THE ELIAZ CASE

Story tawi te te emaw luanliamna emaw post na
Sandy sweet
Posts: 95
Joined: June 11th, 2021, 10:34 pm

THE ELIAZ CASE

Unread post by Sandy sweet » July 26th, 2021, 8:14 pm

[̲̅T][̲̅H][̲̅E]

[̲̅E][̲̅L][̲̅I][̲̅A][̲̅Z]

[̲̅C][̲̅A][̲̅S][̲̅E]




Ka phone ri tleng tlengah chuan ka harh zawk a ,mittui lai laia min lo call tu chu tu pawh ni rawh se ,ka vin loh chuan a mak ngawt ang .


En lem lo chuan , " HELLOOO!!, " ka ti vak a , leh lam ami chuan , " Nula ve si thinchhe lutuk mai i leng tar chiang ngawt ang , " A tih chuan tu nge tih ka hriat chian em avangin , ka off hmak a ka inkhuh leh daih a.


Ka phone chu a lo ri leh a , ka tho chhuak peih tawh si lo , lo swich off hmak ila tha tur hi nia , a rik tak mawlh mawlh ah chuan la in , " Thu pawimawh tawp khawk i sawi a nih loh chuan ka lo kal anga punching bag ah ka hmang ang che ! , " Tiin ka vin vak a .


Leh lam ami chuan , " Accident a thlenga i puihna ka mamawh , " Tiin min chhanglet a , ka hmuh hun chuan ka hnek loh takah , police pawh ka ni lo a Ukil satliah ve mai ka nia , case thar a awm apianga min lo pur buai ve ziah mai chu ka ning hle mai.


" I assistant ka ni lo , muttui lai lai a , " Tiin ka phone chu off zui leh mai ka tum a , " I u case nen a in ang , " A tih chuan ka phawk hle a , sawi mai tur ka hre lo , hun kal tawh chu ka mitthlaah a lo lang zut zut a , ka mittui chu a hnam sawk a .


" Khawi hmunah nge? " Ka ti tial ruai a .


" Khatla bungkawn ah , " A tih chuan ka awih thei lo zawk .


" Aw le , ka hrethiam e , ka lo kal ve nghal ang , " Tiin phone chu ka off zui a .



#####Flash back##

Kum sawm liam ta kha ka mitthla ah a lo lang zut zut a , khatih lai khan nula la naupang tak harh vang tak ka ni thin , u hmeichhia ka nei a , ka u nen chuan kan inkawm ngeih hle bawk , unau hi pahnih chiah kan nih avangin pasal min neihsan chuan ka ngai thei hle a , a tir chuan ka be duh lo hial reng a ni .

Mahse nau te a han pai chhoh takah chuan nutei ka ni tur chu ka phur leh em em si a , an in ah chuan nitin in ka kal thin a , a pasal chhungten min ning a ngem tih pawh ngaihtuah lem loin .

Khatih lai khan BSc. Nursing ka zir mek a kum Sawmhnih chiah ka la ni bawk , Eliazer-a nen kan in ngaihzawn lai kha a ni nghe nghe a , ka nuna ka hlim ber lai a ni hialin ka ring .


Nikhat chu ka u leh Eliazer-a chu inhmelhriat se ka duh avangin ka u te in lamah chuan ka hruai a , kan thlen hma chuan ka u chu phone in min hmuak turin ka ti tlat a , a nawmsam loh thu a sawi pawh chuan ti tau derin , " Thil pawimawh lutuk hrilh tur che ka nei a , i lo kal lo anih chuan ka haw leh daih ang , " Ka tih khum a , a tawp ah chuan a lo kal tur thu chu a sawi a , nui ver verin kan dah ta a.


Reilo te ah ka u chu a lo lang thuai a , ka pan hnai mai duh lo surpise ka duh avang chuan , a ban lo vaiin kawng a lo cross a ,traffic point bul a thlen hma chuan bike hi chak tak maiin a lo tlan thut a , "U, " Tiin ka au tuar a , a hawi let chuan a ri bur a , ka u chu leiah a tlu hnawk a , keipawh ka che mai thei lo ,enge maw min mawlh tlattu hi a awm . Eliazer-a zawk chu tlan vatin ka u chu ava bawisawm nghal a , mipui pawh chu an lo pungkhawm ve nghal sap sap a .


Zawi tete in ka pen chhet chhet a , ka u bul ka thlen chuan ka u chu thisen in a lo bual hnuang tawh a, a ke lam ah chuan thisen chuan a chiah piah nuai a , ka hamhaih lutuk chu tih hmasak
ber tur pawh ka hre lo , thil thleng mek chu ka mang hriat ruai vek a , min thawn lutuk vang chu nge ka ding khawng reng ringawt.



Ka u chuan thei leh thei lo in min en a , " Ka naute hi , " Tiin a kut chuan min lo ban a , ka mittui chu far zung zungin , " U , " Ka ti khur dar dar a .


Damdawi in lam pana kan kal chuan medical staff ho muang lutuk chu ka thin a rim hlur mai , Aizawl hospital kan thlen hma deuh chuan a thawk a buai thut a , an buaipui nghal zung zung a ,kan thlen meuh chuan a chat fel der tawh .


Ka mittui chu a far zung zung a , ka tap chhuak lawk thei lo Eliazer-a chuan ka kutah chelin min kuah tlawk tlawk a , ka chhungte chu eng tin nge an lo thlen theih pawh ka hre lo , Eliazer-an a hrilh hlawm pawh a ni mahna .



Ka nu a tah chuan mahni inthiam loh na in ka khat a , ka u pasal Udina a ka hmuh leh lek phei chuan ka tawt lutuk hi awm ngaihna ka hre lo hial .


Ka nu'n , " Bawihte , " Tia a chul hliam hliam ka hmuh phei chuan dam ve zel chu a sawtna a awm in ka hre lo hial , " lo ko chhuak lo in pan ta ila hetiang thil hi a thleng awm si lo a , engkim hi ka thiam loh vek a ni , "kal hrang in a chhawng chung berah chuan ka chho a , vawn chhan an siam ah chuan chelhin ka mit ka chhing vang vang a , " Naute ka neih hunah chuan a hming i phuah dawn nia , " Ka u in a tih laia kan hlim dun zia kha , a nui ver ver
hmel chu ka mitthlaah a lo lang zut zut a, tunah chuan an pahnihin an awm ve tawh si lo , kan hlim lai ni te chu koh kir theih a ni tawh si lo.



" U , ka lo kal , " Tiin lawn kai ka tum lai tak chuan ka hnung lam atang min pawm thut a , "min thlah rawh , " Tiin ka rak tuar tuar a .


" I zuangthla dawn lo tih ka chian hma chuan ka thlah lo ang che . "

Tal vak vakin , " Thih hi ka phu a ni , min thih tir zawk mai rawh , " Tiin ka rak leh tuar a .


" Thi ta la i chhungte hi eng tin nge an awm ang , nang bak an nei tawh lo che a sin , an rilru nat dan tur te ngaihtuah ve la , " Tiin a nghet thei ang ber chuan min kuah a .


"Min thlah mai rawh , thih hi ka phu tawk chiah ni , " Tiin ka tap khur tlawk tlawk a , " Zonun ..... Ka hmangaih che a sin ,....kei hi .... Kei hi..... min ngaihtuah ve miah lo em ni? " Tiin min kuahna chu zawi zawiin a thlah a , keipawh leiah ka thu hnawk a .


••••••
Ka u boralna chuan kan chhungkua ah nghawng thui tak a nei a , ka nu chu a tap reng a , taksa chak loh vangin hospitalah pawh a awm ngun viau bawk.


An fanu hming koh a ni a ka nu'n a hmangaih zia ka hria , amah su tu kha drugs addict a ni a , ka u a sut pawh khan a rui hle nghe nghe a nih kha mahse ani pawh a ke dinglam a tliak ve tho a , jail ah pawh awm loin hospitalah a awm ve nghal a .


Hmu tura kan kal chuan ben hrep ka chak a , a sam leh a inchei dan zawng zawng te nen chuan ka ngei hluah hluah a ni mai , kal lawka sawisak mai ka duh hman hial .


Ka pa chuan pan hnaiin a be siam siam a , a khawngaih nge a lu chunga kut nghatin a tawngtaisak daih a nih chu , ka thinrim lutuk chu thawk la kawkin pawnah ka chhuahsan daih a .


Ka chhungte leh ka u pasal chhungte an inrawn khawm chuan ngaihdam mai thain an hria a , an thuthlukna an sawi chuan ka insum thei tawh lo , " Pa ....... Ka zah lutuk che mahse ....mahse
he thil ah kher hi chuan in thuthlukna ka pawm thei lo a ni , khawngaihin ngaihtuah tha leh rawh u , " Ka tichhuak ta tawp a.

Ka nu chuan , " Puii i u a lo kir tawh dawn lo eng tik ah mah ! " Tiin a tap chhuak hawk a , " Nu chuvang tak chuan a lawm ngaihdam ka duh loh a phu tawk hremna a hmu ngei tur a ni , " Tiin ka chhanglet a .

Ka pa chuan min lo pan hnaiin , " Duatpui , tikhan awm lo teh ! Kan vaiin kan tuar vek a, i u kha kan hmangaih vek bawk mahse ani khan hremna hmu ta se kan rilru a dam phah a ngem? Ani khan a vanglai hun tha zawng zawng jail ah a hman a ngai dawn a sin , " A thusawi lai chu pawt chatin , " Pa inhrethiam lo a ni , "tiin ka tap chhuak hawk a .


Ka pa chuan min kuah in , " Duatpui , atan khan kan tawngtai tur a ni zawk dawn lawm ni? A tum reng vang a ni bik lo a , tawh sual kan tawk palh a nih hi , " Tia min hrilh chuan , " Ka u a nia sin thi kha ! kawmthlangte uite ni lo in , " Ka ti chhuak thei tawk a , ka awm ah hian hnawhtu a awm tlata thil dang ka sawi thei tawh lo a ni.


Udina chuan , " Zonun khawngaihin a harsa zawngin awm lo teh! " Tiin ngen ngawl takin min en a.


ka pa min kuahna atang chuan tal chhuakin hriamhrei ka hmuh hnai ber chu ka la a , " In thuthlukna in sawh sawn lo a nih chuan in hmuh lai ngeiin ka nunna ka la ang ! " Tiin ka kut ah chuan ka hriamhrei ken chu ka chuktuah a.


Ka pa chu lo kal hnaiin min beng thuai a , " Zonunpui , naupang mai i la nih kha engtin nge khatiang thil kha i sawi chhuah ngam zawk ? " Tiin min melh rawm rawm bawk a .


Ka nu chuan tap chungin , " Duh tawk rawh u ! " A lo ti ve bawk a .

Tap chhuak hakin , " Ka u kha tuman in lo hmangaih tak tak lo ! In vai mai hian bumtu leh dawtsawi hmang vek in ni , " Tiin ka thu hnawk a .

Ka pa chuan , " Ka fanu a ni ve tho a sin , " Tiin mit sen ram in min en a .

" Ka ngaidam che ! Tih a thinlunga in ngaihdam si loh chu a sawtna a awm chuang dawn em ni ? " Ka sawi zo thei tawk a ni.


Ka pa chuan , " A tawk tawh ! Thu kam khat pawh chhak chhuak tawh suh ! " Tiin min khak zui bawk a.

••••••


An vai mai chuan ka hua a ni , tumah hmuh ka duh lo , pawnah pawh chhuak lo in ka inkhung tlawk tlawk a , ka chhungte tak ngial pawh ka be duh lo .


Ka u boral atang kum chanve hial a vei hnu chuan
Eliazer-a chu ka then nghal hmak a , a chhan mumal pawh awm lo in , ka kalsan dawn chuan ," Ka lo nghak reng ang che , " A la ti hram a mahse ka chhanglet thei lo a ni . Hmangaih nih ve te hi ka phu chiah em? A chhanna chu ka phu hlawl lo !

•••••




" U..... Min lo thlir reng ti raw? I tan eng mah
ka tih sak thei si lo che a , mi nep tak ka ni!
Min ngaidam suh ! Hlim ve pawh hi ka phu lo a ni ! Ka dam chhung hian i laka ka ba zawng zawng te ka rul seng mawlh lo ang che ,tun atang chuan mi dik lo te'n hremna an hmuh theih nan ka bei ang ! Tu paw'n thil an tisual a nih chuan hrem lohin an chhuak mai mai tawh lo ang ! " Tiin ka intiam a.


Nursing school atang chuan ka bang a , a bul atang lawyer nih tumin ka bei leh a , tunah chuan lawyer hlawh tling pawl tak ka ni tawh , mi tam tak hnehna ka lo chanpui tawh a , private lawyer ka ni bawk a , dik ni a ka hriat te tan chuah ka din sak thin chu vang chuan ka case lak tawh hrim hrim ah chak lohna ka la nei lo .


Ka pa chu ka huat tlat avangin kan inmil thei mawlh lo , kan in ka chhuah sana tun thleng hian ka kir leh tawh lo , ka nu chuan thla tin min lo tlawh ziah a , ka pa nen chuan kum ruk dawn chu kan in hmu tawh lo .

# end of flash back##




Ka phone a lo rik leh chuan la vatin ka mittui chu ka hru hul thuak thuak a , " Aw , " Ka ti ringawt a .



" I hman tawh em ? Pawn ah ka awm tawh , " A tih chuan a lo kal chu tullo ka ti khawp mai , ka bialpa pawh a ni tawh lo a , min lo lam pawh a ngai tawp si lo a .


Chhang lo in ka phone chu ka off a , ka bag leh ka mamawh tur thil dang la khawm in muang chang chuan ka pen thla a , min hmuh chuan min nuih sang a , nuih let ve kher a tulna pawh ka hre lo , ngawi rengin a motor chhungah chuan ka thu lut a .




Kan tlan chhuan hnu pawh chuan ngawi rengin ka ngaihtuahna ka kawm mial mial a , ka bula thu in ka kut a lo chelh chuan ka phu zuk a , " Zonun,.........(thaw chhuak hawkin) Ka kiangah i lo let leh mai thei lo em ni ? " A tih chuan ka en ngam lo a kut chu dah sawn in , " A rem lo tih i hriat kha , " Tiin ka chhang a .


" Kum sawm dang leh ni lo kum za pawh nghah ngai la , ka nghak mai ang che mahse hei erawh hre reng la 'Ka hmangaih che ' tih
hi , " Tiin a nui suk a , kha thil thlen hnu kha chuan in rintawkna ka nei lo a , ani hi hmangaih viau mah ila hlim tur hian dikna chanvo ka nei lo a ni .


A nihna takah chuan a tanga beite hi ka la thlahlel a sin , ka lungngaih changte hian a kianga inbunruah vek ka chak thin a sin mahse ka unaunu ka hmangaih takin keimah avangin nunna a chana , hlim taka nun hmang bik thei ka ni lo , he khawvel ka dam chhungah hian ka u laka ka ba te kha ka rul zo kher a ngem ? Ka hre lo a ni .


Pawnah dakchhuakin , " Elia...... min nghak tawh suh aw ....hetia awm hi ka duhthlanna a ni , kan sawi fel vek tawh kha .., nupui te neia chhungkaw din tawh tur i i nia sin ,i chhungte paw'n i nupui neih hun tur an nghah hlelh tawh em hi , " A lam chu hawiin a mitah chuan ka en a , " Eng tikah mah keinen chuan a rem ve thei tawh ngai dawn lo tih i hriat kha .....khawngaihin inthiam lo takin min awm tir tawh lul suh ummmm...... fapa mal ini a nupui i neih thuai loh chuan i nu leh pate tu nge enkawl ang ? " Ka tih chuan , nui sukin , " Tunah chuan kha i mitmeng mawi tak khan min en ve leh ta a lawm , (😊) khatianga min en leh hun tur ka nghah rei zia hi , nang lo chu ka nupui ni
tlak ka hmu lo kei val luck lo hian , " Tiin a nui hak a.

"Fiamthu thawh hun pawh a ni lo hi , " Tiin a banah chuan kan beng pawp a , " Nupui tha tak neih i phu a ni ! Keiai a tha i hmu tih ka hria , keichuan ka phu lo che ! " Tiin ka hrilh fiah a.

" Nang ber in ' ka phu lo che ' i tih tlat chuan tu mah phu ka nei bik lo , thu tam sawi tawh lo ang.........ummm , ka lo nghak reng ang che ! Eng ang a hun rei pawh nghah ngai la , chu chu i thinlungah pawm tawp rawh , ka chhungte leh thil dang ngaihtuah a ngai lo . "


"Luhlul chhuah tlat thin lo la , " Ka mittui chu a luang ngiai ngiai a , " Khawngaihin ka hreawm tawrh hi min tih belhchhah sak suh ! " Tiin ka in sut hlap hlap a , a nui hmel ka hmuh hian amah pan mai duhna min neih tir thin , ka pan mai ang tih ka hlau a ni .


Motor chu ti dingin , " Tap tawh suh le , i tah chuan ka thlem thiam lo che tih i hriat kha, i phurritte ka chhawk thei lo chu a pawi ka ti mahse nangmah leh nangmah inti hreawm tawh suh aw ! I tuar hnem tawk tawh, " Tiin ka mittui chu a kut chuan a hru pah bawk a , kan hun kal tawh te ka mithla ah a lo lang uar uar a , a lakah chuan ka inthiam lo takzet a, thian anga kawm zel pawh hi hreawm ka ti a ni.


Dik tak chuan kei chauh hian ka tuar lo , ani pawh hian a tuar nasa a ni , ka u boral hnu khan min kalsan turin ka ti a , beidawng duh loin tun thleng hian nupui pawh nei loin min la nghak char char a , mipa rinawm tak leh innghahna tlak tak a ni , kei hian ka phu hlawl lo .

••••••

A hmun kan thlen chuan ka chhuk vata , thil dang ngaihtuah lo in case ah chauh chuan ka
rilru ka pe ta zawk a .


ka rilrua zawhna lo awm ta chu , " Tun ang zingkar hma lutuk ah hian eng tin nge heng accident hi a thlen theih ? " Tih hi a ni.



A hmun hma vel ka en chuan kha thil thlenna hmun bul chiah kha a ni , police pakhat chu lo kal pheiin , " Sir ,Thana lamah kan hruai phei tawh , " Tiin ka bul a mi chu a hrilh a .



"Mita hmutu an awm em?" Ka lo ti thuai a , tu mah an awm loh thu min hrilh chuan a beidawn thlak viau .


Thisen baw hnuang lai vel chu kawkin , " Helai kawng hi mihring kal phal lohna hmun a nia , accident pawh a lo thleng fo tawh reng a ni , hei foot path pawh a awm thlap hi, " Tiin min hrilh fiah zung zung a .



Kei chuan , " Foot path pawh awm ta reng reng
se , ti nge mihring kal phal lohna ni si signboard vel intar a va awm si lo ve , " Tiin zawhna ka zawt vata , " Traffic point bulah hian an tar thin a , hmanni khan helai hmun ah tho hian bike a chesual leh tawh a , an su chhia a nih kha , " A tih chuan , thinrim takin , " Thihna hial a thlen phaha in va nep ve , ka khing khawp ang che u ! " Ka tih chuan zaidam tak hian , " Keini lam mawhphurhna a ni hleinem , " Tiin min chhang mai a , thinrim viau mah ila a nau te an awm ve avangin ka insum leh ta zawk a.



Uluk leh zuala ka en chuan kawng chu peng pathum a awma dinglam zawk chu chhuk tak a ni a , veilam chu a kual leh em em a, a lai chu
a chho leh daih a , an kawng siam dan hi ka lo chik ngai miah lo a , a mak takzet a ni , a hma khan tiang hi a ni tho a ngem em le ? A bul vel a building thar an sak vang chu nge ?



Lirthei eng chi pawh lo tlan se mihringin kawng kan cross a nih chuan ding thut pawh nise thihna a thlen thei tlat , accident tawk pawh chuan kal phal lohna tih a hre lo nge , hre reng chungin zingkar a nih avangin a fimkhur lo zawk ni ang?




Kawng vel chu uluk takin ka en thla a , motor pawh intawk thut se buaina chu a awm dawn a nih hi , traffic point hi thiat ta se a dik thei zawkin ka ring , one way a nih leh nih loh ka en chuan 'one way' tih chu a lo in tar ve khiah hi.


Ka u in tawlhsual a tawh atang khan helai hmunah hian ka kal leh tawh miah lo a , kum sawm chhung chuan a lo danglam deuh tawh a nih hi .



" Kawng awm dan hi a dik lo a nih hi , eng vanga thu neitu te paw'n hma la lo nge an nih le? " Tia Ka zawh chuan, " He lai hmun hrim hrim hi siam that tum a ni a mahse an la tan chiah lo a ni , " Tiin min chhang a.


" Veng mipuite khawiah nge an kal ang ? An tang reng mai dawn si , " Ka tih chuan , " Ar talh dan chikhat chauh a awm lo chutiang bawkin kawng pawh tumna a awm phawt chuan a awm thin ! "


Melh rawm rawmin , " Tum loh paw'n kawng chu a awm tho , " Tiin kawng chhuk zet chu ka kawka mawi ka tih dan deuh khan a nui suk a nih chu mai mai a !

"Engtin nge tumah mita hmu tu an awm si lo a , accident a thleng tih in hriat dan? ''


" Bike khalhtu khan a lo report, " A tih chuan mak chu ka ti ve deuh , mi fel tak a ni nge ,a report a vangin thiam chan in ring ? He case zet chuan ka rilru a luah hle mai .




Elia chuan min lo din hnaihin , " He case hi la rawh , a lawyer ni turin a duh che a , " A tih chuan zawhna tam tak ka nei nghal , ka phur riau bawk.


" Tu nge a sut hlum tak hi ni reng reng chuan a su hlum tu zawk pawh chu ? " Ka ti nghal sawk sawk a , " Zawhna chu amah i zawt zawk dawn nia , " Tiin min chhanga min la en chik em em zui a , ka lai ve tep a ni.


•••••••

Thana ah chuan min hruai a , pindan thim takah min luhpuiin , " I duh tawkin zawhna i zawt thei ang , " A ti a .


Kan luh chuan mak ka ti ngei mai ,pawikhawihtu chu ka hmuh tum ang a ni lo , mipa puitling hmuh ka inbeisei laiin naupang kum sawmpariat emaw kum sawmhnih emaw bak a ni hauh lo ang , a hmelte lah chu a fai vang reuh a , a mitmeng mawi zia lah chu 'Sawiselboa' a ni ringawt , tualthat thei hmel a pu mawlh lo , " Criminals ho inbum tir loh tur , rules no. 1, " Tiin kei mah leh keimah chu ka rilru in ka inbe mawlh mawlh a .


A hmaah chuan thuin , " I hming le ? " Ka ti hmasa a .


"Eliazer Zorinsanga ka ni , " A tih chuan inthiam lo hmel deuhin min en a , ka rilru te te chuan , " Min bum tum duh suh ! He case ah hian a vawikhat nan ka chak lo dawn i hmelthat vangin emaw i hausak vangin emaw i zalen hauh lo ang , " Ka ti a .


" Eng veng nge in nih ? " Ka tih chuan , " Zotlang veng , " Tiin min chhang daih a , mak ka ti viau mai .


" Eng vanga Zotlang veng ni si khatla bungkawna mi su nge i nih , eng thil nge i tih a tun ang hunah ? " Tiin ka zawt let a .


" Ka thiante in ah ka riaka , vawiin lamah luia kal kan tum avangin hma takah tho in ka haw a , kha lai hmunah khan kan intawk ta a ni , " A tih chuan a hmel chu chiang leh zualin ka en a , a thlan a tla deuhin ka hria .



" A nih i sut hlum tak kha hmeichhia nge
mipa , " A nui hak a , a la nui thei chu ka ngei lutuk ben her sawk ka chak a nia .


" Ka pi mipa a ni e , " Tiin min chhang a .

Ding chhuak thutin , " I tih luih a ni tiraw ? Tunah pawh khan pawi ti hmel i pu miah lo bawk , " Tiin ka en run run a , " Ka tih luih a ni lo a sin , " Tiin a kun nghal daih a , ka ring hlawl lo , ruih a nei a nih loh takah.


" I la nuih theih kha ? "


" Ka pi ka nuih chhan tak zawk chu engkim hre vek chung si a hre miah lo anga thu min zawh vang zawk khan a lawm , " A tih chuan dawt sawi hmel a pu lo .


" Ka puih che i duh chuan vawikhat mah nui tawh suh ang che , " Ka ti a .


Zawhna zawh chhunzawmin" Dar eng zat velah khan nge a thlen ? " Ka ti zui nghal a.


" Dar thum leh a chanve atanga dar li inkar bawr vel a nih ka ring . "

••••••
Kan in biakna kan zawh hnu chuan , Elia bulah chuan , " Thiam a chang chuang lo ang , i hming ang chiah te chu a la pu ve leh ta nghal a , " Ka ti a, nui chungin , " I puih dawn reng a lawm , " Tiin min chhanglet a.



" Aih beiseina beidawn thlak nei hlek suh ! A tang ngei ang tisualtu chuan an tuar ngei tur a ni , " Ka tih chuan , " Tan tir ngei ngei i tum a maw? He case leh kum sawm liamta a mi kha a inan em vangin nang hi i tha ber ang ka lo ti a ,ka lo tisual let der a ni , i danglam tawh hle mai , " Tiin rilru nat hmel deuhin min en a .


" Nang a lawm danglam , thil tisual tu chuan an tuar ngei tur a ni ti thin tu kha tu nge ? " Ka ti let ve sak a.



"Nie , an tuar ngei tur a ni mahse hremna tih nap theih dan a awm dah lawng maw tiin ka pun che a ni , " A tih chuan nui sukin , " I ti sual lo e , hremna chu a hmu ngei ang ,case awlsam tak a ni a , karkhat chhungin ka'n zo thei ngei ang, " Ka ti a, beidawn hmel deuhin min en tawp.


•••••••

Pawn kan chhuah chuan mipui an lo pungkhawm teuh tawh , " Enge an lo tih dawn
a ? " Ka tih chuan , " Hmanhmawhin lut leh vat rawh , " Tiin min nem lut rawk rawk a , an buai mup mup nghal.



Pawn a thawm awm chu mipui thinrim thawm a ni , Elia chuan bengdaih tumin thu a sawi mek a , police dang pawh an lo thlen belh nual hlawm bawk.



Mizo ho tak hi chu aw! a duh reng vanga tualthat a ni lo a , hremna pawh a hmu ngei dawn bawk a , engti turin nge helai hmunah hian an lo kal ni , kut thlak te an tum reu reu maw ni ? Mi tu pawhin pawi lo khawih se, a huhoa sawisak rawn emaw police ni mang si loin kut lo thlak ve ringawt emaw te hi dan kalh a ni tih kan hriat a hun tawh viau a ni.



Hemi case denchhan hian thil dangah lo pakai leh lawk ila , pawngsual case ah hian a tuartu hming leh nihna tarlan hi danin a khap tlat a , NGO thenkhatin kawng zawha pawngsual duh lohna an lantir leh ringawt zel te hi an thlavang an hauhsak te khan pawngsual an tawk tawh tih hre lo tur paw'n kan hriat phah vek a , an nunah nghawng thui tak a thlen thei tih hriata tun hnuah chuan ti tawh lo turin ka duh khawp mai .



Mipui thenkhat pawh hi kan dik lo a ni , duh reng vang pawh in miin tual lo that se an chunga kut lo thlak ve ringawt hi thil dik lo a ni a , khaw thenkhat leh veng thenkhatah pawikhawihtu lo chil rawn ringawt ang te kha kan kristianna nen pawh a in mil thei dawn em ni?



••••••••


In a ka haw hnu chuan thil dang ka tih hma in ruahmanna ka siam zung zung phawt a , case chinfel nan chuan karkhat hun kan nei a , a chhungte biak dan tur te , mitthi chhungte hmuh hun tur te thleng chuan ka ruahman fel vek a .



Trial kan neih ni chuan a zam hmel takzet , ka hmuh hnuhnun ber ai khan a cher deuh bawk a.


Tuartu lam chuan an sawi hmasa a , an sawi thiam khawp mai , Judge chuan , " Puha awm mek lam khan tan tir chu in rem ti em ? " A tih chuan ka ding thuai a.


" Your honour , tan tir chu ka rem ti lo , thil thlen dan dik tak chu khami ni dt20/7/21 zinglam dar 3:30-4 a. m khan ka client Eliazer Zorinsanga hi a thiante ina a riak a haw lam leh tuartu Pu. Lalbiakmawia te hi intawng fuh palhin chetsualna kha a thleng ta a ni , " Ngawi hlekin.



" Kan chhinchhiah tura ka duh chu khalai hmun chetsual thlenna hmun kha mihring kawng kan phal lohna hmun a ni a , signboard intar a awm lo nghe nghe , " Ka tih chuan court chhung ami zawng zawng chu an phun mur mur a .



An chhungte leh an thiante thu zawh fiahna hunah chuan tuartu lamin an zawt hmasa a , thita nupui chu a tap nasa hle a , " Ka pasal khan muttheih loh a chin a vangin zingkar hma takah a chhuak a , a .... a lo let leh tawh lo a ni , ka pasal kha min pe let leh rawh , " Tiin atap khur tlawk tlawk a , anat zia ka lo hre tawh a , ka thinlung takin ka tawrhpui a ni.



Eliaz-a thiante leh a chhungte chuan mi feltak leh ruih theih thil ti lo , tu mah hau ngai lo a nih thu an sawi vek a , hei hi chu a dik a nih ka ring amah hretu hrim hrim chuan fel an tih thu bak sawi tur an hre lo , karkhat chhung khan mi hrang hrang tuartu leh pawikhawhtu ten an hnim hnaih ho ka kawm nual a , mi fel tak an nih thu an sawi .



Trial chu kan zo leh phawt a , thla thum hnuah neih that leh tur a ni , pawna kan chhuah chuan reporters tam takin min bawr luih luih a , thenkhat phei chuan , " In inkarah eng thil nge thleng , " Tia min zawt tu te pawh an awm , chhang lo chuan kan kal pel mawp mawp a , chanchintharah chuan eng tak sawi ang i maw? Tunlaia Mizorama case lar ber a ni miau a.

__________________



Zankhat chu ka mutui lai ka phone a lo ri leh a , tun tum zet chu rang takin ka la a ,a thusawi avang chuan hmanhmawh takin ka insiam nghal a .


Hospital ka thlen chuan Eliaz-a chu khum ah a lo mu bam a, doctor chuan a thih teuh hle thu a sawi a , case nei lai a nih avangin natna khumah chuan mu mahse a thawk tawp hma chuan a bana handcuff chu an phelh lo ang , a ruk tak chuan ka khawngngaih hle a , reilo te chiah inhre mah ila ka hmuh dan chuan amah hi mi inthlahrung mi tak a ni a , a tawngkam chhuak te reng reng hi a inngaitlawm hliah hliahin ka hria .


Doctor ka biak chuan depression nasa tak a neih thu leh PTSD (Post-Traumatic Stress Disorder, kan hriat thiam dan tur chuan thil tleng avang khan amah ah inthiam loh na nasa tak a nei a , mumang tha lo tak tak emaw hun kal tawh emaw a ngaihtuah vak vak a , chu chuan anxiety leh depression a neih tir a ni) a neih thu a sawi a , a dinhmun chu a tha vak lo tih thu a sawi tel bawk a .



A chhungte chu lo kal mahse hmuh phalsak an ni lo , civil mi tan chuan keipawh a lawyer ka nih vang chauha hmu thei ka ni .



A nu chu a tap nasa hle a , hnem dan vak ka hriat loh avangin ka be lem lo a , rei ngial kan nghah hnu chuan a lo harh ve hram a , a nghawng chu na a tih thu a sawi a , a bulah kal hnaiin thil thleng vel chu ka zawt a , mittui tla chung hian , " A hreawm em a ni ! ka mumangah te hian ka hmu thin a , theih nise a ai khan thih ka duh zawk a ni , dam ve tlak pawh ka ni lo, " A tih chuan ka khawngaih ngawih ngawih .


A thiam loh a nih loh thu vel sawi ka tum lo mahse , " I tha vat mai ang ngaihtuah ngut ngut lo la , " Tiin ka kalsan a .



Trial kan neih leh chuan a doctor te pawh chu ko chhuakin zawhna ka zawt a , Judge bulah chuan a chungah ngaihnathiamna lantir turin ka ngen a .



Tuartu lam chuan , " Dan hriat lohna hi chhuanlam a tling lo a , hrem phu chuan hremna an hmu mai tur a ni , kum sawmthum tang turin ka phut e , " A tih chuan ka awih thei lo zawk a ni.



Court thu chhuak kan nghah lai chuan anu chuan , " Bawiha , i nu thiam loh vek hi a ni , i ai tang thei ila ka ti ngawt mai , " A ti a , an pahnih chuan an tap zawih zawih a , en an har takzet a ni .


Court thuchhuak ah chuan tuartu lam phutna chu kum ruk paihin kum sawmhnih pali tang turin thu thlukna an siam a , a hmel ka va en chuan a meng phawk hru a , a mittui chu a hru mawlh mawlh bawk a .



Tuartu lam atanga thusawina an neih chuan , boralta nupui chuan a tan hun tur chu tlem a tih thu leh kum sawmthum tal tang tura a duh thu a sawi a , eng thil mah hian a pasal chu a ko kir tawh dawn lo a , tualthattu chu zalen takin a awm tur a ni lo , tun hnuah midang pawh in fimkhur na chang an hriat theih nan na taka hrem a phut thu a sawi bawk a , kawng leh lama ngaihtuah chuan a awm hliah hliah a ni.



Eliaz-a chhungte lam thu sawina hun pek an nih chuan anu chuan ngaihdam a dil mawlh mawlh a , a tap bawka thu tam pawh a sawi hlei thei lo , leh lam leh lam atanga thlir chan ana ve ve a , a tu mah mah chu dem tur ka hre lo .




Tichuan karkhat zet a liam hnu chuan Eliaz-a nu chu ka office-ah a lo kala tuartu lamin pawisa an phut thu leh pawisa an neih loh avanga an in leh lo an hralh thu min hrilh chuan ka khawngaih lutuk ringawt , a case chu ngaihtuah that leh ka dil tur thu hrilhin kan inthlah liam a .




Kum sawm liam taa ka awm dan chu ngaihtuah chhuakin ka inchhir hle a ni , thil tisualtu hremna na tak kan pek avangin ka dam phah dawn miah lo tih ka ngaihtuah chhuak a , khatiang khan luhlul chhuah lui tlat lo ila chuan tunah pawh hian ka hmangaih ber nen inneiin fa pawh kan nei ve tawh hial ang chu .



Ka phone chu la chhuakin ka hmangaih Eliazer-a chu ka phone a , a lo lak chuan rang takin , " Lo kal la inhmu ang , " Ka ti nghal a .



A lo thlen chuan kuah vatin , " Ka at zia ka hrechhuak tawh , " Ka ti chhuak phawng a , a ngaihna hriat loh hmel deuh chuan min en a , thu turin ka kai phei a , " Eliaz-a case chungchang kha ngaihtuah that leh ka dil dawn , " Ka ti nghal bawl a .



" Ti nge ? " A tih chuan , " Tunah kum sawmhnih pakhat chiah a la ni a , kum sawmhnih pali atan a a lo chhuah meuh chuan kum sawmli panga a ni tawh dawn a , a tan nunin awm zia a nei tawh dawn lo a sin , a vanglai hun tha zawng zawng jailah a hmang vek dawn a , a lo chhuah leh meuh chuan atan chuan khawvel dang ang mai a ni tawh ang thi tura tih nen danglam na a awm lo , eng tin nge a awm tak zel ang , " Ka sawi mawlh mawlh lai chuan , " Nang paw'n hrem ngei se i tih kha , " A lo ti a .



" Hrem lohin chhuak se ka ti reng reng lo mahse a hremna hi ti nep deuh se ka ti mai a nia bakah judge Micheal-a thubuai rem tawhte thlir let chuan a thu thlukna siam hi a rit mah mah a ni , a thubuai rem thenkhatah chuan kum nga kum ruk lek tang tura tih pawh a nei a sin , " Tiin ka chhanglet a .



" Nia , atan nun bul tan chu a har tawh ngawt ang , criminals record a neih dawn miau avangin hna tam zawk a thawk thei lo anga , a lo chhuah leh meuh chuan a chhungte pawh an boral emaw an inhlauh emaw pawh a ni thei a , a buai ngawt ang lainatawm tak chu a ni , " Eliazer-a chuan a ti ve bawk a .
.


" Chuvang tak chuan tan ka la ang , a tan theihtawp ka chhuah ang , a nihna takah chuan thihna hi chu a na em a a tuartu tan lo chuan hriatthiam pawh a har ang mahse ngaihtuah thui zel chuan Pawngsual case ah hian a tuartu khan a damchhung nghawng thei thil a tawnga mahse in ngaidam ta te leh pawisa inchawitir ringawt emaw kum rei lo te tang emaw pawh an awm a , " Ka tih mek lai chuan min lo pawt chatin .



" Pawngsual case ah chuan pawikhawihtu a puh khan thiam a chan theih nan theih tawp a chhuah a ngai a , atuartu khan dawt sawi pawh nise puha awm khan thiam a chang thei lo ang vel a ni , tunlaiin hmeichhia te hi dan in a hum halh tawh em a ,he case nen hi chuan a inzawm lo, " A lo ti daih a .



" Ka sawi tum i man lo a nih chu , thihna hi chu a tawp tawp a mahse ngaihtuah chiang la , pawngsual case ah chuan a tuartu khan dam chhung daih natna a tuar a , khuaikhem tawk
nun hlauh vek pawh an awm a sin . "


" An vawikhat nawmna duh vang mai mai a mi nun tihchhiatsaktu leh tum reng vanga pawikhawih zawk pawh rei lo te an tang thei a nih chuan , tum reng vang ni lo zawk chu hun rei tak tang turin kan hnut chhiah thei lo ang ,mihringte hian insiamthatna hun pek kan mamawh vek a ni , " Tiin ka chhanglet a .



"Aw le , a dik a lawm ,midangte hi han hrilh hriat ve la . "



" E aw .... ni tak hetiang ang deuh Cameron-a case pawh kha chin fel a la ngai tak e , rawlthar khawngaihthlak tak kha , a tan petition i la sign lo a nih ngat chuan link ah hian lut in petition hi lo sign ve ta che u , "😊🤭😌


THE SWEET CRIMINAL


http://chng.it/TKQMPQXg



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)