CHAMRIH LA. By kulha Alien PaChuau06

Story tawi te te emaw luanliamna emaw post na
Kulha PaChuau06
Posts: 1
Joined: November 30th, 2021, 12:35 pm

CHAMRIH LA. By kulha Alien PaChuau06

Unread post by Kulha PaChuau06 » November 30th, 2021, 12:42 pm

CHAMRIH LA

BY

Kulha Alien Pachuau06
(True based story)

Ka nuin ka hmingpuma min rawn koh avang chuan 'ZunZam'tih thawnthu Ahmangaihi Violet Khiangte ziah ka chhiar chu dahin min rawn koh na lam ah chuan ka kal ta nghal a.


"Hei en rawh I chawhmeh siam hi hetin an siam ngai lo thatchhe viau suh", a ti hlawih hlawih a, "ihh ahh ti khan a tui zawk", ka ti liam puat a," I daw thei e mai", a tih chu ka hre zui na a, ka chhang tawh lemlo.


Kei hi 'Lalhmingchhuani' ka ni a, ka la single, mahse star chu ka ngah mai. Ka la single chhan pawh story chhiar ka ching a, story ami ang hi ka zawng rilru zel, buaithlak thei lutuk.


Ka nu thinrim âng chu ningin pawnah ka chhuak a, kan kawm chhak a ka cousin, ka thian ni bawk, ka nau amah 'Lalkhawpuimawii' chuan min rawn ko va, ka han thlen chhauh chuan min lo kuahin "chicks an awm a sin", a lo ti sa sa a, "khawiah", ka lo ti hû mai.



Kan din na atang a thlang lam kawk in khu a ti a, ka hawi thla chuh ka rei engtin nge ka sawi ang, Lalpa leh thian dun chhelo dun fahran mai an hmel atang a an la upalo tih hriat tak mai te chu kan kawmthlang te in ah chuan an rawn thleng ta mai, awiiii an chicks zia chu....


Kan en dun char char a, a ni chuan eng teh ualah a ngai lem lo, kei erawh chuan hunrei tak atang a ka lungphu vawikhat pawh la ti rang ngailo, tunah ka lungphu ti rang tu ka tawng ve ta chu, mak tak a ni.



Ka en a, ka en nawn leh thin, a hnu deuh ah chuan inchhung ah an thu lut ta a, a khup chiah a lang thei, Khaw-i lah chuan "An thu lut daih , en teh khu a khup lawk zia khu", a ti a, chu chuan ka thin tertek a kai tho at mai, "I sual e mai, a lawk hlawl lo", ka ti vin hlar a.


An vun rawng chu a hang ti ila a hang chiah lo an pa hrak mai, mahse a pakhat zawk khuan ka mit a la zawk daih mai.


A khup chu ka en reng a, chhuanlam ah an nau kum li bawr vel tawngthei ve deuh tawh chu kovin ho te te ka zawt a, min lo en ve reng, chu chuan min ti lai em em ringawt, Khaw-i lah chuan min kalsan daih lehnghal.

Min en reng avang chuan, hawi pawh ka hawi thla ngam tha meuh tawh lo, Biakin lam chu ka hawi daih, mahse ka beng a sat et et dan leh ka bek a hit chiai chiai danah min la en reng a ni tih pawh ka hre thei.


Chutiang a ka awm a reh tak hnu chuan min en tawh lo a niang tiin ka zuk hawithla leh a, uiiiiii min lo la en reng chu niin, kan mit leh mit chu a in tawng siah mai.


Khaw-i chuan "Khuplawka a law ilo la en reng", a rawn ti lang lang a, zah zelah ka lo be vak vak a, a lo kal leh ka lawm zia mai chuh, ka lawm ber tum a la ni hial ang.


Khaw-i nen chuan kan ti ti char char a, kan ti ti lai chuan min lo en reng a, a thianpa hnenah chuan eng nge mawni a hrilh a, an tawng chu ka hre phak tho na a, eng tak nge an sawi ka hre thei hauhlo thung.


Zan riah ei a hun a, ka nu in vin zet in "Khati lai pawn ler ah khan eng nge I tih", a rawn ti a, tlaia a thinrim kha a la thinrim reng a ni tih ka hriat avang chuan ka chhang lo, "Rawn lut rawh chaw ei eng", a rawn ti vin leh thaka luh loh chi rêng a ni tawh lo.


Chaw kan ei a, chaw ei chhunga han hmuh loh pawh chu rei ka ti hle, chaw ka ei sawk sawk a, ka eikham veleh tui khai chhuanlam in ka va chhuak a, chaw an lo ei ve chiah, chaw ei lai hi hmeichhiat lai an tia, ani erawh a hmelthat lai ber a ni thung. A chaw bar te chu awiiii.........., A chaw bar khu nih mai ka duh min pai tawih vek dawn pawh nise pawi tihna chhe te mah ka neilo.


Zanah pawh chuan ka story chhiar chu ka rilru ah a lut thei tlat lo, minute 10 dan lek lek ah ka chhuak a, ka va en leh thin, a khup chiah a lang thei na a, chu chauh pawh chu ka tan chuan lawmna sawisen loh a ni ringawt.


Ka nu in, "I ninawm e mai, pawn leh inchhung kar tawn chhen suh, I mawl e mai minute 1 dan lek lek ah I chhuak a, a nih in a nilo reng reng", a ti hlawih hlawih a, ka chhang lo. Minute 10 dan ah ka chhuak a maw ka tih kha, a ni minute 1 dan lek lek ah ka lo chhuak reng zawk chu lo ni in.

A hnu deuh ah ka nu hnenah chuan, "Ka kut te, ka ke te, ka mit te, ka beng te leh keimah pumpui hi thunun tu a awm avang he tia awm chauh ka ni", ka ti deuh duah a.


"I zaktheilo e mai a", a ti hluk a, ka chhang zuilo, ka nu thusawi avang chuan ka in thunun lui a, mahse hmulova minute 1 lek hman pawh chu a va hrehawm si em.


Rei fe story ka chhiar leh hnu chuan chhuanlam siam in dawrah ka kal a, ka kal lam chuan ka hmu tawh hauh lo, dawr ka thleng a ka lei duh chu lei sawk sawk in ka let leh thuai a, mahse hmuh te chu sawi loh an lo mu reh thiap tawh a, a Nute i te in ah a riak a ni tih ka hriat avang in ka thil lei pawh chu dah hmasa lovin a Nutei te in lam chu ka pan zui nghal a, an ni pawh an lo mu thiap tawh, nilo an mu a, mahse an la muhil lo, pawn atang chuan an thawm chu ka ngaithla reng a, an tawng thum dut dut bak chu hriat tur ka neilo.


A tawp a tawp ah chuan ka zah theih loh chhuah in an tukverh parda zarin a khuh phak loh chin atang chuan ka bihthla a, awi leh kawr ha lovin chhuata an mutna phah ah blanket khan ar ar chungin an mu a, phone a khawih daih.


Miin min hmu ang tih hlau taka bihthla ka nih avang chuan rei pawh en lovin ka haw a, a van nuam tak, in ka thleng a sana chu a lo in bawhthuah va mai, chu chuan thil min ngaihtuah chhuah tirin kan naupan laia kan tih danin ngaitu ka nei angah ka ngai hmin leh hmiah tawh.


Sana chuan dar 12:00 a kawk va tawh a, kei erawh muhil thei lovin ka mutna chu ka tal kawi nuai mai. Ka lo chhing sek ni tur a ni, nichhuak chuan min rawn kai tho ve tlat, mak ka ti, tuk dang zawng a ka nun thinrim chungin min kai tho thin a, tukin erawh keima thuin ka tho ve tlat.


Rawl vin zet a min rawn koh avang chuan ka harh chiang kher mai, ka tho tawh a maw ka tia, ka harh chiang a ka lo la tho awzawnglo ka mumang vek a lo ni.

Ka tho chhuak nghal a, pawnah ka chhuak tlang nghal, an la tho lo a niang an hmel hmuh tur ala awmlo, a pu leh a nutei te chu an tho tawh, an tawng ring leh lang lang tawh khawp mai.


Inchhung ah ka lut a hmai ka phih a, thingpui ka insiam lai tak chuan ka nu'n, "Mahming, hei chawhmeh hi lo chhuang so rawh aw, sawtah kal lawk ka ngai a, I in bawl zawh ah hei suktur tlem ka chiah a lo su ang che", a ti a. Thawh vel atangin tih tur a sawi nghal char char, chhan pawh ka chhan hma chuan a kal nghal nal nal leh nghal.


Pawna a chhuak chu ka zui chhuak a, a hnunglam chu ka insiam chhiat khum chiam chiam ringawt, chutia ka insiam chhiat vak vak lai chuan nui huk ri ka hriat avang chuan ka tawp hmak, nui ri lo chhuah na lam ka en nak chuan, awiiii Zozialbunga te thian dun chuan min lo melh ha mai, thingpui an lo lek khu vat vat leh nghal, an tho ve chiah a niang an hmel a pawr fap mai.


Ka zah zelah ka thingpui ken lai chu ka in ringawt a, awiiii a sat zia chu, ka ka ah ka chhung ve tawh laklawh sia, lem loh chu em ah ka tia, ka lem hmak, ka ka chu a kangin ka hria, a thlen thlak na lai chin chu a hriat khawp mai, a hmin thla vek ni maiin ka hria. Ka lemzo ka sa ti lutuk chu ka ang hlawi hlawi a, ka dingdihlip vak vak ringawt, min lo la en reng sia ka zak hnuhnawh khawp mai, mahse a sa em a tin ni, ka awm ang kha chuan awm ve se, kei ai a nasa mahin an ang zau ang ka ring.


Chhunah chuan hmuh tur reng an awmlo, bakah Sunday a nia, an inkhawm ve a nih te ka ring deuh, kan inkhawm kan ban pawh chuan ka zawng rilru deuh na a, hmuh tur an la awm chuanglo, hmu chakin ka za vel ruai chu a ni sia, an hre ve lo a mawni, hria nise zawng a rawn thu chhuak reng in a ni ka rin ni. Han inngaizawng ila, awiiii min han kuah vel se zan tin an lo leng thei sia nga, awiiii nuam dawn tawp.


Chu ka ngaihtuah na chu duhlo in ka lu chu ka thing nawk a, keima hriat tham lekin, "'Lalhmingchhuan I à tawh a nih hi, a ni te chuan bialnu a nei reng a lawm, mawl lutuk tiin ka phun chhuak sap a. Ka nu'n, "Nang lah hi nangmah hian I phun ang bul bul a", a tih chu ka nuih liam vel mai mai a.


Nizan ka mut tlem deuh avangin ka lo chhing sek a, eirawng bawl hun lai chuan ka harh zawk a, ka tho chhuak nghal, ka nun eirawng a lo bawl a, a lo buai khawp mai, ka ute ho pawh hi lo puih ve tur a nia, min ring ringawt, tenawm hlawm hian .

Ka nu hmel chu ka en a, a chauh hmel kher mai, a mit te chu a meng phelh phang mai, thutthlengah ka thut tir a, "Nu eng tin nge I awm, I chau leh a mi?", tiin ka zawt a, "A...... Aw, ka chau deuh a, ngaihtuah awm ka nilo", a tih chuan, "Chutiang te chu min rawn kaitho mai ta che", ka ti vin hlar a, "A.. I mutui em mai a", a lo ti leh tawp. " Mu hah chawlla I zia mai ang", tih pah in a mutna lamah ka kai phei a.


Ka nu hi natna benvawn nei a ni a, tunlai tak hian a damdawi a nghei a, kan khua ah lei tur a awm loh avangin a nghei a ni. Ka pa hi chu a boral tawh a, ti hian ka nu hoin kan hmeithai rak rak a ni.



Ka nu rawngbawl chu ka chhunzawm a, bai tura a hih sa maian chu ka bai sawk sawk a, bai siam hi chu ka thiam ve zawng tak a nih avangin nuam pawh ka ti.


Kawmthlanglama thawm lo chhuak chuan ka beng min chhit tir hra mai, an thusawi ri chu ka hrechiang tawh khawp mai, an thusawi chuan ka tha a ti za, ka kha a ti chih zo vek bawk, ka la ngaihthlak kar lai chuan, "A chhelo viau na a mahse", a puin a rawn biak na chu a chhang a, kei lah chuan beng tun hra chungin ka lo la ngaithla kar thung,thu dangah an pakai daih a, 'mahse' tih kha sawi zawm tur a nia.An titi te lah chu a phawk phaw hraw em em lehnghal a,ngaihthlak pawh chu zahthlak tak a ni.



Kei in helai ah an ti ti ka lo ngaithla rû a ni tih chu hriase chutiang chu an sawi hauh lovang an ti ti chu ngaihthlak zawm chi niin ka hre ta lo,ka kal daih an ti ti chu mipa ti ti a ni tlat,hmeichhe tana ngaihthlak chi rual a ni lo.Ka ngaithla tih hi Kohhran chuan hriase min thunun duh in a nia ka rin ni hahthlak hian.


Zah zelah pawn ah ka chhuak a, an ni pawh an lo thu chhuak ve chiah, aii ka mit leh a mit a in tawng chiah chu chiai a ni mai, thil tih theihna a nei zawk a mawni ka tek deuh chhek's zu nia, amah hi Bible in "Maktak leh hlauhawm tak a duan", a tih kha a ti chiang tu a ni in ka hria.



En pawh en rei ngam lovin ka piah ral a tlang chu ka thlir daih a, mahse maw, thunun tu keimah ah a awm leh ta tlat, en chak na chuan ka khat a, ka zu en chiah chu, min lo en reng chu niin ka zuk hawithla thut chu a hamhaih deuh ni tur a ni, a lai a, keipawh chutiang tho chuan ka awm, a hnu deuh ah chuan a tukkhum thaklo pui chu a hiat ringawt a chu chuan a ti lang duhawm zual tak zet.


Ni e, hun leh darkar te hi kan thunun theih a ni silo a lawm le, khawthim chuan min rawn nang ching a, inchhung ka lut a, ka nu mutna lam chu ka va pan phei nghal a, a lo la mutui khawp mai tiharh lemlo chuan ka kalsan mai a, ka ute pawh an lo haw ve tawh bawk nen chaw kan ei a, ka nu erawh kan eisan.



Ka eihnem leh kher mai, mi chu vei zawng deuh an neih te hian chaw te hi an ei tlem phah thin a, kei erawh ka eitui zawk emaw tih tur a ni tlat. Chaw ei kham ah chuan ka chhuak vut a, chaw an lo eikham ve chiah, ka rin loh lutuk maiin chawhlui hmun chu a thianpa nen chuan an lo ti fel mek chu niin, ka rin ai daih in an fel an ti ti a ho viau mai pawh a.



Zanah ka inkhawm lo, zan inkhawm hi chu ka chemkalna lam a nilo a ni a nge, ka inkhawm ngai meuh lo, ka nu hian min tir lui viau thin, mahse kei ber hian ka peih miau loh avangin min tir lui ngai tawh meuh lo.


Ka nu pawh a lo tho harh peih tawh a, ka ute an inkhawm vek avangin ka nu chu keiman ka awmpui a ni deuh ber, ka nu hi a natna a chhuah chang phei chuan chil lemkhat lek pawh hi a hak tlat thin chuvang a nia he tia ka awmpui ni.


Ka nu chuan chaw tlem a bar a, a mu leh nghal daih, keipawh pawnah ka va thu a, a chappal ringawt pawh khu thlir nin har tak a ni. A hnu deuh ah chuan a khup lang thei turin a rawn thu a, a khup ringawt pawh chu kei hmangaih tu tan chuan thlir nin a va har si em....


An thian duna an rawn inzui chhuak chu ka thlir a, zui ruk chakna in ka khat ta tlat, an riah thin na in lam pan chuan an kal chho dun hnak hnak a, keiin ngawireng in an hnunglam ah ka lo zuiru thung.


Ka thawm an hria ni tur a ni an rawn hawi let thut a, tuizem phenah chuan ka tlan lut nghal rawk rawk, nui huk ri ka hriat chuan tlemin ka thinphu rang lutuk chu a ti zia deuh. Thawm ka ngaichang reng, mahse thehhmeh ang mai hian a reh thiap a, ka va chhuak a tumah hmuh tur an lo awm tawh lo, ka zawng ruai a ka tawng silo.


An riahna in lam chu ka thlir a, light eng va chu ka hmu thei, va pawh mai chu chak viau mahila ka huaisen na hian a tlin lova, ka chhia leh tha hriatna lah chuan 'em em a che, zak ve deuh teh' a ti tlut tlut tawh mai si a, lunghnur deuh si hlim tak chung si in ka haw hnak hnak a.

In ka thleng ka ute inkhawm pawh an lo bang chiah a, "Khawnge I kal?" an ti bung nghut a, dawtsawi a ngai leh ta, mahse eng dawt nge ka sawi ang, ka hamhaih zo vek, chutah an hmel ka zuk en a, chik em em hian min lo en reng a, min en chik dan em em chu ka samzai te nenlam hian an chhiar vek ni maiin ka hria "Dawrah", ka ti bah nuai a, chu chuan hna nasa takin a thawk a, min zawt tawh lemlo.


Story ka chhiar a, ka rilru ah pawh a lut lemlo, a ngaihnawm em? tih takngial pawh ka hrelo, ni e, ka mi hmuh te kha an tha vet vet em a, ka ngaihtuah na ah hian an nilo midang luhtir chu ka tum lo bur, chuvang a nia ka story chhiar pawh ka rilru ah a lut lo em em.


Ka thinlung hmun thum a then a hmun hnih hi an tan a ni a, pakhat hi chu ka chhungkaw tan a ni thung. Ka mu a, ka muhil theilo, mut hmun ah chuan a nikha ka ngaihtuah a, ka dream a, ka ta ni thei ngailo tur hi eng vang a vei em em nge ka nih pawh ka hrethiam hrep love a.


A tawp ah chuan ni thei ngang in ka hre ta lo, ka roo tukverh chu thawm dim takin muang changin ka hawng a, a nih loh chuan ka u in min hau leh ang, a hma pawn ka chhuak ru tih an lo hre sia, min hau hrep tawh, "Hmeichhe tan zan chhuah hi a mawi lova zan reia a ruka chhuah ngat phei chu, miten an hmu hniam lutuk ang che", tiin min zilh thin, ka zawm lem hleilo a. Pawn boruak chu a vawt lek lek tawh, ka ke chuan ka thunun hma hauh in an riahna lam chu a pan tan leh der tawh, engtik laiin nge? Eng hunah nge? tih pawh ka hriat hma in an riahna in chu ka thleng der tawh, em em hian a.


A ngaitein an thawm chu ka ngaithla leh kar a, mahse an reh thiap, ka bihthla leh a, mahse pakhat chiah ka hmu, a zung a niang tiin ka nghak deuh rerawn a, mahse a lo let har hrep mai leh nghal. Chutia eng dangmah dawn lova ka bihthlak kar lai chuan ka hnunglam ah min lo kuai a, eng nge? I ninawm tiin ka lo tal aiha, ka darah min rawn vawn leh takah chuan, ninawm mang nge! tih pah in ka inher vut a, a kut pawh chu ka thing thla nghal nawk bawk. Min rawn khawih tu hmel ka hmu chiah chuh, awi leh Lalpa a ni theilo, Zozialbunga chu niin, ka hamhaih chu ka ang phuau a, a.. ehe.. nangmah maw? tih zawng ka sawi, a hmelah chuan lungawilo hmel hi a pu deuh, mit ti zim san hian chik hmel zetin min en a, mutna a ka kawr hak chiah kha ka ha tih ka hrechhuak a, ka kawr hak chu tawnzau pan lam hi a ni a, kawrhnuai pawh ka halo, mutna a bra hren hi ka thiam tlatlo, kekawr bul nen ka ni leh tlawng. Tunah chiah hian boruak chu a vawt a ni tih ka hrechhuak leh chiah, ka awmbawr chu chik fahran hian a en a, a ner sawk , rang fahran hian ka enthla ve a, ka kawr hak chu ka hnutehmur hian a tawn mar teng reuh chu niin, "Vawt I tilo a mi?" a ti bung nghut a, engdang a chhang lo chuan, " I Hur", tih leh kan in lam pan a tlan ka rual nghal a, ka tlan pah te chuan ka awmbawr te chu ka hup deuh tat.


In ka thleng tukverh a ka luh leh dawn lai tak chuan, ka u tawng thawm ka hriat avang chuan ka thil tih lai chu ka tawp hmak, bengsik meuh chuan ka ngaithla leh a, "Hmunmawi, lulian I à a nih chu, naupan lai a lulian hi an puitlin hnuah an pumrua a lian kherlo, nangpawh I naupan laiin I lu a lian a, Hmunlulian tih zelin kan ko che a, tunah pawh I lian chuanglo, fit 5 ho boruak hip I hip phak ve chang chang chauh a nih kha, chu pawh I hnar thahnem vang chauh, ve lutuk che hian", a ti hlawih hlawih a, mumanga a thil hmuh a sawi chhuak tih hriat reng reng hnar thawmin a zui nghal danah, ka lut leh tur chu ka lut thei ta hauhlo, tukverh bula ka lungdah kha a awm tawh tlatlo, kan tukverh hi a sang ve ang reng a, lung a maw thing zai a maw rawh loh chuan lei atang ringawt chuan a luh theih loh.


Luh tumin ka bei ngial a, mahse ka bawp hian a phak tlatlo, luh tuma ka beih leh lai tak chuan ka mawngah hian tha chak fe hian min rawn dawm a, ka thei ve hram, ka lut fel min rawn dawm tu ka en chuan Zozialbunga leh tho a ni, min zuiru chiang lutuk, ka en reng lai chuan a nui huk a, vawikhat pawh lo hawi let lovin a kal nal nal, a hnunglam chu ka thlir reng a, lawmthu takngial pawh ka sawi hmanlo, a kal chu inthiam vaklo chung chuan ka thlir mawl ve tawp a, a tukkhum leh a beng ringawt pawh chu thlir nin a va har si emmmm........

Zing ka tho chu ka rit lûk mai,ka lû

(Chhun zawm zel kan tum dawn nia..)







(Hello,ka thawnthu hmasa ber tur chu hei le ka ti chhuak ve rawih a,a thatloh na lai tamtak a awm anga min lo fin chhuah zel dawn nia.. Hmeltha ho)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)