FOREVER YOUR'S

Story tawi te te emaw luanliamna emaw post na
Kimzz MT
Posts: 20
Joined: March 8th, 2023, 1:19 pm

FOREVER YOUR'S

Unread post by Kimzz MT » March 12th, 2023, 3:31 pm

Ramdinzualate pawn fapa duhawm tak an nei ve tawh a, a hmingah chuan ka hming telh tir ve a duhtlat avang in Lalthantluanga tih an phuah a,'tluangtluang' tihin an koh thin keini erawhin a hmingin kan koh phallo a, 'Bawihte' tih in kan koh thin.

Bawihtea chu a felin a duhawm em em a, tumah duhloh a neilo leh nghal a, tupawh hian an lawm a ni mai.

Keipawh bawihtea pian lai khan class chawlh lai a lo ni nen thla khat hial ka cham chilh nghe nghe a, bawihtea pian laia Ramdinzuala hlim hmel kha ka mitthlah ala cham reng thin. An nu nau neihna room-a a awm lai te chuan awmngaihna a hrelo hi a ni tawp.. A hlim hmel ka hmuh khan keipawh kha ka thinlung zawng zawngin ka hlim a ni.

An nu pawh nau aneih hnu phei chuan hnathawh tir a phal tawh lo a, inah nau enkawlin a dah deuh tawp a, hna a thawh tir phal kha ka ring lo hrim hrim. An nu in hnathawk lo mahsela a hna pawh hian a chawm zo hrim hrim.

Ramdinzuala pawh fa hial a neih takah chuan keipawh in zawi zawiin duh loh ka zir ve zel a, a chang chuan a harsa lam hret hi a ni thin.

Board exam lai anih avangin kan school pawh kan tang hle a, chawlh kan nei meuh lo. Naupang ho pawh tlaiah extra class kan kalpui a, zan lamah pawh school-ah kan riah pui hial.

Kan buai em em a, thil dang hi ka ngaihtuah hman lo. Kan naupang ho an titha lo ang tih mawlh chuan rilru a luah a, naupang aimahin zirtirtute hi kan tang zawkin ka hre thin.

Zirtirtu hna hi a hahthlak tih chang ka ngah thin mahse a hma atang a ka thawh chak a ni a, chau viau thin mahila hreawm ka tingai lo. Kan naupangte hian min tihlim thin.

Bawihtea pawh ka ngai reuh tawh hle a, exam zawh velah zin ka tum nghe nghe.

Vawiin chu Pol. Sc exam ni a ni a, ka subject anih loh avangin duty turin min ruat a, Hall no3. Ah chuan ka duty ve ran a, ka duty pui tur chu alo la thleng lo a, keimahin ka lut hmasa ta a.

Ka lut fel deuh awr tiah chuan ka lam panin mipa pakhat hi alo lut a, en chuang lo chuan ka lehkha ken luh ho chu ka rem fel mawlh mawlh a, chutah ka bul chiah chair ah chuan alo thu a, a rim tui tak chu ka hip chiang hle mai.. Ka melh ta nghal a,a pa lianin a khabe hmul hi alo zuah deuh bawk a, ka nel chi a ni vak lo nghe nghe.. A induh hmel ka tiin chutia kan duty tlang tur pawh chu ka phur vak lemlo.

Dar alo ri a, paper chu kan sem nghal a, reiloteah tawngchhuakin naupang ho chu fair tak a exam tur leh tumah inbe lo a, question awm ang ang chu chhang zo turin a tihlawm a.

Ka lam lo hawi a, kiai sukin a kut chu alo lek kang a, Hmangaihsanga a nih thu leh Geography alak thu chu a sawi a, keipawh chuan ka hming chu ka hrilh a, ka kut chuan a kut chu ka vuan ve nghal a, a tawng duh em em zui a, a hmel en ang tawp chu a ni hauh lo.

Rin aiin keipawh chuan ka kawm nel a,kan veng awmna te min zawt a, keipawh chuan tha tak in ka chhang ve thuai a, an veng hming erawh ka zawh buai ngailo in 'Bazar vengah' a awm thu chu a sawi zo nghal a, ka eng hria ni maw ka lo chhinchhiah ve em em ringawt.

Exam an zawh hnu chuan number te in pe tawnin kan chhuak dun a, kan haw hnu pawh chuan min thlah a tum tlat avangin ka hnial duh bik ta lo a, kan inthleng min thlah ta nghe nghe a, "Lo len ziah tur a nih hi" Khi suk a atih chuan ka lo lai ve em em ringawt.

Zanah chuan call ka dang zawm zat a, tunge ani tih hrilh nawn ka ngai lo, Hmangaihsanga ngei a ni.

Rei tawk tak kan inbiak hnu chuan kan dah ve ta hram a, ka chhungrilah hian ka hlim veng veng hi a ni tawp.

Ramdinzuala nupui neih hnu a, mipa vang a ka nuih leh hmasak ber a ni.

Exam pawh kan zo ve tawh a, Hmangaihsanga nen pawh kan la inbe reng zel, a lo leng fo a, Ramdinzuala pawh ka vei em em ta lo! A chang chuan ka theihnghilh hial thin.

Ka tum ang ngeiin exam kan zo fel ta bawk a, Bawihtea hmu turin Aizawl lama zin chu ka tum ta a, ka tihfo thin anih avangin ka chhungte pawn ngaiah an nei tawh. Bawihtea pawh ka ngai tawh hrim hrim.

Hmangaihsanga chu zanah alo leng a, naktuk lama min bazar pui turin ka sawm a, ani pawh chuan a hman thu sawiin bazar chu kan tum ta a, a haw hnu chuan a thlen tawh thu min lo hrilh leh thlap tawh.. Inngaihzawnna lam sawi lo mahila kan chhungte erawhin inngaizawng emaw min ti vek tawh thung.

Zingah chuan dar10 velah kan inchu a lo thleng a, bazar tur chuan kan chhuak ta a, Electric veng a kan awm tho avangin a bike erawh kan inah kan dah a, ke in kan kal thung.

Naupang thil hlir ka en avang chuan Hmangaihsanga chuan mak min tih hmel hle a, kei chuan ka thianpa fapa Aizawl lam ami tan ka lei anih thu leh naktuk lama Aizawl kal ka tum thu ka sawi. Chuan mak a ti em em ta lo.

Dawr pakhat kan luh leh chuan naupang thawmhnaw bawk chu kan en dun leh a, dawr nghaktu tleirawl chuan min enchung hian "in² hmeh nupa tawp, infapa chu a hmeltha ngawt ang in lo hruai ve lo ami" Nui sang hian alo ti a, ka lo lai em em ringawt. Hmangaihsanga chuan "A nu hi a chhun lutuk" Alo tinghal a, awi nupa kan ni maw a tihrim hrim ang. Hmangaihsanga chu hmer vakin ka kalsawn pui nghal daih a.

Zanin Hmangaihsanga chu alo leng miah lo mai a, ka ngaih a tha lo ringawt, ka awm. Thiam. Lo a ni deuh tawp mai.. Kawngka lam chu ka hawi deuh chhen a, Kawngkhar ri hlek te chu ka ngaihven thei hle. Ka chhungte lah chuan min fiam reng a, kan inngaizawng tawp silo.

WhatsApp a biak ka tum lah chuan a online bawk silo. Hreawm hi ka tingawih ngawih.

Lungawi lo deuhin roomah ka lut a, ka phone pawh ka khawih peih lo. Ka mood hi a off a ni tawp. Ka muhil thei der bawk silo. Chutia ka leh leh lai chuan ka room kawngkhar a lo rik takah chuan peih lo deuhin ka tho a, ka hawn chuan Hmangaihsanga ngei mai chu ka hmaah alo ding ka hmuh chuan ka inveng hman lo ka lo kuah deuh tawp a, mahse harh chhuak thutin ka thlah thuai a, lut turin ka sawm nghal a, ka zak ngei mai.

Alo luh chuan ka khum bul sofa ah chuan thuin nidang ang lo takin angawi reng mai a, a awm dan chuan min tihrilhhai tawp. Nidang a tawng duh deuh kha a ngawi ngul mai.

Mak ka tih em avang chuan pan hnaiin a bulah chuan ka thu a, a that leh that loh ka zawt nghal a, chutah lo che thutin ka hmuiah chuan min lo fawp thut a, ka rin loh tak a chet avang chuan ka meng kawk a, ka hamhaih vek a ni mai.

Chutah a inlak hran hnu chuan ka kutah vuanin ka mitah tak chuan min en a " Tluangi, ka duh che, ka duh tak tak che, ka zep thei tawh thlawt lo. Thian angin ka en thei tawh lo che. " Tiin a ngawi a, kei chuan ngawi rengin ka lo en thung chutah tawng chhuak lehin " Tluangi, ka duhna che hi a rei tawh asin! Mahse min kalsan ka hlauh avangin ka insum a, tunah chuan ka thei tawh lo. Ka ngaina takzet che a ni" A tih leh a.

keipawh chuan ka haw lo a, ka ngaina ve takzet a ni tih ka hria, mahse chhan mai dan ka hrelo a ni.

Hmangaihsanga chuan " Min duh ve lo anih pawhin hreawm tiduh suh, mahse ka zep thei ngang lo ani" tia thoin chhuah a tum a, ka room a chhuahsan hma chuan hmanhmawh taka tho in a kutah chuan ka vuan a " Hs, keipawhin ka ngaina che alawm" Ka ti let ve ta a, Chumi ka sawi zo chu Hmangaihsanga chu ka lam lo hawiin min fawp leh nghal a, keipawh chuan ka lo chhang let ve ta a, Hmangaihsanga nen chuan kan inngaizawng ve ta der mai!!

Naktuk a Aizawl kal tum ka nih avang chuan Hmangaihsanga pawh leng rei loin a haw hma a, Aizawlah lah chuan min zui a tum nghet bur bawk si dan ngaihna ka hre hlol lo. "Sumo a kal angai lo, ka carin kan kal dawn nia a hahdam zawk" a tih tlat avang chuan min zui ve tur chuan thu kan titlu ta a.


2years later...

Kum 1 zen zawn kan inzui hnu chuan kan lo naupang chhe lutuk tawh lo nen Hmangaihsanga nen chuan kan innei ve ta a, tunah chuan fanu duhawm tak kum1 vel kan nei tawh a, kan chhungkua chu kan hlim tawk hle.

Kan fanu chuan min tihlimin, kan nun chu a famkim ngawih ngawih tawh tuh dang mah kan ngai bik lo. Ka pasal chuan min Hmangaihin min duat hle a, ka lungawi loh tur zawngin a awm ngailo.. A famkim ngawih ngawih a ni mai.

Hmangaihsanga hi ka tawng lo ang tih ka hlau a, ani ka tawng hi Pathian hnenah lawmthu ka sawi fo thin.

Ramdinzuala te pawn fa pathum an nei tawh a, tunah hian an nu pawn palina a pai mek bawk. Hmangaihsanga nen an Inkawmngaih a, chhungkaw thian tha tak kan nizui a, mahse ka lo hmangaih tawh thin tih erawh tunthlengin Tu man an la hrelo a, hriat tir ka tum hek lo.

Chiang tak a ka hriat chu ka pasal hi ka hmangaih a, ani ka tawng hi ka damchhung a ka lawmna a ni. Ka pasal atan ka thlang hi ka inchhir lo a, ka inchhir ngai bawk lo ang.

Hmangaihsanga kan fanu muhil chu thlir in keipawh Hmangaihsanga kuah chung chuan khumah chuan ka mu ve ta a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)