I'M GONNA HOLD YOU(COMPLETED) SHORT STORY

Story tawi te te emaw luanliamna emaw post na
tetei velez khiangte
Posts: 136
Joined: January 16th, 2022, 6:49 am

I'M GONNA HOLD YOU(COMPLETED) SHORT STORY

Unread post by tetei velez khiangte » May 25th, 2022, 6:51 pm

HE STORY HI KA UNAUPA KA NAU DUHTAK BIRTHDAY PUALIN KA HLAN A,CHUAN BOARD PASS THAR TE TAN KA HLAN TEL BAWK E,CHUTIH RUALA PASS VE TA LO TE PAWH HNUAL MAI LOVIN A AI THA A TIHNA CHANCE IN NEI TIH HRIA ULA,VAI FILM AH PAWH CHANGTUPA TE VAWIKHAT NAAH AN CHE THA NGAI LO ANIA.


I'M GONNA HOLD YOU (COMPLETED)



Ka bula ţhu chu ka ngheng deuh ar ar reng "Kan chawl rei tawh lutuk kal tawh ang" a tih rual chuan a tho daih a ka tlu deuh pawp "Ana lutuk ka lu ka tauh" ka tih chuan rang tawkin ka lu chu a rawn tuai nghal vut."I tho thut zela I mawl e mai a"ka tih chuan a nui suk duh chauh."Vanrengpui nui re re suh ka lu a pawn vaih chuan hre rawh I chak dawn lo nia"kan tithla ve rawk engtin mah ka ti dawn lo tih a chiang ve em bawk a ni.





"I chawlh tawh hian chawlh hlen tum thin suh,tho la kal ang"a rawn tih tak ah chuan keipawh ka tho vat."Assignment atam kha aw I tih theihnghilh chuan an hrem dawn che nia"tiin inchhung ka luh hma chuan ka hrilh malh malh. "Ka hria lut teh,ninawm hlek hluk lutuk"a ti hluk."Naktukah min rawn sawm theihnghilh re re suh ang che I hria em?"tih pah chuan kawngka hawngin ka lut tur chuan ban ka vai khum lauh lauh a ni pawn a lo vai ve tho.







Tirza Hmangaihzaui ka nia,tunah class 12 ka zir mek bawk. Samuel Vanrengpuia hi ka thian tha ber tiin ka sawi thin mahse,tunah chuan thian ang chauhin ka en tawh lo. Engtik lai tang khan nge mipa anga ka lo en tan?pawh ka hre lo,a bula ka awm hian a hriat chhuah loh nan nasa takin ka inthup ve.Ka inthupna hi ala hlawhtling tluangzel niin ka ngai bawk.





"Nu ka chau"tih pahin inchung lama ka room ka pan ka rual,kan unau hi pathum kan nia a milai niin ka u chiah hi mipa a nia ka nau chiah hi hmeichhia a ni thung.Ka nu leh pa te hi khawvelah an tha ber chu ka ti thei hauh lovang mahse ka tan chuan ka khawvel an ni a,ka tan an ni ai tha an awm chuang in ka ring lo








Zanriah kan eikham hnu chuan ka pa te bulah chuan ka thu ve reng. "Bawihte thingpui min va lum teh"ka pa in a rawn tih chuan tho vatin kitchen lam ka pan phei nghal. Ka pa hi chuan chaw eikham thingpui hi a in va ziah,bawnghnute pawlh tih vel ai chuan a sen hang leh kurtai a hmeh ziah zun te hi ala cheh thin te hi ka ring.Ka pa thingpui ka pek zawh chuan ka room lamah lehkhazir turin ka chho hnak hnak.






Lehkha zir hi ka hobby a ni teh chiam lo chu ni e,ka lehkhabu hmaah te chuan kan thu ve ren rawn thin nangin zirlaibu ka hmuh hian ka mut hi a chhuak tlat nia. Ka zirlai bu vel chu ka hmaah kan chhawp ve ren rawna phone hipna lam a na leh tlat pek.Hlimi ka be leh phawt a ni hi Samuela ka duh tih min hriatpui tu awm chhun a ni.







Vawi tam Hlimi hian Samuela hi ka duh tih hrilh turin min ti thin mahse min duh lo ta se kan inthian thatna hi a chhiat ka hlau ve bawk si in ka hrilh ngam thlawt lo a ni.Hmeichhia hmangaihna lama huang tau leh kan duh te ngei kan duh a ni tih hrilh tawp ngam ang hi nih ka chak ve lutuk."Samuel chu ila hrilh lo tihna mi?"lehlam atanga a rawn tih chuan "Ka ngam lo,Hlim min duh loh ka hlau"tiin ka lo chhang let vat.







"I hlauhna te hi hnehtum ve rawh Hmangaihzau"a rawn ti deuh that kan inbiak tawh hi chuan vawikhat tal hmingpumin min ko ziah."Ka dah lehkha zir ka ngai"tiin ka dah zui hmiah. Assignment te ka tih zawh a ka mut dawn meuh chuan dar 1 a lo ri reng tawh.Men rei chu chal a bawl duh nih loh pawn hmai a bawl duh tiin ka meng rei ngai lo,zanin hi ka men rei ve ber tum a ni ngei ang.







Zingah ka nu in dar 5 velah min rawn kai tho leh nen ka mit men chu nuam lo tak a ni.School kal tura ka Insiam lai chuan Hlimi thil sawi kha ka ngaihtuah "Tha vek e"ti supin inhnuai lam ka pan thla."Nu Vanrengpuia a lo la thleng lo em ni?"tiin ka nu kitchen lama awm chu ka au lang lang. "Lo la kal lo bawihte"a rawn tih chuan darzat ka en a tlai tawh viau mai si.








"Nu ka kal anga lo hrilh mai rawh aw a lo kal chuan"tiin lung muang zan lo chuan ka kalsan.School ka thlen chuan Hlimi chu gate bulah a lo ding vang tawh."Khaia khawnge I Samuela?"a rawn tih chuan "Ka hre lo,a lo kal har lutuk a"tiin a bulah chuan ka thleng phei zui mai."Saw tu nge a bul a mi saw?" a rawn tih chuan rang tawkin ka hnunglam ka hawi.







Samuela leh hmeichhe pakhat a bula lo kal ka hmuh chuan ka na, hriatthiam si loh hian min vit sawk sawk tu awm ni mai hian ka hria ka tawt up up bawk."Hlim lut ang"tiin Hlimi banah vuana kal pui mai ka tum chuan a ding tlat."Hlimthangpui kal ang ka tih chu"ka tih vak chuan min rawn enin "Hmangaih tunge a nih i hre Chiang phawt dawn lo mi"a rawn ti sup."Ka hre lo,ka ngam lo"ka ti niaih.







Hlimi nen kan inhnial chhungin Samuela te pawh kan bul an lo thleng hman."Hmangaih"a rawn tih thum dut chuan ka mittui parawl chu tuai fai vatin a lam ka hawi nghal."Min ko mi"ka tih chuan chik zet chuan min en reng."I tap a mi?"rawn tih leh ka bianga rawn dawm a rual."Ka tha a mim ringawt alawm"tiin a kut chu ka dah thlak sak."Ti nge min lo sawm loh a? Chuan Tunge heihi?"tiin a bul a ding chu ka melh pah zauh.







"Ni tak heihi Lalthansangi ,Sangsang tiin inko mai dawn nia vawiin tang school a rawn join ve dawn a"a tih chuan ka thaw huai thei."Chuan ka bialnu a ni bawka"a rawn tih leh chuan ka thawk huai chhung chu reilote reilote tak tak chauh a ni."Engtik lai khan nge bialnu I neih mahse engtin"ka ti bah deuh niaih."Nizan khan ka duh thu ka hrilh a"a rawn tih chuan ka melh ngawt ngawt reng.








"Hmangaih ka zun chhuak lutuk kal ang"tiin Hlimin min rawn pawt hrang nawlh chu Samuel chuan hriatthiam loh hmel fe chuan min lo melh. "Kan kalpui lawk ange"tiin ka nuih khum sak.School toilet kan thlen chuan ka insum zo tawh lo chu ka tap chhuak hawk Hlimi chuan ngawi rengin min lo en reng.







"Hmangaih I zia tawh em?Lungngai duh re re Suh I tana khuanuin a ruat a ni lo a niang"tih pah chuan min kuahin ka hnung a chul heuh heuh."Khuanu khian ka tan ruat a nei lo nge khuanu ruat ka hmu thiam lo zawk,a ni chu hlim deuhin a awm anga,mahse,kei hian a hlimna leh lawmna ka tawmpui ve thei awm si lo"tiin ka insut hlawp
hlawp.








"A tha vek alawm,hma lam pan tum la I tan a ruat tur dik tak chu ila tawng ve mai ang"a tih chuan ka ngawi reng.Hringnunah hian kan duh zawng zawng engkim a thleng vek thei lo,mahse kan tawn chinah hian pawm thiam kan zir ve angai a ni tih hi ka hriat chian phah zawk .





"Hei boby zanin chu kan inah lo lengla ka u a lo haw dawn a"tiin classroom kan luh chuan Samuel chuan a lo ti.Ka hming hi Tirza tih a tumin ka duh si loa a nin Hmangaih tia min koh a duh miau si loh avangin Boby tiin min lo tawp thin.






"Sam ka van hman loh hmel"ka tih pawh chuan "Ka lo hruai ang che"a ti talh tho a bula Sangsangi awm pawh chuan "A hman loh chuan ti lui lo mai rawh"pawh a lo ti ka hre reng."Ka lo kal ang aw ka u in a hmu chak che"a tih luih tlat vang chuan aw ka pawh leh ta nge nge.






Zanah Samuela chuan bike in alo kal thu min rawn hrilh a lo thlen chuan thu khawmuang hran lovin kan chhuak zui an inlam kan pan tlang nghal dawn a maw tih laiin an inlo lam pengah min tlanpui."Sam khawnge kan kal dawn a"ka tih chuan"Ice cream ei lawk ang"tih chiahin min chhang.Ice cream dawr te chu an in panna lamah a awm tih pawh ka hre ve reng mahse ka hnial buai hran lo.






In awmna a fal deuh hnu chuan a bike khalh lai chu a ti ding thutin ka va tauh chawrh."Eng nge hetah kan tih dawn a?"tih paha ka chhuk chuan "Thil sawi pui duh che ka nei a"a rawn ti sup."Umm sawi la eng nge ni ta?"tih paha ka melh ran chuan "Sangsangi nen kan inngaihzawn hi pawi iti em?"a zawhna rawn zawh daih vang chuan ka hrethiam lo chu ka ang pham ringawt ka rilru chuan'pawi ka ti, inngaizawng lo Ula ka duh'ka ti mawlh mawlh mahse ka tan sawi chhuah a rem lo sawi chhuak ta ila a chhan min zawt vek awm si.Engtin nge ka chhan anga?Engtin nge ka insawifiah ang? ka hre lo a ni .







"Pawi na a awm a mi?"ti bah niaih pah chuan ka hma mi chu ka melh ralh a nin Chik zet chuan min lo melh chhuk run."A hma angin ka ngaihsak thei tawh dawn lo che,I bulah pawh ka awm tam dawn lo tih I hria ti raw"a tih chuan ka bu nghat mahse ka duh lo ka bulah awm tam se la min ngaihsak reng se ka duh atana hlimna lam pan turin ka duh na leh duh lohna a inchen reng."A tha e,I thuthlukna ah hian min dem Suh aw"a ti leh sup."Ka inchhir lo ang"tiin a thawveng thei tur ang ber chuan ka sawi.






"A nih chuan kal ang"tih leh a bike a chuan a rual."Khaia Hmangaih ilo kal thei maw,kan Samuela hian a lo accident pui ang che tih kan lo hlau lutuk a"UChhuani chuan nui sang chung chuan alo ti var."Kan lo thleng hram a nih hi"tih pah chuan an awmna lam chu ka pan phei.Kan thlen hnu atanga ka haw dawn thleng pawn Samuela chu ka hmu tawh lo Uchhuanin min thlah phah tawp bawk.







Canteen a Samuel ka hmuh chuan ka Lama lo kal turin ka ti mahse Sangsangin a banah a lo vuan chawt a ka bulah rawn kal lovin lehlamah a peng daih chu ka lo en reng.Ka thuthlukna vangin ka thianpa chuan min hlat phah tawh dawn tih reng ka lo ngaihtuah Chiang lo.








Samuel nen pawh kan inhmu tlemin kan inbe tlem sawt hle,a hma angin kan inpawh tawh lo .Engkimah a bialnu a rawn hmasak angai phawt thin.Kan inbiak hian Sangsangin a lo thik zel a ti bawk sia,min bia a nih loh chuan ka be ngai tawh lo mahse ka tana ruat a nia nge ka theihnghilh na hunah hman tumin nasa takin ka bei mek zel chu a nih hi.








Kum a liam meuh chuan Samuel nen pawh hmelhriat lo ang mai kan ni tawh.12 ka pass hnu in ka chak ber lam nurse training ve tanin Mizoram a nurse zirna tha nia an sawi Falkawn lamah ka training ve tan mek bawk.






Ni Leh kum te a vei chho zela kum thum lai aliam leh tawh tunah chuan keipawh nurse zirlai ni lovin nurse puitling ka ni ve der ta hun lo kal chak zia kan hre fiah uarh uarh a ni ber e.





Keichuan ka huai loh avang leh tum hmasa lova ka beidawn San mai vangin ka hmangaih hmasa ber ka chan a,eng nge a zir a tunah eng nge a tih ang tih tak ngial pawh tunah chuan ka hre tawh lo. A hmaa a tum dan kha chuan college kal lova an Company a hnathawh a tum kha a nia.






Tunah hian private hospital pakhatah ka thawk mek,hna a Tam ve thei khawp mai.Nurse hna thawk tur chuan ka hriat chhuah chu zaidamna leh dawh theihna neih a pawimawh hle tih hi ani.Mi chi hrang hrang kan dawra a then chu a thin a chhe ve hle a then erawh chu mawlmang ve tak an nia ze in ang lo theuh kan dawrh thin vang hian kan zia kan thlak ve hret hret a ngai thung.








Doctor Zothana zuiin ward ka fan pui,Doctor Zothana hi ka thawh mekna hospital neitu a ni bawk.Thil tihna velah kan thawh dun theih em avang hian min sawi duh hlawm tawh hle.Inpawh hle mah ila u angin ka en a,a nin nau angin min en bawk.








"Hmangaih doctor Zothanan a cabin ah min lo hmu rawh se a ti che a"tiin ka duty pui Nghaki chuan a rawn ti."Aw lawk aw, heihi kan ziak zo lawk ange"ka tih chuan a kalsawn leh nghal."Tinge mawn le min koh deuh thutni"ti niah niah chungin kawngka chu ka kik nghal karh karh.




Lut tura min tih rual chuan kawngka hawngin"Min hmu duh deuh a mi"tiin ka lut zui ve mai bawk."Doctor min ko ami"ka tih chuan "Kan pahnih chauha awm lai chuan ka hmingin min ko ţhin rawh ka tihkha"tiin ka Zawhna nen inperhsan lutukin min lo chhang daih.







"A har ve Alawm"ka tih chuan a lo chek zui tlak mai."Kha heihi la rawh"tih pah chuan present box ni ngei tur chu dawhkanah a rawn dah."Eng nge heihi"ka tih deuh ha chuan "Thu phawt la"tiin a nui var var a,keipawh chair lo awmah chuan ka thu zui ve mai.







"Chuan hna I buaipui leh lutuk a,nangma tana ni pawimawh I theihnghilh ta daih tihna ni maw"a rawn tih te chuan ka hrethiam lo leh zual lutuk."Avabuaithlak ţhin tak aw Hmangaihzau Happy Birthday"a rawn ti ta nge nge.Ni tak vawiin hi May 25 a ni tak e,ka piancham engtin nge ka lo theihnghilh theih zawk ni a.







"A neitu zawk pawn ka hre si lo a,engtin nge I hriat a"ka ti hehaw "Nia nimin khan documents ho vel ka en naah ka hmu a"a rawn ti ta nge nge."Mahse thilpek hi min pek kher a ngei hleinem maw le"ka tih chuan lo ţhen deuh sak in "Kumin I piancham hi I tawngnawn tawh dawn lova chuvang hrim hrim pawn kum ina thil pe tu che nih ka duh Alawm"a rawn tih chuan nuih var var in "A nih ka lawm lutuk e aw"tih pah chuan gift chu lain ka hawng nghal rak rak.







"Awi ka duh zia hi a mawi lutuk "ka ti chul a,ka hma mi lah Chuan a ri meuh in min nuih nghal hawk hawk.Hoodie a hringduk tak lam rawng kai lek lek a nia,amah chu a plane deuh tawp a ni mai mahse Thil reng reng ni buai ai chuan Simple deuh hi a nalh in a chul har ka ti zawk a ka ngaina zawk bawk.







"Chuan engtin nge vawiin hman I tum ?"a rawn tih chuan ka kawr in teh lai chu thlep fel pah mawlh mawlhin ka hawi chhuak a "Ka hre lo"ka ti pah bawk."Nih chuan dinner min ei pui rawh aw"a rawn tih chuan ka en reng .Kum thum chhung chu ka piancham ka lawm tawh hauh lo."Nia kan tum dawn nia"ka tih chuan "Banah min lo nghak dawn nia aw"a tih chuan "Aw le"tih leh chhuah ka rual .




Tlaiah chuan Doctor Zothana chu hospital kawtah ka lo nghak reng .Horn a rawn pek takah chuan keipawh nui var var in ka lut zui ve mai.Kan tlan chhuah hnu chuan Hotel changkang ve tawk tak tunhnaia an din tharah chuan min hruai lut."Tan thu la"tih leh ka ţhutna tur lo pawh tawk chu a rual.







Dinner kan ei dun mawlh mawlh lai chuan thil hriat chhuah nei ni awm tak hian "Ni tak"a rawn ti hluai."Eng nge a"ka lo tih haw chuan "Karthar chu hna ka lo kal dawn lo a,min lo ngai lutuk lo la aw"nui var Vara a tih chuan "Ka ngai nguarh ang che"ka tih khum vak "Ti nge I kal thut dawn a"thutak zawka ka tih leh chuan min chhan hun nghakin ka lo en kar."US ah ka hna vangin ka kal lawk ang,Feli tlawh pah a ni mai a"a tih chuan ka nui vur vur.Feli hi a bialnu niin doctor an zir lai atanga in ngaizawng niin a sawi .






Inneih pawh an tum hnai ve tawh viau chuan ka hria."Ni maw nih chuan UFeli chu min lo biak ngei ngei rawh aw"ka lo tih let ve chuan a bu zauh."Ei rawh kha a dai ang"a tih chuan spoon chu la in eitur ka ei tur ka ang chiah chu phone flash light lo eng vang chuan ka chawl leh rih."Eng nge I tih kha"sawi si fiah faka ka tih chuan "I thla ka la"a ti Sam et .







"Ka thil ei tur a nih kha chu loah inrin pawh ka inring lo"tia ka sawi zawh hma chuan min lo pawt chatin "Thlalak Naa I lan tawh ber te chuan I inring a ni tawh mai lawm"a rawn ti deuh leh zung zung."Delete ang che"thu pe aw taka ka tih chuan "Feli ka hmuh dawn lawm delete mai mai tur chuan ka ui"chimawm tawk chuan a rawn ti leh hram.









"Delete rawh ka tih chú"ka tih deuh that chuan inthlahrun na in ka khat nghal hotel chhunga awm ho chuan min lo en deuh ţhap mai.Ka inthlahrung lutuk chu hnuai lam ka bih thla ruai ruai.Ka bul ami lah chuan min rawn nuih tut tut mai.Ka va han Zak teh kher tak aw.









Hotel atanga kan chhuah hnu chuan ka kalpui pa chu rum mang khengin ka melh nghal rawm rawm ala hmu lo der tlat lehnghal."Zothanmawi min ti Zak lutuk"tih vak pahin a banah ka sik nghal hlawk."Ana"a rawn ti ve ta nge nge




"Ka thiam loh pawh a nih loh kha I duhthu in Alawm le I au min mawh puh ringawt suh"

"I thiam lo a ni reng,nge ka thla I lak thawt thawt"

"A ni lo ka tih chu maw le"



"A ni reng tlangval Se(senior sawina) kai pha kha ini ve tawh sia engtin nge maw I fin huih theih bik le"ka tih chuan a chek zui tlak tlak."Ka se(senior sawina) kai te zawng ala ho lutuk nangpawh hei Ti hi chuan Nula senior fir zet mi ten an rel duh deuh ila ni lovang tih tu nge sawi thei"nuih za aw deuh a a tih chuan thip tawkin ka lo melh.








"Ti phei kha chuan ka Chiang zual"ala rawn ti ta deuh deuh keipawh ka lo nui tawp."I over"tih bak sawi theih pawh ka nei lo ka hnial hneh ngang thin lo chu a nih ber hi.









Doctor Zothana pawh a sawi ang ngeiin kar tir atang hmuh tur a awm lo nghal.Doctor te zinga min chhawn chhaih peih ber tu a nih vang te pawh a niang lung a ti leng ve riau mai.









"Ava mak e aw ka tha vek enkawl ka ngai lo"ti bul bul thawm kan hriat chuan Nghaki nen kan tlan phei dun vat.Tlangval pakhat a hmelah chuan ala upa lo tih hriat tak mai,khem deuh sung mai ,a mit meng a rum deuh ul a ,a ke chu a kak deuh bawk ni ngei tur a ni a kekawr chhan atang chuan thisen a rawn chhuak thei hial.








"Ka pu,awm tha la I hliam hi kan tuam phawt anga chuan nangmah pawh kan en fiah lawk ringawt dawn che lawm"zaidam taka ka tih rual chuan "Pu rual ka ni lo"a lo ti deuh hluk."a nih tlangval a ni mai"ka tih chuan za lo lutuk in a nui chhuak hak.





Ka thin ter tek a chhuak dawn tak ngial in ka hria ka kut chu ka hum ruh vak tawh."Ka tha ka ti Alawm enkawl ka ngai lovang damdawiin hi damna tak tak pawh a nih ka ring teh hrep lo"tih pah chuan a bul dawhkana no chu la in a paih nghal pawp.He mihring hian zahna a nei thlawt lo a nih hi a.





"I Zak Miah na nge damdawiin hi damna hmunah ngai ve lo mah la mi tamtakin beiseina nen an pan asin,ni e mi tam tak chu chhan theih lohvin an awm a ni mai thei mahse dam chhuak pawh an awm ve tho asin"ka ti nghal tan tan.Sawi tur a hre tawh bik lo te pawh a. Niang a ngawi nghal kar mai.





"Tah khan thu la,I hliam kha en tir nghal rawh"thupe aw tak a ka tih chuan a thu ve zui mai.In her in ka kalsan nghal nal nal.Ka duty na hmun ka thlen chuan boruak kham lo ni awm hrimin thawk ka la nghal kawk kawk.






"Nichin kha chu I bawn thlawt"nui vur vur a tih pahin Lawma chuan a kutzungpui a rawn ti pir vah.Ka lo khi deuh suk ringawt,Lawma hi kan doctor thawk thar a nia amah hi ala junior ve lutuk a,an sawi dan chuan kan inrual a ni awm e.Doctor ah chuan a naupang pawl a ni hrim hrim ang .Kum
Naupangte in school alut an tia chuta karah pakhat na a ni chho zat zat bawk tiin ka thawhpui dang te ho chuan an sawi.






"Lawma I lawm a ho"ka tih chuan a ner nghal nang.Kei aiin a thla in a upa a min nau chei em em lehnghal.Tlai lam deuh ah chuan ka haw tur ka Insiam malh malh tawh chu min lo ko an awm avang chuan ka thil pack chu ka chawl dat.Ka leh hawi chuan Doctor Melody in min lo ko reng chu niin .







"Nichin chhun lama I dam lo vin deuh hrep khan a hmu duh che"a rawn ti deuh fak fak.Thu te hi zawng Ava han thang chak tak em ka vin laia awm Miah lo pawn hei ka vin tih a lo hriat leh der tawh hi.Kan mizo society ve te zawng a tha lam in theh darh sak vak vak ai hian a chhe lam hi kan theh darh chak zawk chu a nih hi







"Haw ka tum tawh asin"ka tih dek dek rual chuan "Va hmu vat la a nih chu"thupe aw lutuk chuan a rawn ti leh.Nghaki ka bula ding pawh chuan a hriatthiam loh hmel khawp mai.Hnial chi a ka ngaih tawh loh vang chuan haw ka tum tawh chu ward lamah ka kal leh.Doctor leh nurse ward fang ka hmuh chuan a awmna lai ka zawt nghal.Mahse ,cabin lamah a in sawn thu min lo hrilh.








Tu tak chu ni ang maw tiang khawp a min tih buai mai hne awm lutuk.Keimaha ka kal pah chuan ka phun pah bul bul.Ding lawkin ka thinrim chuan ka ke ka per leh tan tan thin ,Hetiang hian min ti buai dawn tih hria ilang chuan ka awm luih tir Miah lovang.







Kawngka chu hawngin ka lut zui mi ze tha pawh ka chhuah buai peih tawh hran lo."Eng nge I sawi duh"ka ti lut nghal thawr chu a nuih ka ti za ni ngei tur a ni alo nui suk suk mai.Nuih na tur kan hmuh ve loh teh reng nen hian."Nangman min enkawl ang"a rawn tih rual chuan "A teuh lo"ka lo ti vat.







"He damdawiin VIP ka nih hi"a tih leh chuan "VIP pawh Nila a theih loh,ka duty a ni lo"ka ti let ve hmak."He damdawiina min awm tir tu I nih hi chuvang chuan pawm mai rawh". A tih pah chuan a kiai deuh suk ."A nih chuan chhuak Leh mai ta che"ka ti va hmak.Miin min thunun an tum hian ka duh lo thin ka ngai thei hauh lo bawk.









Ka haw hnu chuan Hlimi ka call nghal tun hnai ka call khat zia ka hre chiah bawk.A rawn la chiah chu"Induhnu eng nge min lo biak I tum Miah loh a I Zak nange"a rawn ti erh mai a ni pawn min lo call a tum ngai bik tawp si lo a."Nangpawh min lo be hmasa ngai a mi"ka tih lah chuan chhuan lam chu nghah tak a ni.







Rei mawi tawk kan inbiak hnu chuan kan dah ta hram.Zan ka mut naah te thleng chuan kha pa mawlh kha ka la ngaihtuah a thu hnuaiah mi zawng zawng dah a tum a ni teh chek anga.






Hospital ka kal leh chuan Doctor Melody chuan lungawi zan lo tih hriat lutuk hian min lo melh deuh kar mai."Lalhruaizela saw nangman en kawl ang che"chang lutuk maia a tih pah chuan a ner nghal nang."Mahse Doctor"ka tih lai chuan min lo pawt chatin "Chu chu thupek a nih chu"a rawn ti leh.









Ka peih lo lutuk hi ka sawi thiam lo zawk mahni thu a duh hmel ropui si.A hming kha Lalhruaizela a ti tak e ,tianga dam lo enkawl tur an hrilh tawh hi chuan an personal nurse hi kan ni deuh tawp tawh zel.Cabin ka luh rual a a lo khik sawng te chuan chum hnang awl awl mai ka duh a.







Tum bur chungin dressings ka tih sak mawlh mawlh."Khaia dam lo I melh hlum thei ang a"a rawn tih chuan thip lutukin ka melh nghal hrak."I mit Avan ling Nasa vawt vawt ve,Tiri" 'a tih chuan A hliam lai chu ka hmehsak vak."Ai ah"a tih takah chuan inthiam lo leh deuh siin ka thlah vat."Engtin nge ka hming I hriat"ka tih chuan "Midang ka zawt"a ti Sam et "tu nge I zawh" ka ti let leh vat "Lawma"a lo tih chuan Ava han chak dawn lo tak hepa pui hi Tirza tiha min koh hi a hrat tlat heipawh a lo hrilh leh pek a niang chu."Hmangaih tiin min ko tawh ang che"ka tih chuan "Ka hmangaih si lo che a"Nghal lutukin a rawn ti.








Kar khat dawn lai chu kan inenkawl ve leh tawh a dam harka ti a taksa a chak hmel teh lul nen hian."Damdawi ei a hun"tia ka luh chuan tum loh lutukin Doctor Zothana ka hmu thut."Doctor nang maw"ka tih chuan "U heihi nih hi min enkawl tu Tiri chu" pakhat zawk chuan nui var var chung chuan alo ti.



"Ka ring rengah henu hi chu tuman an ngam lo ,damdawiin I awm hi amak ka tih tawh tehlul nen hian,mahse Tinge Tiri I tih a"a tih chuan "Lawman Tirzai a tia" a lo ti mawl tawp."Hmangaih ti tawh rawh a nalh lo lu lai lutuk Mama"tiin Doctor Zothana pawh chuan alo ti ka lo buk khum nghat nghat.







"Hmangaih ka nau hi lo duat rawh aw,ka neih chhun a ni tawh a nia,ka pa tih lohah chuan"a tih chuan ka lo bu nghat.Ka nau a ti a nih chuan Hepa inlak VIP na chhan em em chu kan hospital nei tute chhung alo nih vang a nih lek chu a.







"Min lo zui chhuak teh"rawn ti sup tu chu ka zui chhuak ve nghal."Ka nau hi damdawiin nei tute chhung a nih vang hian ,care vak Chuang Suh aw tih huam huam phei chu a duh lo,chuvang chuan Sawi darh lo bawk la,nang phei chuan I tlawn dawn hran lo tih chu ka chianga,miten an chung en a duh loh vang hian kan hospital ah hian a awm ngai lo Engvang a tuna awm nge a nih pawh ka hre lo ,Damdawiin bill chawi a tum pawn chawi tir vek ru aw"a rawn tih chuan Doctor chu ka lo en reng.






Ka ngaihdan ngawt kha zawng alo dik lo a nia nge ,mi hi an lan dan ringawt a teh thin loh tur an tih kha. Don't judge a book by it's cover an ti thin a ni lawm ni.






Ka luh leh hnu chuan vawiina a chhuah theih thu ka hrilh zui zat."Ka la haw peih lo damdawi dang min chawh belh teh hriau tel lo se a dik a ni mai"a lo ti zat zat."Duh duh damdawiinah a awm reng theih loh"ka ti ve hmak."A nih I number min pe la"a tih chuan "Nahi"uar fe chuan ka lo ti "Yahi"kei ai uar fahran chuan a lo ti ve leh."A nih ka u ka dil dawn nia"a tih chuan ka ngaihsak zui tawh hran lo.Tlaiah chuan Hruaizela pawh chu a chhuak ve ta hram a chhuah dawn thlengin ka number min la dil char char.









Zan ka mut dawn chuan min lo bia angem aw tih ka ngaihtuah leh hnu hnawh mahse a ka pe lo tak .A nih Doctor Zothana khan a pe angem le tih velin ka rilru chu a ti buai khawp mai.Ka phone chu ka en deuh chhen reng mahse Engthil mah danglam ala awm Chuang lo.Hlimi chu ka call leh ta tawp tum em em pawh ni lo in Hruaizela chanchin ka sawi chhuak palha min dawp.chhuak nghal vek thei.








"Hmangaih I duh a nih ka ring"a ti reng bawka mahse keichuan Vanrengpuia bak kha ka duh theih ka ring tawh lo bur thung."Hlim Samuela kha"ka tih chuan rawn thaw hawkin "Theihnghilh a hun tawh kum pawh a liam tawh tleirawl at lai a mi a nih tawh kha"a rawn tih chuan dik ka ti tho bawk.Kan inbiak zawh hnua phone ka en chuan Good night wish number hlang atang ka hmu nawlh.Seen ringawt in ka phone chu ka daha ka mu zui nghal.








Karkhat dawn lai chu Morning wish leh Good night wish ka dawng ziah tu chiah nge ka hre hran hauh lo.Ka mut dawn thleng a wish engmah alo la thlen loh vang chuan ka awm a nuam lo in ka kim lo riau in ka inhre tlat pek.Tunge a nih Chiang tak chuan ka hre lo mahse rindan chu ka nei ve.





Hna ka kal hospital ka lut tur chiah chuan Vanrengpuia leh Sang sangi lo kal ka hmu zui zat hospital kawtah chuan kan ding deuh ţhap mai.Inti neitu takin Sangsangin Vanrengpuia banah chuan a chelh deuh ran .An landan atang chuan an la inţhen lo a nih hmel.Mahse mak tak maiin keimah ah nuam loh tihna ka nei hran hauh lo.







."Ehe Hmangaihi chu nurse hna alaw ilo thawh tak daih a"tiin Sangsangi zawk chu rawn ţawng hmasa ah a tang Vanrengpuia erawh chuan min la melh ngar thung a hmel chu a chauh hmel ngawih ngawih."Nia nih ve hi"ka tih chuan nui tawi takin "A hlawh te kha I kham dawn em ni,a tlem viau lo maw"a rawn tih leh chuan Vanrengpuian "Ngawi rawh"a lo ti hmuk.







"Sum.hi Mihring dam chhan ber pakhat a ni lo,midang tana malsawmna nih theih hi hlu deuh mai asin"ka tih chuan a chal a ti chuar nang."Chuan Tikhan I la single kumhlun tihna mi,hei karleh ah kan innei dawn a, ţhian hlui hlui ber chi angin ilo kal ve dawn nia"a tih leh chuan "A single leh single loh chu ama thu lawm I inrawlh a ngai lo"Vanrengpuia chuan tiin ka lam lo hawiin "I lo danglam ta hle mai ,mahse a tha zawngin lo kal ve ngei I tum dawn nia" a rawn ti dam thluam mahse a hlim hlawl lo tih a mitmengah chuan a hriat theih.








"Rawn hruai tur I hriat chuan ilo hruai ve dawn nia,mahni chauh chuan hrehawm iti ang"tia hmusit taka Sangsangin min lo tawngkhum leh chuan .Ka darah chuan tu emaw in a rawn vuan.Hawi chho in "Nangmaw"ka ti haw min lo nuih.var var thung."Inthusawi kha ka lo hre hmana,lo kal ve chu kan tum dawn nia"tiin Hruaizela chuan Sangsangi chu a melh zui zat.Sangsangi hmel phawk lutuk pawh chu a nuih zatthlak zawk.










"Tunge heihi" Vanrengpuian a tih chuan"Ah"ka tih laiin "A bialpa ka nia ,Hruaizel min ti mai dawn nia"tiin ka data min kuah tu chuan a kut chu a phar chhuak vat pakhat zawk pawh Chuan alo chibai ve mai bawk ."Lut ang"tih leh min kaih luh a rual a, Hospital inchung zawl lam panin min hnuk nghal dat dat.





"Khapa kha I duh tiraw"kan thlen rual chuan a ti deuh hmuk"Tunge ti"tiin ka lo zawt let ve thung.


"Keiman ka ti"a tih chuan nui hakin.

"Duh thin mahse ka duh tawh lo"ka tih rual chuan a hmel awm dan chu a inthlak nghal.


"Nih ngati nge ka wish na che min chhan ngai loh"a rawn tih chuan ka rin kha a dik tih ka hre chiah"Nangmah Ini tih ka hre lo lawm rawn insawi ta che"ka tih chuan a lu a tuai deuh vut ringawt.









"Hmangaih a nih thil ka zawt ang che ,khapa kha ila duh em?"a rawn tih chuan "Ka duh tawh lo tih vawi engzat nge ka sawi ngai dawn a,a ni chu ka hun kal tawh ka nunhlui chauh Alawm"ka tih chuan ka kut rawn vuanin "A nih chance min pe ve thei angem"a rawn ti nih chu "Chance maw "ka tih sup chuan aw tih nan alu a bu zauh.






"Ka lo inngaihtuah ang"tiin inhnuai lamah ka chhuk San leh keimah zawk chu lawm lohin ka nui thla vur vur ringawt."I danglam tawh takzet"rawn ti tu ah chuan ka ding dat."Samuel"tiin a lam.hawi chuan ka inher "I danglam Hmangaih"a ti nawn leh." Nia tumah kan pangai reng thei hleinem"ka tih chuan "Keimah chauh ka rilru chauh a danglam lo a nih dawn chu"a tih sup chuan Zawhna mit mengin ka lo melh ngar.







"Ka duh thin che ,chuan tunah pawh"a tih chuan a mak ka ti lutuk chu chhungrilah ka nghing dawt thei hial."E...engtik atang"ka ti bah deuh niaih."Kan tette atang tawh khan ,mahse min duh ve lo niin ka ngai ţhin,kan inthian thatna a chhiat ka hlauh vangin ka sawi lang ngai lo,mahse nangchuan min kalsan leh tho ka zawng char char thin che asin"a tih te chuan mak ka ti zual tawlh tawlh.








Ti nge kan lo dawih dun em em ni?Huai takin kan rilru in hrilh ilang chuan kan awm dun ngei ang mahse tunah chuan a tlai tawh"Vanrengpui nupui I nei tawh dawn chutiang thil sawi thei I ni tawh lo"ka tih chuan rilru nat hmel zetin min en kar."Ka thiam loh a ni"ti leh supin a Inher a,min hnungchhawn zawngin a kal nghal nal nal vawikhat mah Alan theih chhung a rawn hawi let hauh lo.Heivang hian a mi ni ang Sangsangi hian alak hran tlat thin ni.









Hruaizela pawh nitin hospital ah a rawn kal ziah corridor ka kal laia kan intawh chuan min nuih sukin ka lam a rawn pana lai lutukin kei ka lo kal thung."Hmangaih I hming ka duh na chhan em em chu maw ka koh apiang che hian ka hmangaih thu che ka hrilh thei che a"a tih chuan "I ho"tiin ka kal San hmak ka tukkhum za mer mer atang chuan min en a Rinna ka nei tlat bawk."Kha pawh kha ka duh tho"a tih leh ngat phei chuan a tlan in ka tlan a ni ber tawh.







A hmuh theih loh a ka awm hnu chuan ka thinphu rang lutuk chu tih tawp tumin ka bei ngial,mahse a reh thei hauh lo.Keihian Hruaizela hi ka duhve ta mai a ni thei angem le?.






Kum thum hnuah a vawi khat Nan kan inlamah ka haw ve ta nge nge ka nu leh pa pawh ka ngai lutuk.Mahse keimah leh an ni rilru a no loh nan Pau khauh takin ngai lo angin ka awm thin mahse an mahni ka hmuh hian ka ngaihzia erawh ka hrechiang thung.Hlimi pawh zanah alo leng "Hlim nang chu ka thu rawn lakna thin ber I nia min hrilh teh Hruaizela hi ka duh a nih I ring ve em" ka ti chhuak phawng"a nuih lah chu ala zat hmel em em mai leh nghal.








"Ka ring Alawm I duh thu hrilh ve tawp mai rawh"a tih chuan "ka Zak"ka lo ti deuh tlat thung."Zak Suh Samuela I chan ang khan chan leh I duh ami"a tih chuan ka inngaihtuah nia ka chan thei ngawt tawh lo lawm huaisen vawikhat tal ka chhuah ve angai a ni.A hmasa ber chan mah ila ka tan kawng dang a inhawng dawn Alawm.









Hna ka kal chuan Hruaizela pawh lunch ei hun velah a rawn lang leh tawh ."In chungah inhmu ang"ka tih chuan phur tawkin a lu alo bu nghat."Ka u ka hmuh zawh veleh ka lo chho nghal ang"a tih chuan aw tih nan lu ka lo bu zauh.Nghakin"Eng nge Sawi pui I tum "a tih chuan "Ka chhang dawn"ka ti mawl tawp a hrethiam tho ni awm tak tur a ni a nui nghal suk suk mai.








Inchung ka chhoh chuan a u hmu tura insawi si kha alo awm reng tawh."I u I hmu dawn ni lawm.ni"ka tihchuan "A pawi mawh lo,eng nge min koh chhoh chhan sawi vat la"a tih chuan ka pan hnai."Ka..ka ..ka"ka ti reng ringawt a nin tawh hmel fu lehnghal ka sawi chhuak thei der lo chu pawi ka ti.A darah chuan vuanin a biangah ka fawp zauh ringawt.










"Aw tihna a ni em"a tih chuan nui vur vur in "Aw"ka lo ti chu min rawn kuahin "Ka lawm e"a rawn ti sup .Kan pahnih chuan kan thu dun ren rawn "Tinge min hmangaih chhan"ka tih chuan "Kha I mizia kha maw le hmeichhe in cheina mawi ber chu a make up hman emaw ,a thawmhnaw hak a to em,a thil neih a man a sang em tih a ni lo a nungchang hi a ni chuan keichuan I nungchang hian min hip ber a,thlah thlam hauh Suh ang che ,kan fate pawn chhawm zel se ka duh dawn a nia"a rawn tih chuan ka lo lai ringawt ka bengbulah chuan rawn thaw lum ham hamin ka biangah a rawn fawp zauha "Ka hmangaih che a rawn ti thawp deuh salh"chu "keipawn ka hmangaih che" ka ti ve ta nge nge.








Ni e,keichuan kha ka hmangaih hmasa ber kha ka tan a ruat a ni lo pawh alo ni thei ,first love never die lo ti mahse kha ka first love kha chu a hmasa ber a nih na ang chauhin ka hre reng tawh ang. He kut hi ka vuan tawh a ka thlah tawh ngai hauh lovang.





A TAWP TA 🤭🤭🤭🤭











TUN BAK HI STORY KA ZIAH TAWH RIH MAI KA INRING CHIAH LO A,A CHHAN CHU THIL ZIAK CHUNG HIAN TYPE A THEIH SI LOH A,CHUAN KA LO KHAMBACK THEIH HUN TUR CHU SCHOOL CHAWLH HUNAH CHAUH A NI MAITHEI A NI.


KHAMBACK NANA INDUH LAM.CHI STORY FB ACC NEI KHAN LO SAWI ULA CHUAN KHAMBACK DAWNAH KA LO CHECK DAWN NIA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)