GUARDING HER COMPLETED

Story tawi te te emaw luanliamna emaw post na
mawitei bawihtlung
Posts: 754
Joined: November 18th, 2020, 12:53 pm

GUARDING HER COMPLETED

Unread post by mawitei bawihtlung » December 25th, 2021, 7:43 pm

GUARDING HER


FULL STORY


MAWITEI BAWITLUNG


You don't know who is important to you ,until you lose them.




“ Nu ka thiam thei thlawt lo a nih hi ,tution kal pawh ni ila engmah ka ang chuang lo ang ,ka teacher tur ka tihrehawm mai mai ang" ka tisap a ,“ Engmah I tih hma in sawi thin suh,I thiam em em ang" a la rawn ti tang tang a,insawh tau nghawng nghawng chuan ka room lam ka pana ,tlailamah ka tutor a la rawn kal Dawn zui,mipa nge hmeichhia a nih ang tihchu ka ngaihtuah.









Hmeichhia nihram se ka ti ,ka room ah nilengin ka awma,ka room kawngkhar rawn ri dat dat ah chuan min zirtirtu tur a nih ka ring nghet bur ,kawngka ka hawng ka nu zawk a rawn lang “ A rawn thleng e ,chuan lo in zir tir mawp mawp ru a ,bawihi thu awihla ,Zayn a thu hi I awih Dawn ania ,a hnaa a buai awm tehlul nen tution pek che a peih a nia " a rawn tileh khera ,mipa a ni tih ka hriat rual rual khan keichuan ka lo ning hmanhmawh tawh.







Kawngka ah chuan palianpui hi a rawn ding zuarh a ,ka en chho ha “ Min zirtir thiam dawn a mi " tiin ka ke chu ka thet deuh deuh a ,a ni erawh ngawi ngur hian min en a ,a che hlek lo leh nghal “ Hey pu zirtirtu I tawngtheilo a mi " ka tihleh chuan “ I kekawr tlawn ha rawh ,chawn tawi" a rawn tikher a ,ka va han ngei mai mai tak “ I thu a awmlo ,ostrich ngal sang pa " tiin ka dawhkanah ka thu thla thak a .









A tarmit siam tha zauh hian min pan a,ka lehkhabu chu phawrhin maths chu min chawhpui a ,ka thiam thei hlawllo ka man lo lutuk chu ka beidawng,ani pawh a beidawng ve aniang “ I tetlaiin I thluak an dahkimlo em ni " a rawn ti a ,“ Hmela dahkim nang ka thluak hi a vaia hman ka phalloh a vangin a chanve ka khawl tih hre rawh ,ka tutor hmuh tawh ah chuan ila tawngthei ber " tivakin ka lehkhabu chu ka bihsan leh a ,a hmelthat tehlul nen mawl lellul lutuk mai a .










A haw hnu chuan ka thawveng huai thei,lehkha en hi ka ning hluah hluah zel,zir ngailo te hian pass theih se tha tur ,engvanga lehkha zir hi lo hmu chhuak reng reng nge maw an nih le ,school ka kal leh a ,dan pangngai te in ka muthlu tluanparh,khawvelah dam hlen lo Turin kan piang ve em em a ,ka hun pum hi inchhiar nan hman ka duh awzawng lo mai,ka nuam tih ang ang a awm ka duh zawk ,inah ka haw leh a ,ka tutor hmeltha tawngtheia pawh a rawn thleng tep tawh ang.











Kawngka a rawn rik rualin “ Lo lut rawh suh" tiin ka au a ,kawngka a rawn inhawn rualin rum zetin min melh a “ I teacher zah nachang hre tawh ang che ,naupangte " a rawn ti a ,ka nersawk ve mai mai chuan a “ Bla bla bla bla " tiin ka lei ka chhuah zawih zawih a,ka hmai bula a rawn kun hniam chuan ka tawp chawt ,a perfume leh a gel hman rim chuan ka hnar a verh zar “ I lehkha tha deuha tih I duh chuan thu awihla a tawk ,I nu leh pa ka hrilh palh ange " a tihchuan ka hlau lo nasa ..









Ka phone a rawn ri a ,Benjamina a ni ka la vat min en reng tu chu ngaipawimawh duhlo in “ Ka hmanleh dawn lo hei ka nuten tution min laktir a ,nidangah aw tihpalh lutuk" ka tihchuan a pawiloh thu a rawn sawi vat a ,a ni hi thian anga ka kawm awm chhun a ni a ,thiantha anga ka ngaih a ni a ni erawhin min ngaihzawnna a rei tawh a ,mahse vawikhatmah mitmei ka la hmuh lo “ I bialpa nena in leng theilo tur chu a nuam lo awm" a la rawn tileh hram a “ Ilo ngawi thei em Mr zayn" ka tikher chu a duhloh hmel hle .










Ka khum bul dawhkanah chuan tum bur ve ve in kan thu a ,maths a chawh mawlh mawlh lai chuan kei erawhin a hmel ringawt ka lo en leh tawh,a hmel hi chu a tha Chiang mawle ,mahse kan inhnial reng thung a ,a sawi mawlh mawlh a “ I hrethiam em " a rawn tihchuan ka harhchhuak zawk engmah ka lo ngaithla reng reng lo ka ngawih reng a vang chuan ka thiamlo tih a hrethiam aniang,a thaw leh hawk a .









“ I nu leh pa hrilh mai an ngai ang hetiang hi chuan engmah kan ang dawn lo " a rawn tihluk a ,pawnlam a pan tur chu a kawr hnungah ka pawt nghal vat “ Thlah rawh" nelawmloh zet hian a rawn ti a ,ka lu thingin“ Teuhlo mai a,nangmah vanga ka chhungte min hauh ka duh reng reng lo " tiin ka pawt nghet sauh sauh a ,ka kut chu a rawn ban a ,a kut a sei ropui si ,a rawn hum nghal hmiah chutah min pawh phelh sak nawk a ,rawn inherin a lamah min pawt hnai nghal hrawk bawk .









Ka lungphu lah chuan pu dut pu dut a tichar char ,tawp rawh timawlh mawlhin ka rilru chuan ka phun mawlh mawlh a ,ka hmai bulah a rawn kun hniam a ,ka lo en reng a biang velah chuan hmul an to deuh sar sar a ,ka en reng a hmui sen chak ka en rual chuan ka chil ka lem nghal khawlh a ,a ni pawhin ngawi rengin min en ngur a ,ka taksa awmdan chu a hre vek bawk in ka ring ,a chhan chu ka khur nasa em a lawm .








“ Min ngaizawng suh" a rawn tihchuan awihlo zet hian ka en a “ I va huai ve ka ngaizawng ringaw che a mi " tiin ka nam a,ka kalsawn nghal daih ,frank lutuk mai engtin nge ka ngaizawng tih a hriat ni a tarmitah hian ka chhutsak dawn emaw ni ,ka taksa rawn lum hakah chuan ka phu zuk a ,ka kawngah a rawn dawm a ,ka lung chu a phut hian a phu dawt dawt tawh,a rang tih piahlam a ni,hetiang hian mipa dang bula ka awm in ka awm ngailo .










An sawi fo kha kan mi duh te bula kan lungphut Dan leh awmdan te hi kan duhlohte bulah chuan a ni ngai lo tih,“ Ka nautelemte ,ka laka I rilru put ang chiah hi I lakah ka pu tih hi I hre ve em " a rawn tihchuan ka chil ka lem khawlh a ,a ring duh hle ,a rawn nui nghawr dat a ,ka beng bul velah chuan a phun leh sur sur thin,enge a sawi ka hre miahlo ka beng te hi an ngawng chhulhin ka hria ,a thiltih hian ka taksa a nghawng nasa takzet .









Chumi ni a tang chuan bul kan tan dun a ,kan hlim thei hle bawk,ka zirna pawh ka thiam phah nasa ka chhungte ho pawh an lawm a ,zayn chu an iai lo tih ka hria ,kan inkar an hre vek a ,kan pahnih chuan thu tha tinreng min fuihin inneih hma loh chu chesual lo turin min intiam tir thlap a ,kan zawm tha hle a chhan chu Zayn vang liau liau a ni ,ka tan a inhawng hle a min khawihchhiat a tum chhin ngai lo ,ka duhloh zawngin a awm ngai loa ,hmeichhe dang a ngaihsak bawk hek lo,ka tan a theih tawk a chhuah hram hram thin.









Christmas thla kan thleng a ,kumhlui thlah zan chuan kan tlaivar a ,zinglama varparh arsi lang chu thlirin ka hnunga thu chung chuan min kuah hluna ,a taksa lum vung vung chu ka ngheng dar dar bawk ,a kiangah hi chuan ka thla hi a muang hluah hluah zel,“ Khi arsi khi I hmu em ,keichuan ka arsi duh ber ka tilo theilo " a rawn tisup a ,ka en nghal ha “ Ngati nge khi ber kher khi ,a lan hun lah hi a inkiltawih hmel ngawih ngawih bik " ka tisap a .









Ka hmuia fawpin a thaw hawk a “ A chhan chu a inkiltawih I tihna kha a ni,mi hmuhlohah a enna a chhuaha. ,chuti chung chuan mi tamtakin an hre tho a nilawmni,a mawizia pawh an hai chuang lo ,chutiang chiah chuan maw hringnun pawh hi mi fak kan duhluata ual au taka kan thiltih that lantir ai chuan ngawi renga tih that hi Pathian pawhin a duhzawk a ,kan damlaia mi fak chiam nih ai chuan thihhnua siamtu fak nih a hlu zawk " a rawn tisup a .









“ Enge thih I tum ami nanghi" tiin ka en a ,a lu a thing vut lehnghal a a ,min tihlauthawng vek “ Ka naute khawiah mah ka kalsan dawn lo che ,tiang khan min en suh" tiin a nui suk a “ Ka awihlo kan in ngaizawng ve dek dek a ,tinge khatiang thu lam kha I sawi kher a " tiin ka en ha a ,min pawm nghet sauhin “ Ngaihtha deuhin awm rawh ka naute ,ka ta chiah ini reng dawn a lawm " a tihchuan ka thaw deuh huai a .







“ Mary Lalnunhlu" a rawn tihchuan ka en vat a ,ka melh rum hle bawk ka hmingpuma koh ka huat zia a hria a ,min tilui ziah leh ta nghal “ Zayn Vanlalpekhlu tikhan min ko ziah suh" ka tibak hlur a ,a kutah chuan ka sik vak bawk “ Hlua leh Hlui kan ni mai a lawm " a rawn ti a ,ka nui hak a dik ve tho bawk sia ,ka kut chu a hum lum a “ Kumthar hian kan tan nithar lo herchhuah pui thei tak ang maw " tisapin a biangah ka fawp zauh a “ A herchhuahpui ngei ang " a rawn tihchuan vanlam chu ka en vung vung.





Nitin mai hian pangpar min ken ziah a ,khawlaia kan lentum te hian ka kut a kai tlat thin,hmeichhia in an lo biak pawhin a mawi tawk a chhangin min ngaihsak zia a tilang reng a ,a kiangah hian ka hlim takzet ,kan inneih huntur te sawiin kan hlim ve hle thina ,hetiang hi nireng thei ila ka ti bawk .






Mahse a lo herchhuah pui silo,a chhan chu maw ka hlatah ka mipa hmangaih ber chu a dah bo a ,ka kiangah a awm reng chungin ka hmu thei tawh lo ,biak ka tum a an inah hial ka kal bawk ,mahse min hmuh duhloh thu bak ka hre ngai lo,Benjaminan min pui nasa em em a ,a ni tan pawh a hmeichhe duhin a mipa hmangaih a hmuh theihnana puih chu a tha nat thlak ve hle ang,ka khawngaih ve thin a chang phei chuan Zayn kalsana a ni hi nihpui mai ka duh thin,mahse ka mipa hmangaih hmasak ber hi a chhan awm lo chuan then ka duhlo.









Thlakhat a liam leh meuh chuan ka nunpum chu sawi danglam a ni chiang hle ,ka thu hnawk a ,Zayn thihthu chuan min kehchhiat tir Chiang hle ,an inah min kalpui lai te chuan ka bing mup mup a ,mi a ka ang viau ang Bena bawkin min kalpuia ,a mah chu ka rinchhan tawp bawk ,Zayn bula min thutthlak tir lai chuan ka tap chhuak hak a “Tho rawh ,min lo hmuak ta che tinge min hmuh duh miahloh a ,nitin hmuh ka tum che a mahse nang chuan min hmu duh miahlo a ,hei vang hi em ni " tiin ka sawi nawk nawk a .









Nu Remi chuan min rawn kuahin a tap hawm hawm a “ A natlai pawh khan I hming hlir hi a sin a lam ni ,mahse a natna kha i hriat a duhlo a ,i hmuhloh nan khan a bei nasa a sin,cancer a ni tih a inhriat khan a beidawng em em a ,nangmah a vang Khan a hlim phah em em thung, Bawiha hian a hmangaih lutuk che a sin" tiin a tap hlawp hlawp a “ Hei hi I tana a lehkha ziah a nih hi " tiin lehkha pakhat hi min pe a ,ka mittui nen chuan ka en reng .









An phum dawn te chuan ka a vek hian ka hria ,ka naute min ti thin tu aw kha ka hre thei tawh dawn lo tih ka hriatna chuan ka lung hi a tina ngut ngut ,Benjamina chuan inlamah min thlah a ,a haw hnu chuan lehkha chu ka en a ,ka tap chhuak hawk







Ka naute ,he lehkha hi I hmu a nihchuan ,keichu i aw hre thei tawh lo che in emaw ,hmu theilo che in ka awm tawh emaw ,ka lo thi tawh pawh a ni zawk mai thei ,mahse maw keimah vangin tap ngai lo la ,a chhan chu vawi tam i thinlung ka tina tawh si a ,I tah ka phal leh tawh lo ania aw ,ka naute .






Ka tello a awm lo zir tawh la ,min huat ang Khan min haw reng ang che ,min huat kha ka tum leh duh ber a ni si a ,engvanga kaltir che nge ka nih tih I hrethiam tawh ang tiraw ,a chhan chu maw ,ka hmangaih ka naute hi I nat ka phal lo a ,keimah vanga na ngawih ngawiha awm tur in ka duh hek lo che ,ka Christmas thilpek zinga ka rohlu ber ini tih theihnghilh ngai suh ang che .







I tana engkim zirtir tu che ka ni hi ka lawm a ,reilo te mah nise ka hmeichhe naupang tereuhte hi ka hmangaih em em che tih hria la ,I nun kha tha takin hmang ang che ,midangte tan malsawmna nila ,I kumthar ni duhawm ka hmuhpui thei tawh lo tur che erawh a pawi ka ti ,ka naute vawitam ka natna a vang hian enkawl ka ni tawh a ,ka beidawn ngawih ngawih laiin I nu hnena tangin I chanchin ka hria a ,a tir chuan i nungchang kha ka duhlo hle .









Mahse ka hmuh ngun takah che kha chuan ka hmangaih ta em em che a ,nangmah a vangin ka natna te kha ka beilet thei thin,mahse ka natna hi a thuk tawh em a ,ka naute I kiangah rei tak awm ka duh ,mahse ka thei tawh dawn silo,ka hmangaih che ka naute ka thuchah che khi pawm la ,I thianpa nangmah duh em em tu che kha ti beidawng hauh suh ang che ,ani pawh khan keimah ang bawkin a hmangaih che tih ka hria a ,a ni khan a venghim ang che ,ka hmangaih che " tihchu tap zawih zawih chuan ka chhiar a .











“ Zayn ka ngai che a sin,reilo te tal i damlohna kha enkawl sak che ka duh ve a sin,tinge ka hmuh theihloh nan che a I inthup ,i hmel hmuh ka chak zia I hrelo em ni ,i sual lutuk I kal dawn a nihpawhin ka kut vuan chunga kal turin ka duh che a sin" tiin ka tap hlawp hlawp a ,engkim.hi a tello chuan an reh duk a ,a nuiri hriat tur a awm tawh lo a ,min kohna aw ri kha an sawi pialralah bak ka tawng dawn tawh silo a .








2 years later



Kum hnih hnu ah ka let leh ta ,Bena chuan ka kutah a kai a ,ani hi englai pawhin ka bulah awmin min kalsan ngailo ,mipa fel leh hmeltha tak a ni a ,duhse hmeichhia chu a hmu lutuk ang,mahse ka bulah awmin ka tah




Enteh Rin ka lo haw a sin,mahse nangchuan min hmu duh silo a tiraw ,ka hmangaih che min tireng chung siin ka hnaih che i phallo a ,ka hmuhphaklohah i kal ta vang vang si,Ka arsi mawi bik ,arsi dang zawng zawng ai a mawi bik ,zinglam chauha lang thin,ka beiseina eng tiin min sawi thin a ,a tana arsi danglam bik ,midang tam tak kara awm duh lo a ,zinglam chauha lang thin,chu pawh hun pawimawh lai thla khat leh tlem chiah a lang a ,chutiang chiah chu ini ,ka tan chuan reilote a tana lo lang a ,ka neih theih miahloh tur arsi tiin min hrilh a .







Enge min neihtheihloh ang " ti a ka zawh chuan a nui suk a “ A chhan chu arsi te chu mihringte neih phak rual loh a ni tlat a ,ka naute ka thusawi hi engtikah emaw chuan ila hrethiam ngei ang ,chutih hunah chuan na tak pawhin ka la siam ang che ,mahse hei erawh hre reng la ,ka hmeichhe hmangaih ber ini tih hi khawi hmunah pawh awm la theih nghilh ngai suh ,ka sawi kha VARPARH ARSI chu mi awm loh lai leh rehlai chiahina. lang thina .







Chutiang chiah chuan keipawh ,engtikah emaw chuan nangmaha I awm ni leh I tahni ten I kiangah ka awm thin ang" a rawn tihleh chuan “ Chutiang sawi suh,chutiang a nihdawn ai chuan I MORNING STAR chu nihloh ka duh zawk ,enge chutiang i sawi a ,ka duh lo khawiah mah kalbo miah suh" tiin a awmah chuan ka bei a ,ka lu a tuai zauh pah chuan “ He ka naute pangchang em em hi a titau em ni " a rawn tihchuan a awmah hmai ka phum bet lui tlat a .









“ Chhum reilo te a lo lang a ,ral leh mai tur chuan ka phal lo che " a rawn tihchuan hawi chhuakin “ Chhum nilo in dolphin angin min ngai mai rawh ,chuan nang ka tuipui ,engtik lai pawhin i taksa hnaiha awm reng ka duh" ka ti ve sap a ,tunah chuan khang thu min hrilhtu leh ka hrilh let thin kha khi tah chhum chungah khian angel ho nen Pathian fakin an awm tawh ngei awm si a ,“ Mary kal ila " Bena chu ka en a ka nuihlui sak .








“ Bul tan ang " ka tihchuan min en vut a ,hei chen min nghak tawh a mipa innghahna tlak tak a ni tih ka hre bawk ,ka tihrehawm rei tawh viau chuan ka hria “ Hei Chen min nghak tawh a ,ka natna tawrhlai pawhin min pui hram hram a ,bul tan ang " tiin ka en a ,a rawn nui nghal suk ,alamah min kuah hnaiin a awmah chuan min kuah bet a ,“ Ka lawm e ,he hun ka nghah hlelh zia hi I hrelo zawk ang ,I mipa hmangaih kha ka tluk ang chu ka titheilo ,mahse keihian a aiawhin ka enkawl ve tawh ang che " a rawn tisup a .









Ka nui ve sak ni e Zayn pawhin hlim turin min duh kha ,tunah chuan amah Zayn a ngeiin a hnaih tura min tih mipa ,ka tana awm reng hi hun ka pek ve tawh a ngai a lawm tiru ,Christmas pawh a lo inher chhuak ve zel anga,keini pawh a nitellin kan upa ve ngei ang ,mahse tunah erawh he mipa hi tihhlim ve ngei ka duh a ni,kan inzui a tangin thlakhat aliam leh tawh a ,a Chhelo thei bawk nen ka titau ngun malh malh hle.








Hmeichhia in an biak a piangin ka titau a ,nitin hian kan inthlem hi a ni ringawt,titau duh em em lo mah ila ,ka tauh changa a awmdan a vang hian tihtauh nuam ka tih phah vek tawh ,a chhan chu ka tihtauh tawh chuan ka duh zawng zawngin ke a kal ngai a ni emaw ,zan pawh nise a phi chung zel a ,ka lawm zawng a zawng ngat ngat zel a ,ka lungawi hma loh min paw peih bawk ,chu chuan nuam min tih tir riau pek a .








Kum khat a liam leh meuh chuan Biak in chhungah ngei kut insuihin pastor hma ah thu kan tiam a ,lawmpui tu kan ngah hle bawk ,Zayn nu ka hmuh chuan ka tap lo theilo ,nunhlui bawkin min rawn chenchilh a ,min venhim reng intiam tu Khan midang venhim turin min hnutchhiah ta si a “ Bawiha ka fapa enteh ,tunah chuan i hmangaih pawhin chhungkua a din dawn e ,i hlim tawh em ,bawihte I fate tan nu tha ber ni ang che " tiin kan inthlah kha a nia .









Ka pasal tana ka thianghlimna ka hlan thei chuan min tihlimin keiai ka pasal hmela hlimna tam tak lang chhuak chuan min tihlim leh zual,duat zetin min kuah hlu hlu a “ Tunah chuan Zayn aia nasa khan ka duat ang che ,a ni I thlanlai a ka thik theih zia kha hnek pawp kha ka duh thin" a tihchuan a awmah ka beng dat a,a rawn nui nghawr dat ,vawikhat phei kha chu an lo insual tep a nihkha .








Ka mona te an fel bawk a ,ka tlangnel nghal hle ka nunhlui vangin tumahin min iai lo a ,min sawisel ngai hek lo thlali kan inneih meuh chuan nau ka pai der tawh a,ka zak hle mahse ka chhungte hlim hmel chuan ka ngaih a titha viau thung ,ka pasal lahin duat chitin rengin min duat a,a hna thawh lo haw a piangin eitur leh pangpar min rawn hawn ziah a,doctor hna a thawk a ,a hah viau ang tih ka hria ,mahse ka bulah a hah thu vawikhat mah a sawi ngailo a .







Aw ka vin in min be ngai heklo,zanah ka riltam leh pum nat changin a rawn harh ve vat a ,min buaipui vek thin,chu chuan ka hmangaihna a tipung a ,ka zah zual em em bawk ,damdawiinah nau nei turin kan inpuah chah a ,ka hlauthawng hle nau neih natzia an sawi ka hre miau a ,ka huphurh em em ringawt ,nithum kan awm hnu ah ka pum chu nat na menin a na a ,nau ka vei tih ka hre nghal,a nat dan chu ka kawchhung hi an sawm phawk phawkin ania ka hriat ni.








Darkar chuang fe ka vei hnu ah mipa duhawm em em mai ka hring a,Bena chuan a rawn pawm vat ,ka chhungte ho in a hming an phuah a “ Zayn Vanlalpekhlua" tihchu chu hming chuan hun kal tawh min chhuikir tir leh,ka hlawhtlin theihnana theihtawp chhuah tu kha ,ka rulh let hma in a kal ta mai si a“ Ka hmangaih che " titu chu mittui khap per sak chuan ka nuih a ,ka mittui rawn hruk pah chuan“ I tan kan fapa nen hian kan awm reng dawn tih theih nghilh suh aw" tiin ka hmuiah a fawp zauh a .








Ni e ka doctor hmeltha,ka pasal hi ka tan a awm reng dawn a lawm,ka mipa hmangaih hmasa ber chuan min kalsan tawh mahse ,min venghim tur leh enkawl turin mipa tha tawpkhawk a dah tho a lawm ,Zayn Vanlalpekhlu ka dam chhungin ka theihnghilh tawh lo ang che ,Benjamina erawh ka damchhung chuan ka hre rengin ka pasal a ni reng dawn thung a .






MERRY CHRISTMAS AND HAPPY NEW YEAR 😘😘😘😇



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)