Changes by changes Chapter 5

Story tawi te te emaw luanliamna emaw post na
Zualy juneblies
Posts: 84
Joined: April 3rd, 2022, 8:46 pm

Changes by changes Chapter 5

Unread post by Zualy juneblies » August 5th, 2022, 3:50 pm

HI :!: KA LO LAWM LEH VEK A CHE U,MIN LO CHHIAR SAK LEH THREUH DAWN NIA U....







Chapter 5




Car chu ngawi reng in ka khalh a,motor a kan chuan miau vang in ka thinrim na chu ka thu nun hram hram. Hmeichhe zaidam tak ka ni lo,ni e,ka pha buai lo law law mai ang. Ka thinrim tawh hi chuan tawng(Trawng) chhuah vak ai hian ka tah a chhuak zawk thin.








“Khapa khan a rawn phone leh ngai che anih chuan ka ti chhe vek ang" Rawn ti hmuk tu chu melh pawh ka melh duh lo,amah ka tawn atang hian buaina hlir ani mai....








“Ka sawi chu i hria em?" Arawn ti leh nghut chuan ka thaw chhuak hak “Chutiang kan thu engmah a awm lo" Ka ti fak a,arawn rum deuh nghut. Ka chunga thu neih a tum lutuk hi ka haw thin,amah vang a high school a ka tawrh na zawng zawng te kha ka hrechhuak leh thin bawk.






FLASHBACK😶(Ve zuai)





School chu phur tak in ka kal a,thian thar duhawm tak Malsawmdawngzela ka neih thar vang ani. A lang in ngaina lo mah ila a ruk tak chuan kawm nuam ka ti in a bul a awm nuam ka ti.








School tan(tran) hun ala nih chiah lo vang in music room ah chuan ka phei a, music ka ngainat em vang hian a class pawh ka kal reng a,a kal te zing ah chuan thiam tih ka hlawh ve thei hle.








Ka ngainat ber electric guitar,ka pa min lei ngei, school a ka dah that thin chu ka la a,an lo kal tak tak hma chu ka duh ang ang ka lo zai pui.








“Thau-i!" Tih ri ka hriat chuan ka thin a phu rang nghal hle “Biak lawk che ka duh" Felicia chuan arawn ti sup a,min kek thluk tawp duh hmel a pu. “Immm enge ni a?" Nui sang a ka tih chuan a mit a chet kual ralh a.










“Sawmdawnga hi lo hnaih suh....chu bak ah i bul a a awm vang khan tha ta viau ah inngai suh, Sawmdawng an mi a bawl nasat theih zia i hriat kha. Chu bak ah,engah nge maw i in ngaih reng reng le,thik thu pek tlak pawh i ni lo,kei ai tha chu ni lah...Naa lo hnaih tawh suh" a sawi tur ang a sawi zawh chuan chhuah mai a tum a.










“Amah zawk kha lo hrilh rawh" Ngam leh ngam lo chuan ka ti sup a,mitmeng rum lutuk hian min rawn melh nghal rawm a “Min chhang ngam elaw?" Elh sen zet a arawn tih chuan ka ngawi nghal hmak a.










“Min chhang ngam ami ka tih chu?...." Arawn tih vak chuan awmdan tur ka thiam lo,ka sir a ka guitar dah,ka duat em em chu la lawk in chhuat ah a peih nghal pawp a,a hma lam chu a keh vek!










“Nu thau...min chhang let tawh hlek suh ang che" ti leh in a chhuak nghal sawk sawk,chhuat ah chuan thu thla in ka thil chu ka melh ngawt ngawt,a hnu ah ka tap ta vak a,ka thinrim lutuk hian tah vak aia tha ka hre lo.





END OF FLASHBACK









“Lalduhawm luhlul viau lo teh...nangmah hmangaih tu i hai der reng anih hi,i taksa leh i mawina chauh duh tu chu i la tan(tran) fo dawn maw? I mak hle mai" a tir lam chu ring viau mahse a tawp lam ah erawh natna ri ka hre tel,Duhsanga ka thlang zawk ang ah a ngai amaw, rapthlak hian!








“Midang hmangaih na ka mamawh lo!" Ka tih fak chuan arawn nui ro deuh halh a “Mahni hmasial tak hian awm thin lo teh" arawn ti a,kei erawh ka car khalh lai ringawt ah chuan ka rilru ka pe.








“Car hi ti ding rawh" kan ngawih reng tak ah chuan ati sup a,a chhuk duh anih ring in kawngsir rem lai ah chuan ka car chu ka ti ding a,ka car chahbi(key) arawn ban vut chuan ka melh reng.








“Lo kal teh le..." Ti sup in a ban a phar hliai a,awmzia hrelo lutuk in ka melh reng “In tih thawl i mamawh anih kha.." Dam tak a arawn tih leh chuan ka tah a chhuak zul,mahse a hma a tah hi khawvel a ka thil hreh ber ani.








“Luhlul nu!" Ti leh sup in min chawi kang lawp a,a mal chung ah chuan min thut tir nghal der “Miin min hmu ang,Malsawmdawng...." ka tih chuan car glass chu a up chho nghal vek a,a thim deuh ruih mai.








Tal nghek ka tum a mahse min kuah ngheh em vang chuan ka in ti na mai mai ang “Ka awmdan vang khan ka inthiam lo nghal der ania,nang hian dawi i thiam em ni?" Ka nghawnga rawn thawk hlum hak pah chuan arawn ti sup.








“Ka hua che.." ti hman tawk(trawk)tih in “Ka hria ka hria...tun ah chuan awm hahdam phawt teh" Tiin a awm ah chuan min bei tir a,ka thla hi a muang hliah hliah.








“A naupang zawk in ka thlem reng mai dawn che anih hi" nui hawk a arawn tih chuan ka chum dat a,ka nui ve suk. Hetia awm lo hahdam zia hi ngati nge hman hman ah khan ka lo hriat tawh loh le.




.





“Ka ngai nghal der che" Lehlam atang a rawn ti tu chu ka nuih suk a “Chaw i ei tui em?" Ka ti daih thung,ani lah alo la phun nang nang zui “Min ngai ve em sawi phawt rawh" arawn ti daih.








“Ngai lo e" Ka tih chuan phone a dah hmak anih chu! Malsawmdawngzela han naupan chhiat dan em em hi,kei ai a naupang tih ka hria mahse engah emaw tak hi chuan a puitling leh em em,mahse....tinge maw tih deuh hmuk hmuk hi ala chin le.








“Bawihi bialpa chu a fel hmel kha" ka pa in atih chuan ka ter at mai “I ti awm ang lo e pa...ka nu sawm anih kha kei te chu ka classmate hlui mai mai alawm" ka ti nghal vak “Dawt sawi lo mai teh" alo la ti zui.








“Pa ka ti tak tak,engmah kan ni lo ania" ka ti leh a,ka tawngkam thiam in a daih lo,ka pa chuan chimawm deuh a min rawn en in “Vawikhat kha min hnial lang chuan ka awih ang mahse i tang(trang) deuh tlat" tiin ka nu lam a hawi a.








Ka nu lah in TV ah broken peaces a lo en uluk lutuk,a chhuah na rei tawh nen nen en ala tui pui tlat zu nia.








Room lam ah mu tur in ka chho a,naktuk office kal leh ka ngaih dawn vang in ka hak tur vel ka en kual thuak thuak a,inti fai in ka mu ta hmak. Muttui nan pc hras ka ngaithla leh te te phawt a,mahse off tur in ka meng leh nge nge zel.








🌄



Ka alarm ri ah chuan ka harh zawk a,alarm ka set awm ka hre si lo a,alarm ri tih vel hian ka lungphu hi a ti tha lo thin a,ka set zen zen ngai lo,tun ami pawh hi engtin nge.... amah in alo in set aniang.








5:00 a.m ani a,ka mu leh thei tawh tlat lo. Zing walk ka tih khat em vang in ka tho them(threm) them(threm) a,hmai phih in ka sam ka khuih a,walk tur chuan ka chhuak nghal. Kan inbul mai a ka walk vang in ka awm hmun dress nen tawp chuan ka walk a.








Kan inbul lawk a naupang ho infiam na park an siam,mahse lian lutuk si lo ka thlen chuan boruak ka hip vang vang a “Grace.." rawn ti sup ri ah chuan ka phu dawr mai,ka au chhuak lo chu ka lawm hle.








“I walk elaw?" Duhsanga chuan min lo nuih suk a “A..imm ka tho hma mai mai mawle" tih te in ka chhang a,pipu a ka thut thlak chuan ka sir ah arawn thu ve nghal a,ka nuih aza hle amah patling ve uai tawh ania,in mitthla theih mai ka ring.







“I va walk hma em em ve,thingpui rawn in ta che?" Ka tih chuan min nuih suk a “I bialpa a thinrim mai lo maw?" arawn ti let “Tu?" ka tih hu a “Nimin a phone lo la tu kha" arawn ti sup, Malsawmdawngzela a tih na ah ka ngai.








“Kha kha maw....ah..ka bialpa a ni lo in ka hria" Bialpa ani lo ti dawn ila nimin kan awm dan kha chu inngaizawng dik tak ani.








“Sawmdawnga nen in in ngaizawng amaw ka tia mahse midang ani em ni?" Hriat thiam har deuh a min rawn melh chuan ka chil ka lem khalh a,chhan dan tur ka van hle, Sawmdawnga ani tih a hre lo aniang.








“A dik tak chuan nimin a ka phone lo la tu kha nia,car ka khalh lak lawh sia alo la ta mai anih kha" Thu dik sawi a tha zawk a ka hriat vang chuan ka ti ta tawp a,a bu nghat.








“Ok,kan chang pha tawh lo che anih chu" nui hawk a arawn tih chuan ka nui ve suk a “Thingpui chu i rawn in dawn em?" Ka tih leh tak ah chuan pawm in kan inlam ah chuan kan phei dun a.








Ka nu alo tho der tawh,Duhsanga nen chuan an lo in be deuh mawlh mawlh a “In va inkawm ngeih ve?" An bul a thut pah chuan ka ti a “Hei i Pu Mama fapa kha lawm alo nih,khawvel hi chu a zim teh e" Ka nu in atih chuan ka meng phawk vak.








“Pu Mama fapa maw? I lo va lian tawh ve" kan ti leh hnuhnawh a,kei ai upa mahse a naupan lai kha ka hre pha, school khat ah kal reng khan ka lo hre lo mai mai anih hi,a tet lai kha chuan kan inkawm ve thin,kei ai a tet vang in ka chhan ve thin bawk.








“I van thang(thrang) tha tawh ve" kan ti leh ringawt a,a mak em ani,ka nu leh Duhsanga pawh an nui tawp. Ka tet lai kha chuan ka thau ve bawk nen ka te chhe lo bawk nen ka lian ve thei hle,Duhsanga hi kei ai upa mahse ka kid ani thin.








“Chaw te ei ve nghal law law la?" Ka nu in atih chuan mawi hnai tak in a hnial a,tawngkam a thiam em em mai lehnghal, kawngkhar thleng ka thlah chuan mak ka la ti tawp thei der lo,ani lah a nuih aza mai sia.









Kan veng alo in ang bawk chu ni in,kan awm na inhnaih lo mahse ke a kal tham chu ani ve deuh tho.




___________________________________________________________________________
_




Office ka thlen chuan an lo buai nak nak hlawm a,be lo in ka kal pel hmiah hmaih “A inlak zia saw..." Tih ri ka hriat chuan ka ding dat,ka hnunglam ka hawi chuan ka ni hmasa ber a hmeichhe pahnih lo tawng te kha an ni.








“In pahnih khan ka office ah min lo zui rawh u!" Nem lem lo tak a ka tih chuan an in melh tawn zak zak a,ka office ah lut in green tea ka order nghal bawk.








Luh min rawn dil a,ka office sofa ah chuan kan thu a “Hethil type nan hian min lo puih lawk mai ta che u" ka tih chuan lehkha puan chu an la vat a “Khawngaihin in hming a chunglam ah khan ziak ula?" ka ti leh sup.








An ziah zawh chuan “________Hi ban a ni a, company a lo kal leh ngai tawh lo tur a hriat tir an ni!" Ka tih sup chuan min rawn en rual dun thawt(thrawt) “Khawngaihin tih chhunzawm ula" kawh zeuh pah chuan ka ti leh sup a.








“Miss kan tihpalh kan ti leh tawh ngai lo ang, khawngaih in..." Pakhat zawk chuan arawn ti ta chul a “Anih chuan nangmah ni ngei in in lo hre dawn nia,in chhuak thei e,tun thla hlawh pawh in la nghal thei ang" ti sup in ka chair lam chu ka pan a.








Khatia min sawi vang a ban kha ka ni reng reng lo,kha thu kha chu ka hre zing mai. Company CCTV kan en dan in kha mi te khan hna an thawk tha lo a,phone an en deuh char char thin hi alo nia,kan company ah hian team work awm se ka duh em vang in a chhe lai lai chu ka siam that ka tum mai ani.







Hna chu kan thawk nghal mawlh mawlh a,Malsawmi birthday anih vang in vawiin chu haw hma ka phalsak a,ka buai ve angreng hle. Zanlam meeting kan nei dawn tih ka hriat chuan mak ka ti hle, meeting tul(trul)tawp te anih loh chuan zanlam ah kan nei mai mai ngai lo asin.








Malsawmi haw hnu chuan ka assistant tur Fakawma hi an rawn tir a,tlangval la naupang tak ani,kei ai chuan a naupang tih ka chiang,a zei vak loh ka rin teh reng nen alo zei reuh phian a,min en uluk leh lutuk em aw' chu ti mah ila a hna a tlin em vang chuan ka sawisel duh ta lo.









“Miss mipakhat in a hmu duh che!" Arawn tih chuan “Tu chu maw?" amah melh zeuh a ka tih chuan a lai leh ang lawi a “Pawn ah a awm" ati leh mai a,lo luh tir tur a hrilh in ka file ho chu ka dah fel a.








“Tinge maw min thlem tur pawh a pan reng hi i ngaih thin le!!" Rawn ti lut hmuk tu chu en in ka nui suk,ka office sofa ah thu thla hmuk in a phone a bih nghal daih “I receptionist ve lah saw hmuh che ka duh ti na na na ‘Enga tan?' ala ti tal(tral) a,ban ang che" phone la melh reng chuan arawn ti leh hmuk.








A chezia naupang chhia lutuk chu ka nui chhuak hak a,min rawn melh rum tha leh vel a “Tinge ilo kal hrim hrim a,hnathawh lai em em te chuan ka hman reng lo ania" Ka ti sup a.








“Mi lungawi lo ve em em te,enge haw tur chuan min va duh ve" Arawn ti nghut,tih lungawi loh belh ka hlauh vang in ka ngawi ta hmak a,file chu ka check leh nghal a,mit that a ngai khawp mai,lance vuah loh chuan ka hmu tha thei meuh lo.







“ Lunch va ei ang ka ril a tam tawh ania!" arawn ti hmuk chuan ka va melh a,mit chhing chial in a pum alo dawm chu ni in! A awm dan naupang chhia leh duhawm lutuk vang chuan ka nui chhuak hak hak a.








“Min thlem tur in ka lo kal a,engmah i tih hma in ka lungawi nghal der anih hi.." Nui suk a ti in ka bul ah arawn kal a,a coat suite hak chu a inhmeh hle.








“Min en zawh tawh chuan chhuak ang" ka hmai bul chet a rawn kun hniam in ati sup a “Ka hman loh hi" Ban phar hliai chuan ka ti a “Ka bialnu buai em em hi chawl ve phawt rawh se" tiin ka thil check lai chu arawn khup hmawk hmawk a.








“Tinge i mit kha a pawl a?" Ka chhuah dawn chuan min ti ding leh rih “Lance anih hi" ka tih chuan a chek deuh hlak “I mutmu rawng chiah chiah hi vuah tawh rawh,ti hi chuan mipa tu pawh an tuiral thei hial ang" Arawn ti hluk a.








An hotel lam ah chuan min hruai a “Bialnu ka nei i ti sia,tun ah ka bialnu min ti leh sia,min kawp ami?" ka rilru a thil awm reng chu ka sawi chhuak a “Awih awm loh,ka pian tirh ata nangmah bak bialnu ka la nei awzawng lo" thih tan(tran) in a tang.








“Em em a che i nasat hmel lutuk" Nui suk a ka tih chuan “I tan chuan Lalnasa-a pawh ka ni mai ang" thawveng tak chuan arawn la ti a “Tak tak in...ka bialnu ka tih kha chuan nangmah i in hre nghal mai tur ah ka ngai a,kei aia mawl leh chhawng bialnu ka lo nei reng anih hi" thutak hmel tak a arawn tih chuan pawn lam ka hawi chhuak deuh hmak.










An hotel kan thlen chuan ka ti thinrim ta emaw tih tur khawp a hmel nel awm loh a pu,mahse ka kut ah nghet tak in min kai a,a hmel chu ka en deuh chhen,a ti thinrim ta em mawnle,mahse engah khan nge niang?








Kan ei na room tur kan thlen chuan nuam tak ani “Wow..." ka ti deuh hap,khua a lum viau e tilo chuan kan awmna chu a dai ruih a, coconut kung a tam em em lehnghal.








“A nuam i ti em?" Ka kawng a arawn kuah chuan ka phu deuh zawk a “I thinrim amaw ka tia" Ka tih sup chuan arawn nui suk “I bul a ka pangchan ang hian midang bulah awmse min ti mi?" arawn ti sup,ni ve tho mai,ka lungawi ka ring lo.








Sawi lawk na em em pawh awm lo in kan ni deuh thut a,awm dan ka thiam lo lek lek thin,ka bialpa vawikhat na ve ber lah hi!








“Khumkhua a awm pawh ka hreh lo" a hmun a nawm em vang chuan ka fak tawp thei lo “Kan inneih hun ah kan pahnih chen na tan kan siam daih dawn nia" Min kuah hlu hlu pah chuan arawn ti vs sup








“Fing rawh Malsawmdawngzel!" ti vak in ka tal sawn a,hetiang building...hotel lian lutuk ah hian ka awm ngam a ring amawn le!









Eitur chah alo thlen chuan ti ti dun chung in kan ei mawlh mawlh a “I kawr nghawng kha a zau leh lutuk" kan thil sawi nen a inrem lo lutuk chuan arawn ti a,ka in en lah in a zau na ka hre thak(thrak)lo.








“Tunlai style anih hi" inthlek kual pah chuan ka ti a “Tunlai style ti ve lo teh,nang chu i chal tawh lutuk,ka pi te nen in inkawm thei daih ang chu,kha i sam te pawh a tuak(truak) tawh alawm" arawn tih chuan ka thinrim leh hrih.








“Ka ti mai mai anih kha i awih tak tak amawn le" arawn ti hluk a,melh pawh ka la melh peih lo “Ka duat hmeltha te" arawn ti leh chuan ner nawng in a lam ka hawi phei a,min lo nuih tlawn ver ver.







“Anih leh bye..." Kan company thleng chuan min thlah leh thlap a,chawhnu tlai deuh lam ah meeting an neih vang in a lungawi vak lo,a mood a chhe ve tawh hle,nuih te lam lam ani za.







A biang a ka va fawh zeuh chuan arawn nui chhuak suk a,chhuah mai ka tum chuan a mal chungah min pawt let leh hrawk a,a thutna tang motor glass zawng zawng a up chho nghal vek.








“Ka goodbye kiss ve tawh ang che" ti sup in ka hmui ah chuan duhthawh em em mai hian min rawn fawp a,ka chhang let ve vat,kan tawp thei leh lawk dawn lo tih hre tho mah ila ka thlah phal lo.








A uar telh telh a,keipawh chu ti tho,amah chu ka nek hnai zel hi ani ringawt,ka kawr awm arawn dap rak rak chuan ka thaw chhuak hak a,engah mah ngai lo in min rawn fawh zawm leh hmiah.








Ka awm chu a tham(thram) tawn tawn a,ka mawng lam ah min do run tur a awm vang chuan ka awm a nuam tawh lo hle “Du...duh tawk lawk ang..." Thei leh thei lo a ti in ka thaw hak hak a,ati pawn harsa ti zet in min thlah ve nghal,min kuah in ka awm ah hmai a phum a,a insum nasat zia ka hriat chuan ka inthiam lo hle.








“Ka tihpalh" ka tih sup chuan arawn nui chhuak hawk a “Ka ei zawh vek hma che a i kal loh chuan hotel ah ka hruai ang che" arawn ti chhuak hrawk a,rang in a mal chung atang chuan ka chhuk a,ka chhuak nghal daih,a nui ri hawk pawh ka hre thei.










Company kawt a kan wash room dah ah chuan ka lut a, mirror a ka in en chuan ka zak hle,tun ah tak hi chuan engpawh huam ka ang ber ani. Insiam tha sawk sawk in ka chhuak a office lam ah ka tawm leh ngawt ngawt.





👽

A ngaihnawm vak ka ring lem lo e🤣



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)