Part -14
Job-a ka duh chhan min zawt miau sia , ka rilru a awm awm chu ka sawi chhuak mai .
" A chhan tak chu Job-a tawrhna zo zai te kha thil na mai a ni lo , nasa tak a a tuar chung pawh a a tawp thleng Pathian hming a sawi chhe lo te ....aaaa a tam mai ka sawi seng lo zawk , Pathian a tih na zawng zawng te vang hian ka duh ber , " Ka tawng hnem lutuk a , ka dang a ro vek .
" A nih chu , " A ti zawi sup a , a mut a chhuak tawh a niang a ?
" Ni tehreng e , Lalsolomon-a ka duh ve thin chhan chu a fing a , a hausa a , a hmelthat hmel bawk bakah a luck e , " Lal Solomon-a hmel tur ngaihtuah chuan ka nui ver ver a .
" I ler sia , " Lungawi loh hmel deuhin a lo ti leh . A aw a lian sia a tawng rin thut chuan min ti phu.
Bible a mi mah nise a hriat laia mipa dang chanchin ka sawi vak avang chuan ka inthlahrung leh deuh si chuan , " Nang tu nge i duh ve ber ? " Tiin ka zawt let ve a .
" Ka duh chu , " Tiin a ngawi leh rih a.
" Ummm , "keiin phur deuhin ka lo ti thung a.
" Ka duh chu E atang a intan , " Ka tih dan a zir leh ta .
" Sawi mai rawh , min hrilh la mu daih ang , " Ka ti daih thung .
" A mak , " Aw ki sang lek lek hian a lo a.
" Mak lo sawi rawh ka hrechak a nia , hmeltha deuh nge hausa deuh ? A..... luck deuh pasal pawh tam tak nei zawk nge ? " Tiin ka zawt let duah a .
" E-b-e-n-e-z-a-r , " Chiang fahran ban charh hian a lo ti . A thusawi mai mai chu , ka awih thei lo zawk a thikthu chhiat reuh zia hi .
Ka nui ka nui a , " Kan duh inang rawh se , " A ti chhum hmawk a .
" Ka duh ve hleinem . "
" I duh . "
"Duh bawk lo . "
" Duh , min hnial tawh suh ,inngaizawng te chu an duh a in ang tur a ni , " A ti deuh duah a .
" Ka duh ve chuang lo , "ka ti leh hram.
" Min duh lo a ? " Ringhlel fahran ang mai hian a lo ti a . Ka nui pet pet mai.
" I phakar sia , hah dam rawh ....ka tlawm e ka mu duh tawh ,...... nangmah kha lawm Ka duh ber chu Ebenezar Khawlchhia , " Ham bai bai chung chuan ka ti a .
" A that nasat chu , " Lungawi hmel fe hian a ti ve ta .
" Aw , i tha nasa takin , " Ka ti deuh kher a . Ka fak chak ve hrim hrim .
A nui chhuak hak a , " Ka lo len loh chhan min zawt la ? " A ti daih . Ni dawn tak zawh awm tak a nia , ka va haihawt tak .
" Ka zawh loh chhan che chu hna pawimawh i nei a nih ka ring a , " Ti nuah nuah in ka thaw lum hak a , " Ti nge i lo len loh ? Min ngai lo em ni ? Keichuan ka ngaih teh reng che nen , " Mutchhuak aw teng deuh chuan ka ti leh a . Ka pang ka deh chuan a lum deuh .
" Min ngai a ? " A ti ril ruih a . A aw ril ruih ah chuan ka tui ral , ka mit ka chhing a ka bul a awm ang mai a lawm a nih le , ka ngaih thu ka hrilh takah chuan ka bulah awm se ka ti .
" Ummm , ka ngai che kawmthlangte uite nen inang viau mah ula , " Tiin ka fiam zui hlak a , a khabe hmul zawng zawng te ka ngahtuah chhuah chuan ka nuih a za. Ka mut a chhuah deuh tawh avang chuan ka thusawi chu a hretha thei a ngem ka hre bik lo , ka aw hi a chhe khawp a zan tlaiah chuan a pil vek zel , a chhuak chang chang thin . Thuruk pawh ka sawi thei ngai lo . Mu lo a ka meng tlang te a nih hi chuan thu hran a nia .
" Kan inang tak in ka hria , " Thu tak fe hian a lo ti a . Ka thu sawi chu a hre tha thei dawn lo emaw tia a ngaithla uluk nge a lo hre leh chat .Ka nui hak ani pui rauh hian a lo la thu tak leh hle ang a , tunah eng tin mah min ti lo mahse a lo len leh hunah min sawisa ve leh daih thung ang a a sual thiam dan hi .
" I lo len loh chhan chu sawi tawh la , " Ka ti thawp sap a.
" Ka thak vek , " Tiin a tawng thluk chu a ti fan a . A thak hle ni tur a ni.
Khum a ka bawk reng chu thu chhuak zawkin , " Ngati nge eisual i nei em ni , damdawi i ei em ? " Ka ti chul a , ka mutchhuak te kha a reh vek in ka hria .
" Aih ei lo , "Tiin awlsam deuh chuan min chhang leh mai a .
" I tha em ni , ti nge i thak vek le? sawi thuai teh , a chhan awm ang tal pawh , " Ka ti hlak hlak . A mah chauhin a awm sia ka ngaihtuah lutuk , na pawh nei se buai pui tu a nei dawn si lo .
" Ka tha tawh , chhun a kan thil khawih vang kha a nia , " A ti zawi leh sup a .
Huizzz......ka thaw chhuak hak a , " I va no ve , awih awm loh lutuk , damdawi in kal i hreh vang a nih kha , " Ka aw atang chuan ka awih loh zia a hrethiam ang . A chhan chu a thluk ka ti sang vak a .
" Ni lo , ka me vek a lawm , nang pawh inbual lo in mu suh , " A aw chu a kirin ka hria , a inhiat a niang .
A thil sawi avang chuan ka thak nghal vek in ka hria , awi! Ka inbual lo lehnghal .
" Mu tawh rawh , muttui , " Tiin phone chu dah ka tum a , " Ti nge ?" A lo ti vat mahse chhang lo in ka off daih .
Hmanhmawh tawk chuan bathroom-ah ka lut a , ka inbual vat nghal , ka ngaihbel nge keipawh ka thak sep sep in ka hria . Ka innawt vak vak chung paw'n ka fai lo in ka hria , ka inbual rei khawp mai .
Ka inbual zawh pawh chuan ka ngaih a tha thei lo , powder chu ka inphul vak ringawt .
Ka khuma ka mut thlak chuan ka phone eng chu ka hmu a , message min lo thawn a ni ngei ang , ka en chuan , " In bual lo a mut tum ,
muttui , " Tih hi a lo nia , ka inbual tawh tho a lawm a ho em mai , ka thak bik lo ang .
Ka mutthilh hma chuan vawt ka ti ser ser a , ka inbual vang chu a nih ka ring , ka ke te chu vawt tak a ni . Ka puan sin lai chu ka bilh lut vek a , ka lu pawh ka khuh vek , dam loh ka tum loh em avang in ka awm nuam lo pawh chu ka hai der lui a ni.
>>>>>>>>>>>
A tuk chu chawlhni a ni a , ka khua chu a sik ser ser , ka tho dawn a mahse ka tho thei mai lo ,ka kawchhung chu a sa huam huam a , ka tui lah chu a hal em em mai bawk a hreawm tak a ni . Vawt ka ti em em bawk a , ka luak lah chu a chhuak ang dawn dawn a .
Ka pa'n min lo kaitho lo chu a mak ti ngawt dawn ila , piHmuaki a lo kal loh ni a nih avangin eirawng a bawl a ni ngei ang , tui mawlh chu ka in chak .
Ka tho chhuak peih si lo chu in khuh hlun in ka mu reng a , ka taksa chu a rit luk hian ka hria , ka lu te chu a na ngut ngut a , ka sawi thiam dan ber chuan thil phu dut dut thei a awm in ka hria ka chet hlekin a phu ang dut dut a , ar bawm tia dawn dawn in a in pump puar in ka hria .
Nakin deuhah chuan ka chala khawih tu an awm avangin ka meng ruai a , Ben-a ang deuh ka hmu , ka mit chu ka chhing leh a .
" I khawsik a sang lutuk , " A lo tih chuan Ben-a aw ngei niin ka hria .
Ka meng leh ruai a min lo en in , " I tho peih a ngem ? " A lo ti a .
Ka chhang peih lo ,tui ka in duh thu ka hrilh chuan tui chu tlem min in tir a , ka ka a tui a lut chiah chu ka luak a chhuak zual , ka uak that a tih ngaihna hriat loh hmel deuh hian min en a ,a hmel atang chuan a ngaih a that hmel vak loh.
" Damdawi in ah kal mai ang , " Tiin ka puan chu a hlim a , ka kang nawlh bawk , hnial thei pawh ka ni lo nikhua te chu ka hre mumal lo ,ka khawsik chu a sang viau a ni ngei ang , ka chil ka lem zawk te chuan ka hrawk a na ,ka dang te chu a ro em em bawk a , kei mah hrim hrim hi ka rit bur in ka in hria.
Eng vak mah chu ka hre mumal lo chuan ka awm a min chawi danah damdawi in ah min hruai a ni ang , ka harh chian deuh hnu chuan tawng mur mur thawm ka hria a , peih lo deuh chuan ka meng chhuak a ka awmna chu a eng em em zui bang lah chu a var vek mai a , mitmeng ti hreawm tur tawk in tukverh atang chuan ni zung a lo lut bawk a ,tunah tak hi chuan dar kua emaw dar sawm a ri tawh ngei ang .
Tawng mur mur te chu tu te nge tih hriat tum in ka inbeng kang a , Ben-a leh doctor coat var ha pakhat inbia chu ka hmu ta a , damdawi in ah kan awm tawh ngei anih chian hi .
Doctor chhuah hnu chuan Ben-a chu a lo hawi let a , min hmuh chuan min lo nuih var a , " Na i nei em ? " A lo ti nghal vat a . " Aih nei lo e , khaw nge ka pa ? " Tiin ka chhang a.
Ka lam lo panin , " Vawiin hi a hun a nia , a lo kal lo , " Tiin ka bul ah a lo thu thla a . Tukin hi ka pa hun a ni tak e , ka lo theihnghilh daih a ni. Min ngaihtuah viau awm sia , a inbuatsaih ang in a sawi tha thei angem le ?
Lo kun hniam deuh in Ka chalah chuan a lo khawih a , " A sik tawh lo , i dam tep tawh anih hi , " A ti zui bawk a .A chezia chu ngun takin ka en thung , ka room-ah khan a lo awm ve thut a tunah damdawi in ah min hruai leh bawk a , ka mamawh lai hian a lo lang chat chat thei lutuk hi a mak zawk .
A inthuam dan chu ka en a ,track jacket dum a ha a , jocker pants dum a ha leh mai a pheikhawk var a bun thung a , chawlhni em em ah pawh zahawm deuhin a inchei leh chuang lo , a inthuam na chu inhmeh leh tak a ni , a hmel chu a fai vang a a rim te phei chu a fresh hle , keimah tak hian perfume rim hi ka ngaithei thin lo a , khua a lum deuh phei hi chuan ka lu a ti na thin chuvang chuan perfume pawh ka hmang zen zen ngai lo sahbawn rimtui deuh hi ka hmang mai zel a , a tlangpuiin rim nei lo tawp hi ka duh ber mahse Ben-a rim hi chu a pa hrak a a fresh hle bawk , hip lut vang vang pawh ni ila ka lu a tih nat ka ring lo.
A incheidan atang chuan a inkhawm lo tih ka hre mai mahse ka zawt lui ta tho a , " I inkhawm lo em ni ?, " En chho deuh haw chuan ka ti a .
Min melh chhuk run in , a thut dan chu a siam rem a , ka zawhna chu chhang lo in , " Enge nizanah i ei ? " Tih min zawt daih thung .
" Ka hre bik lo , ei suh i tih kha chu ka ei lo mahse ka ei maithei bawk ka hre tawh bik lo , " Ka thil ei ngaithuah let tum chuan ka rilru ka seng ngial a , ka hrechhuak thei chuang lo .
" Thil i ei tam lo em ni ? "A zawhna teh daih chu.
. " Ah .... ei suh i tih kha chu Ka ei lo chuan ka hria bakah ka allergy chu a ni thei lo hrim hrim , ka awm dan atang hian ka hria , ei suh i tih kha chu ka hre ve a lawm , " Ka insawi fihlim nghal zung zung . Min hau dawn chuang tawp si lo , eng ka hria chu ni maw.
A nui suk a , " Allergy chu ni lo e, i pum a ri a i ril tam ka ring a , " A ti a . Min en reng chung chuan ka sam hnawk ka hmai zartu chu a huai kiang a .
Ka allergy a nih chuan si loh chuan enge ni ang , ka hritlang in ka hre bawk si lo , " A nih enge ? " A kut a vawn pah chuan ka zawt a .
Ka sam khawih pah neuh neuh chung chuan , " Zungkawng hnai awm , " A ti sup a . Ka nui chhuak hak , ka awih lo lutuk chu ka lu ka thing bawk a . A ni lah chuan ani tih nan a mit ko a san uk a .
" No , dawt a nih chu ka zunkawng te chu a tha lutuk a lawm , hnai a awm thei lo , bakah thisen pawh ka zung chhuak ve hleinem , " Ka ti vak ringawt . Ka awih lo hul hual ka hrisel tha a , ka zunkawng te phei chu a fai lutuk ang .
Min en run chung chuan , " Thisen an zung chhuak kher thin a ? " A hre reng sia min zawt leh kher a , ka tah a chhuak .
" Anih eng vang nge ni ang , ka zun kawngah chuan hnai lo awm tak tak ta se ? " Tap tep chuan ka zawt a , ka hlauthawng a ni .
" Tui i in tlem a , " Tiin ka lu ah chuan a lo pen a , ka thin a ti rim kei ka hlauhthawn em em laiin anin fiamthu a lo thawh daih a .
" I hre lo , ka in tam thei lutuk , " Ka ti vak , " Ummm, a dik a lawm , " Tiin min pen na chu a lo chul leh a .
" A nih min zai a ngem ? " Ka hlauthawng a ni . In zai tih vel hi ka rap zawng tak chu vang chu a nia doctor nih pawh ka duh loh .
" Zai lo e , " Ka sam ah chuan lo chulin , " An zai lo ang che , zungkawng hnai awm chu zai a ngai lo , damdawi ei that leh tui in tam a ni mai , " Tiin tha deuh chuan min hrilh leh a .
Ka ngawi reng Ben-a thu sawi chu ni thei deuh tur a ni , tui chu ka in tlem thin tak tak bawk sia , nghawng chu nei tur a ni reng a ni .A hnu chuan a pheikhawk phelhin ka bulah a lo mu thla a , min kuahin , " Muhil rawh , " Zawite hian a lo ti a .
Thu awih tak chuan ka mit ka chhing a mahse ka muhil thei chuang lo , a hnu chuan ka meng chhuak ta nge nge a , min lo en reng leh nghal .
" Titi daih ang , ka muhil thei tawh lo . "
" Ummm , eng lam nge ni ang ? "
" Ah...... nizana ka hrilh che kha i la hria em ? "
" Eng zawk ? Cartoon nge bible lam ? " Min en reng a , ka ban chu a tuai pah hauh hauh bawk a .
" Cartoon vel kha . "
" Aw , ka la hria e , " A ti dam thlup a .
" Ka hrilh chhan tak che kha ka la sawi lo a , " Tlemin ka inbeng kang deuh a , min nem mu leh in min siam rem a a ban chu min kham tir in , a kut leh lam chuan min kuah bawk a , dak deuh vah chuan keiin ka en thung a .
" Sawi la , ka lo ngaithla ang chu , " Min chhuk en run a . Ka lai leh pek tlat .
" Min en lo la ka sawi ang , " Ka nui a , nui ve suk in a lo kun hniam a ka biangah chuan a lo fawp zeuh a .
" Het! Ka la inbual lo , ka thlan nasa bawk si , ka al ngawt ang , bawlhhlawh hlawm khawm ang vel ka ni , min ten lo em ni ? " Ka ban phar chhuak in a hmui hruk sak pah chuan ka ti a .
Lo kun hniam in min fawp tha leh ngat , " I bal hle tak mai , i rim a thur hak , " Tih pah chuan ka biang a kutin a lo hru ve thung a , a banah beng chawrhin ka hnar ka len a , ka rim chu a thur tak tak in ka hria .
A nui chhuak ta hak a , " Ka ti buai tawh lo ang che sawi la , " A ti zawm a .
A lamah chuan ka inher deuh a mahse ka banah venflon a in vuah avang in min mut rem tir leh vat ,a block palh a hlau niang , " Khang zawng zawng ka hrilh chhan che kha chu maw . "
" Immm . "
" Ka pa hian kan thil en duh zawng te , kan thil ei duh zawng leh kan mizia te hi a hrechiang hle a , nizan khan kan naupan lai chanchin vel a sawi a . "
" Umm , " Uluk deuh hian a ngaithla a , a lu chu a bu zeuh bawk a .
" A lung a leng niin ka hria , ka nu thih cham a thleng tep tawp a , anih na tak ah chuan a hun tha zawng zawng deuh thaw kan tan a hmang a , ka ngaihsak tawk lo thin bawk nen kan pahnih chiahin kan awm bawk sia , a khua a har niin ka hria , " Tiin ka hrilh sap sap a .
Ka biang chu a lo chul a , " Enge tih i duh ? " Tiin min zawt a .
" Eng mah , " Ka ti ringawt . Ka pa tan hian enge ka tih ang ka hre lo a ni .
Min nuih suk a , min kuah nghet leh deuh in , " Muhil tawh la , " A ti dam leh dap a .
Ka banah chuan a chul bawk sia , ka mut chu a chhuak tan a , mit chhingin ka muhil zui .
Tawng thawm ka hriat chuan ka harh hlawl a , uRuata leh Ben-a u te nupa chu an lo titi mial mial a , ka harh kawk nghal , ka bul a mu chu ka nek sawlh sawlh nghal a .
Ka en chhoh chuan mak ti awm pawn a awm lo , min kuai mu leh in , " Mu leh rawh , " A ti mai a .
Ani erawh thu chhuak in khum atang chuan a chhuk , bathroom-ah lutin a lo chhuah leh chuan tho phang hmel pawh a pu eih lo , a hmai a phih a niang a sam chu a huh deuh bawk a .
Min fiam deuh chul a , uBawihi leh a pasal (uMeribah) chu in si rial hian an thu a , a pasal chuan a kutah vuan in uBawihi tawng tui lai chu a en leh dauh dauh thin , a ruk in ka nui pet pet a , nupa nih hnu pawh a chuti taka la inthlakhlelh chu an inhmangaih viau a ni ngei ang .An awhawm mang e .
UBawihi hi chu a fel em bawk a a hmel a that piah lamah mize tha tak nelawm tak a nei bawk a hmangaih ngawih ngawih tlak a ni reng a ni . Ben-a nen hian lo innei ve ta ila tiang sawn min duatin min ngaihsak ve a ngem le ?keimah pawh ka ang lo pasal neih te ka suangtuah ve ta . Ka nuih a za . Ka nui pet pet chu uRuata'n min lo hmu leh , " Mi a chauh lawm lohin an nui thin , " Min en deuh ran hian a lo ti a .
An pakhar mai mai Ben'an , " Tu mu nui ? " A tih veleh , " Chutiang chuan bible-ah a inziak in ka hria , " A ti leh hlauh thung sia rum mangkheng in ka melh hrep .
Chaw kan la ei loh avang in ka pu chu a ri ruai ruai a , dar sawmpahnih a ri hnai tawh , ka khua lah chu a sik leh tan deuh a ka thaw sa leh ham ham tawh .
Bena'n ei tur min pek chuan rang takin ka ban vat a , ngawi reng in ka ei nghal malh malh, midang an awm ve tih pawh ka hre chang tawh lo .
Cont...........
I LOVE YOU MORE -14
-
- Posts: 95
- Joined: June 11th, 2021, 10:34 pm
ADVERTISEMENT (A hnuai a milem hi a nia hmeh zeuh tur chu)