My desire wolves chapter 3

Story tawi te te emaw luanliamna emaw post na
Zualy juneblies
Posts: 84
Joined: April 3rd, 2022, 8:46 pm

My desire wolves chapter 3

Unread post by Zualy juneblies » July 13th, 2022, 7:42 pm

やあ(Hi)




Chapter 3



First day te anih vang in kan bang har lem lo a,lehkha bu kan ah rih ho chu book shelf ah kan dah diat diat hlawm.Leh lam kawng ah chuan ka vannei phian,ka thutpui pa ka tir zat zat reng a,a kal ve zel mai bawk.




“Ka rual in i haw duh em?" Kan chhuak dawn chiah tih chuan min lo ti ding leh a “Ah....nidang ah ani mai aw,ka thiante ka lo innghah tir ve tawh bawk sia" Inthlahrung tak chuan ka ti a,midang chuan haw pui ah min sawm se ka hau leh hrep ang.




“Aw le,nidang ah chuan ka rual in!" Nui suk hian arawn ti,a hmel hi chu sawisel na tur a awm lo,ka thutpui pa nilo se chuan ka melh ka melh tawh ang.




Ka thiante bul ka thlen chuan phone an lo khawih fur hlawm a “Kal ang u,kalkawng ah phone khawih miah suh ang che u" tiin ka vo nghal a,hman ni internet a ka en kha ka hrechhuak leh thin,ka mur iar iar thei.




“Jovial-i te class chu in vannei e,kan MCS fapa te nen in section a in ang a" Amy chuan alo ti a,tunge a fapa pawh chu ka hre chuang lem lo. “Tunge a hming?" ka zawt leh ngat a “David an ti in ka hria,nge Daniel zawk?" amah pawh chuan a chian loh em vang chuan ka zawt leh ta lem lo.




.



.


Zan lam ah chuan phone ka khawih char char a,kan in hi a fal deuh bik vang in music ka play pah bawk,phone khawih chung chuan ka zai pui rat rat a. A tlai deuh hnu chuan mu tur in ka insiam fel a,ka thawmhnaw balcony a ka zar ka lak fel lai chuan chinghne hram hi ka hre ta thut!




Kan chhak lam ka hawi vat a,mahse a thim em vang in engmah ka hmu thei lo.Min rawn bei thut ang tih te ka hlau, balcony ah chuan awm rei ngam lo in ka room chhung ah chuan ka lut vat a,ka tukverh te chu ka khar phui vek,a lum em em mai lehnghal!




Ka khum bul a fan chu on in light ka off a,mut hilh chu ka tum ta. Ka muhil hman in ka hria,chuan mumang pawh ka nei bawk. Ka beng bul hian phun sup sup thawm a awm a,enge maw chu a sawi.



“Hmelthanu ka bul a ka hruai tep tawh che nia" atih sup ah chuan ka harh hlawl a,ka blanket pawh ka lo sin tawh lo,ka khum mawng lam ah alo tawm vek,ka room light chu ka on vat a.




Ka on rual a,ka tukverh lo inkawng ka hmuh chuan ka hlau hle,ka mut dawn kha chuan ka khar chiang tih ka hre si a,engtin nge alo inhawng theih?




Tukverh chu va khar in ka khum lam bawk chu ka pan leh a,light pawh off tawh lo in ka thu ngawi kar.Ka mut theih tawh miau loh vang chuan phone ka en a, YouTube vel ka en mai mai,ka hlauh na te kha chuan min kalsan leh tawh.





“Zorinsang tho rawh,tinge i phone te chhuah ah i dah!" Ka nu chu arawn ang lut bawrh bawrh a, Lalrinnungi vang bawk ani leh ang. “Immm ka tho" peih lo deuh chuan ka tho a, school kal pangaia kan kal tawh dawn vang in ka peih lo hle.




“Insiam la,rawn chhuk ang che, diary sign a ngaih chuan sawi vat ang che"ati a,ka thawmhnaw ho chu ala khawm mawlh mawlh “First day ah tunge homework nei nghal ngai â â suh!".




“Nu,nizan khan en teh ka hlau tawp!" Ka hriat chhuah thut chuan ka ti a “Zorinsang, thlahrang hi i ngam leh lutuk a,an zuam che anih hi,Pc hras tih te pawh kha ngaihthlak reng angai lo,ngai ah i nei vek tawh anih kha" Sawi man a awm dawn lo khawp mai.




“Pc hras te chu ngaithla lo tur in min ti suh,ka zawm dawn lo. Chinghnia lampang zawk alawm" Ka ti a,min en duh miah lo “Nu nizan khan ka room tukverh a in hawng a hrem...." Ka tih lai mek mek chuan inhnuai lam ah a chhuk daih!




“Awww Zonunsang ngaithla lo tawp rawh! Min hmangaih pawh hi ka ring lo!" A hma a ka dawt sawi thin te kha ka inchhir nghal der.



.


.

Ka thiante kha min lo sawm suh u ka ti kher ani,an lo kal har hrep lehnghal, Albert lah kha a pile that loh vang in school a kal thei si lo,kan in atang an in a hlat vak loh vang in ka sawm ve zeuh zeuh zel a.




“Morning!" Ka hnung mai ah chuan pangti lum ka hre thei,min awm hnaih em vang chuan muang chang in ka hawi a. Ka thutpui pa chu min hnaih em em hian alo ding,ka back nghal chawih mai.




“Nia... morning!" Lai lutuk a nui chuan ka ti ve sup a,eng vang in nge kei Pasal tha Zorinsangi hi ka laih ve ngawt le, Justin Bieber pawn min en se lai lo tur ka nia sin.




“Enge ilo la tih a?" Nui hmel pui tak chuan min zawt leh a “Ka thiante ka nghak a" ka tih chuan hahthlak tih hmel deuh hian a thaw hak “Lut ila?" atih leh sup chuan ka lai zo vek.




“Ka thiante...." ka tih lai mek chuan ka dar hnung lam atang rawn vuan in min nawr kal dat dat a “In section a in an chuan loh kha!" Ka beng bul ah chuan arawn thaw lum hak,ka mur iar mai!




“Aaa..imm ka kal dawn" tih bah niai in kan class lam chu ka pan hlawk hlawk a. Kan mimawla te pathum bak mipa ka hnaih vak loh vang in ka zam ah ka ngai.




Kan class ka luh chuan ka hawi phei zawk a,tlar hnung ber a mipa pakhat in min lo en reng hi ka va hmu,zah zel ah ka nuih ta tawp,mahse ka inchhir nghal der,min nuih let ve miah lo!




“I va kal chak ve!" Ka thutpui pa alo luh chuan arawn ti nghal a,kha pa ka lo en reng lai ani si nen ka phu deuh zawk,ka mipa en lai pa khan min huat hmel hle tih ka hawi sawn dawn khan ka mit sir in ka hmu thei.





“In in hria em ni?" Ka thutpui pa chuan arawn ti sup a “Hre lo e" ka lo ti mai “A that nasat chu!" tiin ka bul ah arawn thu hla nghal a,ka tukhum za mer mer ah chuan min en reng tu an awm tih ka hria,mahse ka hawi let ngam teuh lo.




“Tunge i hming?" A hming ka la hriat loh vang chuan ka zawt a “Ka la hrilh lo tak che tiraw,ka hming chu Daniel ania" nui sang hian arawn ti leh a,ka rilru kap reng chu ka zawt ve a “Anih saw pa saw?" min melh rum deuh pa kha ka melh zeuh a.





“David!" arawn ti hmuk,a lung ka ti awi lo ta emaw tih tur ani! “Eng subject nge hmasa ber?" A reaction rawn inthlak thut in arawn nui leh sang a,a rap awm reuh lutuk!🫣




“Table kan la set lo in ka hria" kan tawng chhung chuan teacher arawn lut a,class pangai ang em em chuan la la lo mahse kan la tha ve viau. Daniel pawh kawm a nuam in a tawng duh em em a,a nui duh em em bawk.




“Min lo ken haw ang che!!" Kan table ah chuan bag an rawn theh thla a,ka hawichhuah chuan David an rum lutuk hian min lo melh,a va han sual tak!




A chhuak nghal daih a “In in hria mi?" ka tih sup chuan “Ka phir anih kha!" Daniel chuan arawn ti sup. Ava mak ngai ve!




“Engaaa?!!" Ka ti vak a,arawn nui hak “Immm,phir kan nia,mahse keimah let thawk hi ani mai" nui sang chuan arawn la ti a,David chu ka ngei nghal em em ringawt “Anih tinge nimin khan ka hmuh ve miah loh a?" tiin ka zawt leh a.




“Thil pawimawh tih a ngai a,vawiin atang min lo zawm anih kha,chuan a melh dan che kha a mitmeng ve hrim hrim anih kha" A ha var sar lang chuan min rawn nuih leh a,ka star thei mai dawn!!!






“Nuam ti deuh kan awm!" Jacob an arawn tih chuan “Engeee" ka lo ti vak a “In class ah chicks em em mai pa2 an rawn lut dek dek a,mood ti bright nghal ringawt" Lalhriatkima chuan arawn tuhnih nghal.




“Tu te?" Ka tih chuan “David leh Daniel!" Amy chuan ka hmai zawn ah tak chuan arawn ti vak a,nur nang in kalo en “ Daniel nen kan thu dun alawm" Ka tih chuan min thing nghek lo chauh!





“Anih David? I hnung ah a thu nghe nghe lo maw?" Arawn la ti “Aih,kha pa kha chu hnaih ka duh lo,ka ngaina lo,amah pawn min ngaina bik lo" ka ti nghal vat a.





“Timaw?" An rawn ti rual thap hlawm, David leh Daniel chu kan mimawla te pahnih pawn an star anih dawn hi “Min melh rum dan chu pui tak ani" ka ti ringawt,an ngai ho em em lehnghal a.




“A sual lem lo ania,hmun dang ah David kha chu a awm char char a,mahse a awm na an hre lo, Daniel kha chu living water ah a kal thin,lehkha an thiam dun teh ania" Amy chuan alo hre leh thlap a.





“An smart a,an chhelo a,an sang a,an pian a nalh a...enge lehkha an thiam loh ang" mit chet kual ralh chuan ka ti a. In lam chu kan pan dial dial hlawm,kan mipa te nen tawng kan inchuh hlawm a.


____________________________________________



“Nu ka room khi a hrang ania" ka nu bul ah chuan ka ti a “Han chho mai mai teh,mut chhuah hnu lam ah rawn zualko angai lo" a ti sam et a “Pa ka room khi a hrang" ka tih leh a “Aw le,naktuk ah paranormal investigation kan koh dawn nia" fiamthu ah tak an la a.





“Atha lawm,duh leh ramhnuai chuan min la daih anga,in fanu fel lutuk hi in ngai ngawt ang!!" Tiin room lam chu ka pan a,ha ka nawt tau sawk sawk,ka toothbrush ala tliak zui!




Mut dawn ah chuan ka tawngtai a ka mu ta hmak,mumang nuam tak nei thei tur in ka tawngtai tawh bawk a,a chhang tur ah ngai ang.




💫💫💫💫

“Tinge ka thin i tih rim leh thin!" Ka meng dawn a mahse a thim vek ka meng thei lo.


“Ka ta chauh alawm i nih!"


“Ka ta chauh!"


“Ka thisen zawmpui ngei in ka lak atang an la bo che nih chuan ka that ang!"


“Ka hmangaih che hmelthate"


💫💫💫💫




👽

(Exam dawn dawn a rawn hnung back vak pawh hi ka inchhir lek lek,min lo hrethiam hram ru aw)🤣
(ka lo dah theih lawk loh pawn min hrethiam hram hram dawn nia)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)