I LOVE YOU MORE

Story tawi te te emaw luanliamna emaw post na
Sandy sweet
Posts: 95
Joined: June 11th, 2021, 10:34 pm

I LOVE YOU MORE

Unread post by Sandy sweet » July 25th, 2021, 4:33 pm

PART-IV


" Ka pu i fanu hi nupuiah min neih tir rawh, " Titu chu ka haw so bawrh bawrh , engtin nge khatiang thil kha a sawi theih zawk inhrechiang viau pawh kan ni si lo sia , a zakthei lo hle mai , pasal neih hi ka hobby a ni ve lo , nupui type ang pawh ka ni chuang hek lo , ka pa chu awm lo se kick bag ah ka hmang chiang teh ang chu.


Ka melh rawm rawmna chu haiderin , " Ka pa paw'n nupui nei turin min duh tawha ka ute lahin fapa an nei si loa , tupa hmel hmuh hlan an nghakhlel ve tawh lutuk a , i remtih phawt chuan ka nupui ni turin ka duh a ni , thu tamtak ka tiam thei lo che mahse min neihtir a nih phawt chuan duat takin ka enkawl anga fa tamtak kan nei bawk ang , " Ka en reng a , zam
awm ang paw'n a lang lo . A thusawi tawp lam chu a awmang lo hle mai , a thu tiam chu fa tamtak neih maw? Thil dang tiam turte a hre hlawl lo nge a a chhah ve hrim hrim zawk?


Ka pa chu nui hak hakin , " I thu tiam chu ka duh hle mai , ka fanu ve tehlul hi enge i duh chhan tal chu han sawi ve hrim hrim la mawle , nupui a neih i duh hial mai chu chhan tha tak a awm ka ring tlat , " Tiin a fiam zeuh a , eng tak chu sawi ang maw , a a lellul sia thil ni lo deuh a sawi leh vaih chuan ka pa awmlai pawh ni rawh sek sek ka kek bulawp tho ang .


" A......amah hi ka duh ve tawp a ,chhan tha tak a awm kher ngai in ka hre lo, " A chhan dan teh tawp chu , chhan tha deuh a sawi dawn emaw tih lai lai a , hepa hian min fiam kual vel hi nuam a ti ve hrim hrim kan inhmuh tirh a tang reng khan.



Ka pa lah chu a khi vur vur a , ngaisan hmel deuh hian Ben-a chu a en bawka , ka pa'n chuti taka a titi pui thei chu mak ka ti zawk , min hauh hrep ka rin vei nen, ka thil rin hi a dik thei ngai reng reng lo mai .


"Aw... a nih tak chu ! Ka zawt lui lo ang che , thuruk te hi neih ve ngai a nia , a chhan a awm emaw awm lo emaw pawh nise i duh hrim hrim tih chu a chiang mai e , a thu hrimah eng chin nge in thlen tawh tih tal chu han sawi la , " Ka pa hian a bawl deuhin ka hria . A zawhna mai mai pawh chu a ti awm ang lo mang e!


" A ...... Ka pu kan thleng thui tawh khawp mai! Nula leh tlangval inkara thleng tur ang zawng zawng hi chu a thleng vek tawh ! " Mai mai a!


A chhah leh lutuk mai ! Ka ngaihdan pel lutuk chu kal phei lawkin , a samah ka tham nawk nawka a dawh mawl tawp , ka pa zawk chuan , " Amak thin ! Insum rawh hmeichhia zawk i nih kha , " Tiin min pawt leng lawp a , ka thinrim lutuk chu ka per tan tan a , "ka pa chu awm lo se i na ngawt ang , " Tiin ka room ah ka chho nal nal a. Ka hmuh chuan ka thinrim lutuk chu ka puakkeh mai dawn in ka hria , ka pa hmuh a ka insual pui loh nan ka inthiar fihlim a ngai.


Chhuk duh tawh lo in ka room ah ka inkhung tlat a , a la hnawk em em zui , eng thil mah tih ka peih loh vei nen , phun nuah nuah chung chuan ka boots duh ber chhuata let hlawm tawp chu ka chhuih leng dawra , tlan vatin ka pawm bet a , " Awi ! Chhe miah suh anih loh chuan ka paih che ni mai! " Ka ti mawlh mawlh a , ka en chian chuan a hmawr chu a lo khawk tawh , ka ui zia chu ka unaunu uite thi ngawt ai chuan a letin ka ui fe zawk , ka tap lo chauh a ni.

Kha hmelchhe zawrkawi Ebenezar Khawlchhia-a vang vek kha , a chak lo teh ang chu , ka hmuh leh hun chuan ka hnek dawn khawp mai mai sala!

•••••••


A tlai deuh tawh a , vawiin atan chuan chaw
nghei a,in hnuai a chhuk loh ka tum zet na in ka pum chu a ri kur kur a , ka riltam lutuk chu ka chil a rial a , ka tuar thei dawn ngang a ka hriat loh avangin dim thei ang ber chuan in hnuiah kun chungin ka chhuk them them a , ka hawi kual zung zung chuan tumah ka hmu lo.



Ka pa a leng a nih ringin ka ding ngil sauh sauh a , zai rat rat chungin inla thawveng tawk chuan choka lam ka pan a , ka thlen hma deuh chuan ka pa ka hma a lo ding reng ka hmu thut a zuang zawkin , " Awi ! Ka nu , ka pa , ka pi , ka pu , " Tiin ka rak chiam a , ka pa chuan min kuk fawkin .


" Nangnu hi chu hrem deuh i ngai ni , i luhlul si , i sual si , i hmelte hi ka fanu pawh ni mahla ka fak peih thlawt lo , engtin nge ani ang mipa khan a duh theih che ni ? " A ti lung lung nghal a .




Ka ngaihdan pel lutuk chu ka insum peih bik
lo, "Pa ,........... Zodinpuiipa min fak lo mah la min duhtu chuan min duh tho ang ,lungngai mah ta che i fanu hi ka luck teh a nia , kawm thlangte ek in kawngah pawh min duh tu an in tlar dul khu , " Ti vakin ka then thaw a , a awih lo hmel tak hi nia hmuh nuam .


Ka zai lai chu chhunzawm in choka lamah ka luhsan daih a , a key lah chu ka bo daih leh nghal , awi! A key chauh pawh ni lo in a hla thu thleng in ka bo daih , ' kar mah hla se , aw di hlui aw di hlui , ka hmangaih che , a inpawlh vek mai . Lalnunsanga hla vek a lo ni bawk nen eng ber kha nge ka sak lai ka hre tawh lo , ka pa vang vek , zai thei a ka awm chhung hi chuan ka damtha tihna a nia lawm viau tur a nia sin . Mai mai ! Min hau reng ringawt a , ka la tlanbo tak tak ang.


, " Zodinsangipa ni loin Zodinpuiipa a lawm a nih , a duh duh sawi rawh se , ka tha fe zawk , ka awm loh vaih chuan min ngai ngawt ang , " Tia phun nuah nuah chung chuan ka ei tur chu ka siam mawlh mawlh a . Chawhmeh ka en chuan dal , alu , mai leh chaw a kim vek isikut chiah a awm lo , sipai ang mai kan eitur ho hi , dailuah eng tuk ni reng reng mai. Ka hne pizza ka order daih mai dawn mawni mahse pawisa ka nei daih lo ka pa'n party naa ka kal a hriat chhuah avangin ka ac a block vek bawk si , ka hne lutuk.Thil tui deuh ka ei chak sin le.


Tum bura ka thut lai chuan ka pa chu lo lutin , " I thil ei te reng reng hi insum ve deuh thin teh tuman mo atan an it tawp lovang che , hmeichhe awm hian awm ve teh , " A tih chuan , nur nanga en in , " Pa ,.... Zodinpuiipa, ka hria e , thil eina hun tal chu min pe ve la , tu mo mah nih ka chak bik lo e , a hrim hrim in sipai pawh ka ni lo a , dailuah eng tuk kan hmeh reng te hi ka hne ,chawhmeh tui deuh ka ei ve chak tho , " Ka ti let tan tan a.



Min en run run in , " I duh khawp kha ,i thleng
vum thur in i suak tho lawm . "


" Eitur dang awm hek lo , " Ka ka ah chuan ka thil ei chu hnawh teuh a , thial pah nuap nuap chung chuan , " Naktukah pizza ka order dawn , pawisa min pe , " Ka ti leh a .


" A tul lo ang , chutiang mai mai ei nan pawisa ka nei lo , " A hmel chu ka en thuai a , putar rethei a nih hmel loh mahse tinge a kawm em em a?

" I kawm em mai , Dominos-ah ka chah tho ang . "

" Pawisa i neih te chuan chah la . "


" Min pek sak dawn tih ka hria lawm, " Ka nuih tlawn a .

" Ka awm dawn lo . "


" Enge i tih dawn ? "


Ka zawhna chu chhang lo in , "Pasal i nei vat ang , Ben-a chhungte an lo kal dawn , ei vat rawh , i balh si , i remte kha nula pawh i ang lo. " Tiin rimchhia min tih hmel takin a ner vak a.


" Enge an lo tih dawn ? " Ka ti hu thung a.

" An mo atan i tlak em an lo en dawn che , "Mai mai chuan !

" Kal lo ang an mo nih ka duh lo bakah en tur pawh ka ni bawk hek lo . "


" An lo kal diam tawh. "


" Pa hmanlai pawh a nih tawh loh hi a thu hrimah ran pawh ka ni lo , " Ka vin tawh kher mai.


" I ni tu ma'n an ti lo, " Min tih el nge min vau zawk , a vin duh thak lo leh nghal a.

" Ka rem tihna tello chuan thu tlukna i siam thei lo , police bulah ka report che a ni mai, " Ka vau ve tak na a , ka pa a ni miau a awm zia a awm chuang lo ang . Chauh thuba rawh tawngkam mai a ni.




" Ka thei nge thei lo kan hria ang chu , "Tiin intih theih hmel takin a kal daih a nih chu ka pa hi a tar tawh lutuk a , alzheimer natna te hi a nei a ni hial lo maw ? Min pum hralh a tum tak mai , ka duh teuh lo mai ka tang tlat tho ang .

Ka chaw ei chu a tui loh phah chuang lo ,nidanga ka ei dan ngai reng in ka ei tho ..

Ka kham hma deuh chuan kan in kawngka chu a lo ri tleng tleng a , tawng bul bul thawm ka hre zawm nghal zat a , an lo thleng a ni ngei ang an va in daih zai ve , keipawh hi ka muang ve hrim hrim an lo thlen hma a chhoh hman ka tum vei nen .

Hmanhmawh takin ka bar sawk sawk a ,ka ka a ka thil ei ka hmuam tun tun lai chuan Ubawihi chu a lo pen luta , " Kan lo leng ve rawih mai , i remtihna pawh la hmasa lo in , kan phur tlang hlawm lutuk a , " Inthla hrun hmel takin a ti a . A nui zui suk bawk a.

"A pawi lo , " Ka tih chuan , " Ei zo phawt rawh , ka van ti awm ang lo tak , " Tiin a chhuak lehnghal a .

Ubawihi chhuah hnu chuan kham ve nghalin Ka eina vel chu ka seng fel zung zung a , ka thawmhnaw ka en chuan ka inchhuang viau lo khawp mai , vai pawnfen fual ang kha ka feng a , ka kawr hak lah chu lian hnep hnup tak a ni , ka lu ka la su lo zui , a bal viau ngei ang , ka sam chu ka tuai mam thuak thuak a , thut khawmna lam ka pan hma chuan ka inthlek leh te te phawt a , a...... ka lungawi thei mawlh lo bawikhat in hmuhna a hetia min hmu tur chu , tawp min ti ngawt ang .ka pa pawh hi min hrilh lawk ve reng reng tur hi nia .




Thutkhawmna lama ka phei chuan Ben'an min lo hui zeuha nui lui sangin ka pan phei a , ka thut hnaih duh lo , ka bulah chuan amah zawk chu a lo insawn leh ta nghal a , " Ka la inbual lo a nia , min lo hnaih viau suh , " Zawite in ka ti a , a nui chhuak huk a , min lo la en deuh thap leh nghal a .Nuih zatthlak eng mah ka sawi tawp si lo a , nui peih leh lutuk mai . Kim lohna a nei a nih chian hi.

A chhungte hmel leh inchei dan chu ngun takin ka en a , amah ang lo takin an zahawm khup a an chhungkaw chanchin an sawi chuan ngun takin ka lo ngaihthla a, an sawi hmangah chuan an mahni en chung chuan ka lo suangtuah nghal zel a. U Bawhi pasal chu Ben-a u chiah a ni a , a hmel chu pa tak niin a lang zahawm hliah hliah bawk , a hawiher hrim hrim chu a zang vah a , tuma'n an vawikhat hmuhna ah pawh an zuam ngawt ngamin ka ring lo .Ubawihi nen hian an inneihna a rei tawh a. An tleirawl chhuah hlim deuh a innei anni awm e. An nupa a ka hmuh dun chuan ka awt ve hial mai. An inhmangaih hmel in an induh tawn hmel hliah hliah.


An upa ber chu hmeichhia niin pasal a la nei lo a , phaiah sumdawnna a neih avangin a awm daih bawk , Ubawihi te nupa leh an pa ber chu in a awm an ni mai a , Ubawihite chuan fanu pahnih an nei a hostel-ah an awm thung a .


A unaupa nen chuan inang viau mahse an mizia chu a inang lo hul hual , Ben-a hi chu a inchei dan hrim hrim ah hian a lang zahawm lo nghal ringawt tawh ..

Apa ka en chuan kawng tam takah an chhun ve ve in ka hria , a tlangval lai chu ni tase an pa ber chu an pathum zing ah chuan ka thlang zawk mai thei ni , a lang upa ve tawh chung pawh in afate chuan an la tluk chuang lo , a la lang pa in a inchei dan pawh chu ka duh chi tak a ni .


An titi na bulah chuan kan thu ngawi reng a , kan chhungkaw chungchang leh kan pahnih chungchang chu an sawi ber ,an lo len chhan a
ni miau a. Ka pa chuan ka mizia tlangpui chu zep awm miah lo in a sawi hmiah hmiah a ,hmai a uang lo duh teh a sin.

Ben-a chu neih tum kher lo mah ila min lo hmuh dan tur chu ka ngaihtuah lo thei lo a ,a ruk chuan ka zak ve chem chem mai.


Ka pa'n thingpui lum tura min tih chuan tho vatin choka lam ka pan nghal a ,ka thaw huai bawk keimah a awm chu ka thil chak tak a lo ni vei bawk nen mahse keimahin ka awm rei hman lo , Ubawihi leh Ben-a chuan , " Kan lo inthiar fihlim , " Tiin nuisangin an lo lut dun a . Ka rilru in lungawi lo viau mah ila U Bawihi ka hmaizah avangin eng mah ka sawi chhuak lo thung.


Ka thingpui chhuan a so hma chuan Ben-a u chu a lo lut ve a , Ubawihi bulah chuan thu ve in a kutah a chelh a , kan thusawi chu ngawi rengin a lo ngaithla ve a , awi ! A nupui a duat hmel zia chu ka van thik tak .


An pahniha ka en reng lai chuan , " Ka nupui nih vat i duh em?" Tiin ka darah Ben-a chuan min lo kuah a , melh rawm rawmin min kuahna chu ka thing thla a , " Ka duh bawk lo , " Tiin ka tho thut a , Ubawihi te nupa chuan min lo en vat a , ka inthiam lo leh deuh , a chhungte bulah tal hi chuan zah der ve tur a nia ka ti mah mah a ni.


Tih ngaihna ka hriat mai loh avang chuan , " Thingpui a so tlat mai ," Tiin thuk awmna lam chu ka pan nghal daih a .


Ka thingpui lum chu ka chawi chhuak a , a tui pawh ka rin loh laiin min fak sak tho.An rilru a zau hmel an chhungkua hi. Choka a chet hrim
hrim hi ka zei viau lo a ,tunah pawh hian ka inchhuang viau lo mahse ka lawm ve chuan ka hria an mi fak der na ah chuan , ka va nung ho reuh tak.


••••••

An haw dawn chuan an pa ber chuan , " Zote , ka fapa nupui i ni tur chu ka lawm hle mai , ka hmuh che hian hmanlai minti hrechhuak a ni , " Ka pa lam chu hawiin , " A nu ang mai a hmeltha a ni , " Tiin a nui sang a . Thil hlui a ngaihtuah chhuak a ni ngei ang a lunglen hmel ka ti.


"Ka lawm e , " Tiin ka nuihlet ve sang a , an chhuah hnu chuan ka thawveng huai thei , an monu nih tum lo mah ila ka pa thianpa a nihna angin tha taka be tur ka ni .


Ka pa chuan , " Tha tak in awm la chhungkaw tha tak an nia inin mil phian ang , " A ti a . Kei lah pekin , " Min mil mahse an monu nih ka tum lo , a mualpho thlak mai mai , " Tiin ka chhang hlau sia , chek tlak tlak chungin a room ah a lut daih. A beidawng nge i nei tho tho ang a ti a hmelah khan ka hrethiam lo .


Eng pawh nise ka muttui loh phah lo a , ka chaw ei ngai rengin ka ei thei leh tho . A ho em mai , pasal neih ka tum lo hulhual.
Min vau mahse ka engah a thawk lo.

•••••••

Tunah chuan thla thum lai a liam leh ta Ben-a a chhungte an lo len atang khan , min monu cheibawl nghal em em chu ka ngaithei mang der lo , an tihpui nikhua leh an chhungkaw chaw ei khawm tih ang reng ah te hian min sawm fo va , ka pa hmai ka zah avang chauh a kal ve mai ka ni .


Nuam ka ti hlawl lo , an hausa lutuk te chu kan inmil theiin ka hre lo bawk an in te chu pui tak a ni , an chei dan te chu a nalhin ka favourite ngainat zawng tak a ni bawk mahse ka kal a piang in ka awm a nuam thei ngai lo thung , Rangkachak in a awm a hlim lo deuh nih ai chuan bawk te a awm a hlim ka thlang zawk.


Ka ler ve hrim hrim avang hian bialpa pawh pahnih lai ka nei leh hman tawh chuti chung chuan Ben-a chuan lo len a thulh chuang lo a , ka bialpa te an lo len pawh in , " Ka cousin a nih hi , " Tiin ka inhmelhriat tir mai zel a , eng mah a sawi ngai chuang lo , " A cousin ka ni lo , "Pawh Ati bik chuang hlei lo a bakah thinrimin chhang chiam pawh tum se kan in karah engmah a awm lo miau a , thinrim thei dinhmunah a ding tlat lo reng a ni.


A hrim hrim in a kim lo ka tih thin kha tak tak a nih ka ring ,nupui atan min duha mahse a bialnu ni turin min sawm ngai miah lo , ka duh che tih emaw ka hmangaih che tih vel pawh a sawi ngai chuang lo , min biak pawh in pangai takin min bia a , ka pa nen te an titi leh mai mai zel ka inleng te chungchang pawh min zawt lem hlei lo a , min fiam kual mai mai a nih ka ring nghet bur tawh zawk.


Min duh tak tak tase chu min bem ve tal ang , A...... Keipawh ka a tho alak atang hian enge maw ka lo beisei ni .




Zantin a hun ngaiah lo len a thulh ngai chuang lo a , ka bialpa hmasa zawk phei kha chuan min ringhlel a kan intheh phah reng a mahse engtin mah ka awm lo ka duh tak tak vanga ngaizawng pawh ka ni lo a , hei tunah pawh bialpa thar ka nei leh daih tawh hi.


Tun ami pawh hi ka duh tak tak vanga ngaizawng pawh ka ni leh chuang lo , Ben-a hnar nana nei ve mai mai ka ni , ka nunah hian mipa hian hmun an chang thuk ngai lo hrim hrim , pasal neih pawh hi ka tum ngai hek lo , bialpa thlakhat dan deuh thawah nei mah ila tuman ka thinlung an hneh ngai lo hrim hrim a vei zui pawh ka nei ngai hek lo .



Ben-a hian ka rilru a luah ve ber a mahse ka ngei lak lawh tlat a ,min bem bik lo a , keiin tih hmasak ka tum bik hek lo.

A thu hrimah eng emaw kawng zawng talin kan inmil lo in ka hria a , a nih loh vek pawh in buaina nasa takin min hmuakin ka hre thin .


•••••••••


Inrinni a nih avangin thawmhnaw ka su mawlh mawlh a , machine a nuai satliah ka duh loh avang chuan ka kut chuan thenkhat chu ka nuai a , ka phone machine chunga ka dah chu a lo ri tuar a , ka phu zawk lehnghal .


Ka lak chuan ka unaunu a lo nia , ka beng leh ka dar inkarah chuan dahin ka dar chuan ka chepbet a , ka chhang zui nghal a , insu pah mawlh mawlh chung chuan a thusawi chu ka ngaithlaa , " Thu lawmawm deuh hrilh tur che ka nei a nia , " A tih chuan rin dan pawh ka thiam lo .

" Eng thil nge ni a ? "Ka ti thuai a .


" Awi ! Ka sawi zak ve deuh , " A tih chuan ho hi ka lo ti khawp a , "Engmah zah thlak a awm lo , sawi mai mai teh , ka bula i zah chuan khawvela mi zakzum berah ka puang ang che, " Tiin ka chhanglet a .


Nui hakin , " Ka rai a , thla hnih lai a ni tawh . " A tawp lamah chuan a zak hle ni tur a ni mawi lo tawkin a aw a kir . Ho e pasal nei tawh a nia rai ve bawk ang chu an pa lah Buddish puithiam ni nghal lo chuan.

A zak lutuk tur tih ziaawm nan chuan nui chungin , " Ehe ! Va lawmawm ve , eng tin nge ka awm ang , " Tiin ka ding zawk a , " I duh duh , " A tih lai mek chuan ka phone chu ka kutin ka chelh lo bawk nen ka insukna tuiah chuan a tla daih a nih chu ............. Awi! Ka ui lutuk ringawt !




Cont...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)