AU DOMONI IKO By Ramdini Jahau (Short Story)

Story tawi te te emaw luanliamna emaw post na
Ramdini Jahau
Posts: 57
Joined: April 9th, 2021, 8:00 am

AU DOMONI IKO By Ramdini Jahau (Short Story)

Unread post by Ramdini Jahau » April 2nd, 2022, 8:50 pm

Au Domoni Iko
By Ramdini Jahau




Prologue...


"Mipa zawk ini a, a hmeichhia zawk pawh in engkim ka huam chuan enge i la hlauh cheu a ?" ka ti sep a. "Hriatthiam tum teh Judy" chu zawng chu ni patea ka atanga ka hriat a ni.


"Aw le, a tha e. I duh angin thil chu thleng mawlh teh se, i u fanu ka nih ang bakin min en thei lo a tiraw, i u fanu ang chiah chuan ka awm tawh ang" tiin patea chu ka chhuahsan nal nal.




Judy Pov's


"Engtin nge ka tih ang ?" ti tap tiau chungin ka u chu ka melh a, ka u chuan min khawngaih hmel zetin min en tawp.


"Enga tinge? Tinge a rem dawn lo tih i hriat sa reng chu i duh tlat ?" min dem na rawng kai chuan a rawn ti a. "Hetiang hian ka duh ka inring bik lo" ka ti let vak.


"Eng pawh nise Rinsanga nen chuan inkawp ula i zia chho mai ang" a ti a. "Lo inkawp ringawt ila Patea ka duhna hi reh thei ta silo se engtin nge ni anga ?" ka tih chuan, "A reh ang, a reh em em ang. Patea pawn nupui a nei dawn a, nangpawn ngaihzawng dang i nei dawn a areh em em ang" a rawn ti ve that a, ka room atang chuan achhuak zui nghal.


Khumah chuan ka thu a, inhnit faih faih chungin ka en ngai ka en tlawk tlawk.


Ka u chhuah atanga minute 3 pawh la rallo ang tih chuan patea a rawn lut a, ka tana ban awlsam ber lukham chu banin ka lo vawm nghal tawp.


Rum zeta melhin, "Ka ngen che ni lawm ni? Ka rilru dam fel hmaa nupui nei rih lo turin" ka tih khum nghek a. "I thawm dim rawh, ka u a hriat chuan...." a sawi lai chu pawt chatin, "Hria se enge, i hlau em ni? Mipa pawh i ni lo. Ka hua che, i hmel pawh ka hmu peih lo" ka tih khum a, ka thusawi tawp lam erawh tah nen a ri chhuak chang chang a ni.


"Tinge a harsa zawnga awm hi i tum tlat zel mai le aw ?" a tih chuan, "Thlawk bo rawh, kha mihring inla Christian zeti nena in inneihna tur chu ka lawmpui che u. Fa amah anga bawk chhe lil lel innei dawn nia" tihpahin ka tho a, bathroomah lutin ka inkalh hnan hmak.


Patea thawm ka hre lo a, a chhuak nge a la awm pawh ka hre lo. Tub ah chuan tui herh haw in ka inchiah a, ka mittui chu a la luang chhuak ngiai ngiai tho.


Patea hi ka duh. Ka patea, ka pa nau ngei hi ka duh. A rem loh zia leh inkawp rem dan a awm hlawl loh zia pawh ka hria. Mahse ka chhunglam hian chung zawng zawng chu haiderin amah chiah hi mipa angin a en thei bawk si a. Mahse mipa anga ka en awmchhun hian pa lo takin engkim huama ka sawmna kha a hnar anih kha.


A hreawm lai ber chu maw patea hian ka rilru ang chiah a pu ve mah se kei angin huaisenna a nei tawk ve tlat lo.


°•°•°•°•°•°•°•°•°•°•°•°•°•°•°•°•


Ka taksa kham thum vang chuan ka tum deuh tuah tuah a, room chhung eng lutuk vang chuan ka chhing leh sawk.


"I harh tawh maw ?" tih ri chu ka hre thuai a, ka chil ka lem khawlh ringawt.


Mit ti zim deuh sun hian ka han meng leh de de a, Patea hmel ka hmu hmasa ber.


"Enge ?" ka'n ti ang he haw phawt a, ani lah chuan min chhan a tum hmel viau loh lehnghal.


Rum tuah tuah in ka inbeng kang a, ka hawikual fe hnu chuan damdawiinah ka awm a ni tih ka inhre chiang chiah.


Ka zun rawn chhuak avang chuan ka thu chhuak a, khum piah deuha inla Christ-i lo thu chu ka va hmu a, ka ner sak.


"Enge tih i tum ?" tih zawhna chu chhang lovin toilet lam chu ka pan a, minute nga vel ka awm hnu chuan ka chhuak ve chauh.


"Khawnge ka phone hi ?" tihpahin lukham hnuai chu ka dap a, a awmloh vang chuan patea chu ka en vat. Min lo en ngur a, min eizawh vek duh hmel a pu hialin ka hria.


"Ka phone chu" tiin ka kut chu ka phar a, "Ngatan nge itih dawn ?" a rawn ti. Hah ka phone ka hman dawn pawn a chhan a hriat a tul tihna mi?


"Ka nu te ka be dawn, min lo pe vat mai teh" aw ki sang lam mah chuan ka ti a, inla Christ-i mutna lam chu a en vat, ka tawng rin avang khan a harh a hlau emaw ni.


Engvanga damdawiina awm hi nge ka nih ka inhre lova, chulai karah khawvela ka mi huat ber te pahnihin min la awmpui zui ania.


A ipte chu zen in ka phone chu a rawn phawrh a, min rawn pe, mahse ka lak hma si chuan ka phone chu a rawn ri a, Rinsanga hming chu a rawn lang va va bawk.


Min pe ta mai lo chuan amah chuan call chu a chhang a, "Hello" a ti thum dut. Chutih lai chuan inla Christ-i pawh a rawn harh a, "E i lo harh tawh a ?" a rawn ti hluaia patea bula rawn din chu a rual ve nghal.


Patea chuan min en ngur a, "ka lo hrilh dawn nia" ti supin phone chu a dah a, ka lo ban nghal zat.


"Chhuah duh mah la kan la chhuak thei lo ania" a tih zawma inla Christ-i chu en in a nuih suk a, an pahnih chuan min chhuahsan zui.


Kha kha engthil nge ni ngai, kei a damlo zawk nui hmel min hmuh theiloh laiin ani kha chu a nuih anih kha! Ka kawchhung chu a sa huam huam a, ka mittui a rawn hman chhuak leh tiam tiam tawh.


Chunglam en chuan ka khap fak fak a, ka phone chu lek kangin ka nu chu ka call nghal zat.


A lak rual rual chuan "Nu" ka ti tap tuau a, "Tinge bawihte, na i nei em ni ?" Mangan hmel zet hian a rawn ti zat a. Min hmu thei lo tih hre mah ila ka lu thin nar nar pah chuan, "Tinge damdawiinah hian ka awm a, Patea leh a bialnu kha an awmduna chuan kan la chhuah theiloh thu asawia min chhuahsan daih" ka ti a. Ka nu chuan, "I patea chuan a chhuahsan che a maw? Bawihte na i nei hrim hrim em ?" a rawn ti a. Ka neih loh thu leh ka chhuah duh thu in ka chhang a, ka nu pawh chuan amah lo nghak tur leh ka chhuah tur thu chu min rawn hrilh a, phone chu kan dah.


Khumah chuan ka mu leh a, patea ka huatna chu a hma ai mah chuan a rawn intham chho chhuak a, tun maia thil thleng vang te pawh kha a ni mahna.


Ka phone rawn ri chu ka en a, number lawng a ni. Lak loh ka tum zeta mahse pawimawh anih takin tiin ka la hram.

"Hello"

"Hey Jude" rawn ti zuai raih tu aw chu hrilh kher ngai lovin ka hrechiang kher mai.


"Hello" ka ti nawn leh ngat a, "Jude keimah Andrew" a rawn tih leh phei chuan ka hresual lo tih chiang tak a ni.


"Enge i duh a ?" a ti tawng a, "Tinge i thinrim em ni ?" a rawn ti ve nghal zat. Ni e, ani lakah hi chuan aw ka hriat nuam lo leh tawngkam mawi lo leh chaltlai hman ka nei ngai lova, chuvang a ni mahna mak tih hmel taka min zawh ni.


"Rim lo e" ka ti tha veleh mai a, "i danglam tawh hle mai" a rawn tih leh chuan "Kum engzat nge ni tawh, danglam chu a hun ve viau tawh alawm" ka tih chuan a chek hluk ri chu ka hre thei.


"I cabin ka rawn thleng tep" a tih chuan mak ti zetin "Enga !" ka ti hluai a, call lah chu a cut hmak zui.


Tho chhuakin kawngkhar lam chu ka pan a, pawn lam atang chuan a rawn inhawng thut a, ka chal ka tauh zui.


"Aww a na em ?" tiin ka chal ka dawmna kut chu a rawn vawn hnan ve a, hmuh ka beisei loh lutuk vang nge ka beisei anga ka hmu lo lutuk zawk pawh ka hre lo, a hmel chu ka en tawp.


"Ana vak lo em ni ?" nui chung hian a rawn ti a, chhan mai nachang ka hre lo. Ni e, kum thum chhung kan inzui a, mahse khang kum thum chhung khan min ngaihsakna tawngkam a nei ngai tlat lo.


"Enge hetah i rawn tih a ?" ka tih chuan "Ka bialnu damlo ka kan a" a ti ve mai a, ka lu ka lo bu deuh nghut nghut.


"Tunge.... Hetah enge i tih ?" Patea chuan Andrewa en pah chuan a ti chang bawl a, Andrewa ban vawn pah chuan "ka ko a, a lo kal anih hi" ka ti a, patea chuan ka mit taka min en in min ngaihnep hmel zet hian min kiai khum sak.


"I bialpa em ni Judy ?" in la Christ-i chuan a rawn ti a, a hmel pawh en peih lo in Andrewa chu khum lama kaih pahin ka aw liam puat.


Andrewa beng bulah chuan ka hrilhru sar sar a, "Ka tibpalh aw, mahse ka nu lo thlen hma chu hetah awm ve rawh" ka tih chuan nui vur vur in a lu a bu nghut.


Ka nu chu cabin a rawn thlen hma atang tawhin a rawn ri phei lawng lawng a, cabin a rawn thlen chuan "Thlamuansang" patea a hmuh rual chuan a ti nghal pang a, "Nula chhaih turin nge Bawihi awmpui turin i kal a ?" a tih chuan "Bawihi awmpui turin" patea chuan a lo ti fel then a, "anih chuan tinge i chhuahsan avanga tap chunga min rawn phone" a tih leh chuan patea chuan min rawn en a, ka lo en ve kar.


"Chhuah a rawn ngen che a ni maw, mahse a chhuak dawn lo" a ti nghut a.


"A eng nge la na a? Nang chu lo va haw tawh hrim hrim teh, nizan i tlaivar bakah kha i thiannu kha ka thlah rawh" ka nu chuan a ti a. Maw, nizanah patea hi a tlaivar maw? Tlaivar pui ngai khawp khawp in engtin nge ka awm fako le.


"Atei chu amahin a haw thei, tiraw Ate" a tih chuan inla Christ-i chuan bah deuh nak hian, "Maw.. aw, haw thei. Ka hawsan phawt mai ang che u. Judy lo dam vat vat rawh aw" a ti a, a mitmenga patea'n thlah se a tihna chu ka hmu thiam ve reng, mahse patea hi min en ngurin a thu khawng luah bawk si, beidawn hmel deuhin a chhuak zui hnak hnak.


"Ka sawi ang khan ala chhuak thei lo" a rawn ti leh nghut a, "Tinge ?" Ka nu in a tih chuan lo tawngkhalhin "Nu a pawi lo, vawiin chu ka awm leh mai ang. Ka ngaihtuah awm tawh lo, hei Andrew pawn min awmpui thei a, pate nangpawh haw rawh" ka ti a. Patea chu a thut luih leh tlat emaw ka ring a ni a, mahse ka sawi zawh rual deuthaw chuan achhuak zui nal nal nia mawle.


"Bawihte kan va haw lawk anga anih chuan, ei tur nen ka rawn kal leh ang aw" ka nu chuan a ti dam diai a, ka lu ka bu lap lap.


"I patea kha min hmuh khan a la thinrim thei tih ka hre thei" ka hnunglam atanga rawn ti tu vang chuan ka harh zawk a, "aih a thinrim lo, thinrim nise chuan haw lovin tah hian athu ve tlat anga i bul hnaia awm hi a phal lovang" ka ti a. A hmui ti pawrhin a lu a bu lap lap.


"Anih chuan amah ah engmah awmzia ka awm tawh lo tihna em ni ?" ka ti zawi sep a, "Eng maw ?" a rawn tih chuan ka lu ka thing nak.


"Kal tawh rawh" ka tih chuan "kum hei leh chen hnuah kan inhmu leh a, min va ning hma ve ?" a tih chuan "Ser min hnutchhiah tute hi kan ngaih ber te anni ngai kher em ni ?" ka ti a, thu rawn sawi a tum zuau a, ka ngaithla dawn lo tih a hriat lutuk vang nge thaw hakin a chhuak zui ve mai bawk.




Thlamuansanga Pov.


Khuma mu chu ka en reng a, rawn thaw hawkin tap tur ang mai hian a rawn rum leh thin a, mang tha lo tak a nei a ni ngei ang.


A mutna lam chu panin ka va sawi a, a harh thei der lo. Ka tih ngaihna hre lo chuan kuah khawm pahin, "Atha vek e, engkim a tha e" ka ti ve ngawt a, a bulah chuan ka mu thla a, tap inhnit feih feih chungin min lo kuah a, a harh emaw ka ti hman hial, ka awmah a hmai phumin a lu a thing leh nar nar thin a, eng mangchhia tak ni ang maw.


A hnunga chul hliau hliauin a tet lai atanga kan tih thin angin RockAbye Baby chu ka sa a, rei vak lovah chuan a rawn thaw leh hak a, a muhil pangngai ta niin ka hria.


Ka ngaihtuahna vang chuan ka nui suk a, a thu maia ka nupui neih tur khan a lo tina em em a nia, ka nautei te reuh hi.


"Mawl lutuk" ka ti sep a, ka thusawi a hre thei der si lo.


Min duh thu min hrilh ni kha ka hre reng mai, a laka ka rilru put ang chiah a rawn put ve avang khan ka lawm a, mahse ka lawm na ai mah chuan ka thinrimna a nasa zawk ang.


Ka u fanu a ni a, keiin ka duhna chu thilsual a ni tih ka hria. Ka u fanu chu duh in vei viau mah ila ka duhna leh ka vei em em na te chu tihlan rem a ni lo a, mipa ngang ka ni a, ka chhia leh tha hriatna chuan risk la lo turin min dang hram hram thin a ni. Mahse ka nautei tereuhi a inpuan ni khan ka lungphu te hi a chawl hialin ka hria, khatih lai khan min duhna ai nasa zawka ka duh thu hrilh kha ka duh a, mahse he chhia leh tha hriatna bawk hian min dang leh thin.


Min duh ve hi ka lawm a, mahse alak atanga inlakhran ka ngaih zia min hrilh chiangtu a ni lawi bawk si.

Hmeichhia a ni a, hmeichhia ah pawh duh chu neih ngei tum leh mi luhlul a nih zia hrechiang tu ka ni. Hei vang tak hian a ni ka inlakhran ni.


"Pate" a rawn tih chuan ka en thla vut a, mahse alo la muttui hmel em em.


"Maw pate, chutianga awm chu ka duh" a rawn ti leh niah niah a, amang lamah zel pawh atak ram a tlansan theilo a ni maw!


Ka kuah nghet sauh a, ka pangtilum chu duh zetin min ngheng hnai ve tal tal bawk.



•°•°•°•°•°•°•°•°•°•°•°•°•°•°•


Ka mi hmuh avang chuan ka sa deuh zak a, Bawihi lah chuan a koh anih thu ala sawi zui. Hah hepa bum kual hreptu hi a lo la theihnghilh lo a ni ngei ang.


Abanah chuan a kai tut a, Bawihi hmelah chuan amah huatna hmel ka hmu lo.


U Muani chuan min hau a, Bawihi hruai chhuah an tum tlat chu ka rem ti lo, a taksa a la chakloh mai bakah heta awm hi atan atha zawk.


An chezia chu ka en reng a, ngai awh leh ta an ang viau mai. Haw tura min tih chuan ka kal nghal nal nal a, cara ka luh chuan steering chu ka chum deuh pawp.


Karkhat chiah ala liam asin, karkhat liam ta khan min duhna ati bo zo tawh tihna em ni?


Engvanga thinrim em em nge ka nih ka hre lo, kei min theihnghilh dawnna tur anih chuan kawp nei tur chuan ka duh a, a nei ngei a mahse hlimna ka nei hauh si lo. Nge ni a, khawvela ka mipa huat ber nen kher anih vang pawh ka hre tawh nek lo ve.



Judy Pov's


"Enge thleng nei nuai hi ?" tiin in a phe deuh vet vut ho chu ka en a, "Aw kan hahthlak thin, i patea te inneihna tur thil kan buaipui anih hi" ka nu chuan a rawn ti a 'inneihna' ka ti zawi ve sup.


Ka u chhuak tur chu ka hmu a, au in ka zui ve nghal.


"U engtin nge a neih bik maitheih anga ?" ka tih chuan ka u chu a thaw hak a, tunah hian ka thinrim nge, ka rilru na nge engtin chiah nge ka awm ka inhre lo. Mahse patea nupui nei tur hi ka duh lo takzet.


"Mipa puitling tawh a ni a, a damchhunga parawl turin i duh tihna em ni? Pathian in a siam dan ang takin a kawppui tur a hmu a, a nei dawn a ni mai" a rawn ti a, "Mahse min duh alawm, engtin nge midang duh chungin nupui aneih theih anga ?" ka ti vak.


"I thluakah hian enge awm? I suangtuahna leh i duh dan angin engkim hi akal vek thei lo" ka lu a min rawn nawr pah chuan a ti a. Ka u sawi chuan ka thluak a thleng chiah ni tur a ni ka mittui a rawn hnam leh a, min duh thu kha chu a sawi ve ngei asin. Awlsam taka nupui a neih mai hi ka ring lo asin.





Judy Pov's.


Ni a liam zel a patea nen chuan inhmel hriat satliah ang chiah kan ni a, hreawm ka ti. Hetiang kan nih hma ang boruak kha ka ngai takzet. Ka u in min hrilh nasat lutuk vang nge ka bei hi a dawng ngawih ngawih. Nupui a neih hma hauh atangin hreawm ka lo ti em em a, nupui a han nei anga inkhatah kan chen ho ngei angai bawk anga. Engtin nge inthup leh rilru na reng reng in inah hian ka awm ve theih ang. Ka ngaihtuah ringawt pawh hian awm ve loha, khawvel hi tlanbosan ka chak ngawih ngawih.


Mi dang chu chhungkhat laina hnai rawn kal te dawngsawngin an phe vut vut a, hotel lama thleng tawk awm ve bawk mahse kan in chu 'in pui' tiin an rawn lut zel mai a, kan in hi zim a ni hran lo a, mahse pate nupui neih lawm tura rawn kal annih vang hrim hrim hian ka lawm hlawm lo. Kan unau ang chiah hian ka pa leh patea chauh hi unau anni a, Patea'n nupui a'n nei tur pawh chu chhungkua chuan an phur tlang ka ti mai, chhe phir pher hlawm hian a.


February thla chauh kan la kai a, ala vawt ang reng viau bawk. In ha lum deuhin ka room atang chuan ka chhuak a, patea rawn chhun ve mek chu ka hmu nghal a, mahse be lo in choka lam chu ka pan nghal.


"Nu, nu" ka nu chu ka au deuh lang lang a, "Pu Muana te inah a kal lawk" Lawmi inneih hmang tura lo kal ve ka cousin chuan a rawn ti a, ka lu ka buk khum ngut ringawt.


Ka hnunglam chu en in "Duh i nei mi pate" a ti a, in her vutin pate chu ka en a, min en ve run. Ka hnunga ding Lawmi chu en in "Nei lo" a ti sup a, khawngka pui lam panin ka kal daih.


"Khawnge i kal dawn Judy ?" patea aw a ni. Mahse chhang ta lo chuan ka chhuak ta tho. Ka kalna tur ani lo hriat ve zel a tulna ka hrep lo, ka nu chu phone in ka hrilh tawh mai ang.


Khua chu a dur deuh khuih a, ruah pawh a sur thut duh hmel viau mai. Mahse ruah sur tur mai mai hian ka kalna turah min kalloh tir phah dawn lo. Tlan deuh ti tih chuan thlanmual lam ka pan a, thlanmual thlen hma deuh dawr pakhatah chuan pangpar ka lei kawi leh a, ka kal lehnghal.


"I....i lo tha em? Pangpar ka rawn ken che a" tiin ka pangpar ken chu ka dahthla a, thlanlunga milem an ker nui hmel chuan ka mittui a ko chhuak.


"Tinge a? I tello chuan engmah ka nih loh zia hi min en teh, tunah pawh hian ka harsatna leh buaina min chinfel pui tur tumah ka nei lo. Ka ngai takzet che" ka ti tiau a, thlanlunga milem erawh ala nui reng. Chu chuan he khawvelah hian ka thiantha ber, engtik lai pawha ka tana awm leh engkim ka hrilh thin Laldintluangi chu khawvela awm ve anih tawh loh zia min hriattir nawn awn awn a ni ber e.


"Ka boruak tawn thawk ti ipik lutuk vangin helai hmunah hian ka lo kal a, ka thusawi i ngaithla dawn em ?" tiin ka thu a, thlanlung chu en ranin ka tahnui deuh a, khawpui a rawn ri deuh dur dur.


"Ruah a sur dawn anih hi, thli a tleh pawh hlau suh aw, i bulah ka awm ania" tiin thlanlung chunga hnah ro tla te chu ka paih fai a. Khawpui a rawn ri leh dur dur a, khua pawh chu a dur chak viau mai.


"Ihmaw, ka sawi hi lo ngaithla la. Ka thusawi tur hi ka bulah awm mi ngat la chuan min that duh hial maithei. Patea ka duh a! Hah... Patea hi ka duh lutuk Dintluang. Mahse patea chuan nupui anei dawn a, ka ipikna te hi tu hnena thlen tur nge ka hre lo. Awm la chuan tawngtai turin min ti leh ngei ang tiraw. Mahse a fair lo ka ti ngawih ngawih, ka tawngtai ziahna hian maw ka tawngtai chhanna ber thin nang min laksak daih a, kei hi lo kal hmasa ta zawk i la chuan hetiang em a rilru natna hi ka nei lo tur" ruah a rawn hmi tan a, ka mittui pawh chu mit ka khap rualin a tla ve sak. Khawpui rawn ri zui leh durin ruah chu a rawn baw hawk hawk.


Thlamuang zet chuan lehpek awm leh tawh lo tur khawp chuan ka tap a, van te pawh chuan min rawn hriatpui ve niawm takin ruah lah chu a rawn sur nasa zual sauh.


"Ava han fair lo tak em! Ti hian amal te te in ka chhan pheuh pheuh dawn che u tihna a mi ?" ka ti teng chhuai a, chhanna erawh ka dawng der lo.


'Tinge, ka mi duh te apiang hi ka tana ruat annih ve ngai loh' ka ti sep a, chu pawh chhanna awm lo zawhna bawk.


Ka tah tawhloh hnu thleng pawn ka thu a, ruah erawh chuan ban tum loh hmel takin a la sur buan buan.


"Haw tawh i la ?" tia ka bula rawn ding chu ka en chho ha a, Andrew chuan hmel tak runin min lo en thla ve khui mai.


"Hetah enge i rawn tih ?" ka ti sep a, ka tahna vang nge ka hrawk chu a thip takzet.


"Ka nghak che, haw tawh ang. Nidangah kan tlawh leh dawn nia" atih chuan ka hma lam en in ma thu deuh ngur a, a chek hluk. A nihliap ken lohna lam chuan min kai ding a, engmah sawi lo chuan a mi pawhna lamah chuan ka kal ve tawp. Engtin nge helaiah hian a rawn awm ve tawp theih dan le, engtin nge min nghah theih tih ka hre hauh lo.


Carah chuan min thuttir a, ac a on nghal zat a a coat hak chuan min rawn khuh tha bawk.


"Ruah a sur kha chuan i rawn let mai ka ring a" a tih chuan "Dintluangi'n a hlauh ka hlau a" ka ti sep a, a khi suk chu ka hmu thei. Engvanga tuna hetia min ngaihtuah em em nge anih hi ka hre lo. Kan inkawp ve thin tihlohah chuan inhriat zawmna engmah kan nei lova, mahse Dintluangi ka tana ahlut zia hre tu te zing a mi chu a ni ve.


Car a star dawn chuan thil ka zawt a, "Tinge ka chungah hian i that a ?" ka tih chuan, "I lawm vak lo tihna em ni ?" a rawn ti let ve a, "Ni lo e, kan inkawp lai leh kum kalta zawng zawngah khan hetiang em em a ka laka i that ka hre ngai lo" ka ti sep a. Min chhan zui tum tawh awm lo tak chuan car chu start tha in a tlan chhuak zui mai.


"Tinge a ?" Reife kan ngawih dun takah chuan a rawn ti a, "Hmmm" ka ti lo ringawt.


"Tinge ka bulah pawh engkim i sawi ve thei tho si a" a ti leh a, "Nia" ti bakin ka chhang lo.


"Ka tihpalh aw" a rawn tih leh sup chuan ka en a, "Keimah vanga thian nei lo ini tih ka hria lawm" a rawn ti ve sup a, amah vanga thian nei lo ka nih thu hi chu a hre ve anih takzet dawn hi.


"Nia, nangmah vang anih hi. Nangnen hian lo inkawp lo in lo duh viau thin che lo ila, i thusawi kha akawi a ngilin zawm thin lo ila chuan ka thiante khan min la kawm duh hlawm ngei anga. Chuan mi te tlu luh ziahna hmangaihna khura ka tluk ve pawn la na lutukah ka tang lo tur" ka ti a, mahse thinrima sawi ka nih loh bakah sawi zawi tak ka ni.


"Engtin nge..... Ka thu hriat hi sawi chhuak mai lo tur ten min ngen dawn lo em ni ?" A rawn tih chuan "Ngen dawn lo, sawi chhuak pawh ni la awnzia awm hek lo" ka ti liam puat a, ka mit chu chhingin a thusawu chu ka ngaithla liam mai mai.


Kan in hnaiah chuan ruah sur ban hun nghakin kan thu a, engmah kan sawi lem lo.


"Andrew"

"Imm" min rawn en a, "Inkawp tha leh ang" ka tih chuan a meng ve deuh awk.


"I patea...." A rawn tih chuan, "Ani chu ngaihtuah suh, ka theihnghilh dawn lawm. Chumi tur chuan min pui ang tiraw ?" ka tih chuan a lu a bu nghut a, "Mahse tinge kei kher ?" a rawn ti leh kher.


Ka nui sak a, "Enge anih ka hre duh, duh pakhat theihnghilh nana duh tawh thinte hnena let leh hi eng ang chiah nge anih ka hre duh" ka tih chuan engmah sawi lo in hmalam a melh nghal run.


A kut lehlam chuan steering chu vuanin lehlam chuan a khabe a tuai neuh neuh. A hmel chu nichin ai khan a rum daih a, ka thusawi kha a lawmzawng a ni vak lo pawh a ni maithei.


"I duhloh pawn a pawi hauh lo nia, midang...." Ka tih lai chuan ka lam rawn hawiin, "Ka duhloh thu ka sawiloh kha" a rawn ti vak a, min ti phu chiam lehnghal.


A inthiamlo lehnghal si nge ni, "Ka tihpalh, zaidam ka zir lai mek a nia" a ti sep a, ka nui hak. "A hma ang chiahin i la thinchhia anih hi" ka tih chuan a hnar a tum dat.


"Ruah chuan ban mai a tum loh hmel hle mai" tiin pawn lam chu a en a, keiin amah chu ka lo en deuh ran.


"Hmanah khan engtin nge ka lo duh theih che ka ti thin a.." ka tih chuan, "Keipawh ka inzawt ziah thin" a rawn ti ve sup.


"Eng?" ka lo tih vat chuan, "Engtin nge khatiang khawpa min hmangaih tu leh min dawh thin tu kha hrethiam lo a ka lo hmangaih let thin loh che ka inti thin" a rawn ti a, a thusawi chu amah chuan a awihloh hmel takzet.


A lu chuan seat chu a tauh dawp a, min rawn en kalh. "Kum kalta chhung zawng khan ka theihnghilh ngai lo che" a rawn ti a, a tawng zawnga a hrawk bawk che ralh chu ka lo en daih.


"He thil hi i la lawm reng em ni ?" tiin a hrawk chu a khawih a, "Nangpawh i la danglam lo" a tihzawm ve zat.


Ka kut chu rawn la in a fawp a, "He kut hi ka damchhunga vawn reng ka duh"


"Min hriatthiam loh ka ring a, khawvela min hrechiang ber tu hian min hriatthiam loh ten a dik nang tiraw? Khatih hunlai khan kan la naupang a, Hmangaihna kha enge anih ka hrethiam lo. Mahse khatih hunlai leh tun thleng hian ka tan chauha awm reng turin ka duh ber che" a rawn ti a. A hmaa kan awmdan thin chu ka mitthla let kuar kuar thei.


"I rinawmna kha ka lo hre ngai lova, i la hre ve em ka hre lo a min kawp ve mai tura ka tih lai che kha" a rawn tih chuan ka lu ka lo bu nghut nghut a, sawi a tum zuai chu a hreh leh deuh si nge ni a nui suk a, ka nui ve tawp.


Ka kut chu a fawp leh a, "Khatih lai khan keimah atang hian duatna, leh mipa in a kawppui a treat dan tur ang khan ka ngaihsak ngai lo che. Mahse tunah hian ka sawmna hi pawm la ka duh, ka bialnu ni turin ka duh che a, khatih laia ka bat zawng zawng kha rulh che ka duh. Eng ang taka ka lak atanga duatna hi dawn nuam nge anih i hriat ka duh" a rawn ti a, ka sawi tur hre lo chu ka nui tawp.


"I puitling tawh takzet anih kha" ka tichhuak hap a, nui tawp riai riai in, "Andrew ka tiam lo ang che, Patea hi ka theihnghilh theih dawn leh dawn loh ka hre lo .." ka tih chuan, "Keipawh min theihnghilh in midang duh inei thei a ni lawm ni? Ani theihnghilh tawp tur chuan a theihloh, mahse Jude mipa anga i en tlatna kha ka bula i awm anih ngat chuan a reh em em ang" a rawn ti a, ka lo thaw hak. Heng tawngkam puitling tak tak te hi khawi atanga a rawn zir chhuah nge pawh ka hre lo. Mahse heng a tawngkam ringawt pawh hian a bul a awm thlamuanna min pe lawi bawk si.



•°•°•°•°•°•°•°•°•°•°•°•°•°•°•°•°•°•



Darthlalang hmaa thuin ka hmai chu ka chei vel a, Andrew nena kan chhuah leh dawn vang a ni.


Ka room kawngkhar chu a rawn ri rek a, tunge tih pawh en chuang lo in ka mitah mascara chu ka hnawih mawlh mawlh.


Hrawk then kharh thawmah chuan patea a ni tih ka hre thei a, ka thil tih lai chu chawl in, "Mamawh i nei em ni ?" ka ti hap.


"Andrew nen khan in inzui leh em ni ?" a rawn ti zawi sup a, "Imm" tih pahin ka tihlai ka tih zawm leh.


"Tinge ?" a ti leh chuan "Ka duh a" tihzawngin ka chhang.


"Judy, heng hi min runluih nana iti anih ka hria. Mahse khawngaihin heng hi ka engmahah a thawk lova, chuvangin ani kher ni lo mipa dang i zawng...." A sawi zawh hma chuan tawng khalh in, "I engmaha a thawk siloh chuan tinge Pate, ka mikawpah chuan i lo buai. Ka hria a lawm, tu mipa pawh chhuahpui ila nang chuan ka tana tha lo tur vekah i ruat dawn, nangmah ini te anih ngawt loh chuan. A chhan chu nang hian min duh takzet, chuan i hriat ni lo in ka hriat hi a dik bawk" ka ti a, Patea chuan min en tawp, khuma ka bag dah chu la in ka chhuah dawn chuan "Chuan Pate, in la Christ-i kha hrilh la, ani ang pasal nei mai tur kha chuan ka bialpa hi lo be tha vur suh se, ka mizia chu i hriat kh" tiin ka chhuahsan hmak.


Andrew chu a lo thu leh vang tawh a, ka u nen an lo inkawm. Ka u pawh hian Andrew kher hi chu min pawmpui lo viau a, mahse keimana patea theihnghilh theihna ka tih tlat avangin min hau tha ngam bik lo.


Rei thu lovin kan chhuak zui a, kawngka kan pelh atang chuan ka kut a rawn vuan nghal zat a, "Ti teh thut nge a ?" ka tih chuan hnunglam thlek deuh pah in, "I patea hmuh laia ka duh zia che hi tihlan ka duh lawm" tiin min pawt ding det a, ka hmuiah a fawp zauh. Ka nuih var var ringawt.


"Tinge bike i lo ken a ?" ka tih chuan, "Kawng lakah tute emaw in kan ruala haw ve leh an tum tlat palh ang" a ti a, ka nui ve sak. Hmannia kan len tumin Patea leh in la Christ-i'n an car chhiat chhuanlamin kan ruala rawn haw ve tlat an tum a, chu chu ala hre reng a ni mah na.


Min kalpuina tur pawh hrelo chuan kan tlanchhuak veleh ngawt a, amah anih hi chuan ka ring em em mai.


A insawi ang takin amah atanga duatna leh ngaihsakna ka dawn ngailoh kha ka dawng a, atirah khan chuan ahma ang khan thinchhe tak leh min hauh pe na zet ani anga, a zawldawh zawka tang leh turin ka inruat a, amahah ka rilru ka pe anga chuvanga patea pawh theihnghilh theih ka inring a ni. Ka rindan ang chiahin abula ka awmchhung na na na hi chuan patea ka hre ngai mang lo. Ka in ngaihtuah chiang hian Patea ka hi ka duh satliah ngawt anih ka ring thin a, mahse in la Christ-i nena ka'n hmuh leh hian thikna ka nei leh tho si.



Andrew Pov's.


"Tinge in inah min hruai a ?"bike atanga chhuk tharh pah chuan a ti a, ka bike stand that pah chuan "Ka nu in a hmu ve chak che a ?" ka ti a, lungawi loh hmel zeta thaw hakin, "tinge min hrilh lawk loh a" a ti hluai.

Ka
"Tinge ?" ka tih hu chuan nin hmel zeta chek hlukin, "I hre tawh lo mi, nangmah vangin ahma khan ka inhauhpui hrep tawh. Tunah lah i nu kan hmu dawn tih ka hre silo a, ka thawmhnaw hak te hi en la. Mi hur emaw min ti hrim hrim ang" a ti tum luau mai a, ka nuih a ti za ang reng. A hmaa ka nu nen an inhnialna kha ala hre reng anih dawn hi.


"Nih tinge ka nu nen khan in lo inhnial reng reng a?" ka tih leh kher chuan rum tawka min rawn melhin, "I zuruih laiin min rawn phone a i nu kha a lo tawng ve sia i bialnu dang emaw ka tih vang. A chiang em ?" a ti chhum hmuk a, peih loh hmel zetin kan in lam chu a thlek zauh. "Nidang...." A tih lai lai chuan kawngkhar atang chuan NuMami chu rawn dak chhuak in "Puia i nu in khata ding reng lo khan rawn lut ru a ti" a rawn ti lang lang a, a pil leh nghal zuk.


"Ka van peih lo tak" tihpahin in lam chu a pan a, a insawh phei deuh nghawng nghawng lehnghal a, a hnunga kalin ka nuih tet tet.


"Hi" kawngka kan luh ruala rawn ti var tu vang chuan Jude chu ading dat a "Hi" a ban chap.


Rawn lehhawiin zawhna mitmeng hian min melh a, "Jude Daphne lo awm theih dan hi ka hre lo ania" ka ti tawng a, a ni reng bawk a. Daphne hi helaia a awm theih dan hi ka hre miah lo.


Tap mai tur hmel hi a pu a, mahse thawklehkhata rawn nui thut in, "Ka tha" a rawn ti a, ka ngaih atha lo hial zawk dawn a. Ka ban chu arawn kuah nghal tat a, ka nu inchung lam atangin arawn chhuk ve mek bawk.


"I lo leng thei maw Judy" ka nu chuan a rawn ti var a, Judy chu peih loh hmel zeta nui chungin "Ka hre lo le, i fapa hian min hrilh lawk nise ka lo kal kher angem ka hre lo" a ti a, a tawngdan chu mak ka tih avangin ka en deuh kawk.


Sofa ah chuan kan thu a, Jude chu a kut kuangkuahin a thu fel then a, Daphne chu ka nu bul chetah a thu bawk.


Ka nu chuan a bul sir lehlama thu tura min tih tlat avang chuan ka thu a, enge maw a awmzia pawh hi ka hre lo.


Jude chu rawn tawngin, "Min la hria em nute, hmanah kan inhauh tawh kha" a rawn ti a, ka nu chuan nui vur vur in "Hria e a, kum liam tawh mahse khatiang em em a hmeichhe nasa kha ka hre ngai lova ka theihnghilh thei lo" a rawn ti a "Ka nu" ka lo ti deuh hluai.


Jude chu rawn nui ver ver in, "Ni e, khatih lai khan i fapa hian kei aia hmeichhe nasa nen min kawp kual thin lo ningat se chuan keimaha setana hi a chhuak bik lo tur. En ta che, i bulah khan chung zinga pakhat chu a awm ve kha.... Mahse tunah chuan engkim atha tawh a, ka fel na lai chauh ka en tir hmuh tir tawh dawn che lawm" tiin ngainatawm fahran hian a rawn nui a, ka nu leh Jude inkawm dan boruak chu a rit hle mai.


"Eng pawh ni se, ka kal tawh phawt mai ang" tiin a ding hluai a, "Duata min thlah la" a ti a, "A aw, aw le" ka ti bah nuai a, ka ding ve nghal zat.


Pawn kan thlen rual rual chuan ring zet hian "Remruatpui" a ti nghek a, ka ding zum tawp. Thaw hrawk hrawk in min en a "Tinge Lalruatmawii a lo awm ve theih a?" pawr fahran chuan a ti a, "Ka hre bik lo" ka ti tawp. Kan ina Daphne lo awm theih dan kha ka hre bik miau hek lo.


"I hre lo maw? Ka awih i ring em ?" tiin hmai zangthal ha in min en a, "Ka hre lo tak tak Jude, Daphne nen chuan kan inbiak pawh lohna a rei tawh" ka tih pawh chuan a thinrim loh hmel phah reng reng lo.


"Hah, ka awih bawk lo" tiin a tap ta tuau mai a, "I la duh anih kha Daphne kha. Ka hre vek, kei aia i duh zawk vang anih kha ahma pawn kan inthen" a ti a, hun liam tawh bawk maw a lo ngaihtuah leh tawh ni.


"Tap suh le, hman thil thleng chu a ral vek tawh a. Jude tun hunah chauh hian cheng ang aw, chuan Daphne chu ka duh lo. Nangmah chiah ka duh che" tiin ka kuah a. "Min kawp tawh suh aw" tap chung chuan a rawn ti ve tawk tawk a, ka khawngaih leh hnuhnawh viau.


Haw ala duh loh avang chuan kan leng kual a, tum loh deuhin kam bazar ta vak lehnghal.


Ka kut chu kaiin min pawt ti tih in a pen thauh thauh a, a te reuh sia thawmhnaw lum nen bag nen a inthuam ve khup chu naute lem zuang thauh thauh hi a ang ber.

"Andrew" tiin a rawn lehhawi a, ka mitko ka lo san khum ak.


"I nu khan min ngei a ngem ?" a rawn ti a, ka ngaihtuahnaah a awm ve chiah, ka nu nen khan tha taka inbiak kha annei tlat lo.


"Haw lo ang" ka ti mai a, mahse ngaihtuah thui hmel zet hian, "Mahse Daphne kha a ngainat hmel bik, mo atan min duh lo mai nga. Daphne kha nei turin a ti mai ang che a" min en chho kiau pah chuan a ti a, ka lu thing nar nar in "Teuh lo, engvangin nge Daphne chu min neih tir a tum anga ?" ka tih chuan ka kut chu en in a khal niap niap a, "Ihmaw vawiinah khan, Daphne ka hmuh vang khan ka thinrim sia tawngkam mawilo deuhin ka tawngkhum sia, Daphne kha a ngainat chuan a fapa neih chhun ini sia aneih tir daih mai ang che" a ti sep a. Thawl huai ang hian a thaw leh ang hak zui a.


Ka kuah hlun chuan "Min kuah ringawt lo la, ka rilru hah em hi min hnem ve la" a rawn ti a, sawi tur te lah hi hre thei sia a.


"Immmm,,,,,,, ka hnem che hi" ka tih chuan "Inkuah hian min hnem bawk lo" a ti niah niah.


"Immm, ka nei dawn tho che lawm. Ka nu duh leh duh loh che angai hleinem, ka nupui tur inia i pasal tur berin ka duh che chuan tawk mai lo mi?" Ka tih chuan "Aa pasal tlakah pawh ka ngai lo che, nu te i dah pawimawh lo si" a rawn ti leh. "Aaa min hnial zel lo la, hnem dan che pawh ka hriat dawn loh hi" ka tih chuan nui hakin min rawn kuah let a.


"Engtikah nge kan inneih ang ?" a rawn ti daih.


"I inpeih hun hunah" ka tih chuan "Keichu min hriat kha aw, min nawrlui ve deuh thin mipa hi ka duh sawt zel" a tih chuan " Chuan nawr luih loh ang hlir che in i awm thin" ka ti ve sep.


"Haw ang, i hmeichhe si" tiin a inla hrang a, a kal tau daih a, ahnungah nui hawk hawk in ka umzui.


•°•°•°•°•°•°•°•°•°•°•°•°•°•°


"Bawiha!" Ka nu rawn ti vak ri-ah chuan ka phu zuk a, ka nu chuan "Enge i ngaihtuah a, dawr lamah i kal dawn lo em ni ?" a ti a, mak tih hmel zetin min en he haw.


"Aw dawn e" ka ti tha mai a, choka atanga ka chhuak tur chu ka nu chuan "Rawn haw hma la, Daphne chaw eiah ka sawm ania" a tih vang chuan ka ding dat a, ka nu lam chu ka hawi leh.


"Tinge nu ?" ka tih sap chuan "Eng maw ?" a ti ve haw a, "Nu tinge, Judy ka duh zia hre tu inih kha. Tinge Daphne hi i biak that tak thut a" ka tih chuan "Ka ngainat zawng ani a ni mai lawm" a ti awlsam then a, ka thaw hak.


"I hriat vek kha nu, khawngaih takin Judy nen kan inkar buai theihna tur engmah ti suh"


"Khanu kha ka ngainat zawng a ni lo"


"Kha chu ka thiamloh anih kha nu, Daphne maw ti chein a vin vak che anih kha. Chuan niminah pawh khan Daphne awm avanga khatia awm a ni..."


"Eng pawh nise a ngaihzawngpa hringtunu bulah a awm a ni a, a thinrimna chu insum ve tur ania lawm..." a tih chuan awi lo zet in ka nu chu ka en a, "Nu, leila takin i tawng hmasa anih kha" ka ti thlawt. Judy vanga ka nu ka hnial hi ka inring ngai lo, mahse enge keimahah hian awm ni ka nu in Judy a duhlohna tawngkam a chhak chhuak chu ka ngaithei der lo.


Thinrim tunin in chu ka chhuahsan a, dawr lam panin ka inkhalh chhuak nghal vut.


Ka rin loh tak maiin Judy patea chu dawrah a lo awm a, min lo nghak ni ngei tur a ni.


"Sawi rawh" tiin ka bike chabi chu dawhkanah ka theh thla a, ka thu nghal zat.


"Thu tam sawi ka tum hran lo, mahse Judy hi...."


"Enge Judy chu? Hnaih lo turin min ti dawn em ni? Kalsan tur in min vau dawn maw?" ka ti a, kan in en deuh ran. Ka nui hak a, "Kalsan tura min beisei anih chuan i thil beisei ang chu ka ti thei dawn lo tlat" ka ti sak a. A tir atangin a hmel a rum sa nen tunah phei chuan thinrim hmel tak a ni.


"Ka sawi nawn leh ang, i tihnat leh mai mai tur chuan tunah hian hlat zawk la atha ang"


"Engvangin nge ka hnaih chu i hlauh em em a? I lak atanga ka lak hran hlak i hkau em ni? Ti teh nupui nei mai tur inih kha" ka ti a, min huat tawh hmel kher mai.


Ka phone rawn ri chu ka en a, Jude a ni.


"Hey Jude"

"Andrew dawrah i awm em? Decoration light vel hi rawn en lawk ka duh a ?" a rawn ti lang lang a, "Awm e, hei i patea a lo kal a. I chah nghal zawk mai dawn em ni ?" ka tih chuan a awki thlak hlawkin, "Enge a rawn tih a? Ka rawn kal ang" a ti a, call chu a cut nghal hmak.


Judy patea chu engmah sawilo in a thaw hrawk a, a chhuak zui vut.


Minute nga hnu velah ka phone chu a rawn ri leh a Judy tho a ni. Ka lak rual chuan "Ka lo thleng ania, helai nula mawl zet hian hmuh che a phal lo" a rawn ti hlar a, nui sukin phone chu ka dah a, dawr lamah chuan ka chhuak phei nghal.


Dawrah hian Office hran ka nei a, chutah chuan inkhungin chutatang chuan hmundanga kan sumdawnna thil vel pawh ka buaipui vek thin.


"Amak e.... He dawr lian lem lo taka in hotu ber ka hmu duh chu lawm hle ta che" Mathiangi bulah chuan a lo ti deuh hlaih hlaih a, ka nui hak.


"Tinge a ?" ka tih chuan min rawn en dun a, "Hei hian alawm, a mawl reuh lutuk. Min hmuh tir che zuk phal tlat lova" Judy chuan a ti a, Mathiangi, Judy ang chiah mize nei ve bawk chuan "I chhe reuh tin ten" a ti zeuh a, Judy ngei tawk a tling leh em em.


"Lo kal phawt teh", tiin Judy chu ka kaihrang ta tawp.


"Khanu kha tunge, ka ngei ania. Min lo cho ang che" a la ti zui tan tan a 'I chhe reuh tin ten' tih chu a la na khawp mai.


"Taka patea chuan enge a rawn tih a ?" a rawn ti leh ta hluai, "Engvak mah", ka ti liam puat a, "ka awih lo, mahse ka zawt zui peih lo che. Decoration light vel chu min en pui teh thalakpui a lang mawi tur deuh ang chi aw" a tih zawm zat a. Chulam pan pui pah chuan "I patea nupui nei tur chu i va lawm leh awm si ve ?" a tih chuan "Chutiang lam a ni lo, Decoration light te hi chu ka rooma ka dah liau liau tur, thlalak pui mawi deuh deuh tur ang kha ka duh nia" la ti zui hram.


"Aaa hei ka duh lo"


"Duh te chu nei ve la, eng amah hi i duh lo tihna mi ?" "Duh te chu nei e, mahse khawmaw kha kha en leh chhin ang" a tih chuan thaw hakin bawm khat la awm chu ka hawng leh a, "Aw hei ngei hi nih hi ka zawn. A va tha em. I va han thlang thiam tak" tiin ka hmuiah a rawn fawp zauh a, ka harh leh sawtin ka hria.


"Min lo thlah lo mai rawh, patea'n min nghak a" a tih chuan ka en ha a, "Lungngai suh, engmah a thleng lo ang. Nang ang lo takin ka rinawm ania" a ti deuh kher lehnghal.


Car park na thleng chu ka thlah a, a patea ka hmuh vang chuan ka pawt ding a, a patea hmuh kher tur chuan ka fawp a, ka fawp deuh ngawng ngawng chu a hamhaih aniang min chhang lo lehnghal.


Ka inlakhran hnu chuan "Ti zahthlak thei e, mi tamna lai laiah" a ti a, a lai reuh emaw ni. Nui suk in "Kal tawh rawh, thla i lak hunah chuan min rawn thawn hmasa ber ang che" ka ti a, nui ver ver in a patea awmna lam chu apan ve mai bawk.


Judy Pov's.


Andrew min fawh deuh thut avang chuan ka hamhaih viau a, a inla hrang leh ang vut lawi a, nui vur vur in kal tur chuan min ti a, patea chuan car bula dingin tak runin min lo en.


Ka tihdan ngai in car seatah chuan ka ke ka hlang a, Spotify a hla play chu zai pui pahin Andrew nen kan intext a, nichina ka inhnialpui nu kha min lo cho turin ka la ti ngat ngat.


"Judy" a rawn ti lawi rat a, "Enge ?" ka lo ti chhum hmuk.


"Naktuk kan inneih a ni tawh ania" a tih chuan "Imm ka kawr hak tur pawh an peihfel diam tawh" ka ti awlsam then a.


"Aa englo, pawi iti miah lo em ni ?" a rawn tih chuan ka en a, "Engah maw ?" ka tih chuan "Nupui ka nei dawn anih hi Judy" rilru hah hmel zet chuan a rawn ti leh.


"Imm ka hria lawm, Andrew nen kan rawn kal ve dawn lawm" ka tih chuan patea chu a thaw hak.


"Pate, thil ka hrilh ang che. Ka duh che ka tih kha, ka duh lo che. Min hrechiang a, ka ngaihtuahna la thui loh zia leh ka la naupang zia pawh i hre vek a nang chuan. Ka duh che ka tih chhan kha ka rindan chuan min ngaihsak thin vang aniang, i hriat angin Andrew tih loh chu ngaihzawng ka nei ngai lova, ka ngaihzawng neih chhun hnen atang khan ngaihsakna leh duatna ka dawng ngai lova, mahse ka patea hnen atang chuan nasa takin ka dawng a, chu chuan feelings a rawn awm a. Mahse pate, Andrew nen kan inkawp a, ngaihsaka duatna ka dawn chinah chuan ka duh lo che tih hi ka hre tawh. Chuan ka duh thu che ka sawi laia min duh ve thu i sawi kha, kha tih lai khan huaisen takin ka ngaihdan ang khan kal ni ila chuan kan tha mai tur" ka ti sep a.


"Andrew chu i la duh tihna em ni ?" a rawn tih chuan "Ka duh hleinem, ka hmangaih alawm. Chuan pate, Andrew ka hmangaih ang chiah hian min hmangaih ve tih ka hria asin" ka ti sep a, min rawn en ve zawk.


"Mahse i sawi ang khan rem tur kan ni lova, nupui i nei anga min theihnghilh vat mai ang" ka ti a, ni e mi a nileng ka ni lova, patea hi ka duh emaw ka tih kha ngaihsakna leh duatna vang mai a lo ni. Andrew hnen atanga ka dawn ve ngailoh avang kha ni. Tun hnuah chuan duatna leh ngaihsakna hlir anih avang hian ka tan chuan ahmaa ka lo duh leh ka lo hmangaih ngawih ngawih thin chu ka rilruah a thar leh vat lo thei lo.


•°•°•°•°•°•°•°•°•°•°•°•°•°•°•°


Inneih hunserh hman chhung zawng chuan Andrew chuan ka kut chu avuan a, amah zawk chu nupui nei tur mipui hmaa ding zam chhe mek a ang takzet.


"Ehe enteh Mathiangi ka hmu, i office ami kha" hunserh hman laia ka hawikuala Mathiangi ka va hmuh fuh em avang chuan ka hrilh ru ve sar sar a, "inbengdaih rawh, hunserh a la zawh loh hi" a rawn ti a, hma lam chu ka en tha veleh mai bawk a.


Andrew nen chuan thla kan la ve a, Kumsarih chhunga kan thlalak neih dun vawikhatna a ni hial ang.


"Ig ah ka post dawn" tiin ig ah ka post a, Andrewa'n in la Christ-i a lo en veuh veuh ka hmuh chuan a hmaiah ka han beng chawrh a, "Enge i en a ?" Ka ti hmuk. A kut hlai ve zeta ka hmai rawn khuapin "Monu saw nang aia a thatna ka zawng a, mahse ka hmu lo. Nang hi monu nizawk awm tak ini" a rawn ti a, ka lai ve leh ngawt.


"Tih ve vat kan ngai" a rawn tih chuan ka nakah ka sik a, a na ti chu a eu deuh ngawn ngawn.


"In va hlim ve ?" vanran atangin Daphne chuan a rawn ti a, ka nui lai ka tawp hmak.


"Ka bialpa hlui te an inneih a kan kal ve anih hi" ka ti deuh sak a, a meng awk.







Judy Pov's


Karkhat lai aliam leh tawh a, Andrew an min rawn biak a tum eih lo a. Biak ka tum bik lo.


Inla Christ-i chu ka rin ang ngeiin a rai a, chhungte ho chu an hlim dar dar viau mai a, a hlimlo leh rilru dang pu chu keimah bawk ka ni leh ta.


Enge ka beisei a pawh ka inhrethiam lo. Mi zawng zawng hi keimah chauh min ngaihsak turin ka phut nita ber hian ka hria.


Ka u in min be duh lo a, patea lah chuan a nupui a rai tak vang nge biak pangngai min be duh tawh der lo lehnghal.


Khumah chuan ka let ka let a, ka thaw leh hak thin. Ka phone chu ka en a, Andrew chu a reh hian a reh tlawk tlawk. Daphne thil post ka hmuh chu ka en leh thin a, ka rilru hi a dam thei thlawt lo. Andrew areh danah lah hian atak anih ka ring hmiah mai bawk si.


Ka u chuan min rawn ko a, "Judy lo chhuk la eitur kan siam ania" a rawn tih chuan ka chhuk tur thu in ka chhang a, a kal ve leh nghal mai bawk. Keipawh tho tual tualin ka chhuk a, sitting room lamah chuan an lo ri dar dar hlawm.


Ka beisei loh zetin Daphne, Mathiangi leh Andrew chu an lo awm a, min lo en thap. Andrew chu amit a khur deuh a, zan mu tha lo hmel a pu.


Ka nu chuan min lo ko vatin "Lo kal rawh, hei eitur i u ten an siam a ?" a tih chuan "Aih ka ril a tam rih lo" tiin ka room lamah ka lut leh a, tinge kan inah an rawn kal le. Inneih an tum anga min rawn sawm ve an tum aniang a. Thil ni lo lo chu ka ngaihtuah a, ka ngaihtuahnaah hian an rawn kal chhan ringawt chu a awm.


Ka phone rawn ri chu ka en a, number hriatloh atangin a ni.


"Hello" ka tih chuan "Hmeichhe dang emaw tiin min ankhum tawh em lo maw?" a rawn ti ve zat a, tunge anih ka hre nghal. "Aw, ka hria che lawm" ka tih chuan "Anih chuan kan inhmu lawk dawn em ni ang" a tih chuan min hmuh duh chhan tur awm ang chu ka ngaihtuah nghal char char "In in atanga cafe hnai berah khan i lo kal dawn nia" tiin call chu a cut a. Ka insiam nghal sawk sawk, kan in atanga cafe hnai ber pawh hla tak a ni.


Ka room atang chuan ka chhuak a, kawngka lam pan pah in "Nu chhuah lawk na tur ka nei a, ka kal aw" ka ti a, ka nu chuan "Amak e aw, ei tur hii" a la rawn ti hram a, ka kal lui tho.


Gate ka thlen tep ah chuan "Khawnge i kal dawn ?" tiin min pawt let dawr a, min pawt let tu chu en in "I hriat ve zel angai lo" tiin a mi vawnna chu thin thlak mai ka tum a, min vuan nghet zek.


"Min thlah teh ana ania" ka tih chuan "I kalna tur sawi chu ahar em ni ?" a rawn ti a, "I nu hmu turin ka kal dawn, a tawk em. Min thlah teh" ka ti a, "Ka hruai ang che" tiin a car awmna lamah min kai dawr dawr.


"I rual in ka kal duh lo, min thlah teh" ka ti a, car ah chuan a theh hian min hneh lut a ni ringawt. Car chu rawn hel kualin min a rawn lut a, dan hman lohin a tlan chhuak nghal.


"Khawilaiah nge in inhmuh dawn ?" a rawn ti a, vawinga min zawhna a ni tawh. Chhang duhlo in ka hma lam ka en ngar a, a thaw hak chu ka hre thei. A nu min hmuh duh chhan tur chu ka han ngaihtuah a, a fapa beisei ve tawh lo tur hian min ti dawn em ni ang. Nge ni a, a fapa tana ka that tawkloh thu sawiin kalsan turin min ti dawn. Ka ngaihtuahna chu a buai vek.


"Khawiah nge ?" a tih chuan "Maw?" ka ti ha a "Ka nu nen chuan...." a rawn tih chuan "Cafe hnai berah" ka ti a, "A ni lo a ni lo" ka ti leh nghal.


"Aw le" tiin a inherkuala cafe hnai ber chu a tlan pel tawh a mi mahna.


Min zui ve zel a, a nu chu dawhkana thingpui niawm tak in in a lo thu ran.


"In pahnihin in rawn kal a ?" min hmuh chuan a ti a, ka hnunga Andrew ding chu ka en ran.


"Ka awm laiin engkim sawi rawh u" tiin Andrew lah chu a thu nghal a, a nu chuan "Thu la" a rawn ti ve sap.


"Enge min hmuh i duh chhan chu" tiin ka thu thla ve a. "A tha e, awm ve a duh tlat si avang chuan ka sawi tlang anga. Judy, ka hmeichhe duhzawng tak inia, mahse ka fapa awmdan avang hian ka mo ini dawnlo tlatin ka hria a, chuvanga ko che ka ni" a rawn ti a, "Ka va hrethiam lo ve ?" tihpahin Andrew chu ka melh zawk a, ani pawh chuan a nu thusawi chu a hriatloh hmel viau mai.


"Ka fapa nungchang hi ka hria a, nang nena ininkar pawh ka hria. Ahma chuan akawp kual chein na takin a siam che tih pawh ka hria. Mahse tunah hi chuan nangmah chauh hi anuna awm ini tih hria la ka duh" a rawn tih chuan awilo zetin ka thaw hak a, "Lalruatmawiin..." ka tih lai chu min rawn pawtchatin "Ka hria, Daphne niloin keima tih anih kha" atih chuan awi lo lutuk Andrew chu ka melh ringawt. Andrew chuan "Nu tinge chutiang..." a tih chuan lo pawtchat lehin "Ka hre lo, harsatna eng emaw tal han tawn tir cheu kha ka tum a. Mahse ho te emaw ka tih kha chinfel harsa inti bawk sia" a ti a athaw hak.


"Ti kha chuan inhre tawh bawk a, ka kalsan ang che u" tiin a tho nalh a, a chhuak zui nal nal.


Tawng lo in Andrew nen chuan kan thu dun reng a, thil thleng tehthut chu ka hrethiam lo. Andrew chuan min rawn en in "Engtin nge ni ang ?" a rawn ti a, ka ding a ka chhuak zui.


"Jude, Jude, Judy" min rawn um pah chuan a ti a, ka ding dat a, alam chu hawiin ka en a. "Mawla" ka ti sep a.


"Mawl lulian lutuk pa" tiin ka bag ah chuan ka vaw pawp pawp a, tlem a tlemah kan lo inthen hlen lo chauh ania. He mihring mawl lutuk vang vek hi.


"Ka tihpalh" a rawn ti ringawt a, "Mawla, enge maw tal te rawn sawi ve tal ta che" ka ti tuau a, min kuah khawm hlun.


"Ka tihpalh, ahma avang khan min rin zawh ka ring tawh lo a, mahse Jude nangmah chiah ka hmangaih che" a rawn ti a, amah en tur in ka khabe chu a vuan a, ka en kar.


"I hria em ka hmangaih che" tiin ka hmuiah a rawn fawp vang vang a.


A tawp ta.....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)