A CHANGTUPA CHU TUMAW? 2

Story tawi te te emaw luanliamna emaw post na
Joilin Renthlei
Posts: 6
Joined: September 5th, 2022, 3:24 pm

A CHANGTUPA CHU TUMAW? 2

Unread post by Joilin Renthlei » December 31st, 2022, 10:27 am

Udami chuan 'Bawiha, i nàu at mai mai zia hi, i thianpa kenedya bawk kha ala buaipui anih hi' Ka chini chu ka pe a, thingpui no ah chuan fian khat tè tè in a telh a, thingpui no lian fàl tawk tih loh ah chuan.

Hriatpuia chu muang chang hian a rawn chhuk a, a lu chu towel in a la intuam a, a towel chu là thla in a sam chu an han tuai hul thuak thuak a.

Ka rilru chu lo kawmin a kawr hak inhmeh zia leh hmelthat zia chu ka lo fak ve cham chi a.

Ka bul alo thlen chuan min kuah thuak a, a rim tui deuh te chu ka hre thei .

'Engnge min lo hawn?'

'Itih nghal kha ka ring reng ani' a khi suk a, thingpui udami siamsa chu a in zeuh a.

'Het, i pa pàwl puite ta tur anih kha, matete, zuk pe phei zuai, kha puite, nangin chhang kha lo hawng la, tray ah hian lo va chhawp teh' a sawi pah chuan hriatpuia thingpui tur chu a siam zung zung a.

Chhang ka chhawp phei hnu chuan hriatpuian min ko dinga, a thingpui ken lai chu alo lem zo hman.
'Ka suitcase saw min ken chhoh pui la maw, chuan ka pe ang che, mahse chumi hma chuan i thusawi kha aw...ka hrilh ang che itia'
Ka hrechhuak leh zuk mai, hrilh ngei ngei ngai ka nei, ka hrilh duh si lo.

'Na...eng anilo' katih pawn min ngaithla duh lo hrim hrim, a suitcase rit zet chu kan hnuk chho a, a room lamah kan zawn phei a, a room pawh a tel lo chuan a chul ve hnuk nia.

Room kanwgkhar chu a khar a, a khumah chuan min thut tir a, ka siliper chu ka phelh leh thuai a, a lukham hnawng deuh reuh chu kan han khan leh thawr a.

'I in vek alawm' nui chung hian a han ti a.

'dii a buai viau elaw? Ka lo haw ve thut bawk sia' in thlahrun hmel tak hian min en a.

'Buai lo buai lo, nizanah pawh min hau char char, ka tlaivar ve ngei a, u zeli kha i hria em? Kan sunday school secretary thin kha, a nau an tiin ka hria, kal lohna chi pawh nilo' ka waiwai ah chu ka phawrh pah a.

A nui leh tawh.

'I va in ready ve' khumah chuan a rawn thu lut a, a ke chu a rawn hlang ve a.

'Zing chaw ka la eilo alawm '

A tho thut a, a table bula almond l ainkheh lo chu a rawn theh phei a, ei rawh tih ka ngai lo, ka kheh nghal a.

'Sawi tawh la' thil hre chak tih hriat tak mai hian min lo en a.

'Engnge min hawn sawi phawt rawh'

'Ka zawt hmasa che, i sawi that duh dan azirin ka hrilh ang che' ati ta tlat mai.

Min zawt hmasa tawp si lova, hreh tak chuan tlem te chiah ka hrilh ang tih rilru pu chungin kan han thu tha a.

'I kal hnu khan, min rawn be ta tak tak a maw, kan inbe rei hman ve lutuk, veti ka zir meka katih te khan a awihlo a, college ang tho alawm te ka tia, chuan dii chuan min duhpui vak si lova, chhuahpuiah min sawm a ka lo haw tih ahriat khan, chhuanlam ka siam char char a, mahse kan inah a thiante 2 nen an rawn leng anih chu maw, ka pa a zinlai a ni hlauh zawk a, a u ten an hrethiam lo ang tih ka hlau rap' kut zawng zawng nena tang kawpin ka han hrilhfiah a.

'Chuan engtin zel..'

'Aw...chu a zo' Ka kut ka beng thlawrh a.

'A lo leng kha itia chuan...' a rawn thu phei deuh a.

'Alo leng a, chuan kan inhmuh chianna kha i birthday ah chiah khan ani sia, ka la hriat vak loh nen min khawih peih lutuk a, ka chau ka tia ka haw tir daih a, ka be tha peih tawh vak lo, thiam deuha mi khawih a tum zela , dii ka hrilh phei chuan a thinrim tawp a' thaw chham lek lek hian ka han ti a, ka han thaw chhuak teuh a.

A duh ka la sawi thleng lo aniang, min han hnaih leh sauh a.

'Chuan chu hmanni kan inkhawm bang kha kan in bulah min lo nghaka , keimah leh umapari nen tlawng kan ni sia, min chhuk thlak san daih a, peihlo tawkin ka va pan hnaia, kan gate luhna bulah a ding tlat sia, a tir te chuan tha deuhin ka chhang a, chuan...' ka thaw a ipik tlat tawh.

'Ummm...' uluk zet hian min en a, sawi zo tur pawn min ti tih ka hre theia, mahse..

'zu rim kha a nam a maw, a tirah te chuan ka be tha ve tho, ka luhsan dawn che ka tih khan, hei, amah khan tinge min duhloh ve ringawt a? Engah nge i inngaih te kha tia , min pawt dawrh dawrh a..., Ih ...chuan ' ka inhnit a.
'Ka pa a harh ang tih ka hlau sia, kan in sir bawlhhlawh dah na kha i hria em? Tah khan min kuai let thuai a maw.., a na sia, ka nem vak vak pawn min thlah duh lo , ka nghawng kha....a ..a ..a tham anih chu maw... , Ka tap puau tawh a.., a mit te kha a sen rum mai, ka ke khan ka pet chawrh a, min thlah dul hram a, ka tlan nghal thut a, ka samah ...khan min la kek hram a, ka lawm zia ,kawng kal kha ka va hmu a, min thlah chauh alawm ' ka hringnuna ka la tawn hlauhawm ber mai chu ka hrilh zo thei ta trawk e, mahse mittui nen.

Min lainatna mitmeng hmuh chu ka tan tak chuan hrehawm ka ti, ka bulah rawn thu pheiin thei leh thei lovin ka mittui luang chu a kut chuan a han nuai ve a.

'Chuan min lo call ta a'

Ka lu ka bu ringawt a

'Chutah lah i thusawi ka lo hre chiang si lova, ka awmlo chu a vannei anih chu, ka hmuh leh veleh ah ka...' a insehruh hle tawh , a beng te thleng chian a sen vek a, a thinrim tawh hi chuan hai rual ani lo, mahse kan inah te mi rawn luh chilh èm lova, hauh na chi ni pawn ka hre lo, amah lah chuan a thiltih chu a hrelo awm hmiah si a.

'Engtin mah chuan ti suh aw, a ngam pa zual palh ang' kan ti dek dek chu, a ngaihdan alo ni lo tawp mai.

'Kan hauh ve deuh loh chuan chhan tu i neihloh hunah a che huai mai ang, kha tlema tlemah i mualpho lo chauh alawm, en liam chi pawh anilo, in in bulah alo nghak ngam hrim hrim che pawh kha , thil tum a nei nghal ràn tih a hriat a' aw ki ring vak lo mahse fiah zet zawt tak hian a han ti a.

Ka ngaihtuah chian chuan a thusawi chu ka thlawp zawng tak ani lawi si, mahse amah hrim hrim kha ka hmu duh tawh lo, a hming lamrik pawh ka duh tawh lo, ka thinrim ai mah chuan ka hlau ani.

'Kawrawh thildang sawi ang, midang tumah ka hrilh lo ania aw, keichu ka hlau tlat tawh, i vairam awm chu tu emaw te an awm em? ' ka han tih chuan boruak rit zualpui chu a kang dawt hian ka hria, kan vairam awm chanchin kan in hrilh a, ani delhi ah college a kal a, keiin dehradun ah veti ka zir thung a, kan 1st year na ve ve a ni a, kan awm na kan han in sawi nawm siak thul, a chang leh kan han in sawi hlauhawm siak thung a, kan 2 tè chuan a roomah chuan kan ri chul a.

Tlai lam deuhah chuan dii pawh alo thleng a, roomah a rawn chho nghal nalh a, ka zing chaw waiwai leh chaw thing ka ei lai mek chuan
'Ka duh ve' a rawn ti hmasa tè tè a.

'hriatpui, i van chhelo tawh, i sam te a buang elaw?' khuma ka thu chu a rawn thu ve hnawk a, a ke a rawn hlang nghal thlawrh bawk a, a khum nei tu pa ber lah inthlahrun hmel deuhin a table thuthleng ah kan lam hawiin a thu thung a.

'Ka inhmehlo viau em?' a han tih chuan dii thet thawt chuan

'Biakhlimpuii chuan inhmeh a ti hrim him ang che' an han ti zeuh pek a, khanglang chuan.

Zat hmel tawk hian kan han nui lui a, a rukin a hnungah ka sik chawrh a, a hrethiamlo der nge...

'Aiah, i nu tet tet nen i kutthawh a va nà ve, thlah teh vanlalbiak' tre chul hian a han ti a.

'I tawng hnem zep zuap èm alawm mawle' nui pah phun deuh pah chuan ka ti a.

'Ka confi vak lo, khutah kan thianpa hair dresser khan min tihsak , natural hair ka khawih duh ati tlat sia..' a lu chu a han tuai a, zak tih hriat deuh biangsum lang kuau hian a han khi suk chuh, ka va hmu ve chiah nen chuan ka mit ka la sawn thei thlawt lo.

Dii lah chuan ka waiwai ei lai chu min ei zawh sak vek lehnghala.

A thil min lo hawn thenkhat, lukhum, muza, darthlalang samkhuih ni nghal leh bengbeh te chu paper bag mawiah alo khing ve thàn a.

'Nangma lei a nilo chiang ang' ka tih chuan
'Aw ...ka thian in min thlan pui a ' nui chung chuan a ti a, dii bawk lo hriat chhunzawm chàk chuan
'I thian chu a pà nge a nû? ' nui miahlo hian ania a zawh.

'A nû lampang ania , a hriat deuh ka ring a, bazaar puiah ka sawm anih kha' a lài deuh nge a hmel chuh, ka ringhel riau mai, ka hriat chakna zual thut chuan...

'Chu....i bialnu ani maw?' ka tih chuan

'Ni ve e' atih lai chuan dii nen amah chu kan en reng ringawt.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)