Lalchhandama

[Zuali khiangte_zii]

Lalchhandama :

'He tah e nge i tih' thinrim in sehruh teuh  chung a ti tu chu melh pawh ka melh tha ngam lo,nidang chu nise ka hnial let leh pawng pawng ngei ang,mahse tun tum chu nidang nen a in ang tlat lo "eng thil nge i tih kha"  ti chang leh fak in in hum ruh teuh chung chuan min rawn pan a ka lo ip ru chawih chawih thei ,ka thil tih chhiat a rawn hmu chiah chu min melh tur ngang mai a mitmeng a min huat na langchhuak chu tu man an hmuh hmaih bik lo ang ,"hei hi e nge a nih i hria em" ti a min vin vak chuan ka phu chiang kher mai a bek a thisen zam te chu a pawng tawlh tawlh a ,min thah mai hreh lo hmel a pu bawk

"Ih eng lo,ka..ka tum pawh a ni lo" ka ti zawi sep ka dang te chu a awk vek

"Chhuak rawh" a ti chang fak a 

"Ka lo hawn a nga ka lo siamtir ang" ti a a thi ken lai ban mai ka tum chu a kut lo dahsawn in "ta tang hian chhuak vat mai teh" a ti hriam leh hrak ,in thlahrung tak in ka ding ngawi ta reng a hnuailam ka bih ngar bawk , "ka thusawi chu i hre lo nge i beng a chhet zawk,ka room hi chhuahsan vat rawh" ti a a vin tuarh chuan  ka kimki nghal chawih ,kawngka lam ah  min nawr phei nghal dawt dawt in kawngka nazet in a khar hmiah bawk ,kawngkhar bul ah chuan ngawi reng in ka ding a kawngkhar chu ka melh ngawt ngawt , tun tum chu ka thiam lo takzet tih ka hria ,kha thi a ngaihhlut zia leh a tan a a pawimawh zia pawh ka hria, mahse  khatih tehchiam a min ti kha chu ka rilru a na lo thei lo, siam tir ila khatiang a chat te mai mai kha chu an siamthat ran dawn tehlul nen ,lungawilo deuh chung in kan in lam ah ka phei a

"khawnge i lo chhuah leh hman a rawngbawl a hun tawh i u mami lo pui rawh"ka nu in a lo ti nghal ,u mami bul ah thu in a maian hih lai chu ka hih pui ve nghal mai bawk ,u mami hi kan unau zing a upa ber nupui ni in a mah hi a fel a ka nu leh pa a zah thiam si keimah tak nen pawh hian kan in ngaina in engkim kan in hrilh ti mai ang  "lalchhandama ka ngei zia hi chu aw engtin nge ka u khan a duh theih le" ka tih chuan "in inhau leh tawh em ni" u mami'n a lo ti 'hau ti ila,a man min hau zawk" ka tih chuan zawhna mitmeng nen u mami chuan min lo melh nghal "A thi ka tihchhiat sak a,a thi ti ila ka u boral hlim a ka nu in a pek tak kha " ka tih chuan  "awi chungte chu engtin nge i tihchhiat theih a a thinrim viau dawn a nih chu" a lo ti nghal vat "chu vang a lawm engtin mah chhang lo a ka ngawih reng,min hnek dawn emaw ka ti hman zawk a" ner nang chung a ka tih chuan
"engtin maw a thi chu i tihchhiat sak reng reng a va zialo i u a hriatrengna thil a ni ve a fimkhur tur a lawm" u mami chuan a ti nghal mawlh mawlh

"Chu te chu ka hre ve tho a lawm ,tihchhiat kha ka tum pawh a ni bik lo,a room ah a nu khan thil la tur in min tir a, a dawhkan te ah khan thi kha a lo awm a nalh ka ti reuh sia ka awrh chhin mawle ka phelh leh dawn khan ka sam ah a in bat tlat a ka pawt vak kha a rawn chat daih a lawm,tihpalh thil thu tak meuh meuh" ka tih chuan u mami a chek tlak tlak "nang tak hi chu ,mawi leh nalh i tih vang ringawt a mi thil i khawih kha i thiamlo tawh hrim hrim ,mi thil nalh kan tih zawng pawh nise ,an phalna lo a khawih mai mai loh tur,kha thi phei kha chu a tan a pawimawh zia i hriatpui vek a eng ah nge maw i khawih sak kher kher le" a tih chuan min hau nge min zilh pawh ka hrelo e a "siamthat a har loh tehlul nen a thinrim vak kher a nih kha a au ring si" ka ti leh hmarh hmarh

"Aww..siamthat leh har lo mahse tihchhiat  a nih na hrim hrim ah pawh khan a thinrim thlak dawn a lawm" a tih leh chuan " a hlut na a bo dawn pawh nilo,aaa ,.i tan hrim hrim" ka ti ta ngawt ,u mami chu a nui hawk hawk a "ka u khan engtin nge a duh theih le,duhawm na a nei hlawl lo,a chimawm in a sual hle ringawt" ka tih leh chuan

"A hma chuan sawtiang saw a ni ngai bik lo,i u boral kha a tuar ve em a a mizia thleng in a danglam phah a nihsaw,a mah tak saw chu misual a nilo a fel lutuk,i la hrechiang lo mai mai a nihkha" a tih chuan ka ner nawng nawng ringawt 'fel' a ti kha a awihawm loh ve bawk em a tin ni..Chhandama te nen hian in thenawm chiah ah kan awm a kan in pawh a in hnaih viau nghe nghe ,kan thenawm ah hian kum thum vel chiah an la awm a phai lam a doctor ka trainning lai a rawn insawn an  ni nghe nghe,mizoram ka haw vak ngai loh avang in hriat pawh kan inhre ve vak lo ,ka u khan 'kan thenawm ah insawn thar an lo awm a,an tlangval chu a hmeltha lutuk a fel bawk si' tiin a duh zia min hrilh thin a hnu rei vak loh ah an in ngaihzawn thu min hrilh thuai bawk ,ka u khan an chanchin min  hrilh nasa bawk a hmuh ve ka chak thei lutuk,mizoram a ka haw ve lah khan a zin lai a lo ni zel a kei lah kar khat bak ka chawl thei silo ,ka u accident a a boral khan chiang tak in ka hmu ve ta chauh biak tak phei chu kan inbe lo ka u thih hlimchhawn kha chuan ka tuar em avang in khawi ah mah ka chhuak vak  lo, in ah ka in khung chawrh chawrh a ka u nen a room in tawm kan nih avang in ka room kha ka ngaina em em bawk,ka  u nen khan in chhang bung chiah kan ni bawk a kan hmel leh pian te pawh eng emaw chen ah chuan in an na kan nei nual mai


zanriah eikham veleh inchung ah chho in arsi ka chhiar vel mai mai,ka u nen a kan tih thin a nih avang in ka sim thei lo ,kan tet deuh lai ,ti ila kan tleirawl chho ve tan lerh hre rual vel chu kan ni tawh "arsi te khi thai zawm in kan star te hming lamtawi ziak ila,kan star te kan nei thei' tiin ka u khan a sawi thin a ,nui uarh uarh pah in kan star te hming lamtawi chu arsi hmang chuan kan thaizawm ta thin a,arsi thlawk kan hmuh te khan duhthu kan sam vat thin mahse arsi kha a thlawk rang thei lutuk a kan duhthusam te kha arsi thlawk lan lai khan kan sawi zo hman ngai lo,.tun ah te hian ka u kha awm ve nise doctor ka ni tawh tih te hi hre ve se chuan min lawmpui ve ngawt ang ,chutia suangtuahna ka kawm melh melh lai chuan Chhandama an inchung zawl a rawn chho chu ka hmu a ,a kekawr ip zen chung in van lam a thlir vang vang bawk keimah ang tho in a lung a leng ve hle a ni tih ka hre thei ka u nen khan arsi an chhiar dun nasa ve thei ngawt in ka ring ,engtin emaw ni tak Chhandama chu ka lainat riau ,chumi avang chuan ka va ngaina ta thut e tih na erawh a ni chuang lo..rei tawk fe van lam a thlir hnu ah ka awm na lam a rawn hawi a min rawn hmu chu min en vung vung keipawn ka lo en ve reng bawk a hmel chiang tak in hmu thei lo mah ila thla eng hnuai ah chuan a ruangam chu langchiang tak a ni ,

"Hey,vawiin kha ka tihpalh tak tak a nia,tihchhiat kha ka tum a ni miah lo " tiin ka va au a ,a che hrut a chhan na erawh minpe lo ,a la thinrim reng a nih ka ring "hey,Lalchhandam ngaihdam ka dil che chu min ngaidam ang ah ka ngai dawn a nia aw" ka tih leh chuan "i ngaih dan dan in ngai rawh " a lo ti deuh hmuk a tawng ring lo na in kan in a inhnaih ka tih tawh kha chu vang chuan a aw ri pawh hrechiang tak ka ni "i sual ve ngawt mai kha vang a nih kha nupui pawh i la hmuh zawh loh nakin ah chuan tlangval hming pu si in an la pu sup sup ang che" ka ti leh khar khar a mi chhan dan teh hmuk  khan min ti thinur leh tawh ,Chhandama hnung atang mipa khat hi a rawn nui kur kur a ,Chhandama thianpa U mapuia a lo ni

"nang ni pahnih hi chu ui leh kel thlun pawlh ang chiah,in bauh reng mai" nui hak hak chung a a tih chuan hmui ka ti pawrh vak "chaw eikham thingpui hang kan rawn in dawn thingpui lo zuk lum rawh" u mapuia bawk chuan a ti leh "in duh leh tah khan in ve mai ula u Ramdini lum tir ve mai ru" ka ti deuh  hlak hlak u ramdini chu Chhandama u a ni ,nula senior a nia kan veng nula ah chuan a upa ber pawl a ni tawh ang "nula senior thingpui lum chu a tui tak tak tawh lo an mahni an  phanchang tawh a an thingpui lum pawh a kha fuk zel" a tih chuan ka nui nghal hawk hawk u mapuia hi chuan fiamthu a duh bawk a,mipawi sawi zawng erawh in a fiamthu ngai lo thung u ramdini pawh hian a hrechiang bawk a u mapuia'n "i senior tawh lutuk a in thenawm te ui takngial pawn a thlek peih tawh loh che hi' ti a a fiam chang pawn a nui nasa sa ah a tang thin

zing ah ka tho hma a ni dang aia hna kalhma hret ka ngaih vang a ni,vawiin chu damlo in entir an tam zual a chauh pawh ka chau ang reng tlai ah ka haw hma in ward ka fang leh zuai zuai bawk, kan in lam pan a ka in khalh haw chuan khua a thim lek lek tawh kan veng thlen hma deuh kawngsir ah mi thenkhat hi an lo bawr laih a kei a hawkdak ta reng reng chu ka scooty dah in ka va thlek ve leh hram mipa khat hi bike in a accident a lo ni a a hliam nat hmel ang reng , 'tinge in en thup ringawt a hospital ah hruai vat a ngaih hi" ka va ti chul ,tanpui tum pawh nilo internet a upload tum tih hriat lutuk a thla lo la vel chiam lah an awm nawk ka van ngei hlawm tak ,na tuar in mi pakhat a awm mek a tuman hospital ah hruai zuk tum hlawm lo a mawle an thlek hawl hawl hlawm ringawt tunlai ah mi vengva tak leh mi tlawmngai kan tam tawh lai hian mawl tak tak hi kan la awm ve chawk ,chutia ka tih tak ah chuan pa pakhat hian ka motor ah hian lo hlang ula a rawn ti ta a,a motor a dah luh kan tum lai chuan "engthil nge thleng ehe..Msa chu" ti tu lam chu ka hawi vat Chhandama a lo ni accident tawk pa hi a hmelhriat a nih hmel "i hriat zawng a mi" ka lo ti vat " Mapuia nau a nih hi ' tiin min lo chhang a "in hospital ah hruai mai rawh u a hnai ber bawk a,mapuia te ka hrilh a nga ka rawn zui ve nghal ang che u" a ti chuan ka bu nghat a ka scooty pawh ngaihsak tawh lo chuan motor chhung ah ka chhuang lut ta ngawt  a ngal ruh a tliah bak ah lu ah hliam na vak lo a tuar a ngaihtuah awm erawh a nilo thung

U mapuia te pawh an rawn thleng ve thuai a ,an hlauthawng ngang mai "hlauthawng lutuk suh u a pawi lai eng mah hliam a nei lo a a tha leh vat mai ang a ruh tliak hi a na lai ber tur chu a ni mai" ka lo ti zung zung a u mapuia nu chuan lawmthu min hrilh mawlh mawlh ,"ward pangai ah nge cabin ah in awm ang," ti a ka zawh chuan "ward ah kan awm a nge,cabin ah chuan a reh dawn emai midang te nen in awm pawlh hian a awmpui tu tan pawh a nuam deuh ang" u mapuia nu chuan a lo ti thuai

'i lo awm hnai hlauh chu a tih zia ngawt mai Maria,kan nau a pawh duh aiin a in khalh chak mah mah thin a lawm mawle " u mapuia chuan a ti a, "nia ngaihloh lam ah ngai lo ula i nau ka sawichhan ngawr ngawr pawh ni lo in,lirthei te hi chak deuh deuh in an khalh vuk vuk a fimkhur na an hlauh ta thin a,khalh chak na na na chuan chetsual pawn a na duh bik " ka lo ti ve bawk ,kan ti ti mawlh mawlh lai chuan ka scooty ka hrechhuak zawk  kawngsir ah ka kalsan ringawt tak e ,

"Mapui keichu ka lo va haw mai a nge msa pawh ngaihtuah awm a ni chuang lo a,chanchin erawh min rawn hrilh ve zel la " Chhandama'n a tih chuan "awle a lawmawm lutuk thianpa ,nakin ah haw lam ah ka lo peng kawi dawn nia" umapuia chuan a lo ti a bu nghat in chhandama chu a chhuak a ,keipawh ward a damlo dang te ka check nawn leh hnu ah haw tur in ka chhuak ve ta a ,ke a kal nan ka scooty hnutchhiah na kha a va hla ve bawk nen taxi ka lak mai a ngaih hmel taxi lah chuan a vang phian lehnghal ,taxi phar din mai tur zawng a ka hawikual lai chuan ka hma ah bike hi a rawn ding a  " Lo chuang rawh" ti tu chu chhandama a ni "taxi ka chang" ka lo ti vei hmak "chuang mai mai rawh " a ti leh hmuk a ka melhrum leh kha kha tawh , "khatia mengrum kual vel lo khan rawn chuang mai mai rawh a nihloh chuan ka kalsan ang che" a tih leh chuan  ,taxi ka hmuh mai loh vang leh ka scooty ka ngaihtuah ve deuh avang in phur fahran lo in chhandama bike ah chuan ka lawn a,"min vuan nghet rawh ka tlan chak dawn a nia" atih chuan "a tul lo kan accident ang,muang chang in tlan rawh" ka lo ti hlar "in vuan nghet mai teh' tih hluk leh tlan chuah a rual a a dawh in kan dawk chhuak a ni ber ka eu awrh a a kawr ah ka vuan rang ngang mai
"mawla!! Ka tlak tep kha" ka ti nghal vak ,min chhang lo a a tlanchak ngai in a tlanchak reng , "lalchhandam tlanmuang deuh teh kan accident a nge "  ka ti chul a a dar ah ka vuang tung bawk ,chutah phun hluk chung in a tlanmuang ta a ,a muan a a han muan zia chu e kan hnung a tlan te pawn min lehpel zut zut a ,ke a kal ho pawn min nuih tet tet hlawm ,"over pa i tlanchak deuh thei lo em ni," ka ti leh hlak a "ka tlanchak in tlanmuang rawh min tia ,ka tlanmuan lah in tlanchak rawh min ti leh a,engtia tlan tur in nge min duh"a ti deuh hluk hluk  "lulian a tawk chiah in tlan rawh i over lutuk " ka ti leh nek a nui huk a "kan lir thleng ve mai ang" a ti duh lek a nih chuan "kha nangni chu ngati nge dit det nge a,in bike a chiang lo em ni" kan sir deuh a ke a kal pa pakhat hian a rawn ti ta chiah a "chiang lo lo e,hei a chhul a tha lo a" tiin lalchhandama chuan a chhang a nihchu "chhul tha lo phurh vang a kha tiang em em a tlanmuan chu a va mak dawn ve" nui ruh ruh chung a kan sir a mi in a tih leh chuan "tlanchak a hlau a" chhandama chuan a ti leh mai ka va han ngei tak ,
"mawi a dawt vek a nihkha  ka chhul chu a tha reng,a mah hi a rilru a kim chiah lo a" ka ti ve hmak chupa chu a nui hawk hawk a "in in hmeh phian kha" a tih chuan chhandama  nen "kan in hmeh hlawl lo" kan lo ti rual thawt nui huk huk chungin chupa bawk chuan "ka kalsan mai ang cheu ,kha nangni pawh in lir thleng ve mai ang" tiin ke a kal pawh chu kan hma ah a kal nul nul ke a kal ai pawh a min tlanmuan pui chu Lalchhandama chu ngei tak ka ni ,ka scooty dah na kan thlen veleh ka chhuk nghal a 'vawi khat mah min phur tawh lo ang mawl ropui si" ka tih hlak chuan "te si ,thinchhe si ka phur peih che kha lawm hle rawh,a lehpek a awm tawh lo ang phurh che ka chak bik reng reng lo" a tih chuan ,"min phurh chak loh chuan eng ah nge min phurh taxi pawh ka chang thei reng" melh rum nghek pah in  ka ti,nui miah lo hian "ka phurh nih i chak hmel em a" a ti a nih chu "i phurh nih ka chak hlawllll lo !!" Ka lo ti vak ,min melh run run in a khi  suk a "te si,ka kal" tih leh tlanchhuah a rual a ka va han ngei ngawih ngawih tak,tih theih nei silo in hnunglam atang a tlanliam tur chu ka melh nghek ringawt


A tuk chu sunday a ni a ,kan chhung in kan inkhawm ,inkhawm lai hian mut an chhuak duh em em khawp a thenkhat phei chu biakin kan lut chiah a tan dar pawh a rik hma hauh a muthlu nghal mai te kan awm thin ,hei hi chu taksa chak dan a in ang lo a hrisel na a zir te kan han ti thin a a dik viau,chutih rual in mahni in control loh vang ka ti ve tlat ,mahni in ah phone en leh tv en chuan rei tak kan meng thei a biakin a nih avang a mutthluk tum nghal zel kha ka ngaihdan a ni ve lo ,bak ah inkhawm lai a chhuah sek te ,tul mang hlei lo a biakin chhung a naute in hlan kawi sek te hi kei ka mit an ti kham tlat thin inkhawm hun chhung reilote ah pawh kan awm hle hle thei thin lo chu a ni,naupang thut na sawn a kalkual sek te hi kei an chhungte hian zilh ngun  deuh se ka ti,an control lo chu ka ti hauh lo mahse naupang an nih na a enliam tawp lo in ven a ngaih pawh a ven ve deuh mai tha ka ti,thalai ah pawh biakin chhung a phone han khawih leh mai te ,in biak ruk sur sur ching te  mi in items an neih lai a nuihzatthlak pawh nilo a lo nui  kan tam thin hei hi chu a mawilo deuh a ni,inkhawm apiang a tlar hnung chuh pawl lah bo lo,huiham kristian ram pawh hi kan hahthlak tlang tawh chu a ni,phunchiar chan te pawh kan chang zo thin




kan inkhawm bang chu chhun thingpui hmeh  vel lei in dawr a kan peng a ,chhandama te thian ho an lo awm ve an thian ho hi pa nga vel an nia u mapuia chiah hi veng hran a awm a ni chuvang chuan tlem in a ni hi chu a thian dang te lak ah a hrang deuh in ka hria mahse chhandama kawm ber a ni thung lawi a "thingpui kan lo in dawn a nia" an thian zing a a te ber muana chuan a ti a "kan in ah maw" ka lo ti hu "aw in in ah mawl siah" a ti nang nang ,an thian ho hi chu an zau a ,an fiamthu pawh a sang an bul a awm pawh a nuam chhandama tiam loh in " a ngai mai mai lo eitur kan leikep lo cheu" ka lo ti a "kan intum mai ang" muana bawk chuan a ti leh ka nui hak a ,"a ngai chuang lo" ka  la ti hram " i va sual tak chhandama kan rawn hruai lo ang,mapuia nen a u nula senior thingpui lum va in rawh se" a tih chuan u mapuia a nui huk huk a chhandama erawh a ner nang "thingpui rawp hmel emai ,mapui kal ang hneawm dawn tlat" a tih chuan eilo zet in ka melh raw raw " a duh lo chu lo kal lo se a duh zawng kha lo kal ru tui deuh in thingpui chu ka lum ang cheu" ka ti ta kher a midang an nui hak hak ,chhandama nen kan inmil loh zia hre vek tu te an nia tawngkam pawh ka duhtui hran lo

"Nidang ah nimai rawh se ,kal na tur kan nei a kan uang ve hluai a nih kha" nui tha chung in muana bawk chuan a ti leh ,dawr atang kan chhuak ta  a,chawhma chu inkhawm mah ila chawhnu inkhawm erawh kan tlar chawlh a ni leh tlat

Ka nu zing tho chu a khuh barh barh reng a ka ngaih a ti tha lo  tunlai TB vei an tam bawk si "nu hospital ah lo kal la TB te hi lo vei ve reng a ni lo maw i khuh nasa emai" ka tih chuan "vei em dawn a mi,kar khat em pawh ka la khuh loh hi" a lo ti ,ka nu hi zawng a ngaihsam chi hi a ni hrim hrim a in entir chu a duh tlat lo ,ka haw hun ah damdawi erawh leisak tho ka tum,vawiin chu jess-i lam phei ka ngai a scooty a chhiat avang in min  lo lamphei mai rawh a ti , Chhandama te in bul ah ka inkhalh phei tawh chhandama nu chuan min lo au in "hetiang hi i rawn haw ah rawn lei kawi ta che,i pa Ruata damdawi eilai a nia a zo tep tawh e a tia" tiin  damdawi bur pakhat hi minpe a pawisa minpe tel bawk ,an chhungkua leh kan chhungkua hi in thenawm chiah kan ni bawk a kan in pawh viau, ka tlanchhuah leh hma chiah in Chhandama rawn chhuak ka hmu a ka ner khur vak leh rikngawt kha a nui suk lai ka va hmu hman, chhandama ka ngei em em chhan hi keipawn chiang tak in sawi tur ka hre bik lo a mizia vang  a nih ka ring ber ,jess-i te chu kan veng thenawm chiah a awm an ni bawk a ka thleng har lo a lo insiam lawk sa vek a vang in hospital lam kan pan nghal,haw lam ah pawh jess-i chu ka phur leh ka nu damdawi tur leh pa ruata damdawi tur pawh ka lei nghal , jess-i chuan min be reng a tawng ka hre tha hleithei lo ka beng bul ah a rawn au leh chiam thin ,jess-i te veng kan thleng tep tawh kawngsir ah in tibuai an lo awm a ,tlanpelh mai ka tum lai in ka mi hmuh avang in ka ding chawt ,ka helmet ah jess-i a rawn insawh dawt "tinge i din thut a" a ti hlar ,ngaihsak lem lo chuan "saw saw chhandama a ni tiraw" ka tih chuan ka hawina lam a hawi ve nghal "a ni in ka hria,mahse tinge an insual a" a ti ha ,"chhuk teh" tih leh keipawh chhuk chu ka rual a "i phei ve dawn a mi" a tih chuan "aw" tih ringawt in ka chhang, chhandama chuan tanpui tu a neih loh hmel sia mi panga ngawt in an khawih rawn tih ka va hmu miau a,ngei viau mah ila ka hmelhriat a nihna ah leh in thenawm kan nihna vang hrim hrim pawn chutia an khawih rawn chu ka tha a na deuh tlat ,"hey khawih tawh su,a tawk " tiin mipa ho chu ka va au a mahse tuman min bengkhawn lo Chhandama hmai chu a duk churh tawh a heh leh a mitko a thi bawk,mi panga in mipakhat khawih rawn chu an va han nep tak "Lalchhandam khawihlet ve ta che mawla in khawih tir reng suh " ka ti leh tuarh ,Chhandama hian insual a thiam tih ka hria an insual lai vawikhat ka  hmu tawh,chutia a in khawih tir mai pawh chu mak ka ti ru viau , "Chhandama chuan min rawn melh zawk a beilet rawh tih melh in ka lo melh, pa khat chuan Chhandama kaihza ah a chhuih pawp a chhandama chu a thingthi nghal rawp mai,"hmela mai mai chuan leh" tih pah in pakhat chuan a hmai ah a hnek leh ka dawh theih na in a tlin tawh lo,hnek leh tum mek tu chu ka theihtawp a na in ka nam vak a "e nge in hriat a thi a chhuah tawh hi" ka ti kha kha bawk, "hmeichhia rawn in rawlh lo mai teh" pakhat chuan a rawn ti khar khar a ,ka tiril a khur nghal mahse ka in ti huaisen lui a "in khawih leh chuan police ka phone ang,in van dawihzep ve a mal a inbeih a cho awm hlawm tawp silo" ka ti leh khar khar ,pakhat chu ngeiawm fe a nui in "mipa buai na ah rawn in rawlh suh " a ti ram hmarh , "police ka call dawn" tih pah in ka phone ka phawrh a pakhat chuan min rawn nem per lawp mai,ka tlu a ka phone ka thlauh bawk ,"mipa buai na ah in rawlh suh ti tia" tih pah in min rawn pan leh ruak a ka van hlau tak ,mahse engtik laiin nge Chhandama a rawn dinchhuah ka hrelo min rawn pan leh mek pa hma ah chuan rawn ding in "hmeichhia ti na duh khawp a dawihzep maw i nih a.." deuhsawh na rawng kai in a ti chang fak a, "mai mai che chuan a" tih pah a mipa in hnek a rawn tum chu dinglam a lo thlek sawn zauh pah in a bek ah chhandama chuan a hnek ta siah chupa chu a pai nghal chawn  chawn mai ,"ti  khan in duh tawk tawh em ,a lehpek ah chuan ka in khawih tir tawh dawn lo cheu a nia ,mipa in nih ang in on thutiam ah in din ngheh ngei ka beisei" Chhandama chuan a ti a,a inkhawih tir kha mak ka lo ti reng
a  chhan a awm vang a lo nih chiah hi ,chung ho chuan an la duh tawk mai hmel loh ,rawn khawih tum leh ni awm tak a an awm lai chuan "police an lo kal a nia" jess-i chuan a rawn ti a, chhandama khawihtu te ho chuan an hlau a ni ngei ang " a tawp na a ni lo aw" ti a chhandama kawh pah in an tlan darh ta  a ,ka hahdam ta huai  "i tha em" tiin chhandama chu ka hnaih deuh a min rawn melh deuh hrawk "tinge i rawn in rawlh ve " a lo ti ram hmak a nih chi,zawk za mah hian an khawih na lutuk tur ka lo chhan a lawm a hnek a lawm lo hmel min hmuh daih chu ka van ngei tak "eng a hmela leh ka rawn chhan che a nih kha" ka ti nghal hlar " chhan ka ngai lo" a lo ti bul hmuk a nihchu ,ben chawrh ka chak zia chu " haw rawh" a ti leh tawp a
"Ka haw ang ka haw ang,vawi khat mah ka chhan tawh lo ang che " tih pah ka kalsawn nghal jess-i bul ah chuan "kal ang" ka ti nghal bawk "police an lo kal i ti maw ka tia khawnge police ho chu" kan ti leh te te "ka tihder a nihkha police an lo kal tak tak hleinem" a lo tih chuan ka bu nghat ringawt scooty a kan inphur leh tur chu Chhandama chuan ka ban ah min rawn man thut,ka lo teu nghal hlar mai "i kiu a thi a nihkha" a ti sup a nichin mai a lungawi lo hmel kha hmuh tur a awm leh tawh lo,ka kiu chu ka en vat a a lo thi ser ser na erawh ka ti hran lo "nangmah vang a nih hi,jess kal ang" tih leh scooty tihnun ka rual a,chhandama chu kan.tlansan nal.nal mi in lo sual rawn leh pawh nise vawikhat mah ka chhan tawh lo ang,



In ka thlen veleh ka inbual nghal a tui a ka tih huh chuan ka kiu chu a thip ve deuh, ka tihdan pangai in chaw eikham ah inchung zawl ah ka chho a ,khua a thiang nuam in thla a eng tha bawk a,arsi pawh an pe tuarh mai ,phone  ah hla play in ka mit ka chhing a ka hla play ka zai pui pah bawk, khuh kharh thawm ka hriat chuan ka zailai ka tawp nghal chat thawm lo chhuah na lam chu ka hawi a,ka bul lawk ah chhandama a lo ding reng a nihchu ka hmu chiah chu ka meng no lo nghal teh e ,"hetah e nge i rawn tih " ka lo ti hmuk ,min chhang lo in ka bul ah a rawn thu a ka lo ding hluai "thu teh" tiin min pawt thu a,ka van ngei tak "haw rawh" ka lo ti leh hmak a nui suk a "i kiu kha a na em" a lo ti daih thung  "na lo,haw rawh" lungawi vak lo in ka ti leh a thaw ham ham a van lam a thlir dauh dauh bawk , "hetah hian i u nen khan arsi kan thlir dun fo a sin" a tih chuan ka en vung vung a lunglen hmel riau in ka hre lehnghal,a mah ber in engtin mah min hnial ve duh silo a keipawh lungawi loh reng kha dik thei in ka hre ta bik lo
"Ka hmuh hmasak ber che khan Remruati a lo let leh emaw ka ti hman tep a" tiin a nui hak a ,a nuih zat vang a nilo tih erawh ka hria ,ngun deuh in chhandama chu ka en reng a ka u thih na a la tawrh zia ka hmu thei
"arsi chhiar kha nuam a ti a" ka ti ve ta  a, "ni e vawitam min chhiar pui asin" chhandama chuan a lo ti leh "i u nen khan in an na tam tak in nei a ,in mizia leh in pian ,in hmel thleng in,in chhang bung chiah in nih vang te pawh a ni maithei a ni" a tih leh chuan ka nui ve ta hak,ni e midang pawn ka u nen khan in ang min ti fo mai  "a nih chuan thil ka zawt ang che aw" ka tih chuan a bu nghat a "min zawt la" a ti sup bawk ,chhandama nen pangai tak a kan inbiak vawikhat na a ni hial ang "ka u nen in ang min ti si a nih chuan ngati nge ka lak ah that i chhuah ngai loh,tinge i sual em em reng " ti a ka  zawh chuan min en vung vung a e nge a ngaihtuah ka hrelo,min chhang dawn lo emaw ka tih tawh hnu ah " a chhan chu ka hmangaih che ka hlau a ni" a tih chuan ka ngawi ta reng ,ka hamhaih tih chu ka hmel landan atang a hriat ka ring, ka sawitur hrelo leh hamhaih lutuk chu ka nui lui hak hak a "i..i van uang" ka ti ta ringawt ,a ni erawh chuan min la en vung vung a a hmel a thu tak em.avang.chuan ka nui lai ka tawp leh "ka uang lo asin maria,nangmah ah hian i u hlimthla ka hmu thin,chuvang chuan hlat che ka duh a,tha tak pawn ka be ngai lo che,ka pehhel zia che pawh i hria ang,mahse ka pehhel reng thei lo che" a tih chuan sawi tur pawh ka hre lo , "tun atang chuan i hlat a awm ka tum tawh lo ,i lak a ka feelings te hi a nih ang ang a lantir ka duh tawh a ni" a tih leh lek phei chuan ka chil ka hak lo chauh,"i mawl a mi.." ka ti ta ngawt a nui huk a "ka mawl a niang" a tih sup chuan ka melh nghek ka u bialpa a lo nih tawh na ah pawh hetiang hawi zawng a en hi ka duh lo,bak ah a bialnu thi ta nau ka ni tih hrereng chung a ka lak a a rilru put hmang chuan min ti lawm zawk zawk lo bawk ka u thlarau pawh a zah ve em em lo em maw ni "kei min zah lo a nihpawn ka u thlarau tal chu zah rawh,remruati chu thi tawh mahse a nau ka nih na hi a thi tel ve lo a nia" ka ti ta hmak "ka hria,chuvang tak chuan ka ta ah ka siam dawn che ,a nau i ni a,i u lak a ka rilru put hmang te min.hrethiam thei ber tur pawh nang i ni" a tih leh chuan ka melh ngawt ngawt ringawt , ka tho thut a "ka chhuk dawn" tih leh in hnuai a chhuk ka rual nghal, chhandama rilru chu ka hriatthiam pui ,ni e midang a ngaizawng a nih chuan ka u lak ah in thiamloh na a nei dawn a,kei hi a nau ka ni a midang mihrang daih a neih ai chuan kei ka u nen an inkar hriatpui vek tu hi a tan a tha ber tur leh ka u lak a a in thiamlohna te nep ber tur a a ngaih vang a min ngaizawng a ni ,mahse chutiang  vang ringawt a a ngaihzawng nih chu ka duh lo,keimah min hmangaih tu dik tak a ni keichuan ka duh ,bak ah chhandama kei hian ka lo duh ve a nih chuan ka u ka phatsan ang ah ka in ngai ang,mahse keimah ah feelings a awm tih chu ka hai miah lo


A tuk atang chuan chhandama chu pehhel dan mawlh ka ngaihtuah, a hma ang in eng emaw hlek ah ka hnial nghal pawng pawng tawh lo bawk, zan tin deuh thaw min lo bia a thu tam erawh a sawi ngai lo ka reply tha vak lo hrim hrim bawk , hna atang ka bang ka scooty ka hun that lai chuan "min pehhel reng nu" tiin min rawn au a ka chhang lo "in duh thiam ve reuh nu" a rawn ti leh ka van ning tak "in la ve ngei a mi" a tih leh chuan melh hrawk pah in
"ngawi mai teh" ka ti hlak nuihza insum fe in min rawn pan a  ka lo melh kha kha "kha tin min melh suh ka fawp chak teh mai che a nia" a tih chuan zaktheilo ka van ti tak "lalchhandam i van zakthei lo ve " ka ti leh vak,a ni lah chu a la nui sawng reng lehnghal "mizo thawnthu ah chuan kungawrhi kan nei a,kan veng erawh in thinawrhi kan nei che a" a tih leh chuan ka bag chu hum nghet sauh in "lulian i chak dawn lo i lu buk buk nen " tih leh ka bag a vuak chu ka rual a  "e khaih e khaih,nangni chu duh tawk ru,mambawih a tawk a tawk,tinge in lo insual leh tak a" ka pa pawn rawn chhuak chuan a ti chul a,ka in thlah dul thei hram ,"te si thinawrh si" a rawn ti leh kher chu ngei lutuk in ka melh rawm rawm ,a ni lah a nui ang put put a , "awm dun tawh hlek a in hauh tur e maw ti zel mai in hahthlak dun emai lut ang u thingpui i u mami khan a lum in ka hria in ang u" ka pa in a tih chuan inchhung lam ah kan inzui lut a,ka room ah ka kal nghal nal nal chhandama awm chhung ka chhuak leh tawh lo..



"Vawiin chu canteen ah thil eilo ila,saw lai ah lawk sawn dawr hawng thar an awm a an thil siam a tui lutuk an ti ,tah chuan va ei ve ila" jess-i chuan a ti a,kan inzui chhuak nghal chu a ni mai mahse restaurant thlen hma hret chuan chhandama leh hmeichhe pakhat kan kalna tur a in zui lut chu ka hmu a, kan lut ta tho kan piah deuh ah an thu a,keini chu min la hmu lo ni in ka hria hmeichhe tleirawl hmel fai veng hian order a rawn la a ,chutih lai chuan chhandama chuan min rawn hmu ve ta chiah,min en vung vung hnu ah a nui suk a a hma a hmeichhe thu chu a be zui sup hmeichhia lah chu a nui har har lehnghal ,a khat tawk in an pahnih chuan min melh zeuh zeuh a phun zui sar sar a an nui leh thin chuan ka awm an ti nuam thei lo ,ka thil ei pawh an ti tui nek lo , restaurant atang kan chhuah hnu ah pawh an ni chu an la awm ngaihven duh lo in hospital lam kan pan nghal nal nal ,
Mahse hospital thlen hma hret in tu emaw hian ka hming in min ko a ka hawi let chu chhandama a lo ni ,ner nawng chung in "e nge ka ti a" nui ruh ruh chung a min pan hnai in "vawiin tlai chu khawi ah emaw kal lawk ang hmiang i ban hun ka lo nghak ang" a tih chuan 'chhuah pui i neih kha" ka lo ti liam puat "i thik a mi" a tih chuan ka melh nghek " thik mai mai lo,eng vang in nge ka thik ngawt ang " ka lo ti vak a nui suk a "i thik a nih kha" a ti leh hram "Lalchhandam khanu kha ka thik hlawllo aw ve ringawt a che" ka tih chuan a nui huk huk, a ruk chuan ka thik tih ka in hai miah lo thung,hetiang a a nui hmel hi a hma khan hmuh tur a tam ngai lo,a mitak run reng a ka tan phei chuan biak in thlahrun awm khawp kha a ni thin,kei thinchhe ta nafam chuan a nungchang kha ka palzam zel zawk a,tunlai erawh a zia a dang khwp mai ka hmuhlai pawh in a nui a nui ve tawh thinrim a ka ankhum chang pawn a thinrim ve duh tawh der lo .. "tak tak a,i u khan eng emaw a siamtir a ,a thiannu kut ah a lo dah a ni awm a chu chu lam tur in min tia ,i ta tur pawh a awm a niang" a tih tak ah chuan "engthil nge i hria em," ka ti a 'hre lo,hei a sawi har ang reg bawk sia " a tih chuan dik ka ti reng ka u boral na pawh kum khat dawn a ni tawh a tun a in pek chauh te chu a ti awm ang lo ka ti ve deuh ,"a nihchuan ka scooty hi lo va hawn la, tlai ah min rawn lam mai zawk la " ka ti ta a,
"bike ka keng asin " a ti nang nang " a nih ,in ah ka lo haw phawt a nga in atang kan chhuak rual mai dawn nia" ka ti ta ringawt





vawiin chu damlo serious kan neih nual avang in nidang aiin ka haw tlai a,kan veng ka la thleng lo deuh tih ah ka scooty ke chu a ri sut a ka tlan thei lo chu a ni der,kawngsir ah ding in ka scooty ke chu ka en a perek ka rap hi a lo ni, a van buaithlak lehzel tak khua lah chu a thim tawh lehnghal a, ka phone sana ka en chuan zan dar 6 a lo pel tawh ,tu nge ka biak ang aw ti a ka ngaihtuah lai in chhandama'n min lo phone hlauh ,ka chhang vat a
" i va rawn haw har ve in in ah ka nghak che" a rawn ti ,damlo kan ngah deuh vang a ka ban tlai thu leh ka scooty chhiat thu ka hrilh chuan "lo awm rawn ka lo kal ang" a ti a,ka hahdam huai ,ka awm na lai hi a fianrial ve ang reng a veivak pawh an tam lo, scooty ka dahna thlang hret ah ka thu a chhandama lo thlen hun ka nghak ran minute 5 vel erh awrh ka thu hman ang tih ah tu te emaw hi an rawn kal a,an kal pai deuh dan ah zu rui an nih hmel tlangval pathum an ni a an zing a pakhat chuan
"nula tah hian kan lo thu ve lawk aw" a rawn ti a ka chhang lo ka bul mai ah an rawn thu a ,ka lo tawlh hla hret "ee a tawlh hla vell" tiin an nui ham ham a,ka van ning tak chhandama chu rawn thleng har ka ti takzet ka phone ka hmet eng a ,chhandama ka call bawk phone a lak veleh "i rawn thleng dawn tawh em ' ka ti nghal a " thleng tep minute nga hnu vel ah ka lo thleng ang" a tih chuan ka thaw huai "e hee hman ni a hmeichhe huaisar deuh kha a nih hi" zu rui zing a pakhat chuan a rawn ti ta mai an min rawn hnaih nghal ruak bawk "hmanni khan kut min thlak vel a " rawn ti tu ka en chuan ka meng kawk chhandama lo khawihtu te kha an lo ni,ka tiril a khur nghal a ,mi kawng a veivak lah hmuh tur an awm der bawk silo "hmeichhia te te si ka nam e te min ti ve khanglang a,mipa buai na a inrawlh pawi zia kan hmuhtir ang che' tih pah in min phih tho lawp,ka te that rual in " thawm chhuah hlek suh,ti lo chu hetah hian ka rekhlum nghal law law mai ang che" a tih chuan ka ngawi nghal hmak , "maria,e nge thleng a" phone atang mangan.hmel deuh in chhandama chuan a rawn ti a,phone kha kan la off lo tih ka hre chiah " hmanhmawh rawh lo thleng vat rawh" tiin chhandama chu ka au nghal chul "zawngi mai mai chuan' tih leh pakhat chuan ka phone min laksak a a kawngpui ah a vawm pawp a ka phone pawh a keh nghal phak ,ka mittui a tla pur tawh " lo kal teh ti in a tir a min rawn hre chat tu khan min pawt a ka lo tang ve nasa mahse mipa tha chu ka hneh meuh lo thlang deuh ah min hnuk lui dawt dawt ,"tang ve khanglang suh" tih leh pakhat chuan ka hmai a ben a rual a a thip nghal vawng vawng mai,min pawh kal leh a tum lai tak chuan "zawngho ka that vek dawn cheu" pawr zet a rawn ti tu aw chu ka hai lo "chhandam" tiin ka tap nghal hlawp hlawp ,kan lampan in chak zet in a rawn tlan thla a min pawtbet mek tu chu a rawn tlawh nghal thuai keipawh ka pai nawk mai , "scooty dahna ah lo han chho rawh" chhandama chuan a ti tuarh a , a mah ka ngaihtuah bawk si kalsan ka van hreh tak "chho rawh heng ho hi kan chingfel lawk a nge" dam zawk a a tih chuan scooty dah na lam chu ka pan,a thinrim hmel mawlh mai kha khangho kha thah mai duh hmel a pu in ka hria ,minute 10 vel ka nghah hnu ah a rawn chho a,ka bul a rawn thlen veleh "i tha em' tih pah in min kuah nghal , chutah chhuak em em in ka tap a ka kuahlet bawk ,a ni hi rawn thleng hma lo se khang ho khan engtin nge min tih ang tih ka ngaihtuah ngam lo ,
"Awm.lo la chu" tiin ka tap hliam.hliam a "a tha vek e,engtin mah an ti tawh lo ang.che" tiin ka lu ah a chul pah hliau hliau a, a kut dam tak leh a aw ri te chuan min thlamuan hliah hliah , ,ka tahchhuak zualpui a reh hnu ah kan haw a ka chhungte chu an lo ri deuh hlut ka scooty pawh kawngsir ah kan hnutchhiah ta tawp a zing ah kan la mai ang chu,eng a chhandama ka en.chuan a heh a lo thi a "damdawi ka hnawih ang che' tiin damdawi ka la vat , thil awmdan tlagpui chhungte bul a kan sawi hnu ah inchung zawl lam ah kan inzui chho a "i awm lo ang tih ka hlau ngawt mai ,awm lo la chu khang ho khan min khawih hrep duh ang " ka tih chuan uluk fahran in min en a,"hman ni kha chuan i huaisen hle si a" a ti sup "hmanni te kha chuan ka kiang ah khan i awm a,nichin kha chuan keimah chauh ka nia" ka ti , "i kiang a ka hian i hahdam em" a rawn tih chuan a ngawi vang vang ni e,a kiang ah khan ka hahdam a ni,ka hlauh na te kha chawp leh chilh in an bo vek bawk, ka angchhung ah khan ka him tih ka hria ,chutah ka bu nghat a,"enteh maria..sawi a hun em tih chu ka hrelo mahse ka sawi tho ang,i u ai khan ka duh hmasa che asin" a tih chuan mak ti zet in chhandama chu ka en haw "nia,mak i ti ngawt ang maahse thudik a ni" tiin thawk a la ham ham a "entin" ka lo ti hu ka kiai suk a " tum khat i nu inkhawm bang a rawn peng a ,chutah chuan in unau chanchin a sawi luam bawk a hla bu kar atang khan thlalak pakhat hi a la chhuak a keipawh min hmuh ve nghe nghe ,remruati nen in thlalak hi a lo ni a ,remruati ai chuan i te hret mahse ka mit i la em em tho,ta tang khan ka vei che ti mai ang,mahse nanglah phai lam ah i awm daih si a,ka hnaih a awm zawk remruati nen kan lo in hnim hnai ve tho bawk nen,kan in ngaizawng ta a,i u kha ka hmangaih lo chu ka ti miah lo mahse ka thinlung kil khat ah nang i awm ve reng thin,in chanchin tam tak min hrilh thin a,ngaihsak loh che pawh ka tum nasa,hun a rei a i u kha mifel tak a nia nangpawh zawi muang in ka theihngilh che,mahse tikhan remruat in tawhsual a tawk ta si a, ka tuar em em bawk,nang i lo lang leh a ,ka duh na che ka dahbo ta emaw ka tih kha a lo la bo reg reng lo ,mahse remruati lak ah ka in thlahrung a phatsan leh bum ang ah ka in ngai bawk,chuvang chuan i lak ah that ka chhuah ngai lo a,min hua a nih chuan keipawn ka thlah theih che ka ring mahse ka thei lo" a tih chuan ngun deuh in chhandama chu ka lo en reng, dawt a sawi lo tih ka hria,keipawn ka hnar bik lo bawk mahse remruati lak ah in thiamloh na lian tak ka nei,chu vang a nia ka feelings te ka tihlan ngai loh ,englai khan nge a lak ah feelings ka neih ka hre lo , remruati thlarau ka zah em avang khan keipawn ka pehhel reng kha a nia, "keini chu a rem ve lo a niang tiraw, ni e keipawn i lak ah feelings ka nei tih ka pawm.mahse remruati" ka tih chuan " a ni chu kan zing a mi a ni tawh lo,kan theihnghilh dawn lo,mahse kan inkar tihla tu atan chuan hmang lo ag..midang daih ngaizawng ila rilru dam tak in min enliam thei dawn chuang em ni" a tih chuan ka ngawi vang vang,ka thei lo ang tih ka hria, chutah a lam hawi a min kuai her in "remruati pawn mihrang daih ka neih ai chuan i kiang a ka awm hi a duh zawk ngei ang" a tih leh chuan ka thaw hak a,ni e tinge kan in tih hreawm reng bik ang kal tawh chu kal tawh nise,kan thinglung ah erawh hmun lian tak a chang reng tawh ang
"maria ka bialnu ni rawh aw" ngen ngawl zet a a tih chuan ka mittui a hnai tih ka hria,in sut zauh in ka nui seih a ka bu ta nghat ,chutah hlim hmel fe in min kuah a,keipawn ka kuah let ve vang vang







A tuk zing ah ka scooty pawh chhandama nen kan la a a ke thar kan hawn nghal bawk,thlak erawh kan thlak hman ta lo hospital thleng min va dah a, ka u thiannu in ah a mah in a ni a lo va kal thung,zan ah inchung zawl ah bawk ka chho leh a,arsi ka thlir leh vang vang "va hmuhnawm awm ve" ti tu lam chu ka lam hawi in an inchung zawl ah chhandama chu a lo ding a ,ka nui ringawt "tunlai chu min hau khat lutuk a ,ka awm a nuamlo riau" te a ti vel a va hah chimawm ve tak
"Rawn len i tum lo em ni" ti a ka zawh chuan "tum e ka lo kal nghal" a ti a ka lo nui hak ,chutah ka rin loh deuh in thingzai seipui hi a la a
"eng atan nge kha kha" ka lo ti ha "ta hian kham a nga ka rawn phei ang" a tih chuan ka lo meng rang nasa " a tul lo emai ,i mawl deuh a mawn le" ka ti nghal khar khar a nui suk a thingzai chu a rawn kham ta ruah mai,kan in a in hnaih ka tih tawh kha , thingzai chu a rawn zawh a atthlak ti zet in ka lo hau thung, ka bul a rawn thlen chuan min kuah nghal thuk a "ka ngai che' a ti sup bawk "ka awih lo vawiin ah pawh kan in hmu" ka lo ti thung "hnial hrat" ti sup in thuthleng awm na lam ah min kaiphei a, "i u khan hei hi a lo hnutchhiah a " tiin couple nacklace silver rawng mawi zet hi a rawn lekkang a ,"lehkha a hnutchhiah tel bawk a,mahse ka la chhiar lo kan chhiar dun ah ka tia" a tih chuan lehkha chu a phawrh a kan chhiar ta "keimah chuan hmai chhan ah ka sawi ngam dawn silo a ,hmaichhan a ka sawi chuan ka tap dawn sia ka mittui tla hi i hmuh ka duh lo,chhandam engkim ka hre tawh ka nau lak ah i rilru put hmang,i awm loh hlan in i room a i dairy dah kha ka lo chhiar a,mahse pawi ti suh,keichu ka thi vat dawn a,thisen cancer ka ni tumah ka hrilh ngam lo cheu a, ka nau a lo let leh tep tawh a ,i ta a siam ngei i tum dawn nia,chuan he thi hi i ta a nih hun ah i pe dawn nia,keichu min vengthawng lo ula,keichu in enkawl ngaihna a awm tawh lo ka doctor in ka daih rei tawh loh tur thu min hrilh a,,ka awm loh hun ah chiah he lehkha hi pe tur cheu in Remtei hi ka hrilh a,ka natna chungchang ka hrilh loh cheu a vang in min dem lutuk su aw," tih a lo in ziak a nihchu, ka mittui a luang ngiai ngiai a ka u khan a lo van tuar nasa dawn tak ,tuman a natna kan hriat pui silo a mah in a lo tuar ngat ngat a ni awm si a,mittui tla par chung in chhandama chu ka en a lehkha chu a lo hum ngawt ngawt a nat zia a hmel ah ka hnu thei .ni e a na ngawt ang,a ni ang mipa ka u in a boral hma a a lo tawng kha ka lawm a ni , chhandama chuan min rawn kuah thut a ,a in sut ri ka hriat chuan ka puak chhuak ta ka tap chhuak nghal hawk hawk ,tah insum zet in ka u thi hnutchhiah kha min awrh tir a keipawn ka awrh tir ve ,van lam.kan thlir dun a ,"remruat i duh ang ngei in tun ah chuan a thleng ta,thlamuang tam in chawl ang che aw" chhandama chuan ti sup in ka kut a hmer vawng vawng a ,min rawn en leh in "ka hmangaih che" ril zel a tiin ka hmui ah a rawn fawp a mittui la tling piau chung in keipawn zawimuang in a mi fawh na chu ka lo chhanglet ve a.







A tawp ta