Ka lei vantirhkoh

Story tawi te te emaw luanliamna emaw post na
Angaihi hmar vibex
Posts: 2
Joined: February 14th, 2023, 5:54 pm

Ka lei vantirhkoh

Unread post by Angaihi hmar vibex » February 21st, 2023, 11:22 pm

KA LEI VANTIRHKOH

A hmasa in story(thawnthu)hi ka thiam vang pawh ni lo in ka ziah ve chak vanga ka ziak tih min lo hriatsak ula,tawng hman dik loh pawh ka nei ang hengah te hian inthlahrung miah lo in min lo hrilh zel dawn nia. ..

"Tharte,table 3 ah sawn heihi va dah teh" U Sawmin a tih chuan ka va kal nghal a,table 3 ah chuan Police pahnih hi an lo thu a,an thil chah ka dah fel ka let tur chu ka ke in pal sual in an sirah chuan ka sakhmel nawr chawrh khawp in ka tlu a,bo daih theih ni se bo daih mai ka nap,a nat chu thuhran ka zak lutuk..

"Ava zia lo ve! i in sawhna lo maw" tih pah chuan Police pakhat chuan a kut min lo pe a,a kut ban mai lo chuan ka han en chho kher kher pek a,awiii kareiiii a hmeltha lutuk !!!! hetiang em em a hmeltha hi mizo zingah ka la hmu ngai reng reng hleinem

"Mami,mami,i tha maw? " tih pah a min lo sawi chuan ka suangtuah na ram atang ka harh zawk mai,amah ka lo en reng chu ni in ava zahthlak double tak a bula a thianpa lah chu alo la khi thu leh nghal "A a a tha e,ka tha " tih pah chuan ka tho nghal a "Tihpalh lutuk,tui deuh khan ei ru" tih pah chuan ka kalsan nghal a ...

Police te awmna lam chu ka lo melh leh zuk zuk thin niang U Sawmi kan monu chuan " I mit kha a kalh vek a nge"nui chung hian min lo tia "hmmm,awi awm loh ka mit ka excer mai mai lawm" ti pah chuan choka ah ka luhsan daih a,ka va chhuah leh meuh chuan an lo awm tawh lo U Sawmi chuan "Tharte,nang chu va haw tawh mai rawh,in lamah va awm hahdam tawh rawh" min tih avang chuan ka in siam a ka haw nghal a..

In ka thlen chuan ka nu leh kan awmpui u mami chuan eirawng an lo bawl a,puih an ngaih lem loh avang chuan ka room lamah ka chhoh san a,inti faiin khumah chuan ka mu a,ka ngaihtuah na ah chuan ngati nge maw ni le vawiin a ka hmuh Police pa ringawt chu alo lang leh nghal a keipawh hriat loh kar chuan ka lo muhil a..

Ka hming chu Lalnunthari niin Tharte tih in min ko mai thin,Aizawl veng pakhat Zonuam ah kan Chhungkua in kan khawsak mek a,unau hi pahnih niin ka u chiah hi Dr.Lalrinsanga a nia Civil ah sawn a thawk a nupui U Sawmi khan Restaurant vaivakawn ah sawn a nei a a changkang bawk a a lun ve khawp mai keipawh ka hman chang chuan ka in hlawh ve thin,ka pa hi Lalchhuansanga a nia MZU ah hian Professor a ni bawk,ka nu hi Lalnunmawii Zadeng a nia housewife a nia chuan awmpui pakhat lawngtlai lam mi U mami kan awmpui bawk chuan keihi MZU ah Final year ka zir ve mek bawk....

A tuk chu sunday anih avang in kan inkhawm vek a,ka pa hian khum bet a kan dam lo te anih loh chuan inkhawm loh mai mai hi a duh lo a,chawhnu kan inkhawm theih loh pawn chawhma inkhawm hi chu inkhawm ngei ngei a ngai.Thawhtan ni alo nih chuan keipawh class kan tan tawh dawn avang in muangchang lem lo chuan ka insiam zung zung a,ka insiam zawh chuan inhnuaiah chaw ei turin ka chhuk a midang pawh an lo awm vek tawh,chaw te ei zung zung in college lam ka pa nen kan car in kan kal nghal a,two wheeler hi chu ka khalh thiam reng neih pawh ka nei mahse tihian a awlsam zawk a,ka pa rual hian ka kal mai thin ka scooty erawh U Sawmi a hmang thin thung ka u pawh in car a nei bawk..

College kan thleng chuan kan class lam ka pan nghal a ka thian nu Bibi-i pawh alo thu khiau tawh mai henu hi chu ka hma ve viau emaw ka tih pawn alo awm hman ve ziah,chhunah chuan kan hma a thu te chuan phone en hian an titi a kei hawkdak tih takah ka va en pui ve leh a,tu nge ka hmuh hi police hmeltha a kha anih hi "Tu nge hepa hi ? " tia ka zawh chuan Rakil-i chuan "Ruatdika Pautu anih hi a chhelo a sin mahse Vacancy a awm tawh lo,nupui a nei tawh fa pawh pahnih lai an nei tawh " alo ti zat zat a a bula thu Hriati chuan "Daklar,chu tiang em em a zawt lo che,a hrim hrim ah i va hre ve " a tih chuan Rakil-i chuan "Aw hriat ve bawk loh ten a nupui saw ka first cousin lawm,an inah saw chuan ka leng reng zel a han ti leh a ", tlai alo nih chuan keipawh ka pa nen chuan kan haw nghal a ..

Zanah chuan ka khuma mu pah chuan vawiin a Rakil-i thusawi chu ka ngaihtuah neuh neuh a,a va han zahthlak tak,mipa duh ka nei ve a chu lah mi pasal duh lai alo ni tawh leh nghal buaithlak e ho emai ti ila ho ka ti vak bawk silo a,huii engpawh nise mi pasal mi pa anih vang hrim hrim pawn ka theihnghilh a ngai,,a hmuh zawh loh thlak emai mi pa lo duh chu a tia ka lo in ngaihtuah lai chuan ka phone alo ri a ka han en chuan number hriat loh a lo nia,ka la dawn nge dawn lo ti a ka inngaihtuah lai in a tawp hman mahse alo tih nawn leh chuan ka la ta a " Hello tu nge aw "lehlam ami chu ala ngawi vung vung " Hello ka tawng i hre thei em aw,i tawng ka hre thei lo a"ka tih leh chuan"engmah ka la sawi lo va hriat ngaihna a awm lo nih kha "mipa aw tliang tak chuan alo tia ka va han ngei mai mai tak..

" Tu nge aw" ti a ka zawh chuan phone a off daih,a va han polite lo tak ti pah chuan ka phone ka melh hrep a,whatsapp ah lut nghal in message ka en kual vel a,a tawpah bibi message chu ka en a,
Bibi-i "Sakan alo bia che em 🤭vawiin tlai dawra ka kal khan kan inhmu a i no min dil a,pek loh kha a nuam lo sia ka pe tawp bakah Saka chu i duh dawn lutuk a chhelo rapthlak a nuimawi bawk sia" hi alo tia "Tuman min lo be lo,tu nge Saka pawh chu ka hrelo" tih ka va thawn chuan a en nghal min lo call a rual nghal a..

ON PHONE

Bibi-i : Hmelphak Saka pawh i hrelo maw

Me: Hria ila ka zawt dawn che mi

Bibi-i : Nangnu hi chu uluk tak khan lo ngaithla rawh Saka chu kan college king Lalruatsaka Bawitlung kan class ami chhelo em em mai,hmeichhe ten an en zui vawng vawng thin kha

Me: Hmeichhe zawng zawng in an en lo niang chu ka hriat loh

Bibi-i : Nangte chu hmeichhe ni lo in Robot lawm inih haha

Me: A hrim hrim in ngatan nge ka no te a tih a nga i sawi hmang ah phei chuan a luck hmel ropui si

Bibi-i : I hre lo nih kha vawiin te khan Rakil-i te nen in in biak lai te khan a en nasa lutuk che,i mawl ve bawk sia i hre lo nih kha

Me:Em em a che mu ang anih muttui

Bibi-i : Muttui Saka chuan a bem che chuan yes ngei ngei ang che han no na teh,ka khai ang che

Me:Mu mai teh mumang ah bak a thleng lo ang

Phone chu ka dah nghal a..

A tuk alo nih chuan class pawh a ngai canten ah kan thut lai chuan kan bulah mipa pathum an lo thu ve a,Bibi-i te nen chuan an in bia a keichu ka awi reng ka phone ka lo khawih mai mai a,Bibi in min koh chuan ka hawi chhuak chu min lo melh hlawm thap mai "Eng nge min lo melh thap a" ka tih chuan Bibi chuan "Hei kan classmate te an nih hi hei Joela chuan a bul ami hi Rinfela chuan i bula thu kha Saka " a tih chuan ka en kual diat diat a a tawpah ka bula lo thu Saka chu ka en a,hmai sin lam ngo tawk chiah hmeichhe ten kan tih biangsum nei alo ni,a thu chung pawn a sang tih a hriat "Hi" alo tih chuan ka "Hi" let ve mai a,dar te alo rik chuan class lam kan pan leh thap a

Thla 4 hnuah

Dam chuan ni te hi alo kal chak khawp mai kei leh Saka pawh Official takin kan inngaizawng ve tawh,mahse buaina neuh neuh hi a tam ve khawp chhe zawk zawk kan lo ni lo nen kan inkar a tlak zep tum an tam thin khawp mai mahse hengte hian min tibuai pha lo thiannu kawlh em em leh thianpa den em em te zarah buaina kan la neilo zel phawt a,lehlam zawnga ngaihtuah chuan a nuihzatthlak ang reng..
"Zanin chu kan lo leng dawn nia " tih Saka hnen atang a ka dawng chuan min ti nui ver ver mai,an hman chang a piang hian an lo leng ve thin a a chang te chuan lehkha pawh kan zir ho thin,zan alo nih chuan an lo leng ngei e an thian thum in thingpui ka lum sak ve ngei kha,kan ti ti a dar 9 a rik haw an tum a pawn thleng ka va thlah a,Joela chuan"Monu hual chu thingpui siam i thiam hle mai,a al duak mai"alo ti awii keihi chini aiah chi ka pawlh chiang lutuk Saka chuan" I ho,nangpa phei kha chu bialnu te vawih barh i ching si " a han ti pakhat lah ngawi mai duh bawk silo an in hnial phei char char a..

KUM 3 HNUAH CHUAN (Ti duai mai ang zawh vat vat a post vat ka duh sia, Sunday chhiar tur ah lo post ka duh sia)

Vawiin hian ka nuna thil pawimawh ber ka pasal neih ni tur alo ni ta,ka hlim ani ka hmaa mipa hmeltha leh fel ka tlin loh na zawng zawng nen a min pawm tu a ding ta,Pathian leh a kohhran hriatpui na thlap in Tiam tlat e kan ti ve ta.

Kum 3 chhung khan thil tam tak kan tawng,a chang in kan nui a,a chang in kan tap a,midang te ang bawk in kan pahnih in thian in kan tan a,tun thleng hian ka la theihnghilh thei lo ka nuih hi ala za reng mai ka ngaihtuah a piang hian, kha ni a bialnu ni tura min sawm ni 14 Feb kha kan thian ho kei,bibi,saka,joela leh rinfela te nen Reiek tlangah kan kal nih kha a chhip kan thleng chuan ka hma ah thingthi in bawm sen nalh tak nen a bialnu ni turin min sawm nih kha kei chuan ka lo yes ngei bawm a han hawng chu Nghapih (chengsawm man chi kha) pakhat alo awm,a hawihai hmel mawlh kha kan thiante lah chu an nui nasa lutuk kha an let tawp tawp mai si,lu thak lo pui hiat pah khan "Rinfel,Joel khaw nge zungbun kha" a han ti an ni lah tawngthei an awm lo an let tawp tawp mai nih kha...

"Eng nge ilo ngaihtuah a,nangmah te chauh a ilo nuih suk suk a " tih pah chuan min lo kuah nghal a"Nangmah maw le,ngaihtuah loh theih pawh i ni lo lawm,i bialnu tura min sawm in Ngahpih pack min pe a,i nupui tur a min sawm lah in zawngtah min pe bawk,Siala i nih hi"ka tih chuan alo nui ve suk suk mai "Zawngtah kha chu ka chawhmeh duh ber i tih vang nih kha,Nghapih kha chu ka thiam loh a awm lo,Joela leh Rinfela te an ni kha" a han tia ka va en chuan min lo en ve reng ka chal ah chuan chuk in "Nang ka nei thei che hi khawvel a mipa vannei ber ka ni,1 year kan nih atang tawh a ka mit la tu awmchhun,a thil tih na apiang a a ber ni ziah,hmeichhe fel leh chhuan awm,ka nihna ang ang a min pawm tu ka sual ber lai pawh a ka lu chungah kut nghat a min tawngtai sak thin tu,thilsual ka tih pawh a min kalsan mai lo a kawng dik min hmuh tu ka tan chuan ka lei vantirhkoh ini,nang hi awm lo la he ka hna chelh min ten an zah em em IAS hi ka ni thei kher lo ang,ka kianga i awm reng thin avang in ka lawm e Lalnunthar .......ka hmangaih che ka nupui duhtak..

A tawp ta...




Short story hi dam chuan Sunday tin lo post ka tum deuh a eng nge in ngaihdan comment ah lo sawi ula,Sunday hian chhiar tur a vang thei em em a,Regular Writer te hi Sunday an chawlh ve thin avang in story chhiar tur a awm ngai lo a mi thiam tak tak karah sunday ah ko lo in rawlh ve zuk zuk dawn nih chu 🤭



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)