CHHAILAI 'D' BY NUNUI HNIALUM

Story tawi te te emaw luanliamna emaw post na
Nunui Hnialum
Posts: 115
Joined: June 13th, 2021, 9:07 pm

CHHAILAI 'D' BY NUNUI HNIALUM

Unread post by Nunui Hnialum » March 28th, 2022, 8:24 pm

CHHÁILÁI DI

Ziaktu : Nunui Hnialum.

Kumpui linglet a upa anaupanga kan nghahfák, Tlumte-a thlír taka kan thlír Mizo te hunpui ber Pathian khawngaihna zár ah kan han chuangkâi chho a, Kumtharni January ni 1 ani bawk a mi zawng zawng chu an hlim in an làwm em em vek maiin ka hria, naupang leh upa chen chuan thawmhnaw thar neiin an mawi hlawm bawk. Hlim pawh an hlim hmèl hlawm nangiang e, kei tih chauh lo chu! Hlimloh na ni khua pawh ni heklo le kumthar, kumbul kan ṭanna ní hmasa ber ani miau a.





Kumthar inkháwm ni chuan kan kohhran upa in 'Pathian hmangaihna,' tih thupui ah hmang in thuchah a sawi a asawiṭha ka ti, anunpui awm hliah hliah ka ti. Ka ṭhiannu ka kawm ve ber ṭhin nen kan in kawp leh chawt a, midang hmel ka en châng apiang a hlimna leh lawmna mitmeng de sar sar ka hmuh te hian ka thík a, ka awt ani záwk mah ka neih veloh mai ni lo in, ka neih ngâiloh tur an hmel ah sâwn ka hmu miau alawm.




Kan tûn hun hmanmék angah hi chuan atar azûr in thawhnaw thar anihloh pawh in thilthar eng emaw tal chu an nei ngei ngei ṭhín. Kei erawh Krismas leh Kumthar kawr ka neihloh na chin hi arei tawh khawp mai, ka nu leh pa damlai khàn chuan Pathian zâr ah hausa lua nilo mah ila, rual ka awt ngâi bík lemlo. Ka pa kha Thing Mistiri thiam tak ani a, mi chhawr ahlawh in inhlawhfa atân an sawm ber ṭhin ani. Mistiri bungrua khawl eng eng emaw pawh akawl kim ve phian a, sawrkâr hnathawk tamtak thlakhat hlawh aiin akârkhat hlawh kha atam zâwk fo ṭhin.




Keimahni táwk ah kan in to delh ve em em, ka nu kha nu taima tak ani a Vawk leh Ar vulh loh lái anei ngai meuh lo a, kan in bul ah huan siam in Thlai chi hrang hrang a chíng ṭhín a, midang zawrh kan lei ngâi meuhlo; kan thlái tharchhuah te chu kan pathum ringawt chuan kan eisèn loh ṭhin vang in ṭhenawm khawvéng te sem in kan sem bâng chu kan zuar ve fo zâwk bawk.




Unau pianpui ka nei lova keimah chiah fa min neih avang hian ka khua ahar ṭhîn hle a; mahse, ka nu ahriselna aṭhatloh avang in nau pâi thei ani tawh meuhlo a, damdawiin ah in entír in an kal fo; mahse, awmzia a awm vak theilo a, in siam hranlo mahse naupâi thei ani tawhlo ani. Pianpui unau neilo ta nafam chu ka nu leh pa fanu duat rawn ka ni. Duatsual nih erawh ka duhbîk loh avang in ka theih ang kawng kawng, ka nu huan tihfái pui leh athlâi zawrhsak te ka pa hnthawh na buangrua tihfai leh puih an ngaihna lai ah ka awm hle hle ngâi biklo, ka nu leh pa te pawn min duat zual in min fak ve fo ṭhîn.




Kum Sâwmpariat(18) ka nih kum in ka pa'n ka tân Cake mawizet min siamsak a ka lâwm lutuk a ka au chèl chúl mai, khami zân ang em em a ka hlim leh làwmni kha ka tawngtawh ngailo a. Ka theihnghilh tawh ngai dâwn bawklo. Ka piancham hlim leh lâwm takin kan lâwm a, ka ṭhiante pawh ka Cake ka pa min leisak chu intithei fe hian ka hmuh hlawm a, anni pawn mawi an ti in tui anti hle bawk, an piancham lo thlen ve huna siamtir ve tum in an chhungte an hrilhzúi ve sap sap bawk.




Ka piancham kár tâwp lam ah chuan ka nu hrisêl na atlahniam deuh a, khumbet a damloh tak tak hma a khawpui pana in entír tûr in ka pa'n ahruai dawna kei erawh Sikul ka kal dâwn thung. Kan khua Thingfál ah pâwl Sâwm(10) ka zir ve mék a, ka nu leh pa erawh chaw ei hma a kal a, tlai hma deuh hleka lo haw vat an duh vang in Lawngtlai lam an pan ta ani.




He mi ni aṭâng hian ani ka hringnun zinkawng, kâwng pêng bumboh tak ka hmachhawn tâk ṭan na ni chu! Ka nu leh pa te in entír zo anlo haw chu chesual in ahmun ah ka nu aboral nghâl a. Ka pa leh driver chu damdawiin lam an panpui a ahnu darkar reilo te ah an boral ve zui ani. Hmeichhe naupang kum sawmpariat mi tawrh atan chuan ana ém asin, arual in ka nu leh pa, he khawvêl a ka neihchhun tak meuh meuh te ka chân a ka ngaiin ka tuar thiamlo hle bawk.




Ka nu leh pa te ruang chu khawtlâng in tlaivarpuiin atûk chhun dâr 12:00 pm ah an phûm a, ahran ve ve a phûm lo in hmunkhat ah kuang pahnih leng tûr a lei lâiin an phûm dûn ta ani. Ka tan chuan ka khawvel a tâwp tak meuh meuh a, beisei tûr leh damchhan tûr hlawl ka neilo. Ka nu leh pa ruala thih ve law law te chu châk chânglah ka ngah, engtin nge kei an fanu hi keimah chauha awmtur a min kalsan theih ni chupawh arual leh nghâl in, ka tûar ah vânpui achim tak meuh meuh ani.




Keimah chauh a kan in a awma in enkawl thei ka la nihloh avâng in ka pu te hnen a awmtûr in ka pu in min hruaiphei a. Ka pu hi kapa pa niin ka pi in athihsan ve tawh bawk a. Ka ni Ruatkimi'n a awmpui ani, ka ni hi nuthlawi niin apasal nen an in ṭhen a fa pahnih hmeichhia pakhat leh mipa pakhat anei a. Anni pahnih pawh apa bul a dah duhlo in a awmpui ve ve a, apa hi zuruih chíng ani tiin ka pa khan asawi zauh tawh a, ka ni nen an inneih dáwn pawh khan an phal lo chung an in ru alo ni.



Ka pa te unau hi pathum niin ka pa aupa ber leh mipa awmchhun ani. Ka ni Ruatkimi hi an unau zîngah anaupang bera; mahse, pasal aneih hmât avang in afate pawh kei aiin an upa ve ve a kum sáwmhnih an chuang ve ve tawh.Ukâwnga hi a upa zâwk niin kum 21 ani a Uchhani hi kum 20 ani ve bawk. Ka nu leh pa te damlai khân kan in tlawhpawh chiamlo a, kan in be chhe hranlo bawk, ka nu te khân achhan fak ansawi bawklo nen. Kan in ngâina dûn viaulo ani, ka pu leh ukâwnga erawh alo lêng lût ve fo ṭhîn kha ania.Ka ni leh uchhani erawh anlo lang ngâi meuhlo.



Ka bân dinglam ah minlo nghawksawk tu avang chuan ka phu zawk a ka hawi dâwrh thei. Kumthar inkhâwm ka ni tih in theihnghilh ṭhak khawp in ka hun kaltawh ka lo ngaihtuah alo ni, ka han hawi chhuak chu inkhawm ho bân hla sa tûr in anlo ding vek tawh alo ni, Mali rual chuan tho vat in bân hla chu sa in kan bâng nghâl mai a.




Inkhawm bân chuan tâwi khawmuang lovin hmanhmawh zet in pâwnlam pan in ka chhuak vat a, ka pu hi akum atam tawh bawk nen achakloh azual em em a, keiman ka enkawl deuh chawt ṭhîn. Tun ah pawh in ah amah te chauh in a awm ang tih ka hria, inkhawmloh a awmpui kha duh viau mah ila Kumthar tûk êm a inkhawm loh chu ka inthiamloh deuh a, chubámâk ah ka pu pawh khân inkhâwm tur khan min tur ve tho bawk nen in siam sawk sawk in ka kalsan ta kha ania.



Biakin kawt ka thlen chuan ka ṭhiannu Mali'n minlo au chiam a ka va hawilêt chuan minlo umzui hi alo ni. " Ngati nge i tlân chhuah daih a, kan zâikháwm ve dawn lâwm ni?" Tiin min en a, zâikhâwm a lâmkual ve te kha ka châk asin; mahse, ka pu awmpui angâi a, tûnah chhûn dâr sâwmpahnih apêl tawh a, aril aṭâm in thingpui in aduh ṭan tawh ngei ang tih ka ring ani.



"Mali min kalsan mai rawh ka pu awmpui ka ngâi si a, aril te pawh aṭâm tawh ang, ka haw zâwk phawt ange min hrethiam mai rawh aw" tiin ka en phei a. Ahmêl chu alungâwi hmêl viau loh "vawiin ni ang em em ah te hi chuan chhuak ve hrâm teh, engtik lai mai pawh hian in ah i pu, tar enkawl in i tawm chawt a, hunpui lâi tal te hi chuan chhuak vák ve rawh" chutah ka chhân hma chuan lo sawizawm leh in "i pu hi enkawl tawhsuh ka tihna che anilo; mahse, vawiin hun angah te hi chuan i niKimi in chhâwk tîr ve rawh ṭhalai ini a, thingpui lum, asem leh no sil ah te ṭhalai chanpual ani a, itelve na âwm ngawih ngawih ani bawk" ati deuh hlak hlak a.




Cháklo leh peihlo ah min ngâi lo tih ka hria ka ni adem ve takzet tih ka hria "Kimlukiri lah khi eng thawk hleilo khian avâk dèn dèn a, uchhani nise nalh zet zet a in chei parh in an thêulêu a, inlam khawih ngâi zawng zawng ikut ah andah a, Lo leh thlâi huan nise ikut ah vek an dah bawk a, an thinrim in an ânhla achhe thei si. I chung ah lungâwi lohna neise, hmusit tak leh dirîam taka an ṭawngkhum loh che leh mei nei zet zet, kha fak fak a an la ṭawngkhum ngam che hi ka ngei nufa ania" ati leh fak fak a, ka ṭhianni hi chuan min chhan hi ape na ve thei ania.

" Engpawh nise ka kalsan phawt ang che aw, ka pu aril aṭám tawh lutuk palh ang " tiin Mali chu ka kalsan a, ka kal deuh hlawk hlawk ani ber Biakin leh kan in hi in hlat hranlo mahse a inhnaih fahran lo a, chuvanga hmanhmawh deuh a kal hlawk hlawk pawh ka ni. Kawngka ka lút fel chiah chu ka ni aw fiakṭhat in " Lalpekhlu iva rei em em ve, i léngkáwi lehpek em ni?" atih ri ka hre zawm, a in khawm ve reng a kan bánhun te chu ahreve vek tho sia, khawi ah mah pénkáwi na hman a awmlo tih leh ka péngkáwi ngailo tih hrechiang tu ani.




Ami hauh chák achhuak leh tawh tih ka hremai, ka chhán vaih chuan min phih sawk duh ang tih amitmeng ah chuan hriat reng reng. Nidang ah pawh ka chháng ngái lo, anmi hmuhsit na, nu leh pa ka neih loh leh an in a ka awm hi ahre hlur a, chhán chi lah ni heklo véngkhat nu tling sawihat kái khawp a 'kei ka ni' inti ve chin kha ani miau a. Chháng lémlo chuan ka pu mutna lam ka pan san ta daih a.




Chutia chháng lem lo a ka kalsan chu angaihdán ani leh mang silo a, " ipu pindan ah pawh kal buai duhsuh, i u chhani'n thingpui pe in atifai vek tawh. Hna ho te ni sa hnuaia kal hah ngái pawh nilo tiin ipu ikut ah kan dah a, zelthel nan leh pharvar nan tak i hmanga, lo ngáwi tak rawh túnkár han liamse karleh aṭang in chúl thlo in ikal nitin tawh ang " ati hmarh hmarh mai.



Ka pu pindan lam pan chuan ka kal lui ta tho a, apindan ka lút ṭep tih ah uchhani leh aṭhiannu mit hnawih dum zet hi anlo chhuak dún a. Uchhani'n rum fahran a minlo melh in " ka pu hi i enkawl ṭhathei dáwnlo anih chuan sawi ta mai che, kan tih puitlin theihloh túr thu hi chu chhák chhuah mai mai loh tur " ka pu hriat hlau ru tak si min huatna thupbo chuang maplo a asawi chuan ka thinrim ka insúm hmanlo teuh kher mai.




Anni nufa hian enge vawiin ni ataka ka pu ngaihsak ber áwm ziazánga an chét ni. Ni dangah lém thingpui no khat pawh pe ngái hleilo, an vawikhat thiltih ṭhat min hauh nan taka an hmang chu ka lawm viaulo. Ka pu hmai an zah aváng leh an huanram thlofái a enkawl túr a min duh vang chauh a minla awmpui anni tih ka hrereng. Ka nu leh pa an boral khán pan túr alawi ka neih loh vang a ka pu sáwmna pawm a zúi ta kha ka ni a, ka pu hi awmlo ta chiahse ka chantúr ka hre ve kar, chu erawh ka ngaituah thui duh lémlo a hlimawm tehchiam lo ém atin ni.




Ka kalsawn túr ka pén chiah uchhani ṭhiannu mit hnawih dumzeti chuan " in awmpui peih záwk e, a inchei na te reng reng hi a ṭhing uchuak lutuk, engtin nge hetiang thawmhnaw nen te hian a inkhawm ngam záwk le, keichu ni ila zah vang leh midang hmaizah vang hrim hrim pawn ka tawmbo hmak ang " aṭawng duhthawh ka lo ti kher mai, chuan abuailoh na túr ah abuai viau ka lo ti.




Uchhani ṭawngkam hrelo se khatiang khán min ṭawngkhum ngawt ngam dawnlo tih ka hria, aṭhiannu ṭawngkam leh mizia ang pumi ani ang tihte chu lo hriat daih tawh túr ania, an mit mu bo vek ṭép khawp a an in hnawih dúr dán en hian mize hrang anni lo ang tih ahriat e. Engahmah ngaihloh hmelzet chuan hawisáng vah hian ka pu awmna lam ka pansan daih a, " zahna te hi adah níl ve chiang ania " tia min sawizúi ri ka la hre hman hrám.




Ka in sehruh nasa khawpmai zah hmel deuh leh inthlahrung dáka awm in min hmusit zual sauh tih ka hriat vanga zaklo angtaka lang lui ka ni. Mittui tih tlák phei chu hnailo mai. Anni min hmuhsit na tizual túr tinga an mit hmuh a mittui tih tlák ka duh awzáwng lo.



Ka nu leh pa ka ngaih váng in ka mittui tla in ka ṭap ve fo ṭhín; mahse, anni nufa min hauhna leh hmuhsit na vang mai mai a ṭah ka tumlo bur, mahse Vántirhkoh ém ka ni bík lova rilru na thei hrehawm leh lunglén hrethei, mihring ve tho ka nih vang chuan hrehawm tiha ṭah rúk cháng ka nei ve fo; mahse, ṭap ka inti duh ngailo 'ka mittui atla anihhi' ka ti liam mai ṭhín!! Hemi kawng ah hi chuan chapo ka inti ve tho lunglian ve tak ka ni.




Ka pu hi pa ṭha táwp ani ka tilo theilo, tu leh fa te hmangaih a kil káwi ṭhín bertu ani bawk. An hnén a ka awm ṭantirh khán ka la naupang ve deuh bawk nen ngaihtuah thui em em ka nei ngailo kha ani a; mahse, tun ah hi chuan nula puitling ka ni ve tawh dáwn a. Hun kaltawh han ngaihtuah hian mak tih rúk deuh hi ka nei ṭhín.



Ka pa hi fapa mal ani a fapa mal chu kei ka lo ngaihtuah ve dán ah chuan nu leh pa, chhungkua enkawl a kháiding tu túr ah ka ngái a; mahse, ani hauhlo ka nu nen an inneih dáwn ah an in dang ani, farnu pahnih ka pa hian anei a niKimi leh ni Ma-i an ni a, nikimi hi chu fa pahnih aneih hnu lawk ah lo lét in afate nen ka pi leh pu an rawn bél leh ani a. Nimaii hi chu Aizawl ah pasal neiin an awm mék.




Ka pi leh pu bula ka awmrei hnu hian kan ṭhenawm pitarte hian arúka thil min hrilh anei a, ka nu kha fahrah nu leh pa neilo chhungkaw hnaivai ti a sawitur neilo a ni a. An inneih dawn khan ka pi leh pu te ka ni te hian an phallo bur hi ani áwm a. An inneih dáwn ai chuan ka nu chu chhuahpui law law tur in an hrilh a, ka pa'n chutia ka nu an awmdunpui theih dawnloh ai chuan tiin achhuahpui ta niin asawi.



Chutia remti lo chung innei ta chu ahnu lehzél ah pawh inpawh búai lo in mahni khawsak sak in kan khawsa alo ni, ka pian ve hma thil leh chhia leh ṭha ka hriat hma tak tak ani a. Hei váng chiah hi anihhi ka nu leh pa damlai pawh a kan lo in kalpawh em em hranloh ni, ka hrethiam ta ruak mai.




Chuti fakau a ka nu an duhlo chu amak ka lo ti rilru deuh.Nu leh pa te chu aduh vanga neilo ani bík áwm si lova, a awt in angai viau zawk dáwn asin, chutia ka nu in nu leh pa aneih loh váng mai a mo atana an duhlo chu kei ka ngaihdán ani bau lo. Bák ah a innei túr a te an in duh a an in hmangaih tawn phawt chuan keichuan buaina lo siamsak chiam hi ṭúl ka ti lo in, ṭha ka tih zawng pawh ani lo.



Ka pi leh pu leh ka ni te chu ka nu chunga an chet duhdán ka hriat chuan ka nu rilru nat dántur leh hrehawm ti a amah a insit dántur ka lo ngaihtuah a, hrehawm ati dáwn lutuk tlat a. Ka pu te chhung chu ka haw ru khawpmai; mahse, hun kaltawh thinrim chiam pawh a ṭhaleh thei anihloh bák ah ka nu ber pawh adam tawh silo.Bák ah tuna ataka lo thinrim ve chiam hian awmzia a nei tampui lo ém ani.




Krismas leh Kumthar vûakvét ahan zo a, keini thingtlang nula mai tán chuan Leipui neih a thlái chín leh hlo thlawh mai ani kan hmabák chu. Kumpui linglet a kan nghakfák chu kar hnih khat leh ah kan hmang zo chu animai si a, kham awmloh ti táwk tam viau mahse kei ka tan chuan ka lung ti léng tamtu leh ka inkil tawihna ti tamtu mai ani, chuvang chuan Krismas leh Kumthar kha liam vat vat se tih cháng kha ka ngah asin.

Tlai chaw kan ei a, kan ṭhut khawm laih lái chuan U Kawnga chuan eizawnna túr dapa Aizawl lam pan aduhthu asawi a.Thingtláng ringawt aṭang chuan mamawh ei leh in ngawr ngawr ania. Hetiang reng chuan nakin hun ah kan buai lutuk palh ang bákah chíncháng hriat vena zél ani bawk a, tiin ka ni leh ka pu chu ahrilh a.



Ka pu chuan aremti fahran lo amah alo tar ve tawh in achak tawhlo bawk nen, ahmuh phákloh a khawsak kha aphal chiahlo ani; mahse, phallo bur thei ani bíklo, kan khawsak hian azirlo ve tho bawk nen.



Ka ni chuan kal chu aremti aniang chu " kal ringawt la khawi ah nge i khawsak ang? in luahtúr in pawisa kan nei hauh silo " alo ti a " ka ṭhianpa Rinpuia te hnen ah ania, an hnen ah ka chéng ve nghal thei dáwn a " atih chuan " chutiang ringawt ani thei dáwn em ni? An hnena hna i thawh a i awmchilh nghal chu an remti dáwn em ni? Engtia i ṭhian nge ni reng reng?" Ka ni in atih chuan " ṭhian tihah keini ai chuan a upa daih, kan in hriatdán tak ka sawifak thei tawhlo. Amah hi mi rintlák tak leh mifel tak ani a," alo ti ve a.



Ka ni nen chuan ti ti in ahna thawh túr lam te chu an sawi zél a " dáwr lian tak tak pathum annei a, amah hian anghák ber ṭhín. Abák chu hlawhfa te la in a cháng in afarnu te'n an puih ṭhín a; mahse, mipa deuh nge nge chu buangrua sawn kual vél ah pawh buaipui a enpui vek ngai an awmlo a, chuvánga mipa puih tu túr duh ani." Ati leh dap dap a


" Bákah kan khawsak dán ahreve tho a min duhsak ve pakhat váng ania. Hlawhfa te chu ahmu hnem dáwn lutuk keimah min duhsak vang liau liau ani, ka la awmchilh thei dáwn zúi hlép hlang ani ringawt." Aphúr lutuk chu ka lo nuih nasa mai. " I hmelhriat ngái miahlo te va awmchilh chawt chu in zuam meuh maw?" Tiin ka pu in ngaihtuah deuh in alo záwt chuar chuar a. " Pu an hnén tihah an dáwr pakhat chung chiah ania mipa tán chuan ahrehawm lovang, ka awmthei mai ang " ati ve sup sup a, Aizawla a awm túr chu a phúr hmél kher mai.



" Uchhani'n ka kalve duh, ka lo awmpui ve ang che " atih chuan ukawnga'n " awmpui ka ngái lo, bákah luahman chawi túr ka nilova, midang awmpui chu atihchi vakloh pawisa te ka kháwl tam hun ah in ka luah anga Peki nen inlo la zin dáwn nia " atih chuan " ani sawitel ve kher angailo, kan unau diktak pawh anihloh hi, in ah hian awmse leipui khi enkawl rawh se " ati deuh hmarh hmarh a.




" Chhani i ṭawngkam hi fimkhur rawh aw " ka pu leh ukawnga'n anlo ti rual ṭhawt a. " hetiang mi inih reng chuan ka duat ngailo ang che, peki hi en hrang lutuk suh " ukawnga ṭawngkam chu ka hresual miahlo engmah hi a sawisel ngai lova ṭawng tam lo tak ani sia chutia ka thlavang hauh taka aṭawng chu mak ka ti rilru lutuk.



Keimah vanga an in hauh ka hlau lutuk a ka lo ṭawng khalh vat vat " Ni e, keichu chhuahvah hi nuam ka tilo, kan in a awm hi anuam ka ti alawm. Aizawl phei chu mihring leh motor an tam si, motor ri vung vung ka hriat phei chuan ka chiái vek zél," nui pah a ka tih chuan "hetiang taka changkánglo leh mi hawiher hrelo inih vang hi lâwm hlo i thlawh máwl tawp réng ni," uchhani ṭawngkam khafak chu ka run kher mai.



"Lalchhanchhuah," ti fiakṭhat ri leh U Kawnga'n U Chhani abéng riin azúi, "kut thlák che hi ka duh ngailo; mahse, i awmdán hi iti lutuk mah mah tawh ani Lalpekhlui-i inṭawngkhum dán leh a chunga in chét dan hi dán hi ka hreve vek engmah hi ka sawi ngailo. Ka nu lo in enfiah hle rawh u," lo dang túr in ka ṭawng chhuak thei hauhlo,ka thlaváng hauh a min ṭantu hi ka nei ngailo ém ani.



Engmah sawizawm tawhlo in U Kawnga chu achhuak ta daih a, ka pu pawh engmah sawizawm lo leh achaw pawh eizo lo in atho ve daih a. Ka ni in rum eltianga min melh hrep in, ahmui min tih sawih khum sawk sawk hnu ah " Bawihte, lo kalrawh pindan ah lút ang, he fachúam vang mai mai a kut i tuar hi ka páidam mai mai hauh lovang tih pah in min káwk sawk sawk mai!




Thawpik váng hian thi daih thei ila ka ti ngawih ngawih, U Kawnga'n ka thláváng hauh taka ka hma a ading kha ka láwm lutuk; mahse, a awmloh hun ah ka ko rihbelh na túr mai ani, anu leh afarnu te hi ka chung ah ahma zawng aiin an suaksual dáwn tihlah hriat reng reng ,naktuk lawk ah Aizawl akal anga ka thlaváng hauh chu khawilam engmah ahre tawh dawnlo. Ka pu nise engmah thawk thei tawhlo anih váng hian in chhungkhur ah engmah asawi sél ngam ngailo ka ni hauh phei chu ateuh lo lutuk tlat.




"Ka ṭap e itia law? Enge ilo ṭah ve ngawt?nangmah vang liau liauin Chhani'n kut atuar asin ka fanu hi keipawn kut vawikhat pawh ka thlák phalloh ani tih i hria em? Vur in ahmai va deh sak rawh, i zawh velah arang arang in lo let vat ang che," anawr in ka tukhum ah min nawr phei sawk sawk hi animai, vur keng in ka tlanphei chawn chawn a, khum ah uchhani alo ṭhu bàm mai ka hmuh chuan ka khawngaih reuh lutuk ahmai chu asen ṭún a, avung ṭan ti tih deuh bawk.



"Enreng lo khán ahmai khi va dehsak ta che," ka ni in minlo zûi leh pek chu niin, khum bul ah kal in kan ṭhu hniam a "ṭhingṭhi rawh," U Chhani hmel chu ka en vat aṭahna ahnár asen vek a, amit ahnawih dum chu amittui váng in apherh vek nen ahmai adum ṭial nuai a Zawhte ang ka ti lutuk a ka nui chhuak ṭép ani. "Asawi chu ihrelo em ni? Nge i beng achhét záwk?" Ka ni aw fiakṭhat ri ani.



Sawisél lo chuan ka ṭhingṭhi vat a, hetia ka tivat lo anih chuan khumlu a thing ah hian ka lu hi an tauh duh mai ang tih ka hlau ani. Ahmai ka dek chiah chu ring lutuk hian arák chiam mai a, mak ti zet a ka en chho chu ka hmai ah tak ake hian min tlawh thal ṭhuai mai. Ka tukhum ka sawh ri dawt ana lutuk chu ka mittui ahnãm sawk mai, ka lu ahai in ana nghal chum chum bawk.



Ka luhai váng in chhuata ka mu chu ka tho ngamlo ka bek ah ka mittui aluang ngiai ngiai mai. Chutia ka mureng chu tu emaw hian minlo kaitho in min kuahding a, atha chakloh dán leh derdép dán ah ka pu ani tih ka hre mai, ka khum ah min nghat in " Pekte ana viau ang tiraw? Nachhawkna ei rawh aw, Ini te nufa em em hi chu engtia tihchi nge maw ni le " ati vang vanga.


Ka tukhum na lutuk chu ṭah chhuah vak vak mai ka chák. Ramhuai nufa ka ti rilru mawlh mawlh. Ka pu damdawi min pék chu ka hmawm vat a, zangthal pawn ka mu ngamlo sír záwng ngawt in ka mu a, ka tukhum ka delh ngamlo ani.



Zanlai ah ka muhil ka ṭhangharh a, ka tui in hál lutuk tui in mai túr ka in chhawp lo nen choka lamah ka kal vat a,choka dawhkán chu zantír a ka kalsan ang ngái ngái chuan alo la awmreng alo ni.Mak ka ti lutuk a ka enreng ringawt, ka tukhum sawhna avang khan ka luna lutuk kha nachhawkna ka ei nén ka lo muhil a ka lo hre tawh miahlo ani; mahse, ka ni khan alo sengfel ve mai túr ah ka ngái a amak hi ka ti thlawt ani.



"Chaw ei na kha sengkawl vat vat rawh, naktuk ah várṭian ah tho ang che, chul a ka thlái hmun kha han thofái vek ang che. I zawh hmaloh lo haw suh ang che, nichin kha chu i uchhani thinrim leh nangmah vánga kut atawrh man atuar tír ve che anihkha," zak map lova ka ni thusawi chu ka en reng, ka thinrim bawk si ka tukhum ka sawhna ana la reh chianglo leh min ṭawngkhum dán ah min dimdawih loh zia te rilru na bawk si chu ṭah khum chiam mai ka duh.



Chhán ve te hi ka chák, an mi ṭawngkhum dán ang chiah a chhán ve fak fak te hi ka chák ṭhín; mahse, chutianga ka ti lét ve anih vaih chuan ka chantur chu he in aṭang hian min petchhuak anga khawlaia vahvaih ani si, chuthil chu anni nufa pawh hian an hreve kar a, kalna túr leh belhtúr dang ka neilo tih an hriat vanga ka chunga in luling em em anni bawk. Ka huntawn leh hmanmék thawpik thlâk lutuk vang hian ka á zo mai dawn in ka hria.



A sawi duh ang asawi zawh hnu ah pindan lam pan in dák vah in akal phei áwt áwt a, ka haw lutuk hi chaw eina thléng dáwhkán a mi hian va kal a vai thlúk tawp mai ka duh. Enga ti bík em em nge hetia vánduai leh hmangaihtu tawnglo lutuk a ka lo pian chhuah ve ni.



Mihrang daih te chuan min hmusit in min diríam pawh nise ka dem theih ani lo; mahse, ka ni ka pa farnu ngawih ngawih in hetia mahni vahte hmusit taka min diriam leh min hmusit hi chu ka dem ani, ka dem thláwt, a tihdan chiah zir in afanu in diriam leh hmusit tak in min ṭawngkhum in kut hial min thlák ani a.Ka pa kha chu la damse hetiang hian min hmusit ngam huahlo ang.




Chaw ei thléng zanlai ah sengfel in ka sil ri rak rak mai. Ka nu leh pa ka ngaih azual telh telh mai, la dam ngat se zawng hetiang teh fahran lutuk a rethei hian ka hringnun ka hmang áwm silo, ka ngái lutuk leh he in hrehawm ka ti lutuk hi keimah leh keimah intih hlum daih mai hi ka chák ani; mahse, chutiang a ka nunna ka la anih chuan ka nu leh pa bul Vanram ah ka awmve thei ngái dáwnlo tih ka hreve kar si, ka thawpik lutuk leh belhtúr dang ka neilo lutuk hi engmah chhia leh ṭha hrelo a at daih mai te hi ka chák ṭhín ani.



Chutia mittui nen thleng ka sil rak rak lái chuan U Káwnga ka thléngsil na bul ah lo ding ve ni in "Pekte, ka rualin ilo kalve daih duh em?" Atih chuan ka phu chiam lehnghál a, ka mittui tla ahmu ang tih ka hlau bawk nen inher lo chuan ka dár lehlam lehlam in ka biang huh chu ka hruhul a "tah hian ka lo awmzáwk mai ang, nakin ah nangmaha in iluah hun ah le," tiin ka nuih a. "Ni e, hna ka thawk sauh sauh anga ka bul ah i awmdaih dawn nia, tunah chuan ka pu hian ala mamawh ve tho si che a," min sáwm dér chu ka láwm hle mai, ka kal theilo mai pawh a.



"Lalchhani hi zawng engkawng ah mah ka ring hlawl lo amit ahnawih dum em em a, hei bák hi thiam pawh aneih loh réng hi, lo awm ṭang ṭang la ka pu hi ṭhatak in lo enkawl hrám rawh aw, ka lo hruai vat dawn che nia," atih chuan bu nghat nghat in ka nuih sei a. "Naktuk ah ka kal nghál dáwn a lo in enkawl ṭha rawh u aw," tiin apénsawn nghal a, ka ngai reuh ngawt ang.




Apianpui farnu ai pawh a ka hma min ngaihsak tu ukawnga ka nei hi ka láwm hle ani, ka pu nen ka bulah an awmreng ṭhín a, tunah chuan ukawnga Aizawl akal tawhdáwn a, ka pu nise rorél a chhungkua awp thei ani vak tawh silo. A hma aimah a ka tuarchhel angái tih ka hria, phúr zar na chi ani lo takzet.





Thléng ka sil zawh meuh chuan zíng dar 1:00am ari va tawh, ka tukhum ana deuh ngut ngut nen nachháwkna hmawm leh vat in ka mu nghal a. Atúk zíng ah thawh ka hai chiang ngang mai, ka va thawh ve chuan ukáwnga alo kal diam tawh a, ka niin ava thlaha alo haw lét tawh alo ni.Min melh no fahran lo khawpmai "eirawng bawl vat vat la huan thlo chuan kalvat ang che, i hmel hmuh reng hi a ninawm," hetiang ṭawngkam chhe lutuk hi khawi aṭanga a hmuhchhuah nge ni ang le?.



Î he lo in eirawng báwl in ka che vat vat a, zîng chaw pawh ka peih hma khawpmai. "chaw ei kha siam vat vat la, i U Chhani eitúr a pindan ah han pe ang che, nizán amu theilo a alo tho chhuak theilo," takzet chuan, vawikhat ben váng maia chaw eitúr pawh a atho theilo chu amak deuhhlek, sawrkár hnathawk fanu hna hrám thawk ngáilo te pawh a ang záwk alawm mawle; Mahse, ka hnial chuan buaina ka chawktho leh mai dawn sia, buaina pumpelh theihna kawng chu zawm tawp hi ani rih e.



'Achaw eitúr pe a ka luha kut min thlák leh vaih chuan ka tuar thláwn tawh bík miahlo ang,' ti rilru in ka lût a khum ah alo bawk vel mai mai ka lût ahmuh chuan ner sáwnga min en in "heihi itihtúr ṭhin ani réng ani, zingtin minlo pe thei ang tiraw?" Zak mak lova U Chhani thilsawi chu ka en tawp, nui sak sak in hnehtu inti zet in "ka inchhung ah hian ka lalber tih hria la, ka thu hi záwm mai rawh, i nawmna túr anih hi," azaklo lutuk hi kan mualpho túr leh ka chan túr dawnlo léka chét mai ka hlau ṭhín.



Chaw ei sawk sawk in ka ipte chu ka la a huan thlawh ringawt ani tho nen Páikawng emaw Émping vél ken ngaiin ka hrelo ani. "engah nge Ipte tetakte ringawt i ken?Thing phurh haw na túr keng rawh," ka ni lehbawk ani Páikáwng ka la lawk a ka kalchhuak ta hnak hnak mai, zéploh chuan hmeichhia ka ni a ka hlau ve asin, khawchhung aṭang in KM 4 thuak ani a, ka kaltirh kha chuan ka hlau lutuk kha ka nu leh pa vána awmte ka pun mawlh mawlh ani min venghim túr in.



Tunah pawh rama ka kaldawn chuan vánlam thlír in ka nu leh pa ko in ka be mawlh mawlh mai ṭhín, min hmu ru tu awm ngat se 'Lalpekhlui hi a chianglo ani ang' an ti ngei ang, nia, khua ka chhuahsan tirh phat aṭanga hlo ka thlawh lái leh ka haw dawn thleng in ka nu leh pa bia in ka ṭawng kawngtlúan mai ṭhín.



Ka hunleh ni hman dán chu angai reng mai. in a awm in ka ni ánhla leh uchhani Lalhrawt em em te kianga nitin hunhman emaw ram lama hnathawh ani deuh tawp mai. Kan huan thlai te acháng in khawpui lam ah te kala zuar in ka tal ve nawk nawk a, chutiang réng renga hun hmang ta chu kum pawh aliam ve zung zung mai.



U kawnga kum khat ṭha zán Aizawl ah a awm hnu chuan kan khawsak pawh ahma ang lutuk kan ni tawh bíklo, thlatin ahlawh alo thawn ṭhín a, uchhani láwm ah atla a pawisa alo thawn cháng apiang in thawmhnaw thar emaw pheikhawk emaw hmaihnawih tur alei ṭeuh zél. Ka ni pawh chutiang tho, amawi ah an ti nge ni kei leh ka pu chu kamram túr minlei mai ṭhín.



Ṭhian kawm ngai lo leh ram lama kal chawt ta chu 'ṭhian' ti a han sawifak túr ka ván ṭhín khawpmai. Ka ṭhian ka kawmber tihah min káwmtu ber ani záwk ang chu Mali hi alo lang ve zauh zauh a; mahse, in ah ka awmtam loh bákah ka awmchhun ah khawihtur neuh neuh alo tam ve bawk nen ka káwm hman ngái meuhlo. Kartluan deuhthaw in ramah asúr asa hnuai ah kal reng ka ni bawk nen vun a uk ṭha duh ngeimai.



Zán lam ka pu hi amu ṭha ngai meuhlo Thawhah nei ani bawk nen, achángleh vén deuh chawt angai nen chhunlam ah ram ah ka tál hah ve ṭhin si a chauh ana duh ṭhín. Damdawiin lam pan hian awmzia vak anei thei silo a, kal aduh bau tawhlo nen in enkawl a hautak ve ṭhin ani ka BP te ahniam rawih rawih mai, chutiang a zán mu lova kar khar zet hun kan hman hnu chuan beisei asáng vak lém tawhlo khawpmai.



Athawhah zual cháng in ahnara híp chi chu invuah in damdawi tlém azáwng nen theih ang ang in kan in sawngbáwl ve mawp mawp mai. Zialam apan thei bawklo nen ukawnga pawh ka pu chahthlák hma ngei a lo haw aduh a ka ni nen inbia in tunkár táwpah alo pheitheih arin thu asawi ve bawk.


Thinlúng hi azíng ngawih ngawih tunah ka pu beiseiawm a awm tawh silo, ka pu hi boral chiah se ka va mal lehzual dawn ém! Ka hmalam hun túr hi athim zual lutuk a ngaihtuah pawh ka ngaihtuah ṭha ngam hlawllo! Achin chin in min déng mai aniang chu. Ka pu awmpui deuh chawt ngai nen akár chuang fe ramlam pawh kan chawl deuhrenga, vawiin ah ukawnga alo thleng dáwn bawk nen chawhmeh antui fahran pawh kan neihloh vang in chawhmeh la tur ringawt in kal angai a, midang phút tur awm heklo keimah ka kal lehmai angai ani.




Ka ram kal chu mitmei véntur awm heklo le ka mittui aluang zung zung mai, ṭah hi ka duh ngailo mi chaklo zia leh mi chaklo záwk te tih tur ah ka dah mai ṭhín; mahse, tunah erawh chutiang mi chaklo tihtur chauha ka dah chu ka biáng ah dan rual loh in asur zung zung mai si. Ka hringnun chhiar ve mék ah hian han hlimpui a nuihpui chiam túr aváng a, tunah phei chuan ka in nghahna leh ka kûngpui ber ka pu thih sual in a awm ani tawh si, ṭahloh ka tum pawn ka ṭaplo theilo ani.



He ka hringnun ruahtui aia mittui in achiah hneh záwk, péhhél theihloh dúm a táng ang maia harsat na leh vanduai na ten an kiansan ngailoh hringnun hi aṭap a arúm vawng vawng mai anihhi, tu in nge he ka dúm tlánchhuah theihloh na hmun aṭang hian min la chhuak ta ang, nge ka pil hlen záwk mai dawn? Nu pa min lo hruai ve tawh mai rawh u keimah mai chuan héng Ngháwngkawl rit lutuk hi ka pénpui zolo, ka kaizatha aṭhum a achat mai dáwn.



Reife kún ngara ka ṭah hnu ah mit bui láka tho chhuak in ka rei lutuk loh nan chawhmeh lák theih ang ang ka kháwm zung zung a, fúr lai ani bawk nen Thosi leh Vangvat an awm fur a, thinlung zíng ti zíng zual tur ting in khua a dur khup nen ka hlau ve pah lek lek ani. Thinlung ah hlauh na a awm tawh phei chuan thil ni lo lo suangtuah in ka zéldin a, tháwm ri hlek ah pawh hlauthawng ru tak invéng ru rán si in ka hawi kual vat zél.




Ruahsur hma a in thlen hman ngéi ka duhsi aváng in táwi khawmuang lo in ka tlan haw vat a, chawhmeh la tur ringawt a kal ka ni bawk nen ka kal hma silo a, tlai khawthim ahnaih viau in ka hre lehnghal a, chhumzín nasat ém pakhat vang ani; mahse, ahma fahran lo tih erawh ka hre ve tho.



Ka kal muanglo bawk a in pawh ka thleng thuai mai, kan in ka luh hma in kan in kawt ah motor dum nalh fahran mai alo ding ka hmu a, ka phuzawk mai tu motor tak ni ang maw ka pu hi aṭhalo viau anga damdawiin hruai ngaiin a awm ani mai angem aw ti a ngaihtuah reuh reuh in inchhung ka lut vat a, kawngka ka hawng chiah ukawnga hmel ka hmuvat mai, ka Páikawng phurh chu minlo láksak vat in " Pekte iva lo haw har ve? Lo hawvat tur alawm kanlo nghak reng tawh che a " tiin minlo be nghal a.




"Ilo thlenna arei tawh em? I motor chuang i chau viau lo maw?" Zawhna in ka lo chhang lét ta zawk a, "chau love, Rinpuia Aizawla ka hnathawh na ka ṭhianpa in ka pu kan pah in minlo zui ve bawk a, ati lawmawm tak tak ani," ati leh a tunge asawi chu niang aw, ahmél ka hmu mai silo nen ka bo viau mai. Ukawnga a awm ve bawk a tlem chuan ka thla amuang deuh mipa deuh nge nge chu eng vati lo mahse hmeichhia ngawt ai chuan min thlamuan deuh alawm.


Ruah tla chiahlo mahse chhum atam ém avang in ka thawmhnaw ahnáwng deuh vek a,tuilum alo awmsa nen ka pu pawh ngaihven hmasa lo in ka inbual a. Ka ni in inbualna túr tui minlo lumsak alo ni, amak ka ti angreng viau mai nidanga atih ngailoh thil ani bawk nen, afapa alo thlen váng te pawh ani mahna le, tuilum sa nuam zet chuan fai ser sawr in ka inbual a, chauh areh a, hah adam deuh sawng sawng mai.



Ka inbual zo búalin aṭanga lu tuam búr chunga ka chhuak chu kawngka aṭang in uchhani leh tlangval hleitling hmelṭha vék vúk takmai khawpui mi tih hriat ngawih ngawih anlo lút dún a. Kan mit a in tawngsak chu ka ṭék deuh chhuai mai in ka hria ka thin aphu hlawp hlawp lutuk, hetiang taka mipa hmelṭha leh pianthiam ka thinlung dekzar mipa hi ka vawikhat hmuhna ani.



Hawisawn nacháng lah ka hre heklo hetiang taka mipa hleitling leh chhelo hi anlo awmthei ngái animaw? Ani pawn khawdang hawilék lo in min melh ve tho, ukawnga'n "i inbual zo tawh maw? Heihi ila hmu velo a ka hnathawhna Rinpuia chu anihhi midang nen chuan ka in hmelhriat tir tawh a, in chibai ula," ti in minlo hrilh sawk sawk a Rinpuia atihmi lam chu hawileh in "Rin, heihi ka farnu pakhat záwk Peki anihhi, achanchin ka hrilhfo che kha," ati ve leh a.



"Anitak maw? I sawi ang chiah in ahmelpawh aṭha hle mai, in chibai ang hmiang," alo ti sauh sauh a, lái ru zet chhungte leh amah ngeipawn ka hmai sa hat hat chu an hria ang tih hlauthawng ru zet chuan ka chibai lét ve bawk a. Kan kut kan in vuana amitmeng pa ru zet thiltih theih hmél lutuk chu enrei ngamlo in ka hawisan daih a, ka zam ru lutuk a, ahriat ka hlau ani.



"I lo thlen hun kan lo nghak reng che a, ilo thleng har phiana Káwnga nen hian lo hruai mai che kan lo tum rilru a, tlúangtaka ilo thleng chu lawmawm e," athusawi chuan minti zak lek lek mai, amikhual zawk ala ni si a, "nangpawh iti lawmawm hle mai ka pu min ngaih pawimawh saka ilo kal vang vanga kan lawm e, kan in hi anuam fahran dawnlo na in, i awmchhung chu nuam ti taka i hman ka beisei," tiin ka chhánglet ve bawk a.



Ka mit ah tak min en chungin anui a, anuihmel pa zia leh hmuhnawm zia chu anui hmel en chungin ka nui ve sak sak mai. Thildang tibuai tawh hranlo in chaw kan ei nghál a ka pu erawh amuthmun ah kan pe mai ṭhín a, ei erawh a eitam ngai lo Buhháwp chhum ei kha ani a, atui atilo tih ahmél ah ka hmu thei reng; mahse, atan a chaw ṭhaber ani miau si a, en harsa ka ti ṭhín khawpmai.



Thawhah nei tih takah achang in damṭha viau angin lang mahse achang in mangang táwp in kan phi chél chûl a, anatdán tak hi sawi fiah fak dán túr te hi acháng chuan aharsa ṭhín. Kan chhungkaw nga leh irinpuia te nen chuan kan in lian fahranlo ah chuan karkhat chhung kan chéngho ve rak rak a, thingtlang ah tlangval hmelṭha karkhat chuang awmve ta chu khawpum ah alár chak hat hat khawpmai.



Nula kawngkal mai bák ah nu thleng chuan urinpuia hmél hmuh chák in anlo lút sek mai, anlo luhloh leh kawngka aṭanga ring fán duai duai chunga lo dák táwklah bolo, tleiráwl in akhawlái kal an en duh vauh vauh ṭhín teh e.



Amah pawn nuam ati ve khawp chuan ka hria chutia kárkhat chuang ahna kalsana awmve ta reng chu adáwr lam ngaihtuah ana duh ve bawk nen naktuk lama haw atum a, ka ni in min ngâi paimawh a Aizawl tláng aṭanga lo kal vang vang chu thlái kan neih ang ang zawng kháwm a atúkleh lama haw tur in an in bia a, alo remti ve mai bawk a, naktuk lamah ahawntur lam khawmsak in ka kal ang.



Tlangvál hmelṭha ta nafam chu a nula záwk in anlo lénchilh deuhreng mai. Uchhani lah bánglo inti neitu fe fe in hnaih zet ah an in ṭhutchilh deuhreng mai, ani pawn abe ṭha thei viau mai. Atúk ah zíng chaw eikham ah huanlam pan in kan kal dial a, ka ni in ka pu lo awmpuiin kan unau thum leh urinpuia te nen kan leipui hmuh ve ngéi aduhsi vang in amotor in kan kal ho a nuam tak ani.



Ram kal ngáilo tih tak ah urinpuia ber chuan nuam ati ber mai in ka hria. Amotor khalh pawh thui akhalh hma in adinga ahawikual nasa thei khawpmai, rei awm lo in thlai kan neih ang ang kan kháwm zawhhnu ah kan haw leh thuai a, zán lam ah kan muhar leh dáwn nen rei lutuk awmloh a haw thuai kan duhzáwk vang ani. Kan thlen veleh kan inti fai sawk sawk a keiin eirawng ka báwl a, urinpuia'n minlo tihpui ve phét atum a keiin ka phal silo nen; mahse, atáwp ah chuan maian ka bai chu ka viltír nge nge.



Uchhani leh ukawnga véngtawp lam ah Chaiai khawrh an awm leh awmloh leitur zawng in an chhuak a, urinpuia hawntur a an tih ani, an rei phian mai lehnghál a, ka ni erawh ka pu a ṭhutpui deuh chawt mai ani.



Chutia tapchhaka kan ṭhutdún rén ráwn hnu chuan "Pekte ifel hle mai," tiin minlo bia a ka en vat minlo en char char lo niin láiru zet in ka hawisawn daih a "fel em ni? Ka fello viau asin," tiin ka chháng lét a "i fel ka ti lutuk ringawt, naupang te in thawh hreh inei hauhlo a, nangmah ang rual te chu inchei parh a lénvah nuam ti rual chauh inla ni a, karkhat chhung kan awmdun hnu hian i mizia leh i nungchang ka hre tam thawkhat viau," tiin minlo chhánglét a ka lái lek lek ani.



"Ka lawm e,"

ka ti ta ringawt a chhanvak dán ka hrelo ani. "Aizawl ah vawikhat tal ilo zin tawh em?" Chutiang vél chuan zawhna kan in zawt deuh mawlh mawlh mai. "Lo zin ve la remchang hmasa ber ah, ka lo mikhual ang che," atih leh chuan "Aizawl zinna chhantur hi aváng ve ém a," tiin ka chhanga "keimah hi minlo zinchhan mai ta che?" Atih leh chuan ka lái lutuk a ka hmai asa hat hat mai.




"Naktuk ah ka hawsan tawhdawn si che u a ka ngái viau ang che u," belhchian pawh leh afel ka ti tulh tulh mai aṭawngduh a ṭawngdán chintawk ahre viau bawk, ka duh zual sauh mai. "Kan dáwr ah lo thawk ve daih ta che, heta ram hna thawh tawp ai chuan, ahlawk deuh zawk anga bakah, mahni inzir ve zel na ani a," ti a min sawm chuan ngaihtuah buai eihlo a 'aw' tihmai ka chák a; mahse, hetah ka pu awmpuia ka enkawl rih ala ngai si a.


Ka ni hian awmpui tho mahse awmbo san daih chu ka in thiamloh ani, bakah min sáwmna ṭawngkam ṭha mai mai pawh ani thei tho nen "ni e, min chhawr duh phawt te chuan kanla thawk ang chu; mahse, tunah tut tut chuan ka rem rihlo ka pu hi awmpui ka duh a," tiin ka chháng a. "Duh tehreng e dawrchung i ukawnga luah mék lehlam khi kan ti ruak dawn a, tah chuan in unau ho in in awmkhawm thei dawn a, hmundanga inluah túr zawn chiam angailo bawk a, remchang hmasa ber ah lo kal ngei rawh aw, dawr nghaktu zawng kan mamawh reng ania," ka ngaihtuah chianga aṭha dawn riau in ka hria a Pathian kut ah dah phawt teh ang.



Urinpuia ahaw phei a kan khua ahar rak rak khawpmai afel in aṭawngduh a lehkhathiam deuh nge nge ti ti vawrh dán pawh athiam, ka rinai daih in angaihawm ka ti, ka lo veirûk ve váng tepawh ani mahna. Ukawnga erawh ka pu chu kalsan ala hreh ve bawk nen ala phei ta rihlo a engchen nge a awmdawn tih pawh asawi theihloh ani.


Ukawnga awm chin chu ka ni leh uchhani ten min hau in min ankhum vak ngai lova kan in be tam fahran lo khawpmai ṭúl tawp ah lo chuan kan in be lémlo. Ukawnga awm chu keiin nuam ka lo ti hle thung.


Thla khat deuh awrh hnu ah ka pu chuan min peihloh san ta nge nge a, azánmu kan kaitho zolo ani kan hrilh ahai tláng khawpmai, atu amah in hném a inti pachang thei kan awmlo ukawnga amipa ber pawh a insum thei bíklo aṭap rawng rawng mai, apa chan tak meuh meuh chang a lo enkawl seiliantu ani bawk nen kan in hném thei hlawm meuhlo. Ka tan tak hian ani vanduaina athuah hnih engtin nge ka awmzel anga engtin nge ka hmahun ka sial ang? ka thla apháng ngawih ngawih ani.



Urinpuia leh nu hmelṭha zet mai anlo kal a, urinpuia nu alo ni, anlo kal kan ring pha hauhlo anu ngat phei chu min ngai pawimawh der chu kan phulo kan ti takzet. Ukawnga anhnathawk pakhat ve mai vang in anlo kal vang vanga kan chhungkaw tan an ṭha takzet zet. An lei kan ba ani hawt engtik ah mah kantan an ṭhatna hi ka rúlseng hauhlo ang.



YMA khawhar léntawp thleng U Rinpuia achám a, kan khaw mite pawn fel anti na ngiang mai, atláwmngái em em bawk si eng emaw lamkhawm leh tihfel ngai awmse ache vut vut zel a, ka ni leh ukawnga ten lawmthu an hrilh mawlh mawlh reng mai, lawmthu sawiloh na chi lah ni heklo. Anu erawh chhungkaw buaina avang in ruang tlák túk ah alet leh nghal kha ani a, mifel tak chhungkua chu anni chiang e.


Khawhar inléng an táwp a khua ahar tulh tulh mai, ka kungpui ber atliak ta si a tha aza zarlo khawpmai. Tlaikhat kan chaw ei chu ukawnga'n "Peki hi Aizawl lamah ka hruai ve mai dawn asin heta ram hna thaw mawltawp ai chuan," tiin ka ni chu ahrilh a rang zet in U Chhani'n "keipawh ka kalve duh thingtlanga awmreng ka peih bíklo," alo ti ve thuai a "i peih phawt te chuan," kan pathuma hna kan thawh chuan ka nu pawh ramhna thawh angai dawnlo a, "nu aṭha ang ti raw?Nangmaha lo awm i hreh viau angem?" Ti a azawh chuan ka lo íp ru ṭeuh mai, ka rinloh deuh in alo phal hlauh lehnghál a ka lawm lutuk chu ka zuang tawr tawr lo chauh ani.



"Aṭhat hlauh chu muangchang in túnkar tawp ah kan phei dawn nia dawr chung kha an ti ruak dawn a, in pawh ate chhe lova," tiin ati ti ti bawrh bawrh a. Rinpuia ka hmuleh túr chu ka láwm ani deuhtawp mai, kartawp ah sumo in kan unau thum in kan kal dial a, Aizawl khawpui ataka ka vawikhat hmuhna ani bawk nen hmuhnawm ka ti lutuk chu ka hawikual ruai reng mai.



Aizawl vénglún zet dawr lianpui awmna kawt ah kan dinga Rinpuia ka hmu nghál a, minlo hmuak ani tih ka hremai, abul kan thleng a kan in chibai leh láwp láwp phawt a, kan tluan leh tluanloh te minlo záwt a, kan tluan thu in ukawnga'n achhanga in kan luahtur lampanin kan pén chho nghál a. Anuam em em mai lehnghal a, afai em em bawk nen.



"Aizawl chu enge in hmuhdan?" Zawhbík nei lemlo in U Chhani nen min en tawn a anuam hle tihbák sawitur ka hrelo, chhâng hranlo in uchhani chhánna "ka rin ai daih in apui," ti a achhanna chu ka ṭáwmpui hmiah mai. "inti fái in Inthlák ula lo hahdam rawh u, tláilam eirawng lo bawlsu aw, kan in lamah kan eiho dawn ania Kawnga kan in hrilh tawh kha tiraw?" Alo ti leh dút a pakhat in "tehreng e," ati thén mai sia.

"U, thlen tlái aṭanga kan hnathawh na túr te va tih buai chiam chu afuh dawn em ni?bakah azahthlák dawn e kan la inhmu ngai hlawm silo," ti a U Chhani zawhna chu pawmpui zet inlu ka lo bu a "zahthlak hranlo e in ngaina hlawm viau ang an fel in mi biangbiak an peih a," ati ve mai bawk nen chháng lo in bualin ah inti faiin ka lút a, kan in tih felfai zawh meuh chuan tlai zanriah ei ahun ti tih reng mai.



Rinpuia'n an in a chaw eitur in a hna báng minlo hruai thlap a, kan in thlahrun ahlau ani ati zahthlak thei hi ka ti, fel bawk hmelṭha bawk mihring in a ṭhatna aneih apiang hi amah ah hian an in behsiak animai hian ka hria, kei ang bawk in uchhani pawh in aduhru ve tho tih ka hria ka hrelo der hmiah; mahse, nakin ah chuan hetiang reng kanni thei dawn lova ka duhloh angaih hun ala thleng anga, chutiang hun a ka nat viau loh nan tún aṭanga lo in rálrin láwk ka ngai tih ka hria.


Kan in luah aṭanga kan chhuah chuan tlái thim deuh thet thet ani bawk a, khawlai fan nawm hunlai tak ani, ni asa tawhlo a atla ṭép ani boruak adai in lenchhuah na hun nuamtak ani, ka vawikhat kalna ani bawk a ka hawikual zawk zawk reng mai, mi khawlai kalvel te chuan 'enge an tih' ti a endik ni awm fahran a chiang in ka enzui zel a ka át hmel viau in ka ring.


Reilo te ah an in kan thleng thla a hmun záwl zau nuamzet ani a, an in nise mi hausa in tih hriat ngawih ngawih in a éng var pup mai bawk nen rál aṭang pawn amawi. Inchhung ah lút in Rinpuia nu leh afarnu pahnih leh anau mipa pakhat anlo awm a, an in pawh pawn aṭanga thlir ai daih in amawi in achangkáng, en kualfe tham In annei ka ti ngamsak.


Chaw te ei in apa Rinpuia pa in chhúng inkháwm akáihruai a, tluang taka Aizawl kan thleng te pawh lawmthu sawiin chaw kan kíl ho a. Ukawnga sawi ang tak in an fel in an hawihháwm em em hlawm a, min hmusit a min diriam a min biakṭhat pawh ka rinloh vei nen ka zah takzet an chhungkua hi.An chawhmeh atui em em bawk nen vawikhat hmuhna é tilo chuan ka eiṭeuh mai.




Chaw kan ei kham hnu chuan chaw ei thléng vél kan sengfel pui dawn a an phal lo bur mai "lo awm hle hle rawh u," an ti tlat nen kan ṭhu hle hle ringawt mai. Reitáwk fang kan in kawm ho hnu ah naktuk lama in hmu leh tur in kan in thlah hlawma Rinpuia'n amotor bawk in min thlah leh a, an in a chaw ei záwk si kan ti buai hrep a, a in chhir rum rum maithei ani.


Atúk aṭanga hna ṭan tur kanni bawk a, kan motor chuang chau nen in kan thlen hnu lawk ah kan mu ta dial a, eirawng báwl in zing ah ka tho a, chawhmeh siam túr kan kengphei nual a, kan karkhat tla vél chu kan keng ani. Chaw kan eikham hnu lawk ah dawr ah kan chhuk thla nghál a, nizán khan kan dawr nghah tur chu thawmhnaw dawr ani tih min hrilh a. Thawmhnaw dawr hi enkawl aharlo deuh ber a tah chuan bul kan ṭan phawt dáwn a hlawhpawh achhelo.


An dawr hi an ṭhen hrang thliah a, kei leh uchhani thawmhnaw dawr ah ka awmtlánga, ukawnga ahran in athawh na ngái Pheikhawk dawr lam ah a awm a, in thlahrunna tur a awm hranlo nen kan ti ve nawk nawk mai. Kan hna thawhna ah keini aia upa deuh Hriati a awma, kei leh uchhani'n kan fin a kan pathum in kan enkawl ani.


Rama hna hrám tak tak thawh ai chuan inchhung lúm ngei a hnathawh chu alo nuamzáwk bawk nen nuam ka ti lutuk tlat. Rinpuia alo kal zauh zauh bawk, zán lamah ahman cháng in alo leng ve reng reng bawk a, a inpe zo ngeimai. Uchhani pawn nuam ati ve khawp chuan ka hria.


Kum chanve dáwn kan thawh hnu ah kan hlawh lák ve ve in uchhani nen phone kan in leive a, pawimawhna atam ve ém a, kan lei ani. Khawhar ahném lutuk tlat, zan khat chu ka no hriatloh aṭang in message ka dawng nawlh a hmelhriat mangloh biang ka duhloh avang in ka chháng hranlo, atuk dawr ka kal chu dawrtu kan ngah in kan buai leh rap rap khawpmai.


"Biak i har hle mai," aw thúm dút ka hriat chuan ka in her zawk a Rinpuia alo ni "nangmaw? Lo ṭhurawh kan buai deuh a," tiin ka lo chhanga "chhunlam ka lo kal hmanreng ṭhín silo a message tal min chháng ve ṭhin la," ati leh dút a minlo be ṭhíntu kha amah hi alo nih chiah hi "nangmah ini tih ka lo hrelo a, ka lo hretawh dawn nia," tiin ka chhang ve mai bawk a.


Min duhsakna hei zozai avang hrim hrim pawh hian ka biak chhiat theih anilo hrim hrim, bákah ka duhrúk deuh ani bawk a aphúrawm vei phian mai. Zán lam ah kan in be ve ta zeuh zeuh a, ka duh zual telh telh lehnghál a amah lah hian ngaihbel theih tho si lák thutak em em theih siloh a mi biak a chíng bawk nen rinhlelh rum rum cháng ka nei ve fo mai.



Chawlhni tlai khat chu an in lama chaw ei tur in min sawm leh tlat a kan ei leh ta nge nge, afarnu te nise an fel in mi biak lúmlám an peih a kan tlang nél ve em em tawh. Chaw eina kan sengfel hnu ah kan ṭhukhawm a kan ti ti laih laih mai, eng eng emaw kan sawi hnu ah pawn lam ah ka chhuak ta daih a Thla a éng nuam em em lehnghál nen vánlam ka thlir vauh vauh a, ka nu leh pa te ka ngái ani.


Kan hun hman mék hi min hmanpui a min telpui ve ni a ka hriatna hian minti lawm a, an hmel hmuhtúr awmlo erawh in minti hrilh hai ani. Vanlam ka thlír vauh vauh lai chuan "i nu leh pa i ngai ani ti raw?" Tih ri ka hriat chuan Rinpuia ani tih ka hria, ka bul ah lo ding in minsi chét in alo ding a min en hran lemlo chuan vánlam athlír daih bawk "aw ngai, ka ngai lutuk, in chhungkaw hlim hmel leh in pawh taka in khawsa ka hmuh hian ka ngaih azual," tiin ka chhánga.


"Pekte, i nu leh pa ai chu awhzo dáwn ngailo mah ila, i khawhar na chu ka hnemsak che min phalsak ta che," thum dút a atih chuan "i awh alawm, i awh daihtawh in chhungkaw hlim hmel hian ka lung ti leng viau; mahse, ka nu leh pa ai awha ka neih chhungkua inni a ka hlim," ti sep a ka chhan chuan "chuti ka bialnu ni rawh," ati leh dút mai. Áng phiauin ka en reng mai. "Ka hmuh tirh phat aṭang che khan ka duh tawh che, min duh ve em?" Minti hrilhhai lutuk ringawt.


"Kei ang thingtlang nula mai hi engtin nge min duh theih? Min fiam kual mai mai suh," tiin ka chhang ta ringawt a, chutih rual erawh chuan ka duh ang tho a minlo duh ve ani tih ka hriatna chuan minti láwm ani. "Ka duh che ka hmeichhe kawp ṭhin te anga inti changkang satliah hnathawh hreh a, nalhloh hlau tho si ang ini lova, mahni intun nun nán i theihtáwp i chhuah tih ka hria, thingtlang nula inih na hlei hlei hian ka duhna che ati zual," ati leh dút dút mai.


"Chute chu duhna ani thei dawn em ni? Khawngaihna záwk alawm,min khawngaih váng in min duh emaw iti mai mai anihchu," tia ka chhan chuan "i hre diklo, khawngaihna leh duhna chu ahrang daih, ka hrehrang ve bawk, chutiang hre hranglo túr khawp a naupang chhia pawh ka nihloh hi," ni e, ani tlangvál phanchang kum 40 ral kai lawih hian ahre hrang viau ta ve ang.



Ka duhrúk em em ani bawk nen ka hnar thei biklo ani, chutih rual erawh chuan ami lém namai ani ang tih erawh ka hlau; mahse, chutiang túr chuan ka ring phal bík íkhaw lo mai. Rinpuia nen kan in zui chu ani ve ta reng mai tlangval naupang zawk zawklo ani bawk nen mi duatdan pawh ahre nangiang mai, khawvel hi apár vûl chúk nimai hian ka hria in thup ṭet ṭut thei anilo bawk a ukawnga leh uchhani pawn kan chanchin an hre zui vat.


Uchhani duhrúk ve em em kha ani ve bawk nen keiin ka lo ngaizawng hmiah si a alungawiloh ka rin nen engmah ṭawngkam anei miahlo, nitin kan hna ah kan buai ve chawt a kan thawhna a in anglo nen kan in hmu thei reng biklo a, zanlam erawh alo kal awllo eitur siamin kan hlim thei dar dar khawpmai.


Kan in zui aṭanga thlakhat áwrh aliam ang tihah ka niin minlo bia in adamsam loh thu sawi in hawvat tur a min duhthu asawi a, arúktak chuan ka hreh ngawih ngawih; mahse, haw loh ngawt arem silo nen, Ruatpuia ka hrilh a lungdam zánlo chuan min thlah a "lo phei leh vat ang che," ti in min thlah a, avawikhat nan tehmeuh ka hmui ah min fawp a, khawi ah nge ka awma, engthil nge thleng ka hre lo, ka hriatchian em em erawh ka duhtak ka bialpa in min fáwp tih chiah ka hria.



Kan khua ka thleng phei a ka ni ka hmuh chuan hritlang khawsik hi alo nei a, han mutpui tham em em anilo bawk. Ṭha te te chuan kan awmtlánga kawrlum hak nuam zet ka hlawh aṭanga leisak in ka hawnsak bawk. 'Ka damlo' tisi avak dén dén zél lehnghál a hetiang a adamṭhat tho chuan ka pheisan leh vat thei dawn e tiin ka phúr ru ngang mai.


Chawlhkár hnih zet ka awm hnu ah tlai chaw kan ei laiin Aizawl lama ka phei theih túr thu vel ka sawi a, ani lah chuan "i pheitawh dawnlo hetah ka kiang ah i awmreng tawhdawn," atih fak chuan ka en phei a. "Hnathawk in maw i awm tih laia ngaihzawng nei kual mai mai a iva awm, va kal leh aṭullo, hetah ka huan min enkawl pui záwk tawh ang," ati bur mai. Uchhani thiltih ani tih ka hrethiam nghál.



Ka rilru ah Rinpuia alo lang nghál zawk engtin tak ngái ang maw tihian kan in ṭhaṭhen tawp mai dawn ava ang ém! Ka ni chu ka ngei lek lek ani; mahse, apawilo e ahma a ka hna ngai kha ani tho a hnathar ka tan ani hranlo tiin ka inti pachang lui hram hram, díl lui teh mah ila aphal dawn chuanglo nen ka inti buai duhlo law law.


Thinrim ru deuh ṭún in khumlam ka pana naktuk aṭang ram ah kal leh char char angai si ava peihawmloh tak. Rinpuia biaka thil awmdán hrilh hriat ve hrim hrim ṭha a ka hriat avang in ka bia ang ka ti rilru a, amah záwk in minlo be hmasa hlauh, ka kalzan khán min ngai hle a reife kan in bia a, kan in ngaihthu kan in fah mawlh mawlh anih kha.


Phone ka la chiah "Peki," aw thúm ṭeng lam lek lek a min koh chuan adamlo emaw ni aw ka ti rilru hman a, engmah ka sawive hma chuan "ka bialnu ini emaw ka ti a, min duhve hle khan ka hre bawk a; mahse, enge tuna ka thil hriat ták hi?" Zawhna min zawh chu ka hriatloh tak ani, "eng chanchin nge i sawi a, e taka Aizawl ka lo pheithei tawh dawnlo aw helam ah ka awm angaitawh a," ti a ka chhan chuan "ka hretawh alawm hlimtak in i hringnun hmang ang che; mahse, ka thinlunga i mei min chhit énsak erawh engtik ahmah adái tawh ngái dawnlo," ati dút a.



Phone atáwp ta hmak mai, biak nawn leh tuma ka phone pawn aring ral ṭhak ṭhak mai, avawi ngana vél ah a in off ta hmak mai. Mahni lo maha rilru hahsa nák alaiin ani lehzel hetia a awm hi ka ngei lutuk tlat, "naktuk ah kan in biak hun ah ahreve khawp ang," ti sauh sauh in tuilo zet in ka muhil a.




Atuk alo thlenga biak theih in a awm eihlo atukleh ani a chuti tho, chutiang in kár khat zet aral a thla hial aveita, hetiang ringawt chu ni thei in ka hrelo a ukawnga bia in an inhmuh remchan huna biak ka duhthu ka hrilh tlang tawp a, zahtheihloh ka chhuah ve tak meuh ani. Azán ah kan in be ngei a; mahse, atawi tektawk hle mai "nangang thingtlang nula mai hi ka duh ngáilo che, min rawn be tawhsuh bialnu ka nei," achiang fek fawk hle ani.


Ami ṭawngkhum dán leh minlo lém na mai ani tih ka hriatna chuan ka rilru ati na lutuk tlat, min hmuhsit zia lah aṭawngkam ah khan achiang bawk fel leh nunnem tak ni a ka lo hriat kha dáwt mai ani tihna maw? Ka run khermai.


Kan in ngaihzáwn chhung reilote a kan hun hman dán te chu ka ngaihtuah lét a, alem mai nitur chuan apeihrei ka ti mah mah; mahse,ka tán erawh ahlu hliah hliah min duhlo chunga min ngáizawnga ka mit min tih vár saktu ani bawk a ka thinlung ah hian a chámreng tawhdáwn ani. Min duhlo tu mah nise ka ngái em em zél.


Hmalam hun suangtuah a ka hma hun ko tak min sut kian pui tu atán ka duh a. Harsatna manganna vawrtawp ka thlen hun a ka kianga awm a, duat taka min kuah a engkim aṭhat vek tur thu min hrilh a min hnémtu atan ka duh a. Chhungkua din tur anga suangtuahna hlimawm ka neih apianga ka rilru a lo lang hmasa ber chu amah ani.


Awmlo ngáia hlimpuitu mai ka nisi.


Hun leh ni aral ve zélla ka ni nen kan in awmpui chawt a, ahma ang em em a tawrh hlelhawm ni tawhlo mahse aṭawngkam meisei ru zet erawh ala bansan chuanglo, heihi ka chantura khuanu ruatsa ngei ani. Tlan bosan tum sateh mah ila engtin nge ka tana ruatláwk chu ka pén bosan rei theih tehlul ang ka kir leh nge nge ah ka ngai.


Bér thlá kan chuangkai chho a Faváng áwllen lái ani bawk nen khaw awmdán chuan lung ati léng thei ṭhín khawpmai, nunhlui a ngaihawm vawng vawng ṭhín mang tak e.


Tui chawi a ka kal lauh lauh lái chuan kan in kawng chhaka motor ka hmuhṭhan zet lo ding rún avang chuan ka hawilét a kan mit a in tawng siah mai. Amah ngéi ani, motor aṭanga lo chhuak in ka lam pan in alo pén pawk pawk a, he mihring ka ngaih theih zia hi ṭah khum chiam mai ka duh, "Pekte, biak lawk che ka duh a arem em?" Tiin minlo din hnaih sauh a "Tui ka chawi mék a, ka buai tlat min hrethiam rawh," tiin ka kalsan daih a.


"Ka lo nghák ang che in biak ngei kan ngái," ati leh dút a, a aw thúm mawizet pawh ala ngai reng. In chhung ah lút in ka in siam fel a tuipawh cháwizui tawhlo in eirawng ka bawl nghaldaih a, engti tura lo kal tak ni ang maw tiin ka ngaihtuah reuh reuh thil pawimawh eng emaw vanga lo kal anih ka ring ngawt a adik ngéi pawh ka ring. Tlai chaw ei dáwn ah ka eirawng bawl thlan nasa lutuk tihreh nan pawn ah ka va chhuak a ka thlan tihdaih deuh ka duh ani.


Ka kalsan ngai ngai chuan alo la ding rún alo ni. Ka pan hnai vata "enge hetah itih reng mi nghah inei em ni?" Tiin ka va bia a "aw, nangmah ka cháng che, in biak kan ngái," atih chuan "engkawng ah nge? Nangnen sawi duntur kan neih áwm ka hre hauhlo," ka tih chuan "Pekte, min ngaidam rawh aw thil ka hriatsual palh váng liau liau ani," in thiamloh hmelzet a min en chung in ati leh dút a.



"Eng chungchang nge i sawi aw kei Thingtlang nula mai hian ka hrethiam pha ve hauhlo mai," ngeiawm lek lek a ka chhan chuan "ka ṭawngkhum dan che leh i chunga ka chetdan vang khan min ngaidam rawh aw KA HMANGAIH CHE," athutak hmel kher mai, "min hai aniang keichu Aizawl nula ka nilo, thingtlang nula mai ka ni," ka ṭawngkam hman zet chu angeiawm kher mai.


"Ka hria nang thingtlang nula ka hmangaih che, min nei tawh mai rawh," a á deuh emaw ni le he mihring hi. Ka luhsan daih, ani lém kual mai mai tur a awm ka tum tawh bau lo. Abeidawng duhlo pawn ka chhuah hlek in min lo umzui hman reng bawk nen, ramah kal ila engtik laiin nge ka hnung ah alo kal hman ka hre ngáilo. Ngawireng in ka kalna apiang ah alo kal ve zél ani tawp. Ka be hran ngailo a, ani pawh aṭawng ngai heklo ngawireng in min zui a, kan in ah erawh alo kal ngai hauhlo khawnge athlen tih pawh ka hre chuang heklo


Kar khat lai chutia min umzui ták reng hnu ah ka ramkal minlo zui leh chu ka be ta nge nge a, Aizawl aṭanga ka haw tlai aṭang khan uchhani'n alo zar kawi renga bialpa ka neihsan thu leh pasal ka neihmai dawnthu alo sawi ani awm a, athusawi chu ringngam chiah lo in ka ni alo bia chu niin ani pawn pasal ka neihmai dawnthu leh chumi vanga haw ka nihthu alo hrilh alo ni.

Chuthu asawi tirh chuan mak ka ti lutuk a ka meng pawng zawr zawr mai; mahse, tia zawhna mitmeng a ka melh chuan hmangaihna akhat mitmeng thúkruih a min melh in "ka hmangaih che Lalpekhlu min nei tawh mai rawh," ngénngáwl zet a min melh chung in min hrilh a, ka thinrim na leh ka huatna te kha abo zo vek he tlangval kum sawmli rálkai táwn ah hian ka tuiral zawih zawih mai ani.



Inthlahlel lutuka in kuah in kan in fawp vawng vawnga, "lo in ring rawh aw ka hawphei anga palai ka rawn tir nghal dawn," ati ta chûk chúk mai, "ala hma iti deuh lo maw?" Ti a ka chhán chuan "hma teh suh ei kum 40 ka pel va va tawh, ka faten min pu hlauh chuan afuh vaklo ang," nui pah a atih chuan za zet hian ka nuih ta chiam mai a.



Khawnge a thlen tih ka zawh chuan thlenin neilo in a motor ah ariak mai ṭhín tih asawi a, khawpui anga man chawia riahna tur nei heklo le nepnawi dawr aṭangin a in hnawhpuar mai alo ni, thudik zawngchhuak hmasa lova min ṭhen chu a in thiamloh thu leh min thlém lungawi hma haw tumlo in alo Ár kawh chhuah ve ngawt ani. Keimah vang mai mai a helai thleng thleng chaw ṭha leh zanmut na tur pawh neilo leh ngaihtuah lova alo kal chu ka khawngaih lutuk.



Ni leh thla aral zél a Rinpuia nen pawh harsatna awm hauhlo in nupa ah kan in siam a, Pathian leh kohhran hma ah "Tiam tlat e," tiin 'anuam ah leh ahrehawm ah pawh ' tiin thu kan chham dún a, ka pasal neihni mah nise ka nu leh pa ka ngaihzual ém avang in ka ṭap chiam kha ani a; mahse, tunah erawh awmlo ngaia ṭah reng in sáwtna aneilo nen ka ṭap duh tawhlo. Kan fa pakhatna túr ka pai mék a ka dul lah chu alian em em mai lehghal a, min hmutu apiang in "phir aniang," anti sek mai.



Ka pasal in min duat em em renga kehthei dawm in min dawm tak meuh meuh ani. Kan inneih hnu khan a hna kal ve fo ṭhín mahse akal nileng khát khawpmai 'ka nupuika ngai,' tiin alo haw hmiah zél. Ka nu leh pa hmái azahawm thei ani. Tunah kan naute thla rukna ahmang ve mék a tunah phei chuan hnathawk in achhuak duhtawh baulo, "i tlusual palh ang vén i ngai, inaupai alian tawh si," tih ṭan in aṭang kawh tlat.


Ani ve lahtaka ka naupai alian angreng si kei hmeichhe lian ka ni bawklo nen ka chhe pér púr ngawt in ka ring ani. Pathian khawngaihna zar ah harsat na awm lo in fapa duhawm zet ka hring a, ka in hliam nasa ngang mai, ka pa in ahming phuahsak in Gideon Lalrohlua tiin ahming asa a chhungkaw duatrawn ahlawh takzet. Apa hlei hlei hian alawm a, an in pawm chawt ani ber.


Hna ah kal chang neive bawk mahse a awmrei thei meuhlo "ka fapa ka ngái," tiin alo hawsek a ka nu leh pa pawn tih ngaihna vak an hrelo. Kum sawmli ral kai hnu a fa nei ve chauh ani bawk nen amawhlo ve. Nupa nih a in khata han awmdun reng ták ah chuan in hnial deuh bap bap cháng awm ṭhín mahse ka pasal anihna ka theihnghilh ngáilo va, anupui ka nih a nghilh ngái bik lo.Hmangaihna hlut zia leh ropui zia ka hre nawn awn awn mai.


Hun harsa leh tawhkhirh kan tawh apiang ten mihring min chher hriam ani tih ka hria kan hun hman mék ah hian ka lungawi a,a hmangaih na zawng zawng min pe tu ka pasal hi ka zah a ka ngaisang a ka hmangaih zual sauh bawk, ka hmangaih zual zel bawk ang.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)