BITTER MEMORIES By Hector Ngaia

Story tawi te te emaw luanliamna emaw post na
Ngaia
Site Admin
Posts: 25813
Joined: April 30th, 2016, 4:07 pm

BITTER MEMORIES By Hector Ngaia

Unread post by Ngaia » May 15th, 2016, 5:08 pm

BITTER MEMORIES

A thiante ina thil lampui lawk turin an veng thenawm lawkah bike-in an inphur chhuak a, Sawma thiante in an thlen chuan a lo inkhalh thap a, an kawngkhar bul step hnuai chu a zen rak rakin chabi a rawn phawrh chhuak nalh a, "Lut ila... an chhuah dawn avangin an chahbi awmna min hrilh lawk a, kan la lawk ang a, kan kal lehnghal dawn nia" a ti awlsam et a, Slozy chuan ngaihthat lohna pawh nei hran lo in a zui lut ve mai bawk a, Sawma chuan kawngkhar khalhin room lamah lut tlang nghal daih a, room-ah eng emaw chen a va rik rak rak hnuah rawn chhuakin, "Ka hmu mai tlat lo, rei lo te lo nghak ila, an rawn haw ve mai ang" tih pahin Slozy lam chu rawn a, hmuiah a rawn fawh sak nghal a, in kiss mai mai te chu an lo tih than tawh a nih avangin a lo chhanglet ve nghal thuai a, a kawrawm chhunga rawn zeh luh pawh chuan thil danglam a nih loh avangin nuam ti zetin a lo dawh ar ar a, "Room-ah phei ang, helai chu a rem lo" tih pahin room lamah chuan a pawt phei dawr dawr a, a chet dan bawrh bawrh chu nidanga amah care em em thin tu, tlangval senior lam tawh kum 26 mi, amah aia kum 6/7 daih a upa chet dan thin kha a ni tawh tlat lo.

Hlau deuh leh tim deuh hra in, "Aih, hetah awm zawk ang, sofa-ah hian thu mai mai zawk ila?" Pawisak nei lo em em a pawh nawk nawk pahin, "Room-ah awm ang ka tia lawm, hetah ka awm peih lo" bul deuh hmuk a tih pahin room-ah chuan a pawt lut a, room kawngkhar a kalh nghal hmiak bawk a, tri deuh dai a Slozy lo ding zum zat chu khumah chuan a bawh ta nawk nawk mai. Slozy chuan Sawma thil tih tum chu a man chiang ta kher mai, hnuai lam atanga tan lo la in a lo indang nasa ve kher mai. Khalehchen a lo in sum ve tang tang tawh na thin, amah ang rual bialpa a neih pawha an then phah fo na chhan a virginity chu hum a tum ve tlat, aia upa kohhran leh khawtlang, ktp vela in hmang a ni bawk a, hetiang lamah kher hi chuan rinhleh ngaihna a hriat reng reng loh chuan a sual chu a ni ta mai si.

A hmeichhia zawk leh a te zawk ta na na na chu tang rei thei ta bik lo a, kutthlak tum a, a tin uaih uaih bakah tawngkama a vau reng avang chuan a chau tawh bawk nen a in pe ta nge nge a.

Helai atang hian Slozy tawngkam hmang ta mai ila. Midang chanchin ang a sawi loin a tuar tu ngei sawi dan ang hian ziak ta zawk ila, 'ka' tih ka rawn hmang tawh mai ang a, a mood-ah chen a awl zawk mahin ka hria first person ang a sawi hian, a virgin a hawn sak ringawt hi a tawpna a la ni lo nasa a nia, he thil hi ka puah chawpah in lo ngai ngawt ang e, tleirawl khawngaihthlak tak thil tawn a ni.

Slozy (hminglem) nen kan inkawmna chu hetiang deuh hi a ni a, ka lo inrawlh ve na lai zawng chu paih bo in amah sawi chiah in chhiar a tan ka rawn chhawp chhuak a, slozy te family background pawh hi sawi tham fe a awm a, nu leh pa kar a sei lian lo a ni a, bialpa pawh nei ngai reng reng lo, hmeichhe zakzum leh nunzawi tak mai, in a tawm chawt thin, an monu in a ngaihtheih loh avanga an in nuam ti lo, a school bang pawh in a hawtlang nghal aia tawi khawmuanna zawng thin a ni tih chiah sawi ang, ka lo inrawlh tam lutuk hma in, ama sawi chhiar tawh teh ang.

Slozy : Tun hnu a ka ngaihtuah leh pawh hian, ka hlauhna avang liau liau in ka in pe ka ti lo thei lo, thenkhat chu duh lo hle tho mahse a rei hnu ah chuan chak ve tho chu an lo insum rei thei lo te pawh a niang a, kei chuan kha tih lai khan chakna pakhatmah ka neih loh bakah, tun thleng hian sex hman nawmna ka hre lo hrim hrim, bialpa te nen a hman chakna pawh ka nei ngai hek lo, ka khawngaih avangin vawi hnih chu ka hmanpui ve tawh a, ka tan chuan sex hian awmzia a nei em em lo.

CYBER LEH A KAIHHNAWIHA DAN BAWHCHHIAT THEIHNATE:

1. A neitu phalna lova mobile/computer khawih (IT Act Sec 43)
Hremna: Kum 3 thleng jail or/and Rs. Nuai 3 thleng chawitir (IT Act Sec 66)

2. Social Media-a Fake account siam.
Hremna: Kum 3 jail or/and Rs. Nuai 1 thleng chawitir (IT Act Sec 66C).

3. Saruak leh Ruang thlalak thawndarh.
Hremna: Kum 3 thleng jail or/and Rs. Nuai 5 thleng chawitir (IT Act Sec 66A).

4. Dan-in thiam loh a chantir ni lo, mi 'A eiru',etc tia Social Media-a comment.
Hremna: Kum 2 thleng jail or/and Pawisa chawitir (IPC Sec 499).

5. Social Media-a sakhaw dang deusawh leh sawichhiat.
Hremna: Kum 3 thleng jail tan or/and pawisa chawitir (IPC Sec 153A).

6. Zahmawh rawngkai leh invauna (tualthah, pawngsual) kaihhnawih thawn darh.
Hremna: Kum 7 thleng jail & pawisa chawi (IPC Sec 506, 507).

Supreme court chuan hmeichhia in 'mipa in min pawngsual' a tih chuan pawngsual a ni tawp mai, mipa tan phat ngaihna a awm lo, bialnu te duh lo chung theih luih talh tum loh tur, a hun lai a lo duh ve reng pawh 'min pawngsual' an tih chuan pawngsual a ni mai mipa tan sawi buai theih a ni lo, duh lo chung phei chu.....)

Khilai IT Act leh IPC ka rawn tar chhuah khi lo chhin chhiah kiau la, he misualpa hian heng dan a bawhchhiatna lai tak i chhiar hunah a bawhchhiat dan i hre thiam mai ang, i tan pawh a la tangkai hle mai thei.

Where were we?

Chuan maw... Sex a pangai a min hmanpui a lo tum miah lo mai khan ka rilru a ti na zual, ka tan chuan virgin nih te kha a hlut teh lul nen. Ka virginity tih chhiat kha a tum ber chu a ni tawp a, 5 second vel chiah a thun lut a, a duhtawk daih a nih chu! A tho nghal daih zui, cd a lo vuah reng lehnghal, virgin hawn nan cd a vuah a nih chu!!! Englai khan nge cd a vuah pawh ka hre lo hrim hrim.

A thawh hnu chuan tah pawh ka tap tawh lo a, 'ka thlah ang che' a tia, ka insiam tha a, kawngkhar kan chhuahsan lai vel atangin a rawn thi tan ta a, in a ka thlen hnuah ka en leh a, ka thawmhnawa lo kal nuiah ka hmuh chuan ka rilru a na thar leh a; inbual pahin ka tap leh rih thin, khatih lai a ka rilru nat zia kha aw...

Bike a kan chuan lai khan, 'ka ta ni reng turin ka duh vang che a nih kha' a tia, a thi tih ka hrilh chuan 'a reh ve mai ang, hlauh tur a awm lo' tiin min tawngthlamuan a, mak tak maiin ka rilru a ti nuam huai tho nia.

Zana ka lehkhazir tur te chu phurna ka nei hlawl lo, amah lah chu a reh daih bawk sia, nidang zawnga min ron be reng thin kha zanin chu a reh ta daih chu mak ka ti em em a, min rawn biak hun ngak zo lo in ka va text ta tawp a, KTP thilah a buai deuh thu chiah min rawn hrilh a, a thi a la reh chiah loh avangin ka hlau thawng bawk sia, ka va text leh ta tawp a, mahse min chhang tawh lo hrim hrim, a duh a hmu ta bawk a, a ngaih a tha tawh ni hmiang.

Hmuh pawh kan in hmu leh tawh lo hrim hrim a, christmas hmang turin anu te khuaah ka zin ta daih a, thlingtlangah chuan a hminga aizawl nula te lo nih ve takah chuan in khat khatin inleng te an lo awm ve thin a, min rawn biak chang hian ka inleng mipa tawngri a hriat te hian 'i va tenawm ve' te min tia tawngkam chhe deuh deuhin min ti thin a, kan inhauh phah ta fo mai.

Min rawn biak reng reng hian sex lam ringawt min sawipui a, tawngkam zahmawh pui pui leh maksak tak takin min biak a ching a, ka ningin then ka duh em em tawh ringawt mai a ni. Helamah min duh der tu an lo awm ve neuh neuh bawk nen, ka inleng regular zinga pakhat star ruk ve deuh mai, pa ka tih ruk em em mai a awm a, a christ reuh bawk sia, min rawn bem ve reng avang chuan pakhat zawk then duh bawk nen mitmei ka hmuh ve deuh thin a, mahse nuam chu ka ti bik chiah chuang lo.

Sawma hnenah chuan inthen ka rawt ta a, ani chuan 'ka then dawn chuang lo che, ka thu thu a awm tur i nih kha, min then anih chuan i chak lo ngawt ang' a rawn tia, 'ka virgin i hawn avang ngawtin i ta ni reng tur leh i thu hnuai a kun reng tur ka ni bik lo' ka ti ve ta siah siah mai, a thinrim hle tih pawh ka hria mah se ka pawisa duh tawh bik lo, 'hmeli i hur hur nen, i zak na nge, kan sex video hi ka ti leak out ang' tih te leh tawngkam chhe tin rengin min rawn ti zui hrep a.

A va mak teh daih e, englai mahin sex video ka siampui lo a, sex video siam pui tur pawhin vawikhat chiah sex kan hmang a; chu pawh min pawngsual tum kha a ni mai bawk sia, 'englai mahin nang nen hian sex video kan nei ngai lo hrim hrim, dawt chuan min bum tum lo mai rawh' ka ti let ve a.

'Ka thiannu te ina kan luh veleha room-ah ka phei daih nachhan kha i hria em? Spy camera an room-ah khan ka va dah a nih kha'

'E he!! Chuan i lo record vek a ni maw?"

'Aw, record vek e, in school a mi te ka pe dawn"

'A pawi lo, i duh tawkin pe rawh, a tha zawk miin min pawngsual lai an hmu vek dawn a ni mai a lawm, rape case-in jail i tang dawn a ni mai lawm'

'Ka edit vek tawh, i tanglai reng reng a awm tawh lo'

Ka hlauthawng ta kher mai, kan school a mi ten hmu ta se, school atanga hnawh chhuah ka ni ngei ang a, thianten min sawi zui dan tur te, haters ho in min sawi dan tur te, ka chhungte ngei pawhin an hmu ve ngei awm sia, ka zah tur zia mai bakah ka chhungte tan a mualpho thlakin an zahtur zia te ka ngaihtuah a, ka mangang ta tak zet ta.

'I future chu i hmu thiam mai ang ti raw?' Ka reply duh tawh lo a. amah vek chuan 'i hmalam hun chu a chhe vek dawn tih i hrethiam ta a ni maw, tunah chuan ka thu ang zela i awm a ngai tawh ang, Aizawla i rawn haw hunah ti tur a ka tih apiang che i ti zel tawh ang, i ti duh lo a nih chuan khawiah pawh awm la, ka rawn zawng chhuak che nga, ka that ang che' min rawn ti leh a, chhan pawh ka chhang ngam tawh lo, ka mut hmunah chuan ka phone hmai ka melh ngawih ngawih ringawt.

Ka va call ta ringawt a, a phone chu a lo pick up duh lo a, a lo ti leak out hman ang tih ka hlau bawk sia, sms-in a duh ang a ka awm tawh tur thu sawiin ngaihdam ka va dil a, Sawma chuan 'Awle, a that chu i inhmu chhuak thei hlauh chu, tunah chuan ka thu zawng zawng i zawm vek tawh tur a ni; tin, khatiang khan min rawn ti let ve tawh reng reng suh ang che, i hria em?"

'Awle, anih eng nge ti tur a min duh ber a?'

'Aizawla i rawn haw veleh nikhatna chu class i kal phawt ang a, a tukah class i bunk ang a, ka bulah i awm nileng ang'

Tichuan sex min hmanpui dan tur tenawm deuh deuhin a rawn sawi teuh a, min hmanpui a tum dan ang chiah a ka awm loh chuan min hrem tur thu a sawi bawk a. Min koh hun hunah a uite ang maiin ka pan zel ang a, ka kal duh loh chuan ka awmnaah a rawn kal tur thu min hrilh a, class laklawh lai pawh a sawi theih loh a, Lecture hall atang pawhin min pawh chhuah hreh loh tur ten min vau zui bawk a.

Ka rilru hah lutuk chu, chutiang a nun hman ngawt ai chuan thi ila a nawm zawk ka ring a, chemte a invih hlum ka tum ta a, ka intin ren rawn thin a, ka ngam leh ta ngang lo a, chemte a mahni in vih ka ngam loh chu thuhran nise, ka thih chuan ka nute rilru nat tur zia te thihdan pangai pawh ni lo mahni in tihlum lehnghal, lehkha hnuchhiah dawn pawh ni ila, ka intihhlum chhan ka ziak ngam awm der si lo. Chutiang lo deuh a thih dan dang ka ngaituah ta a.

Aizawla ka haw hunah bus-in haw ila, kawnglakah chhukin ramhnuaiah tlanbo ila, ka tawn tawn tawngin ram palai lengah thi ila a that zawk ka ring ta a, chutiang tur chuan ka rilru siam fel ta a, a bulah chuan a thu ang anga ka awm tawh tur thu leh ka ngaih tawh zia ka sawi daih a.

E chuan lehlawk, min lo bem tu, pa deuh ka tih kha ka nihpui tawh a, kohhran leh khawtlangah a inhman ve em avangin a tul thin si a, a rawn lengkhat thin lutuk. Ka haw dawn zan chuan kan inngai ve hman ropui sia, kan in be char char a, ka chungrilah hian engkim hrilh vek duhna ka nei ut ut mai a, ka hrilh dawn nge dawn lo ka inkhap nasa kher mai, ka virgin tawh lo tih a hriat chuan min hnual suat ang tih chu ka ring tho na a, ka nun hrehawm lutuk leh thaw ipik lutuk chuan buak chhuahna tur a mamawh si a, hun rei lo te atan tal pawh tu emaw chu hrilh ka mamawh em a ka hriat avangin engkim ka hrilh ta vek a. Ka virgin lo tih ka hrilh lai chuan ka zak lutuk chu ka sa vekin ka hria.

Ani chuan ka rin loh deuhin Pathian thu nen min hnem ta daih zawk a, misualpa chuan min rawn biak pawh a; chhang tawh lo tur te, min rawn call pawh a lo reject zel turin min ti bawk a, chumi zan chuan kan in be tlaivar thak a, zing dar 5-ah ka hawna tur bus a chhuah dawn avangin rei lo te chu ka chhing ve sek a, ani chu a lo mengtlang thak a, zingah min rawn thlah a, a sweet top.

Aizawl ka chhuk hun tur misualpa khan a hriat ve vek avangin min rawn call ta ngei a, mahse ka lo la duh miah lo a, ka bf chu ka hrilh ve zel a, ani chuan Bible chang chhiar tur te min hrilhin, min lo tawngtai sak reng thu min hrilh a, a tir a Sawma phone call a rawn kal ringawt pawha khur zawih zawih khan eng atan mah ka ngaihsak tawh miah lo nia, chumi zan chuan a phone call chu ka la lo tluan ta a.

A tuk chawlh ala nih vang a niang Sawma chu a reh nileng a, a tukleh ka school kal chu hmuh ka hlauh zia mai chu aw.. Mahse vanneih thlak takin a reh nileng a, zanah min rawn call leh ta a, ka hlauh zia mai chu aw, a tuk kha kan inhmuh hun tura a sawi ni kha a ni bawk sia, ka bf chuan min rawn hnem a, kei pawh chumi zan chuan keima tawkah ka tawngtai nasa lutuk ringawt, ka virgin tawh loh atang khan ka tawngtai tawh ngai lo hrim hrim a, Pathian hlat tlat tawhin ka hria a.

Pathianin ka tawngtaina chu a chhang a niang, chumi zan chuan tui takin ka muhil ve thei tlat, a tukah chuan ka damlo der ta tawp a, class pawh chu ka kal lo, chhunah vawi khat chu ka phone a ri leh zeuh tih loh chu a reh vang vang a, zanah vawi thum a rawn phone leh a, ka lo pick duh loh avang chuan a beidawng ve ta a niang hemi zan atan chuan a reh zui ve ta mai bawk a, hetih laia ka rilru hreawm zia leh mangan zia chu sawi ngaihna pawh ka lo zawk.

Nithum hnu velah 'Have a nice day' tih chiah hi min rawn thawn a, a text ka hmuh ringawt pawh chuan nilengin ka awm a ti nuam lo thei. Mahse, Pathianin ka tawngtaina a chhang a ni teh chek ang chu a reh hlen ve ta, video pawh chu tun thleng hian a release ta nge ta lo pawh ka hre lo, min vau nan min lo tih der mai mai pawh a ni mahna, ka nu te khua a ka bialpa kha lo tawng ta lo ila chuan tunah hi chuan ram palaileng khawi maw laiah ka ruang an chhar tawh ngei ang.

base on true story tih chauh atan chuan ka phal si lo a, ti hian anih ang ngau ngauin ka rawn dah chhuak a, a tuar tu pawh hi kan group-ah hian a awm ve a, comment lamah i fimkhur ngam ang u, atan rilru nat thar leh theihna ang chi leh thinkhei zawnga comment ai chuan lo ngawi mai turin ka ngen hmasa duh che u.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)