Changes by changes Chapter 4

Story tawi te te emaw luanliamna emaw post na
Zualy juneblies
Posts: 84
Joined: April 3rd, 2022, 8:46 pm

Changes by changes Chapter 4

Unread post by Zualy juneblies » August 2nd, 2022, 4:03 pm

Chapter 4





“Baby ilo va chhuak har ve!" Ka hma ah chuan Malsawmdawngzela chu a ding luau a,staff ho an la awm nak nak bawk nen ka hawi kual zuk zuk a.









“Ti khan mi koh tawh suh" ti hmuk in ka office ah chuan ka lut nghal a,haw ka tum ve uk tawh a mahse hepa vang hian ka office ah bawk ka luh leh phah,min va han ti buai ve chiang tak.









“Enge i lo tih dawn?" Sofa a thut thlak pah chuan ka ti sup a,ka bul ah min si chet hian arawn thu thla ve nghal,ka lo tawlh sawn deuh hrut chuan a rum deuh nghut.









“Ka lo hruai ang che ka tih kha" arawn ti hmuk a “A ngai lo haw leh rawh" ka ti ve hmuk,staff ho an lo lut ang tih ka hlau ngei mai min hmu vaih se chu min ngai khaw lo ngei ngei ang.










“Ka lo kal ve vek tawh a,ka haw leh daih in i ti awm ang lo e mai!" Tum hmuk hian arawn ti,a pian leh a chezia in mil lo lutuk chuan ka nuih ati za,palian ve uaih tawh si hi la tih deuh hmuk hmuk hi a ching a,a Malsawmdawngzela thlak e mai!










“Car ka keng alawm,i duh leh lo va haw rawh.....keimah chauh a hnathawh ka ngai ania" tiin ka office chair lam chu ka pan a,ka thu thla nghal a,mitmeng chimawm zet a min rawn melh chuan ka melh rum vak.









“Nangmah a i thawh tur chu tinge i sawi kher a,chance ah la se min ti deuh ami?" Nuih suk a arawn tih chuan ka paper a thlawk nghal,alo la man chat zui.









“I bul a ka lo kal theih nan ami i rawn vawm leh kher" tiin min rawn siai suk anih chu! Ava han over tak,a zak ve miah lo amawn ni,kei lah tleirawl ang mai in ka lai a,a sa chhuak up up in ka hria.








“Bialnu i nei lo ami?" Ka lai thup nan chuan ka ti zawi sup a,min rawn en in a nui suk phawt “Nei e nei e,ani chu chhelo tak ani,ani aia duh hi khawvel ah ka nei lo" uar lutuk a arawn ti chuan ka melh hrawk a.








“Chutiang nei reng si te chu enge mi rawn la tih buai,haw rawh! Min rawn hruai pawh ka ngai lo" Tiin ka file ho chu ka bih kual thuak thuak a “I thik anih kha" arawn la ti zui,engmah pawh ka sawi peih tawh lo.






⌛


“Haw tawh ila,darkar 1 lai kan awm belh tawh ania" arawn ti nang nang a,kei erawh in ka beng khawn duh lem lo,a awm awm sawn awm teh se,min rawn hruai rawh pawh ka ti lo.








“I buai loh na tur ah i buai peih lutuk a,ka thiam loh ani hleinem" amah melh lem lo chuan ka ti a,ani erawh a rum nghut “Aw le,he ti hian ka tih mai a ngai ang" tiin a tho thut a,a lam ka hawi phei nghal vat.








A nghawng ruh a tih chet chuan a pa hle “Ka chhelo tih ka hria e" nui suk a arawn tih chuan ka file ka bih lehnghal daih,ava han zahthlak tak.








“Baby....rawn chhuak vat la i kawr ila ha fel lo ami?" Hepa hi.........ka office kawngkhar hma ah a ding a,pawn ah staff ho an awm ka ring,kawngkhar ala hawn loh vang in an hriat that ka ring lo,mahse kawngkhar a pawt hawng mek.








“Malsawmdawngzelllll"






“Kan haw dawn nge kawngkhar ka hawng dawn,mahse lungngai suh...kei chu ka zak vak lo ania" tiin kawngkhar chu a pawt hawng deuh hlek a,ava han chimawm tak!







“I duh leh nangmah khan haw la ani mai lawm,enge kei mi tih buai ve kher!" An khum hrep ka tum na chu ka insum leh ta zawk “Baby...i kawr...." atih rual rual in ka bag ka la a,a bul ah ka va thleng phei nghal.








“My Chica!" Nui suk a ti in pawn a chuan kan inzui chhuak,a tlai ve deuh tawh vang in zan lam a duty vel tur chu an lo kal nak nak hlawm a,min wish leh sap sap hlawm a, Malsawmdawngzela lah in min vuan deuh uk.







Duh lo viau mah ila Malsawmdawngzela car ah chuan ka thu ta luau mai,a chimawm thiam si,min tih zah dan lah a thiam si,ka thin hi ati rim fai vek......




.



.Malsawmdawngzela's POV☄️.





Ka bul a thu tum hmuk nu chu en in ka nui leh suk thin,nuih rin lah ka ngam der lo,a sual ve hlit hlet sia maw.....








“Khalh chak ve deuh la,heti te chuan scooty pawn min rawn um phak zan zan tawh ang!" Ka bul a thu nu chuan arawn ti hmuk, ka melh zawk a.








“Dam tlan a tha" ka tih chuan a tum deuh hmak, Lalduhawmi hi chu nilo se heti em em hian ka zar buai lo ang.








School kan kal lai pawh khan amah chiah hi ka duh thin.Hmeichhe nalh leh pian nalh tak erawh a ni ngai lo,mahse kei chuan a chhungril lam ka hmuh sak tlat.Thinchhia in heti hian awm hmuk hmuk mahse a rilru that zia ka hre chiang.








Khata tang khan amah hi ka vei ni ber in ka hria,ka kawm tan(tran) a mahse ani erawh chuan min be liam mai mai.Mahse hei hi ka sawi hmaih/hmeih thei lo,a pian pangai nen pawh khan hmeltha tak ani!








“Sawmdawng kan in i tlan pel daih ania" Rawn ti sup tu ah chuan ka harh zawk a,an in ka lo tlan pel daih chu ni in,ka nui sak.








“Ruk che ka tum alawm Baby..." Ka tih chuan arawn meng phawk vak a “I a mi!" arawn ti deuh vak,he pawh a mize diktak ani,a duhawm leh ngei mai.








“Lungngai suh,naktuk ah i hna atang i bang nghal dawn nia,ka chawm zo lutuk che lawm" ka ti leh a “Pasal neih ka la in peih reng reng hleinem,tlan let leh rawh....i va a em em tinge ka phal na tel lo a min ruk ve rihngawt" arawn ti vak a.








“Ka ru tawh che lawm,ka dah let leh che chuan a mawi dawn hleinem" Ruk tak tak mai ka duh ani “Ka office kal haw min ru ringawt a,min dah leh mai teh a zahthlak lo ang" ngen ti tih deuh chuan ka lam arawn hawi a.








Car chu kawng sir lam ah ka ti ding a, motor tlan a awm ve zeuh zeuh tih loh chu dawr emaw teihawi vel hmuh tur an awm lem lo.








“Thil pakhat i tih chuan ka dah let ang che,anih loh chuan i mualpho dawn nia aw.." ka tih chuan min en kar a “Min kiss rawh le" ka tih sup chuan arawn meng phawk leh vak.








“Tinge maw i uan reng mai le" arawn ti ta hap,a rilru a hah ve hmel reuh lutuk “Ti vat mai teh,i hma hun vek anih hi"Ka ti leh sup a.








“Anih khawi ah khan?" Arawn ti chuan “Hmui ah" ka ti nghal vat a,a hreh hmel kher mai.








A thutna siam tha in ka lam ah chuan muangchang in arawn hawn hnai a,ka lo melh reng,a duhawm tak zet,a hming a pu zo hliah hliah ani.








Ka hmui arawn si tep tih ah chuan arawn nui suk a “Malsawmdawngzel nang ai ka upa tih i theihnghilh ami,mi bawl mai mai lo ang" tiin ka biang arawn beng thek thek anih chu.





Lalduhawmi han fin ker kawr zia hi,a hna thawh a sang pawh hi a phu hliah hiah ti daih teh ang!


.


(An scene a tam e mai tawp hrih ang🤣)




🏘️



Grace Lalduhawmi's POV⚡




In ka luh chuan ka nu leh pa ten chaw an lo ei mek a,ka Inthlahrung duk mai. Malsawmdawngzela khan min bawl kual der vel lo phei se chuan kan ei rual ngei tur ania.








“Bawihi in hna a lak lawh deuh ami a?" Ka pa in arawn ti a “Ah..imm ni mai e" ka ti sup,plate la in an bulah chuan zanriah ka kil ve nghal a.








“In car ri kan hre har lutuk a,chu bak ah zan inkhawm ka duh sia kan lo ei ta mai" ka nu in atih chuan Malsawmdawngzela ka rilru in ka sawisa nawk nawk.








“Sawmdawnga khan min lo thlah a,chu bak ah Wednesday zan ami?" Ka ti hu “Ni lo e, kohhran hmeichhia ania,Sawmtea chu chaw ei ah la sawm rawh a fel e mai" ka nu chuan arawn ti leh a.








“I bialpa ve deuh ami?" Ka pa in nui chung a arawn tih chuan chhan dan tur ka hre lawk lo,ka ngawi deuh vang vang phawt “Ni lo e" ka ti sup a.







“Nu engtin nge Sawmdawnga nen chuan in in hriat reng reng a?" Ka nu chu ka zawt a,Sawmtea a ti thei nghal mai chu mak ka ti deuh.








“Bazar ka kal tum khan a Motor ah min phur a,a fel in a polite ka ti khawp a!" Ka nu chuan a fak nghal chiam chiam a,kei lah ka lo ner sawk sawk mai.







🌌



Zan lam ah chuan hnathawh tur ka hawn loh vang in phone ka khawih melh melh a,thil pawimawh em em ka ti hran lo mahse ka enjoy ve em em ani.








*Enge i tih?* Sawmdawnga(Koh duat deuh tawh ang aw🤣) massage arawn lut a,a massage chang ang hrim in ka open nghal anih chu.








*K mu* tih ringawt hi ka type,type lam ah hi chuan thatchhe ve tak ka ni.Ka story chhiar thin a writers te hi an fakawm hi ka thin.








Malsawmdawngzel an arawn video call anih chu,hepa han naupan chhiat dan em em hi chu...






*Video call ah i la duh si lo a ka rawn call tawp che*





*Enge?*





*Ka ngai che a,mahse min an khum miah suh aw ka Inthlahrung ve teh mai ania*






*Aw le,naktuk ah dinner kan kil dun dawn nia*






*Lalduhawm i phiang thar ami?* Ka nui hak hak,kha tia ka tawng kha mak ati ani chek ang,ka nu in chaw ei a sawm tur a min tih avang in ka sawm a.







‘Ka va interview hma ve' ala ti zui,a lawmawm letling phian mai!






Zan a rei tawh deuh vang in muthilh chu ka tum a,ka rilru ah lah chuan Sawmdawnga hlir a awm lehnghal,a pian nen in mil lo em em hian a lawmawm a!




.



🌄


Nizan chu ka va han mu tui em em ve,mumang bo vek khawp in ka mu alawm. Tho tharh in bathroom lam ah in ti fai tur in ka lut a,kei leh kei lo ang in ka mood a on em em lehnghal.








“Nu vawiin chu office kal loh mai ka duh deuh,hna pawi mawh vak a awm si lo a,car la tur a ka phei zawk ka ngai" Ka nu bul ah chuan ka thu thla a, chanchin bu a chhiar mek.








“Aw chutiang te chu i thu alawm,a thu hrim ah tinge i car chu i hnut chhiah deuh reng a?" Ka nu chuan arawn ti a, Malsawmdawngzela vang vek ala ni ziah zui.








“Nia,hma hun tur kan hre lo thin lo a..." Ka ti ta ringawt,ka pa walk alo haw chuan a awm thlan dai phawt a,a hnu deuh ah inbual tur in a phei.








A inbual lai chuan ka nu nen chaw ei kan lo siam a,kan nui leh hak hak zel “Sawmdawnga chu vawiin ah lo sawm rawh aw" Ka nu in chaw ei lai a atih chuan ka bu deuh nghat,biak ka va han hreh ngawih ngawih tak.








Chaw ei kham chuan ka car la tur chuan ka insiam a,kawr fual par a ban puk hi ka ha a,ka khup chung hret, chuan sneakers ka bun leh tawp,ka sam pawh ka thlah mawl deuh tawp a.








Taxi in ka kal a,mahse traffic a jam nasat em vang in kawng chan ve vel ah ke in ka kal daih thung,a nuam viau mahse horn ri hi bengchheng reuh ka ti.








Kan company parking lot chu ka thleng thuai a,inlam ah ka inkhalh haw leh nghal bawk,nichin ang em em kha chuan traffic jam tawh lo mahse an la awm ve deuh tho.








Malsawmdawngzela chaw ei ah sawm ka ngai tak,phone ah chuan ka be peih lo,va kal zawk ila a tha ang.Sawmdawnga te company lam chu ka pan nghal a,hreh viau mah ila ka nu in sawm tur a min tih miau vang in hei aia hun tha a awm lo. Chu bak ah a tak ngei a hrilh kha a tha,phone ah chuan a in ngaih pawimawh loh thlak.








*Malsawmdawngzel in company kawt ah ka awm thil sawi duh ka nei* Ka luh hreh em vang chuan ka call ta tawp a.








*Min va ngai hma ve keipawn ka ngai che lawm*








*Ka thusawi leh i thu sawi in rem loh zia kha i hria em,rawn chhuak lawk teh*








*Buh in ar a pan ngai lo*








*Anih ka haw mai ania*








*Hey,rawn lut lawk mai la,ka chhuak thei hrih lo* atih deuh tlat vang in ka lut ta tho a.








“In Sir hmuh ka du....." Ka tih lai mek in “Sir bialnu maw! Miss Grace-i nih chuan i lut thei ang" Nula pakhat chuan alo ti,ka meng deuh awk mai.








“Baby lo lut la..." Kan bul lawk a kawngkhar lian tak chu rawn inhawng in Malsawmdawngzela chuan nui sang in arawn ti a,ka va han lungawi lo chiang tak!








“Malsawmdawngzel i ti zahthlak thei e mai,khatiang a tih te kha i zak lo ami,min ngaihtuah ve ta che...." Office kan luh chuan ka ti nghal bawrh bawrh a,ani lah a ngaih a sam khawp.








“Min ngai anih chuan sawi tha mai la,i tan anih chuan office pawh ka kal lo mai ang" Ala rawn ti “Ka ngai hlawl lo che,ka nu in chaw ei ah sawm rawn atia,engtin nge maw in lo inhriat ni..." Ka ti hmuk.








“Ka nu tur ania enge ka hriat loh ang" Mit siai suk a arawn tih chuan ka thaw hak a “Ka hrilh tawh che a,ka va haw tawh ange" Ti a chhuah mai ka tum chuan min pawt let nawk a.








“Tiang ang kawr ha tawh suh ka tih che kha,hrem na pawh kha ka ti tak tak ania" Ti sup min pawt let hrawk a,ka tukhum ah a kut tang rawn rawlh lut in,a hmui zawn ah chuan min nam deuh pawp in ka hria.








A hma ang bawk a na mahse feel vawng vawng theih chuan min fawp nawk nawk a,a hreawm rual rual in.....A duhtawk mai dawn amaw ka tih lai in a che uar sauh,ka insum thei ta bik lo chuan ka chhang let ve a,a hma ai zawng in a uar a,ka mawng arawn tham tawk chuan ka rak that.








‘A tui lutuk' ti sup in min thlir deuh vang vang,ka thaw tha thei der lo ka biang ah rawn fawp leh dan dan in ka hmui ah rawn fawh a tum a “K....ka..kal tawh dawn" tiin ka inla hrang a,a rum deuh nghat. Ka bialpa pawh ni miah lo hian vawi hnih lai min kiss tawh ania, hmeichhe easy tak ah min ngai ngei ang.









“In control fe ka ngai ang,palai rawn tirh mai ka duh tawh" Atih sup chuan nidang ang in ka chhang hrep lo,a chhan pawh hepa hi ka duh mai dawn in ka hria,ka mi huat em em fawh chu engvang in nge ka chhan let ngawt ang...nilo ka duh thei lo,ka phu lo hliah hliah.








“Kal ila" arawn ti sup chuan ka harh zawk a “Khawi ah?" Ka ti sup,nui suk a ka chal rawn fawp in “Ka pu zawn te in tur ah" ala ti zui,Hmela hi!




.



“Ka bialnu motor khalh a chuan chu a nuam hle mai" Min rawn en pah chuan ati a,ka ner sawk,mipa pawh anih ka ring lo a tawngtheih dan em em hi,mahse....








Ka hma a ka phone dah chu arawn ri a,ka lak hma hma in alo la “Tunge Duhsanga hi?" Arawn tih hmuk chuan ka melh zawk a,thinrim hmel tak hian phone chu alo hum ngawt ngawt.








“Kan classmate hlui kha" tih a chhang in phone chu lak ka tum a,alo phal thak lo *Hello* ti in a pick up nghal anih chu!!





👽
1st August atang khan school kan kal a,ka hman lo ve thei lutuk a,chu bak ah a mood a chen loh chang te hi a awm ve thin a,min lo hrethiam hram dawn nia.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)