I LOVE YOU MORE -12

Story tawi te te emaw luanliamna emaw post na
Sandy sweet
Posts: 95
Joined: June 11th, 2021, 10:34 pm

I LOVE YOU MORE -12

Unread post by Sandy sweet » September 15th, 2021, 8:18 pm

PART-12




Inrinni a ni a , piHmuaki bazarah chawhmeh leiin a chhuak a , ka pa pawh thil pawimawh lei tur a neih tho avangin an pahnihin an kal dun nghe nghe kha .....


Kei in inchhung ka ti fai thung a , chawhma lamah ka insu a , ka insuk zawh chuan chhun thil ei pawh a hun nghal thuak mai mahse ka pate an lo haw rih loh avangin mahni a thil ei ai chuan tiin inchhung ka ti fai zui nghal a .



Ka unaunu chu awm se ka tih a ngai lo tur mahse a awm tawh miau si lo a , ka tih mai a lo ngai ta a ..,ka che ve mial mial a , rin aiin a hah thlak daih leh nghal . House wife ho hian eng tin nge nitin heng hna inchhung khur enkawl zawng zawng hi an tih peih zawk le ?Fate enkawl ngai bawk si nen , an tuar a chhel in an taima bik teh e ,ni leng a naupang zirtir ai pawn a hahthlak zawk. Aaaa..... keichu ka ning nupui type chu ka ni ve lo chiang a ni..


Hmun vel ka hawl lai chuan kan doorbell chu a ri tleng tleng a , tun ang hun ah tu chu nge ni ? Buai lai lai a tia phun bul bul chung chuan ka va hawng a .


Ben-a a lo ni , " Enge i lo tih dawn ? " Ka ti deuh tawl a , inrinni chhun a hmuh ka beisei loh ber te zing a mi a ni .....


Ani lah chuan min en vauh vauh chungin , " Ka bialnu dam lo ka lo kan dawn , " Ti sup in ka sawm na pawh nghak lo chuan in chhungah a lo lut tlang nghal a .


A hnungah chuan ka zui a ,sitting room kan thlen chuan a lai tak ah a ding chat a , a bul a ka va din ve chuan , " E ! " A ti deuh hluai a . In ka ti fai chu thil mak pawh a ni tawp si lo a , bal reng tur in min duh nge ? Eng mah ti ve ngai lo ah min ngai zawk ? Mak leh lutuk mai.....


" Vak vak a , enge patling pui in e! I tih deuh hluai ni , Samak a awm pawh ni hlei lo , a sawi tur hriat loh thlak theih lutuk mai , " Tiin a hnungah ka beng sak a .


Eu vakin , " Ana , " Tih leh ka hnungah chuan a lo beng ri ve pawp , ka thinrim bawk si chutia min beng ve kher kher chu ka la na riau , a bialnu ang pawh hian min en thin lo a thianpa ang chiah hian min kawm ni mai hian ka hria . Min dim lo mai sia , tu mipa mah hian an bialnu te an beng let dawn em ni ? Teuh lo ..... an duat viau zawk ang chu...



Ka la na leh tlawm hreh si chuan a ai na in ka beng leh sak a .


Ka ban ah chuan lo man in , " E ! Kawlhvel , inthlah tu pasaltha te thlarau zawng zawng i ko khawm leh tawh ? "Nui chung in a ti a .


Ka kut a chelhna chu thlah in a hnung ka ben na chu tuai hauh hauh pah in a eu pah bawk a , a inla na der vel lutuk , ka ben mai mai te chu ani ang palian pui sawn thosi seh tluk ah pawh a ngai awm tawp si lo.


" O-v-e-r lutuk mai , " Ka ti kir chuai a , ka thinrim lak lawh bawk si ani lah a nui mai mai si , ka in sum thei lo chuan , " Haw rawh , " Ti nghek in a din na bul vel chu hmun phiah la lawkin ka hawl rawk rawk a , " Ka thak vek a nge , " A tih pawh chuan ka la hawl lui tho.


A tih ngaihna hre leh tawh si lo chu thutthleng chungah chuan a lawn tawp .


" I thinrim em ni? " A khat tawk in a ti leh thin , kei lah inhmuam up tawk in a thu sawi hre lo ang chiah chuan ka thil tih lai ka ti mual mual mai sia , ngawi reng in min thlir tawp .


A hnu chuan , " Zote , ka lo puih ang che , " Min thlem deuh pah in a lo ti a ka melh vak ringawt . Ani chuan ka melh vak chu eng ah a ngai lo , hmu lo der hnak in min nuih sak thung a.



>>>»>>>


Thinrim tak a ka an khum pawh hian a thinrim let ve ngai miah lo , ka vin hrep lahin ka ka a lo hup loh leh a beng a lo hup thul , a chang chuan min run luih ni in ka hre thin mahse a hnuah , " I thinrim laia ka lo thinrim ve chuan kan darh vek ang , " A ti ziah . A sawi awm zia chu ka hriat tho avang in ka ngawi ve leh mai zel.


A kum phu lo hian a la naupang chhia ve a , a bul a awm pawh hahthlak tih chang ka ngah mai mahse a tello chuan ka kim lo riau tawh a, ka ngai em em reng tawh mai.


Mihring hian heti tak hian kan mihring puite kan lo thlahlel thei a ni tih Ben-a ka tawn hnu chiah hian ka hrethiam ve chauh .Tun hma chuan tu mah hi ka ngai in ka hre thin lo ,mahni in ka tlei thei tawk ka ti a midang mamawh lo in ka inhre thin....



>>>>>>


Inchung hawlna chu la in , ngawi reng chuan a hawl mial mial a , ka mitsir reng mahse eng mah ka sawi duh lo , a mitah bawlhhlawh a lut nge maw ni a mit a nuai leh thin. Ka nui chhuak tep a mahse ka insum theihna kawng tak a ni bawk nen ka nui chhuak ta em bik lo...


A hnu deuh chuan ka pa leh pi Hmuaki an lo lut a , " Ehe ! In va fel ve ,kan fai ve tawh dawn a ni maw ? " Ka pa chuan a ti hluai a . A tawngkam chu ka ngei hle thung .


Ka chhang lo , Ben-a zawk chuan , " In lo haw tawh maw ? Eng te nge in lei a ? " A ti hlauh zawk a .


Ka pa'n min en hrek hrek in , " Tum sa kan lei , " Tiin a chhang a , min sawi chhan tih ka hre mai , min hau leh nasa ang chu . Hmelchhia min ti leh hle bawk ang a , min zilhna tawngkam pawh a thlum fahran lo ang le.


Pakhat lah chuan , " A va tui dawn ve , " A lo ti khauh a. Ka thinrim lutuk chuan kal hnaiin a ngal ah ka pet sak pawp a , " Ah.... ana ngati nge ? " A ngal tuai hauh hauh chung chuan a ti a , ka va ngei mai mai tak. Tumsa a awm a hre ngai reng reng em ni ? Midang te thusawi apiang awlsam deuh deuh a chhang ziah mai . Hepa hi chuan long answer type question pawh MCQ in a chhang daih ang chu ...




Tawng miah lo in ka la awm char char tho ,an thil lei vel pawh chu ka en pui lo piHmuakin choka ah a dah fel a , ka puih hran lo .



A dah fel zawh chuan a dahna vel chu min hrilh zung zung a , ka aw liam ve ringawt , khawi ah te nge a dah en lo chuan ka hrethiam chuang lo.



Ka pa chuan piHmuaki chu thingpui in zawh a haw tur in a ti a , a ngai lo inthlahrun hmel takin ti mahse , " Hei Zodinsangi a awm a lawm ,in ah hian thil tih tur hi nileng daih awm se ka ti a nia ( piHmuaki en zeuh chuan ) nang chu lo va chawl rawh in ah tih tur te pawh i nei ve ang ,vawiin chu nileng in kan nula hi che teh se , " A ti deuh hmuk a , piHmuaki tan pawh han hnial ngam chi a ni lo.

Ka lakah a lung ni lo hle tih ka hrethiam mai .



" Thingpui te hi in tawh ila , " Ka pa'n min melh rum pah chung hian a ti leh a . Ben-a chu ka va en , a ngawi reng . Ti tau deuh chung chuan choka ah ka lut a , ka luh hnu rei lote ah a lo lut ve nghal.


Ka kawng dawmin thingpui bel chu ka pe a , a mitko chu kan euh in thil awmzia min zawt a , thuk chu ka kawk ringawt.


Nui chungin , " A tha vek e , " Tiin belah chuan tui a dah a , gas chu on in thingpui chu a lum a , thil dah na chu min zawt zel a , zaizir in ka hrilh ringawt , vui hmel pawh a pu chuang lo , hlim hmel a pu zawk mah. E ! Ngawiteh thaiboi tih vel ka sawi kha a lo la hria em ni ? A la thu tak mah mah a nih dawn hi.


Eng mah a sawi lo ngawi reng chuan a thil tih lai chu a ti mial mial a , keipawh ngawi rengin a bulah chuan ka ding ve tawp , ka rilru a thil awm chu hepa hian min thlem a tum miah lo em ni ? Ka ngawih reng vangin tinge a ngawih ve kher ?...A bula awm hi chuan engkim hi a ho leh vek zel mai .


Rei lote hnu chuan thingpui chu a siam zo a , try-ah dahin zaizir vek chuan chawi turin min ti a , ani nge keimah zawk hi titau pawh ka hre tawh lo ,tawng miah lo a a han awm ve chu le .


Aaaa......ka a tep tawh ang , ti nge a mizia hi a mak bik em em le ?



Ka pa te thutna lam ah chuan chawi chhuakin dawkan ah ka hung sawk sawk a , thlang lam tukverh bul hnaihah ka thu thla daih ,Ben-a lo luh ve chuan min lo en a mahse ka pate hnaih lamah a thu thung .


Ka pa chuan chik zet hian min en a , a thingpui no chu chawiin a han hnim vang vang a , thaw chhuak hluaiin , " I lum tui hle mai, in ah nangma'n i lum thin em ni ? " Tiin a zawt a .

Ka lum a ni lo tih a lo hre leh hman , ka pa hi chuan min hrechiang a ni.


" Awmpui ka nei lo a , "A phat mawi ve ka lo ring a , ka ring dik lo leh ta.

" Nangmah in i awm a maw ? "Chu thu chu zawh kher a ngai em ?


" Ka in dan na a rei ve tawh , " Duh leh rei se sawi kher a ngai em ?

" A nih chu , eng kim nangman i intih vek zel mai em ni ? " A ti leh a .

" Aw , ni mai , " Thutthleng banah chuan a kut adah a , a khabe a dawm bawk a , a bawp khawkherhin uluk hmel fahran hian a tawng chhuak a . Eng lai kha nge uluk ngai pawh ka hriat ve si loh......


Hmm.... UBawihi'n a pui ziah tho sia , a sawi ve mai mai a ni .


Ka pa chuan a thingpui chu tem hlekin , " A that hlauh chu mahni a awm thang hi chuan midang nen a awm hi hreawm an ti thin a lawm , awmpui neih loh pawh a pawi chuang lo, mah ni a kan tih theih vek hi chuan a zia . A that hloh zawk chu awmpui chu nei duh miah suh , Zodinsangi hi lo ko thin rawh , eng mah tih tur a nei chuang hleinem , a leng thawveng vel mai mai a ,boruak lah a duh tawkin a hip kawk kawk bawk a, a awm awl em mai a pui hreh hauh lo ang che , " Min en run run leh tawh min tih chhan ve ziah mai . A thusawi lai ah khan min sawi lut ve leh tawp , ka pa thin hi chu.




PiHmuaki pawh in thingpui chu tui a tih thu a sawi. Ka in ve chhin a , a tui reuh phian , ti nge kei ai hian thil eng kim hi a thiam zawk vek mai le ? Minti hrilh hai.



Ka en leh zuk zuk thin ,ani chu ka pa nen titi in ka lam vawikhat mah a lo hawi duh miah lo .A mit sir pawn min en miah lo mawle , amah zawk saw nge kei hi ti tau ? Min thlem a tum lo tak tak a ni maw. Kei hetah ka titau ve em em a ,ka tum hmuk na lamah ka ka reh te a nat vek tawh laiin ani lahin min ngaihsak na chhete pawh a lan tir duh lo , ka thin a rim lutuk ....lutuk...keimah leh keimah ka inkhawngaih .



Thingpui te kan in zawh chuan no chu ka seng a , ka sil nghal bawk a , ka pa nen chuan an titi mial mial a , choka atang chuan sitting room chu a hla deuh a , eng nge an sawi chiah ka hre thei lo . An tawng thum ri bul bul chu ka hre tho mahse eng tak nge an sawi ka hre lo thung.



Sitting room ka va luh leh chuan ka pa leh piHmuaki chu an awm tawh lo , ka la be duh chuang lo .


Ka bul ah chuan a lo awm zel a , ka thil tih lai min tih pui thul , a chang leh min fiam pah , a hnu deuh chuan , " Min haw viau em ni ? " A ti bul hmuk a .


Ka en chuan a ngaih a that hmel loh ka chhanna nghak chuan min en reng bawk a , " Ka hua che ka ti em ni ? " Ka ti let nghek a .


" Aih , " Tiin dawhkan a hru leh daih .


Dawhkan a hruk zawh pawh chuan thil dang sawi tawh lo in ka thil tih lai chu min tih pui zung zung a , kan rei zek a khirh leh lutuk a , ka thil tih hnu a ti nawn leh zel a tin ni , dar thum rik hma chuan kan zo thei hram .


Kan hmanraw hman vel ka seng fel hnu chuan thutthleng ah ka thu awn duai a , ka bulah lo thu thla ve in , " I chau em duhtak ? " A lo ti a .


En in ka nui hak , ka thinrim tawh lo alakah chuan ka inthlahrung tawh zawk kan in pum min tih fai pui a nia .
Ka titau ve em em a tawng ka a min thlem miah lo in ngawi reng in min puih tawp a , keipawh ka lungawi ve leh mai bawk a,ka mak vek tawh hepa vang vek hi , ka tihtauh khum phal lo pawh a ni mahna , a hrim hrim in min thlem hi chu alak atang hian beisei chi pawh a ni lo zawk chu vang chu a nih ka ring .


Thut hnaih deuhin , " Ka chau lo , nang i chau zawk em ? Min tih pui vek a nia , i va chak tak awm lo la chu kan thu hmuar huk maithei ni ,bakah nidanga tih ah ka khek leh emaw kha a nia nga ,kan bal kumtluan thei mai ang , " Nui chung chuan uang fe hian ka ti a .


" Aih , " A bak a sawi leh tawh lo . A thut dan chu siam remin , hnunglam atang chuan min lo kuah a , a taksa ngheng chuan ka thu awn duai a , a kut tang karah chuan ka kuttang ka rawlh lut a , kan kut chu intet hleih tak a ni . A mak zawk .


En chhoin , " A that chu , hah viau tala a zahthlak ngawt ang ....a hrim hrim in ti nge chhun chhun ah i lo kal reng reng a ? " Ka ti a .A lo kal chhan ka zawh theihnghilh tak e.


Ka sam chu khawih mual mualin , " A.... leng ila tih ka tum a . "


" A va pawi ve , kan leng thei leh si lo a nidangah a ni mai leh mai lawm ,i sawi lawk lo a , " Tha deuh chuan ka ti a .


Nui vur vur in , " Chaw ei chhuak ila ? " A ti leh daih , ka aw tep a mahse ka pa ka hrechhuak leh sia mahni te chauh a a ei tur chu ka khawngaih , " Nidangah ti law law mai ang naupang an exam zo tep tawh a , hun thawl kan ngah thei tep tawh ang ,tun chu a laklawh tawh em mai , " Ka ti ta zawk a .



A ngawih reng hnu chuan , "A pawi lo vawiin chu eng mah ti lo law law ang , " a ti ta a . A lungawi loh ka hlauh nen , pawi a ti lo chu ka lawm hle mai .


Ka kut chu chelhin a kutzungpui chuan a tuai ne ne a , " Thlem i ngai lo em ni ? " Zu han ti daih a .


A hma khan eng mah a sawi lo a , ka lungawi hnuah thlem ka ngaih leh ngaih loh min zawt leh ang lawi sia . Min thlem thiam chuang hian ka ring lo em mai ,min zawt lo law law se a inhmeh daih zawk ang , zei lo tak hi a ni .


En chho nghal vatin , " Ngai lo mai , thil tihin min thlem tawh ang ah ngai mai ang , tawk mai teh se , " Ka ti let a , min en reng in , " I thinrim tawh lo tihna ? " Leh ta mai mai chuan thinrim ila a bula ka thut a ring maw ni ?


" Rim lo rim lo , thil dang kan sawi thei tawh a ngem ? Thu ngai ,thil ngai hi ka ning , hrethiams , " Ka ti vin tuk a , ka aw chu a tawp lam a bo tep ,hepa vang vek hi ka aw chhia chhuak khawp khawpin ka vin leh vang vek.., mak tih hmel deuh hian min en a , " Aw , " A ti ringawt ,sawi tur hi a hre lo thei a nia.


Thil dang sawi in ka titi mial mial a , a khat tawkin ka thil sawi chu a lo chhunzawm a , ani chuan sawi tur vak a hre leh chuang lo , a nui leh suk thin a , a nuih chuan a taksa chu a che dawt thin a . A nui a ni tih ka hriat chuan a nuam riau mai , ka hlim ve veng veng .


Chutia kan titi siam siam lai chuan ka pa a lo lang thut a , room lam panin , " Ben-a zanriah ei ve mai ta che zan in tlai chu , " Kan lam lo hawi zawkin a kal tlang lehnghal.


" A...... nidangah ni mai rawh se , " A aw ah chuan a inthlahrun hmel . Kan thut dan pawh chu kan siamrem lem hlei lo a , puitling kan ni ve tawh a chhungte lo lan hlek a phu zuk rual chu kan ni tawh bik lo a lawm mahse ka pa mithmuha chutia awm chu kan tum pawh a ni bik chuang lo , a lo lan thut vang zawk a ni . Insiam thatna hun kan nei miau lo a .


" Ti maw ei ve nghal daih rawh , mahni te a ei ai chuan kan bulah chuan a tui hrim hrim ,ka bulah chuan i ei tui dawn tih ring tawp mai rawh , " Ka tih pawh chuan aw a ti duh tlat lo , a luhlul ve mai sia .



Ka phakar ka chhuah a , ei rawng min bawlpui tur chuan ka sawm lui tlat a , " Kan bawl zawhah i haw dawn nia , " Ka tih takah chuan , " aw , "a ti ve mai bawk a .


Eirawng chu min bawl pui a , a awlsam em em mai leh nghal , min puih pawh ni lo in a ti vek zawk , kei a bulah fiamthu thawhin ka lo nui vel mai mai a , min tirh chuan tha deuhin ka ti ve mai a , chu pawh chu a thil siam ei chhin tur chiahin min tir , a tih hi a tam lo ve chiang e .



Chawhmeh chu chi hrang hrang a siam teuh hman a , chaw chu keima'n ka chhum thung , a bawl zawh chuan haw a tum a mahse , " Chaw ka chhum kep tawh che , ei lo a i haw a nih chuan ka pa'n chaw tam deuh ka chhum man ah naktukah chaw thing min ei tir a ni mai , " Ka ti lui tlat a .


Chaw thing min ei tir chu a duh bik ka ring lo , ka inla khawngaih thlak chawp vel a , " Chaw thing hi ka naupan lai atang ka duh loh ber a nia , ei ai chuan a rukin ka paih mai thin mahse enge thleng i hria em ? " A sana en chuan a lu a thing a . Tlai a tih tawh hmel .


" Thil thleng chu maw...ka tam chhawl ziah ,tuk khat pawh thil ei lo in ka awm thei lo a ,....i ei dawn lo a nih chuan pawi lo haw tawh mai rawh naktuka min lo biak hunah ka chhang lo che a nih chuan ka tam chhawl tihna a niang, lo hre reng rawh aw , " In la ngui aw deuh chuan ka ti a .


" Ka lo hre reng ang , naktukah chuan tukthuan ei turin ka lo hruai ang che , " Tih leh kal a rual nghal a . Ka thusawi chu a ngai ho hle mai , uluk tawk a ka ngaihtuah hnu a ka sawi a ni ve sia.


Ka tih ngaihna hre lo chuan a hnunglam atang ka va kuah a , " Haw suh , ka ngai che lawm , i haw lui a nih chuan , " Ka ngawi daih a . Enge ka sawi tur ka ngaihtuah chhunzawm ka hre reng sia a lo bo hman.


" Chuan ? " Amah zawk chuan a lo ti a .


" Chuan ka titau rei viau ang , karkhat , ni leh lo thlakhat ka titau ang , " Ka ti ta ringawt a .


A nui leh ringawt tawh , hmu thei lo mah ila ka kuah miau avangin a taksa a chet dawt avang chuan ka hre thei .


" Ka thlem mai dawn che lawm , " A ti leh mai a , eng tactic pawh hmang ila a sawt lo em mai haw daih rawh se , ka ning .


Ka thlah thut a , " I kal thei , ka titau dawn tak tak a nia ,min thlem thiam mang si lo ,pawi khawp ang , " Ka ti hmuk tawh .


Lo inherin a nui suk a , " Ka thlem thiam ang che , Ka kal thei tiraw ? " A ti sup a .


Ka lu ka bu ringawt tawh , thlah pawh ka thlah peih lo , vawiin zet zawng a fuh lo vel vek a ni .


A inkhalh chhuak tur chu tukverh atang chuan ka thlir zui a , lo hawiin min lo en chat a nui sukin a tlan daih , min lo hmu ve a nih chiah kha .


>>>>>>>>>>



Ben-a awm dan hi chu sawi lawk theih pawh a ni lo , inbe tho mah ila a lo kal tur thu pawh a sawi lawk chuang miah lo a , a lo lang thut thut a ,zan a a lo len dawn loh paw'n a sawi lawk leh chuang lo , dar sarih vel thleng ka nghak a , a lo lang lo a nih chuan a lo kal dawn lo tihna , ka mut tawh hnu dar kua dar sawm velah hian a lo kal loh chhan a rawn sawi leh chauh zel .


A awm dan leh a tawngkam lah hi hriatthiam a har thei si ,a bulah chuan eng kim hi thut vek a ni a .Engkim hi a ho vek a , ' ni e ' 'aw ' tih vel hian a tawp mai a .Thil tam tak sawi pawh a ngai chuang lo.


Eng thil nge a ngaihtuah pawh en mai hian ka ngaihruat thiam thin lo , a awm dan chu midang ten hmu se a tih ang chiah hi a ti lang chhuak a . A rilru chhungril erawh a thup tlat hian ka hre thin. Mipa inthunun thei tak a ni .


A chang hi chuan a bialnu ka ni tih pawh hi ka ringhlel fo thin. Min ngaihsak hluak lo a mahse min ngai pawimawh tho si ,a lakah chuan eng ang chiah nge ka dinhmun ni ang ....chu pawh chu ka ngaihruat thiam leh chuang lo.


Min duh ve viau in hre mah ila , a hnu ah min fiam kual mai mai in ka hre leh thin , bialpa tak tak neih hi thil hah thlak tak a lo ni . Muanzuali ka hrilh ve dek dek a , hmangaihna a nih chu a ti nghal ringawt , tu bulah mah sawi ka tum leh tawh lo nakin ah hun hi han kal phawt se , eng kim hi a la tha vek mai ang ....

Ani nena kan inkar hi chu sawi lawk theih a ni lo a , LalIsua lo kal leh hun tur kan hriat loh ang vel hi a ni a , ngaihtuah thui lutuk pawh thil tul a ni lo , hunah ka innghat tawp....

>>>>>>>>>>


Choka ah lutin chaw ei ka siam a , ka pa ka ko nghal a ,a lo luh chuan dawhkana ka thil chhawp chu a en a , min en lehin , " A va zahthlak deuh ve , " A ti chhuak sup a . Min zilh leh dawn pawh a ni mahna . Heng zo zai hi ka siam dawn lo tih a hrechiang em a tin ni.


Chhang lo chuan thutthleng ka pawt chhuak a , ka tawngtai a ka bar zawm nghal .


Ka pa chuan , " Nang ai chuan a thiam hi , khawi atang nge a zir bik le , anu hnen atang ti ngawt dawn ila a boral tawh si , a..... eng pawh nise nang ai chuan a siam tui zawk hrim hrim ,nang pawh tun atang hian inzir tan rawh , pasal te eirawng bawl ei reng zawng a fuh viau lo ang , " A ti leh a . Ka chhang peih lo , ka mood hi a chhe tlat eng vang nge pawh ka hre lo .



Ben-a thil siam chu a tui hlawm reuh lutuk mahse kei mah ang lo takin ka ei tha thei mang der lo , ka luak te chu a chhuak dawn dawn a , a rim te chu ka ngei deuh tlat , vawi khat na a ka inkhawrh pawh chu ka ei zo thei lo .


Ka pa chuan , " I in diet ve nge ? I ei tui loh hmel ve teh tlat , " A lo ti a , min en chik hle bawk .


" Zanin chu ka puar tlat , ka ei tui tho na in ka kham zawk mai ang , " Ka ti ta ringawt a .


" I duh leh i ril tam hunah i ei leh mai dawn nia , eng thil nge in ei a puar tur khawp in ?Thingpui bak i in ka hre si lo , " Min la en reng chung chuan a ti a . " Eng kan ei pawh ka hre lo , " ka ti leh mai a.


Thawh san in , ka insil fai nghal a , " Mamawh i nei em ? " Ka kut hruk hul pah chuan ka ti a . A neih loh thu min hrilh chuan kal sanin sitting room lamah ka phei san a .


Rei loah ani pawh a kham ve nghal a , dawhkan vel ka seng fel hnu chuan thleng te ka sil a , ka hru hul leh a , ka awm chu a nuam lo riau mai ka lu te chu a hai muai muai a , ka luak te lah chu a chhuak dawn dawn . Ka thil ei ngeih loh ka nei nge , ka ngaihtuah let a nuts telna ka ei awm ka hre si lo , ka taksa hian min phatsan a nih hi , a titau ve zawk nge ?.....




Cont.......


:oops:



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)