Changes by changes Chapter 3

Story tawi te te emaw luanliamna emaw post na
Zualy juneblies
Posts: 84
Joined: April 3rd, 2022, 8:46 pm

Changes by changes Chapter 3

Unread post by Zualy juneblies » July 30th, 2022, 6:18 pm

Chapter 3





Hotel atang chuan min kai chhuak dawr dawr a,amah a chak in a pen hlawk si,a hnung ah chuan ka kal ve hlawk hlawk.








School kal lai a ka Malsawmdawngzela hriat thin kha a ang tawh lo hle,a hma ai mah zawng in alo hmeltha tawh a,a sang em em bawk ft 6 ani tih chu ka Chiang,a chhan pawh school kan kal ho lai khan ft6 a tling tep zel.








A pian chu a kawr hak chhan ah pawh chuan a nalh zia ka hre thei,gym a kal thang ka ni a,mipa pian nalh leh chhelo tak tak te chu hmu ngun tak ka ni mahse hepa hian ka mit a la tlat. Hun reilo te chhung khan ka lo en chik viau ani ngei ang.








“Malsawmdawngzel min thlah teh" ka ti deuh hmuk,ka tawng ring lem lo mahse ka pahnih chuan chiang tak in kan hria “I thu sawi chu thleng lo mai rawh se" ti hmuk in min kai leh dawr dawr a.








A mizia pawh a damlam ta hle mai! A car park na lam ni awm tak ah chuan min kai phei a,kei ka te chhe lo bawk nen ka lo tal ve nak nak a,kan in buaipui leh rih,ani lah a thaw hawk hawk mai lehnghal a.








“Luh rawh!" Car kawngkhar a hawng chuan lut duh lo ngat in tlan phei ka tum a,mahse ka kawng ah min man hman,thil ti sual ni awm ang hrim in ka chhuah a phal thak lo.








A car ah chuan min peih lut deuh hnawk a,rang tak in seat belt min rawn hren tir nghal,kei lah ka lo tang nasa “I chet leh chuan ka ei zo vek ang che!" Arawn ti deuh hrawk ah chuan ka che lai ka tawp chawt a.








“My Chica" ti sup in a car hma lam rawn kal hual in driver seat lam ah chuan arawn lut. Inbe lo chuan kan tlan thui zel a,ka lungawi lo sa nen min en nge min bia pawh ka hre lo.








“Ka biak che chu!" Arawn ti deuh nghut ah chuan ka hawi chhuak a,tum hmuk hian min lo en “Enge?" Tiin hma lam ka hawi leh nghal a,thaw chhuak hawk in a tlan chhunzawm lehnghal.








Zan nuam lo tak chu ani e, hotel ah khan lo awm mai mai ila tha tur ani. A hnu ah chuan in lian ve tawk tak kawt ah hian a ding a,a reh em em lehnghal. Hlauh erawh ka hlau hran lo,ka bul a mi pa hian min ti na dawn lo tih ka chiang.








“In biak kan ngai" ka lam arawn hawi a,a taksa nalh tak in ka lam arawn hawi meuh chuan ka thaw a sak talh mai,ka thaw tha thei lo








“Ka zawn nasat zia che i hria em?" Arawn ti hul deuh hak,amah ka en chuan a hmel ah lungawi loh na ka hmu thei,tlem in ka inthiam lo ve deuh.







“Min zawng rawh ka ti reng reng che em ni?" Ka ti leh ve sak a,min ngaihtuah hmel deuh a a awm hian ka thin a ti rim.








“Ti lo e,mahse keiman ka ti alawm" arawn ti leh hmuk a,thaw chhuak hak in hma lam ka hawi nghal daih. Sawi tur hi chu ka hre lo ve mawle, higher kal lai mai mai ang kha ka ni tawh lo.








“I danglam ta hle mai" thaw chhuak ve hawk a arawn tih chuan ka nui suk a,min hrilh har ka ti reng ani “Mahse ka duh zawng erawh ani lo" arawn ti leh hmuk,nuihza zet a ka va en chuan min lo en ve chiah.








“Ti kha chuan ka ei zo ve thei ang che" arawn ti sup,ka sa chhuak nghal vek,engtin nge zak miah loh a a sawi theih le.







“Let leh ka duh" ka ti sup a,hetiang a awm reng hi nuam ka ti lo “Kan let lo ang" arawn ti leh nghut “Engvang chuan" ka ti ve hrawk a “An melh dan che kha duh lo" arawn ti ve hrawk a.









Thinrim chhan hriat si lo chuan kan aw ki a ring duh hle,thinchhe ve ve ta nana chu kan insual lo chauh ani “Engvang in nge ilo duh loh ve ringawt,ka enge i nih a!" Ka ti nghek a,rawn che hrut in ka dar ah min rawn vuan a,a lam ah min pawt hnai nghal hrawk.










“Hei vang hian" tiin ka hmui ah chuan na em em hian min rawn fawp a,awm dan tur ka thiam lo,tal deuh nawk nawk in a dar ah ka chum a,engah mah ngai lo in ka tukhum sam ah a kut tang sei thlurh chu arawn rawlh nghal hmiah,a aia na zawk chuan min fawp leh a.









Chet pawh ka che thei tawh lo,chu tah dam leh duhthawh em em hian min rawn fawp ta zawk a,ka thawk a rang ve tial tial,chutah min chawi thut a,a mal ah min hlang nghal nalh,ka thaw hak a,mahse min fawp zawm leh nghal hmiah.









Ka chhang let lo mahse ka tuar theih piah lam ani! a kut chet in ka awm lam arawn khawih a,mahse a hmui chu ka hmui ah ala awm reng tho,chu tah a in la hrang thut a,ka hamhaih zawk.










“I duh anih chuan he tah pawh kan ti thei ania" arawn ti sup a,ka hmui si chet a ala awm vang in ka hmui arawn lum nghal hak a. A mal atang a chhuk in ka seat lam ah ka phei nghal vat,ka hmai tuai deuh thuak thuak in pawn lam ka hawi chhuak daih.










“I lai em ni?" Nui suk a arawn tih chuan “Min thlah haw rawh" ka ti khur dar dar,ka aw teh hrep chu! Hetiang hian ka la awm ngai lo asin,ka mipa fawh hmasak ber anih vang te pawh a niang.









Amah ka en zeuh lah chuan a hlim hmel em em mai a,a a thut emaw ka ti lek lek ani. “Chica, ka hmeichhia ni rawh" tlan lak lawh lai in arawn ti thut a,amah ka va en chuan hma lam alo melh ngur a,ka melh tih a hria nge arawn nui suk.










“Ka fiamthu hauh lo ania" arawn ti leh tak ah chuan ka harh chhuak zawk a,kan inkawt kan lo thleng der tawh,ka bag la a chhuah mai ka tum chuan ka ban ah min chelh leh rih a “Khatiang thawhnaw kha ka hmuh tur bak ah ha tawh suh ang che,anih loh chuan hrem na i hmu ang" ati nghut.









Chhuak sawk sawk in kan inlam ah chuan ka tlan lut a,ka nu leh awmpui thenkhat te chu an lo la meng,ka nu in min hmuh vel ah chuan min lo be nghal a “I lo va haw hma ve a?" Alo ti vat.









“Nia, naktuk hna kal ka ngai sia" ka ti sup a “Aw le,va mu vat rawh" atih chuan mangtha fel in ka room lam chu ka pan nghal a.









Room chhung ka luh chuan darthlalang lam ah ka phei nghal vat,ka kawr hak vel ka thlek kual chuan enge dik lo pawh ka hre lo, Malsawmdawngzela khan ha tawh suh te kha mi ti mai mai,ava han zak lo tak.









Ka phone a rik chuan ka ban vat a,number chiah anih vang in ka pick up vat ‘Baby,i inbual tawh em?' tih ri ka hriat chuan phone chu rang mangkheng in ka off nghal.









Malsawmdawngzela ngampat zia hi,chuan engtin nge min koh kha ‘Baby' a chhe lem lo mahse inzawm na engmah ka neih loh vang in chutia min koh chu ka lungawi teh chiam lo.









‘Baby mahni bialpa te an biak lai in phone an off thut ngai em ni?' a rawn call nawn leh sek tak ah chuan ka la leh ta hram a ‘Ti khan mi koh reng reng suh' ka ti vak.










‘Anih chuan ka bawihte' arawn ti leh a,a mi koh dan vang chuan ka sa chhuak vek,ka lai ani ta ve ang,phone call chu ka off leh hmak a,ka switch off nghal daih bawk.









Engtin nge ka number alo neih leh hman,a va han che chak em em ve naaaa....ka ngaihtuah peih tawh lo, Malsawmdawngzela chu nilo se police ah ka kal ngei ngei ang mawle.









Kei ai a naupang tih ka hria mahse ka nau en nachhan tur hi ka hre thlawt lo,kum 26 lai chu ani ve tawh mahse High school a a mize ngai chu ala kawl reng anih kha.

.


.


NEXT DAY🌄





Zing ah chuan phak chuap hian ka tho a,enge pawh ka hre lo ka awm a nuam vak lo. Company kal pawh chu ka peih lo hle mahse ka kut ah a innghah tawh vang in ka theih tawp ka chhuah a ngai.










“Coffee aw?" Ka nu in alo ti var a “Yes" coffee chu ka hma ah chuan arawn chhawp a,ka hnim deuh vang vang, shillong ah ka awm rei bawk a,ka nu coffee siam ka in loh na pawh a rei ta alawm le.









Dar zat ka en chuan 8 ala ri lo deuh a,kal hma ka ngai vak loh vang in ka hmanhmawh lem lo,ka phone ken thlak chu ka on a, Malsawmdawngzela massage alo tlar tuarh mai,en lem lo chuan ka delete pawp pawp a.










Nizan lam a kan hotel kal na lam chu va bia in ka car min rawn khalh haw sak tur in ka ti a,biak an nuam hle,kal chhunzawm a chak awm em em bawk.










Nelawm viau lo mah ila customer kan nei emaw, introduction ka pek dawn chuan nui hmel hi ka pu sang zel,mahse back stage lam ah erawh ani lem lo. Engkim hi thil kan tawn atang a inzir diat diat vek kan nia.










Ka hnathawk te bul a kan sual viau dawn pawh hian Bible in ‘Tin,miin i chunga an tiha in duh tur ang zelin mi chungah pawh ti ve rawh u' atih kha ka hrechhuak thin,hmeichhe sual ka ni lo mahse ka dawhtheih na erawh a pan hle thung,chuan thuzep tit(Trit) tet(tret) neih hi ka thei ve bau lo.









Ka car arawn thlen chuan insiam tur in ka room ah ka kal nghal a,ka nu in alo be mai tur ah ka ngai. Zing lam ah ka pa hna a a kal tawh vang in ka nu a buai ve hle a,a chhan pawh ka pa in hna a kal tlai deuh dawn chuan ka nu eirawng a bawl pui thin vang ani.









Ka insiam zawh meuh chuan ka in en vang vang a,insawi sel na lai tur ka van hle,ka room atang ka chhuak a ka nu in “I va rimtui vung vung ve" alo tih chuan ka nui mai a.










Chaw ka ei zawh chuan company lam ah ka inkhalh chhuak a,kalkawng ah chuan Pi Nute-i te nufa ka hmu nawlh a,ka phur ve nghal daih bawk,ani hi kan school kal lai zawng zawng a min duat em em tu ani a,a hun lai kha chuan nula naupang ve tak ani thin.









Tun ah erawh pasal a nei tawh a, senior hnu a pasal nei kan tih ang hi ani mai,a hmel pawh a chhe lem lo,a fanu pawn a chhun khawp mai.










“Sawmdawnga nen in la inbe thin em?" Malsawmdawngzela hming hi khawi hmun ah pawh hian hriat tur a awm a “Ah...Immm be ve zeuh thin e" tiin ka nui mai a “A a ve thei sia,tun ah chuan business man hausa lutuk a nih tawh saw" tiin a nui hak hak a.










Zarkawt ah chuan an chhuk a,kei kan office lam chu keimah in ka pan leh nghal a.










Office ka luh chiah chuan ka hahdam sawng sawng in ka hria,ka dawhkan a file lo awm deuh thur chu thaw hak in ka ban a,ka bih deuh thuak thuak,sign ngai deuh vek an ni hlawm bawk a,green tea ka chah leh hmasa te te phawt.









Ka thil chah alo thleng chuan khawmuang tawh lo in ka hna neih ve te chu ka thawk nghal char char a,hna rum lam ani lo na in kut erawh ana ve duh hle!









Ka assistant ve ang reng deuh Malsawmi hi alo lut a “Dar 3:30 ah meeting kan nei dawn anih chu,chuan ‘Subarashi Hotel' nen collaboration nei tur in Shillong lam atang thu kan dawng bawk" alo ti nghal zung zung a,ka peih lo nghal hle.










“Aw le" ka tih sup chuan ka chhuak a,chu hotel hming chu hriat tawh na ka nei tlat ani mahse ka hrechhuak zo tawh tlat lo nia!









Dar 3 hma a zo thei tur chuan hna ka thawk zawm mawlh mawlh a,sign tur lek ni mahse an rawn dah belh zel vang in ka zo lawk thei lo.









Dar 3 pelh fe ah chuan ka zo a,insiam tha sawk sawk in meeting room lam chu Malsawmi nen kan pan nghal,ka thleng tlai ber ni in a lang.









Meeting room ka luh chiah chuan ka mi hmuh avang chuan ka chawl dat a “Tihpalh lutuk,ka hna a laklawh deuh a" tiin ka thu thla nghal a,ka hma ah chuan Duhsanga a thu a,min en reng bawk.









Duhsanga hi chu a hunlai pawh khan a chhelo in a luck,chu bak ah sports a thei em em bawk, school hi kal lo ta se pianpui B.A kan tih ang hi a neih ka ring. Tun ah pawh hian chhia chu ani mawlh lo alawm.










Chuan Subarashi tih an hotel anih vang hian ka a lo chauh ani,a chhan pawh chu tiang chuan min koh tlat thin si a.










Meeting chu kan tan deuh pawp pawp a,kei chu tawng ve lo mah ila ngun tak in ka lo ngaithla thung,kan inmelh fuh leh zawk zawk thin bawk a.









Meeting zawh ah chuan thingpui in ho an rawt leh deuh tlat a,an phat buai miau loh vang in ka pha ta bik lo. Kan thil kan nghah chhung chuan Duhsanga chu ka bul ah alo kal a “I dam maw Grace?" Alo ti sup.










“Ka dam lai tak ani e,nang zawk i dam tha maw?" Ka lo ti let var a,a nui hak “Tun hnai te ah chuan tha lutuk mah mah zawk" arawn ti a “I dang......i danglam ta hle mai" a dang a awk amaw!









“An ti chawk asin" tiin ka nui hak a,reilo te kan inbiak hnu chuan kan inkawm thei ta phian a,mak tak mai chu kan hun kal ta ami kha engmah min sawipui lo,nitin a ka hmun hman dan te min zawt a,a fel in tawngkam a thiam hle,ka number min dil chuan ka pe tha ve mai bawk a.









Ka phone arawn rik chuan ka ban vat a,kan mimawla bawk ani!



*Enge?*



*Miss u*



*Malsawmdawngzela i ninawm*



*Kan ngai ve em em che a*




*I sawi tur chu sawi vat la,ka hman hmawh deuh a*




*Thil sual i ti ani maw i va tawng nem ve*




*I hahthlak ka dah dawn nia*




*Aihhh ka lo lam ang che bye*




Ka dah hma hna chuan a dah a,phone ka melh nghek “Sawmdawnga em ni?" Duhsang an atih chuan “A....immmm" ka ti sup a “A tawng ri kha ka hria a" arawn ti ve sup.







“In in ngaihzawng em ni?" Atih chuan rang lutuk in “A teuh lo lutuk!" Ka lo ti nghal vak a “Hahah a tha e" tiin a nui hawk hawk a.






Min lo hruai tak tak ang tih chu ka hlau!



👽
A chhiar ho kha lo in report ru!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)