Nizan ka mulo bawk nen ka motor chuang ka luak nasa bawk nen ka chau ngang aniang zan dar 8:00 pm vel ah ka muhil ka harh chauh a thawmhnaw ha sawk sawk in ka room ka chhuahsan a, Sofa room ah ka nu leh pa ka nau Muanpuii te anlo ṭhu khawm laih a, ka hmel an hmuh chuan ka nu'n minlo pan vat in " Sente chaw ei rawh aw, i ril aṭam lutuk ang " tiin chaw ei min siamsak a ka ei thei phian mai zing aṭang engmah ka eilo bawk nen.




Nitin ka nu leh ka nau bul ah ka awm ve chawt a, chhunlam ah hi chuan khawhar em em ka hre hranlo; mahse, zán anih chiah hian ani ka pasal kha ka hriatchhuah a ka ngaihzual ṭhinni, ka biak phák ani tawhlo a, ka hmangaih phák lah ani tawh heklo; mahse, ka ngái asin ka hmangaih em em bawk, zantin kan nupa thlalak en in mittui nen ka in ṭap muhil ziah ṭhín. Chu erawh ahreve kher lo ang bawk in ani chuan engthawl taka hun ahman ka beisei bawk.



Ngai sateh mah ila ka hrilh arem tawh silo. Hawina apiang hian ka lung anti léng, kan in chhungte hlei hlei hian ka lung ati léng kan pahnih súlhnu kha atam ém asin! Zan ah thla leh arsi Vanlaizawl a an én pet un cháng in amah ka ngaih vang in ka ṭah zán atam a.Khua chhia in ruah sur se min vél ta emaw tihmai túr a ṭah a hrisellohna avang ni hauhlo a rum vawng vawng cháng lah ka ngah.



Ngati nge hetiang a awlsam taka táwp leh maitur si bul min ṭanpui? Ka thinlung na thei ang bera i siam hnu ah ngati nge kan tawpsan ang itih? Mipa nikhualo tak ini, ihria em? Thlamuana thla ka hau mawlh mawlh mai.


He thinlung na taka i siam hian i aiawh a tháwih damtu ala hmu ve ngái anih chuan, zanin hi hrechhuak in ka ṭahpui chíam avanga na leh tawh ngailo túr in hmalam ka pan anga, hnunglam erawh ka hawi lét tawh ngai lovang. Chúng hun ah chuan tuna ṭap chunga ka hmachhawn ka hringnun hi nui chung in ka mangṭha anga, ṭap leh tawh ngáilo túr in hmalam chauh pan in ka kal tawh ang.


Nghilh iva'n har ém! Kan hun hmandun reilo te khán minla ti ṭap reng fo chu anihhi, liam leh mai tur a min rawn belh lai khán damchhung atan ka thlang che asin. Ana ém a ka tuar chhuak thei angem tihhi ka hrelo; mahse, kei chauh hian he natna hi ka tuar lo tih ka hria ka tuar chhuak thei em em ang.




Ṭhian ka káwm ngai meuhlo, umapuii kan ṭhenawm ami arawn léng ṭhín a, nu niin fapa pahnih anei tawh a kawmnuam tak ka nulat lái aṭang tawh a ka kawmfo ṭhin ani. Sawitur ahrethei in mi kawmhlim dán athiam em em a pasal ka neihsan hma ang chiah ala ni, ala ngáireng keipawn ka ngaina thlawt. Ka dinhmun min en tleu ngailo a ka lunglén khawhar cháng pawh a ka tan awm reng ṭhin ani.




Karkhat hnu ah ka bungrua la túr in ka pa leh chhungte ho an kal a, kan in ṭhen chiang bel bawl hle mai. Thlamuana a awm lova azinchhuak ni awmtak ani, zin chhuah a in lák tlangval atum te pawh niange. " Fa min hrinsak tu túr nupui ka nei dawn e" atih tak kha maw aduhthusám hmeichhia tawng mawlh tehse.




Hun leh ni aral ve zél a in a lo awm mawltawp chu diktheiin ka hrelo bák ah kan in chhung ah hian ka duh aiin Thlamuana súlhnu atam mah mah a, hriatchhuah duhlo teh mah ila ahriatchhuah loh theih ṭhín loh.



Ka pa te Sikul ah a ai ka kalsak ve lawp lawp ṭhín a, trainning chuak ka ni bawk a, min iai hran bik lo. Lunglén khawhar pawh azia chho ve zél tur ah ka ngai.



Aizawl lama hna eng emaw hna thawh túr zawn a kal ka duh avang in ka pa ka díl a alo remti phian a, tei vák in chhuak harh rawh nangmah ngawta awm i hreh leh inau Muanpuii hi awmpui la, ani pawh hetah ngawt a awm a achhuak váklo emmai in luahtúr kan en anga in unau in in awmdún dawn nia. Helam ah han buai na chhan tur a awmlo bawk anga, i nu abuai hranlo túr ah ngai ang.




Aizawl ah ka pa va kal in inluahtur minva ensak a, hmeichhia ve ve awmdún túr kannih avang in inluah túr pawh aduh uluk a, fianrial lutuk lo, hmeichhia tana him túr min zawnsak ani. Aizawl véng pakhata building la thar tak ava hmufuh a aneitu te achung ah awmin ahnuai chiah kan luahtur ani, ka pa nge nge ka chhuang ṭhín teh e. Rei riallo in Aizawl lam ah kan chhuk nghal thuai a.



Ka pa in ni thumlai min awmpui hnu ah Sialsuk lam ah ahaw phei a, ka nu amah chauha a awm avang in a ngaihtuah ani. Hna zawng in ka theih ang ang ka vak kual ve a thlakhat dáwn chu ka zawng a, atawp ah Pathian khawngaihna zar ah District Industries centre hnuai ah hna ka hmuve hlauh mai ka láwm kher mai, hna ka hmuh lawkloh chuan Beautician lam emaw aṭul ṭul tih ka tum kha ani a, ka lawm hle ani.


Karthar aṭang in ka hna chu ka zawm nghal a, minlo láwmthiam hlawm khawpmai Self introduction te pe in kan in chibai leh láwp láwp a, athawkte an fel hmél hlawm hle bawk. Nutling leh patling deuhvek anni tawh hlawma nula pahnih Sangi leh Zothani an awm a, hmeichhe lam ah chuan anmahni chiahhi nula awmchhun anni áwm e.



Ka thawh tirh phat aṭang hian kan in nel em em hlawm a, kan n General Manager pawh tlangval senior kum sawmli pél rak khawpa tlangval nuamti ani, bialnu pawh aneih ka ring chiahlo, bialnu nei duh hmél leh hmeichhe duat chúk chi niin ka hrelo.



Kan manager chu ahmel en reng reng pawh in akum naupang tawhlo tih a hriat ahmel zúr nilo mahse a naupang tawhlo tih ahmai vun urh deuh kharh ah ahriat, aw thum dét dút tak anei bawk. Mi hi amelh deuh vung vung zel hian ka hria a, ka hna ka thawk ṭhalo aniang tih dawn in a thawkṭha ber pawl ka ni ve bawk si, diklohna ka nei emaw ni le ka ti ru nauh nauh zel.




Kan office hnathawk ho chu an thawhna alo reitláng hlawm tawhbawk a an in pawh hle tih an in biak vél dan ah ahriat theih, staff mai bák ah kan boss pawh abáng biklo. Office hour a chuan manager anihna ang tak in kan zah thiam em em a, kan báng chiah erawh office chhung nen chuan adang zar zel. Manager tih kualduah ai chuan Boss ka ti deuh tawpzel a, sawisel emaw anei hranlo keipawn ka kohdan ka thlák duh chuang biklo.




Zirtawpni kan office chu nidang zawng aiin ahlimawm in kan nui nasa mai. Ti ti vawrh túr an thiam hlawm bawk a kan nui tláng leh dar dar zél. Ban hun anih chuan boss pui chu achhuak hmasa thurh a, akal nul nul mai. vawiin chu ahmanhmawh hmel hle mai tihtur pawimawh engemaw tak anei ani ngei ang. Kan thawhpui Sangi chuan " kan Rúnmáwia chu enge maw hmanhmawh bakléng a achhuahni, eng tihtur pawimawh tak nei ve ang maw " tiin ring fán duai duai in a en zui a.




" Tu maw Rúnmáwia chu? Boss hming te chu Lallianzuala ani lawm ni " ka ti he haw a.


" I hredik alawm ahmingpum te chu Lallianzuala nimahse keini chuan Rúnmáwia tiin kan ko ṭhín " ati ta mai. " Enge awmzia ahming lém in phuahsak tihna em ni?" Ka tih leh chuan " i rilru ava chak e, i hredik leh chiah chu chu ahminglem kan phuahsak ania a inhmeh ania aw " tiin anui zui kar kar a, ka bo tulh tulh, bangbo lutuka Sangi ka en chuan anuih aza zual sauh emaw ni lehnghál in.



" A awmzia i hrelo ani maw?" Tiin nui pah in apum adawm a, a insúm nasa ve hle na in anuih aza ngang anih dawn hi. " Rúnmáwi kan tihna chhan chu tun thlenga in danpui tur nupui pawh la nei eih lova an in máwi rengtu ala nihvang mawle " nui awr awr pah chuan asawi a, a awmzia ka hriat tákah chuan ka nuih aza ve reng.



Nui sánga office kan chhuahsan chuan Garrage ah boss chuan Hyundai Verna car dum ngheng áwn duai hian alo ding rún a, Spec dum nalh fahran hi avuah rún bawk, akameez dum hák bán chu akiu thleng athlep tawm chho a Blackberry strieped slim fit pants nalh zet aha leh bawk, Awi ! Rál aṭang ka hmu thut chu ka hmu chhelo lutuk a, ka diklo dawn tlat. Sala, nuthlawi ka ni tih ka in theihnghilh ṭép alawm mawle.



Alo dinna lamtak chu kan hawna túr kawng ni hekle kan kalpel angai miau sia alam pan chuan kan kalphei a, Sangi chuan ka beng bulah lo áwn hnaiin " Rúnmáwia hi chu achhelo chiang ti raw? Engtin nge tun thleng hian nupui ala neihloh theih ni, hmeichhia ahmu zolo ti dawn ila ahmu zo chiang nasa mai si a " tiin minlo hrilhru sar sar a, nia chhelo chiang aláwm nula mai nilo nu pawn akawngkal an enzui vawng vawng tlat zél. Kei nutláwi tharlám pawh ka báng chuanglo.




Ahmazáwn kanva thlen phei chuan " lo chuangru Merry alo ti dút a " kan en he haw a " Rúnmawi kan in thleng min drop thei dawn em ni?" Sangi'n alo ti var a " thei mai mai lo nagchu kawnglak ah ka drop daih dáwn che " ti a boss in achhan chuan pakhat aṭeu hlar mai " i hetih vang hi lawm tun thlenga i hming thlákna túr kanla hmuh zawhloh " boss anui suk suk mai, anui hmélṭhat zia mai chu.



Sawisel chuanglo chuan a motor seat hnunglam chu pan in kan kal a, " Merry seat hma ah lo ṭhu la " atih chuan " Sangi nen ahnung ah kanlo ṭhu záwk mai ang" katih chuan " Sangthláwni kha chu ahnung ah amah in ṭhu mai rawhse " ati leh dút dút a hmui ti pawrh tárh in " pawilo, ka chhuk hmasa zawk dawntho ahma ah chuan va ṭhu rawh " ati awlsam leh thén sia, sawibuai lo in kan lut tláng ta dial a.



Kan office péng lawk ah Sangi chu achhuk ta daih a " penkawi na tur ka ngah emmai, ka lo chhuk hmasa mai ange, Merry fimkhur la aw val senior zei eltiang anihhi " nui awr awr paha atih chuan keipawh ka nui ve tawp. Keini pawh kan tlanchhuak ve leh nghál a kan in kawng lam ah atlan ta zar zar mai " Sialsuk khi anuam ve em? Nitak mahni khua te chu nuam bawk ang chu tiraw?" makti deuhtaka in ka en haw " Boss, kan khua i hria maw?" Ka ti he haw a " hredawn lawm ni " ati thum dút a.



Avan mak em em engtin nge he val seniora hian kan khua ahriat theih? Min ngaizawngru tihna em ni? Awi! Minhan ngaizawng hlauh maise ahmuhloh tur lamah ka nui sak sak ta mai. " I Bio-data ah lang vek hek " ati ta dút mai, karei! Nidáwn tak ava máwl theih ngái vele. Ka zak ta chem chem mai le. Nichin ka suangtuah na chu ngaihtuah zui duh tawhlo in ka paihbo vang vang, zahthlak lutuk tlat.



" Sialsúk khua ah chuan ṭhian ka nei asin " ati leh dút a " chuti maw?" " Valte-a ania, i hre mial em?" Atihleh dút tákah chuan " Ka va hremai love ka awm khát thei lutuk a, khawtual mi e tilo hian hriat vak pawh ka nei lo " zakru deuhtaka ka sawi chuan " ni ve thei lutuk ang " ati ta sup a. Kan in awmna lai minzawh chuan kawhmuh vat in ka chhuk thla tharh a, " thingpui in inlo cháwl ta che?" Ka ti a, " ka hun in min daihlo tlat in awmna ka hretawh tho bawk a, hman remchan hun ah ka lo kal leh záwk ang " ti sup in atlánliam ta nghál a.



In chhung ah ka lut chu ka nau in " eheu aṭha dáwn e, ti kha chuan zán ah ṭah ruk keuh keuh i bansan tawh anga " alo ti var a " kan boss alawm i ngai diklo anih kha " tiin ka chhang liam puat na a, ka beisei ru tlat. Khaia, kei hi ka diklo tlat ani.



Atúk inrinni ani bawk a Bazar ah chawhmeh leiin ka nau nen kan kal dún a, chawhma dar 11:00am vel ah kan kal a, inlama tawm deuh chawt ani bawk a tihtur vak awmlo nen kan hmanhmawh vaklo ani, boss leh nula sambuang thángmai lo kaldun kan hmu a, kan in be ve luam bawk ahmeichhe hruai chu abialnu anih ngei ka ring an in duat thiam ru riau. Afel hmel em em lehnghal minlo be nghal bawrh bawrh a, ahmelṭhat ang chiah in afel anih dawn hi.


In kan thlen hnu chuan Muanpuii chuan " rilru na kan awm em aw? Rál i ngái lehpek dawn anihhi " achal béng dat dat paha atih chuan ka nuih aza lutuk tlat, aṭawngkam hman khan ka nuih atiza. " Ngái maithei ani pawisa thír inei em ni?" Uang ru fe a ka chhanlet chuan anuih aza em em lehnghal a, kan nui nasa lutuk a pum kan dawm deuh chhen mai.



" Zanin tlai chu eirawng ka bawl chhawk ang che " tiin Kaikuang kan lei chu ka kang a, atui dáwn lutuk tlat. Ka kan lai aṭang tawh in ka hmawmsek mai a, atam falua lo nen ka tem zovek ang tih ahlauhawm.



Aizawl kan awmna chin pawh kum avei ve thuak tawh, Thlamuana te chhung hnaivai ka hmu ngái hauhlo, Sangzuala erawh ka hmu ve tawh chupawh ral aṭang chiah in, chu erawh ka láwmthu tak ani. Aizawl ka awm dawn pawha ka hreh rúk chhan kha anni miau a; mahse, atu amah hmuh ka neilo ka lawm hle ani.



Kum chuang thawkdún ta chu boss nen pawh kan in fiam bawrh bawrh tawh. Sangi nen chhaih hi nuam kan ti thei hle a, kan in chhaih nasa thei khawpmai. " I hmel hi chu aṭha thláwt alawm i pa ropui si " Sangi fiamthu chu "Sangthlawn ngawi mai mai teh " tiin anui suk suk a.


" Kum 40 ti raw boss? Umm, ka duh tawk chiah "

" Nanga pawh chu, vawiin hi inva nghal dún ve "

Kan nui ta vek mai. " Ehe ilái lo ti raw? Ngati nge pá ka tihdán tak hian i awm thiam ṭhín?" Sangi'n atih chuan " Lalramsang nanga chaihlaih mai mai rual ka nih tawhloh hi " láwm tih hriat fe a achhan chuan kan hmai asen ṭawn tawh ang chu, kan nui nasa ém ani.



" Rúnmáwi innu nen khán in in break ti raw? Aṭha hetah nuthlawi tharlám Merry a awm hi " henu sawitur hriat zia hi. Aṭawngkam lah hi huat theih miahloh ani lehnghal a, ka tukfawk dawn emaw ni. " Ngawiteh boss te hi zawng kan chang teuhlo mai " amah en ngar chunga ka fiam chuan anui duh ṭhaklo lehnghal a Sangi nen kan nui sak sak mai.



Chuta ṭang chuan boss chuan minlo biak zauh zauh achíng ṭana, thu ho lam mai mai sawiin kan ti ti a, biak phei chu kan in be rei hran ngailo. " Naktuk chu enge maw Bazar ah min enpui ta che i hman angem " atih chuan " hmanloh na tur a awm hleinem kan kal dawn nia " tiin ka chhang a. Engthil tak lei ang maw.



A ṭhiannu birthday ni a apresent túr alo ni hmeichhe láwmzawng a hriatloh vanga min thlantir duh vang hi alo ni a, englam nge pék aduh tih ka zawh chuan " englam nge pe ila ṭha ang?" Tiin min záwtlet daih a akum te ka zawh leh te te hnu chuan " thawmhnaw lam aṭha lo'ng maw?" Ka ti a "aṭha tak ang tiraw?" Tiin thawmhnaw dáwr ah kan lút a min hak chhin tìr zél lehnghal a.



" Kan in tiat em ni?" Ka tih chuan " tiat lutuk tlat in hmel pawh an ang deuhreuh in ka hria " tiin nui suk suk a, ka en tawp anuih phei hi chuan ka lo lái ṭep zel. Cardigans puan ném deh nuam zet pahnih adesign hran ve ve asen leh apáwl ala a, ka in hmeh em em lehnghal a. Nakin ah ka in en ve ang, hák anuam emmai.



Ka chhuahpui man ah che tiin dawr thar nuamzet thawveng bawksi ah min chawlhpui a, an thilsiam pawh atunlai khawpmai Chicken Manchurian, Grilled chicken leh Sausage te kan ei nual mai ahming pawh ka hreséng tawh lo. Atui hlawm em em mai lehnghal a ka zawngchhang maithei ani. Kan hawtur kan ding tawh chu " Lianzual he nuthlawi váng hi maw min ṭhen a?" Ka hma a nula sambuang tháng chu ka lo hmulo ani.



Ahmelṭha in afel ka tihrúk nen tuna min ṭawngkhum dán leh min melh dan ah hi chuan ka lo hriatsual anih ka ring. " Lily hetah enge itih?" tiin boss chuan alo záwt a. Min ten hmél zet a min melh in " nuthlawi duhtáwk a mipa in asúlhnu ahnutchhiah na hi maw kei aia i thlan chu?" Aṭawng dan kher kher chu ka ngei takzet. " I ṭawngkam amawilo hle mai, hetiang nungchang hi khawi aṭanga i neih nge?" Boss chuan ati dam thluam a.



" Keimah minla en ngar tho ka bialpa hi lo hnaih tawhsuh nang.... " sawi zawm duhlo in ner sawk sawk in lehlam ahawi a. " Boss ka hawsan phawt ang che u " tiin ka kal hlawk hlawk a. " I ṭawngkam leh mizia hian minti thinrim hlemai " ti dút chuan minlo umzui a, ka ṭap lo chauh ani ka zak lutuk tlat. Ka kut ah min lo chelhdinga khawlai animai nen han thinrim chiam chi ani silo a mittui tling pam hian ka en a.



" A pawi ka ti hle mai, a aiawh in ngaihdam ka dil e " ati sup a, ani ka huat na chhan tur ngawt a awmlo, amah ka kalpui váng nimahse athiamloh aawmlo, ka bu nghat a. Awmrei tawhlo in kan haw ta nghál a, alo péngkawi nghe nghe ka nau in thingpui min lumsak a eirawng alo bawl mek nghe nghe. A hawdawn chuan " heihi i ta túr " tiin nichin dawra akawr lei asen záwk chu min pe a. " Ngati ngawt maw? I péktur ani lawm ni?" ka ti a. Khachu i ta tur hrim hrim a ka lei anih kha ti thum dút in akal chhuak a.



Lo hnial na hman emaw lawmthu sawi na hman pawh a awm eih hleinem mawle, ka kal chhuak ve vat a atlanchhuat dawn mek a, min lo hmuve vat in mit ti zím san in ngaihawm zet a min nuih suk in atlan chhuak ta nghal daih a, ava chimawm thiam tak. Ka hmai asa hat hat mai.Ka va zaklo tak ka ti rilru nauh nauh.


Akhát tawk in min lenkual pui loh leh thil tui deuh deuh min eipui ṭhín a, anuam thei khawpmai ka hmun ngaizat hmun fianrial ri bengcheng awm tam lohna ah min hruai ṭhin a anuam thei lutuk tlat.



Vawiin pawh Sangi nen kan office báng min kalpui leh a Sangi athawhlawk hlan chuan min en ngur in " Merry innei tawh mai ila " ati dút a afiamthu ve hi a, en lemlo chuan ka nuihsak a " i talbuai palh ang, ka neih che chuan ka ṭhen phal dawn silo che a " uang zet in French Fries hmawm thak paha ka tih chuan " ka mit ah min en la, chuthu chu min hrilh rawh " ati dút a, ka hawi chhuak dáwrh mai. Ngunthlúk fe in min lo en rún hi alo ni " han sawiṭha lehteh " tiin abeng alo dawh deuh a.



Sangi alo thleng hman hlauh ka lawm zia chu min ti diklo vek lek lek ani, Sangi ṭawng leh barh barh chu ka chhang zauh zauh na in boss erawh ka en duh teuhlo, kan ei kham chu kan haw nghal dial a Sangi achhuk hmasa lehdawn tih ka hriat erawh chuan ka zám ru takzet, min zawh nawn leh ka hlau ani, Sangi chhukhnu ah pawh engmah min sawipui lemlo a a fiamthu ka ring kha ka ringdik chiah anihhi.



Kan in ah thleng min thlah in alo pengkawi lemlo a " tihtur ka nei a ka kal záwk ange " tiin atlan liam a ka thlir pah reng,chhelo hi ti viau mah ila ngaihzáwn em em tumna ka nei hranlo. Zan ah whatsApp message alo ri ṭat a ka en chuan boss alo ni ka hawng vat a

* Dawra ka thu hrilh che kha lo ngaihtuah rawh aw *

Tih zawng hi ani

* pasal neih ka tum tawh mai mai lo *

Nuilem chu ka dah a

* Nia, tum duhsuh *

Tiin minlo chhang a

Ka chhanlet ve hma chuan

* Tum duhsuh, ka sawmna che hi pawm tawp mai rawh *

Ava chimawm thiam tak hepa hi.

* Life with you is so much better *

Tih alo thawn lehnghal zat, hepa hi azei ru zék dawn nihhi a, nia zeilo rualpawh ani tawh hleinem, nuilem ka va thawn ta ringawt a, a status ah lah chuan a message minlo thawn mi chiah* Life with you is so much better* tih chu ala hmang zui a ka en hmasa ber nghe nghe.



Thawpui ten group ah a status chu sreenshot in an fiam ta nak nak mai, achhang duh hlawm dér silo a, ka muthmun ah ka nui ka nui mai. Office kal pawh minti zak vek alawm mawle ka ṭi deuh dúk mai Ramsangi lah in " iva ngawichawi thar ve, ri ṭet ṭet a awm em?" Tiin min zawtsek a ahrethawi deuh emaw ni ka ti rum rum; mahse, asawirei peih tak tak lo.



Nikhat ka office báng chu tu emaw hian min kuai hersawk in min béng ta sawk mai, ka inring hmanlo nen ka pai nawk nawk tu emaw ka va ngheng rawk rawk lehnghal. Nang nuthlawi ve mai mai lehnghál tiin min rawn keh atum lehnghal boss bialnu hlui Lily ani tih ka hriat chuan ka sa ve phat " eng nge i hriat a kut min thlak ve ringawt nachhan?" Ka thinrim bawk nen ka aw asai dar dai mai.


" Hetiang hmeichia ini tih ka hriathnu phei hi chuan ka lo ṭhen che ka tihsual loh zia ka hre nawn " chu aw záwi fiah felfak chu boss ani chuan, ka nghen beh mek ani bawk. " Ka nupui hual hi vawikhat pawh ilo tibuai leh anih chuan hrerawh, ka ngawi mai mai tawh hauhlo ang " ti dút in min kalsawnpui a. " Lallianzual kei aiin ani kha maw i thlan dáwn ve mai mai che u hian " a au ring mai sia kawngkal ho in min enduh hlawm khawpmai.



A motor kanva thlen chuan Sangi alo awmve reng alo ni, " Lily chu ka rin a anglo khawpmai alo zak theilo hlemai, amizia alo thup thiam hle ka ti bawk " tiin minlo kuah a boss in engmah sawizui lo in min hawpui a Sangi adrop hnu ah kei min thlah veleh a, alungawi hmelloh hle ani biakṭhat ngam pawh anilo.



Kan thawhpui ten kan chanchin anlo hria ani ang chu akhát tawk in " engtik nge tih huk kan buatsaih dawn " an ti nitin ta mai, boss lah hian " in nghák rei tawhlo ang, kan inpeih ṭép " ati sam ét zel a. En pawh ka en ṭhangam ṭhak lo. " Palai ka tir dawn ania " tiin kan haw kawng chuan min hrilh sup, hepa hi " enge maw isawi le " tiin ka en ha a. " In ngaihzawn hmasak kher angai ka ti hranlo, bakah ka kum anaupang tawhlo hle bawk chuvang in innei tawh mai ang " ati leh dút a.



" Inneih hi holam takah i ngai lo ang chu tiraw? bakah, pasal neih leh hi ka tum lem tawhlo asin " tiin ka chhánga " min neihloh te chuan lentar mai ka hmabák dawn asin " nui huk huk a atih chuan ka chum a. " Ka hmangaih che Lalruatdik " tiin amotor ti ding chawt in min fawp a, ka chhanglet lo phal lo.


Rilru ah hlauhthawn rukna nei mahila ka sawiri duh lémlo, kei akara nuthlawi min la nei duh chu lawm hle tur ka ni; mahse, ka hun kaltawh hnu erawh tawn nawn leh ka hlau ru takzet. " Hlauthawng miahsuh aw ka kalsan ve ngái dawnlo che, kanin hmangaih na hi alaklawh ah tawpsan ka tum hauhlo hmangaihna tluantling leh rintlak ka hmuhtir ang che " ka rilru hria ni awm chuan min hrilh sup sup a.



Palai pawh chu asawi ang ngei chuan atir ta ngei a ka pa'n " ṭha iti a nangmah ber in i pawm phawt chuan kan pawmpui vek che " tiin min hrilh bawk. Palái vawihnihna kalleh tur in an in thlah a; mahse, kan rem dawn tih ka hria. Pasal avawi hnih nan ka nei leh dawn ani a ka tihsual nawn tawhloh hram ka beisei.



Bazar lam ah in enláwk ka duh avang in hmeichhe thil ka en a, ka dawr luhna ah chuan ka tumlo deuh ka hmu ta thut mai ka phu nasa lutuk tlat, Zualteii ani amah lah chuan min hmu chu mak ti hmel leh láwm hmel zet in min en in min pan hnai nghál ruak a. " Sente helam ah i awm ani maw? Kan ngai ṭhín hle mai che i dam ti raw?" Tiin min zawt a , ka damthu vel ka chhán chuan " hmun remchang ah inbe lawk ang hmiang i hman em?" Tiin min sawm a, keipawn ka hmanthu in ka chhang a, kan in zui phei a.



Ṭhutna kan remfel hnu ah min en vang vang in " kan ngái ṭhin hle mai che, kan chhungkaw ti ti ber ini ziah tih i hria em?" Tiin anui sanga, mahse lunghnur ru zet hian mittui atling deuh pam a. " Zualte indam tlang maw?" Tiin ka zawt a " aw, damtlang animai " nuilui sak in min chhang a, ka pasal neitur hi an hre ru anga, anlungawilo emaw ni aw ka ti ru hman a.


" Sente i hriatve hi ahun tawh ani " tiin amittui ahru zauh a, ka ngaih ati ṭhalo hle mai. " Engthil nge ka hriattur chu, sawivat teh " ka ti vat a, amittui tla erawh chuan chanchin ṭha lam min hrilh ka ringlo bur. " Ka u hi ania adamṭhalo takzet tawh ani " tiin aṭap ta hlap hlap a, engmah zawhbelh lemlo chuan ka en reng engtin nge Thlamuana chu alo awm ni.


A mittui hru hul thuak in, " heihi in in ṭhen chhan pawh kha ania, ka u khan khánghun lai khan hrilh che a phal miau lova, tun ah erawh i hriat aṭul ve tawh ani thudik tak atih zawm leh a, " Vellore ah in check up a ka u nen kan kal kha ila hria ang chu ti raw? Khatah khan Lung ṭhalo anei tih kan hrechhuak a, ahnu kar lawk ah Kál ṭhalo anei tih kan hreleh a, thlatin doctor in Dialisis tih angai tih asawi a, chubak ah alung kha alo ṭhalo hle tawh a, Doctor pawn natna akawp te a en in huntam aneihloh thu asawi a khata arilru mangan zia leh akehchhiat zia chu mipa meuh pawh kha insum zolo in amittui atla hial asin.



" Nangnen nunbul ṭan in nupa ah inin insiam chauh ani a, kum khat awrh chauh avei anga chuta athihsan tur che a nuthlawi pasal sún ini mai tur kha angaingam ngang lova harsa tak in aṭhen ta che anih kha, anatna avang in Mizoram ah pawh kan awm ngai meuhlo Vellore ah kan awm char char ani. Dialisis tih ringawt kha helam ah tithei mahse alunglam enkawl reng angaih avang in thlatin kal angai nen khulam ah kan awmchilh tawp mai ani. Tunah phei chuan avung nasa em em a, amit pawh ameng chhuak khát tawh khawpmai beiseiawm a awm tawh meuhlo " tiin aṭap ta hawm hawm mai a.



Engtin nge chutiang anih theih ahrisel ṭha viau khan ka hre si a, " ngati nge min hrilh mai loh ngati nge ka lakah in zép thudik hre tlák ah min ruat lo em ni?" Tiin mittui tla zawih zawih in ka en a " Sente apawi ani, ka u khan ka hrilh che kha aphal tlatlo ani, thudik i hriat hun ah chhuahsan in i ngaihthah dawn lo tih ahria hun harsa tamtak i tawn hnu ah he khawvel chhuahsan a akalsan hnu ah che nangmah chauh a in súlhnu i chhui tur kha angaingam ngang lo ani " tiin aṭap a keipawh ka báng biklo.



" I u chu hmuh ka duh, hetah a awm tiraw?" Tiin ka zawt a. Aw awm e, mahse hmu duhsuh i rilru iti na mai mai " ati na in ka in hruaitir ta tho. An in kum chuangfe ka mo na hmun ah chuan avawihnih nan ka lut lehta inléng anlo awm nak nak a, ka nu ka hmuh chuan minlo kuahvat in " Sente bawihte ilo kal maw? Tiin aṭap a keipawh ka ṭap leh.


Kan nupa room niṭhín ah chuan kan lut a kapa in alo ṭhutpui a min hmuh veleh " ilo kal maw " tiin aṭhutna aṭang in atho chhuak a. Thlamuana chu alo meng lova amuhil ani, ahmel chu amah ani tihpawh hriatloh khawp in adum a avûng nasa hle bawk. Hetiang tur hian ka chhuahsan hauhlo asin, nupui afa hrinsak tu tur nen a bulṭan tur in anih kha ka chhuahsan ni.



Akut ka vuan a ka rilru ti na zual tur ting in kan inneih zungbun chu alo la bun reng bawk. Chuthil ka hmu chuan ka rilru ati na zual sauh a hriat hlau lutuk in ka ṭap a akut chu ka hmui ah chuktuah in ka aw ka chhuahmai loh nan ka hmui ah ka nawr bet tlat bawk.Ka nu in ka dar ah kuah in minlo chul hauh hauh bawk engmah phei chu asawi biklo, an rilru erawh ana hle tih ka hria.



" Sente " thamṭuaka tiin Thlamuana alo meng a akut ka hmui a ka nawr beh chu ka biang ah sawn in achul dun dun a "i hmelṭha tak hi ka thih hma ngeia hmuhleh ka chák ṭhin zia i hria em? I hmel vawikhat chiah hmuhleh dil in Pathian hnen ah ṭawngṭaiin ka dil ṭhin, i hmelṭhat dan pawh ala ngaireng ka hmuh hmasak ber che a i hmel ang chiah khán " tiin ka hmai a chul a.


Ka ṭah chhuah mai loh nan ka hmui ka pet fan fan, ka mittui erawh ka dang zolo aluang zawih zawih. " Shihhh ṭap suh le, he i hmel ṭhatak ah hian i mittui luang hmuh ka duhlo, hmeichhe chaktak inih kha " ati sup a. " Ngati nge thudik min hrilhloh, ngati nge min ṭhen " tiin ka rilru a awm chu ka sawi chhuak phawng a. " Pasal inei tawh em? I pasal neilai hmel ka hmuhduh ania, ngati nge ineihvat loh?" Ati dam thluam lehnghal a.


" Thlamuan " tiin ka ṭah khum chiam a a awm ah min pawm bet in ka hnung achul a. Bawihte, ka bawihte ati lawi rut mai, hetianga i mittui far hi hmuh ka duh loh vang alawm kan in kar ka tihtawp, i ṭahreng chuan engtin nge ka kalsan theih ang che, ka thlarau pawn vakvai tak in khawvel achhuahsan thei ngai dawnlo asin, chuthil chu i duh lo ang tih ka hria.


Pathian hnen ah hian ka vui ṭhin, nangang hmeichhe pasal atana min siam hman kha ka vui fo ṭhin, i thinlung na taka ka hliamsak hnu ah che tihian ka tawpsan dawn che animai si a, Sente kei ang mipa min tawn avang in ka tihpalh aw, ka hmangaih che avang pawh hian ka tihpalh aw tiin amittui chu abek ah afar zawih a.


A awm ah bawkrawp in ka ṭap leh a ka bek ah minlo fawp vang vang a thaw la hawk in " tun ah chuan kan inneih zungbun pawh ka phelh thei tawh ang. Pasal neiin chhungkua ṭhatak dinla engtik lai pawn ka hmangaih na leh ka malsawmna in azui reng dawn che tih hria la, i mal ngai dawnlo " chau zet in ati sup sup a.



6 years later.

Tun ah chuan kum ruk zet aliam ta Thlamua'n min.kalsanna kum 5 zet aliam tawh a, keipawh min duh ang ngeiin pasal neiin chhungkua ka din tawh a, Thlamuana nen kan inneih laia fa pai thei hauhlo kha Lianzuala nen kan inneih hnu thla li na ah ka rai mai a, tun ah fapa pahnih lai kannei tawh ani.


Tun ah apathum na tur ka pai leh mek a thla li lái ani tawh. Ka hun hman mek ah ka hlim a ka pasal in min duat em em bawk. Kan fapa te pahnih an hlei em em mai a apa a awmloh cháng phei chuan kan in umkawi zawr zawr reng mai. Tun ah kan naute thla nga atling ṭan a naupai lianchi ka ni bawk nen ka hah thei khawpmai.


Ka pasal a hna ah kal tawh loin in ah min awmpui chawt a nitin hian Hmangaih te ni kan hmang ani ringawt, Lawmzuali awmpui kannei tho bawk a hna chawlh kher angailo ka tih chuan ka pasal hian aphal íkhaw lo mai. " Tluksual palh ahlauhawm lawmi chuan inchhung sekrek khawihse keiin naupang keh nang ka enkawl che u angai alawm " ati bur mai si.


Afapa te pahnih amah chhun em em te hi aduat em em a, an duh sawi hlek se tihsak loh anei ngailo, Tun ah pawh Tablet pali ngawt mai an ti chhe tawh. Adang alo hawnsak leh tho Ka hrilh peih tawhlo, " naupang iti sual vek ang naupang chu duat loh tur hmangaih tur " ka tih ve ngialpawn " suallo e nunchan an zir hunlai ani a, thinrim a ánkhum hian hlawkna a awmlo, an rilru kan ti hel zawk, henghun te chu areh ve leh mai " ati sam et zel.


" ka pum lo zut zauh in heipawh a u te ang bawk a ka duatsual tur " atih dut chuan ka melh rum vak a " khatia min melhrum chuan kan naute in itihdán azir ve palh ang " tiin anui suk suk duh chauh a. Ka tum bar chu ka hmui ah uar fe hian min fawp a, khum ah nupa nun ámzet dimdawi tak si in kan hmang a engkim hi a thar vek mai.



Nau veiin damdawiin khum ah thlan tla hluam in ka mu a, ka vei rei thei bawk nen en ka hrehawm thei ngawt ang chu. Atuk zing dar khat ah fapa apa ang zet apathum nan ka hring leh a, apa alawm leh viau ang chu keipawh ka lawm tho; mahse, kei min chhhuna nei eih lova apa an chhun faivek ṭhin erawh ka rilru ana ṭep zel.


Ka in hliam nasa bawk nen ka harh chhuak lawklo a, atuk zan ah damdawiin ah chianglo ruai in ka harh a ka bul ah ka pasal ka kut vuan in aṭhu tih ka hrethei. " Hetiang em em a nau hrin aharsat ṭhin chu azia vaklo, remchang hmasa ber ah in siam nghal ila aṭha ang " ati bul bul a, ka hmui ah lo fawp zauh in harh tawh teh Bawihte ka ngai tawh che ania, i mitmeng mawizet hmuchák hian ka thi thei mai dawn, ka ngai che ka hmangaih. Kan fapa te pathuam pawn an ngai tawh che. Hetianga i awmleh dawn ai chuan nau pawh ka paitir tawh lo ang che. I dinhmun derthawng takah ka dah thei lo vang ati sup sup mai.


"Ka fapate pathum nú, fapa hmelṭha tak tak min hrinsak avang in ka lawm e " tiin ka hmui ah min fawp a ti zahthlak thei e Nurse duty an awm reng sia ka zak tih ahmuh chuan nui suk suk kan fapa hnute ka pék mek chu alo en a " hnute aheh dawn hle mai " tiin nui leh a avan hmelṭha tak.


Ka pasal in duhtak in kan fa pathum na ah Johny Lawmsanga tiin ahming aphuah saka aṭahbelh eihlo bawk apa nen an in awi deuh reng mai. Pa hmangaihna dawng thei a fa ka hring hi ka vannei takzet, he khawvel ah pa hmangaihna dawng velo naupang engzat nge awm ang? Amit meng thuk ruih a afapa te ahmangaih zia hmuthiamtu tan chuan en reng loh phal chi anilo


" Bawihte nau hrin i harsat thei si a insiam mai ang hmiang " ati dút a, ka duh bik teuhlo mai. " Chutiang angai kher hleinem fanu pawh kanla nei hleinem ka tih chuan nau paitir leh che ka hreh ani, na ti taka i vial ngawih ngawih ka hmuh che phei chuan ka thluak hi anu vek zel engthil mah ka ngaihtuah theilo ṭhín " tiin Johny-a chu aawi leh a



" Ka hmangaih che " ka tisep chu lo hawi in min pan hnai vut a, min fawp chawt in ka " hmangaih che Bawite, ka hmangaih kumkhua tur te u " tiin min fawp leh a ka pasal tawn ah hian ka luangliam a ka luangliam nawn zel dawn anihhi.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)