Kan in lam kan pan lai chuan thil ka lo ngaihtuah leh veng² thin,tu dang ani lo.Kan inkawt kan thlen chuan mak ka ti ngei mai,kan chhungte kan veng hnaih tak tak ami ho chu an lo awm thap a,ka zak leh hnu hnawh.
“Nu ka lo chhuak ve lo mai ang ka zak" ka tih chuan “I â thin e mai,an ngai ve em em che a" ka nu chuan alo ti “Min ngai tak tak lo,Mizoram a ka awm lai pawn leng pawh an rawn len ngai loh kha,hna ka neih vang mai in nih saw an rawn kal!" An rilru hi chu ka hre ve Chiang alawm.
“Chutiang an sawi ngai lo,kal ang!" Hnial theih tawh miah loh chuan ka nu zaidam em em chuan arawn ti leh a,ka va han hreh tak. Inchhung kan luh chuan an mit mu chhuak tur khawp hian min en mawle!
“Hei hi Grace-i maw?" Ka cousin zing a sual leh chimawm ka tih em em Lalnunpuia chuan min kawk va hian arawn ti a,ka zah na a belhchhah.
“Anih hi,Bawihi i chau ang han inthlak rawh" ka nu in atih chuan bu nghat in ka chho a,min en dan vang khan ka buai leh lo chauh ani. In ti fai a mut mai ka tum chu ni thei ah ka ngai lo,keimah vang in an lo kal a,kei in ka lo mut san daih in a dik dawn lo.
“I chauh awm nen² han mu ta che" Ka pa nau nupui ka nel vak lo chuan min nuih var hian arawn ti a “Chau hleinem" tih ringawt in ka chhang. Ka bungrua vel min rem fel pui leh hnu ah chuan chaw ei an tum thu min hrilh chiah a.
“I chhelo tawh hle mai!" Tih ri ah chuan ka hawi phei vat a,Nunpuia chuan min lo en char²,a hmel te saw ka la hua a nia,ka cousin mah ni se min tih dan kha theihnghilh har ka ti.
“Tunge inthlak danglam lo bik ang!" Ngeiawm tak a ka tih chuan arawn nui suk a “Ka cousin chu ni lo la ka ta i ni tawh ngei ang" zam lo lutuk a arawn tih chuan ka melh deuh hraw a,inhnuai lam ah ka chhuk nghal daih bawk. Kum ah chuan inrual reng mah ila a tu a zawk mah hian in zah kan tum lo.
Vawiin chu ni a rei ngei mai,ka in thlak dan te min zawt hlawm sek a,ninawm lam ah a kal. Hetiang pian hi awl sam te a ka neih ani lo a,kan beih tak² ah phei kha chuan ka thu sut leh ka chak thei takzet,min support tu tha viau lo se chuan depression nei in ka thi daih tawh ang.
Zan ah chuan an haw har hlawm leh phian a,an haw meuh chuan ka meng tha thei tawh lo,min care nachang pawh an hre thak lo. “Bawihi,i chungchang vel an zawh che in sawi hreh hmel deuh khan awm tawh suh aw" ka nu in atih chuan “Aw le" ka ti ringawt,chhan chu chak viau mah ila ka thei thlawt lo.
NEXT MORNING
“Nula pum pa dar 11 thleng mut tur ani ngai lo,hna ah te i kal dawn lo ami?" Ka pa chuan min rawn kai tho a “Next day atang ka tan ang" ham bai² chuan ka ti a.
“Enge i lo haw tih min hrilh loh a?" Ka thian kawm tam ve ber ti ila,kan inkawm rei lo,kan school ah khan alo kal zawk a mahse a pa vang in school dang ah a kal leh daih,midang ang lo tak in min ti duh dah ve lo a,amah hi a â hui a,kawm a nuam em em.
“Rawm leng teh" ka tih chuan “In in peng ka lo thleng daih tawh!" Arawn ti vak a,kei mut kawr hnawk nei nuai nen ka awm a,ani chu kan inlam pan in alo kal vang vang tawh bik a,kan va in ang lo tak.
“Aiiiiiiiiiii!!!!!" Ka room arawn luh chuan a au vak a,a phone ala thlauh zui “Ka lut sual amawn le?" Atih chuan lu ka thing mai a,ka bul ah arawn thut chuan min hlauh hmel deuh,ka nuih a za ngei mai “Grace?" Arawn ti sup chuan mitko ka zan ak a.
“I ni tak tak maw?" Arawn tih leh chuan “Tak² e,sawi tur i ngah leh awm sia han start deuh nghal mai teh" nui chung a ka tih chuan a ngaih a ngam ve hmel deuh,a chungchang chu min hrilh a,a bialpa in alo kawp tih a sawi chuan a tap dawn tep tep mai.
“Sawmdawnga nen khan in la ni em?" Arawn tih chuan ka hamhaih hle “Tu Sawmdawnga?" Ka tih chuan chek tlak² in “I mei(tail) kha!" Arawn ti vat a “A chanchin pawh ka hre tawh lo" ka kawr hmawr tham vak chung chuan ka ti sup a.
“In la ni ang chu ka ti mai a,a duh ve hlawrh² che sia,mahse naktuk mai ah alawm in in hmuh tawh dawn" arawn tih chuan ka phu zawk “Engvang chuan?" Ka ti leh hu a “Hmun changkang zawk a awm si hi i hahthlak!" Arawn ti hluk.
“ Reunion kha i hre tawh lo ami?" Arawn ti leh a “I kal ve thei ami?" Ka lo ti let leh a “Immm class 10 ami te a chhuak tawh te pawh kha an lo kal vek dawn" uar tak a arawn tih chuan kal loh ka tum nghal a.
“Kal pawh ka tum lo,i lo va enjoy zo vek dawn nia" ka tih chuan “Lalduhawm mawl² suh,i kal awm Chiang e mai,i kal dawn tho tho" arawn ti chiam a. Rei fe alo len hnu ah chuan anu in arawn call a,inhnuai a kan chhuk pah chuan ka nu bul ah reunion kha ala sawi zui,hre lo se ka ti sin le.
“Naktuk ah maw in in hmuh khawm dawn?" Ka nu chuan chaw ei lai chuan alo sawi chhuak leh a “Kal pawh ka tum lo,thian pawh ka nei lo ang" ka ti fel et a “Kal ve rawh,thian hlui te nen pawh in in hmu anga,sawi tur in ngah phian maithei sin" ka pa in alo tih chuan mahni inkhawngaih na in ka khat leh tawh.
Malsawmdawngzela tih loh kha chu kawm a lawi ka nei lo,kawm ka tum lo a,min kawm an tum lo bawk. Malsawmdawngzela hi chu ama duh thu a ka nun a rawn luh ani,amah ka ngaihtuah leh meuh chuan ka ngai ve in ka hria.
Zan lam ah chuan ka hna hnawh na tur te ka en fel a,naktuk a kal inring at chuan ka inpeih fel a,ka kawr hak tur leh ka thil ken tur dah chhuak in ka mu ta hmak a,naktuk chu ka nu leh pa in hnial rual loh in kal tur in min duh,ka kal ta pauh aniang chu.
Hmuh erawh ka hreh hlawm khawp mai,hmeichhe thau leh infit lo zet,che chhe thei em em mai hmu tur ah khan an inngai ngei awm sia.
.
Company lam ah chuan car in ka kal a, manager hna ka chelh mek bawk, shillong lam khu kan main company ani a,chuan Mizoram ah hian kan la nei cheu bawk, Mizoram an in daih loh leh inlungrual na a awm vak loh vang in,kan hotupa chuan “Nang i hlauhawm deuh,i thu an awih zawk ang" ati tlat reuh a.
Company ka thlen chuan ka hnuai a hnathawk te leh ka pu tur te chuan min lo lawm sap sap a “I lo thawk thei dawn chu kan lawm hle mai,inrem tak a kan thawh ho theih ka beisei" Pu Saia chuan nui hmel pu sang hian min bia a.
Eng tam mah sawi lo in ka office lam tur chu ka pan nghal a,an report ka en chuan ka thin hi a rim ngawih²,khu ti lam (Shillong) ah 10% discount kan neih lai in he lam ah chuan order ang pawn engmah zu han kal lo a!
Staff ho chu meeting room ah ka koh khawm vek a,a te ber atang a lian ber thleng in,in thliar na tih vel a awm hi ka duh hauh lo,chu thil chu kei ai hrechiang tu hi he hmun ah hian an awm hauh lo ang.
“Shillong atang a order kan rawn pek chhuah chu in zawm lo ni in a lang a.." ka ti hmasa te te phawt a,ka hnuai a hnathawk hmeichhia ho chuan min mil loh hmel hle mahse ka engah mah hian a thawk lo.
“Ladys, khawngaih in ka thil sawi lai chuan in hmui kha in lo chip thei angem,in salary a nghawng phah ange!" Ka tih sup chuan an ngawi ta hmak a “Ka sawi duh chu, shillong a order an rawn pek ang zel kan zawm tawh ang,tun ah pawh kan thil zawrh te 10% discount kan nei bawk ang,in hlawh ringawt in aim a,in tui na lam in kal leh si loh chuan enge nun hian awmzia a neih ang,in tui na leh in duhzawng hna anih loh chuan tun ah ban na lehkha in rawn theh lut thei ang".
Meeting room atang a kan chhuah chuan ka thaw deuh hak mai,tunlai khawvel lum lutuk hi a hlauhawm zawk hial anih hi.
Zan lam ah program ka neih vang in ka haw hma a,in ka thlen meuh chuan dar 4:30 alo ri der tawh. Zan lam a chhuah hi khu ti lam a ka awm lai pawh khan ka ti ngai vak lo,mahse ka chhuah chhun ah chuan nuam ka ti ve thei hle.
“I mawi lutuk!" Ka nu leh pa in min hmuh chuan min fak deuh luam a,ka lai chhe leh tawh hle. Car chuan keimah in ka kal leh a,midang hmuh ka hreh ngawih ngawih ani ber,Rachel-i lah kha a bialpa thar nen an kal dawn bawk sia,ka sawm buai peih lo.
Car atang a ka chhuah chuan ka zam ngei mai,nihna lo anga lang te pawh ka ang alawm hle! Thaw halh in hotel chhung ah chuan ka lut a an receptionist chu bia in kan room tur chu ka zawt ngal a,5 floor ah chuan ka chho nghal vat.
Kawngkhar hma ah chuan ka ding vang vang phawt,tun ah hian ka let leh ang nge let lo ang tiin ka rilru a insual mek. 123 kawngkhar chu ka hawng a.
Ka classmate hlui te nen chuan kan in melh nghal thap,engmah sawi lo in min en haw hlawm a,in ti chak lui in ka pen lut lui deuh ngat a.
“Puih thei na che ka nei em Miss?" Min hmusit thei em em tu Abed ngei mai chuan polite tak in min bia a,ka ten ngei mai,kal pel deuh hmak in ka hming in tar na ah chuan ka thu phei a,mak tih hmel tak a min en chu ka hre lo lui ngat.
“Hi Grace,in hmuh loh na ava rei ta ve?" Jennifer ngei mai chu ka bul ah athu a,a kut rawn phar chhuah chu melh zawk in “A tha phian alawm" tiin ka phone chu ka en san ta daih a,nui sang a a kut a lak let chuan ka chhung ril hi a nui ver ver.
“Duhsanga sawn a en riau che in ka hria Grace" ka beng bul a arawn phun leh sep chuan ning zet in ka thaw hak. Ka dinhmun alo that tak vang a thian a mi siam a tum chuan ati sual khawp a.
Min en reng tu awm ang a ka hriat chuan ka hawi chhuak duh lo,ka mi hmuh duh loh ber mai ka hma ah a thu miau si! Kan hun liam ta te lam an sawi chuan an nui hak hak hlawm a,chuan tumah ka chungchang chhe lai sawi an awm hauh lo,mak ka ti hle.
An inkawm khawm dan hi ka zo ve thlawt lo,an nuih na a nuih ve te hi a har ka ti,ka thian neih ve ber lah chuan a bialpa ban ah min bei san daih lehnghal a.
Ka ning deuh tawh vang chuan haw ka tum a,mahse enge an hriat ni haw an la phal thak lo nia,ti hi chuan thian inkawm ngaih tak te pawh kan ang hlawm alawm le.
Wash room lam ah chuan inti harh tur in ka phei a,ka kut chu ka sil thuak²,kawngkhar ri rak ah chuan ka hawi chhuak a,ka hnung mai a ding vang chuan ka phu zawk.
“Chica!" Engmah sawi lo in ka en reng ringawt,inhmuh hun kan la nei ang tih ka hria,mahse a hma mah mah ani.
Rawn kal hnai in min si deuh thaw chuan ka hma ah arawn ding a,min en vang²,arawn nuih sak chuan harh chhuak in chhuah mai ka tum a “Che suh" arawn ti nghut chuan ka che lai ka tawp chat.
A mit ah tak ka han melh chuan ka tek chhawk in ka hria,rawn thaw halh in ka kawng ah chuan min rawn kuah anih chu! Ka zam em em ringawt,ka chet deuh chuan ka kawng arawn tham tawk a.
“Ka ngaih em em nu" thaw chhuak ham ham a atih chuan ka ding khawng reng ringawt,min thlakhleh hmel ngawih² hian min rawn en leh a,arawn nui chhuak deuh hawk.
“Zan in chu kan pahnih in hun hmang ang" arawn tih sup chuan “Kan thei lo,ka kal dawn" min vawn na tang tal chhuah ka tum a “Kha mi tenawm ho in an melh dan che kha ka duh lo!" Ti nghut in min kai chhuak nghal a,engmah ka sawi hman lo,thil a thleng zung² ni ber in ka hria.
Ka thutna a ka bag dah chu la in min chhuah pui nghal hmawk²,mak min tih hmel hlawm em em a,Duhsanga meng rum ul chu ka hmu hman hram bawk!
