NICOLAS ZOHMINGLIANA

Story tawi te te emaw luanliamna emaw post na
Chhephaki muani
Posts: 132
Joined: August 4th, 2021, 7:10 pm

NICOLAS ZOHMINGLIANA

Unread post by Chhephaki muani » November 28th, 2021, 9:13 pm

NICOLAS ZOHMINGLIANA







Ka duh vang reng nilo in he hmunah hian ka awm a,rui lo chuan tun thleng hian ka la hma chhawn ngamlo a nih si hi,ka chhungte chuan mahni duh thu ngei a kal ah min ngai a,mahse a nilo kei hi vo behni in loh theih loh in ka tih a ngai a,ka hne in ka nun ngei pawh lak duh chang ka ngah mai,mahse kei hi ka nun ka la a nih chuan ka hmangaihten min zui ve nghal tho dawn bawk si kei chiah hi ka in ngaihtuah theilo a ni,pangai taka nuna hmeichhe dangten an suangtuah angin ropui takin Pathian biakin hawng ngei a,kan Pathian hriatpui na ngei a pasal neih ka suangtuah thin mahse chuthil chu kum thum (3) kal ta kha a tawp tawh.










ka nuna thil rapthlak tak ka tawnna tur a ni tih hria ila chuan kha hmun ah khan ka kal lo tur,kha tih hun lai (kum thum kalta kham)ka u ti ila ka pa u fapa brithday lawm turin karaoke ah kal an rawt ve tlat vangin kei pawh kal turin min tih nawn tluk tluk vang khan ka kal ve a,a tir chuan nuam kan ti in ka kalpui ka unaute ho pawh an rui an chatthla phengphung tawh ka unau hmeichhia te ho pawn an in ve nghe nghe in ngailo vek an ni a,an zawh chin an hrelo ve hlom khawp mai,kei chiah in ka in lo a,tiang brithday lawm tih avanga Pathian tih lawm lo zawnga khawsak ka duh loh vang a ni.










a lum tak em vangin pawnah ka vak harh a,kha tah khan pawn ah lo chhuak lo tawp ila tiin duhthu ka sam thin mahse a thleng vek tawh si a nih hi,khatah khan tuna min vo bet tute hian min pawngsual in video an siam bawk a,ka chhungte hmuh ah leh ka sawi chhuah chuan ka chhungte an thah vek tur thu an sawi bawk a nih kha kha thil kha ka duh vang renga ti ka nilo tih ka nu leh pa te hian hria se tih chang ka ngah,thup hlen theilo in ka sawi chhuah mai ka hlau a ni.












ka chhungte ka hmu ngai tawh lo a,chhuah phalsak kan nih lai pawn ka chhuak ve ngailo helaia awm tamtak hi chu a tir a tih luih an ni mahse kum hnih(2) kum thum (3) hnuah chuan engmah pawisak neilo leh nuam taka hmang thei an ni tlangpui tawh kei chiah hian ngaiah ka la nei theilo a nih hi,sawi chhuah chak chu kei chiah hi ka ni bawk,nitin zantin ka biak thin leh a thu ka chhiar ziah thin a,a biak thin a mah faka ka zai thin kha tunah chuan a hming Pathian tih ka kâ atanga lam chhuah hi ka zak in ka hreh ngawih ngawih tawh kei misual leh tenawm tak hian ka phulo a ni,a hming ringawt pawh hi lam a hriat ka phulo.












ka chan tawk chu ka thih hunah ka hmu ngei ang nia ka vui lo ang,ka duh thlanna a ka kalna hi a dik lo em a ni,a hma kan dam chhungni te chhiar dan min hrilh rawh ka tih thin na Pathian kha chu ka tan chuan a awm ve tawh lo,nilo in a tan chuan ka tenawm mah mah tawh"zodin min dawrtu turte an lo thleng a nia lo chhuak rawh"tia min lo au tu,pui chu buk khum nghat in ka thil ei thin ngei mai,a tello chuan tuna ka tih tum ka tih theih miah loh thin na ngei chu kan ei leh tete phot a,mum nga(5) lai ka ei,chutiang a nih loh chuan engmah kei mah ah hian a thawk lo.












A hmaa hmeichhe nuih duh tak leh hlim thei tak lungngaihna leh natna hre thiamlo engtik lai pawha hlim thin nui reng thin kha chu tunah chuan a thi tawh tunah chuan ka hmelah leh ka nun kawng zawh thar ah hian hlim hmel hmuh tur a awm tawh lo a,tunah chuan tlankhur thim taka awm leh lungaihna tamtak a mit atanga tui luang chhuak reng ka ni tawh zawk,ka tawng tlem in ka tawng chang pawn a tul hunte ah lo chuan ka tawng ngailo,a hma kha chuan tawngduh tak kha ka ni thin a sin.








NICOLAS POV*








"bro ti teh ilo haw ve chiah a zanin chu in ti hlim teh ang hmeichhe chhelo deuh deuh awmkhawm na ka hria nia aw"tia min tur chhen tu chu ka melh rum vak a,engah mah zu han ngailo a,ka hnek hrep zawk dawn mawnle, nimin khan mizoram ah ka rawn let a,company enkawl dan zirin ka awm char char a,kum ruk(6) vel chu a ni in ka ring,ka pa hi company lian tak neitu leh mizoram leh rampawn pawha mi pawimawh ni pha ve ngat kha a nia, mafia boss a ni bawk,mafia boss a nih vang khan buaina duh ngawih ngawih ang leh drugs tawlhru thin ei ruk ching ang kha a nilo a,kan mafia chuan mafia dang pawl in an neih hmanrua chu nei ve vek mah ila remna kan duh ber thin,mahse an duh lo a nih chuan a tawp kan thleng thak thin.











mafia boss ah chuan ka pa hi an fak rawn leh mite tanpui hreh lo mi a ni,tunah chuan ka kutah a awm tawh dawn a ni a,ka enkawl zo ngut ange maw,ka tette atanga in sual leh mahni in vendan zirtira training tir ka ni a,tunah chuan ka zirchhuak tawh a,ka ta ka neih a hun tawh tha takin ka enkawl ang"bro ti teh tiang ringawt chu kan ngai che a,ilo haw kan nghah na lamah ka nghawng pawh a sei vek tawh hi,zanin chiah a niang"a tih tak tlat ah chuan ka kal ve ta nge nge a,min hruaina mai mai chuh,hmeichhe in ha chhing tak tak an lo tam ngang mai en reng reng pawn ks an ni tih a chiang lutuk tlat thiang hemichhia hi ka huat ber leh ka ten ber an ni.












"bro sawnu saw chu hnaih vak suh aw,a la kristian ve reuh lutuk a,i duh ang in i che theilo ang"ka thianpa kima chuan ka beng bulah a rawn ti su su a,a kawhna lam ka en chuan hmeichhe lian ve lam pang a sam a dar si vel chiah chiah a sam zuah a pian chu a dik tlawt a lawm hmeichhe pangai tak nise chuan a tha pawl tak a ni ang ti ila a hmel ka la hmulo mai pawh a,a kawr sen hak chuan a vun ngo tak nen chuan a in chawih hle a hnu rei vaklo ah a kalsawn daih a,ka thianpa lam ka en chuan kei min ngaihtuah tawh lo lek in hmeichhia a lo kiss ngawng ngawng mai,eng nge ka hriat teh hrep ni khanu kha zui chakna ka neih tlat vang chuan ka zui ta nge nge a.












ka hre thiamlo a nunah harsatna a tawh rinna nget tak ka nei tlat hi,in chhunglam ah chho in kawngka pakhat hi a hawng a,a lut nghal daih bawk,a hnu rei vaklo ka nghah hnu chuan ka hawng ta nge nge a,in chhung ber lo ni reng in,thlanglam kawngpui lam pang railing chu vuan in van lam hawi in a dak vah a,a phun sep sep bawk,a thil sawi ka hriat chak vangin thawm nei miah lo in ka pan phei a,"tinge tiang dinhmunah hian min dintir bik,nangmah ka rinna che leh i lam ka rawn pan naah khan i duh khawp lo em ni,tinge tiang thil rapthlak tak hmun tawp takah hian min awmtir theih zawk tinge?, zawhna tamtak ka nei thin,ka zawt thin che mahse tinge i reh vawng vawng si,ka mamawh che sin,tal chhuah ka duh,mahse tinge? ka hmangaih ten an tawrh a ngaih ve zel,kei hi rawn kal ila mahni in ka nunna ngei hi la ila ka hmangaihten min zui ve nghal dawn si,ka nun hi ka ning tawh lutuk thawk harsa ka ti in ka ipik ngawih ngawih a sin.












tiin a chawl a,a tap chhuak hawk bawk,a awm a chum dawt dawt bawk,"hetiang leh tur si hian tinge khawvel ah hian min piantir ve,tunah chuan ka in tiamna ka thil duh loh ber tih ka tum ngaihloh kha tunah chuan a tello in ka awm thei tawh lo a sin,i hma ngei ah tilo turin ka in tiamna kha bawhchhe turin nangmah bawk in harsatna min siam leh si"tiin a thu sawp niai a,a thu sawi khan a au hian a au a ni ber,a tap ri te chuan hreawm tih na ka nei ve ngawt bawk,tanpui duhna lian tak ka nei bawk ka pui ang,ka hrethiamlo a harsatna ka hriat khan ka helai ka awm zawn hi a na ve ngawt ngawt ringawt.












eng nge a chungah thleng anga,eng tiang takin nge a nun a lo hman tawh ang,eng tiang chiah in nge a lo tawrg ang,tih ka ngaihtuah a,a tawrh nat dan tur ka ngaihtuah hian ka thawk hi a sak talh ve ringawt,henu hi ka tan eng chiah nge a nih ang,tiang hian ka vawikhat hriat te lakah ka awm ngailo eng harsatna pawh tawk mahse,ka tan engchiah nge a ni tih ka hriat chhuah a ngai a ni.










a darah chuan ka va khawih a,a tap lai chu tawp in a bianga mittui luang chu hru fai sawk sawk in a rawn hawi chhuak a,min hmu chu a meng awk hman a mahse in siam tha vat in a rawn ding chhuak a"enge i duh a" a tap tih hriat tawh miah lo hian a rawn ti chhuak a"ka pui ang che,i thusawi kha tihpalh thilthu in ka lo hria a min ring la ka pui ang che"ka tih chuan mak a ti ngang a niang min melh kawk a"an ni thil tih theih zia i hrelo a nih kha,i ti thei chuanglo ang kei chuan ka tuar thei mai ang thil i ti khawlo zawk mai mai ang,ka tuar mai thei kei chuan mahse ka hmangaih ka chhungkua in an tawrh ve zel ka remti lo"a rawn ti chhuak a,a aw atang ringawt pawn a nat zia a lang.











nui suk chungin"min ring tawp la ka chhungah in nghat tawp rawh"ka ti leh sup a,lu thing nar nar chung hian" min tanpui thei in helai hmun hi chhuahsan thei mahila khawihah mah kalna tur ka neilo,tian ka awm anga ka dam ve tawk tawk mai ang"a ti leh a"ka chungah in nghat tawp turin ka tih che kha"ka ti sup engmah a sawi tawh lo,kan ngawi reng a,kan thu dun a,a nunhlui helai a awmdan te thleng in,ka lo thinrim in chumi te chu tihchhiat chak na ka nei ka in hum ruh ngar ringawt,nge a chhan pawh ka hrelo,a chunga an chetdan ka hriat hian ka thin a lo rim ve tung.













kei mah hi ka in hre thiamlo a mah hi ka tan eng emaw ni tak a nih ka ring tlat,a hmel la hmu chianglo mah ila a pian phung atang hian a hmel ruang am tur chu ka ngaihruah thiam mai,ka nunah hmeichhia ka la senglut lo a,seng luh lah ka tum lo bawk kei chuan hmangaih neih chu natna mai a ni tih ka chian tawh em vang te pawh a niang,neih tumna ka neilo a,keimah pawh hian ka hlim in nuam ka ti em em tho.







zodini pov*









Tu nge a nih ka hriat ngailoh leh a hming pawh ka hriat ngailoh chuan min puih a in tiam a,eng ang mi nge a nih tih lah ka hre hek lo,mahse a mah ah hian kan awmdun reilo te chhung hian ka thlamuan pui zia ka hria a,ka hahdam sawng sawng thei,chuan a thu sawi min ringla ka hruai chhuak ang che a tih pawh khan ka awih nghal vek,ka ringhleh lo a awih lohna lai ka neilo bawk,ka ring nghal em em a tumah hi ka ring hngal ngawt ngailo ka hriat ngailoh leh a hming tak ngial pawh ka hriat ngailoh lakah ngat phei chuan mahse hepa hi chu keimah ah hian a dang bik riau a,a hmel tak ngial pawh ka la hmu chianglo.










Ka ring ngam tak tak angem min bum nga a aia hreawm hmun ah min dah zawk ang tih te thleng in ka ngaihtuah a,mahse chutiang ti duh tur a nih rinlohna a lian zawk nge,thlamuang takin a bulah ka chanchin leh helai ka awmdan tuma bula ka la sawi ngailoh chu ka sawi chu a ni mai sia,








a kal liam lai chu ka thlir reng a kal dawn khan"min ring la ka rawn hruai chhuak ang che"a ti a nih kha ka ring thlap a hma kha chuan mipa hmangaih ka nei ve thin a lawm,min bum tih ka hriat chhuah hma kha chuan ka tan mipa tha ber leh ka engkim ka rin chhan ber a ni thin min bum tih ka hriat ni atang khan mipa hnaih leh ka tum tawh ngailo,hmangaih neih nawn leh ka hlau a ni,nei leh ila a hma ang chiah khan min tina leh ang tih ka hlau thin a nih kha,mahse tunah chuan kei chu mite endawng leh nuih sawh rawn ka ni tawh.








tu chhungkua mah hian an fate nupui atan min duh tawh lo ang,hmuhsitna tinreng ka hlawh nga an ân chhia tin reng ka dawng reng ang,ka vui chuanglo ang ka chan tawk lek a ni,ka kawng zawh hi a dik berlo tih ka hria, ka chhungte ka hmangaih em em te ho ka chhanchhuah dan kawng awm chhun leh hlim taka an la awm theihna a nih phot chuan engpawh tih hreh ka neilo,tunah chuan ka chhungte ngei pawn min endawng in mi chuang mai ka ni tawh ang.










a karkhatna hnu vel ah chuan chupa ngei chu a lo kal leh a,a hmel kha kha zan khan ka hmuchiang vaklo nang in a pian in phut mawi tak,sang tha tak te a lian zia atang ka la hre thei,ka hmuh chian takah chuan a hmeltha in a chhelo takzet,chuan company lian tak leh mafia pawl neitu fapa a lo ni reng bawk a,a pa ni ngei tur nen an lo kal a,a thu tiam chu a hlen ngei e,min hruai chhuak a,apa pawh a fel in pa tha tak a nih ngei ka ring bawk.









An in ah min hruai haw a,ka in thlahrung viau kalna tur ka nei chuang bawk silo a,apa chuan ka nu leh pa hming te min zawt a,tha takin ka chhang ve mai a mah chuan ka pa te chu a lo hria a,school atanga in kawm chho in tun thlenga an la in kawm ho thu a sawi chiah chu ka meng phawk khawp mai,ka pa te ka chungchang engmah hrilhlo turin ka ngen a,a ni pawn a remti ve mai bawk,










an in chu a ropui in a zau tha takzet kan in let in a lian in a ropui zawk,

karkhat ka awm tling ve ran tawh an chhungkua an felin ka in thlahrun hlau in min be reng a,in thlahrung lo a mahni in ang chiaha en turin min ti awllo bawk chuan ka sawi thiam chiah lo Nicolas ka vei tulh tulh a,mahni a ka awm changte hian ka lo ngaihtuah leh veng veng thin ka duh tawh ni mai hian ka hria,ka phulo a mitha tak a phu kei ve mai hian lo beisei ngam tur ka nilo.









chuvang chuan ka chunga an thil tih ropui in lawm viau mah ila,kei hi ka kal bo angai a ni thu ka ti tlu a ka kal bo a nih chuan a mah ka theihnghilh ve thei nga a ni pawn hmeichhe tha tak a hmu ngei ang,pawisa a hma daih tawh a ka khawl khawm ve chu ka hman a ngai dawn ta ka khawl hnem hman bawk a,ka in tundinna tur khawp chu ka nei,ka sawi tawh em tia mipa kan mutpui hian pawisa thlatin kan la lut a,kan chhungte kan thawn thin mahse kei chu an la duh dawnlo tih ka hriat vangin ka khawl a.









a tam ve tawh fu tunah chuan ka tuina em em zailam ka kal thei tawh ang,ramdangah kal in nun bul ka tan tha nga,chuan ka in peih hunah let leh in ka chhunga an thil tih hi ka la rul let ang nga lawmthu ka la hrilh ang,ka nun chhe mai tur min chhan chhuak a engmah tih let sak theih ka nei bawk silo,thawmhnaw ka nei em em lo bawk a,bag tereuhte ah ka thawmhnaw neih ang chu khungin in chu ka thlir vang vang a"ka lo let leh hunah min puih na zawng zawng leh ka chunga in thatna zawng zawng hi ka la rul let leh vek ang cheu tunah chuan engmah neih ka nei rih silo a"tia phun sep in ka kal ta a.










Nicolas pov*








kan company leh ka pu te atanga kan rochun chhoh zel mafia pawl chu ka kutah a awm ve ta a mawhphurhna a sang in tih tur a tam thei khawp mai a hma anga awl leh lenna hun ka nei tawh meuh lo,ka nu leh pa te an zin lai a ni bawk si,ka nau hmeichhia tenui lah a thiante nen an zin khawthawng ve bawk nen,zodini nen chiah kan awm bawk si,a ni tawngtlem ve tak leh ngawichawi tak mi a ni a,kei lah midang in a min biak chauha tawng mi ka lo ni ve bawk nen,kan in pawh a reh thei kawp mai.












hna ka zawh chiah avang chuan zan pawh a tlai tawh khawp mai,zodini pawn min lo nghak reng tawh ka ring a ni,tiang anga tlai ah hian ka haw ngai silo a,a mah chiah in a awm awm sia,awmpui te ho lah lang veka rawn kal an ni sia,ka ngaihtuah khawp mai tunah chuan ka tan enge a nih ka hre tawh a ni hi ka duh a ni,hrilh ka tum thin a mahse a in ngaihhniam lutuk thin hi ka tih reh phot a ngai a ni,a hma kha chuan ka nunah hmeichhia ka nu leh ka nau bak hi hmangaih neih ka tum ngailo mahse tunah chuan ka control zawh loh khawp in ka ngaihtuahna leh ka rilru la peng tu an awm chu chu a mah zodini ngei a ni.











a nunhlui lam ka ngaihtuah lo a,a nun hlui ah eng ang chiah in nge a lo khawsak ah ka buai hek lo,tuna zodini hi a ni ka duh chu ni,eng ang mi pawh nise ka buailo tuna a mah hi ka duh a ni,zanin hian hrilh ngei ngei ka tum bawk,enge a chhan ka hrelo engtin nge ka duh,engtik lai in nge a lo thlen tih pawh ka hre chuanglo, enkawl a tha takin nun hmang sw tih ka duhpui ber bawk,mi in an en zui a an nuih rawn tih pawh ka hria mahse chu chuan ka duhna chhete mahin a tih kiam phah chuang hauh lo a mizia engkim hian min hip em em a.












in a ka haw chuan a lo thim vek a,zodini ka au a,mahse tu man min chhang lo,room te ka enkual a a awm chuanglo,ka ngaih a ti tha tawh lo takzet ka room ah chuan ka lut a,chutah pawh chuan a awm chuanglo ka side table ah chuan paper hi a lo awm a,chu mi lam chu ka pan vat,lehkha ah chuan







"nico ka tilhpalh lutuk min tanpui nasa mah mah tawh a ni,tiang ringawt chuan ka ding chhuak thei dawn in ka hrelo a ni,i thla zar hnuaiah ringawt chuan ka nep in nun awmzia ka hrethiam dawn lo,ka ât na em em chu nang ka lo duh che hi a ni,kei ang hmeichhia hlutna neilo leh zahawmna reng reng nei tawh lo hian ka lo vei ve em em che hi ka tihpalh,i chhungah leh in chhungkaw chungah lawmthu sawi senloh ka ba nasa hle tih pawh ka hria,ka rulh let hma che a ka kal daih avangin min ngaidam dawn nia,i kianga ka awm chhng khan ka thla a muangin ka nuna kim lo riau a ka in hriatna te kha a bo phah thin,












tunah chuan min zawng tum tawh lo la,nun thar in nun bul tan turin hmun hla takah ka kal bo dawn a,ka hlawh tlin hunah chuan ka chunga in thatna zawng zawng kha ka la rul let leh vek ang cheu,ka lo let leh hunah chuan hmeichhe hmeltha tak leh tha tak nangmah phu ngei tur ilo neih ka phut a nia......dam takin le"









'mimawl nu'lehkha ka chhiar zo chu ka ti chhuak sep a ti nge i kal bo daih i nunhluiah ka buailo a sin,ka nghak ang che ilo kir leh hun ka nghak reng ang che,mahse engtik ah nge ilo kir ang,









ka hun hman dan chu a ngai reng zodini pawh lo kir zai reng a rel chuanglo ka ngai takzet a nui hmel te,ka bula hlim taka a nui hmel te kha ka ngaihtuah let leh thin tunah hian enge a tih ve ang min ngaihtuah ve thin angem min ngai ve thin angem nge ni a mipa dang a nei tawh zawk tih ka ngaihtuah nitin thin ka ngai ngawih ngawih a,hmeichhe dang ka ngaihtuah theilo a,ka nunah ka la lut thei hek lo,a kalbo atang khan ka nun a ruak in ka hlim in ka nui tawh ngailo.












Zodini pov*










chana ramah ka kal a tah chuan in hlawhna a tamin sum hmuhna a tam em em bawk ka tuina ber zailam ah luh tum in ka bei ve mek a,mahse tunthleng hian hlawl a la ni zel chu a nih hi ka beidawng lek lek thin nico ka ngaihna a reh thei bawk silo a hreawm takzet ka hmu chak em em a,a kiangah awm reng ka chak mahse a theih ve silo ka tan chuan kawng a pingin a rem ve thei silo a,chhungkaw zaawm tak atanga zeilian ni in mipangai tak ni ve ila.












tiu chang ka ngah mai,mahse khami hmunah khan awmlo in nun pangai tak nei ni ila a ni nen khan kan in tawng kher angem tih hi a rawn lang leh thin nia kha lai hmunah khan tihluihna in awmlo ila chuan pangai tak chuan ka nung ngei ang mahse a ni ka nun pum thlak danglam tu leh ka mipa vei ngawih ngawih hmasak ber leh ka duh ber hi ka hmu lo anga ka hnaih thei ngai hek lo ang.









hna thawh pahin ka chak ber chu min pawmna tur hmun zawngin ka kual thin mahse tuman min la duh ngailo a hnawl ka ni leh thin,mahse beidawn ka tumlo bur hlawh tlin ngei ka tum bawk chuan in chhuangtak leh mahni in ringtawk taka mizoram kan ram ngei ah let leh ka tum nghet tlat a ni,mahse engtik ah nge ka let theih ang tih hi ka hre lo a ni,nico chu mizoram leh mizoram pawn thleng a ngaihven rawn a ni bawk a,a chanchin hriat loh pawh tum ila ka kalna hmun ah ka hre leh zel thin si.











company pakhatah ka zai chu an pawm ve thram a kha ta ka lawmzia kha,chuta tang chuan zailam ah ka in sawr bing ta char char a mi hriat ka hlawh ve tawh in ka kalna ah pawh min lo hre tu pakhat ka hmu leh nawlh thin ka hlim a ka lawm hle bawk hla te chu ka phuah ve ta ngei a,keima phuah ngei ka sa thin vang pawh hian ka lar ve phah hle nico ka ngaihtuahna tur tamtak pawh min tih kiam sak thin vang pawh hian tha ka ti in ka hlim pui bawk,a mah ka ngaihtuah reng chuan a mah ka theihnghilh theih loh ka hlau a ni,a ni chuan min duh ve ngai dawn chuanglo a ka tan chuan theihnghilh hi a tha in ka in tihnat loh na tur kawng a ni bawk.










tanpui ngai a hmuh a,chu a hmuh chu khawngaiha tanpui mai a ni a,min duh vang a nilo in chu chu theihnghilh in ka lo duh a,ka â takzet






"i in lan a hun tawh e ka pi"tia min rawn be tuh chu ka en a,tunah hian mipui in min sawmna ngai pawimawh in ka in lan dawn a,ka zam ve takzet an tam in an au dur dur mai bawk si,back stages atang chuan stage lam chu ka pan phei a,ka chhuak tih an hriat chiah chuan aia ring in kut an beng a,an au bawk,music chu a rawn ri ral ral a,lak a hun chiah ka zai a mipui an reh nghal thap ka sak tur chu ka sa chhuak mawp mawp a,ka sa zo chiah chu an ri a bengchheng ngang mai mahse ka tan chuan bengchheng tih lam ai mah in ka rimawi hriat tawh a mawi ber a ni hial ang.










tunah chuan mipui in min hre zau ve zel a,ka pawisa lakluh pawh tamtham tak a ni ve ta,ka ke ngei in ka ding chhuak ve ta ka duh ang ngei chuan ka thil lo suangtuah thin chu ka ti hlawhtling ta e,tunah chuan ka pian ka seilenna hmunah chuan ka kir thei tawh ang kum hnih zet a liam ve ta reng mai,hriat loh karin hun hi a kal chak khawp mai,ka kir ngam a ngem tih ka ngaihtuahna ah a rawn lang leh thin.









nupui emaw bialnu lo nei tase ka hma chhawn ngam a ngem hlim takin ka hmachhawn theih ka ringlo a ni,a tir chuan duhna satliah ve mai ah ka ngai thin mahse tunah chuan ka hmangaih tawh hial zawk a ni,engtik lai nge enghun nge,ka hmangaih dan ka hrelo ka vei ve satliah ka nuna chhanhimtu tha ber a nih avanga ka vei mai mai thin ni in ka ngaih thin a nih kha mahse tunah chuan a ni tawh lo ka hmangaih tawh a ni,ka hmangaih hmasa ber in min bum in midang min pansan a hunrei tak hnu ah ka nei leh a mahse chu pawh chu ka ta a ni thei silo ka hmangaihna zinkawng hi a van bumbauh tak em.










keimah vangin ka chhungte rilru hah reng reng in an nun an hmang a,kei hi ânchhia lo piang ve lo tur ka nih lai in ti nge ka lo pian ve kher kher,tutan pawh hnawksak ka ni a,michuang liam mai ka ni,ka sawi tawh em ka drugs tih kha ka la nghei theilo tluang zel chu a nih hi ka la ti tluang zel a,tunah phei chuan hnar atang a dip an hip luh ang chi kha ka ti tawh hial zawk he ram ka awm atang chiah hian a ni ka tih tan ni,mahse ka hnar hi tunkum kum tir atang khan thi zeuh zeuh chang a nei a,ka hrawk a za a,ka khuh vak vak hian thi ka phuh chhuak thin.










ka thil tih in min ei let na ah ka ngai hmiah ka damrei ka ring tawh lo bawk,mahse chuti mai chuan thih ka la tum lo bur,ka chunga mitha tak min chhanhim tute chhungkua kha rulh let leh phot ka ngai chumi hnu chuan thlamuang takin ka chawl thei tawh ang,mizoramah pawh min hre hneh hle tawh a,nico kha chuan min hriat ka ring lutuk lem lo a chhan pawh min chhanchhuah bak kha min ngaihven zui peih ka ringlo a ni.













mizoram ah chuan ka awm vang mai min ngaisang ve tute ho in min lo hmuak a,ka hlim veng veng mai min ngaihlu a an hun hlu tak ka tan min lo hmuak tura an lo kal hi ka lawm a ni,nico kha lo kal ve se tih ka rilru ah a rawn lut hlawl a,ka la beisei fan hi ka in hua in ka in thiam lo hle,a ni chuan kei lo mi tha tak a hmu ngei ang kei ve mai hi chu a nawmchen nan bak min ti chianglo ang,a kawp ve mai mai a tan bak min ti dawn loh tih hi kei chiah hian ka hre chiang.














thla min lak pui duh te chu kan lakpui lawp lawp a ni a sa in min ti chau ve khawp mai,mahse an ni kan tih lawm loh chuan kan hlawhtling thei dawn silo a,motor mizorama min lo hmuak tura an tih ah chuan ka chhuang lut a,ka sung glass chu la thla in car nghen chhan chu ngheng thla dat in mitchhing chungin thawk ka la vang vang a.











ngati nge ka mithla ah hian i cham reng theihnghilh ka tum pauh che leh ka hnaih chakna che leh ka ngaih che a zual zel si,engtin nge ka tih ang che ka nun atang hian ngati nge i chhuah duh loh ka ngaihtuahna i luah hneh bawk si,a hreawm e mai ka ta i ni ve mai theilo em ni i hmangaih nih ka chak a,i hmeichhe awmchhun nih ka duh bawk,ti nge ka nih ve theihloh,hmeichhe pangai tak angin min en ve thei angem.












in awmna tur ka neihloh vangin hotel ah ka in nghat tawp a,in lei ka ngai dawn a nih hi ti ringawt hi chuan ka awm theilo ang,company leh thawhdun pui tura min sawm tute pawh an awm nuk mai,company lam erawh chuan an thil fakna ni pah fawma zai tura min duh tute an ni a,mahse ka ke a din ngei ka duh vangin ka hnar vek a,zai ve chak tak tak mahse an pawm siloh tamtak an awm chungho tanpui chu ka duh ber leh ka let chhan ber a ni bawk,











zai hi ka zai lai mai nilo in midang zai ka ngaithla kual duah thin chuta ka rilru hneh tu ber chu 'tbc zaithanpuia sak
hringnun parvul lai'tih kha a ni ka rilru a hneh in a dik ka ti hle,

chhum rei lote lo lang a ral leh ang mai,
kan nunna hi hmangaih tlak a awm lo ve;
khawvel leh a chhunga thil awm zawng teh pawh hi,
nun tur reng an awmlo e,an boral mek e,


tih hian min hneh in ka nun ka en hian a dik ka ti in a phuahtu hian ka tan a,a phuah ni awm tak a ni,ka nun hi ka hne tawh takzet,ka tha a rawn khur a,a khurh chhan ka hre chiang viau,ka bag ah lai a ka dah chu la in a hipna chu ka la chhuak nghal bawk,lehkha tereuhte ah hian an dah a,chu chu ka dawhkan ah chuan dah in ka hip lut a,ka duh tawk ka ngah hnu chuan sofa ah chuan ka thu thla dat a,mit chhingin ka hnar chu khawih zeuh in, thawk ka la ham ham bawk reilo te ah a rawn thawk nghal a.









ka zang vah a ka rilru hahna kha lak kian ang huai a ni,tunah chuan rilru hahna tur awmlo ang mai in ka ipikna zawng zawng a reh hawk hian ka hria,ka chanchin ah hian a tha lai a awmlo a,fak tur lai lah a awm hek lo, chhinchiah a entawn tlak a awm lo bawk,ka biak thin ka Pathian ka tih ve thin kha chu ka hnaih ngam tawh lo in ka be hreh tawh bawk,a thu leh awmdan mawi te,thutha tak tak min hrilh thin na bible pawh ka hnaih ngam tawh hek lo,









NICOLAS POV*








nitin a lo haw hun nghak in hun ka hmang thin ka nui ngai tawh lo a,zu hi ka in hnemna ber a ni tawh bawk a hma chuan thiante nena kan awmho lai bak in ka in ngailo,mahse tunah chuan ka kawm ber thin leh ka thiantha ber a ni tawh,a ni khan min ngai ve ngailo a mi ti nge min duh thu ziak si khan a lo in lan tawh em em loh,kum khat a liam tawh lo let tik reng a neilo,a nui hmel kha vawikhat tal hmuh leh ka chak takzet,









ka nun a ruak in tu mah ka be ngai hek lo ka hna ah bak rilru ka pe ngailo hna ka thawh loh chuan zu hi a ni leh tawp mai,ka nu leh pa te pawn min hau fo mahse sim ka tum ngailo,ka tawng hmuk hmuk a,ka thin an tih rim chuan thah chakin ka khat thin khanu chanchin a chhe zawnga an sawi chuan ka in sum theihna ka hlauh thin ka thiante ngei pawh ka dim ngai heklo,sakawlh ah min chhuah tak hi,a tello chuan sakawlh riltam ang mai ka ni.










hmeichhia ka haw vek a,a nilo kha chu ka hnaih ngai tawh heklo,kum hnihna ah chuan mizoram pawna kan mizo zaithiamah a lar ber a rawn ni chho a an ngaisang in an dawr leh kawng kam vel ah te chuan a thlalak an tar chhuai chhuai a,mahse a awmna lai tuman an hrelo an sawi dan chuan mizoram rawn let a tum thu leh a hun a hriat loh thu a sawi bawk,chuta tang chuan a hla phuah leh a sak apiang ka dah tha a,a hla record an pek chhuah apiang ka la khawm in a hla chu ka ngaithla reng thin.










chuta tang chuan beiseina ka nei tan a,mahse nikhat lek nghah pawh ka thei tawh in ka in ringlo,kumkhat a ral leh meuh chuan a rawn haw tih thawm a awm,a rawn haw ni tur an sawi chu kan mafia pawla hotu lu ho meeting ni tur tak a ni lehnghal a,a rawn haw ni chuan ka naute zinga pakhat chu ngaihven turin ka tir a,chanchin min hrilh zel turin ka ti bawk,mahse chumi nileng chuan eng chanchin mah ka hre ta chuanglo a,a mah vangin ka hna ah pawh ka rilru ka pe theilo a.












engvanga vei em em nge ka nih teh hrep ni hmeichhia ka umzui ngailo,mahse tunah erawh enge ka tih tak hi ka â zo ta a ni ngei ang,ka rilru leh ngaihtuahna zawng zawng a la peng a,ka thluak a ti buai zo vek tawh,





tunlai chu kan thawhpui thar fanu hian min zar hneh lutuk hi ka kham thin,ka kalna piangah hian min zui reng a,a ta ang chiah in min cheibawl ka ti mai apa ka zah vang chauh in ka la dawh hram hram a ni,apa hi zah viau lo ila chuan kei hian ka dahbo daih tawh ang,






zodinsang ilo let vat dawn nge keimah hian ka zawng zawk dawn che,tiin a thlalak chu ka be mawlh mawlh a, i reh rei tawh mah mah lo maw,min hrem rei tawh i ti velo em ni? lo let tawh la chuan i chunga ka rilru put hman engkim hi ka hrilh tawh tur che a nia,lo let vat rawh ka ngai tawh che,









mi â ang mai in a thlalak ka ni tin tih dan in en chungin ka be leh tawh a,a lo kir vat a nih loh chuan ka â thei mai ang ka thawkna min laksak daih ang mai a ni,ka lungphu hi a phut dan a pangailo ang mai hian a rang takzet ka in hnem theihna ber zu bawk ah ka tuan leh a,awmzia awm lo takzet,mizoramah chuan a awm ta ngei a mahse ka hmu ngam angem ka hrelo,min lo pawm theih ka ring lo a,ka rinloh rual rual in min pawm loh ka hlau leh tho bawk si.












a hotel awmna ka hriat tho avangin chumi lam chu zantlai tawh lam ah ka pan a,ka hmu chak takzet,hotel ka thlen chuan lo duty bulah chuan a awmna ka zawh chuan min lo hrilh vat tu nge ka nih tih a hre chiang bawk a,min hrilh mai,a room kawtah chuan ka ding vang vang a,a hnu deuhah chuan ka kik karh karh a,a lo hawng lawk lo lehnghal a,a hnu feah a rawn hawng chauh ka hmel a hmu thut chu a hamhaih hle,mahse rei a nilo in siam tha leh vat in nui sang hian min en a"lo lut la in hmuh loh na a rei tawh sia"tiin a awmsawn deuh a.









a room ah chuan ka lut ve mai sofa ah chuan ka thu thla a,"engvangin nge kha leh chen kha i kal bo? engmah min hrilhlo nge i nih?"ka ti nghal pang a,rawn thaw hak in "ka kalbo lo a nih chuan ka ke ngei in ka ding ve theilo anga chu mai bakah nangni ka tibuai renh dawn bawk cheu a, keo chu i hria nga ks mai ka ni in mualphona leh in chhungkaw hmingchhiatna ka thlen tir theilo a ni,min ngaidam rawh engmah sawilo a ka kalbo daih vang khan chuan ka rulh let leh vek ang cheu ka chhunga in thil tih man kha chu"a rawn ti a,ka rum hrawk











"engvangin nge i at em em,ka tan chuan i hlut zia hi i hre thiamlo a mi,ilo let hun tur ka nghah rei zia hi i hria em engvanga in ngaihniam em em nge i nih,ka tan chuan ka engkim i ni nia a dik a hma chuan hmangaih neih ka tum ngailo,hmangaih neih kha thil ho takah ngai in hmangaihna ka ngai nep thin mahse maw nang ka tawn che tang khan chu ka thu sawi chu a dikloh zia ka hre chhuak a ni"ka ti thawm sup a.









"min duh emaw i ti mai mai a nih kha a reh vat mai ang"a rawn ti leh a,"a reh theilo a,reh tur lah in ka duh hek lo,kumhnih ka nghak tawh che a changin theihnghilh che tum in ka bei thin mahse awmzia a awm lo,ka ngai che in i hmel hmuh ka chak thin zawng che ka tum thin a hun thawl ila mamawh tiin ka in hnem thin i awmloh chhung khan kei hi sakei riltam ang mai in ka khawsa thin"tiin ka kuah a,a chelo a min kuah let hek lo a awmdan ngaiin a awm tawp a,ka kuah ang ang chuan a awm tawp"i â tawh a nih kha kei lo hmeichhe tha tak tak an tam lutuk kei ve mai hian engmah hlutna ka neilo chuvang chuan min kalsan zawk rawh"tiin ka kuahna tang chuan tal chhuah a tum a,kaltir nawn leh ka tum tawh lo








"i hun kal tawh chu hriat ka phu i ti velo maw"ka ti sup a,in rem takin kan awm tawh a,a sofa ah chuan kan thu dun a,ka dar ngheng in a mu a,kei in a darah kuah liam in leh lam in a kut ka vuan bawk,"sawi tlak leh sawi tur vak pawh ka hrelo nang in i tih tlat chuan ilo ngaihthlak peih chuan ka thiam ang ang in kan sawi nge chuan nang pawn min hrilh ve thei"a rawn ti a ka bu nghat nghat
"ka hriat theih tirh ata naupang hlim thei tak leh harhvang tak ka ni thin,unau pianpui ka neih loh vangin min duat em em a,ka nau ti ila ka nu leh pa te fa lak hi a ni a,chu chuan kan chhungkua ah hlimna nasa tak a thlen bawk,khatah khan naupang kum10 mi lek ka la ni mahse khatia nau ka nei kha ka hlim em em a,ka duat in ka ngaina bawk a bulah ka awm chawt a,ka veng a ni deuh ber,school kal lam a lang ngailo,chuan hun a lo kal ve zel a,ka nau pawh a lian chakin a rualpui te zingah chuan engkima tha ber a ni ziah thin,a thang duh in a hmeltha hle bawk,ka nu leh pa ten a rawn len hnu chuan phaia lehkha zira dah an tum khan ka remti vaklo nangin a tana tha tur a ni tiin ka pawm ve hram a,









a kalhnu reilo te ah kei pawn bialpa te ka nei chho a,a hming chu rempuia a ni,a felin min duat hle a,min ngaihsak in,ka hlim loh a hlau em em thin tleirawl tet atanga in ngaizawng kan ni bawk a mi tupawh mai khan kan in neih loh kha an ringlo a ni ber ang chu,kei pawh ka hlim in ka bialpa rempuia kha ka hmangaih hle bawk mahse maw a ni chuan ka hnunglam atangin min lo bei reng a,a ni chuan hmeichhe dang hmangaih a nei tawh a chuan fa hial pawh an nei tawh bawk kha thu ka hriat atang khan ka nun chu a chhe vek ka ti mai,a ni doctor nih a kei nurse nih a hna thawh dun kha kan tum ber thin mahse a mah bawk in kan thu thiam te chu a hlen lo a,min kalsan a ni,chuta tang chuan in ah ka tawm chawt a tul fetah lo chuan ka chhuak ngailo ka nu leh pa te pawn min ngaihtuah in chhuak harh turin min ti reng thin ka duh ngailo,an in neihni phei kha chuan maw ka na lutuk hi awm ngaihna ka hrelo a,ka thawk kha a tawp mai dawn hian ka hre hial,









mahse a hun takah ka biak thin leh ka duh leh mamawh ka dilna Pathian chuan min kai harh in a ni vanga tlu chhelo tur in ka in nawr kal a,ka nun pawh a pangai chho viau,mahse khazan ka unaupa ka pa unaupa fapa brithday kan lawm zan khan tuna min man tute hian min pawngsualin video an siam bawk min vo nan an hmang a kha chu pawi tihna ka nei chuanglo an theh darh a nih pawn ka tuar chhuak mai thei mahse ka chhungkua ka hmangaih kha thah ah min vo bawk nen ka tan kawng a awm lo em a ni,tianghna min pe dawn tih ka hriat khan ka duh lo hle a,drugs pek luih ka ni a,kha tah khan ka nun chu a tawp tawh ni in ka ngai thin ka Pathian min siak tu hnenah drugs leh ruihhlo reng reng ka tilo anga min ti lui tu pawh hremna ka pe ang tia ka lo in tiamna kha ka bawhchhe ta a ni,









chutah chuan in zawrh luih tir ka ni a, a vawihnihna duh lo in ka tanglui a,nghaisak leh sawisak ka ni a,mahse in thiamloh na nei hmel an pu lo a lawm tak hmel an pu zawk,kan in zawrh duh loh chuan min sawisa a,na takin min hrem thin tuar chhuak zolo a thi ta an tam hle nghe nghe,dam chakna ka nei tawh loh atang phei kha chuan thih daih kha ka chak thin mahse ka chhungten an tuar ve zel kha ka ngai ngam ngang lo a,an tan tiin ka tuar tlawk tlawk mai a ni,a bak kha chu min rawn hmuh atang khan a ni mai"tiin thawk a la ham ham a,a in hum ruh hle tih ka hmu thei,










a tuar nasat dan tur ka ngaihtuah hian khami te kha ka lo ti chhe veklo kha ka in chhir ngawih ngawih lo ngaireng ru in la hre khawp ang,ka tuar let tir ve ang cheu,a sam ah chuan duat takin ka chul a,a khat tawk in a chal ah ka fawp leh vang vang thin,min pawm thu pakhat mah la sawilo mahse a chezia tang hian a lang chiang em em a ni,
min pawm leh pawm loh sawi lang lo mahse ka hria min pawm a ni tih hi,











karkhat a liam leh meuh chuan a ni pawn a zaina lamah a tluangin,sawm tu a ngah thei fu mahse a tum ber chu a mah ngei in a,a mah anga harsatna nei kalna tur hrelo te,tanpui a duh ber chu tih a la tum fan a,puih ka tum in a duh bawk silo,ka hmeichhia a nih leh nihloh ka hrelo min duh leh duh loh ka hrelo a ni,in ngaihzawnna lam la sawilo mahila kan thikthu a chhe dun thei em em lawi si,
ka nuna hmeichhe awmchhun chu ka theihnghilh mai mai theilo a nih hi.










ka phone chu la chhuak in a no chu ka hmet chhuak a"ka duatte enge i tih ka ngai che"ka tih chuan a rawn nui hawk a,ka uang lo a ni tih hrilh ngam ila ka in ti,a ni chuan ka fiam emaw a ti thin ka biak apiangin ti khan ka ko ziah thin,ka hrilh loh chhan pawh ka hre hrep lo,a rawn kir hunah ka duh thu hrilh ka tum a ni lawm ni,mahse ti nge ka hrilh mai theihloh ka taksa eng emaw lai ber ah hian min dang tlat ni,ka hrethiam lo a hmangaih ber in a tih nat tawh vangin hmangaih neih leh a harsat tur thu leh mipa a nuna lakluh a tum tawh loh thu a sawi vang kha em ni.











"rawn uang reng suh aw,i ninom lutuk mai ka ril a tam lutuk a"a rawn ti sup"tinge engmah ila eilo em ni,khawiah nge i awm reng reng"ka ti nghal vat a"phi cheng thin lo teh tunah hian studio tur ka en mek"a rawn ti a,studio din a duh thu kha a sawi tak e"um. i awmna lai vel rawn sawi la ka lo kal nghal ang"ka ti a"a ngai kher hlei nem hei ka zo nga eitur ka ei mai ang"a rawn tih chuan ka rum hawk"sawi mai rawh ka ngai che a,ka hmu chak che" ka ti a,nui hawk hawk chungin a awmna lai a sawi ve mai bawk.










a awmna lai a sawi chuan chulai hmun ah chuan ka kal nghal vat,a hla hrep leh nghal a,studio tur chhungah chuan a lo awm a,mipa nen lo ding dun in an lo nui dun hawk hawk a,ka thin a rim nghal ringawt in hum ruh tung chungin an lam chu ka pan a,min hmuh velah chuan ka bulah chuan a lo tlan phei nghal vat"ilo kal tak tak pawh ka ringlo a"a rawn ti a,a nui nghal ver ver bawk"tu nge saw pa saw"ka lo ti hmuk thung"naaaa nang chu a ni saw chu he sudio neitu pa hi a nia a hralh phal tih ka hriat khan ka lawm lutuk a sin"a ti nghal var a,ka in hum ruh lutuk pawh in thlah dul deuh in ka kuah a,










engmah a sawi bik lo in min lo kuah let ve a"min ngai tak tak te pawh i ang alawm le"a ti sup a,kuah nghet sauh in "i hre thiam ngai dawnlo a nih hi"ka ti sup a,a rawn hawi hu mai"engmah a nilo ka ngai lutuk che hi ka ngaihte hi a tha lo"ka tih chuan a rawn nui a"ka hmeltha em a,zun ka nei ngah sia i zolo a nih kha"fiamthu tih hriat zet hian a rawn ti a"um a dik ang"ka ti sup,"lo thi thut ta ila engtin nge i awm ang,min ngai ve angem"a rawn ti thawp sup a,











ka la ngaihtuah ngailo lam daih a rawn sawi chhuah vang chuan ka ham haih deuh mahse in siam rem vat in "ka rawn zui ve nghal ang che"ka ti sup"min ngai dawn em ka tia ka kalsan che chuan min lo zui tum lo in tha takin i nun hman i tum zawk ang chu"a rawn ti ve leh"i tello chuan nun ve reng in awmzia a nei dawn chuanglo ka lo kal ve nghal duh ang"ka ti sup"mawlmuk kei chu ka fel sia vanram ka kai dawn sa sia mahni i in tih hlum chuan ka bulah i awm thei dawn lo hnem"a rawn ti a,a tawngkam mak a chhuak leh dawn ta.













"chutiang lam sawilo in thil dang sawi tur i hrelo a mi"ka ti a,harh chhuak thut ang mai hian ka kuahna tang chuan a tal chhuak a,khapa khan mittla lo lek in min lo la en,a awm ve tih ka hre leh chiah"ahhh kan in be rem tawh tho a ka kal tawh mai nge"tiin chupa chu a kal chhuak a,a kal har kha ka ti reng a ni,zodini nen chuan a studio lei thar chu kan en kual vel a,a hmunhma a nuam in motor a tlan vaklo bawk nen a nuam fu,mahse a hmun hi chu chei ve fe a ngai ang.











"a nuam a sin helai hmun hi a hma daih tang tawha ka it tawh a nia,a hma kha chuan tuna a neitu hi a ni ngailo a, a neitu diktak chu helai hmun a hralh hnu lawk khan a thi a,chuan tuna a neitu hian an chhungkaw harsatna vangin an tih ral a ngai ta a,ka tan a lawmawm rual rual in a neitu te hi ka khawngaih"a ti siam siam a,kei in a tawng ka ngaithla a,a tawngve zat zatte hi a lawmawm in a duhawm ka tan chuan a tha ber a ni reng fo ang.










a ni hi chu hmeichhe dang aiin a danglam bik a,a in ngaitlawm in,mi khawngaihna te,mitanpui a hreh ngailo te hian ka duhna a ti zual,mi pawisawi hlau zeta a tawng ve thin te hian a mah ti zodini tu a ni,









Zodini pov*








ka hrilh hreh em a ni,min duh tih chu ka hre tawh min duh tih ka hriat tirh a,ka lawmzia kha ka sawi chhuak thiam lo hial mahse a hma thil ka lo tih sual tawh khan min vawlet in a hnena ka kal a min hrem vat vat theih nan a hnenah min hruai vat dawn si a,ka kal hma ngei a ka thil tih duh ber ka tih puitlin hma chu ka la kal theilo a ni,Pathian hnaih ai chuan tiin kawng sual ka zawh zel a ka hel bawk,a ni engkim ti thei chuan min hremnan tuna ka natna hriat ngailoh hian min ei chhe mek si a,ka chau telh telh tih pawh ka hria.










ka damdawi tih hian nghawng a nei chho a,ka chhe telh telh bawk,sudio din ngei ka tum a,hemi ka din zawh chuan ka kal thei tawh nga thlamuang takin ka chawl thei tawh ang,mahse ka tana tuar ve tur an awm hian kal min hreh tir a ni,mahse reilo te ah ngaiah a nei nga min la theihnghilh mai ang,min theihnghilh thuai dawn tho tih hre mahila ka kalsan hreh em a tin ni,










vuina tur ka neilo a dem tur lah ka nei hek lo,kei mah hi a ni mahni duh thu a nun hmanga kawng sual dai ta chu,thil ka ngaihtuah mai mai lai chuan ka hnar a rawn thi thut a,ka hrawk a za vak bawk a,ka khuh bawrh bawrh a,ka thawk a buai nghal vek bawk thi in ka khuh chhuak nghal bawk,ka mangang in pun maitur ka neihloh vangin ka thil hrilh duh loh ber ka hriat tir a ngai dawn ta a nih hi ka phone khuma ka dah chu ka ban rawk rawk a,a no chu thei leh theilo in ka call a,a lak theih lawk loh vangin ka call char char a,a tawp a tawp ah a la ta hram"ni....nico...nico....k....ka in ah"tih chiah ka sawi thei a bak chu a thim nghal vek.










Nicolas pov*







meeting kan neih vangin ka phone ka silent a,kan meeting rei phian bawk kan meeting zo ka phone ka en chuan,zodini call a lo tam mai a,call let ka tum chiah tih in a call a rawn lut a,ka la nghal vat mahse a rawn tawng dan atang chuan ngaihtha lo zetin an i lam hmanmawh zetin ka motor chuan ka pan a,hrep taka motor a la zam zui a,kan tawlh muang em em a,rei fe ka nghah hnu ah kan tlang ve ta hram,a chak thei ang ber in ka tlan a,a in luah ka thlen chuan hmanmawh zetin a in chhungah chuan ka lut a,a in chu ka en kual vel a mahse ka hmu mai lo,a room ah chuan ka lut a,ka thil hmuh vang chuan ka nghing dawt thei,thisen tamtak nena lo in chiah piah nuai ka hmuh chuan ka hamhaih in tih mai tur ka hre lo,ka sawi a ka au bawk mahse min chhangtu an awmlo a zawi vek a,nunna nei tawhlo tih hriat zet hian a taksa a dang lap a,a phui a hil vek bawk,










ka awih theilo a awih har ka ti takzet bawk ka hmangaih tih tak ngial pawh ka hrilh hma in,a thaw tawh lo a,a mar lah a awm tawh heklo,ka duh tih takngial pawh ka la hrilh lo ka ta a nihhma in ti nge i lak,i chungah hian tihsual a nei a mi?,tiang tur khawp hian engthil sual nge a tih lak tur chu a ni nilo in kei hi ka ni zawk lawm ni,kei hi min la la chuan a ni hi he khawvelah hian a tih zawh loh te tih tir turin hun pe leh rawh"tiin ka au vak vak a mahse min chhangtu pakhat mah an awmlo.










a reh hian a reh tlawk tlawk a ni ber mai,a thi chiah chu a nu leh pa chuan a tuar ber awm ang zia zangin an rawn tah khum a,an mahni ngaia ka bula a hmuh chak thute leh a ngaih zia a sawilai te kha ka mitthla ah a rawn lang uarh uarh a,a unaute chuan min en duh khawp mai,hmeichhe pakhat zodini aia nau tur hi ka bulah lo kal in min biak a duh thu a sawi a,ka hnial lem lo









"ilo enkawl vangin ka lawm e aw,chuan min mamawh lai bera ka awmlo hi chu ka in thiamlo ngawt mai a unaupa hian a nu leh pa bulah char char a awm emaw tiin ramdang ah a awmsan char char a,a hriat hnu khan a in thiamlo in lo kal pawh a hreh reng a,a nu leh pa te hi ka haw takzet,tunah chuan engmah sawina hun ka nei rih lo nakinah a kimchangin kan sawi dawn nia tunah chuan lawmthu chiah ka la hrilh thei rih che,a falin engkim ka hrilh ang che"tiin min kalsan a enge la hriat tur awm chu ni.













an vuiliam tur chu ka melh ngawt ngawt a,a thi tih hi ka la awih theilo,ka la phal theilo a ni kha a nui hmel mawi tak te kha,tham ral mai tur chuan ka pallo,a ni khan dam hi a la phu ngawih ngawih a sin,engvangin nge i bula kal turin i lak mai,keima thiamloh vek hi a ni ka hna ai khan lo ngaihtuah ni ila,ngati nge ka mawl em em'nico thi ta ila engtin nge i awm ang'tia min zawh laite khan lo hre thiam tawh tur ka nia sin









mumallo zetin karkhat chhunghun ka hmang a,karkhat a liam a,thla a liam tawh bawk a in tuman an khawih ka phalloh vangin a luah man pawh ka tum vek a,a sudio pawh ka enkawl chhunzawm bawk,a tih chak thin engkim kha tih sak vek ka duh a ni,a room ah ka la lut ngamlo a,zu hi ka in hnemna ber a ni tawh harh fima khawvel hma chhawn ka hlau a,kha ka hmangaih an phum bo rual khan ka thawkna dawt leh ka thinlung la phu ve kha chu an phum tel vek tawh











'zodin i awmna chu a nuam em? a nuam a niang i reh rei tawh e mai tiro,hrilh duh che leh zawh duh che kei hian ka ngah a sin,tu nge min ti nui anga tu nge he thinlung thim tak i tih en kha ti eng leh ta ang,nangmah lo chuan tu mah hian an ti eng zolo a sin ' zodin mi â ang mai ka nih tawh hi ti nge tiang hian keimah chauha khawvela awm tura min kalsan









a awmloh chin atang chuan khawvel hi a thim in nun ngaihna ka hre tawhlo,zui ve daih mai chak viau mahila a thil duh tamtak a la tih zawhloh tih zawh tur ka ngah lutuk,ngai viau mahila keima nunna ngei chu la la theilo a ni,a ni chu Pathian bulah a awm tawh anga kei pawh ka kal theih hunah chuan a bula kal ve ngei thei turin leh ka hmangaih kianga thu ve turin ka kal ve ang,










'min mamawh ber lai a i kianga ka awm loh vangin ka tihpalh,min mamawh dan tur leh i mangang tur zia ka hria,i hluah tur zia leh i manganga tanpui tu tur i mamawh zia pawh ka hre mahse tinge ka awm loh i kiangah khan lo awm tur ka nia sin'tiin a thlan a mah an zalhna ngei ah chuan ka thu a,thlan chu ka be mawlh mawlh reng mahse min chhangtu an awm tawh lo,a hma ka biak a min chhang zat zattu kha a awm tawh lo,tunah chuan mawi takin arsi angin a eng tawh a,ka tan a eng a, a eng reng bawk ang.









'ka lo kal leh ang min lo nghak reng rawh aw,ka lo kal leh thuai ang,chumi hma chu hlim takin lo awm la lo tap suh aw'tiin thlan chu ka kalsan ta a,mahse kalsan a va har tehlul em,ka kiangah hlim takin awm ve thei se ka ti ngawt mai,ka chak ber pawh ka la ti hman lo sin min lo nghak reng rawh aw,ka lo pan thuai ang che,ka hmangaih








(ti thleng hi ni phot se,a chunzawmna chu in kut ah ka dah e,chuan add click kha min lo hmeh sak ve hram ula😇)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)