Mu desire wolves chapter 2

Story tawi te te emaw luanliamna emaw post na
Zualy juneblies
Posts: 84
Joined: April 3rd, 2022, 8:46 pm

Mu desire wolves chapter 2

Unread post by Zualy juneblies » July 11th, 2022, 7:18 pm

こんにちは(Hello)


Chapter 2




UNKNOWN POV



Ka hma a hmeichhe hmeltha em em chu ka en reng,a hawi kual ruai a,a bo anih ring in ka mihring nihna chuan va pan mai ka tum,mahse a thiante niawm tak chu an rawn lang hlawl a,a nui hmel mawi tak chu a vawi5 nan ka hmu leh ta.





Mihring te khawvel ah min chen tir chak takzet! A tum leh bar thin leh a nui leh hak hak thin chuan va kal a,ka bul a hruai mai tur in min tur nasa,mahse ka thei lo!




“Ka ril a tam tawh" atih deuh sek chuan ka nui leh suk thin,a hmel chu a khawngaih thlak awm reuh phian a.



Mihring te khawvel ah ka let leh ngei tur ani,a bul a mipa ho lah sawn an duh hmel in tih nuih deuh phet an tum reng a,ka tei thei thak lo,va kal a va seh mai te chu ka chak,mahse ka ti hlau ang tih erawh ka hlau leh lawi a.





Zan lam ah chuan an mut na tent lam ah ka kal phei a,a khawi zawk ah nge hmelthate-i kha a awm ka hre lo,an meichhit na bul ka thlen chuan nui hak hak thawm ka hria a.




Ka pan hnai dawn tih vel ah chuan arawn chhuak thut! Ka che rang hman hlauh chu min hmu hman lo,a hawi kual leh a,min la hmu chuang lo,a hnu ah enge maw sawi in a mut na lam bawk chu a pan leh a.





Zanin a a hmeltha tak ka hmu pawh kha ka lawm em em tho,ka awm na lam ah chuan phei in pangpar chi hran hran chu ka la khawm a,vawiin lam a a pangpar thlek nasat leh a mawi thu a sawi nin theih loh ngei mai kha ka la bawk.





A tent bul a chuan va kal leh in a awm na lam chu ka hnaih vak ngam lo,pangpar chu an meichhem la eng vet vet bul lawk ah ka dah a,kal san chu ka hreh ang reng,mahse ka kal lo anih chuan ka hruai duh mai ang.





Vawiin ah ka awmna ah mihring an lo kal tih ka hriat khan ka thinrim hle,mihring leh wolf thlah pawlh ni mah ila mihringte hi ka ngaina lo. Kan in a ka awm lai ngei pawh khan hmeichhe phakhat nunna in a tuar phah kha.




Mahse nui ri mawi tak lo chhuah na lam ka en meuh chuan hmeichhia ang mai in ka lungphu a rang thei nia! Ani kha chu awm lo se a thiante sawn an tuar tawh ngei ang.




Mihring te ka hua,mahse ka duh nei tur chuan engpawh tih ka huam,ani saw ka nei ngei tur ani,tharum tih loh chu amah neih theih nan chuan ka hmang vek ang.



.



.


Jovial Zorinsangi POV



“Tho rawh!" Jacob chuan min rawn sawi a,a ngai te bawk in ka tho leh peih lo “A ninawm Laltlanzo!" ti hlak in ka la mu lui talh a “Chaw ei kan peih vek tawh ania" arawn tih leh chuan ka tho ve ta hram,kaitho tu awm lo a mut veng veng hi ka va chak si em.




“Lalamy enge pangpar i lawh leh rihngawt a,a mawi mawi nen" Lalhriatkima chuan pangpar bawr lawih lo lek kual dun dun pah hian ati,Amy lah in alo pha nasa.





“Pangpar ka ngainat loh vang hian lo kher tur ah min ring suh hriatmawl" alo ti,nizan thil thleng kha ka hre chhuak zawk a,mahse ka mu mang ani ta in ka hre leh ta zawk.




“Anih tu in nge dah anga,Jovial-i chuan a lo phal lo sa,laljacob nangmah ami?" Ati leh a, Jacob chuan a nih loh thu uar tak in alo sawi,Albert ala mut mek vang in Alberta a nih kan ring hlawm ta ringawt a.





“Vawiin ah kan haw dawn sia,thla te la ho ve reng reng ang u,school tan leh ani thuai dawn a,classXII kan nih tep tawh hi!" Albert lo tho chu a mood a fuh phian a,a pangpar lawh vang in min tlawn anih kan ring deuh fur hlawm.





Chaw chu muang chang in kan ei a,kan ti ti pah bawk nen a ei ran theih loh. Kan tlan thui leh fe a ngaih dawn vang in chhuah vat chu kan rawt a,a eng emaw zawng tak chuan haw ka hreh tak zet!





Signal a awm that miau loh vang in kan chhungte nen pawh kan inbe tha thei hlawm lo a,a tang chut chut hlawm mai,vawiin kan haw ni tur kan lo ti ve lak lawh tawh si a,chu bak ah school tan ani tep tawh nen.





Ka thiante bengvar har lutuk in chawlh kan nei tam lo tih an lo theihnghilh pek a, school luh dawn vel ah kan intih hlim phah hi.




“Lut ang u!"An rawn tih tak ah chuan motor lam chu ka pan a,kan tent awm na lam ka hawi let vang vang,ka hawisawn dawn chiah tih in thil phe zawk ka hmu a,ka hawi leh rang asin,mahse engmah ka hmu lo.




“Kan tlan pel thui ta bawk a,thu dik kan sawi ange aw" Amy chuan alo ti a,kan bu nghat hlawm “Ramhnuai kha a hrang in ka hre tlat,nizan ah phei kha chuan thla ang deuh ka hmu a,ka zun chhuak pawh ka ip tleivar/tlaivar thak!".





“I dawih ve hrim hrim anih kha" An lo tih sak mai a,an ngaih a sam hmel em em hlawm,kei chuan tlem in Amy thu sawi kha ka awih deuh,min en reng tu awm anga ka hriat na te,zan lam a ka thil tawn te ah khan ka ring.





Mahse ka ngaihtuah chian hian nizan a ka hmuh kha sa lo ni ta se,tinge min tih nat loh? Min rawn ti buai in min ti na awm anih lai in!



_______________________________________________


Vawiin chu school kal ni ani,ka peih lo viau,a chhan pawh new commer kan neih ka ring lo.Kum tluan a hmel ngai reng hmuh chu ka ning ve deuh, school lah sawn theih awzawng ani si lo.




“Vawiin chu in lo haw hma tho ang, tiffin pai a ngai lo" Ka nu chuan alo ti,ka pa awm loh hi chuan min duat loh heh hawh ania! “U,kal ang,phone i khawih reng a..." Lalrinnungi chuan alo ti nang nang a,ka sam chul zeuh in ka kal san hmak.





Nimin ah Amy ka sam ka dar chen vel in ka tan tir a,ka sam a ngil in pawh chawp vak ngai lo,ka pa ka chhun a ka san chu tha tak ani. Fiamthu in ka nu in “James no no i an kha" min la ti zui,tawn dawn ila ka inhmeh leh chuang si lo.





“Nu Pa Maenga a hma lo min va thlah lawk mai teh' va ti rawh" Lalrinnungi ding tum bur chu ka nu bul ah ka tir a,a kal ve nghal mai bawk,ka thiante an kal hma theih em vang hian min lo sawm lo tur in ka ti thin.





“Ke te hian kal ve bek bek ula,Amy te unau in tluk lo e mai" Ka nu rawn chhuak chu a phun deuh hlawk hlawk a,a hnung ah Lalrinnungi nen kan lo insiam chhiat khum.




In lam ah putea a awm miau vang in ka nu in min thlah,ka nu nau tlangval senior ultra pro mix hi kan awm pui a,a hmelthat ang ai hian a hmu zo lo,a tuai deuh lek lek ten ka hria.





“Chhuk ru lem!" Min goodbye na ve hi a sweet lo thei mai sia aw, Lalrinnungi chuan ka rual in a kal duh deuh tlat a,kal pui peih lo viau mah ila ka nu in min en reng vang in ka kal pui ta mai a.





Class VIII ani ve tawh,mahse la mawl tak ani ringawt. An class thleng va thlah in kan classroom tur lam chu ka pan leh vang vang. Divine intervention school hian engtik ah nge step hi an dah tlem deuh ang tih ka ngaihtuah.





Class a ka luh chuan ka hawikual thuak thuak a,new commer kan nei tam ve zek,mahse ka mit la pakhat mah an awm lo nia!




Sir hi arawn lut a,chuan....a bul ah mipa cher sang zet hi alo kal ve,a cher han tih ah khan a mawi lo khawp a cher ani lo ani. A hma ber ah Romalsawma nen kan thut vang in kan inmelh chiang em em bawk.





Introduction pawh a nei lo,kan lam arawn pan nghal a, Romalsawma chu melh in “Tho rawh!" arawn ti sup,a aw chu a cool in a nalh em em lehnghal.




“Mahse Jovial nen hian class XII ah kan thu dun dawn kan ti tawh alawm" Ka thut pui te hi bright tak an awm ngai lo! Naupang kum 11 vel bia ang ani tih a inhre der si lo a.





“Vawikhat ka sawi leh ang,tho rawh!" Fiamthu hmel pu hauh lo chuan arawn ti,Romalsawma pawh chuan enge a hriat ni hnung lam lehkha thiam lo thutna ah chuan min phei san daih!





Chu pa chu ka bul ah hian arawn thu thla a,a bag chu ka side lo lam ah dah in min rawn en,amah ka en na ata chu ka mit ka la sawn a,pawn lam ka hawi ta daih,ka thiante tih loh ka thutpui ngai lo asin le,hrilh mai te ka duh!





Sir rawn luh hma chu min en reng a,a kim chiah lo in ka hria,ka en leh zeuh zeuh thin,in kuang kuah chung hian min en reng,ka melh lah chuan ka lai zawk lehnghal,a hmelthat tehreng nen a â hle mai.





“Hmelthate!" arawn tih sup chuan a lam ka hawi a,min la en reng tho!!!





“Min bia ami?" Be hmasa tu zawk ah chuan ka tang a,lu arawn thing nak,be zawm leh lem lo chuan ka dawhkan chu ka melh reng.




“Tinge i sam i tan daih?" A lam ka hawi chuan min en tawh lo in board lam chu a hawi daih a,keimah min bia tih na mi? “Tu?" ka tih hu chuan “Nangmah!" arawn ti sup.





“Ah....ka lu ati na thin a" ka tih chuan min rawn en a “I inhmeh tho kha" arawn ti sup,biak vak pawh a landan atang chuan a chakawm loh! Dawhkan ah chuan a bawk nghal hle hle a. Ka sam tan daih daih alo hria chu kan veng ami anih ka ring,ka hmelhriat miah lo min lo hre thin te pawh hi an awm nawk ania.





A chang leh a hawi kual thuak thuak thin,a chezia chu mak ka ti reuh. Teacher alo luh chuan school tan hun a pel duai tawh,Sir lo lut ve lah khan a class luh na tur ala hai zui.





“Khawnge i kal dawn?" Ka chhuah dawn chuan ka ban arawn vuan a,a hlauthawn hmel hle bawk “Ka thiante bul ah" ka tih chuan “Kal kher angai ami?" arawn ti leh a,ni khat ni atang a min nel nghal em em chu a mak ka ti.





“Immm,ka rawn let leh vat ang" ka tih chuan a bu nghat a “Ka kut hi" ka kut ala vawn reng vang chuan ka ti che zeuh a,thaw hak in min thlah nghal.Ka thiante nen kan section a in an loh miau vang in an classroom lam chu ka pan leh ta hna hna a.




👽



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)