Lalrintluangi ka ni a, Tluangi tiin min koh thin, tunah chuan kum25 lai ka ni ve ta!! Ani nen a kan hun hman dun thin pawh kha hriat loh karin kum hial lo veiin kum10 dawn a lo liam ve ta reng mai. Kan hun hman dun thin te kha Hmanlai tih alo ngai mai ta erawh phal loh chang ka la ngah mai.
Zirna run sang belin chhungte duh berna school ah ka han lut a, kei erawhin ka school hmasa chhuahsan a school thar luh kha ka phur lem lo hle mai mahse chhungte thu thu kha a ni tlat hnial ngaihna a awm hlawl lo.
Ka school thar chu admission lak niah ka hmu ve chiah a, kan khaw school mahnisela veng dang alo ni nen kei ang chhuak nasa lo tan chuan a lo hriat loh theih ngei mai. Ka school kalna hmasa aichuan a lian in a compound te pawh tehkhin chi pawh a ni lo inthlau tak hi a ni ringawt keierawh chuan ka thian hlui te leh kan school kha ka ngai zawk tho tho.
Ni liamin class pawh tan hun alo ni te reng mai, first day te kha a ka van han nghalhlel lo mai mai tak.
Thian hmelhriat tumah ka nei lo, ka thian Remruati tih loh chu, Ani chu he school ah hian a hma tang a lo lut tawh a ni a, amah chauh chu ka hriat chhun a ni deuh tawp mai.
School kan han kal a, first day a ni bawk nen introduction kan han pe thliar thliar a, teacher lo lut apiang lah chuan introduction min neih tir leh nghal, min hre seng awm tawp silo ka ning hle a ni.
Remruati bulah chuan ka awm deuh tawp a ni mai a chhan chu midang kawm tur in tumah hriat ka nei miau lo, thian siam zung zung chi ka nilo bawk nen.
Remruati chuan thian pakhat kawm thin a nei a, a hming chu Awmpuii a ni.., Ani erawh keimah ang lo takin a tawng duhin mi a be nghal mawlh mawlh a, keipawn rei loteah ka nel nghal thuai a, kan pathum chuan kan inkawp deuh chawt thin.
Class kan tan ni chuan Remruati chuan kan hnung lam a thu mipa pakhat chu bia in thil an sawi luam a, kei chuan ngawi rengin ka lo ngaithla liam deuh tawp.
An awm loh hnu chuan;Ramdinzuala a nih thu leh a felin lehkha a thiam thei a, pakhatna a lak ziah thin thute chu Remruati chuan min hrilh a, a fak hle a, a fel thawkhat a nih ka ring ve deuh tawp mahse a hranpa in ka hre zui tawh lem lo.. Zirlai 50 chuang han hriat reng kha a har em alawm.. Ngaihsak zawng alo nih loh phei chuan.
Kan school hi hnam kan inkalpawlh nasa a, mizo phei chu kan tlem zawk a, a mizo awm chhun hi chu kan intan ve hlawm hle bawk.
Hun chu chelh din lohin a liam ve zel a, chutia class khat nih a mahni mizo puite an loh nih ve zel takah chuan Ramdinzuala te nen pawh chuan kan inkawm ngaih ve ta hle a, thil engkim kan tiho tih theih tur a ni.. Remruati sawi ang takin alo sual loin lehkha a thiam a, kan chhawr tangkai thei hle.
Ramdinzuala chuan kawm deuh bik thian pathum a nei a, Malsawma, Ruatkima leh David-a an ni. An pathum hian an inzui deuh ber zel.
An felin an bul a awm a nuam a, kan thianho chuan an ni bak chu mipa dang kan bia in kan kawm vak ngai lem lo.
Hmeichhe nu zem zem chi ka nilo bawk nen new commer ni mahila an school a an hlauh em em tuman an khin ngam ngai loh nen chuan break laiin kan insual a, mizo ho chuan ka hming lamin min lo au hlawm a, ani a hnam pui ten an lo tan thung, tuman ka telh ta nge pawh an tilem hlei lo a, Ramdinzuala te thian dun lah chu kut beng a ka hming lamin a au ring ring an han ni zui a, hahthlak thin hian
Ka hneh em em lo na in tlawm erawh ka tum hauh lo, mahse zirtirtu thawm a awm takah chuan min hrem hlauin kan duh tawkve ta a..
Khang hun te khan mual min liam San tawhin kan nun dan ho tak tak te chuan min kalsan tawh tih a ni tih chu hrilh nawn ka ngai lo hle.
Nunhlui lunglenthlak tak chu dawn kirin chu zan chawlh na hun chu hmangin ka mutchhuak lutuk a ngaihtuah chhunzawm tawh lo in mut zai ka rel ve ta a
Chutia nunhlui chhui kir a, ka muthilh hnu chuan zing dar6 velah chuan harhin ka dan pangai in ka phone chu ka ban hmasa leh te te a, status update nizan lama ka en loh te chu ka en deuh mai mai a, mahse status nazawng hi ka view ngailo thung. View duh bik te hi ka nei.
Chutia status vel ka view kual lai chuan Ramdinzuala chuan status alo update a, hmeichhe pakhat hmel fiah vak lo hi hmangin caption ah chuan 364 days with u tih hi alo hmang a, chu chuan ka suangtuahna ramah min hruai kir leh ta!!
Ramdinzuala chu ka tan a hlu in atangkai hle a, kawng engkimah ka rin ber alo ni chhoh zel a, kum a vei hnu phei chuan Remruati aipawn kan inkawm nasa tawh zawk hial.
Thenkhat phei chuan inngaizawng ang hialin min ngai thin a, mahse kan pahnih inkarah khan inthian thatna bak a awm lo.
Promotion exam kan han nei a, Ramdinzuala chuan classah pakhat na ala ta ngei a, kei erawh pathumna ka ni thung mahse ka hnual chuang lo a chhan chu kan class a pakhatna kha tudang ni loin Ramdinzuala a ni miau.
Session thar a nia class pawh tan alo hun leh ta a, kan pawl pawh a sang leh sawt ta! Thian pawh a kum hmasa lam ai ngawt ka nei ve ta deuh a, teacher te lah chuan min duhsakin nuam ka ti ve ta hle.
Mahse thil pakhat thleng a awm tlat nilo pakhat mai nilo tam tak a ni.
Kan junior ami Ramhlua chuan a u Rodinpuia nen chuan inngaizawng angin min han sawi ta tlat pek a.
Amah lah chuan awihawm khawp a sawi thin avangin kan school kalpui mai nilo kan chhungte thleng chuan inngaizawng ah min ngai vek tawh.
Kan school kalna a inang thin a, ani erawh kan Senior ani thung, tunah erawh an chhuak tawh thung a,. Kan kohhran ala inang zel nen a chang chuan nuam lo ka tithin.
School, biakin leh in lam thlengin kan pahnih chanchin chu an sawi a, a hun lai na na na chuan a lar vet vet hle.
Ramdinzuala lah chuan kan inngaizawng emaw tiin a ring nghet bur tawh lehnghal. Amah ka vei in, thian angin ka en tawh lo tih reng a hre silo. Ka duh loh zia sawi mahila a ring lo bur a ni deuh tawp mai.
Ramdinzuala nen pawh kan inzui awl lo a, kan zirtirtu te lah min duhsakin kan class-ah chuan class representative ah kan pahnih chuan min ruat a, a hma aiin kan inzui ngawrh zual tih theih a ni.
A chang chuan a hlimawm in hlimawm loh chang pawh a tam tho.
Ka thianpa chung a ka rilru put hnaisai lo deuh chu a hriat chhuah ka hlau a, Theihtawpin ka inthup ve thin a chang chuan amah avang a mipa dang ka hnaih chang lah a tam mahse a lak a ka rilru put hmang erawh a danglam ngai lo.
Nitin school kan kal a, kan haw rual ziah thin. Vengkhatah awm lo mahila veng khat a ka thian neih chhunte aipawn ka hnaih tam zawk.
Chutia kan inkawm a kan inzui nasat em avang chuan thenkhat pawn kan inngaizawng emaw an tihial thin mahse keini erawh thian chauh ni tur a khuanu ruat kan ni a, chu thil chu tihdanglam theih a ni ngai lo ang.
Ngaihzawng a nei ngailo a, a chang chuan nei daih mahsela pawi ka tithin lo a chhan chu beiseina amahah ka neih tlat avangin. Nei tur erawh chuan ka phal chuang hek lo.
Ka mut hmunah Ramdinzuala chu suangtuahna in ka bia a, ka mitthla fo thin. Ka ta han ni se, thian chauh nilo a chuaia thui chu kal chak chang ka ngah thin mai.
Nikhat chu kan senior zing a mi Rochani chuan Ramdinzuala chu a duh thu leh biak ngei a tum thu a sawi a, an bulah erawh ka rilru natna chu ka sawi duh lo. Hlim tak ang a langin an pahnih tan chuan theihtawp ka chhuah thin.
Ramdinzuala pawh chuan Rochani chu hnar reng bik loin an inngaizawng ta a! Chuta ka thinlung ngaihtuahna erawh sawi mai aipawh a na a ni thung. Ni e, nĂ tak a ni nĂ tak.
Ramdinzuala te pawh an inkawp tluang ve zel a, mahse ka laka a thatna erawh a chhiatphah lo.. A chang chuan inthiar fihlim chang ka ngah thin mai.
An Inkar Chungchangte chu min hrilh in an hun hman te hlim tak a, a han sawi te chuan pawn lamah hlim hmel pu mahila chhung rilah erawh ka tap ru fo thin.
Mahse ka tilang lo ang a, a tan chuan ka thup zel ang. Kan inthian thatna hi tihtawp ka phal lul lo.
Ramdinzuala chuan Rochani chu a hmangaih tih ka hria a, chutia a hmangaih a nei thei chu ka lawmpui rualin ka thinlungah thik na nasa tak a awm thin.. Duh ber an neih laiin kei chuan thian ang bak a ka hmangaih ve theih ngai dawn loh avangin.
Chutia ka nunhlui chhui kir a ka suangtuahna ka kawm melh melh lai chuan ka chunnu ngei mai chuan ring mangkheng hian Lalrintluang, lo tho ve tawh em em rawh, chhuah kan duh, chaw ei te angai.. Nula ve uai tawh si thawhna changte hi hriat tur min tiin alo au a
Harh chhuak zawkin engtia rei nge nunhlui ka lo ngaihtuah leh tiin ka phone sana chu ka bih a, awi ka rei! dar9 alo ri tep tawh hi alo ni a, nunhlui ka ngaihtuah karin darkar tam alo liam tawh hi alo ni a, hmanhmawh tak a tho chhuakin room chu ka chhuahsan ta nghal a.
Chutia nunhlui dawn kir reng reng a ka nun ka hman lai chuan hriat loh karin hun pawh aliam ve zel a, Ramdinzuala nen a kan nunhlui erawh dawn kir ka bang ngailo.. Tunlai Tunlai tak phei chu ka ngai zual hle a ni.
Rochani nen pawh chuan an inzui ngawrh chhoh tan a, an hlim hmel te hian chhung rilah natna tam tak min thlen thin.
Ngaihzawng nei sela ka hlim zawk ang a, amah ka duhna pawh a reh hial ka rin laiin, ka duh zia ka hriatchian phah zawk a, a ni telin natna khan min belh hnem zel zawk a ni.
Thian ka kawm hnem phah a, Ramdinzuala Theihnghilh nan chuan ka theihtawp ka chhuah thin mahse chu erawh engmah lo mai a ni.
Kan inthian thatna erawh a Kaltluang zel a, Ramdinzuala pawn min treat dan angai reng mahse kei erawh in a hma angin ka kawm nasa duh tawh lo.
Nui bawk thin mahila chu nuihna phenah chuan natna tam tak a inphum thung.
Kum hial a vei leh hnu chuan Ramdinzuala pawh zirna sang zawk duhna avangin Aizawl lamah a awm sawn ta a, ka zep lo ka ngai thin hle.
A zin chhoh ni chuan a thlen chin apiang min lo hrilh a, a zin kawng tluanin kan inbia a.
Aizawl a thlen hnu pawh chuan chanchin inhrilh tawnin kan inbiak kan thulh ngai lo.
A chanchin min hrilh awl lo a, keipawn kan hun hman dan ka hrilh fo thin. Phone atang a biak kan awl lo a, a chanchin pawh hriat fo ka duh thin.
Aizawl a rei tak a awm hnu chuan Ramdinzuala chu a reh ta hmak mai a, thla khat hnuah chuan Rochani nen an inthen thu chu min hrilh ta a.
A rilru nĂ tak kha ka hmuh hmaih lo. An inngaizawn lai khan thik viau mahila an inthen chu pawi ka tih pui a, Ramdinzuala nĂ hmel khan min hliam ngawih ngawih a ni mai.
Ka theihtawp in ka hnem ve a, chhel tak a awm turin ka fuih fo thin.. A tan ka awm reng thu hrilhin hnem turin a tan ka awm reng thin.
Ani chuan a thian tha takah min chhal a, ka tan chuan a theihtawp a chhuah thin. A rilru hahna min hrilh a, ka theih ang tawkin ka hnem ve thin.
Khaw khatah kan awm loh avangin tun hma angin kan inkawm thei tawh lo a, chanchin pawh kan inhre tawn zeuh zeuh tawh ringawt a ni mai.
Mahsela alak a ka rilru erawh ala ngai reng a, a danglam hauh lo.
Hun aliam zel a, Ramdinzuala pawn ngaihzawng a nei ve ta!
Ka lawmpui rualin ka tan a ruat a ni lo tih ka hrechianh thar nawn leh si.
Nikhat chu Ramdinzuala chuan min lo be teh hlawl a, high school kan kal lai a ka mipa duh chungchang ka hrilh thin chu a hming min hrilh tawh turin min ngen a, kei chuan ka thian tha tak pakhat anih thu leh ani chu kumkhua a ka thian a nih reng tur thu sawiin ani nen chuan kan rem ve ngai dawn loh thu ka sawi nghal bawk. Ani pawh chuan ka sawi hreh zia hrethiamin min zawt zui ta bik lo anih kha.
Nunhlui dawn kirin suangtuahna ram chuan min chhuahsan thei mawlh lo chu a nih hi.
Ramdinzual, engmah lah hi i hre ve silo a, nilo engtikah mah i hre tur a ni lo.
Tunan chuan kan lo upa ve ta! Ramdinzuala pawh Aizawlah ala awm reng a, kei chu Lunglei ah ka awm thung, a hmingin hna pangai tak ka thawk ve tawh. A hma atang a ka lo chak thin angin Higher lamah Mizo subject ka zir tir a ka hna chu nuam ka tihle bawk.
Ramdinzuala pawh a chak ang ngeiin doctor a ni a, mistri doctor erawh a ni ta lo.. Kan naupan deuh lai khan doctor nih kha a tum thin a Fiamthu in mistiri doctor ni rawh kan ti thin kha ania.
Kum leh ni te an Dec12 ah chuan Ramdinzuala chuan nupui aneih dawn thu leh kal ve ngei tur a sawmna card chu ka dawng ta!!
Ramdinzuala pawn tiam tlat e tiin a hun a hmang ve dawn ta der mai!
Ka kal ngei tur thu leh ka lawmpui. Thu chu call in ka hrilh nghal zat bawk.
Ka thinlungin hman atang a lo vei reng tawh chu hmeichhe pakhat in a damchung zawngin a nei bik dawn ta der mai. Ka lawmpuiin ka hlim mahse ka rilru tur erawh inhriatthiam mai ka ring.
Dec10 ah Aizawl panin ka chhuak a, Ramdinzuala te. Inah ka innghat deuh tawp a, hmun dangah khan ka peih buai lo ani bakah ka thleng lo ngai pawh a ni chuang lo.
Inneih ni chuan ka theihtawp in ka inbuatsaih ve a, ka thianpa tan a ka tihtheih hnuhnung ber a ni dawn a ni tih ngaihtuah in chu a ni Pawimawh ah chuan rilru na hmel hmuh ka duh lo.
A ruk erawh chuan ka mittui engzat nge ka sen ka hrelo.
Biakin kan thleng a,mo a lo luh hnu chuan Pastor chuan innei te chu kutsuih sakin thu a tiam tir a, an thutiam ka hriat hnu chuan Ramdinzuala nen pawh kan inhlat sawt a ni tih ka hre thiam ve ta!
Inkhawm banah. Chuan. Thlalak ho na te kan nei a, rei lo teah haw nghalin a tuk zing lam a lunglei pan nghal mai chu ka tum ta zawk a.
A tawpna Ramdinzuala te nupa lam chu hawiin ka thian chauh i ni tia phun sepin Aizawl. Khawpui chu ka chhuahsan ta a ni.
Thla7 hnuah chuan Ramdinzuala nupui pawh a rai ve ta a,, Ramdinzuala chuan hlim takin min lo hrilh hnuah 'ani tei i nih tep tawh"tiin a nui deuh reng mai.. Ka lawmpui a, fa duhawm tak an neih rei ka ring bawk.
Keipawn Ramdinzuala meuhin fa hial a neih dawn takah chuan hmalam pan tumin ka ke ka pen ve tan ta a.
Ramdinzual, Nang nen chuan thian a tawp tur a khuanu ruat kan ni a, kan kar tinghettu tan thian hmangaihna bak a thlen a rem ngai lo a, a rem leh pawn ka ring chuang hek lo.
I hringnun hlim tak a hmangin i nupui leh i fa lo piang tur tan inngahna tlak ni mawlh ang che.
Ramdinzual, ka ngai che.
Keimah a phun sepin atawp nan Ramdinzuala nen a kan nuihlui chu dawn kirin ka mit ka chhing ta riai riai a.
Thenkhat chu kan nunah hmangaihna thlentu nisiin inhmangaiha kan len dun rempui ngai hauh loh tur an ni a, kan nunah lo lang mahsela an lo lan chhung dawn kir a, lunglenna hnutchhiah tu mai an lo ni zawk thin.
I thian thatna chu hlu viau mahsela thian nih avang a hmangaihna sawichhuah rem silo tham ral ta hi a awm nual ka ring
Short story in bul ka'n tan ve chhin chu ania, eng teh ual chu kan ang lo mai thei a, a vawikhatna te a ni sia nakinah pangai deuhin lo ziah ka la tum ang.. Inzirnan ka lo hmang ve chhin zuai a ni e
