Lalhruaitluanga

[Zuali khiangte_zii]

Lalhruaitluanga








"Naupangte lo ding rawh" tiin  ka thiannu Marini chu a rawn au phei lauh lauh a hma ah mipa naupang pakhat hi eng emaw keng chung in a rawn tlan tarh tarh bawk "laljudy lo man rawh,kha naupang kha lo man teh' tiin min rawn au chiam chiam a keipawn naupang lo tlanphei mek chu ka lo man chawt , marini pawh in kan bul a rawn thleng chawpchilh ve nghal chu a ni mai, "kha thil kha min lo pe rawh le,kha chu mi ta a nia" tiin naupang thil kenlai chu a dil a naupang chu a ngawi reng a ,kan thawm avang a mipui lo kal khawm te chu enkual in a tawlhhnung hret hret bawk "e nge awm zia" tiin ka thiannu chu thil thlen dan ka zawt a "kan damlo pakhat toys a laksak daih a,kha damlo lah khan a toys kha a ui ve bawk sia ka rawn um,a tlanchak reuh phian sia " a tih chuan naupangte chu ka en a,ka rindan chuan kum 5 emaw kum 6 vel chauh a la nih ka ring ,chutah naupang hnen ah chuan "naupangte kha chu midang ta a nia,helai doctor hi pe la nang chu tpys dang ka lei ang che aw" tiin thlem ka tum a ,min en kar ringawt ,chutah marini bawk chuan "min ti hah ropui si naupangte toys kha min lo pe rawh le ,kha chu mi ta a nia" tiin laksak mai a tum a chutah kan hma a naupang ding chu a rawn au ta chiam chiam mai  ka tih ngaihna hrelo chuan ka awm ah ka kuahbet ta ringawt a hnung ah ka chul hliau hliau a " a tha vek,engkim a tha vek e" ka ti mawlh mawlh bawk  reilo ah naupangte pawh chu a au tawp ve mai bawk   "le tun ah doctor hi toys kha pe rawh le,naupang fel chuan aia upa te thu awih tur a nia" tiin a biang ah ka piai zeuh a ka nui sang bawk ,chutah naupangte chuan a mit khap fek fek chung a min en in toys chu min rawn pe ta a marini ka lo pe thuai

"Naupang fel lutuk,hmeltha reuh si,khawnge i nu leh pa te an awm a " tiin a sam ah ka tuai zeuh a "apa chu saw tah sawn a awm a" tiin naupangte chuan min chhang a "awle apa awm na ah chuan ka hruai ang che aw,chuan e nge i hming naupangte" ti a ka zawh leh chuan  "Frenco ka nia frenco lalmuansanga" tiin felfai deuh mai in min chhang a,a sam kir deuh chiat leh a biang puar lam lek lek chuan a ti lang duhawm takzet , "awle frenco ,tun atang chuan mahni thil lo chu khawih tawh loh tur aw" ka tih chuan a bu nghat a " awle" a ti lauh bawk,chutia kan inbiak lai chuan mipakhat hi frenco-a hming lam chung in kan bul ah a rawn kal a frenco-a pa a nih ka ring  "frenco khawi ah nge i lo kal daih a ka zawng nasa lutuk che a lawm,lo kal rawh haw ang le" tiin chupa chuan naupangte chu kaih mai a han tum a frenco lah chuan chutia kaih kal mai chu a duhlo nge chupa in a vawnna kut chu a lo thingthla a " enteh frenco' ti a chupa in tawng a tum lai tak chuan "enteh pu a frenco hi i fapa a nih chuan thlahthlam suh naupang a mah in tai tir mai mai suh lo bo palh ta se engtia tih nge i tum" ka ti ta nek ,"nang..nang kha tunge i nih" hamhaih leh lawm loh hmel deuh a tiin chupa chuan min kawk bawk "tu nge ka nih a pawimawh lo i fapa tan pa tha tak ni la a tawk" ti hmak in frenco lam chu ka hawi a "frenco naupang fel deuh nih tur aw,kal tawh rawh le " tiin a sam ah bawk ka tuai leh zeuh frenco-a pa emaw ni chuan kaih leh mai a tum a mahse frenco thung chuan lo duh lo in a mah in a kal nalh reuh a ,a awmdan chu duhawm ka lo ti viau tlem a kan in hlat ve deuh hnu ah frenco chu rawn hawilet leh in a nui sen sen a keipawn ka lo nuih let ve sen sen "bye frenco" ti in ka ban ka vai lauh lauh a chutah frenco chuan "bye a nu" nui ver ver pah in a rawn ti a nih chu,ka hamhaih lutuk chu ka ding ngawi ta reng an kalliam thleng chuan ngawi reng in ka en ta ringawt

Kei hi judy Remruatkimi ka ni a, Aizawl veng pakhat private school ah primary teacher hna ka thawk mek bawk,kan khaw pangai tak hi chu Sihfa ni in thingtlang khua ni mahse khawpui kan hlat lo bawk a khaw thing lutuk kan ni lo , thingtlang khua ah chuan a changkang pawl chu kan ni ve ang ,mahni in aizawl ah in ka luah a ka inluah a zau tha helh hawlh bawk a mahni chuan ka thawl lam hret a ni,mahse pawi ka ti hran lo in te lutuk ka ngainat loh bak ah, kan khua atanga chhung leh khat rawn kal te thlen na ber ka ni a in zau luah chu a fuh phian , school kan chawlh avang in hospital lam ah ka hmelhriat te awm tlawh tum in ka kal a ,kha naupang tikhan ka hmu kha a nia ,in thingharh  in damlo awm na ward lam pan in ka kal nghal ,sana ka en chuan in kan hun a lo tawp tep tawh hi a lo ni hmanhmawh ang reng tak in ward lam chu ka pan zel a ward chhung a ka lut tur chiah chu tu emaw nen kan in su dawt mai ka chal ka tuai nghal vut vut
"Ka tihpalh lutuk ' ti in ka mi sut pa chu ka en a,chiang zet in min lo chhuk melh kur ,coat suit a ha a,a palian ang reng viau bawk , a landan a zahawm viau na in a hmel chu a nelawm teh chiam lo ,min chhang lo a min kalpelh mai a tum chu ka bag ah lai su thla in ngaihdam pawh min dil lo a kaltlang mai a tum , 'hey nang kha i va  hawihhawm lo ve" tiin ka au zui a a ding dat a muangchang a rawn in her in engmah a sawi leh ta chuang lo,a hawihawm lo leh polite lo lutuk chuan min run takzet "enteh pu a ,ngaihdam min dil i tum miah lo em ni" ka tih chuan,a mit mitko ti chuar tap in
"a engthil ah chuan maw" a ti a nih chu hrep tak chuan a,in bengdaih tum tak in thawk ka la halh a
" pu a tun ah khan ka bag i su thla a "

"Chuan e nge" ka sawi tur ka sawi zawh hma hma in a lo ti a nihchu kan awm na hmun in zir ngat se chuan ,ka  chhir hrep duh ang ,za lo zet in ka nui hul hak ,chutah thinrim fe a en in " ngaihdam min dil rawh," ka ti a , nui suk in "i chhar tawh a ka kal" tiin a kal nghal nal nal a nih chu,a tukhum ah chuan nem buk lawp chu ka chak takzet , hmeltha in a in chei dan zahawm viau mahse ,mi hawihhawm lo leh polite lo tak a ni ,thinrim teuh in ward chhung ah ka lut a ,ka damlo kan tur ber a pwh a lo tha viau a tawng tam ber ber ah a tang a reilo ah keipawh ka nui leh uarh uarh mai

school chawlh lai a ni bawk a tiin kan khaw lam ah kar khat vel cham a haw lawk tum in ruahman na ka siam a ,a tuk mai chu ka haw ni tur a ni bawk ,hospital atang ka haw chuan ka chhungte ka hawnsak tur thil lei in bazar ah ka kawi a ,dawr pakhat a ka awm lai in ,"a nu " ti a au leuh leuh thawm ka hria, ngaihsak lem lo in ka nu pheikhawk tur ka en mawlh mawlh pheikhawk pakhat en leh tum a ka lak lai tak chuan "a nu " tiin naupang pakhat hian min rawn kuah chawt a nihchu ,ka van hamhaih chiang tak "naupangte min hai a niag,i nu ka nilo' tiin chu naupang chu ka nemsawn a a hmel kan hmuh tak ah chuan hospital a ka naupang hmuh kha a lo ni "a nu" tiin min ko nawn leh a a mitmeng fiah zet in min en kal bawk ,ka hawikual zak zak a dawr chhung a awm ve ho chuan min en hrek hrek in ka hre lehnghal "frenco,tiraw a dik em?' tiin naupang chu ka zawt a buk nghat pah in "a nu" a ti leh tawh , a tihngaih na tak pawh ka hre tawh lo  "frenco khawnge i pa a awm,biak ka va duh ve" ka ti ta ringawt , tawngka in min chhang dawn emaw ka ti lai in dawr pawnlam chu a kawk zeuh zeuh a dawr pawnlam ka hawi ve chuan hospital a ka hmuh mi hawihhawm lo pa kawnglai tak a lo hawi vual vual chu ka va hmu ner nak in frenco chu ka kai a "frenco khawnge i pa chu a awm a " tiin ka zawt nawn leh ,chutah frenco chuan ka kut ah rawn chelh in pawn lam ah min kaichhuak a ,a pa bul ah min hruai a tum ni a ring in ka zui ve mai bawk ,mi hawihhawm lo pa bul ah chuan min hruai a ,chupa pawh chuan min lo hmu vat in frenco chu a rawn kuah chawt ,hrilhhai deuh a an ni pahnih ka lo enlai chuan "a nu" tiin frenco chuan min lo ko leh hawihhawm lo a pawh chuan a fapa chu thlah in mak tih hmel deuh in min lo en a , "frenco tikhan min ko tawh suh ka tihkha" nuam lo ti ru zet a ka tih chuan ,a mitmeng pawisawi lo zet chuan min lo en ha "nga ti maw a nu" a rawn tu leh ,tei vet chuan "frenco tun ah khan he nu hi engtin maw i koh kha" mak tih hmel fe in ,hawihhawm lo a chuan a ti a,frenco erawh in a chhanglo "min chhang rawh lalmuansang " a hma aia awki sang a a tih chuan  "a nu" tih pah in frenco chuan min rawn kuah a a tih ngaihna tak pawh ka hre tawh lo,eng vang a a nu emaw min ti tlat nge pawh ka hre lo e, "enteh in biak kan ngai a nih hmel" ban chap a ka tih chuan min rawn en vut a a hmel han nelawm loh zia mai chu ,mahse reilo ah a lan dan chu a siam tha thuai a " a ngai a nihhi" ti nghut in frenco chu a lam ah a pawt phei a,restaurant hnai ber ah lut in frenco chu a ril a lo tam deuh tawh a ni ngei ang kan thil order sak chu a ei nghal tan tan,keini erawh in engmah kan order ve lo 
"ka fapa in khatiang a a koh chhan che kha ka hrelo a,mahse mak ka ti khawp mai " a tih chuan "keipawn mak ka ti " ka lo ti sep "ka fapa hian mi a ngaina mai mai ngai lo a,a ka atang nu tih thumal a vawikhat chhuah na a ni bawk" a tih chuan
"khawnge a nu" ka lo ti hmanhmawh ,ka hma a mi chuan a thawk a la hak a " a thi tawh" a ti buk hmuk,a nupui chungchang chu sawi thui a duh vak lo a ni tih hrethiam in keipawn ka zawt zui ta lo "i chung a ka fapa chet dan avang khan ngaihdam ka dil e," tiin min rawn melh a ka lo lai deuh emaw ni ka awm dan chu ka duh miah lo ka ni huih in ka hria,a hma a ka lo ngei tehreng nen   "a pawilo,naupang mai a la nia" ka ti ve tak na in ka awm erawh a nuam tak tak chuang lo

Ka awm dan hrethiam ni awm tak in ka hma a mi chuan "doctor te sawi dan chuan frenco hian rilru lam ah harsat na a nei an ti a,enkawl dan tur tak pawh an hre bik lo, a tawng tam lo a mi ngaina mai mai ngailo a ni bawk ,kei tak pawh hi min be tam lo zaizir hian min be tam zawk ang" ti in a nui hul hak a a mit a tawrh na lo langchhuak chu ka hmuh hmaih lo,tui tih hmel tak a thil ei mek naupang chu ka en a ka van lainat reuh tak "nu ti a a ko mai che leh i biak na tha tak a a chhang che leh a ngaina nghal em em che kha mak ti em a,a tir ah khan ka hamhaih bawk nen sawi mai tur ka hrelo a" in thlahrun hmel tak a a tih chuan

" a pawi lo,a ho lutuk ' ka lo ti thuai..restaurant atang chhuak in frenco te pafa nen pawh kan in mangtha a ,kan boruak khatiang tehnuai a nih vang khan nge hming in hrilh nachang pawh kan hrelo tih in ka thlen hnu ah ka hre chhuak, a tuk  chawhnu lam dar 1 vel ah kan khaw lam pan in kan chhuak a, sumo a chuang ho chu kan khaw mi pali leh kan khaw thenawm mi pakhat kan ni a in hmelhriat vek kan ni thung ,tlailam dar 5 vel ah kan thleng a,thenawm nau te ho rawn phei bawk in kan ri chel chul mai ,ka thil hawn ang ang te ka sem zawh hnu ah in tifai  in chaw kan ei a , in leng neuh neuh kan neih avang in ka mu nghal mai bik lo dar 10 bawr vel ah ka chau ve bawk nen ka mu a,mut pawh ka mutui khawp mai,

ka thingpui in lai in kan khua a ka kawm ve ber Vanlalpeki rawn kal in a rawn ri lut nghal lang lang "Laljudy eng vang in nge i lo haw tur pawh min hrilh loh,ka beng dawn che mawnle" choka a rawn phei pah in a ti nghal bawrh bawrh ,"aw,ka surprise duh che a lawm" tiin ka lo nuih var var a ,chutah min rawn hnaih nghal sawt sawt in "khaw nge ka thil ve tur' a tih chuan nui hawk hawk in ka room lam ah kan in zui phei a,a pheikhawk tur ka leisak chu ka pe a ," a to hmel sia hetiang pui pui te i rawn lei a" tiin a inthlahrung leh hnuhnawh "la mai mai teh nagpawn min tihsak hnem tawh emai" ka lo ti hlak , kan  in ngai ve bawk nen chhun ah pwh kan.in ah rawn leng in woofer ah hla kan play a kan hlim dun nasa, "saw lai a in sak lai saw tu sak nge a" tiin kan in piah deuh lawk a building chu ka kawk a ,"pu Remliana tupa an ti in ka hria aizawl mi a nia," ati liam puat a  ka zawt zui lem lo

Chhun thil eitur vel leiin kan chhuak a,kan in atang  a dawr hnai ber a in hawn loh avang in kawn lam ah kan chho ,kan duh ang te lei a dawr atang kan chhuak chu "a nu" ti ri ka hre leh tawh aw chu ka hriat hnu a an em avang in ka hawilet thuai a ka mi hmuh vang chuan ka phawk lek lek "fre,frenco" ka ti bah niai "a nu,a nu" tiin ka lam ah a rawn tlan a min kuah nghal chawt ,a hnung ah hawihhawm lo a khan a rawn zui ve thuai  a min hmu chu a ni pawn mak a tih hmel ve tho in ka hria "frenco ,hetah e nge in rawn tih a " ti a ka zawh chuan a pa lam hawi in hrilh rawh ti niawm tak in a pa chu a melh kar a "ka pu te tlawh pah in ka in sak lai ka rawn en e kan  tia,hetah e nge i tih zawk '" ti a min zawh chuan "kan khua a lawm
" ka lo ti thuai

Frenco lah chuan min la kuah reng bawk nen ka thiannu chuan mak tih hmel deuh in keini chu min en tawn zak zak,.rei vak lo kan inbiak leh hnu ah frenco te pafa chu an kalsawn a, "e nge awm zia Hruaitluanga te nen khan in in hria em ni,chuan e nge a nu tih awm zia kha min hrilh vek rawh" vanlalpeki chuan a ti nghal khar khar " haw phawt ang tichuan ka hrilh ang che' tiin ka pawt kal nghal dawt dawt in kan thlen veleh  thil thlen dan tlangpui chu ka hrilh thuak thuak a, e nge a hriat ni vanlalpeki chu  a za cheng
"khatin za cheng suh ,nuam lo ka tih nak a lai a " kei in ka lo ti thung,ka ban a min ben pah in " awi a nuam awm bik Hruaitluanga nen in in hria a , a fapa in a nu tiin a ko bawk che a nia" a tih chuan nuam tih vak chhan tur keichuan ka hre ve lo "e nge a ni nen a in hriat chu a nawm bik vak na tur," ka tih chuan phawk lek lek a min en in "a chanchin i hre miah lo em ni' a rawn ha "hrelo" ti a ka chhan chuan a phone  phawrh in  ig ah a lut a tu emaw profile hi min hmuh  "hei hi Hruaitluanga kha a nih hi a hmelthat zia hi followers pawh a ngah lutuk hmeichhe ho in an star hlawm teh ,a mah hi aizawl a hotel lian ber nei tu a nia district hrang hrang ah dawr a nei nual,kum 30 emaw 32 vel a niang ,a la upa lutuk bawk silo,a hausak bak ah a hmeltha in a pian a nalh ropui si" tiin hruaitluanga chanchin chu min sawipui chiam , a profile chu uluk zawk in ka en a a ma lan na tak chu a tam lo ,frenco thlalak a tam mah zawk ang a mah a lan ve pawh in frenco a lang tel zel tho 

Zan ah vanlalpeki'n min rawn text a 'hruaitluanga kha ,tetei'n a star te mai a nia,hruaitluanga pawh kan khua a lo kal chuan tetei te in ah a leng ve fo mai" a rawn tih chuan engtin emaw ni tak ka awm ka sawi thiam lo, a tuk ah  kan huan ah kan kal a, kan haw tlai em em lo ka in tihfai zawh a chawhmeh vel lei a ka chhuak chu kawngpui ah naupang ho an lo infiam a,an piah deuh a frenco lo thu reng chu ka hmu ,naupang dang ho zing a infiam ve chak si pawh ngam chiah lo hi a ang ka ti,chutia ka en reng lai chuan naupang ho ball chu frenco lam ah a lir a "lo pet phei rawh" naupang pakhat chuan a ti lauh frenco chuan ball chu a en reng a chutah ball chu pet in kawngthlang lam ah a liam thla daih,chu veleh naupang dang ho zing a lian ber chuan frenco chu pan in "tinge i petliam daih a,nangman chhar rawh ,hey i tawng thei lo a mi ,i van mawl tak ,tawngthei lo pa" tiin frenco lu ah chuan a nem a naupang dang ho in an lo bial tuau tuau bawk hrilhhai leh mangan hmel tak in frenco chu a hawikual a,chutah a beng hup in a au ta chiam 'zuk chhar rawh" nichin a mipa naupang tawng thlahdah deuh khan a ti leh a ka insum thei tawh lo hmanhmawh deuh in frenco te lam chu ka pan a ,naupang ho chu namkiang in frenco chu ka kuah vat " a tha vek frenco a tha vek e," ti mawlh mawlh chung in a hnung ah ka chul pah bawk reilo ah frenco pawh rawn ziaawm in , "a nu" tiin min rawn melh kiau a a mittui a dir nghal zung zung bawk ,ka thin chu a rim phat a naupang dang ho lam chu hawi in "in va nghal hlawm ve naupang te te si,nangkha hetah lo kal teh tawng i va thlahdah ve," tiin ball chhar tur a frenco ti tu kha ka ko a,min hlauh hmel ngang mai, "judy ,remrema kha tinge i hauh chiam a,naupang buaina ah puitling an in rawlh ngai lo" lo ti tu chu naupang remrema nu a ni, "ka pi i fapa hian tawngkam a thlahdah mah mah a ka lo zilh a nih hi" ka ti ve hmak ,remrema nu chuan min melh tur tha ngang mai,eng ah mah ka ngai lo frenco lah chuan a hlau a ni maithei ka phen ah ding in ka ke chu a vuanbet ran a a in hnit feih feih bawk  "aww,kha naupang thiam loh kha a lawm tha tak in ball kha pe ve mai se, nu nei lo lehnghal kan khaw mi pawh nilo" a rawn tih chuan ka sa zak "nu a nei,a nu ka nih hi chuan frenco thiam loh engmah a awm lo ,ball kha a liam palh a ni mai,i fapa chuan i tawngkam chiah a nih hi a lo lak," ka ti ve ta phiar phiar ka thinrim lutuk chu ka hmai a sa hat hat thei hial in ka hria "judy chu i zirsan a i hnathawh a that tehlul nen aia upa zahna i tlachham deuh a nihkha" kan sir atang a ti tu chu tetei a ni ,"nangkha lo ngawi rawh" ka ti chang fak tetei chu a nui hak hak a a ni hi chuan engtik lai pawh a min  tihbuai nuam a tih bak ah hman ah highschool kan kal laiin a star pa in keimah min duh zawk a ta tang khan a huat tak te in min hua ka ti mai ,engkim ah min er em em reng mai  a ni


"E nge thleng" rawn ti tu chu hruaitluanga a ni ,a pa aw a hriat veleh frenco chuan a pa a pan vat a hruaitluanga chuan lo pawm in "judy e nge thleng" tiin min rawn melh a,engtik lai in nge ka hming a lo hriat hman ni,chhan pawh ka chhan hma in tetei chuan "naupang ho hi an in hnial deuh a ,kan lo thelh a nih hi" a lo ti zung zung "frenco lo ka lo pawm ang che a pa kha a hah ang" tiin frenco  chu pawm a tum a a awm dan vel chu mak ka ti hran lo hruaitluanga a duh miau a a mark tih that a tum te pawh a nia nge.. chutia tete in frenco lak mai a tum chu frenco an a lo duh der lo "a nu" tiin keimah zawk min rawn ban daih a tetei mak ti meng rang vel chu a ruk chuan hmuh nuam ka ti, chutia frenco an min ban tak si ah chuan ka pawm thuai a ka dar ah a bei nghal hle hle , "pi zai thil thlen dan ka hrelo na in frenco an thiamloh na a nei a nihchuan pawi ka ti khawp mai ka lo zilh dawn nia" tiin remrema nu bil ah ngaihdam a dil a keichuan ngaihdam dil a ngaih na chhan ka hrelo "a pawilo,naupang an nia,mahse naupang buaina a puitling a rawn in rawlh kha ka lawm.lo.mwle" pi zaii chuan a ti a, a fapa thiamloh ah pawh a tan zia kha ka hre ve kar sia ka van ngei zitzet reuh tak  "kan tihpalh a ni e" hruaitluanga chuan a ti leh ,ka thil khai lai min laksak a "kal ang " tiin min rawn en  ngawi reng in ka zui ve mai bawk ,kan inpeng kan thlen in frenco chu lak a tum a frenco an a lo duh lo "frenco ka thin tirim suh,khawlai ah naupang dang ho zing ah buai na i siam a,tun ah suahsual rawng i bawl leh a nihchuan " a tih lai mek in "frenco thiam loh engmah a awm lo,engmah hrelo in hau ringawt suh,frenco a nu bul ah i kal duh em,a nu in ah lo kal daih rawh aw" ka tih zawm zat frenco chu a bu nghat a ,rum fe a hruaitluanga melh in ka  chawhmeh lei a khai chu ka la a frenco chu kan in lam  ka pan pui hmak ,hruaitluanga thawk la hawk ri pawh ka hria,engmah hre chiang lo a a fapa a dem ringawt kha ka ngei em a ni , in kan thleng chu ka chhungten min lo en thap "tu nau nge i lo hawn a" ka nu chuan a lo ti "nakin ah ka hrilh ang cheu" tiin ka chawhmeh lei dawhkan a dah in frenco chu ka nghat a "frenco tah chaw ei nghal rawh aw " ka tih chuan a bu leh nghat    "a nu tinge a pa nen kan bul ah i awm loh" ti in min zawt ta reuh a chhan mai dan tur ka hrelo ka chhungte chuan min en thap a nuamlo ka ti rilru ang reng "mambawih e nge awm zia," ka pa in a tih chuan frenco kai in ka nu leh pa te bul ah ka kalhnai ,frenck chanchin leh kan in tawn dan te chipchiar tak a ka hrilh chuan ,frenco chu an lainat tlang hle "ka van khawngaih reuh tak naupang te in rilru lam ah harsat na a nei nghal der a niaa" ka nu chuan a ti vawng vawng "mahse mambawih nula te in ni ve a ,hetia in koh tawp chu i hma hun zel atan pawh thil buaithlak a ni thei a ,ngaihtuah na fim tak hman  tul a nia,chutih rual in naupang rilru tih nat a hlauhawm bawk si' ka pa chuan a ti a dik ka ti viau mahse frenco rilru tihnat ka duh loh bak ah he naupang hi ka ngaina takzet a ni ,a tir ah chuan frenco chuan ka chhungte chu a hnaih mai ngam lo mahse ka chhungte an fel a,an be seuh seuh reng a ka u phei chuan a infiampui thul frenco pawn a ngaina vat ka nu leh pa chuan 'a pu,a pi" tiin min ko rawh an ti a frenco chu kan nuihpui hnem hle


Frenco an a pa number a lo hriat avang in a pa chu ka call a kan in a frenco an chaw a eitur thu ka hrilh,zanriah eikham ah hruaitluanga chuan frenco a rawn lam a,frenco chuan min ngai ngang mai a pa pawn tih ngaih na tak a hrelo ,frenco chu a haw duh tlat lo a ka room ah ka ti mu hmasa a muthilh hnu ah a pa in pua in dar 10 dawn ah an haw ta chauh,frenco an min ngai bawk si nen kei in tih tur vak ka neilo bawk a frenco nen chhun ah kan in awm ta thin a ka u pawm frenco chu a lawm ngang mai,a khawilo kal chhuah hlek in eng emaw eitur a rawn hawn zia hruaitluanga tak pawh a in thlarung viau na in tih vak ngaihna a awm silo a , hruaitluanga pu ,pu remliana te nen tak pawh kan in pawh phah phian ,kar thar kan chuangkai a kei pawh aizawl chhuk tur in ka in buatsaih leh tawh hruaitluanga te an chhuk ve tho dawn avang in an rual a haw tur chuan min ti a keipawn ka hnial ta lem lo

Aizawl tluang tak in kan thleng a frenco ka malchung a muhil mek chu en in a sam a mit hliah lek lek tu chu ka huikian sak , kan in kawt ah motor a ti ding a inchhung lam ah kan inzui lut ,frenco chu a la muttui em avang in ka khum ah ka mut a thingpui ka lum nghal bawk "in be lawk ila" hruaitluanga'n a tih avang in thingpui in pah in sitting room lam ah kan thu dun a , "judy kan hnen ah i lo cheng duh em,ka sawi awmzia chu frenco hi min enkawl pui thei la ka lawm ngawt ang,nang lo chu enkawl thei tur ka hrelo,i duh a nih chuan contract ang pawn kan kal a nga" a tih chuan mak ti deuh in hruaitluanga chu ka en reng ,chutiang lam chu ka lo la ngaihtuah miah lo ,ka ngawih tak reng avang chuan "lo in ngaihtuah la,mahse a rang lam in lo insuan lut thei la chu ka duh khawp mai" a mah bawk chuan a ti leh  "ka,ka chhungte ka lo rawn ve phawt ang" tiin ka chhang ringawt ,kan inbiak zawh hnu ah frenco chu a haw pui a keipawn ka chhungte ka be nghal ka chhungte chuan an pawi ti hran lo ka nu phei chuan "i thlem thluk theih chuan a pawimiah lo,frenco an a nu emaw a ti che a,nang pawn i ngaina tho bawk a " a lo ti hmiah ka nu thin tak hi chu ,kan khua a kan awm  chhung khan frenco vang in hruaitluanga a rawn leng tam a ka chhungte pawn fel an ti in  puitling an ti viau nghe nghe ,ni thum hnu ah hruaitluanga te in ah ka insawn lut a contract erawh a ngai ka ti lem lo ,an in awm na chu a fal ang reng a,mi hausa an ni bawk a an in chu a lian tha ngang mai kawtzawl zau nuam tak nei in ,pangpar chi hrang hrang a ngah ngang mai,a nu leh pa boral hma a a nu phun te an ni awm e , hruaitluanga chuan ka room tur ah min hruai  a ,a zau in a felfai bawk sia a nuam reuh phian ,ka room piah lawk ah frenco nen an room a awm thung ,an pafa chauh a chen nan chuan a lian mah mah deuh in ka hria

Frenco pawh primary a kal ve tawh avangin rawngbawl pah in lehkha ka zirtir a ,chhiar lam aia ziah a duh zawk avang in copy tur ka siam sak, ngawi reng in a ti ve melh melh a,hruaitluanga'n ka school thawh na lam a sawn a tih chuan ka pawm hle frenco pawn nuam a ti zawk ang ,a tuk ah school lam ah min va dah a a ni pawh hna ah a kal ve nghal,school ah chuan a tlangnel lo in thian a nei lo bawk nen frenco chu ka bul ah a tap chawt reng mai, tlai ah hruaitluang an min rawn lam leh a,a chang chuan chhungkua kan ang te pawh ka ti thin , zan mut dawn a room a ka lut tur chu ka kut ah frenco an a lo chelh tlat, "frenco e nge ni,duh i nei em ni" ti a ka zawh chuan ,ngawi reng in a pa nen an room lam chu a kawk a,hruaitluanga ka melh ralh a ni pawn min lo en ve reng "frenco kha chu i pa nen in room a nia" za lo deuh a nuih pah a ka tih chuan ,an room lam a lut tur in min put lui ve tang tang "tinge anu leh apa te bul ah ka mut loh,tinge kan pathum a kan mut ho loh a " frenco chuan a rawn ti a a mitmeng fiah zet in a pa nen chuan min en tawn zak zak bawk,keichuan chhan dan tur ka thiam lo, hruaitluanga zawk chuan "kan mu ho dawn alawm zanin atang,a tha em" a ti ta mai ka melh zawk a,min lo mitmei thuai tichuan kan pathum in room ah kan in zuilut ta a an pafa chuan khum ah an lawn a kei erawh khum sir ah ka ding reng,frenco a chauh nise chuan ka pawi ti lo a,hruaitluanga te nen kan pathum a mut ho chu nuam ka ti chiah lo , frenco chuan min rawn en in ,khum chu a beng thak thak a , zawimuang in frenco bul ah chuan ka mu ve ,   "anu hla sa la" a la rawn ti leh zel ,ka zaithiam loh teh lul nen ,thiam lo chung chung in ka zai a,a khat tawk a hruaitluanga lo nui leh put put thin chu ka mitsir in ka hmu ru reng, ka zak chem chem mai,reilo ah frenco pawh a muhil a, frenco kuah tum a ka ban ka siam rem leh hruaitluanga frenco kuah tum ve tho chu kan ban a in tawk a ,ka lungphu chu a su dup dup ni mai in ka hria ,frenco lu chung zawn ah chuan kan in en ta reng a ,harhchhuak zawk a ka kut laksawn ka tum chu a manbet rang hle , "reilote ti hian awm lawk ang" a ti sup a ,ka tang teuh lehnghal ka awmdan chu a nuam tehchiam lo hle, a mitmeng fiah zet a min en chuan ka zam chhe lo chauh , a tawp ah phei chuan ka mit ka chhing ta ngawt engtik lai in nge ka lo muthilh pawh ka hrelo ka harh leh meuh chuan khua a lo var ut tawh ,in phih fai in inhnuai lam ah ka chhuk a choka lam ah thawm a awm avang in chu lam chu ka pan,an pafa in rawng an lo bawl hi a lo ni,frenco pawh in a pa nen a han chet dun vel chu nuam a tih hmel takzet,eng vak la ti thei lo mahse a tih theih awm tawk siam sak chu hruaitluanga chuan a thiam em a pa tha tak zawng a ni



Chutia an pafa che lai ka en reng lai chuan hruaitluanga chuan ka lam a rawn hawi thut a,ka lo ding ngil nghal at ka awm dan lai kual nghal vel lutuk chuan min ti zak lek lek lai zet in ka nui vur vur a "i mu tui em?" Ti a min.zawh chuan.aw tih nan ka bu nghat,frenco chuan ka kut ah chelh in chair ah min thut tir a "vawiin chu weekend a ni bawk a ka rawngbawl sa i ei dawn nia" tiin hruaitluanga chu a nui hak hak a,a rawngbawl lai chu hmuhnawm.ti zet in ka lo en reng, t-shirt dum ha in.ke kawr bul dum a ha leh tawp a, a pian chu langchiang tak a ni a lu buk lam.lek lek nen chuan a thil tih la chu a in hmeh vei phian lehnghal ,chutia hmuhnawm ti tak a ka en lai chuan doorbell a rawn ri a "in leng kan nei dawn a mi" ti a ka zawh chuan "ka hre bik lo ,tu nge maw le,lo va hawng mai ta che" a tih chuan keipawh ka tho ve vat ka hnung ah frenco an min.lo zui ve bawk,kawngka kan va hawn chuan kan hma ah tetei a lo ding reng mai min.hmu chu mak a tih hmel em em lehnghal "hetah e nge i tih" min lawm lo hmel fe a a tih chuan " e nge i rawn tih zawk" a zawh na pawh chhang lo in ka lo ti let hmak henu hi chu tha tak a biak a tulna ka hre lo a ni pawn tha tak in min be ngai lo bawk a , "ka hmelhriat ka rawn tlawh a nih hi " tiin min kalpel a , frenco lam ka en chu kuangkuah at in tetei kal ta chu a lo melh rum ve ngar,frenco  awm.dan ka hmuh chuan ka nuih a za ngang mai choka lam.ah kan inkai phei leh a , tetei leh hruaitluanga te an lo in be mawlh mawlh


"Engtik nge i lo chhuk a" ti a hruaitluang an a zawh chuan

'Nimin ah tawh khan,hei i pu ten thil min thawn a ka lo pe che" tiin rambo polythene ah eng eng emaw ni hi a in hnawhkhawm a chawhmeh vel a nih ka ring , 'a va lawmawm ve  i lo dah vang vang a nia 'hruaitluanga chuan a ti ve luam  "hetah daih ka hmu che a ka hamhaih deuh a lawm" tiin keimah chu min rawn melh a "nia" ka lo ti ringawt "heti hian hruaitluanga hi i zar reng mai em ni," nui sawng chung a a rawn ti leh chu kei mi zaidam lo chuan paidam har ka lo ti leh hman viau tawh chhan tum a ka ka an zuau lai in hruaitluanga chuan "hetah a cheng a lawm,kan innei tep tawh a " a lo ti,innei tih thumal avang chuan hruaitluanga chu ka en nghal vat a mit min lo siai zeuh ,a ni pawh hian tetei hi a lo ning ru ve viau a nih ka ring, tetei chu a hamhaih hmel viau mahse in siamrem thuai in "ka lawmpui hle mai cheu,in inneih hun chuan min sawm ve ngei a ngai ang ka thu ber loh vaih chuan ka lawm lo ngawt ang" nui ar ar pah in a ti zat zat a a mitmeng a min huat na leh min thik na kha ka hmuh hmaih chuang hauh lo


"Ka tui a hal riau mai tui in tur min lo suah teh a judy" tetei chuan a ti leh zat a,ei lo deuh chung in tui chu ka va suah ve mai ,  "inchung  ah kan chho lawk " tiin in chung ah ka phone la tur in ka chho a ,ka chhuk leh chuan frenco ka hmu tawh lo 'khawnge frenco kha " tiin hruaitluanga chu ka zawt a "a lo zui che emaw ka tia" a tih chuan.min.zui loh thu ka lo hrilh,frenco chu kan.pathum chuan kan.zawng a mahse kan hmu lo choka ah bawk kan lut leh a, chair ah thu in tetei chuan tui a in a ,a rawn rak that , "e nge ni" tiin tetei chu ka pan vat "ka ngal a na lutuk " tiin a ngal chu a dawm nghal vawng vawng dawhkan hnuai atang a nui kar kar thawm kan hriat chuan dawhkan hnuai chu kan en vat ,steel spoon keng in frenco chu a lo nui kar kar a tetei ngal chu a lo khawng a nih hmel  ,frenco chu la chhuak vat in "lalmuangsang engthil nge i tih kha,awmdan mawi i va hrelo ve" hruaitluanga chuan a ti vin that frenco chu a kimki chawih a ka lam ah ka pawthnai nghal vat 
"lo kal teh hetah zirtir na pek i ngai a nihkha" a tih leh chuan frenco chuan ka ban a rawn dawm.chat a a pa thinrim chu a hlau viau a ni ngei ang a khur der der thei in ka hria ,"naupang mai a nih hi,vin vak a ngai lo ,a hlauh che hi" tiin frenco thlavang ka lo hauh thuai "i tih tir a ni chiang lutuk kei min huat vang in i tih tir a niang,hman atang tawh nang hi chuan min haw hrim hrim" khawngaihthla la zet in tetei chuan a lo ti a,a va han chhe zawt zawt tak "a dik em.judy i tih tir a ni em" tiin hruaitluanga.chuan min en ta kar ,chutiang naupang tih tir duh tur ang a min ngai chuan ka rilru a ti na, "tu zawk nge i rin a ni nge kei" tiin hruaitluanga chu ka melh let ve ta kar   ,kha chen kan cheng ho a ka mizia a hrechiang tawh viau tur ah ka ngai a min ring chhe lutuk chuan ka thin a ti rim bawk  "a tawk,a tu ve ve pawh khan eng mah sawi tawh suh u" awki pangai deuh zawk a a rawn tih chuan ka mittui a rawn tla nghal.tiam tiam,a chhan chu min.rin thu a sawi miah lo ,tetei a rin thu pawh a sawi chuang lo na in ,alak ah tetei aia ka danglam zawk ka lo in beisei a ka lo beisei sang mah mah pawh a ni mah na,ka mittui lo luang chu ka kawr ban a hru tawk in ka nui hul hak a "a tha e,min ring lo a nihkha" tiin ka room lam ka pan nghal,ka thawmhnaw ka siam nghal mawlh mawlh a  ka thawmhnaw nen inhnuai a ka chhuk chuan "khawnge kal i tum" tiin ka hma ah tak a rawn ding ,"ka chhuak dawn" ti hmak in kalpelh mai ka tum chu ka ban ah chelh in "tu nge chhuak tur a phalna pe che" a rawn ti chang fak , za lo zet a nui in a mit ah chiang zet in ka en a ,a mitmeng a kalsan lo tur a min duh na chu ka hmulo der tlat "chhuak tur in i phal na ka mamawh lo,ka duh na hmuh ah kal tur in dik na ka nei" ti hmak in ka kut a chelh na chu pheh sak in kawngka lam chu ka pan nghal , "a nu a nu,min hruai ve rawh"ti  a tap chung a frenco rawn au chuan min.ti ding chawt ,ka lam.ah rawn tlan in min kuah a "a nu ka kal ve duh" tiin a mittui chu a dir zung zung ka van lainat tak ,thu hniam in a mittui chu ka hruk sak a
"frenco tun ah chuan a nu bul ah i kal ve thei rih lo a,apa bul ah awm.rih la thu lo awih rawh aw" ka tih chuan a lu a thing nak nak ,"aih a pa bul ah ka awm duh lo,i bul ah ka awm duh" tiin a tap uar nasa mai ka lainat lutuk chuan ka kuah thlawp "pawi ka ti frenco,a nu hi tun ah chuan ka kal a ngai " tiin kan inkuah na atang ka nem.hla a min rawn um tur a pa in a lo dang pawh mittui kar atang ka hmu "apa ka hua che,a nu bul ah ka kal duh,a pa ka hua che" tiin frenco chuan a pa chu a au khum chiam chiam let leh a hruai ve daih mai chu ka duh rum rum mahse ,chutiang ti tur chuan dikna ka nei bawk silo ,rilru zawng a kim mawlh lo,khang hun chhung a frenco ka fapa tak tak ang mai a ka lo.hmangaih hman zia ka hriat chuan hreawm ka van ti tak



Ka in luah lam.ah bawk ka kir leh a ,school ah kal mah ila frenco hmel erawh ka hmu leh tawh lo a pa in a school luh na a sawn a nih ka ring, hun a liam.a mahse frenco leh hruaitluanga chu ka ngai thei takzet ,chhungkua ang mai a kan chen ho lai khan an pafa khan ka lo hmangaih hman hle tih ka hrechhuak a mahse kir leh ngawt thei ka nilo, keichu a fapa enkawl tur chauh in an in ah khan.min.awm tir a a lak a ka feelings te hria ni se chuan min.haw zawk ngawt maithei a ni ,inrinni zing ah chawhmeh lei in ka bazar a ,chawhmeh ka enkual.lai chuan "a nu" tiin ka bul ah frenco a rawn lang hlawl "frenco hetah e nge i tih " ka lo ti vat ,nui ver ver chung in a pa awmna lam chu a kawk a hruaitluanga chuan min lo en reng nuam ka tih loh avangin ka hawisawn vat a
"a nu kan.in ah i lo haw tawh dawn lo a mi" min en kiau chung a frenco an a tih chuan chhan ngaihna ka hre leh ta lo ,"a nu" frenco bawk chuan a ti leh a "a nu khan kan chawhmeh tur a lei a nihkha,a nu kha kan.bul ah a lo cheng leh tawh dawn a" kan lam pan a hruaitluang an a tih chuan ka lo melh nghek "naupang  dawt hmang in beisei na siam sak suh ka rawn let tawh dawn lo" ka lo tih chuan  a mitmeng fiah zet a min en in "i rawn let leh dawn" nghet charh in a ti a nihchu zakthlei lo ka van ti tak



"A teuh lo,let chhan tur ka neilo" kalo ti ve leh hmak "i nei kei leh frenco"  a rawn tih chuan ka ngawi hmak  ,chutah min rawn hnaih hret in "enteh judy ka thiam lo tih ka hria,i ngaihdam na ka phu chiah em pawh ka hrelo,mahse ngaihdam dil che ka duh, i tello chuan kan in saw a ruak lutuk kan pafa hian kan mamawh che,judy i lak a ka feelings te hi i hrethiam tih min hrilh rawh" thu tak zet a a tih chuan "chutiang feelings eng mah ka hrelo" tiin ka kalsawn nghal nal nal ,frenco min koh na pawh ka hrelo der hmak ,in ka thlen rual deuh thaw in frenco te pafa chuan ka in an rawn thleng ve nghal  "min ngaithla teh judy in bia ang" hruaitluanga chuan a ti a,ka lo hmulo der tlat thung ka thil tih lai ka tih zawm char char ,chutah a ning deuh tawh nge,ka dar ah min rawn vuan in a lam.hawi zawng in min kuai her nawk a "min ngaithla rawh Remruatkim ka duh che i hria em engtia in tan nge ka hre  lo mahse,kei,kei hian ka hmangaih che,i chhuah hnu khan ka ngaihsak zui lo che tih ka hria a chhan chu pehhel che ka tum vang a ni,mahse i tello chuan ka kim lo kan pafa hian kan mamawh che lo let rawh frenco a tan a nu tak tak ni tur in" a tih chuan ngawi reng in ka en ringawt ,a tih tak zia ka hria ,ka thu hriat chuan min ti hamhaih lek lek bawk mahse ka lawm a ni,ka feelings te hnawl a a awm ka hlauh vang in an pafa lak atang ka in la hrang a ,hetiang thu ka hre leh si chuan ka hnuk a ti ulh lek lek , a kut hlai hlup leh lum thar thar chuan ka biang a dawm a a chal in ka chal a si dat bawk a mit a chhing a  chu tah ngen ngawl zet in "khawngaih in" a ti zawi sap,chutah zet chuan ka in ti luhlul reng thei ta bik lo ka kuah thlawp a "keipawn ka hmangaih che lalhruaitluang nang pathlawi hi ka hmangaih che" tiin ka nui hak a ,a ni pawn hlim zet in min kuah let vawng  vawng



Chutia kan.in kuah lai chuan "ka tel ve duh,keipawh min kuah ve ru" frenco chuan a rawn ti a,kan nui dun hak hruaitluanga chuan a fapa chu pawm  kang in a biang ah a fawp a,keichu min rawn en leh in "ka hmangaih che" tiin ka chal ah a fawp zeuh a





Tawp ta