)Ka phone ri vang chuan ka harh hlawl, ner sak chungin min rawn phone tu pawh en mang lo chuan ka la a. Ka nu aw ka hre zui nghal "Sumparlawm, rawn chhuk rawh chaw kan ei dawn" a rawn ti a, a dah leh daih. Nge maw mim rawn phone kher le, min rawn kai thawh that ve mai tur nia. An over ching cheng thei nia.
Ka chhuk chu min lo melh thap "Eng nge?" "A hrim hrimah min rawn kai tho tha ve mai ta cheu, min rawn call kher a ngai ami? Over hlawm lutuk mai" ka ti nghal hlaih hlaih a, "Harh thei lang chuan kan rawn phone miah lo ang che. I harh thei bawk si lo, i room kawngka kalh bawk si tih ngaihna kan hre lo in kan rawn call tawp che nih kha. Chaw ei kan duh tawh lawm, lo eisan che ila i phun nileng leh ṭhak awm sia"ka nu chuan a lo ti ve a.
"Ka awih lo emai, i duh te chuan kawngka chhe vek pawn i chum peih ang"ka ti leh hram pek a. Ka nu chuan min melh rum tawh rem rem tak a ni, "chaw ei va siam rawh" a ti hlak a, phun nui nui chungin chaw ei chu ka va siam a.
"Ka naute pawh an awm ve reng a,ka tha hi i chhawr chak ve hrim hrim a nih kha" ka ti mawlh mawlh a. ka thusawi hre pha ngat se chuan min melh rum leh tawh ngawt ang. "Eng maw i sawi nuah nuah a, phun phun lo khan chaw ei chu siam mai mai rawh. a hrim hrimah hna i kal dawn lo mi?" Ka nu bawk chuan a rawn ti leh a, dar zat ka en chiah chu ka che nghal bawrh bawrh mai. vawiin ka duty ni a ni leh nghal.
Kei hi Lalparlawmi ka ni a, nula kum 22 mi ka ni, kan chhungkua hi chhungkaw awm thei tak kan ni hran lo, college pawh kal lo in tar enkawl na pakhatah ka thawk ve a. Ka thiante leh ka chhungte chuam Sumparlawm min ti fiam thin a, mahse sum ka lawm hran lo a nia. Min hrechiang lo tu te bulah erawh Lal nunutei ka inti thin, Lal nunutei tih hlir in min hria,, mahse midang awm lai chuan Sumparlawm tih chuan min ko bik lo, a chang leh Nunsim-i ka nia. Ka nun ka sim chang hian Nunsim-i ka nia, a chang changa sim lo leh-i ka ni leh bawk a.
"Ka insiam nga ka hman nimai, aww min lo nghah loh ten keimaha min kaltir i tum mi?" Tiin ka thiannu ka hnathawh na atanga ka chhar chu ka be mawlh mawlh a., Scooty hi kan nei ve a, mahse ka khalh thiam loh chu thuhran ka nau hian school kal nan a hmang thina ka chang lo a nih ber chu.
"Uii Nunsim i rei zia hiii,,,, nang mah vangin kan tlai leh vek dawn a nih hi."Tiin min lo hau nghal a,,, " kal mai mai teh, phun reng suh Zionthang" ka ti kher a. A huat hmel a sin,,, Zion Hmangaihsangi a ni a Zionthang ka ti thin Nunsim min tih a ching lutuk a tin ni.
"Ui, ka rilru chu a na ve det, ka bialpa khan min lo kawp a" hnathawh na hmun kan thlen tep chuan a rawn ti a. "Chu engtia ti turin nge min duh? Ka khai zai dawn mi?" Ka ti a,,, "aihh chutiang lam pawh ni lo. Ka rilru chu a na ve mahse a duh a thlang tawh a, a tihsual leh amah khan a tuar ang a nimai." A ti a, kan lut nghal.
" Nunsim, banah bazar kawi lawk ang aw" a rawn ti sa sa a, ka lo bu nghut.
~~skip~~
" Saw ti lai dawrah sawn lut lawk ila a tawk mai ang" tiin kan hma a dawr aw chu ka kawk a,, "an nei dawn mi?" A rawn ti vethung a. "Beidawn nan hrim hrim pawh va en ang" ka ti deuh tlat,, " ok nia tha lawm"
" Parte, i dam maw" rawn titu lam chu ka hawi vat. Ramhmachhuana nen kan inhma chhawn ran mai. Ani hi ka tleirawl lai a ka ngaihzawng a ni a, mahse min lo bum mai mai alo ni a, kei chuan ka lo hmangaih hman sia mahse a ni vang hian ka nun tih hreawm ka tum lo ve êm a, ka move on tawh.
"Kan inthen hnu khan i move on theih loh ka hlau lutuk a" a ti vei ham ham lehnghal,, uii a zak lo lutuk phuihnam a mamawh a nih hi.
"Move on thei e, ka move on thei lutuk."ka tia awih loh hmel zetin mit tizim sunin min melh kher leh nghal.
"I awih loh chuan hei ka pasal hual a nih hi" tihpahin ka bula mipa rawn ding chu a banah ka lo kuah ve ringawt a, a meng phar awk mai, ka bula mi pa pawh chu a khawng awt ni mai in ka hria.
"Oh!" A ti ringawt a, a kalsawn daih.
Ka bula ding pa ka han en chu min lo melh run a, a hmel chu ka hmuh hnu a ang hle mai leh nghal. "I eng maw ka nih?" A rawn ti sup a, awi!!! Ka zak lutuk ka zak lutuk. "Aaa aihh,, engmah ka tihpalh min ngaidam rawh" ka ti a a ban ka vawnna pawh ka thlah nghal, anui suk mai.
Anu ni awm tak hi kan lamah chuan a rawn kal a,min nuih ver ver mai.
"Ehh,,kha bawiha tu nge?"a rawn ti a,
"ka nupui hual a nih mai hmel" ngeiawm zetin chupa chuan a la tizui, "nupui hual a?"chu nu chuan a rawn ti vak a."a,,, a fiamthu mai mai a nih kha,,, bye bye phawt u" tiin dawr chhungah chuan ka luh san daih, ka luh velleh "khaw nge i kal a eng nge i tih? Pawnah khan mipa pakhat i la kuah zui a." A rawn tih chuan ka melh rum vak mai.
" Sawi pawh sawi suh,,,, mahni lo maha zah mah nak laiin" ka ti a, eng nge tih nan a mit min san khum ak.
"Coffee in pahin ka hrilh ang che" ka ti a, ka kai chhuak nghal. Restaurant pakhat ah chuan ka luhpui a,, thil thleng leh ka tihdan vel chu ka sawi ta a,,, a chek tlak tlak mai. "I va á ve ti nge chutianga i tih ngawt" min ti a. "Ka hre bik lo, move on thei lo tur a min ngai kha tlawm ah ka la lawm" ka lo ti a,,, " aaa,, engpawh ni se a thleng tur ang a thleng zo vek tawh, a hre reng bik lo ang che,, kha i duh ber coffee hi han in leh phawt mai teh" tihpahin coffee chu min pe a, ka lo ban ve vat.
~~skip~~
"Nunute hei hi lo va hruai rawh le" tiin Melody chu a rawn au lang lang a,,, ka phei vat, pitar pakhat hi an rawn hruai lut hi a lo ni a. Ka thawhna hi kan sawi zau lawk anga, damlo ang chi pawh kha kan enkawl tho a,mahse kei ka thawhna tak hi chu tar an fate office emaw hna an kal laia khawhar taka awm tur te, lo kal khawmna a ni ber ang chu chutiang ah chuan keichu ka thawk a. Damlo pawh an enkawl tho.
"Nunsim, lo va chiauau teh,,, saw" tiin kawng khar lam chu a kawk zauh a, awiii!! Ka duh thei lo! Hmanni ah ka pasal hual ka tih ve ringawt leh pitar pakhat hi an rawn lut a, an hnungah chuan hmeichhe chhe lo tak hian a rawn zui bawk. Tih mai tur pawh ka hre lo Zionthangi lah ka bulah a awm bawk si lo. Alka-i chu ka ko a, "Saw mite saw lo va buaipui rawh i tih lai kha ka lo ti nga" ka tih lah chuan a duh der lo leh nghal,,, ka hmachhawn tho a ngaih hmel.
"Lo kal rawh ka pi,,, saw ti lamah sawn midang pawh an awm alawm" tiin pitar chu ka va be nghal daih,,, room pakhat an inkawm thinna lamah chuan ka kal a. Ka va luhpui ta a, ka chhuah leh chuan an lo awm tawh lo a.ka thaw huai mai. Zionthangi rawn phei mek chu ka lo pawt rawk rawk a.
"Ka hmu" ka ti ringawt a ani lah a lo bo nasa, "tu maw i hmuh?" "Aww hmanni a ka pasal hual kha" ka ti a, a nui hawk mai. "Chuan engtin? A nupui hual chu i la ni reng em?" Tiin ngeiawm zetin a mit ko a rawn san ak. "Kal mai teh" ka ti a, choka ah chuan ka lut tau nghawng nghawng mai. "Nga ti nge kan Nunsimi chu?" Tiin Melody chu a rawn phei a ka ngei tak tak a ni. Nunsim-i min ti ve ziah, a chang leh Nunsim leh lo-i te min tia.. hming ka ngah lutuk.
1 month later
"Sumparlawm thleng hi i rawn sil dawn nge i thleng sil turin an rawn pan hun che i nghak?"ka nu chuan a rawn ti lang lang a. "Amak ka lo chhuk, min lo nghak lawk ula dawhthei lo ee..." Tih pahin ka phone a message ka type sa chu ka thawn nghal.
IG ka luh chuan ka hriat ngai loh atangin message ka dawng nawlh mai.
{Ka nupui hual hi a mu tawh em aw?} a rawn ti,, uiii !!! Ka duhthei lo kha pa bawk kha a ni. Ani hian engtin nge min hriat theih le.!!
{A pawi hle mai i hriat sual a nih ka ring} tiin ka reply a, khumah chuan ka mu zui nghal.
{Hre sual lah lo e... Nikhat thil thu ah mi pasal hual ka ni thut a}. Arawn ti leh kher.. ka van ngei tak, a senior tawh teh reng nen a la nghal em em zui,, tu nge a nih ka hre vek tawh tlangval senior hausa a lo nia
ka pasal hual pawh tu nge a nih tih zawn chawp ka ngai a nia.Inthup in awmzia awm dawn a ka hriat loh avangin ka insawifiah a that zawk ka ring.
{En teh,, kha kha ka sawifiah thei,, ka duh vang renga ka pasal hual anga sawi che ka ni lo ania} ka ti a, a seen a type mek eng nge a sawi ang lee.
{Ok,, ka hrethiam e} huizzz ka thaw huai huai thei ta in ka hria..
A hming chu Vanlalhmangaihsanga a ni a, kum 32 a ni. Tunah hian anu nen an cheng mek a,, unau dang a nei lo niawm tak a ni, chuan anu ka thawhna a a rawn hruai ni a,,, lo kal ve kha a bialnu a lo nia. Mahse hmanni lawka an inthen thu a sawi a chhan pawh a bialnu khan a lo kawp ni ngei tur a ni.
{Nunute bialpa i nei em?} A message chu(h)
{Nei nang. Nga tan nge i tih?} Tiin ka zawt let a.
{Bialpa neih hi i duh lo mi}
{Duh pawh ni ila min duhtu an awm chuang si lo a
}{Duhtu che ka hria}
{Tu?}
{Keimah} ka chhang tawh lo, ka zak bawk si chu ka sen awp awp in ka hria. Ani ang mipa hmeltha leh man lutuk in min duh nia.
{I fiamthu a sang emai}ka va ti daih thung a.
{Fiamthu lo in ka duh che,, ni ang} teh tawpa tlangval senior tih takah tihkual vak a peih lo a nih ka ring.
~~skip~~
Kan in ngaizawng ve der ka awih thei lo zawk,, ka mumang a nih te ka ring rum rum zel.
Thla hnih dawn chu kan in ngaizawng ve ta,, kan buaina ber chu a thikthu chhe lutuk hi a ni,, a thiante pawh a thik a nih chu... Ka thiante Zionthangi leh Melody lehzel pawh a thik a nia.. a buaithlak.
Vawikhat pawh a thianpa kha thil min siamsak turin ka tia chumi kan inbe vel chu a lo hria a,, a lo thik a keiin a thik tih hre lo in kan inbiakna leh kan thil tih vel chu ka lo hrilh ve zel sia,, chaw te a lo ei duh lo vel a min tih tauh san a, tlangval senior ve uai tawh si hi a naupang chhia thei a nia aww..
Kan in ngaihzawn chhung hian min duat a,, min care em em a,, ka chhungte pawn an duh vek kan naute nen phei chuan an innel lutuk ringawt..
A thla thum na ah thu thin thawng tak ka hre ta,, a bialnu hlui Aremi kha a rai,,,
Hmangaihsanga fa angin an la sawi zui mahse a mah chuan a fa a nih a rin loh thu a sawi a. Mahse Aremi nau pai chuan thla thum hmel a hmu tep tawh,, a ni thei lo!! A ni tur a ni lo!!
Zing ah chuan ka number hriat ngai loh atangin call ka dawng a, "Hello" ka tih chuan hmeichhe aw mawi tak hian "Nunuteii maw? Ka be lawk duh che a,hun i nei ang em? Aremi ka nia" a rawn ti a, ka chil ka lem khawlh, "aw hman e. Dar eng zatah nge? khawi hmunah nge niang? ka ti a " i tan a harsat loh chuan ITI lama ka awm lai a nia lo kal mai ta che" a rawn ti a " aw le" ka ti sap a phone kan off nghal.
Restaurant kawtah chuan dingin thawk ka la vang vang a, " a tha vek ang" tiin ka phun sup. Dawr chhungah chuan ka lut ta a, min lo ko a a lo thut na lam chu ka pan vat. " Sawi la" ka ti sup a. Ka kutah a rawn vuan a. " Nunute i tan a harsat tur zia ka hria mahse khawngaihin Hmangaiha hi kal tir rawh, a fa leh ka tan hian khawngaih lo kaltir hram tur che in ka duh che" a rawn ti dam dap ka rin dan chuan min hau hrepin kalsan turin min tih vak vak ka ring kha ania mahse ka rin loh dan lam zaidam takin min lo dawr si a.
Ni e, Aremi sawi kha a dik, ka kal tir a ngai. Ka hmangaih viau pawh a ni thei mahse ani hi ka kaltir a ngai. Ka duh chuan mahni hmasial takin ka chelh lui thei mahse a fa a fahrah dawn mai bakah Aremi kha, ka kaltir a nih chuan keiin ka tuar ang, mahse keichu ka la naupang a mi dang tha tak ka la tawng leh mai ang ni e, thutlukna ka siam fel tawh ani hi ka kaltir tur a ni.
Ka hma a mipa chu a mitah tak melh chungin
"Kal rawh,, keichu min theihnghilh ang che. I fa leh i nupui te hi tha takin enkawl la, pasal leh pa tha tak ni ang che, chu chu ka thu chah duh hnuhnung ber chu a ni" tiin ka tho a ka hnunglam hawi let miah lo in ka kal ta a.
Ni e, ka kal tir ta. Ka hmangaih chu ka kal tir ta, mahse mahni hma ka sial loh na hian min la tih hlim ngei ka beisei. He natna hi chu ka tuar chhuak em em ang, mahse ka dawhthei a ka nghah theih ve hlek chu a ngai dawn a nih hi.
A tawp ta.
Zan hun hman nuam vek ule... tui takin inmu vek dawn nia
