Prologue:
Kawngsira phul hring mawi takte chu thliin a chhem phe heuh heuh a.Train tukverh atang chuan thlifim pawh chu a rawn thaw lut heuh heuh a.Van chu a thiang thain a mawi em em mai bawk si.
Hriatrengna,mittui titlatu..mahse nang hi lo tawng lo che ni ila chuan khang hlimna te kha ka hre ngai dawn si lova..
Tunah hian eng nge i an tawh ang le,natna engmah i nei tawh lovang tiraw??
Van dum pawl riai mai te khi,ka la ngaina chhumzawm zel a nih hi....
PART-I
High School ka rah ve takah chuan make-up hmang ngai lem lo khan ka han hmang ve zuk zuk a.Chu pawh thiante awm lai chuan ka ngam teuhlo..Class-a an luh vek tawh hnuah ka lip gloss chu ka bag atang ka phawrh a,darthlalangah chuan in enin uluk em emin ka han inhnawih ve a..
Classroom chhung ka lut chu ka thiante pahnih Aya leh Akemi te chuan chaw chhun ei turin min lo nghak a .
Aya chuan ,"I hmui kha i hnawih ve elaw?A ruka star i nei chiang mai" tiin min lo fiam a..
Kan nui ho dar dar a....
Hmangaihnaah chuan tluk luh ka tum lo hul hual a ni.
Aya chuan mipa duh deuh mai a nei a,Class-D ami Nozomu a ni a..break lai chuan Nozomu hmu tur chuan Akemi nen chuan an classroom bulah kan kalpui a,kan thlek kual vak vak pawhin kan hmu zo silo..
Rei vak lovah chuan mipa pahnih sam var leh sam dum,a sam var zawk chu sual hmel lutuk,a sam rawng put duh dan atang chuan zirlai fel leh thuawih tak a ni lo ang tih chu a chiang sa.
Sam dum zawk chu Aya-i chuan a hmuh veleh chuan a sam chu a bengah a zep a,lan chhiat hlau takin a insiam tha nghal zung zung a..
"Saw le,a lo kal e,awi a hmelthat zia saw" tiin a han thlêk vawng vawng a..
Nozomu chu nui sang chung hian a lo kal hnai a,"Chibai,Nozomu ka nia,class-D ami hi ka nia..Pawi i tih loh chuan number inthleng ila" tiin keimah zawk chu min rawn be ta mai a..
Kei chuan chhan ngaihna pawh ka hre lo..ka hamhaih hle a..
Aya chu ka hmaah a rawn ding vat a,"Nangmah nen inthleng ka duh a" tiin Nozomu chu a number a dil ta a..
Kei chu ka tawlh sawn thuai a,chu lai hmun atanga kal sawn tuma ka han inher chuan mipa pakhat nen kan insu chawrh mai a..ka han en chuan sam var pa kha a lo ni reng mai. Min melh dan chu a lawm loh hmel hian ka hre lutuk a..sual hmel ka lo tih tawh sa nak alaia khatia min melh phei kha chuan ka hlau deuh ta sawt a..rang tak chuan ka kal sawn vat a..
Library-a luh ka tum dawn lai tak chuan Aya chu a lo kal a.
"A number chu ka nei thei ta hram a,mahse a duh zawk chu nangmah i ni sia" tiin hrehawm ti hmel deuhin min en a..
".......Aya......"
"Anih chuan Nozomu hi i duh lovang tih min tiam rawh" a ti a..
"Tehreng mai,cheng nuaih tam tak pawh min pe mah se ka duh lovang" tiin puithu hmel zet chuan ka intiam a..
Aya nen chuan kan innuih dun leh uar uar a...
A tuk school kan kal kawngah chuan Aya chuan min rawn ûm a,
"En teh Mika,vawiin chu in make-up nan darkar2 zet ka hmang mawle..mithmul lem hi vuah alo harsa tak tak a ni" tiin mood-on hmel zet chuan a nui sang a.
"Mahse kha ,a sir kha a kawi deuh a nih kha" tia vuah that sak ka han tum chuan ka pawt thla ta daih a..
School kal kawngah chuan kan inûm kawi nasa hle...
Sam var pa pawh kha a cycle-in kan hmaah a rawn tlan a..
Khatih lai khan kha hmangaihna khan min lo chenchilh reng tawh a ni tih reng ka hre lo.....
School atanga kan haw tur chu ka lehkhabute ka khung fel a,chu mi tûk atang chuan nipui chawlh kan hmang tawh dawn a.Ka lehkhabute chu ka han khung fel sawk sawk a,midang chu an haw deuh vek tawh a,ka phone chu ka hmu ta miahlo mai a.Hmun tin ka dap pawh chuan hmuh tur a awm lo..Aya chuan min lo la nghak a,
"Kan call sak chhin ang che" tia a sawi lai tak chuan,
"Library-ah a awm hrim hrim ang,ka va en chhin ang e" ka ti a.
Ka tlan chhuak nghal a,library ka va thlen chuan ka phone ringtone ri rel rel chu ka hre thei a..a ri lo chhuahna lam chu ka pan phei zel a,lehkhabu karah hian fel deuh hian alo intung a.Call chu ka pick a,"Aya,hei ka hmu tawh aw"tia ka chhan chuan phone atang chuan mipa aw hian ,
"I hmuh tawh chuan a lawmawm chu,Mika" tiin ka hmingin min han ko lehnghal a..
Tunge niang tih rin ngaihna pawh a awm lo..call chu ka cut nghal daih a.
Ka phone ka check chuan contact list zawng zawng chu a lo bo vek mai a.
Min rawn call-tu number chu ka call leh a..
"Hey,ihh....i phone chhar neitu kha ka nia,ka contact list hi a bo vek a" ka ti a.
Phone atang chuan,"Ka delete vek a nih kha,an biak duh tak tak che chuan an rawn be mai ang che" a ti a....
Sawi ngaihna pawh ka hre tawhlo,mi vin hrep ka thiam silo..phone chu ka cut leh ta ringawt a..
Ka haw chu ka nu chuan zanriah a lo peih thlap tawh.
Ka unaunu nen chuan arsa ei hnem zawk nih inchuhin duhthawh tak maiin kan thlengah chuan kan suak a.
"Naupang chhia pawh in nih tawh loh kha,duhtawk ve em em rawh u" tiin ka nu chuan min rawn hau a.
Ka u chuan,"Ka pa pawhin eitur a nei dawn hleinem" a tih chuan ka pa chuan lo chhang lêt nghal vatin
"Kei chuan buh leh thlai chiah a ni mai" a rawn ti a.
K nu chuan,"Min biak that loh chuan engmah i ei kher lovang" tiin ka pa chu nui deuh reuh hian a melh a.
An hawiher atang chuan vawiinah ka pa nen inhauhna tenau neiin ka nu chu thiamlo zawk a ni a,ka pa chu thlem deuh reuh a tum a ni ngei ang tih chu ka hre thei mai..upat lamah pawh ka nu leh pate hi chu an duhawm asin aw..
Zanah chuan ka phone a rawn ri a,contact list a bo vek avangin tu number nge ka hre theilo..
Call chu ka pick a,
"Tunge aw"
"Mika"
"Nang hi ka phone lo chhartu bawk kha mi i nih a?"ka ti nghal vat..
"I mutchhuak aw chu a cute reuh lutuk" a la rawn ti ..
Rang takin ka tho va,"Hey,ka mu lo e aw" tia ka chhan zawh chuan call chu ka cut leh hmak..
Zingah chuan min lo call leh a,
"I tho ve tawh em?"
"Tho tawh,tunge i nih insawi vat la nimai" ka tih lai chuan ka nu chuan chhuat a nawh mek lai chuan ka lo dip deuh avangin awm sawn turin min ti a.
Phone atang chuan chu pa chuan min lo nuih a,"Awm sawn ta che,a chetna tur dalin ilo awm anihkha"tiin insum tum tak maia a nui thawm chu ka hre thei a..
Tunge a nih a,tunge a hming,eng class ami nge a nih tih te chu ka zawt fo thin a,thuruk anih thuin min chhang zel a.
Kan inbe chho zel a,chuti em ema sual pawh alo ni biklo..mahse a chimawm let tawp hi a nimai.
Tlai khat chu a hmel awm dan hriat tumin a lem ka ziak chhin a,a mit awm dan te ka zawt a,mithmul a tam a,a hmui awmdan ka zawh phei chuan a sexy zia hlir a sawi ..ka mitthlaah chuan a hmelthat hmel lutuk....
"I ziak zo tawh em?" tia min rawn zawh chuan ka lem ziahlai chu ka en a,cartoon hlang a ni ringawt..lem ziah ka thiam hleinem..ahmel awm dan hriat chak vang mai maia ziak kha ka nia..
"In in an vak hmel loh " tih bak chu chhan ngaihna pawh ka hrelo.
Hmu ve se chu min thing nawk nawk duh ang chu....
Nipui chawlh lai a nih avangin tunge a nih hriat tuma han chhui vak pawh chu a harsa a,inhmuh puia sawm pawhin school tan leh hunah chauh inhmuh a duh thu a sawi thin a..Kan inhmuh hunah eng ang thilpek nge dawn ka duh ang tih te min zawt a,kei chuan pangpar ka ngainat thu in ka chhang a.
Nipui chawlh chu zo thuai se ka ti ngei mai..
A ngainat awmin amah be lova awm chu awm thiam a har thin..
Mahse,a hmel vawikhat pawh ka la hmu hauh silo.Min bawl mai maiin min fiam kual mai mai te lo ni ta se..mahse min biak dan atanga a mizia ka ngaihtuah chuan mi rilru tha tak chu a ni si.
Ka birthday pawh a lo thleng ta reng mai..ka phur hle a ..mahse Aya leh Akemi te bak ka kawm ngai meuh loh avangin an ni lo chu sawm tur pawh ka hrelo .Mahse,nipui chawlh hmangin an chhungte nen an zin daih si a.
Tlai lamah chuan candle chhem hlum tur chu awm mah se,ka nu leh pa te an inhauh buai deuh avangin nuam takin ka piancham pawh ka hmang ta lo.
Min rawn call thintu chuan min lo call hun pangngaiah chuan min lo call leh a.Ka birthday ka hman nawmloh zia te chu ka hrilh vek a..
Ani pawh chuan min hnem a,"Naktukah school kan tan tawh dawn a,kan inhmuh hunah kan lawm dawnnia,tlai tawh dawn viau mah se" a ti a.
"Inhmuh maw,tak tak maw ?Ilo kal loh leh si vaih.." ka ti a,ka phur ru lutuk chu ka au chhuak hial dawnin ka hria ..
Celebritiy pawh ni hlei lo,ti nge i phur hlut a????tiin keimah leh keimah chu ka in dem leh hnuhnawh vel a....
A tuk zingah chuan hma takah min rawn kai tho va,"Tho rawh ,i tlai ang e" a rawn ti a ..
Ka tho chhuak chu a lo tlai deuh tawh a..
"Tukverhah khan han dak teh,a mawi ania" a rawn ti leh a..
Ka va dak chhuak chu van thiang kûk maiah chuan thlawhna khu a lo zam phei a.Air Bus khu ni awm tak a ni.
Van thiang kûk nen chuan an in hmeh hle mai..
"Thla la ve rawh,ti hian kan inhmuh hunah kan in hre thei dawn alawn" a ti a..
"Awle,kan la ang e" tih pah chuan thla chu ka la mawlh mawlh .. .
Ka school kal tur chu ka chhuak hma ngang mai.Make-up hman ve ka duh si a.Aya chuan school-ah min chei a,
Akemi chuan,"Chu pa chu hmuh i tum tak tak ami,lo chhe viau ta se eng tin nge niang" a lo ti chûl mai.
Aya lah ka lan mawiloh hlauvin a phe sek bawk a..
Min chei zo tihah chuan message ka dawng,"Swimmingpool bulah lokal rawh" tiin min lo call thintu ngei chuan min rawn text a. ...
Ka zam deuh thut,ka thinphu te a rang si. Engmah sawi hawtlo chuan pool lam ka pan nghal a..
A sirah chuan ka ding reng a..
Reilote hnuah chuan kan misual,sual hmel deuh Nozomu thianpa sam var kha a lo kal....
Nî dang ang lo takin min lo nuih sen sen a..kei chuan ka hrelo der hmak a,lehlam hawia chulai hmun atanga kal ka tum chuan ,sam var pa chuan ka banah a lo vuan chawt a..
"Mika,Hiro ka nia,hei i ta tur" tiin a kut hnunga a thuhrûk pangpar chu a rawn phawrh a.Min pe ta mai. Chu pangpar chu mawi pawh a mawi hle bawk a ni.
Mahse,"Nang hi,nilo...nangmah i ni lovang"tiin ka tawlh hnung hret hret a.
"Keimah ngei ka nia lawm," tiin a phone chu a rawn phawrh a,thlawhna khu zam phei nalh tak mai,tukin zinga a thla min lak tir te kha a lo nei ve a,thlalak te chu min hmuh a..
Mahse,ka la awih thei chuang lo,a sual hmel ka lo tih em em thin kha phone call-a min be thintu,thinlung ngilnei tak nei kha a ni a..eng tin nge amah a nih theih zawk le..tiin ka rilru chuan ka ngaihtuah neuh neuh va..
A pangpar ken lai chu lak pawh ka laksak duh lova,"He pangpar hi....he pangpar hi a vuai lutuk"tiin ka tlansan ta nghal daih a..
Classroom-a ka lut chu ka thiante pahnih chuan tunge a nih hriat chak tak mai hian min lo zawt chung chung a.Ka ngawi deuh vang vang a,a hnuah chuan,"Hiro a nia,Nozomu thian kha"ka ti ta a.
Akemi chuan,"Mahse,Hiro te chuan school dangah bialnu a nei an ti asin"a rawn tih zeuh chuan eng tin emaw hian ka awm deuh thut..
Ni e,kha thîkthu chhiatna ngei kha a ni.
School banah chuan Hiro chu ka hmaah hian lang pha deuh chang chang hian ka hmu thei a,hmanhmawh takin a kal a,eng emaw hi a khai a,kei chuan engmah pawh ngaihtuah lo chuan ka va zui a.
Ka thil hmuh chu le(h),avan mak thin êm,he pa hi..mak deuh deuhin ngati nge a chêt le ..
Pangpar huan ah hian kha pangpar min pek a tum kha a lo phun tha mek a,lei tha a khai lai chuan a lo vurh mawlh mawlh bawk hi a lo ni a..
"Hetah hian eng nge i tih a" tia ka biak chuan ka awm ve tih pawh lo hre miahlo ni awm tak hian,mak tih hmel zetin a rawn hawi a,min nuih leh ver ver a..
"Ka pangpar pek che kha,a vuai i ti sia,tha deuhin ka chawm ang a,mawi deuha a par leh hunah chuan vuai hmel pawh a pu tawh miahlo ang" a ti a.
Amah ka en reng lai chuan,ka chhipah hian min lo chûl a,a nui leh ver ver a..
Bialnu a neih leh neih loh chu insum zo lovin ka zawt ta ngawt mai a,ani chuan,"Nei thin e,mahse tunah chuan ka nei lo" a tih chiah chuan ka thinlung chu a hlimin a nui ver ver mai hian ka hria...
Pangparte chu tui a pe a,a phuh seng seng a,chutih lai chuan chhimbal a rawn zam a.."Enteh Mika,chhimbal khi..i birthday present a nih khi" a ti a,min rawn melh pah chuan a nui leh deuh suk..
Chhimbal mawi leh duhawm tak a ni.
Hiro lam ka han hawi chuan ,a sawi ang chiah kha a ni,a hmui pawh a sexy viau mai..
Min rawn en leh a,pangpar tui a pekna chuan min rawn theh huh seng seng a,
Kan pahnih chuan kan hlim dun nasa ....
A ni kha lo tawng lo ila chuan van te khi an mawizia ka thlir ngai kher lovang le....
To be continued....,
He story hi episode neih tir dawna tawi si,neihloh tira short story atana sei ve deuh si a nih avangin a part-in ka thren a..
Movie-Koizora film,Japanese novel lar tak Mika ziah a ni a,a behchhanin ka rawn ziak a,a pawi em lovang chu maw....
Min lo chhiarsak ve avangin ka lawm e..ads kha khawngaihin click ve rawh aw
Based on Koizora(Sky of Love)